မုရန် မဂ္ဂဇင်း

လွတ်လပ်ခြင်းဖြင့် ဘုရားရှင်အား ကိုးကွယ်မည် Christian Ezine

Wednesday, Jul 29th

Last update03:30:37 PM GMT

You are here:: ၀ိညာဉ်ရေးရာ ဘ၀အတွေ့အကြုံ စင်ကာပူမှပရဒိသုဘုံ

စင်ကာပူမှပရဒိသုဘုံ

E-mail Print PDF



မင်းဟင်္သာ (အင်းစိန်)

ယေရှုကလည်း ငါအမှန်ဆိုသည်ကား ယနေ့ပင် သင်သည် ငါနှင့်အတူ ပရဒိသုဘုံ၌ ရှိလ်ိမ့်မည်ဟု မိန့်တော်မူ၏ (လု ၂၃း၄၃)

အထက်ပါ ယေရှုခရစ်၏ မိန့်တော်မူချက်သည် ကရာနီကုန်း တောင်ပေါ်မှာ ကိုယ်တော်နှင့်အတူ လက်ဝါးကပ်တိုင်မှာ ရိုက်ထားခြင်းခံရသော လူဆိုးတစ်ယောက်အား သေမင်းကို မကြောက်မရွံပဲ ပရဒိသုဘုံ၌ ခံစားရမည့် ငြိမ်သက်ခြင်းအား မျှော်လင့်လျှက် ရဲရင့်စွာ ရင်ဆိုင်စေနိုင်ခဲ့သည်။ ထို့အတူ ကျွန်တော်သည်လည်း လွန်ခဲ့သည့် ၁၆နှစ် (၁၉၉၄) တွင် နိုင်ငံခြား အလုပ်လာရှာရင်း သေမလောက် ကြီးမားသော ဒုက္ခများ ခံစားရသည့်မှ ကယ်တင်ခဲ့သော စင်ကာပူမှ ပရဒိသုဘုံကို တမ်းတလျှက် ပြန်လည်ဝေမျှပါရစေ။ ကျွန်တော်၏ ၂၀၀၉ခုနှစ် စက်တင်ဘာလထုတ် သခင့်စကားစာစောင်၌ သက်သေခံခဲ့သော စင်ကာပူမှ ငိုလှိုက်သံတွင် ကျွန်တော်၏ ဘ၀နှင့် ရင်းနှီးပြီးရရှိခဲ့သော အတွေ့အကြုံ၊ ဘေးဒုက္ခ၊ ဆုံးရှုံးခြင်းများထဲမှ ကိုယ်တော်၏ ကောင်းမြတ်ခြင်းများကို ဖေါ်ပြခဲ့ပြီ၊ ယခုဝေမျှသက်သေခံချက်မှာ ယခင်တင်ပြခဲ့ခြင်း၏ တဒေသအဖြစ် ပို၍ အားဖြည့်လျှက် ကိုယ်တော် အလွန်ကောင်းမြတ်ခြင်းကို မျက်ဝါးထင်ထင် ထင်ဟပ်စေမည်ဟု ယုံကြည်မိပါသည်။

ကျွန်တော် နိုင်ငံခြားသင်္ဘောတွင် ရေဒီယိုအရာရှိ ရာထူးတာဝန် ထမ်းဆောင်လို၍ အမိမြန်မာပြည်မှ ထိုင်းနိုင်ငံ ဘန်ကောက်မြို့သို့ ၁၉၉၄ခုနှစ် မေလတွင် ထွက်ခွာလာပြီး၊ နှစ်ပတ်တာမျှ ဘန်ကောက်တွင် မိတ်ဆွေတစ်ဦး၏ နေအိမ်၌ နေထိုင်စားသောက်စားရိတ် တစ်နေ့လျှင် ဘတ်ငွေ (၁၀၀) နှုန်းဖြင့် တည်းခိုရင်း ရာထူး၊အလုပ်ကို ရှာဖွေခဲ့ပါသည်။ မြန်မာပြည် လေကြောင်းပို့ဆောင်ရေး ညွန်ကြားမှု ဦးစီးဌာန ဆက်သွယ်ရေးအရာရှိ တာဝန်ထမ်းဆောင်ခဲ့ပါသော်လည်း နိုင်ငံခြားသင်္ဘော ရေဒီယိုအရာရှိ အတွေ့အကြုံ လုံးဝမရှိသဖြင့် မည်သည့်သင်္ဘောလိုင်းကမှ အလုပ်မပေးခဲ့ပါ။ ယင်းကြောင့် သင်္ဘောရေဒီယို အရာရှိအလုပ်  ပိုမို၍ ရနိုင်ခွင့်များသည့် စင်ကာပူနိုင်ငံသို့ ဆက်လက်ထွက်ခွာရန် ကြံစည်လျှက်ရှိသည်။ ယင်းသို့ ကြံစည်ရာတွင် ရှေးဦးပထမ၊ စင်ကာပူနိုင်ငံရောက်လျှင် နေထိုင်ရန် နေရာကို အဓိကထား စဉ်းစားရာ ယခင်မြန်မာပြည်မှာ လေကြောင်းဦးစီးဌာန၌ ဆက်သွယ်ရေးအရာရှိ တာဝန်ထမ်းဆောင်စဉ်၊ ရင်းနှီးခင်မင်ခဲ့ပြီး၊  လက်ရှိ စင်ကာပူနိုင်ငံတွင် အလုပ်လုပ်လျှက်ရှိသော မိတ်ဆွေအင်ဂျင်နီယာများထံ အကူအညီတောင်းခံခဲ့ပါသည်။ အင်ဂျင်နီယာတစ်ဦးမှ လိုလားစွာ စေတနာမေတ္တာအပြည့်ဖြင့် သူငှားရမ်းနေသော အခန်းတွင် ခေတ္တတည်းခိုနိုင်စေရန် စင်ကာပူသား အိမ်ရှင်ကို ခွင့်တောင်းခဲ့ရာ သဘောတူညီမှု ရခဲ့ပါသည်။ ကျွန်တော်သည် ဘန်ကောက်မြို့မှ မျှော်လင့်ချက်အပြည့်ဖြင့် စင်ကာပူသို့ ထွက်ခွာပြီး ချန်ဂီလေဆိပ်တွင် ယင်းမိတ်ဆွေမှ လာရောက် ကြိုဆိုကာ ၄င်းနေထိုင်ရာ ကလီမင်တီရှိ တိုက်ခန်းသို့ တက္ကစီကားဖြင့် ခေါ်ဆောင်သွားခဲ့ပါသည်။

ကိုယ်တော်ရှင်ဘုရား၏ စီမံချက်သည် ကြီးမြတ်လှကြောင်း ချီးမွမ်းရင်း ဤနိုင်ငံတွင် သင်္ဘောရေဒီယိုအရာရှိ ရာထူးအလုပ်ရမည်ဟူသော မျှော်လင့်ချက် အပြည့်ဖြင့် စင်ကာပူ၏ ပထမဆုံးညကို ပျော်ရွှင်စွာအိပ်စက်၊ ကုန်လွန်စေခဲ့ပါသည်။ သို့ရာတွင် ကျွန်ုပ်၏ မျှော်လင့်ချက် မြင့်မိုလ်တောင်ကြီးသည် နံနက်မိုးသောက် အိပ်ယာမှ ထထခြင်း ကွယ်ပျောက်ရလေပြီ။ အိမ်ရှင် စင်ကာပူနိုင်ငံဖွား အိန္နိယနိုင်ငံဘွား အမျိုးသမီးမှ ကျွန်တော့်အား တစ်ညတာ အိပ်ခွင့်ပြုပြီး စိတ်ပြောင်းသွားကာ၊ ဆက်လက်လက်ခံလိုခြင်း မရှိတော့ကြောင်း၊ မိတ်ဆွေက ပြောကြားလာပြီး အမြန်ဆုံး ပြောင်းရွှေ့ပေးရန် ပြောကြားလာပါသည်။ ယခုလို လုံးဝ မမျှော်လင့်သော သတင်းဆိုးကြောင့် ဆောက်တည်ရာမရ၊ ငယ်ထိပ်တွင် မြွေပေါက်ခံရသည့်အလား အလွန်မှ စိတ်ပျက် အားငယ်ခြင်းကို ခံစားရပါသည်။ အလွန်မှ သဘောကောင်းပြီး လူများကို ကူညီတတ်သူ သူငယ်ချင်းအင်ဂျင်နီယာလည်း အိမ်ရှင်အား စိတ်ဆိုးပြီး ကျွန်တော်ကို ၄င်း၏ အခန်းတွင် ခေတ္တတည်းခိုခွင့် မရရှိပါက၊ သူလဲ ပြောင်းရွှေ့တော့မည် ဖြစ်ကြောင်း အိမ်ရှင်ကို နို့တစ် ပေးခဲ့ပါသည်။ ကျွန်တော့ကြောင့် တည်ငြိမ်အေးချမ်းစွာ အလုပ်လုပ်နေရသော သူငယ်ချင်း ဒုက္ခလှလှကြီး ရောက်ရမည့် အရေးကို ငှဲ့ညာသောအားဖြင့် ကျွန်တော် အမြန်ပြောင်းရွှေ့ရန် စီစဉ်တော့သည်။

ရေဒီယိုအရာရှိ ရာထူးတာဝန် ထမ်းဆောင်ရန် အလုပ်ရှာဖွေနေသော တခြားမိတ်ဆွေတစ်ယောက်ထံ ဖုန်းဆက်ရာ၊ သူတို့လို အလုပ်ရှာဖွေနေသူများကို အခကြေးငွေမယူ၊ မိခင်မေတ္တာဖြင့်၎င်း၊ အိမ်တွင် ခေတ္တတည်းခို နေထိုင်စေပြီး အလုပ်၊ရာထူး၊ နေရာများကို စေတနာ အပြည့်အ၀ဖြင့် ၀ိုင်းဝန်း၊ ကူညီ ရှာဖွေပေးနေသော မြန်မာနိုင်ငံသား အိမ်ရှင် အန်တီကြီးကို ပြောဆိုခွင့်တောင်းခဲ့ပါသည်။  ကျွန်တော့အား ချက်ချင်း ပြောင်းလာရန် တယ်လီဖုန်းဖြင့် ပြောကြားလာပါသဖြင့် လက်ရှိမိတ်ဆွေ အင်ဂျင်နီယာကို ခွင့်ပန်ပြီး POTONG  PASIA ရှိ အန်တီကြီးအိမ် ပြောင်းရွှေ့ခဲ့ပါသည်။ ယခုကဲ့သို့ စင်ကာပူနိုင်ငံတွင် အလုပ်ရှာရင်း နေထိုင်တည်းခိုရန် နေရာအတွက် အလွန်ဒုက္ခရောက်နေစဉ် နေစရာနေရာ စီမံပေးခဲ့သည့် ကိုယ်တော်ရှင်အား ချီးမွမ်းရင်း၊ ကျေးဇူးတင်ရင်း အဆထက်ပိုမို ချီးမွမ်းရပါသည်။

အိမ်ရှင်အန်တီကြီးအိမ်တွင် အလုပ်လာရောက် ရှာဖွေနေကြသော မြန်မာပြည်သားများကို မေတ္တာအပြည့်ဖြင့် လုံးဝ အခကြေးငွေမယူပဲ နေထိုင်တည်းခိုခွင့်ပြုလျှက် မိသားစုစိတ်အပြည့်ဖြင့် နေထိုင်သည့်လူများသည်လည်း မိမိအထဲမှ ခေါင်းဆောင်တစ်ဦးအား ရွေးချယ်ထားပြီး၊ ၄င်း၏ အစီအစဉ် ကြီးကြပ်မှု (အိမ်ရှင်အန်တီကြီး၏ ပဲ့ပြင်ညွန်ကြားမှုအားဖြင့်) စုပေါင်းချက်ပြုတ်၊ လျှော်ဖွတ်၊ သန့်ရှင်းရေး၊ အိမ်မှုကိစ္စ အ၀၀ ကိုလုပ်ဆောင်ရပါသည်။ အန်တီကြီး၏ စေတနာ မေတ္တာ၊ ယိုင်းပင်းမှုများကိုလည်း ထပ်တလဲလဲ ချီးမွမ်းရပါသည်။ နေထိုင်သူများထံမှ ငွေကောက်ခံ၍ အမှန်ကုန်ကျစားရိတ်အတွက် မျှပေးသောစနစ်ဖြစ်ပါသည်။ အ၀တ်ဟောင်းများကိုလည်း သူ့အ၀တ်၊ ကိုယ့်အ၀တ် မခွဲခြားပဲ၊ အ၀တ်လျှော်စက်ကြီးတွင် ထည့်လျှော်ရပါသည်။ အိမ်တွင် တည်းခိုလျှက်ရှိသော သူများမှာ အလွှာအသီးသီးမှ လာသော အလုပ်ရှာသူများ ဖြစ်သဖြင့် အစစအရာရာ စည်းကမ်း သတ်မှတ်ရပါသည်။ နံနက်စာ၊ ညစာကို သတ်မှတ်ထားချိန်တွင် အတူတကွ စုပေါင်းစားရသဖြင့် စင်ကာပူမြို့တွင် အလုပ်သွားရှာသည့်သူများ အချိန်မီ ညနေစာအတွက် သတ်မှတ်သောအချိန်တွင် ပြန်ရောက်လာပြီး ညနေစာ စားသောက်ရပါသည်။ အလွန်ကောင်းသော စနစ်ဖြစ်ပါသည်။ ဘန်ကောက်မိတ်ဆွေတစ်ဦး၏ အိမ်တွင် တစ်ရက် ဘတ်တစ်ရာဖြင့် တည်းခို နေထိုင်စဉ်က စားသောက်ချိန် သတ်မှတ် မထားသဖြင့် အရင်ဦး၊ စားသောက်ရသူများ ၀လင်စွာ စားသောက်ရပြီး၊ အလုပ်ရှာရာမှ နောက်ကျ ပြန်ရောက်သူများ တစ်ခါတစ်ရံ အဖတ်မပါ၊ အရည်ချည်းကျန်သော အသားဟင်းများ မှီဝဲရခဲ့ဖူပါသဖြင့် ယခု စင်ကာပူမှ အန်တီကြီး၏ စီမံမှုမှာ စူပါပင် ဖြစ်တော့သည်။ ယင်းအန်တီကြီးနေအိမ်တွင် တည်းခိုနေထိုင်ပြီး အလုပ်ရှာဖွေနေသည့် သူများ ၂၀ဦးကျော်ကျော် အမြဲရှိနေပြီး အသီးသီး၊ အသက.အက မိမိတို့ အလုပ်ရရှိရေး၊ ရှာဖွေ ရုန်ကန်နေကြရပြီး၊ တစ်ယောက်နှင့် တစ်ယောက်လည်း ညီရင်းအစ်ကိုပမာ အလုပ်ရရှိရေးအတွက် ဖေးမ၊ ကူညီနေကြသည့် ဓလေ့ကိုလည်း ချီးမွမ်းရပါသည်။

တစ်ပတ်တာမျှ ယင်းအိမ်တွင် တည်းခိုရင်း၊ ရေဒီယို အရာရှိရာထူး အလုပ်ကို ရှာဖွေခဲ့ရာ၊ ကြိုးပမ်းခဲ့ရာ မရရှိခဲ့သဖြင့် လုပ်အား၊ သဲထဲရေသွန်သလို အချီးနှီးဖြစ်ရတော့သည်။ ယင်းသို့ တည်းခိုနေထိုင် အလုပ်ရှာရာတွင် သင်္ဘောအလုပ်ရှာသူများ စုဝေးဆုံစည်းရာ တရုပ်ကြီးဆိုင်သို့ နေ့စဉ်လိုလို ရောက်ပြီး၊ မြန်မာစကား ပြောတတ်သည့် စလုံးတရုပ်ကြီးဆိုင်မှ နေ့လည်စာ ခေါက်ဆွဲ၊ ထမင်းကျော် စသဖြင့် ၀မ်းဖြည့်ခဲ့ရသည်။ ဤသို့ အလုပ်ရှာဖွေနေရင်း တရွာမပြောင်း၊ သူကောင်းမဖြစ်ဆိုသည့် စကားအတိုင်း အီးပီဖြင့် အလုပ်လုပ်နေသော အခြား သူငယ်ချင်း အင်ဂျင်နီယာအခန်းသို့ ပြောင်းရွှေ့ခဲ့ပြန်သည်။ အကြောင်းမှာ ယင်းသူငယ်ချင်း၏ စလုံးအိမ်ရှင်မှာ အခြား တစ်နေရာတွင် နေပြီး လက်ရှိတိုက်ခန်းမှ တစ်ခန်းကို သူငယ်ချင်းအား ငှားရမ်းထားသဖြင့် တစ်အိမ်လုံးတွင် သူငယ်ချင်းနှင့် ကျွန်တော် နှစ်ယောက်တည်း နေထိုင်သကဲ့သို့ လွတ်လွတ်လပ်လပ်၊ ကျယ်ကျယ်ဝန်းဝန်း နေရသဖြင့်၊ အလွန်မှ စိတ်ပျော်ရွှင်မှု ရရှိခဲ့ပါသည်။ အစားအသောက်အတွက်လည်း ဆိုင်ထမင်းဟင်းဖြင့် အဆင်ပြေချောမွတ်နေပါကြောင်း၊ သို့သော် (၂)ရက်မျှ တည်းခိုပြီးနောက် ကံဆိုးမ သွားလေရာ မိုးလိုက်ရွာ ဆိုသည့်စကားအတိုင်း ပြဿနာကြီး ကြုံရပြန်ပြီ။ အကြောင်းမှ မည်သည့်အကြောင်းကြောင့် မသိရပဲ အိမ်ရှင်က ကျွန်တော့သူငယ်ချင်းအခန်းတွင် လူပို မလိုချင်တော့ကြောင်း ပြောဆိုပြီး အမြန်ဆုံး ပြောင်းရွှေ့ခိုင်းပြန်သည်။ ကျွန်တော့ဘ၀လဲ မည်ကဲ့သိုပ ဖြစ်နေသည်ကို မသိ၊ စင်ကာပူရောက်ပြီး ၁၁ရက်အတွင်း တည်းခိုရာနေရာ (၃)ကြိမ် ပြောင်းရွှေ့ခဲ့ရသည်။ ဒီအကြိမ်တွင် ဆောက်တည်မရ စိတ်အပျက်ကြီးပျက်ကာ ကိုယ်တော်ရယ်၊ ကိုယ်တော့်သား စိတ်ဓါတ်က အ၀ိဇီသို့ပင် ဇောက်ထိုးကျနေပါပြီ။ ကယ်ပါ၊ လမ်းပြပါ၊ စောင်မကူညီပါရန် ရှိုက်ငင်မျက်ရည်ဖြင့် တောင်းခံခဲ့ပါသည်။ ကိုယ်တော်ရှင်၏ လမ်းပြ မစမှုကြောင့် ငယ်သူငယ်ချင်း မွန်အမျိုးသမီး စတီရီယိုတေးသံရှင် ညိုညိုရိမ် စင်ကာပူတွင် ရှိနေသည်ကို သတိရလျှက် သူမထံဖုန်းဆက်ပြီး ကိုယ်တော်ရဲ့ ဆိုးလှတဲ့ သားအဖြစ်ကို ရှင်းပြကာ နေစရာ အကူအညီရှာဖွေပေးရန် ပြောကြားခဲ့ပါသည်။ သူမက ချက်ချင်းပင် ဘာမှ စိတ်မပူပါရန်၊ ကျွန်တော့်အတွက် ဘုရားသခင် စီမံပေးထားသော အိမ်ရှိပါသည်ပြောပါသည်။ စင်ကာပူမြန်မာခရစ်ယာန် မိတ်သဟာရအဖွဲ့မှ ဆရာနှင့် အဖွဲ့လူကြီးများသည် စင်ကာပူတွင် အလုပ်လာရောက်ရှာဖွေနေသူများ အလုပ်မရရှိမှီ နေထိုင်စရာ၊ အခက်အခဲများအတွက် ဒုက္ခရောက်နေသူများကို ကို မိခင်၊ ဖခင် မေတ္တာစိတ်ဖြင့်  ဘုရားသခင်၏ တစ်ဖက်သတ် ချစ်ခြင်းမေတ္တာကို ပြသလျှက် စရိတ်ငြိမ်း၊ တည်းခိုစေ၊ ကျွေးမွေးထားသည့် အိမ်နေရာရှိကြောင်း၊ ဆရာ့အား သူမ၊ မေတ္တာရပ်ခံပေမည်ဖြစ်ကြောင်း နှစ်သိမ့်စကားကြားရသည့်အခါ မဖေါ်ပြနိုင်သော စိတ်ငြိမ်သက်ခြင်း ရရှိခံစားလိုက်ရပါသည်။ နောက်တစ်ရက်တွင် ဆရာတို့ရဲ့ BERTLEY RD, UPPER PAYA LEBAR RD လမ်းဆုံနားရှိ ROCHDALE RD လမ်းပေါ်ရှိ နှစ်ထပ်အိမ်၊ အပေါ်ထပ်အိမ်ခန်းသို့ ရောက်ရှိခဲ့ရတော့သည်။

ယင်းနေအိမ်သို့ ရောက်ရောက်ခြင်း၊ ဆရာနှင့်တကွ အဖွဲ့လူကြီးများမှ နွေးထွေးစွာ ကြိုဆိုနေရာချထားပေးခံရသည်မှာ ၀ါဂွမ်းဆီထိ၊ ဘ၀ဂ်သို့ ဆိုက်မတတ် စကားပုံကဲ့သို့ ပီတိဖြစ်ရပါသည်။ အိမ်တွင်လည်း ယုံကြည်သူ အင်းစိန်တောင်သူကုန်းမှ ကရင်တိုင်းရင်းသား လူငယ်အများဖြစ်၍ ၄င်းတို့အကြားတွင် ကျွန်တော့အား ဖထီ၊ ဖထီ ဆိုပြီး လေးလေးစားစား ဂရုပြု၊ ကူညီယိုင်းပင်း၊ ဦးစားပေးခြင်းခံရသည်။ အသင်းလူကြီး ဖထီး တစ်ယောက်ဆိုလျှင် ဆရာတို့အခန်း၌ သူ၏ အိပ်ယာကုတင်ကို ကျွန်တော့အား ပေးအိပ်စေလျှက် သူကိုယ်တိုင်းမှာ ကြမ်းပြင်တွင် အိပ်ပါတော့သည်။ စားသောက်ရာတွင်လည်း ကျွန်တော်၏အသက် (၅၀ - နှစ်ရှိပြီ) (တာဝန်ထမ်းဆောင်ခဲ့သော ဌာနဆိုင်ရာ၊ ရာထူးဂုဏ်ပုဒ်မပါ) ကိုလေးစားလျှက် ထမင်းဟင်းကို ဦးဦးဖျားဖျား ခူခတ်ကြွေးခြင်း၊ ဆေးကြောစရာများ လျှော်ဖွတ်စရာများကို မဆေးကြောခိုင်း၊ မလျှော်ဖွတ်စေပဲ ၀ိုင်းဝန်းဆေးကြော၊ လျှော်ဖွတ်ပေးခြင်းတို့ ကို တွေ့ရှိခံစားရသည့်အတွက် ဘယ်လိုမေတ္တာကြောင့် ဒါလောက်တောင် အစေခံကူညီနိုင်ကြသလဲ - တော်ရုံမေတ္တာနှင့် မဟုတ်၊ ဘုရားရဲ့မေတ္တာကြောင့်သာ ဖြစ်ရမည် နားလည်ပြီး ကိုယ်တော်ရှင်၏ ကောင်းမြတ်ခြင်းကို ပို၍ သိမြင်လာရပါသည်။

ကိုယ်တော်ရယ်၊ ကိုယ်တော်ရဲ့သားသည် လောကပညာများ အဆင့်အတန်းမြင့်မြင့် တတ်မြောက်ထားပြီး အင်္ဂလန်နိုင်ငံမှ အဆင့်မြင့် လေကြောင်းဆက်သွယ်ရေးပညာများ တတ်မြောက်ထားခဲ့၍ 'ငါ' ဆိုသည့် ပညာမာန၀င်ခဲ့သောသားမိုက်ကို ၀မ်းသာမျက်ရည် ကျစေသည်။ ဤအိမ်၏ နွေးထွေးမေတ္တာရိပ်ကို လှိုက်လဲဝမ်းသာစွာ ဂုဏ်ယူရပါကြောင်း၊ ခံစားကြုံတွေ့နေရသော ဒုက္ခပြဿနာ၊ ပူဆွေးခြင်း၊ မရေရာခြင်း၊ စိုးရိမ်ခြင်း၊ ကြောက်ရွံ့ခြင်းဖြင့် လောင်ကြွမ်းနေသော ကျွန်တော့၏ ရင်မှမီးကို ကိုယ်တော်၏ မေတ္တာရေဖြင့် ငြိမ်းသတ်လိုက်သလို ခံစားရပြီး၊ လူတို့၌ ကြံစည်၍ မမှီနိုင်သော ငြိမ်သက်ခြင်းကို တဒင်္ကအတွင်း ခံစားလိုက်ရပါသည်။ ကိုယ်တော်၏ ကရာနီကုန်းပေါ်မှ သေခါနီးစဲစဲ လူဆိုး ကြားနာခဲ့ရသည့် ပရဒိသုဘုံ ဆိုတာများလား ဆိုပြီး အတွေးရောက်ခဲ့ပါသည်။

အမှန်မှာ အိမ်ကို ကြီးမြင့်သော ပရဒိသုဘုံနှင့် နှိုင်းယှဉ်ရန် မသင့်တော်သော်လည်း စိတ်အေး၊ ငြိမ်းချမ်းစွာ နေထိုင်စားသောက်ရပြီး၊ အလွန်ကြီးမားသော ချစ်မေတ္တာကို ဆရာ၊ အသင်းလူကြီးများ၊ နေထိုင်ကြသောညီအစ်ကိုများ၌ တွေ့ရှိရသခြင့် ပရဒိသုဘုံအဖြစ် တင်စားထားခြင်းဖြစ်ပါသည်။ စင်ကာပူမြန်မာခရစ်ယာန်မိတ်သဟာရ အဖွဲ့မှ ဆရာ၊ အဖွဲ့ဝင်လူကြီး ၂ - ၃ ဦး (ယခင် JBCS ဥက္ကဌဟောင်း နှင့် KBCS ကိုစတင်တည်ထောင်သည့် ဖထီတစ်ဦးဖြစ်သူ   တို့က မိမိတို့လခအချို့ကို စုပေါင်းထည့်ဝင်ပြီး အခြားအလှုရှင်တို့၏ ပံ့ပိုးမှုဖြင့် ကိုယ်တော်ရှင်ကို ချစ်သော ယုံကြည်သူ ညီအစ်ကိုတချို့၏ ၀ိုင်းဝန်းကူညီထောက်ပံ့မှုဖြင့် Social Gospel အမှုတော်မြတ်ကို ထမ်းဆောင်နေခြင်းဖြစ်သည်။ ၄င်းပုဂ္ဂိုလ်တို့၏ ကိုယ်ကျိုးစွန့်လွှတ်မှု၊ အနစ်နာခံမှု၊ အိတ်စိုက်ပြီး ဒုက္ခရောက်နေကြသော ကိုယ်တော်၏ သားငယ်များကို စေတနာ၊မေတ္တာဖြင့် ကူညီနေမှုများကို စာတမ်းပြုစုရလျှင် ကျမ်းတစ်စောင်ပင် ဖွဲ့နိုင်မည်ထင်ပါသည်။ မဿဲ ၅း၁၆၊  ထိုနည်းတူ သူ့တပါးတို့သည် သင်တို့၏ ကောင်းသောအကျင့်ကို မြင်၍ ကောင်းကင်၌ရှိတော်မူသော သင်တို့အဘ၏ ဂုဏ်တော်ကို ချီးမွမ်းစေခြင်း ငှါ သူ့တစ်ပါးရှေ့၌ သင်တို့အလင်းကို လင်းစေကြလော့ - ဟူသော ကျမ်းပိုဒ်အတိုင်း ဘုရားသခင်၏ ဂုဏ်တော်ကို ယင်းပုဂ္ဂိုလ်တို့၏ လုပ်ဆောင်ချက်အားဖြင့် ပိုမိုသိခွင့်ရ၊ ချီးမွမ်းရင်း ချီးမွမ်းခဲ့ရပါသည်။ မိတ်သဟာရအဖွဲ့၏ တနင်္ဂနွေနေ့ ၀တ်ပြုခြင်းအစီအစဉ် (သော်မဆင်၊ ဘုရားကျောင်း မြေညီထပ်တွင် ကျင်းပခွင့်ရသည်) တွင်လည်း သင်္ဘောအလုပ်ရှာ၊ ကုန်ပေါ်အလုပ်ရှာ၊ အီးပီတင်၊ စတေးတင် စသည့် စသည့် လိုအပ်နေသော လူများအား နာမည်ဖေါ်ပြလျှက် ဆုတောင်းချက်တင်၊ ဆုတောင်းပေးခဲ့ပါသည်။ လောကီအလုပ်ရရှိရန် ဆုတောင်းပေးရုံမက လောကုတ္တရာ ၀ိညာဉ်ရေးလည်း မနိုမ့်ကျစေရန် အစဉ်နိုးကြား နေစေရန်၊ တနင်္ဂနွေ ဘုရားဝတ်ပြုရာ သောမဆင်ဘုရားကျောင်း SMCF ၀တ်ပြုစည်းဝေးသို့ အပတ်စဉ် သွားရောက်ရန် တိုက်တွန်း၊ စေလွှတ်ခဲ့ပါသည်။ ကော၃း၂၃ လူ၏ အမှုကိုသာ ဆောင်ရွက်သကဲ့သို့ မဟုတ်၊ သခင်ဘုရား၏ အမှုတော်ကို ဆောင်ရွက်သကဲ့သို့ ပြုလေသမျှ၌ စေတနာစိတ်နှင့် ပြုကြလော့ - ဟူသော ကျမ်းပိုဒ်အတိုင်း လူလူချင်း ကူညီဆောင်ရွက်ပေးခြင်း၊ အလုပ်ရှာမရ၍ ပျက်စီးချင်းလမ်းကြောင်းထဲသို့ ခြေလှမ်းချမည့် လူငယ်များကို ကယ်တင်နိုင်ခဲ့ကြောင်း တွေ့ရှိရပြန်သည်။

နိဂုံးချုပ်ပြောရလျှင် ဤစင်ကာပူ ပရဒိသုဘုံမှပင် ကျွန်တော်သည် အလွန်မှ ကြီးမားသော ရာထူးအလုပ် (ကမ္ဘာ့လေကြောင်း၊ ဆက်သွယ်ရေး ကုမ္မဏ္ဍီတစ်ခု၏ မြန်မာပြည်မန်နေဂျာ) ကိုလက်ခံရရှိခဲ့ပါကြောင်း၊ ကိုယ်တော်၏ ကောင်းမြတ်ခြင်း၊ ကြီးမြတ်ခြင်း၊ မေတ္တာဂုဏ်ကျေးဇူးတော်၏ တစိတ်တဒေသကို မြည်းစမ်းခဲ့ရပါကြောင်း၊ သက်သေခံ ဝေငှလိုက်ရပါသည်။ သခင်ယေရှုခရစ်တော်နှင့် ငါတို့အဘတည်းဟူသော ဘုရားသခင့်အထံတော်မှ ကျေးဇူးတော်နှင့် ငြိမ်သက်ခြင်းကို ကျွန်တော်ခံစားရသကဲ့သို့ ဤသက်သေခံချက်ကို ဖတ်ရှုရသည့် ချစ်သောညီအစ်ကို မောင်နှမအားလုံးလည်း ခံစားရပါစေသောဝ် ... အာမင်။

မင်းဟင်္သာ (အင်းစိန်)

Hits: 2112
Comments (1)Add Comment
...
written by This e-mail address is being protected from spambots. You need JavaScript enabled to view it , September 16, 2012
thank you for share.
report abuse
vote down
vote up
Votes: +1

Write comment
smaller | bigger

busy

Facebook Google Twitter buttons

သက်သေခံချက်များ Testimony (random article)

ဆလုံ ( Salone ) လူမျိုးမစ်ရှင် သာသနာ ပြု ဆရာမ ကြီး နော်ဆေးဘေ နှင့် နော်ဖိုးလေ



ဆလုံ ( Salone ) လူမျိုးမစ်ရှင်
ဆလုံ တိုင်းရင်းများ တွင် ကိုယ်ပိုင် စာပေ မရှိ ချေ။ 1846 ခုနှစ် တွင် ဒေါက်တာ ဘရေတန် က လည်းကောင်း ၊ 1900 ပြည့် နှစ် တွင် ခရစ်ယာန် သာသနာပြု ဆရာမ ကြီး ဒေါက်တာ ဒေစီ အဖွဲ့ က လည်းကောင်း ၊ 1988 ခုနှစ် တွင် ခရစ်ယာန် သာသနာ ပြု ဆရာမ ကြီး နော်ဆေးဘေ နှင့် နော်ဖိုးလေ တို့က လည်းကောင်း အင်္ဂလိပ် အက္ခရာ ၊ ပိုး ကရင် အက္ခရာ တို့ဖြင့် ဆလုံ စာပေ ကို တီထွင် ပေးခဲ့ ကြသည်။ ( 19 ) ရာစု နှစ်ဦး ပိုင်း တွင်လည်း အမေရိကန် နှစ်ချင်း ခရစ်ယာန် သာသနာ ပြု မစ္စတာ စတီဗင် ( Mr. Stevens ) ဆိုသူ က ရောမ အက္ခရာ များ ကို အသုံးပြု ကာ စာပေ တီထွင် ပေးခဲ့ပြီး ခေါင်းစဉ် မှာ A Primer of the Salone Language ဖြစ်ပေ သည်။ ၄င်း စာအုပ် မှာ ဖတ် စာအုပ် ငယ် ဖြစ်ပြီး အတော် အတန် ပင် ပြည့်စုံမှု ရှိ ကြောင်း၊ ယခု အခါ ရှာဖွေ၍ မရတော့ ကြောင်း သိရ ပေသည်။

2007 တွင်ဆရာမကြီးနော်ဆေးဘေ မစ်ရှင်အကြောင်း ယူတြု ၃မိနစ်ကို လေ့လာနိုင်ပါသည်။

http://youtu.be/ttSV9MxZGV4

ဆရာမကြီးသည် ဆလုံလူမျိုးများ လှေများဖြင့် ကျွန်းများသို့သွားလာနေသည်ကို မြင်ပီး ခရစ်တော်နှင့် အရမ်းချစ်မေတ္တာများ ဖြစ်ပေါ်လာသည်။ မျက်ရည်ပင်ကျမိပီး ဘုရားသခင်ခေါ်တော်မူသံ ဟု သိနားလည်ခဲ့သည်။ သို့နှင့် ၁၉၆၄ ခုနှစ်မှစတင်ပြီး ဆလုံကျွန်းတွင် မစ်ရှင်အဖြစ် နေထိုင်ရင်း ဆလုံစာပေကိုပါ တီထွင်ကာ၊ သမ္မာကျမ်းစာကို ဆလုံစာပေဖြင့် ပြုစုခဲ့သူတစ်ဦး ဖြစ်သည်။
.
ဆရာမကြီးနော်ဆေးဘေ ယခု ၂၀၁၅ ဇွန်-ဇူလိုင်လတွင် ကျန်းမာရေးဆေးစစ်ရန် စင်ကာပူသို့ရောက်ရှိနေပါသည်။ ဖေ့စ်ဘုတ်တွင် Moken Sea Gypsies ဟု ရှာဖွေနိုင်သည်။
.
အင်္ဂလိပ်ဘာသာဖြင့် ဆလုံမစ်ရှင်အကြောင်း စာအုပ်ပြုစုထားပါသည်။ မြန်မာဘာသာပြန်ရန်ရှိသည်။ ဆလုံများအကြောင်းကို ဆက်လက်ဖတ်ရန်လင့်
.
ဖေ့စ်ဘုန်လင့် (facebook link)
https://www.facebook.com/MokenSeaGypsies

မုရန်




**********************************

 

ဆလုံလူမျိုးအကြောင်း

ဆလုံ လူမျိုး သည် မြိတ် ကျွန်းစု ၏ အဖိုး မဖြတ် နိုင်သော ပြယုဒ် တစ်ခု ဖြစ်သည်။ သူတို့ ၏ ဓလေ့ စရိုက်၊ ရိုးသား ဖြောင့်မတ်မှု ကို တုနှိုင်းရန် အရာ မရှိပါ။ ထို့ကြောင့် ၎င်း လူမျိုးတို့မှာ လူသိများ ထင်ရှား နေခြင်း ဖြစ်သည်။ ဆလုံ လူမျိုး တို့သည် ပင်လယ် ပြင် တစ်ခွင် ၀မ်းစာ အတွက် လှည့်လည် ကျက်စား ကြသည်။ ရေကူး၊ ရေငုပ်ရာ တွင် ကျွမ်းကျင် သည်။ ထို့ကြောင့် Sea Gypsy or Men of the Sea အဖြစ် အမည် တွင်ခြင်း ဖြစ်သည်။ ဆလုံ တိုင်းရင်းသား တို့ကို “မော်ကင်း” Mawken “ မိုကန်း ” Moken (ထိုင်း အခေါ်) ဟု လည်း ခေါ်ကြ ပါသည်။ ပင်လယ် ထဲမှာ ပေါ့ပေါ့ ပါးပါး သစ်၊ ၀ါး၊ ရင်ကမ်း သား တို့နှင့် ဖွဲ့စည်း တည်ဆောက် ထားသည့် ရိုးရာ လှေ ကို အိမ်လို သဘောထား ပြီး မိသားစု ကြီး တစ်ခု လုံး နေကြ၊ ထိုင်ကြ၊ ချက်ပြုတ် စားသောက် ကြရုံ သာမက သူတို့ ဘ၀ ၏ အဖော်မွန် ဟု ခေါ်သော ခွေးများ ကို လည်း တစ်ပါ တည်း သယ်ဆောင် သွားကြ ပါသည်။ယနေ့ အခါ ဆလုံ လူမျိုးများ ကို မြန်မာ နိုင်ငံ တောင်ဘက် စွန်း တနင်္သာရီ တိုင်း ဒေသကြီး ရှိ မြိတ်ခရိုင် နှင့် ကော့သောင်း ခရိုင် အတွင်းရှိ ကျွန်းများ တွင် လူနည်းစု အဖြစ် သီးခြား နေထိုင် ကြသည်။ မြိတ် ခရိုင် နှင့် ကော့ သောင်း ခရိုင် အတွင်း ဆလုံ တိုင်းရင်းသား များ နေထိုင် ကြသော မြို့နယ် နှင့် ကျွန်း များမှာ မြိတ်မြို့နယ် ၊ ကျွန်းစု မြို့နယ် ၊ ပုလော မြို့နယ် ၊တနင်္သာရီ မြို့နယ် ၊ ကော့သောင်း မြို့နယ် ၊ ဘုတ်ပြင်း မြိ့နယ် ၊ ဒုန်း ကျွန်း ( Done Island ) ၊ ဇာဒက်ကြီး ကျွန်း ၊ လန်းပိ ကျွန်း ( Lumpi Island ) ၊ မကြုံ ကလက် ကျေးရွာ နှင့် ညောင်ဝိ ကျေးရွာ တို့ ဖြစ်ကြ သည်။



အသက်မွေး ၀မ်းကြောင်း


ဆလုံ လူမျိုးများ သည် စိုက်ပျိုး ရေး၊ မွေးမြူရေး တို့ဖြင့် အသက် မမွေး ရေ လုပ်ငန်း၊ ပုလဲ ငုပ်ခြင်း လုပ်ငန်း တို့ဖြင့် အသက် မွေးကြသည်။ ပင်လယ် ကမ်းခြေ တစ်လျှောက် လှေလှော် ခတ်ရင်း တစ်ကျွန်း မှ တစ်ကျွန်း ကူးကာ နေထိုင် လေ့ ရှိသည်။ လှေလေး များကို ပေါ့ပါး သော သစ်လုံး များဖြင့် ထွင်းယူ ကြသည်။ ၎င်း လှေများ မှာ ပင်လယ် ခရီး အတွက် အဆင် ပြေ အသုံးဝင် လှသည်။ အသုံး အဆောင်များ၊ အစာ ရေစာများ၊ ခွေး၊ ကြောင်၊ ကြက်များ ကိုလည်း တစ်ပါ တည်း လှေနှင့် အတူ တင်ယူ လာလေ့ ရှိကြ သည်။ ဆောင်း၊ နွေရာသီ များ တွင် ငါးဖမ်း ခြင်း၊ ရေထွက် ပစ္စည်း ရောင်းဝယ်ခြင်း တို့ဖြင့် အသက် မွေးကြ ပြီး မိုးရာသီ ရာသီဥတု ဆိုးဝါး သည့် အခါ နီးစပ်ရာ ကျွန်းပေါ် တွင် ၀ါးခြေ တိုင် ရှည်တဲ များ ဖြင့် လည်းကောင်း၊ ဂူများရှာ ၍ လည်းကောင်း နေထိုင်လေ့ ရှိသည်။ Sea Gypsy ဟူသော အမည် နှင့် လိုက်လျော ညီထွေ စွာ ပင် သဘာဝ ပင်လယ် ဘေး အန္တရာယ် ကိုလည်း ရှောင်တိမ်း တတ်ကြ သည်။





ရာသီဥတု ဆိုးဝါးစဉ် တောင်မှ မိမိနေ ထိုင်ရာ ကျွန်းဆီ အမြန်ဆုံး ပြန်ရောက်အောင် သွားနိုင် ကြသည်။ ဆလုံ လူမျိုး တို့၏ ရေငုပ် ပညာ ကျွမ်းကျင်မှု မှာ အံ့မခန်း ဖြစ်သည်။ ပင်လယ် ကြမ်းပြင် အထိ ရေငုပ် နိုင်ပြီး ရေအောက် တွင် အောက်ဆီဂျင် အကူအညီ မပါပဲ အချိန် အတော်ကြာ အနည်း ဆုံး တစ်နာရီ ခန့် နေနိုင် သည်။ တစ်ရက် တည်း ထိုကဲ့သို့ ရေငုပ်ခြင်း မျိုး အကြိမ်အ ရေ အတွက် များများ လုပ်နိုင် သည်။ ပင်လယ် ခရု၊ ကမာ (မုတ်) ကောင်များ၊ ငါးကြီး အံဖတ်၊ ပင်လယ် ရေမှော်ပင်၊ ပုလဲ၊ ငှက်သိုက်၊ ပျားရည်၊ ပရဆေး ပင်များ ကို ရှာဖွေ စုဆောင်း ပြီး ရောင်းချ လေ့ ရှိသည်။




ကိုးကွယ် ယုံကြည်မှု နှင့် ဓလေ့စရိုက်


ဆလုံ လူမျိုးများ သည် အခြား လူမျိုး များနှင့် ရောရော နှောနှော နေထိုင်လေ့ မရှိ ချေ။ ၎င်း တို့၏ လူ နေထိုင်မှု စနစ်မှာ မြို့ပြ နေထိုင်မှု စနစ်နှင့် ကွာခြား လွန်း လှသည်။ သို့သော် လည်း သူ တို့၏ လူနေမှု စနစ်ကို ယုံကြည်စွာ တန်ဖိုး ထား ထိန်းသိမ်း ကြသည်။ ဘာသာ တရားနှင့် ပတ်သက် ၍ လည်း ၎င်းတို့၏ ကိုယ်ပိုင် ယုံကြည်မှု ကို လက်ကိုင် ထားကြ သည်။ နတ်ကောင်း နှင့် နတ်ဆိုး ဟူ၍ နတ် ဘုရား ကိုးကွယ်မှု နှစ်ခု ရှိသည်။ နတ်ဆရာ သည် ၎င်း တို့၏ အခရာ ဖြစ်သည်။ ပျော်ပွဲ ရွှင်ပွဲ များ ကို သာမက ဖျားနာ သည့် အခါ၊ တစ်ဦး တစ်ယောက် သေဆုံး သည့် အခါတွင် နတ်ဆရာ ၏ ပြောဆိုမှု အတိုင်း စပါး၊ ပြောင်း၊ အရက်၊ ပျားရည်၊ ကွမ်း၊ ဘဲသွေးစိမ်း၊ ကြက်၊ လင်းပိုင်၊ ပင်လယ် လိပ် တို့ကို ယဇ်ပူဇော်လေ့ ရှိသည်။ ပျော်ပွဲ ရွှင်ပွဲ များ တွင် တေး သီချင်းများ သီဆို တီးမှုတ် ပြီး မီးပုံ ဖိုကာ ၀ိုင်းဖွဲ့ ကခုန် ကြ သည်။ သူတို့၏ ဗုံတစ်မျိုး မှာ ပုတ်သင်ညို သားရေ ဖြင့် ပြုလုပ် ထားသည်။ ဆလုံ လူမျိုး တို့၏ ဂီတပင် ကိုယ် စွမ်းရည် မှာ ထက်မြက် ဆန်းကြယ် လှသည်။


ဘာသာ စကား


ဆလုံ တိုင်း ရင်းသားများ ပြောဆို သော စကား မှာ ( 4 ) မျိုး ရှိပြီး လောတ ( Lawta ) ၊ လဘီ ( Lbi ) ၊ ဂျအိ ( Jait ) ၊ ဒန်း ( Dung ) ဘာသာ စကား တို့ ဖြစ်ကြပြီး ထို လေးမျိုး တွင် ဒန်း ဘာသာ စကား သည် စံ ဘာသာ စကား (သို့) မူရင်း ဘာသာ စကား ဖြစ်ကြောင်း ကို Walter Grainge Whtie ဆိုသူ က The Sea Gypsies of Malaya စာအုပ် တွင် ဖော်ပြ ထားပေ သည်။ ဆလုံ ဘာသာ စကား နဲ့ ပါတ် သက် ပြီး ပညာရှင် တွေရဲ့ အယူ အဆ က ( 2 ) မျိုးကွဲ လျက် ရှိပေ သည်။ တစ်မျိုး မှာ ဆလုံ တို့သည် မလေး လူမျိုး အဆက် အနွယ် ဖြစ်သည် ဟူသော အဆို ဖြစ်သည်။ အဘယ် ကြောင့်ဆိုသော် ဆလုံ တိုင်းရင်းသား တို့ ပြောဆို သော စကား တွင် မလေး အခေါ် ဝေါ် များ ပါဝင်နေ သော ကြောင့် ဖြစ်ပေ သည်။ နောက် တစ်မျိုး မှာ မွန် - ခမာ အနွယ် ဖြစ်သည် ဟူသော ယူဆချက် ဖြစ်သည်။ မြန်မာ ပြည် တောင် ပိုင်း၊ အင်ဒို ချိုင်းနား ကျွန်းဆွယ် ၊ ထိုင်း နိုင်ငံ တို့ဘက် မှ မြန်မာ ပြည် အတွင်း သို့ ၀င်ရောက် လာသော မွန် - ခမာ များ ထဲတွင် ဆလုံ တိုင်းရင်းသား များ သည် မွန်များ နဲ့ အတူ ၀င်ရောက် လာသည် ဟူ၍ လည်း ကောင်း၊ မွန် - ခမာ တို့၏ အပြော အဆို အသုံး အနှုန်း တို့သည် ဆလုံ တိုင်းရင်းသား တို့ ပြောဆို သော အသုံး နှုန်း နှင့် ဆင်သော ကြောင့် မွန် - ခမာ အနွယ် မှ ဆင်းလာ သည် ဟု ယူဆ ကြခြင်း ဖြစ်ပေ သည်။





ဆလုံ ဘာသာ စကား မျိုးရိုး နှင့် သမိုင်း ကြောင်း ကို ပြန်ကြည့် လျှင် မြန်မာ ပြည် တွင် တိဗက် တရုတ် မျိုးရိုး နှင့် သြစထရပ် မျိုးရိုး ဟူ၍ ဘာသာ စကား မျိုးရိုးကြီး နှစ်ခု ရှိရာ ဆလုံ ဘာသာ စကား သည် သြစထရစ် မျိုးရိုး တွင် ပါဝင် ပေသည်။ သြစထရစ် မျိုးရိုး သည် တိဗက် တရုတ် မျိုးရိုး ထက် ရှေးကျ သော ဘာသာ စကား တစ်ခု ဖြစ်ပေ သည်။ သြစထရစ် ဘာသာ စကား ကို ပြောဆိုသော လူမျိုး များ ထံမှ တရုတ် တိဗက် ဘာသာ စကား ပြောဆို သော လူမျိုးများ က အတက် ပညာများ ကို သင်ကြား ခဲ့ရ ပေသည်။ သို့ဖြစ်၍ မွန် တို့ထံမှ ဗမာ တို့က သင်ကြား ခဲ့ရ သည်။ ခမာ တို့ ထံမှ ရှမ်း တို့က သင်ကြား ခဲ့ရ လေသည် ဟု ဦးဖေမောင်တင် ရေးသား သော ဘာသာ လောက ကျမ်း တွင် တွေ့ရှိ ရပါ သည်။


သြစထရစ် ဘာသာ စကား မျိုးရိုး ကြီး တွင် သြစထရို နီရှန်း ခေါ် ပင်လယ်ပိုင်း တွင် ပြောသော စကား နဲ့ သြစထရို အေရှ တစ် ဟု ခေါ်သော ကုန်းပိုင်း တွင် ပြောသော စကား ဟူ၍ နှစ်မျိုး ရှိပေရာ ဆလုံ တိုင်းရင်း သား ဘာသာ စကား သည် သြစထရို နီရှန်း အုပ်စု တွင် ပါဝင် ပေ သည်။ သြစထရို နီရှန်း ဘာသာ စကား ကို ပြောဆို သော လူမျိုး မှာ တောင်ဘက်စွန်း ရှိ ကျွန်းများ တွင် နေထိုင် သော မော်ကင်း ခေါ် ဆလုံ တိုင်းရင်း သားများ နှင့် ပသျှူး တိုင်းရင်း သား တို့ ဖြစ်ကြ သည်။


စာပေ


စာပေ အနေဖြင့် လေ့လာ ကြည့်လျှင် ဆလုံ တိုင်းရင်းများ တွင် ကိုယ်ပိုင် စာပေ မရှိ ချေ။ 1846 ခုနှစ် တွင် ဒေါက်တာ ဘရေတန် က လည်းကောင်း ၊ 1900 ပြည့် နှစ် တွင် ခရစ်ယာန် သာသနာပြု ဆရာမ ကြီး ဒေါက်တာ ဒေစီ အဖွဲ့ က လည်းကောင်း ၊ 1988 ခုနှစ် တွင် ခရစ်ယာန် သာသနာ ပြု ဆရာမ ကြီး နော်ဆေးဘေ နှင့် နော်ဖိုးလေ တို့က လည်းကောင်း အင်္ဂလိပ် အက္ခရာ ၊ ပိုး ကရင် အက္ခရာ တို့ဖြင့် ဆလုံ စာပေ ကို တီထွင် ပေးခဲ့ ကြသည်။ ( 19 ) ရာစု နှစ်ဦး ပိုင်း တွင်လည်း အမေရိကန် နှစ်ချင်း ခရစ်ယာန် သာသနာ ပြု မစ္စတာ စတီဗင် ( Mr. Stevens ) ဆိုသူ က ရောမ အက္ခရာ များ ကို အသုံးပြု ကာ စာပေ တီထွင် ပေးခဲ့ပြီး ခေါင်းစဉ် မှာ A Primer of the Salone Language ဖြစ်ပေ သည်။ ၄င်း စာအုပ် မှာ ဖတ် စာအုပ် ငယ် ဖြစ်ပြီး အတော် အတန် ပင် ပြည့်စုံမှု ရှိ ကြောင်း၊ ယခု အခါ ရှာဖွေ၍ မရတော့ ကြောင်း သိရ ပေသည်။


ဆလုံ တိုင်းရင်းသား တို့သည် စာပေ သင်ကြား ခြင်း ထက် ပင်လယ် လုပ်ငန်းခွင် သို့သာ ၀င်ရောက် လုပ် ကိုင် လိုစိတ် ပြင်းပြ သောကြောင့် ယခု အချိန် အထိ စာပေ ဟူ၍ တိကျ ခိုင်မာစွာ ပေါ်ထွက် လာခြင်း မရှိသေး ချေ။ ဆလုံ တိုင်းရင်းသား တို့ ပြောသော ဘာသာ စကား လေးမျိုး အနက် မလေး နှင့် အဆက် သွယ် ရှိသော လူမျိုး များ က လောတ ၊ လန်းပိကျွန်း နှင့် ဘုတ်ပြင်း မြို့နယ် တွင် နေထိုင်ကြသော ဆလုံ တိုင်းရင်း သား များ က ဂျအိ စကား ကို ပြောဆို ကြပေ သည်။ မြိတ် ခရိုင် အတွင်း မှာ နေထိုင် ကြတဲ့ ဆလုံ တိုင်းရင်းသား တွေ က ဒန်း ဘာသာ စကား ကို ပြောဆို ကြပြီး ကော့သောင်း ခရိုင် ကျွန်းစုများ အတွင်း မှာ နေထိုင် ကြသူများ ကတော့  လဘီ ဘာသာ စကား ကို ပြောဆို နေထိုင် လျက်ရှိ ကြ ပေသည်။


ဆလုံ တိုင်းရင်းသား တို့၏ မွေးဖွားခြင်း အစ


(၁၉၆၄) ခုနှစ် က မှတ်သား တွေ့ရှိချက် များ အရ ဆလုံ တိုင်းရင်းသား တို့သည် စတင် မွေးဖွား သည့် ကလေးငယ် များ ကို ချက်ကြိုး ဖြတ်ပြီး သည် နှင့် ရေ ထဲသို့ နှစ်စက္ကန့် ခန့် ရေထဲ မြှပ်လိုက်၊ နှစ်လိုက်။ ပေါ်လိုက် သုံးကြိမ် ခန့် ပြုလုပ် ပါသည်။ သူတို့ အယူ အဆ မှာ မွေးစ ကလေး ငယ် ရေ ကို ကျွမ်းကျင် စေရန်၊ မကြောက် စေရန် ဖြစ်သည် ဟု ဆို၏။ ထိုသို့ လွဲမှားသော အယူအဆ ကြောင့် တစ်ချို့ ကလေး ငယ်များ မှာ မွေးစ ကပင် သေဆုံး သွားကြ ပါသည်။ ဤကား ယခင် က အဖြစ် အပျက်။ ယခု အချိန် တွင်မူ ဆလုံ တိုင်းရင်းသား တို့ ခေတ်မီ လာသည် ဟု ဆိုရ ပါမည်။ မွေးစ ကလေးငယ် ကို ရေထဲ တွင် မနှစ်ကြ တော့။ ကိုယ်ဝန်ဆောင် ကို မွေးဖွား ပေးသည့် လက်သည် မှာ သူတို့ ဆလုံ အမျိုး သမီး အချင်းချင်း ပင် ဖြစ်ပါ သည်။ သို့သော် လည်း ယခု အခါ ခက်ခဲ သည့် မွေးဖွား မှုများ ကို သူနာပြု ဆရာမ နှင့် မွေးလေ့ မွေးထ ရှိလာ ကြ ပါပြီ။





ဆလုံ တို့၏ ကျန်းမာရေး


ဆလုံ တိုင်းရင်သား တို့သည် အစစ အရာရာ တွင် နတ် ဆရာ ကိုသာ အားကိုး ကြသည်။ တစ်စုံ တစ်ယောက် နေမကောင်း လျှင် သူတို့၏ အယူ အဆ မှာ နတ်ဖမ်းစား သည် ဟု အများအား ဖြင့် ယူဆ ကြသည်။ နတ် ဆရာ နှင့် တိုင်ပင် ၍ ပူဇော် ပသ၊ ကိုးကွယ် တင်မြှောက် ခြင်းများ ပြုလုပ် လေ့ ရှိ ကြပါ သည်။ သို့သော် လည်း ယခု ချိန်ခါ တွင် အချို့ တိုင်းရင်းသား ဆလုံ တို့မှာ ခေတ်မီ လာသည် ဟု ဆိုရ ပါမည်။ နေထိုင် မကောင်း ဖြစ်သော သူများ ကို ဆရာဝန် နှင့် ဆေးခန်း သို့ ပြသ ကုသ လာကြ ပါသည်။ တစ်ဖက် ကလည်း သူတို့ အစွဲ ဖြစ်နေ သည့် နတ် ဆရာ နှင့် ပူဇော် ပသခြင်း ကိုလည်း လုပ်မြဲ လုပ်ကြ ပါသည်။ ဆလုံ အများစု တွင် ဖြစ်ပွား တတ်သည့် ရောဂါ မှာ ငှက်ဖျား စွဲခြင်း နှင့် အာဟာရ ချို့တဲ့ ခြင်း များ ပင် ဖြစ်ပါသည်။


ဝတ်စား ဆင်ယင်ခြင်း




ဆလုံ တိုင်းရင်းသား တို့သည် မွေးကင်းစ ကလေး အရွယ်မှ ငါးနှစ် ခြောက်နှစ် အရွယ်အထိ ယခင်က အ၀တ် အစား ၀တ်လေ့ ၀တ်ထ မရှိ သော်လည်း ယခု အခါ အ၀တ် အစား ဆင်ယင် လာကြ ပါသည်။ အမျိုး သမီးများ မှာ သူတို့ ဓလေ့ အရ အပေါ် ပိုင်း၊ အောက်ပိုင်း လုံလုံ ခြုံခြုံ ၀တ်ဆင် သည် ဆိုသော် လည်း ၊ အချို့မှာ အိမ်ထောင် ကျသည် နှင့် အပေါ်ပိုင်း ဗလာ ကျင်း နေတတ် ကြပါ သည်။ သို့သော် လည်း ယခု အခါ တွင်မူ အိုမင်း သော အဘွား အရွယ်များ မှ လွဲ၍ အမျိုး သမီး အများစု မှာ အပေါ်ပိုင်း၊ အောက်ပိုင်း လုံလုံ ခြုံခြုံ ၀တ်ဆင် လာကြ ပေပြီ။ ဆလုံ အမျိုးသား တို့မှာ များသော အားဖြင့် ယခင်က အောက်ပိုင်း တွင် လုံချည် (သို့မဟုတ်) ဘောင်းဘီ တို နှင့် နေပြီး အပေါ် ပိုင်း ဗလာ ကျင်း နေတတ် သည့် သဘာဝ ရှိပါ သည်။ သူတို့ ဓလေ့ အရ တော်ရုံ တန်ရုံ လည်း ဖျားနာ ခြင်း မရှိကြ ပါ။ ခံနိုင်ရည် ရှိသော လူမျိုး ပင် ဖြစ်ပါ သည်။ သို့သော် လည်း ယခု အခါ သူတို့ လည်း အပေါ်ပိုင်း အင်္ကျီ များ၊ များသော အားဖြင့် ၀တ်ဆင် လာကြ ပေပြီ။ ဆလုံ တိုင်းရင်းသား တို့သည် ပင်လယ် နှင့် အနီး အနား တွင် နေ၍ လား မသိ၊ သူတို့၏ အ သား အရောင်မှာ ညိုရောင် သန်း ပါသည်။ ယခု အခါ ဆလုံ တိုင်းရင်း သား တို့မှာ ခေတ်မီ လာသည့် အလျောက် ယိုးဒယား နိုင်ငံမှ ရောက်လာ သော အ၀တ် အစား၊ ပါတိတ်။ တီရှပ် တို့ဖြင့် သစ်သစ် လွင်လွင် တောက်တောက် ပပ ဖြစ်လာ လေပြီ။ ယခင် က ဖြစ်သလို နေခဲ့ သော်လည်း ယခု အခါ သားသား နားနား ၀တ်ဆင် လာကြ ပေပြီ။



အစား အသောက်


ဆလုံ တို့သည် ပင်လယ် ထဲတွင် အတည် တကျ မနေ ဘဲ ရေကြည် ရာ မြက်နုရာ သို့ သွားလာ လုပ်ကိုင် နေထိုင် ကြသည့် အလျောက် ပင်လယ် ပျော်များ ဖြစ်သည့် အားလျော် စွာ သူတို့စားသောက် ကြသည် မှာ များသော အားဖြင့် ပင်လယ် အစား အစာ များ ဖြစ်ပါ သည်။ ပင်လယ် ကျွန်းစု၊ ကျောက်ဆောင် များ တွင် တွယ်ကပ် လျက် ရှိသော ဂုံး (ခရု တစ်မျိုး အထဲ တွင် ရှိသည်) ဟု ခေါ်သည့် တငို ကို ခွာ ၍ အထဲ မှ ခရု သဖွယ် အရာ ကို ချက်ပြုတ် စားသောက် ကြ ပါသည်။ ပင်လယ် ကျောက်ဆောင် ဂူထဲတွင် ရှိသော လင်းနို့၊ လင်းဆွဲ များကို တုတ်ရှည် ဖြင့် ရိုက်ချ ကာ ခုတ်ထစ် ဖြတ်တောက် ၍ လည်း ချက်ပြုတ် သုံးဆောင် ကြ ပါသည်။


သူတို့ သည် စားသုံး ဆီ သုံးစွဲမှု နည်း သူများ ဖြစ်သည့် အလျှောက် တစ်လ လုံး တွင် မိသားစု (၆) ယောက် အတွက် ဆီ (၂၀) ကျပ်သား ခန့်သာ ကုန် ပါသည်။ ထို့ကြောင့် ဆလုံ အများစု တွင် သွေးတိုး ရောဂါ မရှိကြ ပါ။ ဆလုံ တိုင်းရင်း သား တို့သည် ပျားအုံ ဖွတ်ရာ တွင်လည်း အလွန် ကျွမ်းကျင် သူများ ပင် ဖြစ်သည်။ သစ်ပင် အမြင့် ပေါ် တွင် စွဲကပ် နေသော ပျားအုံ ကို အုန်းလက် မီးတုတ် ဖြင့် ရိုက်ချကာ ပျားအုံ မှ ပျားရည် ကို ခံယူ ကြပါ သည်။ ပျားသလက် နှင့် ပျားပေါက်စ တို့ကို လည်း ချက်ချင်း ပင် လတ်လတ် ဆတ်ဆတ် စားသုံး ကြ ပါသည်။ ဆလုံ တို့၏ သဘာဝ မှာ စားသောက် ရာ တွင်လည်း သူတို့ ရိုးရာ လှေပေါ် တွင် မိသားစု အားလုံး သိုက်သိုက် ၀န်းဝန်း ပျော်ပျော် ရွှင်ရွှင် ချက်ပြုတ် စားသောက် ကြ ပါသည်။


ဆလုံ တိုင်းရင်းသား တို့ စားသုံး သည့် အရွက် များ ဖြစ်သော ဆလုံ မုန်လာ၊ ဆလုံ မုန်ညင်း၊ ဆလုံ ကန်စွန်း တို့မှာ အရွက် အသား ထူသည်မှ လွဲ ၍ မြေပြန့် က မုန်လာ ၊ မုန်ညင်း၊ ကန်စွန်း တို့နှင့် အတော် ဆင်တူ ပါသည်။ ထို အရွက် တို့မှာလည်း ဆလုံ ဒေသ တောတောင် ထဲတွင် အလေ့ ကျ ပေါက်နေ ကြခြင်း ပင်။ ကျွန်တော် တွေ့ဖူး သည့် ဆလုံ ကွမ်း( ကွမ်းယာ အတွက် လိုအပ် သော ကွမ်း) မှာလည်း အရွက် အသား ပိုထူ ကာ အလေ့ ကျ ပေါက်နေ ခြင်း ပင် ဖြစ်ပါသည်။ ဆလုံ တစ်ချို့ လည်း ကွမ်းစား တတ်ကြ သည် ကို ကျွန်တော် တွေ့ဖူး ပါသည်။


အလုပ် အကိုင်





ဆလုံ တိုင်းရင်းသား တို့ အလုပ် လုပ်ကိုင်ရာ တွင် အားလုံး စုပေါင်း ၀ိုင်းဝန်း ၍ လုပ်ဆောင် လေ့ ရှိကြ သည်။ တောထဲ တွင် ရှိသော သစ်ပင် ကြီး များ ကို သူတို့၏ စုပေါင်း စွမ်းအား ဖြင့် ခုတ်လှဲ ပါသည်။ လှေထွင်း ပါ သည်။ ထို ကြီးမားသော သစ်ထွင်း လှေ ကို ပင်လယ် ကမ်းခြေ ဆီသို့ သယ်ဆောင် ထုတ်ယူ သည်မှာ လည်း အလွန် စနစ် ကျကာ အားကျ ဖွယ်ရာ ကောင်း ပါသည်။ ပင်လယ် ကမ်းစပ် နေရာ များ တွင် ပေါက်ရောက် လေ့ ရှိသော ရင်ကမ်း ပင်မှ ရင်ကမ်း အလက် များကို တစ်စု နှင့် တစ်စု စီစီ ညီညီ ထပ်ကာ ပြုလုပ် ထားသော ရင်ကမ်း လှေမှာ အလွန်ပင် လက်ရာ မြောက်လှ ပါသည်။ ထိုရင် ကမ်းလှေ တွင် သံချက် ဆို၍ တစ်ချက်မျှ မပါ၊ ကြိမ်ဖြင့် သာ ရစ်ပတ် ခြင်း ၊ ကွပ်ခြင်း ပြုလုပ် ထားသည် မှာ ခ်ိုင်ခန့် လှ ပါသည်။ စိစပ် လှ ပါသည်။ ရေတစ်စက် မျှ လှေဝန်း ထဲသို့ မ၀င် ပါ။ သူတို့ ၏ ကျွမ်းကျင်မှု ကြောင့် လှိုင်း လေလာ လည်း ကြောက် လန့် မှု မရှိ ကြပါ။ သို့သော် လည်း လှိုင်းလေ များ အလွန် ပြင်းထန်စွာ တိုက်ခတ် လာသော အခါ သူတို့ သည် ကမ်းခြေ များ၊ လေကွယ်ရာ ကျွန်းစု များ တွင် စုပေါင်း ၍ နေထိုင်လေ့ ရှိကြ ပါ သည်။




ဆလုံ တိုင်းရင်းသား တို့၏ အလုပ် အကိုင် ကို ဖော်ပြ ရလျှင် ငါးဖမ်း ခြင်း၊ ပုလဲ ငုပ်ခြင်း၊ ပင်လယ် မျှော့ ငုပ်ခြင်း၊ ကနု ကမာ၊ ငှက်သိုက် ရှာဖွေခြင်း၊ ပျားဖွတ် ခြင်း၊ ရှာခြင်း၊ ရေ နှင့် ပါတ်သက်သော လုပ်ငန်း အ၀၀ ကို ကျွမ်းကျင် စွာ လုပ်ကိုင် နိုင်သော တိုင်းရင်းသား များ ပင် ဖြစ်ပါ သည်။ ကျောက်ကြို ကျောက်ကြား ထဲသို့ နှစ်ခွစူး၊ မှိန်းတံ ရှည်နှင့် ငါးထိုး နေသော ကလေး ငယ်များ ကိုလည်း ကျွန်တော် မြင်ဖူး ပါသည်။ ယခု အခါ ခေတ်မီ လာသော ဆလုံ တို့မှာ ရေငုပ် မျက်မှန် အကောင်း စား နှင့် အောက်စီဂျင် အသက်ရှူ ဘူး တို့ဖြင့် ရေငုပ် ကာ ပုလဲ ရှာနေ ကြပြီ၊ ပင်လယ် မျှော့ ရှာနေ ကြပြီ ဖြစ်ပါ သည်။

ထိမ်းမြား လက်ထပ်ခြင်း




ဆလုံ တိုင်းရင်းသား တို့သည် ကလေး မီးဖွား လျှင် မွေးဖွား လာလျှင် မွေးဖွားစ ကလေး အတွက် နတ်ဆရာ နှင့် နတ် ကိုးကွယ် ကြသည်။ သေဆုံး သွား လျှင် လည်း သေဆုံး သူ ကောင်းရာ မွန်ရာ ရောက်အောင် နတ် ဆရာနှင့် ပူဇော် ပသ လေ့ ရှိသည်။ ထိုနည်း တူစွာ သတိုးသား နှင့် သတိုး သမီး ထိမ်းမြား လက်ထပ်ပွဲ တွင်လည်း နတ် ဆရာနှင့် ရိုးရာ နတ်ကို ပူဇော် ပသမှု ပြုမှသာ လျှင် လင်မယား အရာ မြောက် သည်ဟု ဆလုံ တို့က ယူဆ ပါသည်။ ဆလုံ တိုင်းရင်းသား တို့သည် ငယ်ရွယ် စဉ် ကပင် အိမ်ထောင်ပြု သူများ ဖြစ်သည့် အားလျော် စွာ အသက် (၁၇)၊ (၁၈) နှစ်ခန့်တွင် အိမ်ထောင် ပြုလေ့ ရှိပါ သည်။ အမျိုးသား တစ်ယောက် သည် အမျိုးသမီး တစ်ယောက် ကို သဘော ကျ နှစ်သက် သော အခါ အမျိုး သမီး မိဘ များ ထံ သွား၍ တောင်းရမ်း ရပါ သည်။ ထိုသို့ တောင်းရမ်း စဉ် အမျိုးသား နှင့် အတူ မိဘ (၂) ပါး ပါရ သည်။ ဆလုံ တို့၏ အကြီး အကဲ ပါရ သည်။ အမျိုး သမီး ဘက်က လက်ခံသော အခါ မင်္ဂလာ ပွဲ ရက်ကို နေ့ သတ်မှတ် ၍ နတ် ဆရာနှင့် တိုင်ပင်ကာ စားသောက် ဖွယ်ရာ များ ကို စီမံ ပြင်ဆင် ကြ ပါသည်။


သူတို့၏ အစား အသောက် များကား အထူး အဆန်း မဟုတ်ပါ။ ငါးကင် များ၊ ဆီနည်းနည်း ဖြင့် ကြော် ထားသော လင်းနို့ ကြော်၊ လင်းဆွဲ ကြော်၊ အူ အသည်း များ ထုတ်ထား သော ကြက်ကောင် လုံးပြုတ်၊ ကြက်ကောင် လုံးကင်၊ တစ်ခါ တစ်ရံ ရတတ်သော သင်းခွေချပ် ကြော်၊ မျောက် သား ကြော်နှင့် ပျားရည်၊ အရက် တို့ပင် ဖြစ်ပါ သည်။ မျောက် ချေးခါး ကိုလည်း ဆလုံ တို့ စားလေ့ စားထ ရှိပါ သည်။ မင်္ဂလာ အခမ်း အနား ကျင်းပ သည့် နေ့ရက် တွင် တစ်စု တစ်ဝေး တည်း နေကြ သည့် ဆလုံ တို့မှာ မည်သည့် ကိုယ်ရေး ကိုယ်တာ အလုပ် ကိုမျှ မလုပ် ဘဲ မင်္ဂလာပွဲ အတွက်သာ အားလုံး ၀ိုင်းဝန်း လုပ်ဆောင် ချက်ပြုတ် ကြ ပါသည်။ နံနက် (၉) နာရီ ခန့်တွင် ဆလုံ နတ် ဆရာ ရောက်လာ ပါသည်။ သူ့ လက်ထဲ တွင် ပလွေ ကဲ့သို့သော တူရိယာ လေး တစ်ခု ပါလာ ပါသည်။


ဆလုံ မင်္ဂလာ ပွဲ ကို များသော အားဖြင့် ပင်လယ် ကမ်းစပ် သဲသောင်ပြင် တွင် ကျင်းပ လေ့ ရှိပါ သည်။ ဆလုံ နတ်ဆရာ တစ်ယောက် မင်္ဂလာ ပွဲ သို့ ရောက်ရှိ လာချိန် တွင် နတ် ပူဇော်ပွဲ အတွက် အစား အသောက်များ ပြင်ဆင် ပြီး အဆင်သင့် ဖြစ်နေ ပါပြီ။ နတ် ဆရာ သည် ရှေး ဦးစွာ သူ တို့၏ ဆလုံ ရိုးရာ နတ်ကို လက် နှစ်ဖက် ခေါင်းပေါ် မြှောက်ကာ အပေါ် အောက် လှုပ်ရှား လျက် ပလွေ မှုတ်ကာ ပင့်ဖိတ် ပါသည်။ ပြီးနောက် လက်ထပ် မည့် အမျိုးသား၊ အမျိုး သမီး လက် လေးဖက် ကို ပူးယှက် စေကာ သူတို့ လက်ပေါ် သို့ နတ်ဆရာ ၏ လက်ဝါး နှစ်ဖက် ကို အုပ်မိုး လိုက် ပါသည်။ ထို့နောက် သူတို့ ရိုးရာ ဖြင့် ဤ မင်္ဂလာ မောင်မယ် ကို ရာသက် ပန် စောင့်ရှောက် စေလို ကြောင်း သူ တို့၏ ကျန်းမာ ရေး အတွက် သူတို့ အလုပ် အကိုင် အတွက် အကူ အညီ များ ပေးစေ လိုကြောင်း တိုင်တည် ပြောဆို ပါသည်။ သတိုး သား နှင့် သတိုး သမီး ကို လည်း ရာသက် ပန် ရိုးရာ ရိုးမြေကျ ပေါင်းဖေါ် မည့် အကြောင်း ရိုးရာ နတ်ထံ လက်လေး ဖက် မြှောက်ကာ တိုင်တည် စေ ပါ သည်။


ဆလုံ တိုင်းရင်းသား တို့သည် တစ်လင် တစ်မယား စနစ် ကိုသာ ကျင့်သုံး သော သူများ ဖြစ်ပါ သည်။ သူတို့ လောက တွင် အိမ်ထောင် ရေး ဖောက်ပြန်မှု ကို လုံးဝ လက်မခံ ချေ။ အိမ်ထောင် ရေး ဖောက်ပြန် သူများ ကို သူတို့ အစု အဝေးမှ ရာသက်ပန် နှင်ထုတ် ကာ သူ တို့ နှင့် လုံးဝ အဆက် အသွယ် မလုပ် တော့ပါ။ သူတို့ သည် အစု အဝေး နှင့် နေတတ် သည့် အားလျော်စွာ ထို ကဲ့သို့ အပြစ် ဒဏ်မျိုး ကို အလွန် ပင် ကြောက်ရွံ့ ကြ ပါသည်။ သူတို့သည် အိမ်ထောင် ကျသော အခါ သူတို့ အတွက် (မင်္ဂလာ မောင်မယ် အတွက်) ရိုးရာ လှေ တစ်စီး၊ ငါးဖမ်း ပိုက် တစ်စုံ နှင့် ငါးဖမ်း ကိရိယာ အချို့ကို လက်ဖွဲ့ လိုက် ပါသည်။ ဇနီး မောင်နှံ နှစ်ယောက် ဒိုးတူ ပေါင်ဖက် လုပ်ကိုင် စားသောက် ကြတော့ ဟု ဆိုလို သည့် သဘော ပင်။ သို့သော် ဇနီး မောင်နှံ နှစ်ယောက် မှာ အဝေး သို့သွားစရာ မလို၊ သည် အစု အဝေး မှာပင် နေထိုင် စေပါ သည်။ ဆလုံ တို့၏ မင်္ဂလာ ပွဲ ကပွဲ ကား တစ် နာရီင်္ ခန့် ကြာမြင့် ပါသည်။


ဆလုံ ရိုးရာ နတ်ပွဲများ


ဆလုံ ရိုးရာ နတ်ပွဲများ တွင် နတ် ဆရာ သည် နတ်ကို တိုင်တည် ပူဇော်ပြီး နောက် နတ်ပူး လာပြီး နတ်ဝင် လာသည် ဟု ဆိုကာ တုန်တက် လာပါ သည်။ ပြီးနောက် အရက် သောက်ပါ သည်။ ငါးကင်၊ ကြက် ကောင်လုံးကင်၊ အစား အသောက် များ စားပါ သည်။ ပြီးနောက် နတ် ဆရာ တုန်တုန် ယင်ယင်ဖြင့် ကပါ သည်။ ပရိသတ် ကလည်း လိုက်က ပါသည်။ နတ် ဆရာ နတ်ဝင် သည်မှာ နာရီဝက် ခန့်သာ ကြာ ပါသည်။ နတ် ဆရာ ထံမှ နတ်ထွက် သွားသော အခါ တုန်တုန် ယင်ယင် အမူအရာ များ ပျောက်ကွယ် သွား ပါသည်။


တစ္ဆေကြီး ပွဲ


တစ္ဆေကြီး ပွဲ ဆိုသည် မှာ အခြား မဟုတ်ပါ။ သေဆုံး သူများ ကို ကျွေးမွေး သည့် ပွဲပင် ဖြစ်ပါ သည်။ ဆလုံ တိုင်းရင်းသား တို့၏ အယူ အဆ မှာ သေဆုံး သွားသူ တို့သည် ကောင်းရာ မွန်ရာ ရောက်သူ ရှိသကဲ့ သို့ တစ်ချို့ မှာ တစ္ဆေ၊ သရဲ ဖြစ်နေ သည်ဟု ယုံကြည် ကြသည်။ ထို တစ္ဆေ၊ သရဲများ၊ စားရမဲ့၊ သောက်ရမဲ့ ဖြစ်နေ သည်ကို မလိုလား သဖြင့် တစ်နှစ် တစ်ခါ သူတို့ ရှိရာ သင်္ချိုင်း သို့သွား၍ သူတို့ကို ပင့်ဖိတ် ကာ ကျွေးမွေး ခြင်း ပင် ဖြစ်သည်။ ဆလုံ တို့သည် သေဆုံးသူ များကို ကျွန်းတစ်ကျွန်း တွင် မြှပ်နှံ သင်္ဂြိုဟ် လေ့ ရှိပါ သည်။ ထိုသင်္ချိုင်း တွင် တစ်နှစ် တစ်ခါ ( နှစ်စဉ် ဇန်န၀ါရီ လ ) ကျင်းပ သော တစ္ဆေပွဲ ကြီး တွင် ထုံးစံ အတိုင်း မပါမဖြစ် သည်မှာ ရိုးရာ နတ် ဆရာ နှင့် နတ်ပွဲပင် ဖြစ်ပါ သည်။ နတ် ဆရာ က ရိုးရာနတ် ကို ပင့်ဖိတ်ပြီး လျှင် အစား အသောက် များနှင့် ပူဇော် ပသ လေသည်။ သေဆုံး သူများ ကိုလည်း ပင့်ဖိတ် ကျွေးမွေး လေသည်။ ပြီးနောက် နတ်ဆရာ က တုန်တုန် ယင်ယင် နှင့် ကွေးနေ အောင် ကပါ တော့သည်။ ပရိသတ် များ ကလည်း ဗုံတီး ပြီး ကကြ ပါသည်။ သူတို့ အကမှာ အာဖရိက လူရိုင်း အက များနှင့် အတော် ပင် ဆင်တူ ပါသည်။ အရက် သောက်ထားပြီး သွေးကြွ နေတာ လည်း ပါပါ လိမ့်မည်။ ကျွန်း ကမ်းခြေ၊ ပင်လယ် သောင်စပ် မှပင် ကနေ ကြသူ အများ သား။ မည်သို့ပင် ဆိုစေ ဆလုံ တိုင်းရင်းသား တို့၏ ဤ ဓလေ့ မှာ လည်း ချစ်စရာ ပင် မဟုတ်ပါ လော။


ဆလုံ ရိုးရာ လှေကို လွန်းတင်ခြင်း







ဆလုံ တိုင်းရင်းသား တို့သည် သူတို့၏ သစ်ထွင်း လှေနှင့် စက်တပ် လှေများ ကို တစ်နှစ် တစ်ခါ မှန်မှန် လွန်းတင် လေ့ ရှိပါ သည်။ ပင်လယ် သဲသောင်ပြင် ၀ယ် လွန်းတင် ရန် ပြင်ဆင် ထားသည့် ရိုးရာ လှေမှ ပေါက်ပြဲ နေသည့် နေရာများ ကို မီးတုတ် ဖြင့် ရှို့ လိုက်သော အခါ မကောင်း သည့် ပုန်းညက် များ ကွာကျ လာ ပါသည်။ မီးတုတ် မှာ အုန်းလက် ဖြင့် မီးရှို့ ထားခြင်း ဖြစ်ပါသည်။ ပေါက်ပြဲ ယိုစိမ့် ကျနေ သည့် ပုန်းညက် အဟောင်း နေရာ တွင် ပုန်းညက် အသစ် ဖြင့် ဖာထေး ပါသည်။ သူတို့သည် လှေ ကို လွန်းတင် ရာ တွင် စုပေါင်း လုပ်ဆောင် ကြ သဖြင့် မည်မျှ ပင် ကြီးသည့် လှေ ဖြစ်စေ ကာမူ အများ ဆုံး လုပ်ရ ပါလျှင် ငါးရက် ခန့်သာ ကြာမြင့် ပါသည်။ ရင်ကမ်း လှေ ကို လွန်းတင်ရာ တွင် အခြား လှေနှင့် စာလျှင် သက်သာ ပါသည်။ လိုအပ် သော နေရာ တွင် ပုန်းညက် အသစ် ဖြင့် ဖာထေး ခြင်း ပင် ဖြစ်ပါ သည်။


ကျွန်တော် တွေ့ခဲ့သော ဆလုံ တိုင်းရင်းသား






ကျွန်တော် တွေ့ခဲ့သော ဆလုံ တိုင်းရင်းသား တို့မှာ ယောက်ျားလေး ရော၊ မိန်းကလေး ပါ အသက် (၁၀) နှစ်ခန့်တွင် ရေ နှင့် ပါတ်သက် ၍ အစစ အရာရာ အလွန် ကျွမ်းကျင် နေကြ လေပြီ။ ထိုစဉ် က ကျွန်တော့် မျက်စိ ရှေ့တွင် ပင် (၁၀) နှစ်သား ခန့် ရှိသော ဆလုံ ယောက်ျား လေး မှာ ခက်ရင်း စူးခွ မှိန်းတံရှည် ကို ကိုင်ဆောင် လျက် (၁၅) ပေခန့် နက်သော ပင်လယ်ရေ ထဲသို့ လှေပေါ် မှ ပလုံ ကနဲ ခုံဆင်း လိုက်သည် မှာ (၁၀) မိနစ် ခန့်ပင် မကြာ လိုက်ပါ။ သူပြန် တက် လာသော အခါ လက် ထဲတွင် (၂) ပေခန့်ရှိသော ငါးမန်းဖြူ တစ်ကောင် ပါလာ သည် ကို တွေ့ရ သဖြင့် ကျွန်တော် မှာ လွန်စွာ ပင် အံ့သြ သွားပါ သည်။ မနက်ပိုင်း ကလည်း ထိုနည်း တူစွာ ငါးလိပ် ကျောက် (လိပ်ပုံ သဏ္ဍန် ငါးပြားကြီး) တစ်ကောင် ကို ရခဲ့ ကြောင်း၊ ထို သူငယ် က လက်ဟန် ခြေဟန် ဖြင့် ကျွန်တော့် ကို ပြောပြပါ သေးသည်။




ဆလုံတို့သည် လူကြီး လူငယ် မရွေး အအား မနေဘဲ အမြဲ တစေ အလုပ်လုပ် နေသော လူမျိုး ပင် ဖြစ်ပါ သည်။ လွတ်လပ်မှု ကို မြတ်နိုး ကာ တစ်ခု မဟုတ် တစ်ခု အလုပ် လုပ်နေ သော တိုင်းရင်း သားများ ပင်။ များသော အားဖြင့် သူတို့ သည် လက်ထဲ တွင် ခက်ရင်း စူးခွ မှိန်းတံရှည် ကို ကိုင်ဆောင် ကာ ကမ်းခြေ၊ ကျောက်ဆောင်၊ ကျောက်ကြို ကျောက်ကြား အောက် ရှိ ငါးမျိုးစုံ တို့ကို ထိူးယူ ဖမ်းဆီး ကြ ပါသည်။ ဟိုစဉ် က ဆလုံ တိုင်းရင်းသား တို့ ငါးဖမ်း သည် ဆိုသည်မှာ ငါးဖမ်း ပိုက်များ ဖြင့် ဖမ်းလေ့ ဖမ်းထ နည်းပါး ပါ သည်။ သို့သော် ယခု အခါ တွင်မူ ငါးဖမ်း ပိုက် အမျိုးမျိုး ဖြင့် အတော် များများ ဖမ်းဆီး လာကြ ပါသည်။ သူတို့ ဘ၀ မှာ ယခင်က ဖမ်းယူ ရရှိ ငါးများ နှင့် ရေငုပ် ၍ ရရှိသော ပုလဲ၊ ပင်လယ်မျှော့ တို့ကို ရောင်း ချရာ တွင် ဈေးနှိမ် ခြင်း ခံရ သော်လည်း ယခု အခါ ထိုက်ထိုက် တန်တန် ဈေးမှန်၊ အလေးမှန် ရရှိ ခဲ့ ပါပြီ။ ဖဲရိုက် ကာ ကက်ဆက် နားထောင် နေကြ သော ဆလုံများ၊ ရွှေ ဆွဲကြိုး တ၀င်းဝင်း နှင့် ဆလုံ များ၊ ခြင်းလုံး ခတ်ကာ အပန်းဖြေ နေကြ သော ဆလုံ ကလေး ငယ်များ၊ ဘာပဲ ပြောပြော ဆလုံ တိုင်းရင်းသား တို့ လူနေမှု ဘ၀ တိုးတက် ဖွံ့ဖြိုး လာခဲ့ သည်မှာ အမှန် ပင် ဖြစ်ပါသည်။


ကျွန်တော့် ကိုယ်တွေ့ ရွှေ အောင်ပွဲ


ကျွန်တော့် ကိုယ်တွေ့ ကြုံခဲ့ ရသည့် ဆလုံ တို့၏ ရွှေ ရှာဖွေခြင်း ပြီးဆုံးခြင်း အောင်ပွဲ အတွေ့ အကြုံ လေးကို ပြောပြချင် ပါသေး သည်။ နေရာ ကား ရွှေကျွန်း လေး သဲ သောင်ပြင်၊ သဲသောင် ကုန်း ကမူ နေရာ တွင် ဆလုံ နတ်ကွန်း တစ်ခု နတ်ကွန်း အထဲ တွင် ထမင်း ကြော်၊ ငါးကြော်၊ ကြက်ကင်၊ အရက် များ။ နတ်ကွန်း နံလေး တွင် ရောင်စုံခြယ် သ ထား သော သစ်သားပြား များ (အကျယ် တစ်ပေ၊ အရှည် ခြောက်ပေ၊ ထု နှစ်လက်မ ခန့်) စိုက်ထူ ထား သည်။ မြေကြီး ထဲ တွင် တစ်ပေ ခန့်သာ တူးထည့် ထားခြင်း ဖြစ်သည်။


“ဒုံ...ဒုံ...ဒုံ တလုံတုန် ...ဒုံ.....ဒုံ”


“ဒုံ....... တလုံတုန် ......ဒုံ .....ဟေး .......ဟေး ........ဟေး ” ဆလုံ တို့၏ အောင်ပွဲ၊ ဆလုံ တို့ ရွှေရှာ သည်မှာ တစ်လ ပြည့် ခဲ့ပြီ။ သူတို့ ရွှေရှာ သည်မှာ လည်း ရိုးရိုးလေး ပင်။ ပေါက်တူး၊ ပေါက်ပြား တို့ဖြင့် အကျယ် ၃ ပေ၊ အနက် ၄ ပေခန့် ကျင်းများ တူးကာ၊ အချို့ ကလည်း အကျယ် ၄ ပေ၊ အနက် ၅ ပေခန့် ကျင်းများ တူးကြ သည်။ ကျင်းထဲ မှရသော မြေစာ များကို “ယင်း” ဟုခေါ်သော သစ်သား ဒယ်များ ထဲသို့ ထည့်၊ ရေထည့် ပြီးနောက် လက် နှစ်ဖက် ဖြင့် “ယင်း” ကို ဆန်ကော ၀ိုင်း လှည့်လည် ခြင်းပင်။ ထိုသို့ လှည့်ရာ တွင် ဖြည်းဖြည်း မှန်မှန် လှည့်ရ ပါသည်။ ရေ ကို မကြာ ခဏ ထည့်ပေး ရပါ သည်။


ဟော.. အခု ဆလုံ တို့၏ ရွှေအောင်ပွဲ လာပြီ။ ဆလုံ ခေါင်းဆောင် ဦးဘထွန်း ၏ ဦးဆောင်မှု ဖြင့် ဆလုံ တို့ တစ်လ တိတိ ရွှေရှာ ပေး ခဲ့ပြီ။ သူတို့ရှာ သည့် ရွှေကို သက်ဆိုင် ရာ က ညနေ (၅) နာရီ ဆိုလျှင် ချက်ချင်း ငွေ အပြည့် ချေ ၍ ပေါက်ဈေး အတိုင်း ယူသည်။ မည်သို့ ဆိုစေ ဆလုံ တို့ တာဝန် ကျေ ပါသည်။ သူတို့ အောင်ပွဲ တစ်ခု ရ ခဲ့ပြီ မဟုတ်ပါ လော။ ထို့ကြောင့် အောင်ပွဲ ကို ခြိမ့်ခြိမ့် သဲ ကျင်းပ နေသည်။ အောင်ပွဲ နှင့် အတူ ပတ်ဝန်း ကျင် တစ်ခုလုံး တွင် ဗုံသံ ၊ ဘင်သံ၊ ဗုံတစ်လုံး နှင့် ဘင် တစ်ခု ( ဘင် ခရာ အဖွဲ့ တွင် သုံးသည့် ဘင်) များ က မိုးဟိန်း သလို ဟိန်းထွက် နေသည်။ ဆလုံ အမျိုးသား နှင့် အမျိုးသမီး တို့ စည်းချက် ညီညီ ခြေလက် အရွှေ့ အပြောင်း အချိုး တို့ဖြင့် ကခုန် နေကြ သည်။ ပါစပ် မှ လည်း ဟေး..... ဟေး...... ဟု အားမာန် ပါပါ အော်ဟစ် နေကြ သည် ။ အင်မတန် ပျော်စရာ ကောင်းလှ သည်။ ဦးဘထွန်း နှင့် နတ်ဆရာ တို့ ထမင်း၊ ဟင်း၊ ငါးကင်၊ ကြက်ကြော်၊ အရက် တို့ဖြင့် သူတို့ ရိုးရာ နတ် ကို ပသ ပူဇော် နေကြ သည်။ သူတို့ရှေ့ တွင် နတ်ကွန်း၊ သဲကုန်းမြင့် ပေါ်က နတ်ကွန်း၊ သူ တို့ ပူဇော် ပသပုံမှာ လက် နှစ်ဘက် ကို ကား ထား၍ ခေါင်းပေါ် မြှောက် လိုက်၊ နည်းနည်း အောက်ချ လိုက် လုပ်ခြင်း ပင်၊ ပါးစပ် မှ လည်း ဆလုံ လို တတွတ်တွတ် ဖြင့် ရေရွတ် မြည်တမ်း ဆုတောင်း နေကြသည်။ ရွှေရှာ သည့် သူတို့ အောင်ပွဲ ပေးသော ရိုးရာ နတ် အား ကျေးဇူး တင် ပါကြောင်း နတ် ဆရာ က ထပ် တလဲလဲ ပြောနေ ခြင်း ပင် ဖြစ်သည်။


အောင်ပွဲ ....၊ မဟာ အောင်ပွဲ၊ အောင်ပွဲ သံက မိုးယံ သို့ အောင်မြင်စွာ ထိုးတက် သွားလေ ပြီ။ ဆလုံ အမျိုးသား အမျိုးသမီး တို့၏ အချက် ကျကျ ကကြိုး၊ ကကွက် နှင့် ဗုံသံ၊ ဘင်သံ များ... စည်ညံ လို့... .. ပျော်စရာ... ပျော်စရာ .. ပျော်စရာ အတိ... ပျော်စရာ အပြည့် .....။


မှီငြမ်း ကိုးကား

- ဒေါ်အေးနုခိုင် ( လုပ်သား ကောလိပ် ) ၏ ဆလုံ ရွာ သို့ ခရီးသွား မိတ်ဆက်
- မှတ်စု စာအုပ်
- ၀ါးလုံး ရှည် အတီး   Ref: http://myvillagezeegone.blogspot.sg/
 

ဝိညာဉ်ရေးရာ Spiritual (random article)

သခင်ခရစ်တော်မိန့်တော်မူခဲ့သော ပုံဥပမာများ PARABLES OF JESUS

သခင်ခရစ်တော်၏ပုံပမာများ Parables. (၃၈)ခု ရှိပါတယ်။ .....တကယ်တော့...ကျနော်၊ကျမ ဟာ လူပိန်းဖြစ်ပါတယ်။ ကျမ်းစာမှာ သိုး လို့ရေးထားပါတယ်။ ဘုရားသခင်က သိုးသူငယ်လို ခပ်ထုံထုံ ဖြစ်တဲ့ ...ကျနော်၊ကျမတို့ နားလည်အောင် ရိုးစင်းတဲ့ ပုံပမာလေးတွေနဲ့ ပြောပြပါတယ်။ လူသားအဖြစ် လောကကို ကြွဆင်းလာတဲ့ သခင်ယေရှုရဲ့ အသက်တာကလဲ ရိုးစင်းပါတယ်။ လက်ဝါးကပ်တိုင်ပေါ် အသေခံပြသွားပြီး၊ ရှင်ပြန်ထာမြောက်ခြင်းကိုလဲ လက်တွေ့ပြသခဲ့သူ ဖြစ်ပါတယ်။

ရှင်မသဲကျမ်းကို ညွှန်းပါတယ်။

၁။ တောင်းဇလားနှင့်အုပ်ထားသော ဆီမီး   မသဲ ၅း၁၄-၁၆

၂။ ကျောက်ပေါ်တွင်တည်သော ပညာရှိနှင့်၊ သံပေါ်တွင်တည်သော လူမိုက်  မသဲ ၇း၂၄-၂၇

၃။ အဝတ်ဟောင်းကို အထည်သစ်နှင့်ဖာခြင်း မသဲ ၉း၁၆

၎။ သားရေဗူးဟောင်း၌စပျစ်ရည်သစ်ထည့်ခြင်း မသဲ ၉း၁၇

၅။ မျိုးစေ့ချသူ  မသဲ ၁၃း၃-၂၃

၆။ ဂျံရိုင်းမျိုးစေ့များ  ၁၃း၂၄-၃၀

၇။ မုန်ညှင်းစေ့  ၁၃း၃၁-၃၂

၈။ တဆေး  ၁၃း၃၃

၉။ ဝှက်ထားသော ဘဏ္ဍာ   ၁၃း၄၄

၁၀။ အဘိုးထိုက်တန်သောပုလဲ   ၁၃း၄၅-၄၆

၁၁။ ပိုက်ကွန်  ၁၃း၄၇-၅၀

၁၂။ ပျောက်သောသိုး  ၁၈း၁၂-၁၄

၁၃။ အပြစ်မလွှတ်သည့်ကျွန်   ၁၈း၂၃-၃၅

၁၄။ စပျစ်ဥယျဉ်လုပ်သားများ  ၂၁း၁-၁၆

၁၅။ သားနှစ်ယောက်   ၂၁း၂၈-၃၂

၁၆။ ဆိုးညစ်သောစပျစ်ဥယျာဉ်လုပ်သားများ   ၂၁း၃၃-၄၅

၁၇။ မင်္ဂလာဆောင်ပွဲ   ၂၂း၂-၁၄

၁၈။ သင်္ဘောသဖန်းပင်   ၂၄း၃၂-၄၄

၁၉။ ပညာရှိသူနှင့်မိုက်မဲသူ (သတို့သမီးများ)   ၂၅း၁-၁၃

၂၀။ ကျွန်သုံးယောက်   ၂၅း၁၄-၃၀

၂၁။ မျိုးစေ့ကြီးထွားပုံ   မာကု ၄း၂၆-၂၉

၂၂။ အိမ်ရှင်နှင့်သူ၏ကျွန်များ   မာကု ၁၃း၃၃-၃၇

ရှင်လုကာတွင်

၂၃။ အိမ်ရှင်နှင့်မည်စား၂ဦး   လုကာ ၇း၄၂-၄၃

၂၄။ ကောင်းသောရှင်မာရိ   လု ၁၀း၃၀-၃၇

၂၅။ သန်းကောင်၌လာသောမိတ်ဆွေ  လု ၁၁း၅-၁၃

၂၆။ မိုက်သောသူဌေး   ၁၂း၁၆-၁၁

၂၇။ သစ္စာရှိသောအစေခံနှင့်မိုက်သောအစေခံ  ၁၂း၃၅-၄၀

၂၈။ သစ္စာရှိသောကျွန်   ၁၂း၄၂-၄၈

၂၉။ အသီးမဲ့သောသင်္ဘောသဖန်းပင်   ၁၃း၆-၉

၃၀။ ခမ်းနားသောစားသောက်ပွဲ   ၁၇း၁၆-၂၄

၃၁။ တိုက်ကိုတည်ခြင်းနှင့်စစ်ပြိုင်သောရှင်ဘုရင်   ၁၄း၂၅-၃၅

၃၂။ ပျောက်သောဒင်္ဂါး   ၁၅း၈-၁၀

၃၃။ ပျောက်သောသား   ၁၅း၁၁-၃၂

၃၄။ သစ္စာမဲ့သောဘဏ္ဍာစိုး   ၁၆း၁-၁၃

၃၅။ သူဌေးကြီးနဲ့လာဇရု   ၁၆း၁၉-၃၀

၃၆။ အကျိုးမဲ့သောကျွန်   ၁၇း၇-၁၀

၃၇။ တရားသူကြီးနှင့်မုဆိုမ   ၁၈း၁-၈

၃၈။ ဖာရိရှဲနှင့်အခွန်ခံ   ၁၈း၉-၁၄

အထက်ပါပုံမမာများဟာ လူနားလည်လွယ်အောင် သခင်ယေရှုပြောကြားခဲ့ခြင်းများ ဖြစ်ပါတယ်။

ပုံပမာ ၁။  တောင်းဇလားနှင့်အုပ်ထားသော ဆီမီး   မသဲ ၅း၁၄-၁၆

သင်တို့သည် ဤလော က၏အလင်းဖြစ်ကြ၏။ တောင်ထိပ်၌တည်သောမြို့ကိုမကွယ်နိုင်။ ဆီမီးထွန်း၍ တောင်းဇလား အောက်၌ဖုံးထားလေ့မရှိ။ အိမ်သူအိမ်သားအပေါင်းတို့သည် အလင်းကိုရစေခြင်းငှါ ဆီမီးခုံပေါ်မှာ တင်ထားလေ့ရှိ၏။ ထိုနည်းတူ၊ သူတပါးတို့သည် သင်တို့၏ကောင်းသောအကျင့်ကိုမြင်၍၊ ကောင်းကင်ဘုံ၌ ရှိတော်မူသော သင်တို့အဘ၏ဂုဏ်တော်ကို ချီးမွမ်းစေခြင်းငှါ၊ သူတပါးရှေ့၌သင်တို့အလင်းကိုလင်း စေကြလော့။

ပုံပမာ-၂။ ကျောက်ပေါ်တွင်တည်သော ပညာရှိနှင့်၊ သံပေါ်တွင်တည်သော လူမိုက်  မသဲ ၇း၂၄-၂၇

အကြင်သူသည် ငါဟောပြောသောဤစကားကိုကြား၍နားထောင်၏၊ ထိုသူသည်ကျောက်ပေါ်မှာ အိမ် ဆောက်သောပညာရှိနှင့်တူကြောင်းကိုငါပုံပြမည်။ မိုဃ်းရွာ၍ရေစီးသည်နှင့် လေလာ၍ထိုအိမ်ကို တိုက်သည်ရှိသော်၊ ကျောက်ပေါ်မှာတည်သောကြောင့် မပြိုမလဲနေ၏။ အကြင်သူသည် ငါဟောပြောသော ဤစကားကိုကြား၍ နားမထောင်ဘဲနေ၏၊ ထိုသူသည် သဲပေါ်မှာအိမ်ဆောက်သောလူမိုက်နှင့်တူကြောင်းကို ငါပုံပြမည်။ မိုဃ်းရွာ၍ ရေစီးသည်နှင့် လေလာ၍ထိုအိမ်ကိုတိုက်သောအခါ ကြီးစွာသောပြိုလဲခြင်းသို့ ရောက်လေသည်ဟု ဟောတော်မူ၏။

ပုံပမာ-၃။ အဝတ်ဟောင်းကို အထည်သစ်နှင့်ဖာခြင်း မသဲ ၉း၁၆

အဝတ်ဟောင်း ကိုအထည်သစ်နှင့်ဖာလေ့မရှိ။ ထိုသို့ဖာလျှင် ဖာသောအထည်သည်အဝတ်ဟောင်းကိုစား၍ အပေါက်ကျယ်တတ်၏။

ပုံပမာ-၄။ သားရေဗူးဟောင်း၌စပျစ်ရည်သစ်ထည့်ခြင်း မသဲ ၉း၁၇

၎င်းနည်း ဟောင်းသော သားရေဘူး၌ အသစ်သောစပျစ်ရည်ကိုထည့်လေ့မရှိ။ ထိုသို့ထည့်လျှင်၊ သားရေဘူးသည် စုတ်ကွဲသဖြင့်၊ စပျစ်ရည်သည် ယို၍ သားရေဘူးလည်းပျက်ဆီးတတ်၏။ အသစ်သောစပျစ်ရည်ကို အသစ်သော သားရေဘူး၌ထည့်လေ့ရှိ၏။ ထိုသို့ထည့်လျှင် နှစ်ပါးစလုံးမပျက်ဆီးဟုမိန့်တော်မူ၏။

ပုံပမာ-၅။ မျိုးစေ့ချသူ  မသဲ ၁၃း၃-၂၃

ထိုအခါ ဥပမာစကားများတို့ကို မြွက်ဆိုတော်မူ သည်မှာ၊ မျိုးစေ့ကြဲသောသူသည် မျိုးစေ့ကိုကြဲခြင်းငှာထွက်သွား၏။ အစေ့ကိုကြဲသည်တွင်၊ အချို့သောအစေ့တို့သည် လမ်း၌ကျသဖြင့် ငှက်တို့သည် လာ၍ကောက်စားကြ၏။ အချို့သော အစေ့တို့သည် မြေနည်း၍ကျောက်ပေါများသော အရပ်၌ကျသဖြင့်၊ မြေတိမ် သောကြောင့် ချက်ခြင်း အပင်ပေါက်သော်လည်း၊ နေထွက်သောအခါ ပူလောင်သည်ဖြစ်၍ အမြစ်မစွဲသောကြောင့် ည‡ိုးနွမ်း ပျက်ဆီးခြင်းသို့ရောက်ကြ၏။ အချို့သောအစေ့တို့သည် ဆူးပင်တို့တွင်ကျသဖြင့်၊ ဆူးပင်တို့သည်ကြီးပွား၍ ညှင်းဆဲကြ၏။ အချို့သောအစေ့တို့သည် ကောင်းသောမြေ၌ကျသဖြင့်၊ အဆသုံးဆယ်၊ အဆခြောက်ဆယ်၊ အဆ တရာပွားများ၍ အသီးသီးကြ၏။ ကြားစရာနားရှိသောသူမည်သည်ကား ကြားပါစေဟုမိန့်တော်မူ၏။

တပည့်တော်တို့သည် ချဉ်းကပ်လျက်၊ ကိုယ်တော်သည်အဘယ်ကြောင့်ဥပမာကိုဆောင်၍ ဤလူတို့အား ဟောပြောတော်မူသနည်းဟု မေးလျှောက်ကြလျှင်၊ ကိုယ်တော်က၊ သင်တို့သည် ကောင်းကင်နိုင်ငံတော်၏ နက်နဲသောအရာတို့ကိုသိရသောအခွင့်ရှိကြ၏။ ထိုသူတို့မူကား အခွင့်မရှိကြ၊ အကြင်သူသည်ရတတ်၏၊ ထိုသူ၌ ကြွယ်ဝပြည့်စုံစေခြင်းငှါပေးဦးမည်။ အကြင်သူသည်ဆင်းရဲ၏၊ ထိုသူ၌ရှိသမျှကိုပင် နှုတ်လိမ့်မည်။ ၁၃ထိုကြောင့် သူတို့ သည် မြင်လျက်မမြင်၊ ကြားလျက်မကြား၊ အနက်ကိုလည်းနားမလည်သောကြောင့် ဥပမာကိုဆောင်၍ ငါဟောပြော ၏။ ဟေရှာယဟောဘူးသော အနာဂတ်စကားဟူမူကား၊ သင်တို့သည်ကြားလျက်ပင် အနက်ကိုနားမည်ဘဲ ကြားကြလိမ့်မည်။ မြင်လျက်ပင် အာရုံမပြုဘဲမြင်ကြလိမ့်မည်။ အကြောင်းမူကား၊ ဤလူမျိုးသည် မျက်စိမမြင်၊ နားမကြား၊ စိတ်နှလုံးမသိ၊ အကျင့်မပြောင်းလဲ၊ သူတို့အနာရောဂါကို ငါမငြိမ်းစေရသည်တိုင်အောင်၊ သူတို့စိတ်နှလုံး သည် မိုက်လျက်၊ နားသည်ထိုင်းလျက်၊ ကိုယ်မျက်စိကိုပိတ်လျက်ရှိကြ၏ ဟူသောစကားသည် ဤလူတို့၌ပြည့်စုံ ခြင်းသို့ရောက်သတည်း။ သင်တို့မျက်စိသည် မြင်သောကြောင့် မင်္ဂလာရှိ၏။ သင်တို့နားသည်လည်း ကြားသောကြောင့် မင်္ဂလာရှိ၏။ ငါအမှန်ဆိုသည်ကား၊ သင်တို့မြင်ရသောအရာတို့ကို ပရောဖက်များနှင့် ဖြောင့်မတ်သောသူများတို့သည် မြင်ခြင်းငှါအလိုရှိသော်လည်း မမြင်ရကြ။ သင်တို့ကြားရသောအရာတို့ကို ကြားခြင်းငှါအလိုရှိသော်လည်း မကြားရကြ။

မျိုးစေ့ကြဲသောသူ၏ ဥပမာအနက်အဓိပ္ပါယ်ကို နားထောင်ကြလော့။ လမ်း၌ အစေ့ကိုကြဲခြင်းအကြောင်း အရာကား၊ နိုင်ငံတော်၏တရားစကားကိုကြား၍ နှလုံးမသွင်းသည်ရှိသော်၊ နတ်ဆိုးလာ၍ နှလုံး၌ကြဲသောအစေ့ကို နှုတ်ယူတတ်သည်ဟု ဆိုလိုသတည်း။ ကျောက်ပေါသောအရပ်၌ အစေ့ကိုကြဲခြင်းအကြောင်းအရာကား၊ တရားစကားကိုကြား၍ ဝမ်းမြောက်သောစိတ်နှင့် ချက်ခြင်းခံယူ သော်လည်း၊ စိတ်နှလုံး၌ အမြစ်မစွဲခဏသာတည်သဖြင့်၊ တရားစကားကြောင့် အမှုအခင်းနှင့် ညှင်းဆဲခြင်းကိုခံရသောအခါ ချက်ခြင်းဖောက်ပြန်တတ်သည်ဟု ဆိုလိုသတည်း။ ဆူးပင်တို့တွင် အစေ့ကိုကြဲခြင်းအကြောင်းအရာကား၊ တရားစကားကိုကြား၍ လောကီအမှု၌ စိုးရိမ်ခြင်းနှင့် စည်းစိမ်ဥစ္စာ၏ လှည့်စားခြင်းသည် တရားစကားကို လွှမ်းမိုးညှဉ်းဆဲတတ်သောကြောင့် အသီးမသီးနိုင်ဟု ဆိုလို သတည်း။ ကောင်းသောမြေ၌ အစေ့ကိုကြဲခြင်းအကြောင်းအရာကား၊ တရားစကားကိုကြား၍ နှလုံးသွင်းသဖြင့်၊ အဆသုံးဆယ်၊ အဆခြောက်ဆယ်၊ အဆတရာပွားများ၍ အသီးသီးတတ်သည်ဟု ဆိုလိုသတည်းဟု မိန့်တော်မူ၏။

ပုံပမာ-၆။ ဂျံရိုင်းမျိုးစေ့များ  မသဲ ၁၃း၂၄-၃၀

အခြားသောဥပမာစကားကို မိန့်မြွက်တော်မူသည်ကား၊ ကောင်းကင်နိုင်ငံတော်သည် ကောင်းသောမျိုးစေ့ကို လယ်၌ကြဲသောသူနှင့်တူ၏။ လူတို့သည် အိပ်ပျော်သောအခါ သူ၏ရန်သူသည် လာ၍၊ ကောင်းသောစပါးနှင့် လက္ခဏာတူသော တောမျိုးစေ့ကို စပါးအထဲ၌ ကြဲ၍သွားလေ၏။ အပင်ပေါက်၍ အသီးအနှံထွက်သောအခါ၊ တောပင်များလည်းထင်ရှားလျှင်၊ ကျွန်တို့သည် အိမ်ရှင်ထံသို့သွား၍ သခင်၊ ကောင်းသောမျိုးစေ့ကို လယ်၌ ကြဲတော်မူသည်မဟုတ်လော။ တောပင်တို့သည် အဘယ်ကဖြစ်သနည်းဟု လျှောက်ကြလျှင်၊ အိမ်ရှင်က၊ ဤအမှု ကား ရန်သူပြုသောအမှုတည်းဟု ဆို၏။ အကျွန်ုပ်တို့သည်သွား၍တောပင်တို့ကို ရွေးနှုတ်စေခြင်းငှာ အလိုတော် ရှိသလော ဟု လျှောက်ကြလျှင်၊ အိမ်ရှင်က ထိုသို့ငါအလိုမရှိ။ တောပင်တို့ကို ရွေးနှုတ်လျှင် စပါးပင်တို့ကိုရောနှော၍ နှုတ်မိမည်စိုးရိမ်စရာအကြောင်းရှိ၏။ စပါးရိတ်သည်ကာလတိုင်အောင် အပင်နှစ်မျိုးတို့သည် အတူကြီး ပွားပါလေစေ။ စပါးရိတ်သည်ကာလရောက်လျှင်၊ တောပင်တို့ကိုရှေ့ဦးစွာ ရွေးနှုတ်၍မီးရှို့ခြင်းငှါစည်းနှောင်ကြ လော့။ စပါးကိုကား ကျီ၌စုသိမ်းသွင်းထားကြလော့ဟု ရိတ်သောသူတို့အား ငါစီရင်မည်ဟု အိမ်ရှင်ဆိုသည် ဟု မိန့်တော်မူ၏။

ပုံပမာ-၇။ မုန်ညှင်းစေ့  မသဲ ၁၃း၃`၊  ၃၂၃

ထိုအခါ ဥပမာစကားများတို့ကို မြွက်ဆိုတော်မူ သည်မှာ၊ မျိုးစေ့ကြဲသောသူသည် မျိုးစေ့ကိုကြဲခြင်းငှာထွက်သွား၏။ မုန်ညင်းစေ့သည် အစေ့တကာတို့ထက်ငယ်သော်လည်း၊ ကြီးပွားသောအခါ မျက်ပင်တကာ တို့ထက်ကြီးသဖြင့်၊ မိုဃ်းကောင်းကင်ငှက်တို့သည် လာ၍အကိုင်းအခက်တို့၌ နားနေမှီခိုလောက်သောအပင် ဖြစ်တတ်သည်ဟု မိန့်တော်မူ၏။

ပုံပမာ-၈။ တဆေး  မသဲ ၁၃း၃၃

အခြားသောဥပမာစကားကို မိန့်မြွက်တော်မူသည်ကား၊ ကောင်းကင်နိုင်ငံတော်သည် တဆေးနှင့် တူ၏၊ မိန်းမသည် တဆေးကိုယူ၍ မုန့်ညက်သုံးတင်း၌ထည့်သဖြင့်၊ မုန့်ညက်ရှိသမျှကို ဖောင်းကြွစေ တတ်သည် ဟု မိန့်တော်မူ၏။

ပုံပမာ-၉။ ဝှက်ထားသော ဘဏ္ဍာ  မသဲ  ၁၃း၄၄

တနည်းကား၊ ကောင်းကင်နိုင်ငံတော်သည် လယ်၌ဝှက်ထားသောဘဏ္ဍာနှင့်တူ၏။ ထိုဘဏ္ဍာကိုတွေ့ သောသူသည် တဖန်ဖုံးအုပ်၍၊ ဝမ်းမြောက်သောစိတ်နှင့်သွားပြီးလျှင်၊ ရတတ်သမျှကို ရောင်း၍ ထိုလယ်ကိုဝယ် တတ်၏။

ပုံပမာ-၁၀။ အဘိုးထိုက်တန်သောပုလဲ   မသဲ ၁၃း၄၅၊ ၄၆

တနည်းကား၊ ကောင်းကင်နိုင်ငံတော်သည် မြတ်သောပုလဲတို့ကိုရှာသော ကုန်သည်နှင့်တူ၏။ ထိုကုန် သည်သည် အလွန်အဘိုးထိုက်သောပုလဲကိုတွေ့သောအခါ၊ သွား၍မိမိ၌ရတတ်သမျှကိုရောင်း ပြီးလျှင် ထိုပုလဲကို ဝယ်လေ၏။

ပုံပမာ-၁၁။ ပိုက်ကွန်  မသဲ ၁၃း၄၇-၅၀

တနည်းကား၊ ကောင်းကင်နိုင်ငံတော်သည် ပင်လယ်၌ချ၍ အမျိုးမျိုးသောငါးတို့ကိုအုပ်မိသော ပိုက်ကွန် နှင့်တူ၏။ ငါးနှင့်အပြည့်ရှိသောအခါ တံငါတို့သည်ကုန်းပေါ် သို့ဆွဲတင်၍ထိုင်လျက်၊ ကောင်းသောငါးကိုခြင်းထဲသို့ ရွေးချယ်ထည့်ထား၍၊ မကောင်းသောငါးကိုပြင်သို့ပစ်လိုက်ကြ၏။ ထိုနည်းတူ ကမ္ဘာအဆုံး၌ကောင်းကင်တမန် တို့သည်ဆင်းလာပြီးလျှင်၊ ဖြောင့်မတ်သောသူတို့အထဲမှ ဆိုးသောသူတို့ကို နှုတ်ယူခွဲထား၍၊ ငိုကြွေးခြင်း၊ အံသွားခဲကြိတ်ခြင်းရှိရာမီးဖို၌ ချကြလတံ့။ ဤအရာအလုံးစုံတို့ကို သင်တို့သည်နားလည်ကြသလောဟု မေးတော်မူလျှင်၊ နားလည်ပါပြီသခင်ဟု တပည့်တော်တို့သည် လျှောက်ကြ၏။

ပုံပမာ-၁၂။ ပျောက်သောသိုး  မသဲ ၁၈း၁၂-၁၄

အဘယ်သို့ထင်ကြ သနည်း။ သိုးတရာရှိသောသူ၌ သိုးတကောင်သည် လမ်းလွဲ၍ပျောက်လျှင်၊ ထိုသူသည် ကိုးဆယ်ကိုးကောင်သော သိုးတို့ကို တောင်ပေါ်မှာထားခဲ့ပြီးမှ၊ လမ်းလွဲ၍ပျောက်သော သိုးတကောင်ကိုသွား၍ ရှာတတ်သည် မဟုတ်လော။ တွေ့ပြီးလျှင်၊ လမ်းမလွဲမပျောက်သောသိုးကိုးဆယ်ကိုးကောင်၌ ဝမ်းမြောက်ခြင်းရှိသည်ထက်၊ ထိုသိုးတကောင်၌ သာ၍ဝမ်းမြောက်ခြင်းရှိသည် ဟုငါအမှန်ဆို၏။ ထိုနည်းတူ ကောင်းကင်ဘုံ၌ ရှိတော်မူသော သင်တို့အဘသည် ဤသူငယ်တယောက်မျှ ပျက်စီးစေခြင်းငှါ အလိုရှိတော်မရှိ။

ပုံပမာ-၁၃။ အပြစ်မလွှတ်သည့်ကျွန်   မသဲ ၁၈း၂၃-၃၅

ထိုကြောင့် ကောင်းကင်နိုင်ငံတော်သည်၊ မိမိကျွန်များတို့ကို စာရင်းယူခြင်းငှါ အလိုရှိသောမင်းကြီးတဦး နှင့်တူ၏။ စာရင်းယူစဉ်တွင်၊ ငွေအခွက် တသိန်းကြွေးတင်သော သူတယောက်ကိုရှေ့တော်သို့ ဆောင်ခဲ့ကြ၏။ ထိုသူသည် ကြွေးဆပ်ရန် မရှိသောကြောင့်၊ ကိုယ်မှစ၍သားမယားဥစ္စာရှိသမျှတို့ကိုရောင်း၍ ကြွေးကိုဆပ်စေဟု သူ၏သခင်စီရင်၏။ ထိုကျွန်သည် ညွတ်ပြပ်ဝပ်တွားလျက်၊ သခင်၊ ကျွန်တော်ကို သည်းခံတော်မူပါ။ ကြွေးရှိသမျှကိုဆပ်ပါမည် ဟု လျှောက်လျှင်၊ သူ၏သခင်သည် သနားခြင်းရှိသဖြင့် ကြွေးရှိသမျှကိုလွှတ်၍ ချမ်းသာပေးလေ၏။

ထိုကျွန်သည် ထွက်သွားရာတွင် မိမိငွေဒေနာရိတရာ ကြွေးတင်သော ကျွန်ချင်းတယောက်ကို တွေ့လျှင်၊ လည်ပင်းကိုကိုင် ညှစ်၍ ငါ့ငွေကိုဆပ်ပေးလော့ဟု ဆို၏။ ထိုကျွန်ချင်းသည် ကြွေးရှင်၏ ခြေရင်း၌ ပြပ်ဝပ်လျက် ကျွန်တော်ကို သည်းခံတော်မူပါ။ ကြွေးရှိသမျှကိုဆပ်ပါမည်ဟု တောင်းပန်သော်လည်း၊ ငွေရှင်သည် နားမထောင်ဘဲ သွား၍ ကြွေးကိုမဆပ်မှီတိုင်အောင်သူ့ကိုထောင်ထဲမှာ လှောင်ထား၏။ ထိုအမူအရာကို အခြားသော ကျွန်ချင်း တို့သည် မြင်လျှင် အလွန်နာကြည်းသောစိတ်နှင့်သွား၍၊ ပြုလေသမျှတို့ကို မိမိတို့သခင်၌ ကြားလျှောက်ကြ၏။ ထိုအခါသခင်သည် ထိုကျွန်ကိုခေါ်၍၊ ဟယ်ဆိုးညစ်သောကျွန်၊သင်သည်ငါ့ကိုတောင်းပန်သောကြောင့်သင်၌တင် သမျှသော ကြွေးကိုငါ ရှင်းလင်း စေ၏။ ငါသည်သင့်ကို သနားသကဲ့သို့ဗသင်သည်လည်း ကျွန်ချင်းကို မသနားအပ် သလောဟုဆိုလျက်၊ အမျက်ထွက်၍ ကြွေးရှိသမျှကို မဆပ်မှီ တိုင်အောင်အာဏာသားတို့လက်ကို အပ်လေ၏။ သင်တို့သည်လည်း ညီအစ်ကို အချင်းချင်းတို့ကို စိတ်နှလုံးပါလျက် အပြစ်မလွှတ်လျှင်၊ ကောင်းကင်ဘုံ၌ ရှိတော်မူသောငါ၏ အဘသည် ထိုနည်းတူသင်တို့ကို စီရင်တော်မူလတံ့ဟုမိန့်တော်မူ၏။

ပုံပမာ-၁၄။ စပျစ်ဥယျဉ်လုပ်သားများ  မသဲ ၂၁း၁-၁၆

ယေရုရှလင်မြို့အနီးသို့ ချဉ်း၍ သံလွင်တောင်ခြေရင်း၌ ဗက်ဖာဂေရွာသို့ရောက်ကြသောအခါ၊ ယေရှုသည် တပည့်တော်နှစ်ယောက်တို့ကို စေလွှတ်၍၊ သင်တို့ရှေ့၌ရှိသောရွာသို့သွားကြ။ ထိုရွာ၌ချည်နှောင်လျက်ရှိသော မြည်းမနှင့်မြည်းကလေးကို သင်တို့သည် ချက်ခြင်းတွေ့လိမ့်မည်။ မြည်းကြိုးကိုဖြည်၍ ငါ့ထံသို့ဆောင်ခဲ့ကြ။ ၃သူတပါးသည် သင်တို့အား တစုံတခုကိုဆိုလျှင် သခင်အလိုရှိသည်ဟု ပြန်ပြောကြလော့။ ထိုသို့ပြောလျှင် ထိုသူသည် ချက်ခြင်းပေးလိုက်မည်ဟု မှာထားတော်မူ၏။ ထိုအကြောင်းအရာမူကား၊ သင်၏အရှင်မင်းကြီးသည် မြည်းမနှင့် မြည်းကလေးကိုစီး၍၊ ၅နူးညံ့သိမ်မွေ့သောစိတ်နှင့် သင်ရှိရာသို့ကြွလာတော်မူသည်ကို ကြည့်ရှုလော့ဟု ဇိအုန်သတို့သမီးအား ပြောကြလော့ ဟူသောပရောဖက်၏ နှုတ်ထွက်ပြည့်စုံမည်အကြောင်းဖြစ်သတည်း။

တပည့်တော်တို့သည်သွား၍ အမိန့်တော်အတိုင်းပြုသဖြင့်၊ မြည်းမနှင့်မြည်းကလေးကို ဆောင်ခဲ့၍ မြည်းကျောပေါ်မှာ မိမိတို့အဝတ်ကိုတင်ကြပြီးလျှင် ကိုယ်တော်သည် စီးတော်မူ၏။ ၈အတိုင်းမသိ များစွာသော လူတို့သည် မိမိတို့အဝတ်ကို လမ်း၌ခင်းကြ၏။ အချို့တို့သည် သစ်ကိုင်းသစ်ခက်များကိုခုတ်၍ လမ်း၌ခင်းကြ၏။ ရှေ့နောက်လိုက်သွားသော အခြံအရံများတို့က၊ ဒါဝိဒ်၏သားတော်အား ဟောရှရဖြစ်စေသတည်း။ ထာဝရဘုရား၏ အခွင့်နှင့်ကြွလာတော်မူသောသူသည် မင်္ဂလာရှိစေသတည်း။ ကောင်းကင်ဘဝက်ဝယ် ဟောရှရ ဖြစ်စေသတည်း ဟု ကြွေးကြော်ကြ၏။ ယေရုရှလင်မြို့သို့ ဝင်တော်မူသောအခါ တမြို့လုံး အုပ်အုပ်သဲသဲဖြစ်၍၊ ဤသူကား အဘယ်သူနည်းဟု မေးမြန်းကြလျှင်၊ လူအစုအဝေးတို့က၊ ဤသူသည် ဂါလိလဲပြည် နာဇရက်မြို့၌ပေါ်ထွန်းသော ပရောဖက်ယေရှုပေတည်းဟု ပြောဆိုကြ၏။

ယေရှုသည် ဘုရားသခင်၏ ဗိမာန်တော်သို့ဝင်တော်မူပြီးလျှင်၊ ဗိမာန်တော်၌ ရောင်းဝယ်သော သူအပေါင်း တို့ကိုနှင့်ထုတ်၍၊ ငွေလဲသောသူတို့၏ ခုံများကို၎င်း၊ ချိုငှက်ရောင်းသောသူတို့၏ ထိုင်နေရာကို၎င်း တွန်းလှဲတော်မူလျက်၊ ငါ့အိမ်ကိုဆုတောင်းရာအိမ်ဟူ၍ ခေါ်ဝေါ် ကြလတံ့ ဟုကျမ်းစာ၌ လာသော်လည်း၊ သင်တို့သည် ထိုအိမ်ကို ထားပြတွင်းဖြစ်စေကြပြီးတကား ဟုမိန့်တော်မူ၏။ ထိုအခါ ဗိမာန်တော်၌ မျက်စိကန်းသောသူ၊ ခြေမစွမ်းသောသူတို့သည် အထံတော်သို့လာ၍ သူတို့အနာရောဂါ ကိုငြိမ်းစေတော်မူ၏။ ကိုယ်တော်ပြုတော်မူသောအံ့သြဘွယ်အမှုတို့ကို၎င်း၊ သူငယ်တို့ကလည်း၊ ဒါဝိဒ်၏ သားတော် အားဟောရှရ ဖြစ်စေသတည်းဟု ဗိမာန်တော်၌ ကြွေးကြော်ကြသည်ကို၎င်း၊ ယဇ်ပုရောဟိတ်အကြီး၊ ကျမ်းပြုဆရာ တို့သည်ကြားမြင်လျှင် အမျက်ထွက်ကြ၍၊ ဤသူတို့သည် အဘယ်သို့ပြောဆိုသည်ကို ကြားသလောဟုယေရှု အားမေးကြသော်၊ ငါကြား၏။ နို့စို့သူငယ်တို့နှုတ်ထဲမှ ကိုယ်တော်သည် ချီးမွမ်းခြင်းကိုပြင်ဆင်တော်မူသည် ဟူသော စကားကိုသင်တို့သည်တရံတခါမျှ မဘတ်ဘူး သလောဟုမိန့်တော်မူ၏။

ပုံပမာ-၁၅။ သားနှစ်ယောက်   မသဲ ၂၁း၂၈-၃၂

သင်တို့သည်အဘယ်သို့ထင်ကြသနည်း။ တစုံတယောက်သောသူ၌ သားနှစ်ယောက်ရှိ၏။ သားအကြီး ဆီသို့သွား၍ ငါ့သား၊ ယနေ့ငါ့စပျစ်ဥယျာဉ်သို့သွား၍ လုပ်ဆောင်လော့ ဟုဆိုလျှင်၊ သားကငါမသွားဘူးဟု ပြန်ပြောသော်လည်း၊ နောက်မှ နောင်တရ၍သွားလေ၏။ အဘသည်အခြားသော သားဆီသို့သွား၍ရှေ့နည်းအတူ ဆိုလျှင်၊ သားကသွားပါမည်အဘ သခင်ဟုဆိုသော်လည်းမသွားဘဲနေ၏။ ထိုသားနှစ်ယောက်တို့တွင်အဘယ်သူ သည်အဘ၏အလိုကိုဆောင်သနည်းဟုမေးတော်မူလျှင်၊ သားအကြီး ဆောင်ပါသည်ဟုလျှောက်ကြသော်၊ ယေရှုကလည်းငါအမှန်ဆိုသည်ကား၊ အခွန်ခံတို့နှင့်ပြည်တန်ဆာ တို့သည် သင်တို့အရင်ဘုရားသခင်၏ နိုင်င့တော်သို့ ဝင်တတ်ကြ၏။ အကြောင်းမူကား၊ ယောဟန်သည် ဖြောင့်မတ်သော အကျင့်ကိုကျင့်၍ သင်တို့ဆီသို့လာသော် လည်းသင်တို့မယုံကြည်ကြ။ အခွန်ခံတို့နှင့်ပြည်တန်ဆာတို့မူကား ယုံကြည်ကြ၏။ထိုအကြောင်းကိုသင်တို့သည် မြင်သော်လည်း ယုံကြည်မည်အကြောင်းနောက်တဖန်နောင်တမရကြ။

ပုံပမာ-၁၆။ ဆိုးညစ်သောစပျစ်ဥယျာဉ်လုပ်သားများ   မသဲ ၂၁း၃၃-၄၅

အခြားသောဥပမာကိုနားထောင်ကြလော့။ အိမ်ရှင်တဦးသည် စပျစ်ဥယျာဉ်ကို စိုက်ပျိုး၍၊ စောင်ရန်းကို လုပ်ပြီးမှ စပျစ်သီးနယ်ရာကျင်းကိုတူးလေ၏။ မှီခိုရာလင့်စင်ကိုလည်း ဆောက်လေ၏။ လုပ်ဆောင်သောသူတို့အား ဥယျာဉ်ကိုငှါး၍အခြားသောပြည်သို့သွားလေ၏။ အသီးသီးချိန်ရောက်သော အခါ၊ အသီးကိုခံစေခြင်းငှါငယ်သား တို့ကိုဥယျာဉ်စောင့်တို့ရှိရာသို့စေလွှတ်လေ၏။ ထိုသူတို့သည် ငယ်သားများကိုဘမ်းပြီးလျှင်တဦးကိုရိုက်၍၊ တဦးကိုသတ်၍၊ တဦးကိုခဲနှင့်ပစ်ကြ၏။ နောက်တဖန် အရင်ထက်များသောအခြားငယ်သားတို့ကိုစေလွှတ်ပြန်လျှင်၊ ဥယျာဉ်စောင့်တို့သည် ရှေ့နည်းအတူပြုကြ၏။ နောက်ဆုံးဥယျာဉ်ရှင်က၊ ထိုသူတို့သည် ငါ့သားကိုအားနာကြ လိမ့်မည် ဟုဆို၍မိမိသားကို စေလွှတ်လေ၏။ ဥယျာဉ်စောင့်တို့သည် သားကိုမြင်လျှင်၊ ဤသူသည် အမွေခံဖြစ်၏။ လာကြ၊ သူကိုသတ်၍သူ၏ အမွေဥစ္စာကို ယူကြကုန်အံ့ဟု အချင်းချင်း တိုင်ပင်၍၊ ဥယျာဉ်၏ သားကိုဘမ်းယူပြီးမှ ဥယျာဉ်ပြင်သို့ထုတ်၍ သတ်ပစ်ကြ၏။ သို့ဖြစ်လျှင်၊ ဥယျာဉ်ရှင်သည် လာသောအခါ၊ ဥယျာဉ်စောင့်တို့ကို အဘယ် သို့ပြုမည်နည်းဟု မေးတော်မူ၏။ ၄၁ပရိသတ်တို့ကလည်း၊ ထိုလူဆိုးတို့အား ဆိုးသောဖျက်ဆီးခြင်းကို စီရင်ပါလိမ့် မည်။ အသီးသီးချိန်တွင် အသီးကို ဆက်အံ့သောအခြားလူတို့အားထို ဥယျာဉ်ကို ငှါးပါလိမ့်မည်ဟုလျှောက်ကြ၏။

ယေရှုကလည်း၊ တိုက်ကိုတည်လုပ်သောသူများပယ်ထားသော ကျောက်သည် နောက်တဖန် တိုက်ထောင့် အထွဋ်ဖျားသို့ ရောက်ပြန်၏။ ထိုအမှုသည်ထာဝရဘုရားပြုတော်မူသောအမှုဖြစ်၏ ငါတို့မျက်မှောက်၌လည်း အံ့သြဘွယ်ဖြစ်၏ ဟူသောစကားကိုကျမ်း စာ၌သင်တို့သည်တရံတခါမျှ မဘတ်ဘူးသလော။ ထိုကြောင့် ငါဆိုသည်ကား၊ ဘုရားသခင်၏ နိုင်ငံတော်ကို သင်တို့မှ နှုတ်၍နိုင်ငံတော်၏အသီးကိုသီးအံ့သောလူမျိုးအား ပေးရလတံ့။ အကြင်သူသည်ထိုကျောက်အပေါ်သို့ကျ၏၊ ထိုသူသည်ကျိုးလတံ့၊ အကြင်သူ၏ အပေါ်သို့ ထိုကျောက်သည်ကျ၏၊ ထိုသူသည်ညက်ညက်ကြေလတံ့ ဟုမိန့်တော်မူ၏။ ထိုဥပမာစကားကို ယဇ်ပုရောဟိတ် အကြီးနှင့် ဖာရိရှဲတို့သည် ကြားရလျှင်၊ မိမိတို့ကိုရည်ဆောင်၍ ဟောပြောတော် မူသည်ကိုသိကြ၏။ ၄၆ကိုယ်တော်ကို ဘမ်းဆီးခြင်းငှါရှာ ကြံသော်လည်း၊ စုဝေးသောသူများကိုကြောက်ကြ၏။ အကြောင်းမူကား၊ ထိုသူတို့သည် ကိုယ်တော်ကို ပရောဖက်ကဲ့သို့ ထင်မှတ်ကြ၏။

ပုံပမာ-၁၇။ မင်္ဂလာဆောင်ပွဲ   မသဲ ၂၂း၂-၁၄

ကောင်းကင် နိုင်ငံတော် သည် မိမိသားအဘို့ထိမ်းမြားမင်္ဂလာဆောင်ပွဲကိုစီရင်သောမင်းကြီးနှင့်တူ၏။ ထိုမင်းကြီးသည်ဘိတ်ပြီးသောသူတို့ကို ခေါ်စေခြင်းငှါလုလင်တို့ကိုစေလွှတ်သောအခါ ထိုသူတို့သည်မလာဘဲ နေကြ၏။ တဖန်အခြားသောလုလင်တို့ကို စေလွှတ်၍ ငါ့ပွဲကိုငါပြင်ဆင်ပြီ။ နွားမှစသောဆူဖြိုးသောတိရ စ္ဆြွာန်များကိုသတ်၍ပြီးပြီ။ အလုံးစုံတို့သည် အသင့်ရှိပြီ။ မင်္ဂလာဆောင်ပွဲသို့လာကြပါဟု ဘိတ်ပြီးသော သူတို့အားပြောကြဟုမှာလိုက်ပြန်၏။ သို့သော်လည်း ထိုသူတို့သည် နားမထောင်ဘဲ အချို့တို့သည် မိမိလယ်သို့သွားကြ၏။ အချို့တို့သည်ကုန်သွယ်ရာသို့သွားကြ၏။ ကြွင်းသောသူတို့သည်လည်း လုလင်တို့ကိုဘမ်းဆီး၍ညှင်းဆဲခြင်း၊ အသေသတ်ခြင်းကိုပြုကြ၏။ ထိုမင်းကြီးသည် ကြားလျှင် အမျက်ထွက်၍စစ်ချီစေသဖြင့်၊ လူအသက်ကိုသတ်သောထိုသူတို့ကိုအပြီးလုပ်ကြံ၍ သူတို့၏မြို့ကို မီးရှို့လေ၏။

ထိုနောက်မှ မင်းကြီးသည်လုလင်တို့ကိုခေါ်၍ ငါ၏ မင်္ဂလာဆောင်ပွဲသည် အသင့်ရှိ၏။ ခေါ်ဘိတ်သောသူတို့ သည်မထိုက်မတန်သောကြောင့်၊ လမ်းမလမ်းကြားသို့သွား၍တွေ့သမျှသောသူတို့ကို ပွဲသို့ခေါ်ဘိတ်ကြဟုမိန့်တော်ရှိ သည်အတိုင်း၊ လုလင်တို့သည် လမ်းများသို့ထွက်သွား၍ ကောင်းမကောင်း တွေ့သမျှသောလူအပေါင်းတို့ကိုစုဝေးစေ၍ ပွဲတော်၌အပြည့်ရှိလေ၏။ မင်းကြီးသည် ပွဲ၌လျောင်းသော သူတို့ကိုကြည့်ရှုခြင်းငှါ ဝင်တော်မူသောအခါ၊ မင်္ဂလာဆောင်ပွဲ၏ အဝတ်ကိုမဝတ်သောသူတယောက်ကို မြင်လျှင်၊ အဆွေ၊ မင်္ဂလာဆောင်ပွဲ၏အဝတ်မရှိဘဲ အဘယ်ကြောင့်ဝင်သနည်း ဟုမေးတော်မူသည်ကို ထိုသူသည် မပြောနိုင်ဘဲနေ၏။ ထိုအခါမင်းကြီးသည် အခြံအရံတို့အားထိုသူ၏လက်ခြေကိုတုပ်နှောင်လော့။ ငိုကြွေးခြင်းအံသွားခဲကြိတ်ခြင်းရှိရာ၊ ပြင်အရပ်မှောင်မိုက်ထဲ သို့ယူသွားချလိုက်ကြဟု အမိန့်တော်ရှိ၏၊ ထိုသို့ခေါ်တော်မူသောသူအများရှိသော်လည်း၊ ရွေးကောက်တော်မူသော သူနည်းသည်ဟုမိန့်တော်မူ၏။

ပုံပမာ-၁၈။ သင်္ဘောသဖန်းပင်   မသဲ ၂၄း၃၂-၄၄

သင်္ဘောသဖန်းပင်ကိုအစွဲပြု၍ ပုံသက်သေတခုကိုမှတ်ကြလော့။ သင်္ဘောသဖန်းပင်သည် အခက်အလက် နု၍အရွက်ပေါက်သောအခါ နွေကာလနီးသည်ကို သင်တို့သိကြ၏။ ထိုနည်းတူ၊ ထိုအကြောင်းအရာအလုံးစုံတို့ကို မြင်ရလျှင်လူသားသည်တံခါးဝတိုင်အောင်အနီးသို့ရောက်တော်မူသည်ကို သိမှတ်ကြလော့။ ငါအမှန်ဆိုသည်ကား၊ ယခုဖြစ်သောလူများမကုန်မှီ ထိုအကြောင်းအရာအလုံးစုံတို့သည် ဖြစ်ကြလိမ့်မည်။ ကောင်းကင်နှင့် မြေကြီးမတည် သော်လည်း ငါ့စကားတည်လိမ့်မည်။ ၃၆ထိုအချိန် နာရီကိုကားအဘယ်သူမျှမသိ။ ကောင်းကင်တမန်မသိ။ ငါ့ခမည်းတော်တပါးတည်းသာသိတော်မူ၏။

လူသားသည်ကြွလာသောအခါ နောဧလက်ထက်၌ဖြစ်သကဲ့သို့ဖြစ်လိမ့်မည်။ ၃၈ရေလွှမ်းမိုးခြင်း မဖြစ်မှီ ကာလ၌ နောဧသည် သင်္ဘောထဲသို့ဝင်သောနေ့တိုင်အောင်လူများတို့သည် စားသောက်လျက်၊ ထိမ်းမြားစုံဘက် လျက်နေ၍၊ ရေလွှမ်းမိုးခြင်းရောက်သဖြင့် လူခပ်သိမ်းတို့ကိုသုတ်သင်ပယ်ရှင်း သည်တိုင်အောင်သတိမဲ့နေကြသည် နည်းတူ၊ လူသားကြွလာသောအခါ၌ဖြစ်လိမ့်မည်။ ထိုအခါလယ်၌ ရှိသောသူနှစ်ယောက်တို့တွင် တယောက်ကို သိမ်းယူ၍ တယောက်မူကားနေရစ်ရလတံ့။ ကြိတ်ဆုံကြိတ် သော သူနှစ်ယောက်တို့တွင်တယောက်ကို သိမ်းယူ၍ တယောက်မူကားနေရစ်ရလတံ့။ သင်တို့အရှင်သည် အဘယ်အချိန်နာရီ၌ရောက်လာမည်ကိုသင်တို့မသိ သောကြောင့်စောင့်နေကြလော့။ သူခိုးလာမည် အချိန်နာရီကိုအိမ်ရှင်သိရလျှင်၊ မိမိအိမ်ကိုမထွင်းမဖောက်စေခြင်းငှါ စောင့်နေလိမ့်မည်ကိုသင်တို့သိကြ၏။ ထိုကြောင့်သင်တို့သည်ပြင်ဆင်လျက် နေကြလော့။ အကြောင်းမူကား၊ သင်တို့မထင်မမှတ်သော အချိန်နာရီ၌ လူသားသည် ကြွလာလိမ့်မည်။

ပုံပမာ-၁၉။ ပညာရှိသူနှင့်မိုက်မဲသူ (သတို့သမီးများ)  မသဲ  ၂၅း၁-၁၃

ထိုအခါကောင်းကင်နိုင်ငံတော်သည်ကား၊ မင်္ဂလာဆောင်လုလင်ကို ခရီးဦးကြိုပြုအံ့သောငှါ မီးခွက်ကိုကိုင် ယူ၍ ထွက်သွားသောသတို့သမီးတကျိပ်နှင့်တူ၏။ ထိုသတို့သမီးတို့တွင်ငါးယောက်သည် ပညာသတိရှိကြ၏။ ငါးယောက်မူကားအမိုက်ဖြစ်ကြ၏။ မိုက်သောသူတို့သည်မီးခွက်တို့ကိုသာယူ၍ ဆီကိုမယူကြ။ ပညာသတိရှိသောသူတို့မူကား၊ မီးခွက်နှင့်တကွဘူး၌ပါသောဆီကိုလည်းယူကြ၏။ မင်္ဂလာဆောင်လုလင်သည် မလာဘဲနေစဉ်၊ ထိုသတို့သမီးအပေါင်းတို့သည် ငိုက်၍ အိပ်ပျော်ကြ၏။

သန်းခေါင်ယံ၌ ကြည့်ပါ။ မင်္ဂလာဆောင်လုလင်သည်လာပြီ။ ခရီးဦးကြိုပြုခြင်းငှါထွက်သွားကြကုန်ဟု ကြွေးကြော်လျှင်၊ ထိုသတို့သမီးအပေါင်းတို့သည်ထ၍ မီးခွက်များကိုပြင်ဆင်ကြ၏။ မိုက်သောသူတို့က ငါတို့ဆီမီး သေပါပြီ။ သင်တို့ဆီကိုအနည်းငယ်ပေးပါဟု ပညာရှိသောသူတို့အား တောင်းကြ၏။ ပညာရှိသောသူတို့ကလည်း၊ သင်တို့အဘို့နှင့် ငါတို့အဘို့ဆီမလောက်။ ထိုကြောင့် ဆီရောင်းသော သူရှိရာသို့သွား၍ ကိုယ်သုံးဘို့ဝယ်လျှင် သာ၍ကောင်းသည်ဟု ပြန်ပြောကြ၏။ ထိုသူတို့သည် ဆီဝယ်သွားသည်အခိုက်တွင် မင်္ဂလာဆောင်လုလင်သည် လာ၍၊ အသင့်ရှိသော သတို့သမီးတို့သည် လုလင်နှင့်အတူပွဲသို့ဝင်ကြပြီးလျှင် တံခါးကိုပိတ်ထား၏။ ၁၁ထိုနောက် ကြွင်းသော သတို့သမီးတို့သည်လာ၍ အရှင်၊ အရှင်၊ ကျွန်မတို့အားတံခါးကိုဖွင့်ပါဟုတောင်းလျှောက်ကြသော်၊ ၁၂အရှင်ကလည်း၊ ငါအမှန်ဆိုသည်ကား၊ သင်တို့ကို ငါမသိဟုပြန်ပြောလေ၏။ ၁၃သို့ဖြစ်၍ လူသားသည် ကြွလာအံ့သော နေ့ရက်အချိန်နာရီကို သင်တို့သည် မသိသောကြောင့်စောင့်နေကြလော့။

ပုံပမာ-၂၀။ ကျွန်သုံးယောက်  မသဲ  ၂၅း၁၄-၃၀

ဥပမာကား၊ လူတဦးသည်အခြားသော ပြည်သို့သွားမည်ဟု အကြံရှိလျက်၊ မိမိငယ်သားတို့ကို ခေါ်၍ မိမိဥစ္စာများကိုအပ်ပေး၏။ သူတို့သည်အသီးအသီးအစွမ်းသတ္တိရှိသည်အတိုင်း၊ တဦး၌ငွေအခွက် ငါးဆယ်၊ တဦး၌အခွက်နှစ်ဆယ်၊ တဦး၌အခွက် တဆယ်ကိုအပ်ပေးပြီးမှ ချက်ခြင်းသွားလေ၏။ ၁၆အခွက်ငါးဆယ်ကိုခံသောသူ သည်သွား၍ ကုန်သွယ်ခြင်းကို ပြုသဖြင့် အခြားသောအခွက်ငါးဆယ်ကို အမြတ်ရလေ၏။ ထိုနည်းတူအခွက် နှစ်ဆယ်ကိုခံသောသူသည်လည်း၊ အခြားသောအခွက်နှစ်ဆယ်ကို အမြတ်ရလေ၏။ အခွက်တဆယ်ကိုခံသော  သူမူကား၊ သွား၍မြေ၌တွင်းတူပြီးလျှင်အရှင်၏ ငွေကိုဝှက်ထား လေ၏။

ကာလကြာမြင့်ပြီးမှ ထိုငယ်သားတို့၏ အရှင်သည်လာ၍ သူတို့ကိုစာရင်းယူလေ၏။ အခွက်ငါးဆယ်ကိုခံသောသူသည် ချဉ်းကပ်၍၊ အခြားသောအခွက်ငါးဆယ်ကိုဆက်လျက်၊ သခင်၊ ကိုယ်တော်သည် အကျွန်ုပ်၌ အခွက်ငါးဆယ်ကိုအပ်ပေးတော်မူ၏။ အခြားသောအခွက်ငါးဆယ်ကို အကျွန်ုပ်အမြတ်ရပါပြီဟု လျှောက်လေ၏။ အရှင်ကလည်း၊ သာဓု၊ သစ္စာရှိသော ငယ်သားကောင်း။ သင်သည်အမှုငယ်၌ သစ္စာစောင့်လေပြီ။ များစွာသောအမှုအခွင့်ကို သင်၌ငါအပ်ပေးမည်။ သင်၏ သခင်နှင့် အတူစည်းစိမ်ကို ဝင်စားလော့ဟု မိန့်တော်မူ၏။ အခွက်နှစ်ဆယ်ကိုခံသောသူသည်လည်းချဉ်းကပ်၍သခင်၊ ကိုတော်သည်အကျွန်ုပ်၌ အခွက်နှစ်ဆယ်ကိုအပ်ပေး တော်မူ၏။ အခြားသောအခွက်နှစ်ဆယ်ကို အကျွန်ုပ် အမြတ်ရပါပြီဟု လျှောက်လေသော်၊ အရှင်က၊ သာဓုသစ္စာရှိသော ငယ်သားကောင်း။ သင်သည် အမှုငယ်၌သစ္စာစောင့်လေပြီ။ များစွာသောအမှုအခွင့်ကို သင်၌ ငါအပ်ပေးမည်။ သင်၏ သခင်နှင့်အတူ စည်းစိမ်ကို ဝင်စားလော့ဟု မိန့်တော်မူ၏။

အခွက်တဆယ်ကို ခံသောသူသည်လည်း ချဉ်းကပ်၍သခင်၊ ကိုယ်တော်သည်ခဲယဉ်းသောသူ ဖြစ်သည်နှင့် ကိုယ်မစိုက်မပျိုးသောအရပ်၌ရိတ်၍၊ ကိုယ်မဖြန့်မကြဲသောအရပ်၌စုသိမ်းတတ်သည်ကို အကျွန်ုပ်သိ၍၊ ကြောက်သောကြောင့်၊ အခြားသို့သွား၍ ကိုယ်တော်၏ ငွေအခွက်တဆယ်ကိုမြေ၌ ဝှက်ထားပါပြီ။ ယခုကိုယ်တော်၏ ဥစ္စာရှိပါသည်ဟုလျှောက်၏။ အရှင်ကလည်း၊ ဆိုးညစ် ပျင်းရိသော ငယ်သား၊ ငါသည် ကိုယ်မစိုက်မပျိုးသော အရပ်၌ရိတ်၍၊ ကိုယ်မဖြန့်မကြဲသော အရပ်၌စုသိမ်းသည်ကို သင်သိသည် မှန်လျှင်၊ ငါ့ငွေကိုပွဲစားလက်သို့အပ်ရမည်။ ထိုသို့အပ်လျှင်၊ ငါပြန်လာသောအခါ ငွေရင်းနှင့်အတိုးကိုရနိုင်၏။ ထိုကြောင့် အခွက်တဆယ်ကိုထိသူ၏ လက်မှ နှုတ်ကြ၊ အခွက်တရာရှိသော သူကိုပေးကြ။ ၂၉အကြောင်းမူကား၊ အကြင်သူသည်ရတတ်၏၊ ထိုသူ၌ ကြွယ်ဝ ပြည့်စုံ စေခြင်းငှါ ပေးဦးမည်။ အကြင်သူသည်ဆင်းရဲ၏၊ ထိုသူ၌ ရှိသမျှကို ပင်နှုတ်လိမ့်မည်။ အသုံးမရသော ထိုငယ်သားကိုငိုကြွေးခြင်း၊ အံသွားခဲကြိတ်ခြင်းရှိရာ၊ ပြင်အရပ် မှောင်မိုက်ထဲသို့ နှင်ထုတ်ချလိုက်ကြဟုစီရင်တော်မူ၏။

ပုံပမာ-၂၁။ မျိုးစေ့ကြီးထွားပုံ   မာကု ၄း၂၆-၂၉

ထိုမှတပါး၊ လူသည် လယ်၌ မျိုးစေ့ကြဲပြီးမှ နောက်တဖန် မိမိမကြည့်မမှတ်၊ ညဥ့်၊ နေ့၊ အိပ်လျက်၊ နိုးလျက် နေသော်လည်း အပင်ပေါက်၍ ကြီးပွားသည်နှင့် ဘုရားသခင်၏နိုင်ငံတော်တူ၏။ မြေကြီးသည် မိမိအလို အလျောက် အသီးကိုသီးစေ၍ ရှေ့ဦးစွာ အညှောက်၊ ထိုနောက်အနှံ၊ ထိုနောက် အနှံထဲမှာ အောင်မာသော အဆန်ကို ဖြစ်စေတတ်၏။ အသီးမှည့်၍ ရိတ်ချိန်ရောက်သောအခါ၊ လယ်ရှင်သည် မဆိုင်းမလင့်၊ တံစဉ်နှင့် ရိတ်စေတတ်သည်ဟု မိန့်တော်မူ၏။

ပုံပမာ-၂၂။ အိမ်ရှင်နှင့်သူ၏ကျွန်များ   မာကု ၁၃း၃၃-၃၇

ထိုအချိန်ကာလသည် အဘယ်အခါ၌ရောက်မည်ကို သင်တို့မသိသောကြောင့်၊ သတိပြု၍ ဆုတောင်းလျက် စောင့်နေကြလော့။ ဥပမာကား၊ လူတဦးသည် အခြားသောပြည်သို့ သွားမည် အကြံရှိသည်နှင့် မိမိအိမ်ကို ငယ်သားတို့လက်သို့အပ်၍၊ သူတို့ဆောင်ရွက်စရာအမှုကို အသီးသီးခွဲခန့်စီမံ၍၊ တံခါးမှူးကိုစောင့်နေစေဟု မှာထားပြီးမှသွားသည်ဖြစ်၍၊ အိမ်ရှင်သည် ညဦးအချိန်၊ သန်းခေါင်အချိန်၊ ကြက်ဦး တွန်ချိန်၊ နံနက်အချိန်တို့တွင် အဘယ်အချိန်၌လာမည်ကို သင်တို့မသိသောကြောင့် စောင့်နေကြလော့။ သို့မဟုတ် အမှတ်တမဲ့လာ၍ သင်တို့အိပ်ပျော်သည်ကိုတွေ့လိမ့်မည်။ စောင့်နေကြလော့ဟု သင်တို့အား ငါဆိုသည်အတိုင်း၊ ခပ်သိမ်းသော သူတို့အား ငါဆိုသည်ဟုမိန့်တော်မူ၏။

ရှင်လုကာတွင်

ပုံပမာ-၂၃။ အိမ်ရှင်နှင့်မည်စား၂ဦး   လုကာ ၇း၄၂-၄၃

အကြောင်းမူကား၊ ဗတ္တိဇံ ဆရာယောဟန်သည် မုန့်ကိုမစား၊ စပျစ်ရည်ကိုမသောက်ဘဲလာသည်ရှိ သော်သင်တို့က၊ ဤသူသည် နတ်ဆိုးစွဲသော သူပါတကားဟု ဆိုကြ၏။ လူသားသည် စားသောက်လျက် လာသည်ရှိသော်၊ ဤသူသည် စားကြူး သောသူ၊ စပျစ်ရည်သောက်ကြူးသောသူပါတကား။ အခွန်ခံသောသူနှင့် ဆိုးသောသူတို့ကို မိတ်ဆွေဖွဲ့သော သူပါတကားဟု ဆိုပြန်ကြ၏။ သို့သော်လည်း ပညာတရားသည် မိမိသားရှိသမျှ တို့တွင် ကဲ့ရဲ့ပြစ်တင်ခြင်း နှင့်လွတ်၏ဟု မိန့်တော်မူ၏။

ဖာရိရှဲတယောက်သည် အစာကိုသုံးဆောင်တော်မူစေခြင်းငှါ ကိုယ်တော်ကိုခေါ်ပင့်လျှင်၊ ထိုဖာရိရှဲတို့၏ အိမ်သို့ ကြွ၍စားပွဲ၌လျောင်းတော်မူ၏။ ထိုသို့စားပွဲ၌ လျောင်းတော်မူသည်ကို ထိုမြို့၌ဆိုးသောမိန်းမတယောက် သည် သိလျှင်၊ ဆီမွှေးကျောက်ဖြူခွက်တလုံးကိုယူခဲ့၍၊

ပုံပမာ-၂၄။ ကောင်းသောရှင်မာရိ   လုကာ ၁၀း၃၀-၃၇

ယေရှုက၊ လူတယောက်သည် ယေရုရှလင်မြို့မှ ယေရိခေါမြို့သို့သွားရာတွင် ထားပြနှင့်တွေ့ကြုံလေ၏။ ထားပြတို့သည် ထိုသူ၏အဝတ် ကိုချွတ်၍ နာကျင်စွာရိုက်နှက်ပြီးမှ သေလုမတတ်ဖြစ်သောအခါ ပစ်ထား၍သွားကြ၏။ ထိုလမ်းသို့ ယဇ်ပုရောဟိတ်တယောက်သည် အမှတ်တမဲ့သွား၍ ထိုလူနာကိုမြင်လျှင် လွှဲရှောင်၍သွားလေ၏။ ထိုနည်းတူ လေဝိလူတယောက်သည် ထိုအရပ်သို့ရောက်သောအခါ လာ၍ကြည့်မြင်လျှင် လွှဲရှောင်၍သွား လေ၏။ ရှမာရိ လူတယောက်သည် ခရီးသွားရာတွင် ထိုလူနာရှိရာသို့ရောက်၍ မြင်သောအခါ ဂရုဏာစိတ်ရှိသည်နှင့်၊ ချဉ်းကပ်၍ သူ၏အနာများကို ဆီနှင့်စပျစ်ရည်ထည့်လျက် အဝတ်နှင့်စည်းပြီးလျှင်၊ မိမိတိရ စ္ဆြွာန်ပေါ်မှာတင်၍ စရပ်တခုသို့ ဆောင်သွားပြုစုလေ၏။ နက်ဖြန်နေ့၌ ထွက်သွားသောအခါ၊ ဒေနာရိနှစ်ပြားကိုထုတ်၍ စရပ်ရှင်အားပေးလျက်၊ ဤသူကို ကြည့်ရှုပြုစုပါ။ ကုန်သမျှကို ငါပြန်လာသောအခါ ဆပ်ပေးမည်ဟု ဆို၏။ သင်သည် အဘယ်သို့ထင်သနည်း။ ထိုသူသုံးယောက်တို့တွင် အဘယ်သူသည် ထားပြလက်သို့ရောက်သောသူနှင့်စပ်ဆိုင်သောသူ ဖြစ်သနည်းဟု ပြန်၍မေးတော်မူလျှင်၊ ကျမ်းတတ်က လည်း၊ လူနာကိုသနားသောသူသည် စပ်ဆိုင်သောသူဖြစ်ပါ၏ဟု လျှောက်သော် ယေရှုက၊ သင်သည်သွား၍ ထိုနည်းတူပြုလော့ဟု မိန့်တော်မူ၏။

ပုံပမာ-၂၅။ သန်းကောင်၌လာသောမိတ်ဆွေ  လုကာ ၁၁း၅-၁၃

တဖန်မိန့်တော်မူ သည်ကား၊ သင်တို့တွင်တစုံ တယောက်သောသူ၌ အဆွေခင်ပွန်းရှိသည်ဖြစ်၍၊ သန်းခေါင် အချိန်တွင် ထိုအဆွေခင်ပွန်း၏အိမ်သို့သွားပြီးလျှင်၊ အဆွေ၊ အကျွန်ုပ်အဆွေခင်ပွန်းတယောက်သည် ခရီးမှလာ၍ အကျွန်ုပ်ထံသို့ရောက်ပါပြီ။ သူ့ကိုကျွေးစရာ မရှိသောကြောင့်မုန့်သုံးလုံးချေးနှင့်ပါဟု ဆိုသော်၊ အိမ်ရှင်ကလည်း၊ ငါ့ကိုမနှောင့်ရှက်နှင့်။ တံခါးပိတ် လျက်ရှိ၏။ ငါ့သားသမီးတို့သည် ငါနှင့်အိပ်လျက်ရှိကြ၏။ ငါထ၍ သင့်အားမပေးနိုင် ဟု အိမ်ထဲကပြန် ပြောသည် အရာမှာ၊ ငါဆိုသည်ကား၊ အဆွေခင်ပွန်းဖြစ်သည်ကိုထောက်၍ မထ၊ မပေးသော်လည်း၊ အားမလျော့ဘဲတောင်း၍ နေသောကြောင့်ထ၍လိုချင်သမျှကို ပေးလိမ့်မည်။ တဖန်ငါဆိုသည်ကား၊ တောင်းကြလော့။ တောင်းလျှင်ရမည်။ ရှာကြလော့။ ရှာလျှင်တွေ့မည်။ တံခါးကိုခေါက်ကြလော့၊ ခေါက်လျှင်ဖွင့်မည်။ တောင်းသောသူ မည်သည်ကား ရ၏။ ရှာသောသူလည်းတွေ့၏။ ခေါက်သော သူအားလည်းတံခါးကိုဖွင့်၏။ သင်တို့တွင် အဘဖြစ်သောသူ၌ သားသည် မုန့်ကိုတောင်းလျှင် အဘသည် ကျောက်ကိုပေးမည်လော။ ငါးကိုတောင်းလျှင်ငါးအစား၌ မြွေကိုပေးမည်လော။ ဥကိုတောင်းလျှင် ကင်းမြီးကောက်ကိုပေးမည်လော။ သင်တို့သည် အဆိုးဖြစ်လျက်ပင် ကိုယ်သားတို့အားကောင်း သောအရာ ကို ပေးတတ်လျှင်၊ ထိုမျှမကကောင်းကင်ဘုံ၌ရှိတော်မူသော သင်တို့ အဘသည် ဆုတောင်းသော သူတို့အားသန့်ရှင်းသော ဝိညာဉ်တော်ကိုသာ၍ ပေးတော်မူမည် မဟုတ်လောဟု မိန့်တော်မူ၏။

ပုံပမာ-၂၆။ မိုက်သောသူဌေး   လုကာ ၁၂း၁၆-၂၁

တဖန် ဥပမာစကားကို မိန့်တော်မူသည်ကား၊ သူဌေးတဦး၌မြေကောင်း၍ အသီးအနှံများလှ၏။ ထိုသူဌေးက၊ ငါသည် အဘယ်သို့ပြုရမည်နည်း။ အသီးအနှံများကို သိုထားစရာအရပ်မရှိ။ ပြုမည်အကြံမူကား၊ ငါ့တိုက်များကိုဖျက်၍ ကျယ်သောတိုက်တို့ကိုတည်ပြီးမှ၊ ငါ၏အသီးအနှံဥစ္စာ ရှိသမျှတို့ကို သိုထားမည်။ ငါ့ဝိညာဉ်အားလည်း၊ အချင်းဝိညာဉ်၊ သင်သည်နှစ်ပေါင်းများစွာသုံးဆောင်ရန် ဥစ္စာများကိုသိုထားလျက်ရှိပြီ။ ငြိမ်ဝပ်စွာနေလော့။ စားသောက်ခြင်း၊ ပျော်မွေ့ခြင်းကိုပြုလော့၊ ငါပြောမည်ဟု သူဌေးအကြံရှိ၏။ ထိုသို့အကြံ ရှိစဉ်တွင်ဘုရားသခင်က၊ အချင်းလူမိုက်၊ ယနေ့ညဥ့်ပင်သင်၏ဝိညာဉ်ကို ရုပ်သိမ်းရာအချိန်ရောက်လိမ့်မည်။ သို့ဖြစ်၍သင်သည် ပြင်ဆင်သိုထားသောဥစ္စာကို အဘယ်သူပိုင်မည်နည်း ဟု သူဌေးအားမိန့်တော်မူ၏။ ထိုအတူ ကိုယ်အဘို့ ဘဏ္ဍာများကိုဆည်းဖူး၍၊ ဘုရားသခင်ရှေ့တော်၌ ဆင်းရဲသောသူမည်သည်ကား၊ ထိုသူဌေးနှင့်တူသည် ဟု မိန့်တော်မူ၏။

ပုံပမာ-၂၇။ သစ္စာရှိသောအစေခံနှင့်မိုက်သောအစေခံ  လုကာ ၁၂း၃၅-၄၀

သင်တို့သည် ခါးပန်းစည်းလျက်၊ ဆီးမီးထွန်းလျက်နေသဖြင့်၊ သခင်သည် မင်္ဂလာဆောင် ပွဲမှပြန်လာ၍ တံခါးကိုခေါက်သောအခါ ချက်းခြင်းဖွင့်ခြင်းငှါသခင်လာမည်ကိုမြော်လင့်၍ နေသောကျွန်ကဲ့သို့ ရှိနေကြလော့။ အကြင်ကျွန်တို့သည် စောင်လျက်နေသည်ကို သခင်သည်ပြန်လာ၍တွေ့၏၊ ထိုကျွန်တို့သည် မင်္ဂလာရှိကြ၏။ ငါအမှန်ဆိုသည်ကား၊ သခင်သည်ခါးပန်းစည်းလျက်ကျွန်တို့ကိုစားပွဲ၌ လျောင်းစေပြီးမှ၊ ကိုယ်တိုင်လာ၍ သူတို့အား လုပ်ကျွေးလိမ့်မည်။ နှစ်ချက်တီးအချိန်ဖြစ်စေ၊ သုံးချက်တီးအချိန်ဖြစ်စေ၊ သခင်သည်လာ၍ ထိုသို့တွေ့လျှင်၊ ထိုကျွန်တို့သည်မင်္ဂလာရှိကြ၏။ အိမ်ရှင်သည် သူခိုးလာမည် အချိန်နာရီကို သိရလျှင်၊ မိမိအိမ်ကိုမထွင်း မဖောက်စေ ခြင်းငှါ စောင့်နေလိမ့်မည်ကို သင်တို့သိကြ၏။ ၄ဝထိုကြောင့်သင်တို့သည် ပြင်ဆင်လျက်နေကြလော့။ အကြောင်းမူကား၊ သင်တို့မထင်မမှတ်သောအချိန်၌ လူသားသည် ကြွလာလိမ့်မည်ဟု မိန့်တော်မူ၏။

ပုံပမာ-၂၈။ သစ္စာရှိသောကျွန်   လုကာ ၁၂း၄၂-၄၈

သခင်ဘုရားက၊ အိမ်ရှင်သည် မိမိအိမ်သားတို့အား အချိန်တန်လျှင် အစားအသောက်တို့ကိုဝေဖန်စေခြင်းငှါ အအုပ်အချုပ်ခန့်ထား၍၊ သစ္စာနှင့်၎င်း၊ သတိပညာနှင့်၎င်းပြည့်စုံသော ကျွန်ကား အဘယ်သူနည်း။ အကြင်ကျွန်သည် ဤသို့ပြုလျက်နေသည်ကို အရှင်သည် ပြန်လာ၍တွေ့၏။ ထိုကျွန်သည်မင်္ဂလာရှိ၏။ ငါအမှန်ဆိုသည်ကား၊ အရှင်သည်မိမိဥစ္စာ ရှိသမျှတို့ကို ထိုကျွန်၌အပ်လိမ့်မည်။ သို့မဟုတ်မူကား၊ အကြင်ကျွန်က၊ ငါ့အရှင်လာခဲလိမ့်မည် ဟုစိတ်ထဲ၌အောက်မေ့သည် နှင့် ကျွန်ချင်းယောက်ျား မိန်းမတို့ကိုရိုက်ပုတ်လျက်၊ စားသောက်ယစ်မူး လျက်နေ၏။ ထိုကျွန် မကြည့်မမျှော်သောနေ့ရက်၊ မကြားမသိသော အချိန်နာရီ၌သခင်သည် ရောက်လာလျှင်၊ ထိုကျွန်ကို ပြင်းစွာဆုံးမကွပ်မျက်၍ သစ္စာမရှိသောသူတို့နှင့် တကွနေရာချ လတံ့။ အကြင်ကျွန်သည်မိမိသခင်၏ အလိုကိုသိလျက်နှင့် အသင့်မနေ၊ သခင်၏ အလိုကိုမဆောင်၊ ထိုကျွန်သည်များ စွာသောဒဏ်ကိုခံရ၏။ သခင်၏ အလိုကိုမလိုက်ဘဲလျက်၊ ဒဏ်ခံထိုက်သော အမှုကိုပြုမိသောသူကား၊ အနည်းငယ် သောဒဏ်ကိုသာခံရ၏။ အကြင်သူသည် များစွာသောကျေးဇူးကိုခံ၏၊ ထိုသူသည် အများကိုဆပ်ရ၏။ အကြင်သူ၌ များစွာသောဥစ္စာကိုအပ်နှင်း၏၊ ထိုသူကို များစွာတောင်း လိမ့်မည်။

ပုံပမာ-၂၉။ အသီးမဲ့သောသင်္ဘောသဖန်းပင်   လုကာ ၁၃း၆-၉

တဖန် ဥပမာကို မိန့်တော်မူသည်ကား၊ လူတယောက်သည် ဥယျာဉ်၌စိုက်သော သင်္ဘောသဖန်းပင် တပင်ရှိ၏။ ထိုအပင်သို့လာ၍ အသီးကိုရှာသော်လည်း မတွေ့။ ထိုအခါ ဥယျာဉ်စောင့်အားလည်း၊ သုံးနှစ်ပတ်လုံး ဤသင်္ဘောသဖန်းပင်သို့ ငါလာ၍ အသီးကိုရှာသော်လည်း မတွေ့မရ။ ခုတ်ပစ်လော့။ အဘယ်ကြောင့်မြေကို နှောက်ယှက်ရသနည်းဟု အမိန့်ရှိသော်၊ ဥယျာဉ်စောင့်က၊ သခင်၊ ယခုနှစ် ရှိပါစေဦး။ ၈အကျွန်ုပ်သည် အပင်နား ပတ်လည်ကို တူးဆွ၍ နောက်ချေးကိုဖို့ပါမည်။ ၉အသီးသီးကောင်းသီးပါ လိမ့်မည်။ သို့မဟုတ် နောက်မှ ခုတ်ပစ်တော်မူပါဟု လျှောက်လေသည်ဟု မိန့်တော်မူ၏။

ပုံပမာ-၃၀။ ခမ်းနားသောစားသောက်ပွဲ   လုကာ ၁၄း၁၆-၂၄

ကိုယ်တော်က၊ လူတဦးသည် ကြီးစွာသောပွဲကိုစီရင်၍ လူများ ကို ခေါ်ဘိတ်လေ၏။ ပွဲခံချိန်ရောက်သောအခါ၊ ခေါ်ဘိတ်သောသူတို့ကို၊ လာကြပါ။ အလုံးစုံတို့သည် အသင့်ရှိပြီ ဟုမှာ၍ အစေအပါကိုစေလွှတ်၏။ ခေါ်အပ်သောသူအပေါင်းတို့သည် တညီတညွတ်တည်း ပရိယာယ်ပြုကြ၏၊ တယောက်က၊ အကျွန်ုပ်သည် မြေရာကိုဝယ်ပါပြီ။ သွား၍ကြည့်ရပါမည်။ အကျွန်ုပ်ကိုလွှတ်ပါဦးလော့ဟု တောင်းပန်လေ၏။ တယောက်က၊ အကျွန်ုပ်သည် နွားငါးယှဉ်ကိုဝယ်ပါပြီ။ သွား၍စမ်းရပါမည်။ အကျွန်ုပ်ကို လွှတ်ပါဦးလော့ဟု တောင်းပန်လေ၏။ တယောက်က၊ အကျွန်ုပ်သည် မယားနှင့် လက်ထပ်ပါပြီ။ ထိုကြောင့် အကျွန်ုပ်မလာနိုင်ပါဟု ဆို၏။ အစေအပါသည် သခင့်ထံသို့ပြန်လာ၍ ထိုအကြောင်းများကို လျှောက်လေ၏။ ထိုအခါ အိမ်ရှင်သည် အမျက်ထွက်၍၊ မြို့လမ်းမကြားသို့ အသော့သွားချေ။ ဆင်းရဲသောသူ၊ အင်္ဂါချို့တဲ့သောသူ၊ ခြေမစွမ်းသောသူ၊ မျက်စိကန်းသောသူများကို ခေါ်သွင်းချေဟု အစေအပါကိုဆို၏။ အစေအပါကလည်း၊ သခင် စီရင်တော်မူသည်အတိုင်း ပြုပါပြီ။ သို့သော်လည်း လပ်သောနေရာထိုင်ရာ ရှိပါသေးသည်ဟု လျှောက်လေသော်၊ သခင်က၊ မြို့ပြင်၊ လမ်းမ၊ ခြံနားသို့သွားဦးလော့။ ငါ့အိမ်ကိုပြည့်စေခြင်းငှါ အနိုင်အထက်ခေါ်သွင်းလော့။ အထက်ကခေါ်ဘိတ်သော သူတယောက်မျှ ငါ့ပွဲသို့မဝင်ရ၊ ငါအမိန့်ရှိပြီဟု အစေအပါကိုဆိုသည်ဟု မိန့်တော်မူ၏။

ပုံပမာ-၃၁။ တိုက်ကိုတည်ခြင်းနှင့်စစ်ပြိုင်သောရှင်ဘုရင်   လုကာ ၁၄း၂၅-၃၅

လူအစုအဝေးအပေါင်းတို့သည် နောက်တော်သို့လိုက်ကြသည်ကို ယေရှုသည် လှည့်၍ကြည့်တော် မူပြီးလျှင်၊ အကြင်သူသည် ငါ့ထံသို့လာ၍ မိဘ၊ သားမယား၊ ညီအစ်ကို၊ နှမတို့ကို၎င်း၊ ထိုမျှမက မိမိအသက်ကို၎င်း မမုန်း၊ ထိုသူသည် ငါ့တပည့်မဖြစ်နိုင်ရာ။ အကြင်သူသည် မိမိလက်ဝါးကပ်တိုင်ကိုထမ်း၍ ငါ့နောက်သို့မလိုက်၊ ထိုသူသည် ငါ့တပည့်မဖြစ်နိုင်ရာ။ ၂၈သင်တို့တွင် တယောက်သောသူသည် တိုက်ကိုတည်မည်ဟု အကြံရှိလျှင်၊ ထိုတိုက်ပြီးအောင် ငွေလောက်မည်မလောက်မည်ကို သိခြင်းငှါ၊ ရှေ့ဦးစွာထိုင်၍ ကုန်စရိတ်ကို မချင့်တွက်ဘဲ နေမည်လော။ သို့မဟုတ် တိုက်မြစ်ကိုတည်၍ တိုက်ကိုမပြီး နိုင်လျှင်၊ သိမြင်သောသူအပေါင်းတို့က၊ ဤသူသည် တည်စပြု၍ အစမသတ်နိုင်ဟု ကဲ့ရဲ့ကြလိမ့်မည်။ တနည်းကား၊ တစုံတယောက်သောရှင်ဘုရင်သည် အခြားသော ရှင်ဘုရင်နှင့် စစ်ပြိုင်မည် ဟုအကြံရှိလျှင်၊ လူနှစ်သောင်းနှင့်ချီလာသော ရှင်ဘုရင်ကို လူတသောင်းနှင့် ခံနိုင်မည် မခံနိုင် မည်မခံနိုင်မည်ကို ရှေ့ဦးစွာထိုင်၍ မဆင်ခြင်ဘဲနေမည်လော။ မခံနိုင်သည်မှန်လျှင်၊ အခြားသော ရှင်ဘုရင်ဝေးသေးသောအခါ သံတမန်ကိုစေလွှတ်၍ စစ်ငြိမ်းမည်အကြောင်းတောင်းပန်တတ်သည် မဟုတ်လော။ ထိုနည်းတူ၊ သင်တို့တွင် အကြင်သူသည် မိမိ၌ရှိသမျှကိုမစွန့်ဘဲနေ၏၊ ထိုသူသည်ငါ့တပည့်မဖြစ်နိုင်ရာ။ ဆားမူကား ကောင်း၏။ သို့သော်လည်းအငန်ကင်းပျောက်လျှင်ငန်သောအရသာကို အဘယ်သို့ရပြန်မည်နည်း။ မြေဘို့မကောင်း၊ အမှိုက် ပုံဘို့မကောင်း၊ ထိုဆားကိုပြင်သို့ပစ်လိုက်တတ်၏။ ကြားစရာနားရှိသောသူမည်သည်ကား ကြားပါစေဟု မိန့်တော်မူ၏။

ပုံပမာ-၃၂။ ပျောက်သောဒင်္ဂါး   လုကာ ၁၅း၈-၁၀

တနည်းကား၊ တစုံတ ယောက်သော မိန်းမ၌ ငွေဆယ်ပြားရှိ၍ တပြားပျောက်လျှင်၊ ဆီးမီးကိုထွန်း၍မတွေ့မှီတိုင်အောင် တအိမ်လုံးကို လှည်း၍ စေ့စေ့မရှာဘဲနေမည်လော။ တွေ့ပြီးလျှင်အဆွေခင်ပွန်းအိမ်နီးချင်းများကို ခေါ်၍၊ ပျောက်သောငွေကို ငါတွေ့ပြီ။ ငါနှင့်အတူဝမ်း မြောက်ကြလော့ ဟုဆိုတတ်သည် မဟုတ်လော။ ထိုနည်းတူငါဆိုသည်ကား၊ ဘုရားသခင်၏ ကောင်းကင် တမန်တို့သည် နောင်တရသောလူဆိုးတယောက်၌ ဝမ်းမြောက်ခြင်းရှိကြသည်ဟု မိန့်တော်မူ၏။

ပုံပမာ-၃၃။ ပျောက်သောသား   လုကာ ၁၅း၁၁-၃၂

တဖန်မိန့်တော်မူသည်ကား၊ တစုံတယောက်သောသူ၌ သားနှစ်ယောက်ရှိ၏။ တစုံတယောက် သူ၌ သားနှစ်ယောက်ရှိ၏။ သားအငယ်သည် အဘထံသို့သွား၍၊ အဘ၊ အကျွန်ုပ်ရထိုက်သော အမွေဥစ္စာ ကိုဝေ၍ ပေးပါဟု တောင်းပန်လျှင်၊ အဘသည်ဥစ္စာများကိုဝေ၍ သားတို့အားပေးလေ၏။ ထိုနောက်များ မကြာ၊ သားအငယ် သည် မိမိဥစ္စာများကိုသိမ်းယူ၍ ဝေးစွာသောပြည်သို့သွားပြီးလျှင်၊ ထိုပြည်မှာ ကာမဂုဏ်၌လွန်ကျူးသောအားဖြင့် ဥစ္စာပြုန်းတီး၍၊ ရှိသမျှကုန်သောအခါ၊ ထိုပြည်၌ ကြီးစွာသော အစာခေါင်းပါးခြင်းဖြစ်၍၊ သူသည်အလွန်ဆင်းရဲခြင်းသို့ရောက်၏။ ထိုအခါပြည်သား တယောက်ထံ သို့သွား၍အစေခံလျှင်၊ ဝက်တို့ကိုကျောင်းစေခြင်းငှါသူ့သခင်သည် တောသို့စေလွှတ်သဖြင့်၊ သူသည် ဝက်စားတတ်သောပဲတောင့်ကိုပင် စားချင်မတတ်ငတ်မွတ်လျက်နေရ၏။ အဘယ်သူမျှအစာ ကိုမကျွေး။ ထိုအခါသတိရလျှင်၊ ငါ့အဘ၏အိမ်၌ အခစားသောသူများတို့သည် ဝစွာစားရကြ၏။ ငါမူကား ဤပြည်၌သေအောင်အငတ်ခံရ၏။ ငါထ၍အဘထံသို့သွားမည်။ အဘ၊ အကျွန်ုပ်သည်ဘုရားသခင်ကို၎င်း၊ ကိုယ်တော်ကို၎င်း ပြစ်မှားပါပြီ။ ယခုမှစ၍ ကိုယ်တော်၏သား ဟူ၍ခေါ်ခြင်းကိုမခံထိုက်ပါ။ သူငှါးအရာ၌ အကျွန်ုပ်ကိုထားသော်မူပါဟု ငါပြောမည်ဟူ၍ အကြံရှိသည်နှင့်၊ ထ၍အဘထံသို့သွားလေ၏ သွား၍ဝေး သေးသော အခါအဘသည် သူ့ကိုမြင်လျှင်၊ သနားသောစိတ်ရှိသည်နှင့် ပြေးသွား၍ သား၏ လည်ပင်းကိုပိုက်ဘက်လျက်နမ်းရှုပ် လေ၏။ သားကလည်း၊ အဘ၊ အကျွန်ုပ်သည်ဘုရားသခင်ကို၎င်း၊ ကိုယ်တော်ကို၎င်း ပြစ်မှားပါပြီ။ ယခုမှစ၍ ကိုယ်တော်၏သားဟူ၍ ခေါ်ခြင်းကိုမခံထိုက်ပါဟု ဆိုလျှင်၊ အဘက၊ မြတ်သောဝတ်လုံကိုယူခဲ့၍သူ့ကို ခြုံကြ၊ သူ၏လက်၌လက်စွပ်တန်ဆာကိုဆင်ကြ။ ခြေနင်း ကိုလည်း စီးစေကြ။ ဆူအောင်ကျွေးသောနွားကလေးကို ယူ၍သတ်ကြ။ သို့ပြီးမှငါတို့သည် စားကြကုန်အံ့။ ပျော်မွေ့ခြင်းကို ပြုကြကုန်အံ့။ ၂၄ငါ့သားသည်အထက်ကသေ၏၊ ယခုရှင်ပြန်၏။ အထက်ကပျောက်၏၊ ယခုတွေ့ပြန် ၏ဟု အစေအပါတို့ကိုဆိုပြီးမှ၊ ထိုသူအပေါင်းတို့သည် ပျော်မွေ့ခြင်းကိုပြုကြ၏။

သားအကြီးသည် တောင်ယာကလာ၍အိမ်အနီးသို့ရောက်သောအခါ၊ ကခြင်း၊ တီးမှုတ်ခြင်း၊ အသံကိုကြားလျှင်၊ ငယ်သားတယောက်ကိုခေါ်၍ အဘယ်သို့သော အခြင်းအရာနည်းဟု မေး၏။ ၂၇ငယ်သားက၊ သခင်၏ညီသည် ရောက်လာပါပြီ။ ဘေးနှင့်ကင်းလွတ်လျက်ရှိသည်ကိုအဘ တွေ့သောကြောင့်၊ ဆူအောင်ကျွေး သောနွားက လေးကိုသတ်ပါပြီ ဟု ပြောဆို၏။ သားအကြီးသည် အမျက်ထွက်၍ အိမ်သို့မဝင်ဘဲနေ၏။ အဘသည် သူ့ဆီသို့သွား၍ ချော့မော့ရ၏။ သားအကြီးကလည်း၊ အကျွန်ုပ်သည် ကာလတာရှည်စွာအဘ၏ အစေကိုခံပါပြီ။ အဘ၏ အလိုကိုတခါမျှမလွန်ကျူးပါ။ သို့သော်လည်း အကျွန်ုပ်သည် အဆွေတို့နှင့်အတူ ပျော်မွေ့ခြင်းကို ပြုစေခြင်းငှါ၊ အဘသည်ဆိတ်ကလေး တကောင်ကို တခါမျှမပေး။ ပြည်တန်ဆာမိန်းမတို့နှင့် ပေါင်းဘော်၍မိမိဥစ္စာကိုဖြုန်းသော ဤသားငယ်ရောက်လာသော အခါမူကား၊ အဘသည် ဆူအောင်ကျွေးသောနွားကလေးကို သတ်လေပြီ တကားဟု ဆို၏။  အဘက လည်း၊ ငါ့သား၊ သင်သည်ငါ့ထံမှာ အစဉ်နေ၏။ ငါ၏ဥစ္စာရှိသမျှသည် သင်၏ဥစ္စာဖြစ်၏။ သင်၏ ညီမူကား အထက်ကသေ၏၊ ယခုရှင်ပြန်၏။ အထက်ကပျောက်၏၊ ယခုတွေ့ပြန်၏။ ထိုကြောင့်ပျော်မွေ့ဝမ်း မြောက်စရာအကြောင်းရှိ၏၊ အဘဆိုသည်ဟု မိန့်တော်မူ၏။

ပုံပမာ-၃၄။ သစ္စာမဲ့သောဘဏ္ဍာစိုး   လုကာ ၁၆း၁-၁၃

တပည့်တော်တို့အားတဖန် မိန့်တော်မူသည်ကား၊ ငွေရတတ်သောသူတယောက်၌ ဘဏ္ဍာစိုးရှိ၏။ ထိုဘဏ္ဍာစိုးသည် သခင်၏ဥစ္စာများကိုဖျက်ဆီးသည် အကြောင်းကိုသူတပါးတို့သည် သခင်ရှေ့၌ အပြစ်တင်ကြသော်၊ သခင်သည်ဘဏ္ဍာစိုးကိုခေါ်၍၊ သင်၏အမှုအရာ၌ ငါကြားရသောစကားကား အဘယ်သို့နည်း။ ဘဏ္ဍာစိုးအရာ၌ မှတ်သားသောစာရင်းကို ပေးလော့။ ယခုမှစ၍ ဘဏ္ဍာစိုးမလုပ်ရဟုဆို၏။ ထိုအခါဘဏ္ဍာစိုးက၊ ငါသည်အဘယ် သို့ပြုရမည်နည်း။ ငါ၏သခင်သည် ဘဏ္ဍာစိုးအရာကိုနှုတ်လေပြီ။ လယ်လုပ်ခြင်းငှါမစွမ်းနိုင်။ သူတောင်းစားလုပ်ခြင်း ငှါရှက်ကြောက်၏။ ဘဏ္ဍာစိုးအရာမှ ကျသည် နောက်သူတပါးတို့သည် မိမိတို့အိမ်၌ ငါ့ကိုလက်ခံစေခြင်းငှါ အဘယ်သို့ငါပြုရမည်ကိုငါသိ၏ ဟူ၍စိတ်ထဲ၌ ကြံစည်ပြီးမှ၊ သခင်၏ ငွေရှိသောသူအပေါင်းတို့ကို ခေါ်၍၊ ငါ၏သခင် ကိုဆပ်ပေးရန်သင်၌ အဘယ်မျှ လောက်ရှိသနည်းဟု တယောက်ကိုမေးလျှင်၊ ထိုသူက၊ ဆီအခွက်တထောင်ပေးရန်ရှိ ပါသည် ဟုဆို၏။ ဘဏ္ဍာစိုးကလည်း၊ သင်၏စာရင်းကိုယူ၍ အသော့ထိုင်ပြီးလျှင်၊ အခွက်ငါးရာကိုရေးမှတ် လော့ဟု ဆို၏။ ထိုနောက်အခြားသောသူကိုခေါ်၍၊ ငါ၏သခင်ကိုဆပ်ပေးရန်သင်၌ အဘယ်မျှလောက်ရှိသနည်းဟု မေးလျှင်၊ ထိုသူက၊ ဂျုံစပါးအတင်းတထောင်ပေးရန်ရှိပါသည်ဟု ဆို၏။ ဘဏ္ဍာစိုးကလည်း၊ သင်၏ စာရင်းကိုယူ၍ အတင်းရှစ်ရာ ကိုရေးမှတ်လော့ဟုဆို၏။ မတရားသော ထိုဘဏ္ဍာစိုးသည် လိမ္မာစွာပြုသည်ကို သခင်သည်ချီးမွမ်းလေ၏။ အကြောင်းမူကား၊ လောကီသားတို့သည် မိမိတို့အမှုကို ဆောင်ရွက်ရာတွင်၊ အလင်းသို့ရောက်သောသူတို့ထက် သာ၍လိမ္မာကြ၏။ တဖန်ငါဆိုသည်ကား၊ သင်တို့သည်စုတေ့သောအခါ၊ အစဉ်အမြဲတည်သော ဗိမာန်၌သင်တို့ကို လက်ခံလတံ့သော အဆွေရှိစေခြင်းငှါ မမြဲသောလောကီစည်းစိမ်ကို သုံးဆောင်ကြလော့။

အနည်းငယ်သောအမှု၌ သစ္စာရှိသောသူသည် ကြီးသောအမှု၌လည်းသစ္စာရှိလိမ့်မည်။ အနည်း ငယ်သောအမှု၌ သစ္စာမရှိသောသူသည် ကြီးသောအမှု၌လည်း သစ္စာမရှိ။ သို့ဖြစ်၍ မမြဲသော လောကီစည်း စိမ်ကိုသုံးရာတွင် သင်တို့သည် သစ္စာမရှိလျှင်၊ မှန်သောစည်းစိမ်ကိုသင်တို့၌ အဘယ်သူအပ် မည်နည်း။ သူတပါးအမှု၌ သင်တို့သည် သစ္စာမရှိလျှင်၊ အဘယ်သူသည်အပိုင် ပေးမည်နည်း။ ၁၃အဘယ်အစေခံမျှ သခင်နှစ်ဦး အစေကိုမခံနိုင်။ သခင်တဦးကိုမုန်း၍ တဦးကိုချစ်မည်။ သခင်တဦးကိုမှီခို၍ တဦးကိုမခန့်မညားပြုမည်။ သင်တို့သည် ဘုရားသခင်၏ အစေကို၎င်း၊ လောကီစည်းစိမ်၏ အစေကို၎င်း မခံနိုင်ကြဟု မိန့်တော်မူ၏။

ပုံပမာ-၃၅။ သူဌေးကြီးနဲ့လာဇရု   လုကာ ၁၆း၁၉-၃၀

ယဖန်တုံ၊ သူဌေးတယောက်သည် နီမောင်းသောကမ္ပလာနှင့် ပိတ်ချောကိုဝတ်ဆင်၍၊ ကာမဂုဏ်စည်းစိမ် ၌ နေ့တိုင်းပျော်မွေ့လျက်နေ၏။ လာဇရုအမည်ရှိသော သူဆင်းရဲတယောက်သည် တကိုယ်လုံး၌ အနာစိမ်းပေါက်၍၊ သူဌေး၏စားပွဲမှကျသော စားနုပ်စားပေါက်ကို စားပါရစေဟု တောင့်တသောစိတ်နှင့် သူဌေးအိမ်တံခါးနားမှာ တုံးလုံးနေ၏။ ခွေးတို့သည်လာ၍ အနာစိမ်းများကို လျက်ကြ၏။ ၂၂တနေ့သ၌ ထိုဆင်းရဲသားသည် သေလွန်၍၊ ကောင်းကင်တမန်တို့သည် အာဗြဟံ၏ ရင်ခွင်သို့ပို့ဆောင်ကြ၏။ သူဌေးသည်လည်း သေလွန်၍ သင်္ဂြိုဟ်ခြင်းကို ခံရလေ၏။ မရဏာနိုင်ငံ၌ ပြင်းပြစွာသော ဝေဒနာကို ခံရလျက် မျှော်ကြည့်၍၊ အာဗြဟံကို၎င်း၊ အာဗြဟံ၏ ရင်ခွင်၌ လာဇရုကို၎င်း အဝေးကမြင်လျှင်၊ အိုအဘ အာဗြဟံ၊ အကျွန်ုပ်ကို ကယ်မသနားတော်မူပါ။ အကျွန်ုပ်သည် ဤမီးလျှံ၌ ပြင်းစွာခံရသောကြောင့်၊ လာဇရုသည် မိမိလက်ဖျားကို ရေ၌နှစ်၍ အကျွန်ုပ်လျှာကို အေးစေခြင်းငှါ သူ့ကိုအကျွန်ုပ်ရှိရာသို့ စေလွှတ်တော်မူပါဟု ဟစ်ကြော်လေ၏။ အာဗြဟံကလည်း၊ ငါ့သား၊ သင်သည် အသက် ရှင်စဉ်အခါ ချမ်းသာရသည်ကို၎င်း၊ လာဇရုသည် ဆင်းရဲစွာနေရသည်ကို၎င်း အောက်မေ့လော့။ ယခုမူကား၊ သူသည် သက်သာခြင်းရှိ၏။ သင်သည် ဒုက္ခဝေဒနာကိုခံရ၏။ ထိုမှတပါး၊ ငါတို့နှင့် သင်တို့စပ်ကြား၌ အလွန်နက်လှသော ချောက်ကြီးတည်လျက်ရှိ၏။ ထိုကြောင့် ဤအရပ်မှသင်တို့ရှိရာသို့ ကူးချင်သောသူမကူးနိုင်။ ထိုအရပ်မှ ငါတို့ရှိရာ သို့ ကူးချင်သောသူလည်း မကူးနိုင်ဟုဆို၏။ သူဌေးကလည်၊ အိုအဘ၊ ထိုသို့မှန်လျှင်၊ အကျွန်ုပ်၌ ညီငါးယောက် ရှိပါသည်ဖြစ်၍ သူတို့သည် ဤပြင်းပြစွာခံရာအရပ်သို့ မရောက်မည်အကြောင်း၊ သူတို့အား သက်သေခံစေခြင်းငှါ၊ လာဇရုကို အကျွန်ုပ်အဘ၏အိမ်သို့ စေလွှတ်တော်မူပါ။ အကျွန်ုပ်တောင်းပန်ပါ၏ဟု ပြောဆိုလျှင်၊ အာဗြဟံက၊ သင်၏ညီတို့၌ မောရှေမှစ၍ ပရောဖက်များရှိကြ၏။ ပရောဖက်တို့၏စကားကို နားထောင်ကြစေဟု ဆို၏။ သူဌေးကလည်း၊ မဟုတ်ပါအဘအာဗြဟံ၊ သေသောလူစုထဲက တယောက်သောသူသည် ထမြောက်၍ သူတို့ ရှိရာသို့သွား လျှင်၊ သူတို့သည် နောင်တရကြပါလိမ့်မည်ဟု ဆိုသော်၊ ၃၁အာဗြဟံက၊ သူတို့သည် မောရှေ၏ စကား၊ ပရောဖက်တို့၏စကားကို နားမထောင်လျှင်၊ တယောက်သောသူသည် သေခြင်းမှထမြောက်သော်လည်း မယုံကြည်နိုင်ကြဟု အာဗြဟံဆိုသည်ဟု မိန့်တော်မူ၏။

ပုံပမာ-၃၆။ အကျိုးမဲ့သောကျွန်   လုကာ ၁၇း၇-၁၀

အစေအပါသည် လယ်ထွန်သော်၎င်း၊ သိုး၊ နွားကျောင်းသော်၎င်း၊ လယ်ပြင်မှလာ၍ အိမ်သို့ ဝင်သောအခါ၊ ထိုအစေအပါကို၊ အသော့လာ၍ စားပွဲ၌လျောင်းလော့ဟု သင်တို့တွင် အဘယ်သူပြောမည်နည်း။ ထိုအစေအပါကို၊ ငါစားစရာဘို့ပြင်လော့။ ငါစားသောက်စဉ်တွင် ခါးကိုစည်း၍ ငါ့ကိုလုပ်ကြွေးလော့။ ထိုနောက်မှ သင်သည် စားသောက်ရမည်ဟု ပြောမည်မဟုတ်လော။ ထိုအစေအပါသည် သခင်စီရင်သည်အတိုင်း ပြုသော ကြောင့်၊ သခင်၌ကျေး ဇူးတင်သလော။ ကျေးဇူးမတင်။ ၁ဝထိုနည်းတူ မှာထားတော်မူသမျှတို့ကို သင်တို့သည် ကျင့်ပြီးမှ၊ ငါတို့သည် သခင်၌ကျေးဇူးပြုသော အစေအပါဖြစ်သည်မဟုတ်။ ဝတ်ပြေရုံမျှသာရှိသည်ဟု ဝန်ခံကြလော့ ဟုမိန့် တော်မူ၏။

ပုံပမာ-၃၇။ တရားသူကြီးနှင့်မုဆိုမ   လုကာ ၁၈း၁-၈

လူတို့သည် အားမလျော့ဘဲ ကြိုးစား၍ ဆုတောင်းရမည်အကြောင်းကို ဥပမာစကားအားဖြင့် မိန့်တော် မူသည်ကား၊ မြို့တမြို့၌ ဘုရားသခင်ကို မကြောက်ရွံ့၊ လူကိုအားမနာတတ်သော တရားသူကြီးတယောက်ရှိ၏။  ထိုမြို့၌နေသော မုတ်ဆိုးမတယောက်သည် တရားသူကြီးထံသို့သွား၍၊ ကျွန်မရန်ဘက်ကို လက်စားချေလောက် အောင် အပြစ်အလျောက် ဒဏ်စီရင်ပါဟု တောင်းပန်သော်လည်း၊ တရားမစီရင်ဘဲ ကြာမြင့်စွာနေ၏။ ထိုနောက် တရားသူကြီးက၊ ငါသည် ဘုရားသခင်ကိုမကြောက်ရွံ့၊ လူကိုအားမနာတတ်သောသူဖြစ်သော်လည်း၊ ဤမုတ်ဆိုးမ သည် ငါ့ကိုနှောင့်ရှက်သောကြောင့် သူ့ဘက်၌ တရားစီရင်မည်။ သို့မဟုတ် အစဉ်လာ၍ ငါ့ကိုပင်ပန်းစေလိမ့်မည် ဟု စိတ်ထဲ၌အကြံရှိ၏။ မတရားသော ထိုတရားသူကြီး၏အကြံကို မှတ်ကြလော့။ ဘုရားသခင်ရွေးကောက် တော်မူသောသူတို့သည် ညဥ့်နေ့မပြတ် အော်ဟစ်၍တောင်းလျှောက်လျှင်၊ ဘုရားသခင်သည် သူတို့ဘက်၌ တရားမစီရင်ဘဲ နေတော်မူမည်လော။ ကြာမြင့်စွာသည်းခံတော်မူမည်လော။ ၈ငါဆိုသည်ကား၊ သူတို့ဘက်၌ အလျင်အမြန် တရားစီရင်တော်မူမည်။ သို့သော်လည်း လူသားသည် ကြွလာသောအခါ ယုံကြည်ခြင်းကို မြေကြီး ပေါ်မှာတွေ့မည်လောဟု သခင်ဘုရားသည် မိန့်တော်မူ၏။

ပုံပမာ-၃၈။ ဖာရိရှဲနှင့်အခွန်ခံ   လုကာ ၁၈း၉-၁၄

ကိုယ်ကုသိုလ်ကို အမှီပြု၍ သူတပါးကိုမထီမဲ့မြင်ပြုတတ်သောသူ အချို့တို့အား မိန့်တော်မူသော ဥပမာကား၊ လူနှစ်ယောက်တို့သည် ဆုတောင်းပဌနာပြုခြင်းငှါ ဗိမာန်တော်ပေါ်သို့ တက်ကြ၏။ တယောက်ကား ဖာရိရှဲ ဖြစ်၏။ တယောက်ကား အခွန်ခံဖြစ်၏။ ဖာရိရှဲသည် တယောက်တည်းရပ်လျက်၊ အိုဘုရားသခင်၊ သူတပါးတို့သည် အနိုင်အထက်လုယူခြင်း၊ မတရားသဖြင့်ကျင့်ခြင်း၊ သူ့မယားကိုပြစ်မှားခြင်း အပြစ်ရှိသကဲ့သို့ အကျွန်ုပ်၌မရှိသည် သာမက၊ ဤအခွန်ခံကဲ့သို့ပင် မဟုတ်သောကြောင့် ကျေးဇူး တော်ကြီးလှပေ၏။ အကျွန်ုပ်သည် ခုနှစ်ရက်တွင် နှစ်ရက် အစာရှောင်ပါ၏၊ ဥစ္စာရှိသမျှတို့ကို ဆယ်ဘို့တဘို့ လှူပါ၏ဟု ဆုတောင်းပဌနာပြု၏။ အခွန်ခံမူကား၊ အဝေးကရပ်၍ ကောင်းကင်သို့ မမျှော်မကြည့်ဝံ့ဘဲ ရင်ပတ်ကို ခက်လျက်၊  အိုဘုရားသခင်၊ အပြစ်များသော အကျွန်ုပ်ကို သနားခြင်းကရုဏာစိတ်ရှိတော်မူပါဟု ဆုတောင်းလေ၏။ ငါဆိုသည်ကား၊ ထိုသူသည်အပြစ်ပြေလျက် မိမိအိမ် သို့ပြန်သွား၏။ ဖာရိရှဲမူကား အပြစ်မပြေ။ အကြောင်းမူကား၊ ကိုယ်ကိုကိုယ်မြှောက်သော သူမည်သည်ကား၊ နှိမ့်ချခြင်းသို့ရောက်လတံ့။ ကိုယ်ကိုကိုယ်နှိမ့်ချသောသူမည်သည်ကား၊ မြှောက်ခြင်းသို့ ရောက်လတံ့ဟု မိန့်တော်မူ၏။

 

 

Footer Monthly Articles & Web.Blogs

 

ဝိညာဉ်ရေးဆိုင်ရာလစဉ်ရွေးချယ်ထားသောမုရန်ဆောင်းပါးအချို့

 


Our Friendly Web & Blogs Links
jbcs.org.sg/main
woorank.com/en/www/sawpatrick.net
moemaka.com/2012/06/guest-writer-ပြည်သူတို့လိုချင်နေတ
spiritlessons.com/languages/index.htm
thawthikho.blogspot.com/2010/02/blog-post_9931.html
mahnkoko.blogspot.com.au
divinerevelations.info/languages/index.htm
mcathailand.com
myanmarinsingapore.com
karenfamily.org/profiles/blogs/links-1
zomimessenger.com/2012/09/column-music-column-extra-links-holy.html
streamoflife99.com/articles/jesus18yrsproblem.html
tudoenkung.wordpress.com/online-bibles
burmesebible.com/links.htm
jinghpawtingsan.blogspot.com/2011/04/morphvox-junior-voice-changer.html
sawkyawoo.com/2011/10/website_21.html
bethelkhrihfabu.net/nitin-bible-relnak.html
immanuelmyanmarchurch.com/apps/blog
mahnkoko.blogspot.com.au/2012/06/blog-post_10.html
kc-nl.blogspot.in/2011/09/2011-ning-ladaw-kcnl-nawku-hpung-wai.html
laaituibaptistchurch.com
mahnkoko.blogspot.com/2012/07/normal-0-false-false-false-en-au-x-none.html
mcflondon.com
dawnathar.blogspot.com/2010/11/blog-post_8330.html
imcwheaton.org
kc-nl.blogspot.com/2012/05/atrocities-in-kachin-land.html
kokomaunguk.blogspot.co.uk/2012/01/blog-post_21.html
sawpatrick.net
shinthan.com
bangkokchristchurch.net
batupuei.webs.com
burmesebible2008.blogspot.com/2009/10/typhoon-in-philippines.html
globalmcf.ning.com
intouchcnet.com
karanilan.webs.com/apps/videos/videos/show/5464117
kokomaunguk.blogspot.com.au/2012/06/blog-post_09.html
kokomaunguk.blogspot.sg/2012/08/blog-post_8666.html
mcctulsa.com
mgchit.blogspot.in/2012/08/blog-post_18.html
mmwebgallery.com
nlbcusa.wordpress.com
sawchit.blog.com/2011/06/12/ကျီးတို့အလယ်မှ-ဒေါင်း
sawchitthu.blogspot.com/2012/03/software-license-version.html
simonkamta.blogspot.com/p/mp3-download_16.html

swecanaan.blogspot.com/2012/09/andriod-phone-program.html
thelordword.com
tkbc-japan.net
bangkokchristchurch.net

haineni.ning.com
bangkokchristchurch.net
globalmcf.ning.com/
thawthikho.blogspot.com
orangeask.com
miccfortwayneusa.blogspot.com
mcflondon.com
kokomaunguk.blogspot.com

mission-one.co.cc                   
chanlinnay.mandalaybloggers.org

thespiritfruit.com
mg-m.blogspot.com  ကျမ်းစာလေ့လာနည်းများ
mcbc4u.blogspot.com မုရန်ဆောင်းပါးအချို့.
www.myatmingalar.com/ မြတ်မင်္ဂလာဒေသနာများ
myanmar-odb.org နေ့စဉ်ခွန်အား(မြန်မာ)

Ref:

http://www.alexa.com

Facebook Twiter Google Buttons

ရယ်ရွှင်ဘွယ်ရာ (Random Selection)







ညီညီမြန်မာ
http://www.nyinyimyanmar.co.cc မှတဆင့်ဖေါ်ပြသည်။


 

ဗဟုသုတဆောင်းပါး (Random Selection)

တ နေ့ သ ၌ စာ ရေး သူ သည် ဇ နီး နှင့် သ မီး ဖြစ် သူ တို့ က ဆွေ မျိုး များ ရှိ ရာ သို့  အ လည် သွား နေ သ ဖြင့် တ ယောက် တည်း အိမ် ၌ ကျန် ခဲ့ လေ ရာ ပျင်း ရိ ခြင်း ရှိ လှ သ ဖြင့် စိတ် ပြေ လက် ပျောက် အ လို့ ငှာ စ ကာင်္ ပူ ရှိ မြန် မာ အ များ စု ဝေး ရာ အ ရပ် ဖြစ် သော စီး တီး ဟော်(လ်) သို့ ရ ထား ဖြင့် ထွက် ခဲ့ လေ သည်။ Ang Mo Kio ဘူ တာ ရုံ မှ ရ ထား မ ထွက် မှီ စာ ရေး သူ အ ရွယ် နှင့် မ တိမ်း မ ယိမ်း ရှိ မည် ဟု ခန့်  မှန်း ရ သော လူ တ ယောက် သည် ရ ထား တံ ခါး မ ပိတ် မှီ က လေး တွင် ၀င် ရောက် လာ ပြီး စာ ရေး သူ ၏ ဘယ် ဘက် ဘေး ရှိ ထိုင် ခုံ လွတ် သို့  အ လျင် စ လို ၀င် ထိုင် လိုက် လေ သည်။

 

ချီးမွမ်းတေးသီချင်းနှင့်ကဗျာများ (random hymn No.1)

Give Thanks

[Give thanks with a grateful heart,
Give thanks to the Holy One.
Give thanks because He’s hiven,
Jesus Christ His Son.]  (repeat)

[And now let the weak say I am strong.
Let the poor say I am rich,
because of what the Lord has done for us. ] (repeat)
Give thanks

 

ချီးမွမ်းတေးသီချင်းနှင့်ကဗျာများ (random hymn No.2)

မာသာထရီဆာ၏ မိဘမဲ့ဂေဟာတစ်ခုတွင်ချိတ်ဆွဲထားသော ကဗျာ

ဘယ်လိုပဲဖြစ်စေ

လူတွေဟာမကြာခဏအကျိုးသင့်အကြောင်းသင့်

မဟုတ်တာတွေလုပ်တတ်သလို

 ယုတ္တိမတန် အတ္တဆန်တဲ့လုပ်ရပ်တွေကိုလည်းလုပ်တတ်ကြတယ်

ဘယ်လိုပဲဖြစ်စေ……….သူတို့ကိုခွင့်လွှတ်လိုက်ပါ။

  Read more... Link  

ချီးမွမ်းတေးသီချင်းနှင့်ကဗျာများ (random hymn No.3)

Key C
- မြန်မာပြည်အတွက် ခရစ်တော်ဖြစ်ရမယ်
မြန်မာပြည်သားတိုင်း ခရစ်တော်သိရမယ်
ယုံကြည်ချက် ဆုံးဖြက်ချက် ချရင်းဆောင်ရွက်မယ်
တို့ လက်တွေ ညီညွတ်စွာ ရှိနေမယ်

- သာသနာအတွက် အသင့်ရှိထားရမယ်
သာသနာခရီးအတွက် တို့ တတွေဆက်ကပ်မယ်
သခင်ဘုရား ပေးအပ်တဲ့ ၀တ္တရားကျေဘို့ ကွယ်
တို့ လက်တွေ ညီညွတ်စွာ ရှိနေမယ်

Cho; လူတွေမျှော်လင့် စောင့်စားနေချိန်
သခင်ရဲ့ ချစ်ခြင်း ကယ်တင်ခြင်းတွေကို
ကြားရလို့ ရင်မှာ ထာဝရတွယ်ညိသွားအောင်
ကြိုးစားမယ် သာသနာခရီးမှာ