မုရန် မဂ္ဂဇင်း

လွတ်လပ်ခြင်းဖြင့် ဘုရားရှင်အား ကိုးကွယ်မည် Christian Ezine

Sunday, Aug 02nd

Last update03:30:37 PM GMT

You are here:: ဆောင်းပါး-၁ ရသ၊စာပေ မိစ္ဆာပရောဖက် - ဒေါက်တာဖေမြတ်ဝင်း ပြုစုသည်။

မိစ္ဆာပရောဖက် - ဒေါက်တာဖေမြတ်ဝင်း ပြုစုသည်။

E-mail Print PDF


စာရေးသူ၏အမှာစာ

သည်လောက၌ ကြောက်စရာအကောင်းဆုံးသော အရာသည် ခန္ဓာကိုယ်သေခြင်းမဟုတ်ဘဲ၊ ၀ိညာဉ်ဆုံးရှုံးခြင်းဖြစ်ကြောင်း ခရစ်တော်က ပြောခဲ့သည်။ (မ ၁၀း၂၈) ကျန်ုပ်တို့၏ ၀ိညာဉ်ကို စတေးမည့်သူလောက် မည်သူမှကြောက်စရာမကောင်းပါ။ သည်ကမ္ဘာပျက်ခါနီးအချိန်တွ် မိစ္ဆာပရောဖက်များစွာ ပေါ်လာမည်ဟု သခင်ယေရှုက သတိပေးထားပါသည်။ မိစ္ဆာ္တပရောဖက်သည် နောက်ဆုံးကာလ၏ အဓိကရန်သူဖြစ်ပါသည်။
ခရစ်ယာန်အသင်းတော်များထဲတွင် သစ္စာရှိစွာနှင့် အမှုထမ်းနေကြသော သင်းအုပ်ဆရာများ၊ တရားဟောဆရာများ၊ သာသနာပြုဆရာများ၊ ကျမ်းစာသင်ကြားသူများနှင့် နည်းမျိုးစုံဖြင့် ဧ၀ံဂေလိလုပ်ငန်း၌ ပါဝင်ဆောင်ရွက်နေသူ များစွာရှိပါသည်။ တစ်ဘက်တွင်လည်း ခရစ်တော်၏ သာသနာတော်ကို ညှိုးနွမ်းစေပြီး၊ ယုံကြည်သူတို့ကို လမ်းလွှဲသွားစေရန် ပြုလုပ်လျှက်ရှိသူ အမြောက်အများ ရှိကြပါသည်။ သို့ရာတွင် ကျန်ုပ်တို့နိုင်ငံ၌ သည်ပရောဖက် အတုအယောင်တွေအကြောင်းကို ထုတ်ဖေါ်လျှက် သတိပေးသောသူကို မတွေ့ရှိရသလောက်ပင် ဖြစ်နေပါသည်။ ဤအန္တရယ်သည် မည်မျှကြီးမား၍ ပြန့်နှံ့နေပြီဖြစ်ကြောင်းကို ဖေါ်ပြလိုသော ဆန္ဒဖြင့် ဤစာအုပ်ကို ရေးသားခဲ့ပါသည်။

ကောင်းကင်ဘုံသို့ သွားရသည့်ခရီးသည် ကျဉ်းသောလမ်းဖြစ်သောကြောင့် ကူညီပေးမည့် သန့်ရှင်းသော ဝိညာဉ်တော်နှင့် ဘုရားသခင်ခန့်အပ်ထားသည့် ပရောဖက်များရှိသလို၊ နှောက်ယှက်ဟန့်တား ပိတ်ဆို့မည့် စာတန်နှင့်သူ၏ မိစ္ဆာပရောဖက်တွေလည်း ရှိနေကြပါသည်။ သည်မိစ္ဆာပရောဖက်များသည် ကျန်ုပ်တို့သွားရလမ်းပေါ်မှ ဆူးငြှောင့်ခလုပ်နှင့် အမှိုက်သရိုက်များနှင့် တူပါသည်။
ကားမောင်းသွားစဉ် လမ်းပေါ်တွင်အမှိုက်ကောက် အမှိုက်လှဲနေသူများကို တွေ့ရှိတိုင်း ကျနော်ကျေနပ်ပါသည်။ သည်လိုလှည်းကျင်းသူ မရှိပါက ကြာလျှင်လမ်းပိတ်ဆို့ သွားပါလိမ့်မည်။ အမှိုက်ရှင်းရသောအလုပ်ကို မည်သူမှမလုပ်လိုပါ။ ဖြစ်နိုင်လျှင် လေအေးစက်တပ်ထားသော ရုံးခန်းတွင် ထိုင်ပြီး လိုအပ်သည်များကို ညွန်ကြားခြင်းက များစွာသက်သာ၍၊ သက်သာ၍ လစာပိုကောင်းပါ၏။
စာရေးရာတွင်လည်း တစ်ခါတစ်ရံ အမှိုက်လှဲရပါသည်။ လူတွေက နားထောင်ချင်ပြီး၊ လက်ခံလိုသော အကြောင်းအရာများကိုသာ ရေးနေ၍မရပါ။ အငြင်းပွားစရာ ကောင်းသည့် အရာမျိုးကိုလည်း တင်ပြလျှက် အမှန်တရားကို ဖေါ်ပြနိုင်ရန် (ဧ ၄း၁၅) ကြိုးပမ်းရမည့် အချိန်တွေရှိပါသည်။

အမှန်တရားကို သိပြီး ထန်ချန်ထားသူသည် အလွန်မှ တကိုယ်ကောင်း ဆန်ပါသည်။ အမှန်တရားအဖြစ်နှင့် မိမိသိရှိနားလည်ထားသည့် အတိုင်း ဝေငှပေးရန် လူတိုင်းတွင် တာဝန်ရှိပါသည်။
လူတစ်ဦး သို့မဟုတ် အဖွဲ့အစည်းတစ်ခုအား အပုပ်ချရန် သည်စာအုပ်ကို ရေးသားခဲ့ခြင်းမဟုတ်ပါ။ အဘယ်သူနှင့်မျှလည်း ရန်ငြှိုးမရှိသည့်အတွက် မည်သူ့ကိုမျှ မတိုက်ခိုက်လိုပါ။
ယနေ့တွင် စာရေးဆရာတို့သာမက ခရစ်ယာန် တရားဟောဆရာကြီးများစွာသည်လည်း လူ့အကြိုက်လိုက်၍ ပရိတ်သတ်က ကြားလိုသော တရားတွေကိုသာ ဟောကြားလျှက် ရှိပါသည်။ Prosperity gospel ဟုခေါ်သော စီးပွားဖြစ်မည်၊ ရာထူးတိုးမည်၊ ဘုရားသခင်က လူတိုင်းကို ချမ်းသာစေမည်၊ ကျန်းမာစေမည် ဆိုသောတရားမျိုးဖြစ်ပါသည်။ သည်လိုဟောရသည့် ရည်ရွယ်ချက်၂ခု ရှိပါသည်။

ပထမက ထင်ပေါ်ကြော်ကြားလျှက် အလှုငွေများများရရန်ဖြစ်ပြီး
ဒုတိယကတော့ သည့်ထက်ပိုပင်ဆိုးပြီး စာတန်မာန်နတ်၏ မဟာဗြူဟာကို အကောင်ထည်ဖေါ်နေခြင်း ဖြစ်ပါသည်။

မိစ္ဆာပရောဖက်တိုင်းတွင် သည်ရည်ရွယ်ချက် ၂မျိုးစလုံးရှိပါသည်။ စာတန်နောက်လိုက်သည်မှာ လောက၌ ကြီးပွားချမ်းသာလိုသောကြောင့် ဖြစ်ပါသည်။ လောကီစည်းစိမ်ကို မက်မောလွန်းသည့်အတွက် လောကုတ္တရာအဖို့ မစဉ်းစားနိုင်တော့ဘဲ ဘုရားကိုပင် ကြောက်ရမှန်း မသိကြတော့ပါ။

ခရစ်တော် ဒုတိယအကြိမ် ကြွလာမည့် အချိန်အတွက် ပြင်ဆင်ထားရန် အလွန်ကြီးမားသော မိစ္တာကွန်ယက်ကြီးကို စာတန်က တည်ဆောက်နေသည်မှာ ကြာပါပြီ။ ကျန်ုပ်တို့ ထင်သည်ထက် များစွာပို၍ ကျယ်ပြန်ပြီး အလွန်ကြောက်စရာ ကောင်းပါသည်။ သုံးပါးတစ်ဆူ ဘုရားနှင့် အပြိုင် တည်ဆောက်ထားသည့် အဖွဲ့တွင် စာတန်၊ အန္တိခရစ်နှင့် မိစ္ဆာပရောဖက်တို့ ပါဝင်ကြပါသည် (ဗျာ ၁၃)။ ယနေ့ တွေ့ရှိနေရသော ပရောဖက်အတုအယောင်များသည် နောက်ဆုံးသော ကာလ၌ ပေါ်ထွန်းမည့် မိစ္ဆာာပရောဖက်ကြီး၏ ရှေ့ပြေးများဖြစ်ကြပြီး၊ ထိုလူယုတ်မာကဲ့သို့ပင် အန္တိခရစ်အတွက် လမ်းခင်းပေးလျှက် ရှိနေကြပါသည်။
သည်ပုဂ္ဂိုလ်များ၏ အပြောအဆိုနှင့် အမူအယာများကို သေချာစွာလေ့လာ၍ သုံးသပ်ကြည့်လျှင် ခရစ်တော်ကို ဆန့်ကျင်သောဝိညာဉ်တသည် သူတို့အထဲတွင် ရှိနေကြောင်း တွေ့ရပါမည်။ ထိုဝိညာဉ်သည် ယနေ့ပင်ရှိနေသည်ဟု ရှင်ယောဟန်က ပြောပါသည်။ (၁ယော၎း၃)။ သည်မိစ္ဆာပရောဖက်တွေက ခရစ်တော်ကြွလာရန် နီးနေပြီဖြစ်သည့်အတွက် နောင်တရကြပါဟု အလွန်ပင်ဟောခဲပါသည်။ လူတိုင်း ကျန်းမာချမ်းသာရန် ဘုရားသခင်က အလိုရှိသည် ဟု ဆိုပြီး၊ ဤလောကပျော်မွေ့စရာများဖြင့် မက်လုံးပေးရင်၊ ကျန်ုပ်တို့ကို သူတို့နှင့်အတူ ငရဲသို့ တစ်ပါတည်း ခေါ်ဆောင်သွားပါလိမ့်မည်။
မိမိကိုယ်ကိုယ် ခရစ်ယာန်ဟု ခေါ်ဆိုပြီး လောကီနှင့်ဆိုင်သော အရာများကိုသာ စဉ်းစားနေသောသူသည် ဘ၀ကိုပြန်လည် သုံးသပ်ရန်လိုပါသည်။

လူတစ်ဦးသည် မိစ္ဆာပရောဖက် ဟုတ်သည်၊ မဟုတ်သည်ကို ကျနော်ပြောသည်ထက် စာဖတ်သူများကိုယ်တိုင် စဉ်းစား၍ ဆုံးဖြတ်သည်က ကောင်းပါသည်။ မိမိကိုယ်ကို ဘုရား၏ အမှုတော်ဆောင်ဟု ဆိုနေသူတစ်ဦးကို ကျနော် လက်ညိုးထိုးပိုင်ခွင့်မရှိပါ။ ယခုလို လုပ်ရန်လည်း မရည်ရွယ်ပါ။ ဘုရားကသာလျှင် နောက်ဆုံး၌ ဆုံးဖြတ်ပေးပါလိမ့်မည်။

ဤစာအုပ်တွင် နာမည်ပါသူတိုင်းသည် မိစ္ဆာပရောဖက်မဟုတ်ပါ။ အဖွဲ့အစည်းတိုင်းကိုလည်း မိစ္ဆာဂိုဏ်းဟု မစွတ်စွဲထားပါ။ မိမိကိုယ်ကို ကာကွယ်နိုင်ရန် သိရှိထားရမည့် အချက်အလက်များကို စုဆောင်း၍ တင်ပြပေးနေခြင်းသာဖြစ်ပါသည်။ အချက်အလက်တွေကို မည်သို့ရရှိကြောင်း သိရှိ၍ ကိုယ်တိုင်လေ့လာနိုင်ရန် ကိုးကားချက်များကို စာအုပ်အဆုံးတွင် ဖေါ်ပြပေးထားပါသည်။ ကာယကံရှင်တွေ ပြောဆို၊ လုပ်ကိုင်ခဲ့သော နေရာနှင့် နေ့ရက် အချိန်အခါ အတိအကျ တို့ကိုလည်း ဖြစ်နိုင်သည့်အခါ ဖေါ်ပြထားပါသည်။ လိုအပ်မည်ဟု ထင်သောအခါ မူလကပြောခဲ့သည့် အင်္ဂလိပ်ဘာသာဖြင့် တင်ပြပေးထားပါသည်။ မိစ္ဆာပရောဖက် ပြဿနာသည် လူတိုင်းနှင့် သက်ဆိုင်ပြီး၊ သေရေးရှင်ရေးထက်ပင် အရေးကြီးပါ၏။

ယခု ဂိုဏ်းဂနနှင့် ပတ်သတ်၍ အနည်းငယ်ပြောလိုသည်မှာ လူတီထွင်ထားသော အရာသာဖြစ်ပါ၏။ ခရစ်တော်၏ နိုင်ငံတော်တွင် မည်သည့်ဂိုဏ်မှ မရှိပါ။ ထိုသခင်အတွက် စေတနာမှန်နှင့် အလုပ်လုပ်သူတိုင်းသည် ကောင်းကင်ဘုံတွင် အကျိုးခံစားရမည် ဟု ကျနော် ယုံကြည်ပါသည်။ ကွန်ဂိုလို နေရာမျိုး၌ အခြားအဖွဲ့အစည်းများမှ သာသနာပြုများနှင့် အတူ နှစ်ပေါင်းများစွာ ကြာရှည်စွာ လုပ်ကိုင်ပြီးသောအခါ မိမိဂိုဏ်းကိုသာ ဘုရားက စေလွှတ်သည်ဟု ဘယ်နည်းနှင့်မျှ မမြင်နိုင်တော့ပါ။ ယေရှုခရစ်တော်ကို ယုံကြည်သူတိုင်းသည် မည်သည့် ဘာသာရေးဂိုဏ်းနှင့် အဖွဲ့အစည်းမှပင် ဖြစ်ပါစေ၊ ကယ်တင်ခြင်းခံရပါသည်။ ကျမ်းစာက သည်အတိုင်း ပြောထားပါ၏။ (ယော ၃း၁၆)။ ထိုကြောင့် အဓိက လိုအပ်ချက်သည် သခင်ယေရှုကို စိတ်နှလုံး အကြွင်းမဲ့ချစ်နိုင်ရန် ဖြစ်ပါ၏။ သို့ရာတွင် မိစ္ဆာပရောဖက်ကို ဆရာတင်မိလျှင် ဒုက္ခတွေ့နိုင်သေးသည့်အတွက် မိမိ ဘယ်သူနောက်လိုက်ပြီး၊ ဘယ်သူ့ကို ယုံနေမှန်း ကောင်းစွာသိဖို့ လိုအပ်ပါသည်။

ကျနော်အပါအ၀င် မည်သူပြောသမျှကိုမှ အလွယ်တကူ မယုံလိုက်ပါနှင့်။ အမှန်တရားသည် နှုတ်ကပတ်တော်၌သာ ရှိပါသည်။ သည်အမှန်တရားကိုလည်း ခွန့်ကြွေးလို့မရပါ။ သန့်ရှင်းသော ၀ိညာဉ်တော်က ဖေါ်ပြပေးမှရပါသည်။ သို့သော် မိမိကိုယ်တိုင်က မသိလို၊ မရှာလိုလျှင် အလိုအလျောက် တွေ့ရှိမည်မဟုတ်။

တစ်ခါက ရောမမြို့ဝန်တစ်ဦးသည် သခင်ယေရှုကို မေးခဲ့ပါသည်။ အမှန်တရားဆိုသည်မှာ အဘယ်နည်း..တဲ့။

သည်မေးခွန်းကို ပိလတ်က သရော်၍မေးသလား၊ တွေဝေသွား၍ မေးသလားကို ကျမ်းစာက မဖော်ပြပေးထားပါ။ လောကတွင် လူတို့အတွက် အလွန်လိုအပ်နေသော မေးခွန်းတစ်ခု ဖြစ်ပါသည်။
အမှန်တရားဘယ်မှာရှိပါသနည်း။ အဘယ်သူ သိနိုင်ပါသနည်း။ ဘာသာတရားတွင်လား။ သိပ္ပံပညာ၌လား၊ အဘိဓါန်ထဲတွင်လား၊ ဒဿနိကပညာရှင်ကြီးများ၊ တက္ကဗေဒ(Logic) ပညာရှင်ကြီးများ၊ နက္ခဗေဒပညာရှင်နှင့်ဗေဒင်ဆရာများ၏ အတွေးထဲတွင်လား။ အမှန်တရားသည် လွယ်မလိုနှင့် ခက်နေသည့်အရာဖြစ်ပါသည်။ ထို့အပြင် အမှားနှင့်အမှန်ကြား၌ ပိုင်းခြားထားသော မျဉ်းကြောင်းက တစ်ခါတစ်ရံမှာ မှုန်ဝါးဝါးဖြစ်နေတတ်ပါသေးသည်။ အမှန်တရားနှင့်ပတ်သက်၍ ယေရှုခရစ်တော်က မည်သို့ပြောခဲ့ပါသနည်း။

မိမိကိုယ်တိုင်က အမှန်တရားဖြစ်သည်ဟု ဆိုပါသည် (ယောဟန် ၁၄း၆)။

အမှန်တရားကို အယူဝါဒ၊ အတွေးအခေါ်၊ အဖြစ်အပျက်တစ်ခု ဟု ကျန်ုပ်တို့ ခံယူထားကြသည်။ ယခု ခရစ်တော် ပြောနေသော အမှန်တရားက ပုဂ္ဂိုလ်တစ်ဦး ဖြစ်နေသည့်အတွက် မည်သို့နားလည်ရမည်နည်း။ လူတစ်ဦးသည် မှန်ရာကို သိရှိ၍ ပြောနိုင်သော်လည်း သူကိုယ်၌ကတော့ အမှန်တရားမဖြစ်နိုင်ပါ။ သို့ရာတွင် ခရစ်တော်သည် သာမန်လူတစ်ဦး မဟုတ်ပါ။ အလုံးစုံကို ဖန်ဆင်းသည့် ဘုရားဖြစ်ပါသည်။ အားလုံးသည် သူ၌ပင် အသက်ရှင် လှုပ်ရှားနေရပါသည် (တ ၁၇း၂၈)။ ထို့ကြောင့် သူပြောသမျှ၊ လုပ်သမျှတို့သည် အမှန်တရားပါပေ။ ယေရှုခရစ်တော်သည် ဘယ်အခါမှ မပြောင်းလဲနိုင်သော သမ္မာတရားဖြစ်ပါသည်။ အခြားအရာ အားလုံးက ပြောင်းလဲခြင်းနှင့် မကင်းနိုင်ကြပါ။ သို့ပါ၍ သမ္မာတရားတည်း ဟူသော ဘုရား၏ နှုတ်ကပတ်တော်မှ လွဲ၍ အခြား ဘယ်အရာကိုမှ မယုံကြပါနှင့်။

သည်စာအုပ်ကို ရေးရန် ကျနော် အတော်ပင် အချိန်ယူခဲ့ရပါသည်။ အကြိမ်ကြိမ်လည်း ဆုတောင်းခဲ့သည်။ လိုအပ်သော အချက်အလက်များကို ရှာဖွေရာတွင် မထင်မှတ်၊ မမျှော်မှန်းထားသည့် အရာများကို တွေ့ရှိခဲ့ရသည့် အတွက် အတော်ပင် တုန်လှုပ်ခဲ့ရပါသည်။ ဤလောကကြီးသည် ကျန်ုပ်တို့ ထင်သည်ထက် ရှုပ်ထွေး၍ ကြောက်စရာကောင်းပါသည်။ မြင်ရသည့်အတိုင်း မဟုတ်သော အရာများစွာ ရှိပါသည်။ လူသည် သတ္တဝါအားလုံးတွင် အကောက်ကျစ် အစဉ်းလဲဆုံးဖြစ်ပြီး၊ ဘယ်အခါမှ မိမိ၏ အကျည်းတန်သည့်အပိုင်းကို ပြသခြင်းမပြုပါ။ လူနှင့်စာတန် ပူးပေါင်း၍ လိမ်သောအခါတွင်တော့ ပို၍ ပိရိသည့်အတွက် အမှန်ကို သိရှိနိုင်ရန် သန့်ရှင်းသောဝိညာဉ်တော်၏ အကူအညီကို လိုအပ်ပါသည်။ ဤစာအုပ်ကို မဖတ်မှီ အထူးမေတ္တာရပ်ခံလိုသည်မှာ မိမိ၏ စိတ်နှလုံးတံခါးကို ဖွင့်ထားပြီး၊ ဖေါ်ပြထားသည့် အချက်အလက်များကို ဘက်မလိုက်ပဲ သုံးသပ်ကြည့်ရန် ဖြစ်ပါ၏။ ကိုးကားချက်တွေ မှန်မမှန်ကိုလည်း စစ်ဆေးကြည့်ကြပါ။ သမ္မာတရားကသာ ကျန်ုပ်တို့ကို လွတ်မြောက်စေပါမည်။

စာမျက်နှာ ၁၆၀၊ ပထမအကြိမ်ထုတ်ဝေခြင်း ၂၀၁၃ ဧပြီလ

စာအုပ်နောက်မျက်နှာဖုံးတွင် ရေးထားသောစာ
- ဤနောက်ဆုံးသောကာလတွင် ခရစ်တော်၏ သိုးစုအတွင်းသို့ သိုးအယောင်ဆောင်ထားသည့်  တောခွေးများစွာ ရောက်ရှိနေပါပြီ။
- သည် အန္တရာယ်ကိုသင်သိပါသလား?
- မိတ်ဆွေနှင့်တူနေသော ရန်သူကိုမည်သို့ ခွဲခြား၍ သိရှိနိုင်မည်နည်း ?
- သည်စာအုပ်တွင် ထိုရန်သူအကြောင်းကို ရှာဖွေ စုဆောင်းလျှက် တင်ပြပေးထားပါသည်။


Notes:
1. ဒေါက်တာဖေမြတ်ဝင်းသည် အာဖရိက ၁၂နှစ်ခရီးစဉ်မှ ၀ိညာဉ်ရေးအတွေ့အကြုံဖြစ်ပါသည်။ မေတ္တာတမန် မဂ္ဂဇင်းတွင် လစဉ်ဖေါ်ပြခဲ့သော ဆောင်းပါးများကို စုစည်းပြီး စာအုပ်ဝိညာဉ်ရေးမှတ်တမ်းများစာအုပ်တွင် ကွန်ဂိုနိုင်ငံ (ဇိုင်ယာနိုင်ငံ) နှင့် အာဖရိကနိုင်ငံများစွာ သာသနာပြု ဆေးရုံခွဲစိတ်ဆရာဝန်အဖြစ် ထမ်းဆာင်ခဲ့သူဖြစ်သည်။ စာအုပ်မှတစ်ခန်းကို ဖတ်ရှုနိုင်ပါသည်။

ဒေါက်တာဖေမြတ်ဝင်း၏ ၀ိညာဉ်ရေးမှတ်တမ်းများ စာအုပ်

2. ယခု မိစ္ဆာပရောဖက် စာအုပ်ကို လှုဒါန်းသူ တစ်ဦးရှိပါသဖြင့် This e-mail address is being protected from spambots. You need JavaScript enabled to view it သို့ အီးမေးမှာကြားပါက မေတ္တာဖြင့်ပို့ပေးပါမည်။ 

3. ဖြန့်ချိသူ။ Scripture of Gospel Ministry, 286 (B)၊ မင်းကြီးလမ်း၊ အင်းစိန် ဖုန်း၊ ၀၉၄၂၁၀၂၂၃၆၀
ပုံနှိပ်သူ။ ဆည်းဆာပုံနှိပ်တိုက်၊ လမ်း-၄၀ (အလယ်)၊ ကျောက်တံတားမြို့နယ်။ ရန်ကုန် ဖုန်း-၃၉၂၈၃၂

4. ကျမ်းကိုးများ ။  သမ္မာကျမ်းစာနှင့် DVD by Justin Peters, Benny Hinn - by Justin Peters, John Barela, Philip Yancey, C S Lwwis, ခရစ်ယန်သမိုင်း - ခပ်စွမ်းဟောက်၊ E L Bynum, Alex Tang, Wikipedia, Jack Zavada, Joel Osteen - Wikipedia, Joseph ဏမငညခနယ Gladysျွussel, Sze Zeng, Ken Selver, Brian Schwertley, Margaret M Paloma, Rick Ross, Mary Fairchild, Andrew Foley, Ronျွhodes, Matt Slick, Fill Fay, Matt Slick, Stephen Montegomery, John Ashton, Billy Graham History...စသည့် စာရေးဆရာများ၏ စာအုပ်များစွာ..။


Download Link (10MB PDF file)
http://murann.com/ebooks/f.teachers.pdf

Hits: 1137
Comments (6)Add Comment
...
written by ဓမ္မဆရာများ, August 05, 2013
ထိုစာအုပ်ခေါင်းစဉ်ို ပိုမိုလှပစွာ ဥပမာ မှားယွင်းသောဓမ္မဆရျာား ဟုဆိုပါက၊ လက်ဆောင်ပေးရန်၊ရော်းကောင်းရန်ရှိသော လည်း စာအုပ်အမည်မှာ မိစ္ဆာာပရောဖက် ဆိုသောကြောင့် ဓမ္မဆရာအများစု တိတ်တိတ်ကလေး ၀ယ်ဖတ်ရမည့် စာအုပ်ဖြစ်သည်။ သို့သော် ဖတ်သင့်သည့် စာအုပ်ဖြစ်သည်။

နာမည်ကျော်ဆရာကြီးမားကို အကျဉ်းရေးထားသည်။
ဆရာ-ဂျူဝယ်အော်စတင်။ အမေရိကားနှင့်ကမ္ဘာအ ပ်ရပ် ခရစ်ယာန်များသာမက၊ လူမျိုး၊ဘာသာမရွေး သူ့တရားကိုနားဆင်၊ြ ည့်ရှုကြသည်။ ဘုရားသခင်၏ကောင်းမ်ြခြင်းများကိုသာ ပြောကြားပြီး၊ ငရဲအကြောင်းပြောခဲလ သည်။ အကောင်းမြင်ဝါဒီဖြစ သည်။ ကယ်တင်ခြင်းမှာ ယေရှုတစ်ခုတည်းဖြစ်ေ ကာင်း (ယောဟန် ၁၄း၆) ကျမ်းပိုဒ်ကို ပြောလေ့မရှိပါ။

ဆရာ-ဂျိုးဇက်ပရင့်စ်။ စင်ကာပူမှလူကြိုက်မားလှသော ဓမ္မဆရာကြီးဖြစ်သည်။ အခြားသောဘာသာစကာ Other Tongue ပြောသူဖြစ်သည်။ အကောင်းမြင်ဝါဒီ ဓမ္မဆရာဖြစ်ပြိး ငရဲအကြောင်းလဲပြောပ သည်။

ဘင်နီဟင် Benny Hinn၊ ကင်နက် Kenneth & Gloria Copeland ၊ Jesse Duplantis၊ Creflo Dollar (လူမည်း) Todd Bently၊ John Crowder စသည့် လူကြိုက်များသော တီဗွီဓမ္မဆရာများနှင့  မော်မွန်ဘာသာ၊ ယေဟောဝါသက်သေဂိုဏ်း နှင့် ခေတ်သစ်ဘာသာတရားမျာ ကို ရေးထားပါသည်။

ဆရာကြီးဘီလီ ဂရေဟမ်ကို ဝေဖန်မှုများရှိသော် ည်း မှန်ကန်သောဓမ္မဆရာအြ စ် ရေးသားထားသည်။

မှတ်ချက်။ ယေရှုဟောသော တရားအတိုင်း လိုက်နာနိုင်ရန်၊ ဟောကြားနိုင်ရအလွန် က်ခဲလှသည်။ ကျင့်ကြံနိုင်သူ တစ်ယောက်မျှ လောကတွင်မရှိ၊ ယေရှုတစ်ပါးတည်းသာ ကျင့်ကြံနိုင်ခဲ့သည ။

Download "scanned copy"
http://murann.com/ebooks/f.teachers.pdf
report abuse
vote down
vote up
Votes: -1
...
written by ရွှေမြန်မာ, August 13, 2013
ဗဟုသုတရပါသည်။ ဖတ်သင့်သောစာအုပ်ဖ်ြပါသည်။
report abuse
vote down
vote up
Votes: +0
...
written by ရွှေမြန်မာ, August 13, 2013
သခင်၊ သခင် ဟုငါ့ကိုလျှောက်သောူတိုင်း ကောင်းကင်နိုင်ငံတ်ေသို့ဝင်ရလိမ့်မည် ဟုတ်။ ကောင်းကင် ဘုံ၌ရှိတော်မူသောငါ ခမည်းတော်၏အလိုကို ဆောင်သောသူသာလျှင်ဝ်ရလိမ့်မည်။
အကြောင်းမူကား၊ ခရစ်တော်၏အယောင်ကို ဆာင်သောသူနှင့် မိစ္ဆာပရောဖက်တို့သည ပေါ်လာ၍ ရွေးချယ်သော သူတို့ကိုပင် လှည့်ဖြားနိုင်လျှင လှည့်ဖြားလောက်အော်ကြီးစွာသောနိမိတ်လ က္ခဏာ၊ အံ့ဘွယ်သောအမှုတို့ကု ပြကြလိမ့်မည်။
၂၅ ထိုအကြောင်းအရာတိုို့ငါပြောနှင့်ပြီ။
၂၉အကြောင်းမူကား၊ ငါမရှိသည်နောက်၊ ကြမ်းတမ်းသောတောခွေ တို့သည် သိုးများကိုမသနားဘဲ သင်တို့အထဲသို့ဝင်မ်ကို၎င်း၊
၁၅အတွင်း၌ကြမ်းတမ်း သာတောခွေးဖြစ်လျက် သိုးရေကိုခြုံ၍ သင်တို့ရှိရာသို့လာ သာ မိစ္ဆာပရောဖက်တို့ကိ သတိနှင့်ရှောင်ကြလေ့ ။
report abuse
vote down
vote up
Votes: +0
...
written by ရွှေမြန်မာ, August 13, 2013
၁၅ အတွင်း၌ကြမ်းတမ်းသေ တောခွေးဖြစ်လျက်၊ သိုးရေကိုခြုံ၍ သင်တို့ရှိရာသို့လာ သာ မိစ္ဆာပရောဖက်တို့ကိ သတိနှင့်ရှောင်ကြလေ့ ။
၁၆ ထိုသူတို့၏အကျင့်ကိ ထောက်၍ သူတို့၏သဘောကိုသိကြ လိမ့်မည်။ ဆူးလေပင်၌ စပျစ်သီးကို ဆွတ်တတ်သလော။ ဆူးလေပင်၌သင်္ဘောသဖန် သီးကို ဆွတ်တတ်သလော။
၁၇ ကောင်းသောအပင် သည်ကောင်းသောအသီး၊ မကောင်းသောအပင်သည် မကောင်းသောအသီးကိုသးတတ်၏။
၁၈ ကောင်းသောအပင်သည် မကောင်းသောအသီး၊ မကောင်းသော အပင်သည် ကောင်းသောအသီးကိုမသးနိုင်။
၁၉ ကောင်းသောအသီး မသီးသောအပင်ရှိသမျှို့ကို ခုတ်လှဲ၍မီးထဲသို့ခ လိုက်တတ်၏။
၂၀ သို့ဖြစ်လျှင် ထိုပရောဖက်တို့၏အကျ့်ကို ထောက်သော် သူတို့၏သဘောကိုသိရြ လိမ့်မည်။
၂၁ သခင်၊ သခင် ဟုငါ့ကိုလျှောက်သောူတိုင်း ကောင်းကင်နိုင်ငံတ်ေသို့ဝင်ရလိမ့်မည် ဟုတ်။ ကောင်းကင် ဘုံ၌ရှိတော်မူသောငါ ခမည်းတော်၏အလိုကို ဆောင်သောသူသာလျှင်ဝ်ရလိမ့်မည်။
၂၂ ထိုနေ့၌ကား၊ သခင်၊ သခင်၊ အကျွန်ုပ်တို့သည် ကိုယ်တော်အခွင့်နှင့ ဆုံးမသြဝါဒပေးပြါီမဟုတ်လော။ ကိုယ်တော်အခွင့်နှင့ နတ်ဆိုးတို့ကိုနှ် ထုတ်ပါပြီမဟုတ်လော။ ကိုယ်တော်အခွင့်နှင့ များစွာသောတန်ခို တို့ကို ပြပါပြီမဟုတ်လောဟု အများသောသူတို့ သည်လျှောက်ကြလိမ့်မ်။
၂၃ ထိုသို့လျှောက်ကြသေ အခါ သင်တို့ကိုငါအလျှင် မသိ။ အဓမ္မအမှုကိုပြုသောသိူု့၊ ငါ့ထံမှဖယ်ကြဟု ထိုသူတို့အားအတည့် အလင်းငါပြောမည်။
report abuse
vote down
vote up
Votes: +0
...
written by မောင်မောင်(လိုင်ဇာမြေ), August 28, 2013
မိစ္ဆာပရောဖက်တိုင်ွးင် သည်ရည်ရွယ်ချက် ၂မျိုးစလုံးရှိပါသည ။ စာတန်နောက်လိုက်သည်ှာ လောက၌ ကြီးပွားချမ်းသာလို သာကြောင့် ဖြစ်ပါသည်။ လောကီစည်းစိမ်ကို မက်မောလွန်းသည့်အတွ် လောကုတ္တရာအဖို့ မစဉ်းစားနိုင်တော့ဘ ဘုရားကိုပင် ကြောက်ရမှန်း မသိကြတော့ပါ။ ဟု ရေးသားချက်မှာ မှန်ကန်ပြီးသံဝေဂယူ ရာကောင်ပါသည်.
report abuse
vote down
vote up
Votes: +0
...
written by Zarni , October 26, 2013
ကျနော့်အမြင်ဖြစ်သည ။
၁။ ဘုရားသခင်သည် အသင်းတော်ဧရာမကြီး လူပေါင်းထောင်၊သောငးများပြားစွာ အပတ်စဉ်ကိုးကွယ်ဝတ် ပုစေလိုသည့်သဘော ကျမ်းစာတွင်မတွေ့ရပ ။ သို့သော် ရံဖန်ရံခါ မုံငါးလုံးငါး၂ကောင ကဲ့သို့ လူပေါင်းထောင်၊သောငးနှင့်ချီပြီး ဘုန်းတော်ထင်ရှားစှေုများကို ပြုလုပ်လေ့ရှိသည်။ လူပေါင်းထောင်သောင် ချီသော မဟာအသင်းတော်ကြီးမျး၏ သင်းအုပ်ဆရာသည် အလွန်လူကြိုက်များေ သော Gifted သာမန်လူတစ်ဦးဖြစ်သ်။ သူ၏ ရယ်ရွှင်ဘွယ်ပြောဆျိုက်၊ ယုံကြည်ခြင်းကို ရှင်းလင်းစွာပြောဆိ နိုင်ချက်၊ ဘုရားကိုတကယ်ယုံကြည သော နှလုံးသားမှပြောသည် ကားလုံးများ ..စသဖြင့် နားထောင်သူများ၏ နှလုံးသားကို တိုက်ရိုက်ထိခိုက်ြီး၊ နှစ်သက်သဘောကျစေသည်
၂။ အထူးသဖြင့် ထိုတရားဟောဆရာများသ် ဘုရားသခင်၏ ကောင်းမြတ်ခြင်းမျာ ကိုသာ တသွင်သွင်ဟောပြောပြး၊ လာရောက်နားထောင်သူမားကို ကျေနပ်နှစ်သိမ့်မှုေးစေပါသည်။
၃။ ထိုနာမည်ကျော် သင်းအုပ်ကြီးများသည ယုံကြည်လျှင်၊ ထိုအရာ (ငွေ၊ရာထူး၊ပစ္စည်းများ) ရောက်လာမည်ဟု မသိမသာပြောလေ့ရှိသည ။ ကောင်းမြတ်ခြင်းကို မသဲ၆း၃၃ကဲ့သို့ နိုင်ငံတော်နှင့်ြောင့်မတ်ခြင်းကို ဦးစွာရှာ၊ ကျန်သောအရာများ (ငွေ၊ရာထူး၊ပစ္စည်းများ) ပေးမည်..ဟု အားတက်ဖွယ်ဖြစ်အောင ဟောပြောနိုင်ပါသည်။

ထိုသို့ဟောသောဆရာမျး ဥပမာ ဂျိုဝယ်အော်စတင်၊ ဂျိုးဇက်ပရင့်စ်၊ ခေါင်ဟီး စသည်တို့သည် မိဆ္စာပရောဖက်မဟုတ်ေး ဟုယုံကြည်ပါသည်။ သူတို့ဘာကြောင့် မီဒီယာများမေးခွန်ိးု (ယေရှုသည်သာ ကောင်းကင်ဘုံသို့သွးရာလမ်းဖြစ်ကြောင် ) မဖြေပဲဝှေ့လည်ရခြင် သည် လူအများထောက်ခံမှု လျော့နည်းသွားမည်ကိ စိုးရိမ်သောကြောင့် ဖစ်သည်။
report abuse
vote down
vote up
Votes: +0

Write comment
smaller | bigger

busy

Facebook Google Twitter buttons

သက်သေခံချက်များ Testimony (random article)

Iron Cross နဲ့ ချစ်စမ်းမောင်


ချစ်စမ်းမောင် သက်သေခံခြင်း

TKBC , Tokyo-Japan
ရှေးဦးစွာ ဘုရားသခင်ကျေးဇူးတော်ကို ချီးမွမ်းပါတယ်။
မမျှော်လင့်ပဲနဲ့ လူဒီလောက်များမယ် မမျှော်လင့်ဘူး။ ကချင်လူမျိုးတွေ နဲ့ မိတ်သဟာရဖွဲ့ခွင့်ရတဲ့အတွက် ဘုရားသခင်ကျေးဇူးတော်ကိုချီးမွမ်းပါတယ်။ ကျွန်တော်ကတော့ အမ်ဝိုင်စီ MYC (Myanmar Young Crusader) ကပါ။ ဘိန်းစားတော့ မဟုတ်ပါဘူး (ရယ်သံများ)။ ဒါပေမဲ့ ၀ိုင်စီနဲ့ရှိတဲ့အချိန်မှာ ဘိန်းစားတွေနဲ့ အတူနေခဲ့ပါတယ်။ သူတို့နဲ့ အရမ်းရင်းနှီးသွားတဲ့အခါ သူတို့ဘ၀ကို နားလည်ရပါတယ်။ ကျွန်တော်ဟာ ငယ်ငယ်ကတည်းက ၀ိုင်စီမှာ နေခဲ့တဲ့အခါတော့ ကချင်လူမျိုးတွေနဲ့ မစိမ်းပါဘူး။ အားလုံးက ကိုယ့်ဘေးနားမှာ ကချင်တွေချည်ပဲ ဖြစ်နေတယ်။ ကျွန်တော် ဂျပန်နိုင်ငံကို အခုရောက်လာတာ ၃ခေါက်မြောက် ဖြစ်ပါတယ်။ ပထမဆုံးကတော့ ဂျပန်နိုင်ငံကနေ အာစီယံမြူးဇစ်အနေနဲ့ ဖိတ်ကြားခြင်းခံရပြီး ရောက်ခဲ့ပါတယ်။ နောက် တခါ ဂျေအာစိယံ အနေနဲ့ ၂၀၀၃ဒီဇင်ဘာမှာ ထပ်မံရောက်ခဲ့ပါတယ်။ အရင်အခေါက်တွေတုန်းက မြန်မာအသိုင်းအ၀ိုင်းများထဲ မရောက်ခဲ့ပေမဲ့ အခုအခေါက်မှာတော့ မြန်မာအသိုင်းအ၀ိုင်းများနဲ့ နွေးထွေးစွာနဲ့ ဖြေဖျော်ခွင့်ရပါတယ်။

ကျွန်တော့အသက်တာကိုပြောရရင် ကျွန်တော်ဟာ ဂစ်တာပညာကို အရမ်းရူးသွတ်ပါတယ်။ ၄နှစ်သားလောက်ကစပြီးတော့ ဂီတာစတီးပါတယ်။ ဘုရားကျောင်းတွေမှာ ရှေ့က ကျွန်တော့အစ်ကိုတွေ၊ သဘာရင့်တဲ့သူတွေနဲ့ တီးရတာ အရမ်းသဘောကျပါတယ်။ ဒါပေမဲ့ ကျွန်တော့် ရန်ကုန်မြို့မှာလည်း မနေခဲ့ပါဘူး။ ဟင်္သာတမြို့ကနေ ၁၂မိုင်လောက် ဝေးတဲ့ တောရွာလေးမှာ မွေးဖွားခဲ့ပါတယ်။ ကျွန်တော့မိဘတွေက ယုံကြည်ခြင်းအရမ်းကြီးတဲ့သူများ ဖြစ်တဲ့အတွက် ကျွန်တော့ကို ဆုတောင်းပေးတယ်။ ကျွန်တော်ဖြစ်ချင်တဲ့ ဂီတာပညာကို အရမ်းတီးတတ်ချင်တယ်။ ငယ်ငယ်ကတည်းက ဆန်းဒေးစကူးတွေ တက်ပြီးတော့ ဘုရားသခင်ကို ဆပ်ကပ်တယ်။ ဘုရားသခင်အလိုတော်ရှိရင် ဒီလိုဖြစ်ချင်ပါတယ်။ ဘာဖြစ်လို့လဲဆိုတော့ ကျွန်တော်တို့ ဘေးပတ်ဝန်းကျင်မှာ မယုံကြည်သူတွေများတယ်။ ဥပမာ ဘုန်းကြီးပျံ၊ အလှုတို့၊ မင်္ဂလာဆောင်တို့ ရှိရင်၊ ဇတ်ပွဲတွေလာတယ်။ အဲဒီမှာ ဂီတာတီးတဲ့လူတွေကို ကြည့်ပြီး ကျွန်တော် အရမ်းအားကျတယ်။ ငါ ဒီလိုနေရာလေးမှာ တီးရရင် သေပျော်ပြီ၊ အမြဲတမ်းစဉ်းစားနေတယ်။ ဒါနဲ့ ကျွန်တော် ကျောင်းဆက်တက်တယ်။ မြိုမကျ၊ ရွာမကျ နေရာလေးမှာ ကျောင်းသွားတက်တယ်။ အဲဒီမှာ သူငယ်ချင်းတွေနဲ့ စတိတ်စင်လေးတွေ ဖြစ်ချင်လာတယ်။ အပေါ်တက်တီးချင်ပါတယ်။ တီးခွင့်ရရင် ဘုရားသခင်ကို ကျေးဇူးတင်ပါတယ်..လို့ ဆုတောင်းခဲ့တယ်။

အဲဒီလိုနဲ့ ရန်ကုန်မှာရှိတဲ့ အစ်မအကြီးဆုံး၊ ကချင်လူမျိုးနဲ့ရတဲ့ အစ်မပေါ့၊ အစ်မအကြီးဆုံးက အရမ်းဝါသနာကြီးလွန်းအားကြီးတယ် ဆိုပြီး ကျွန်တော့ကို ရန်ကုန်မြို့ကို ခေါ်ပြီးတော့ ဂီတာသင်ခိုင်းတယ်။ သင်တဲ့အခါ ကျေးဇူးတော်ပါပဲ။ ကျွန်တော်က အမ်ဝိုင်စီ ကိုရောက်ခဲ့တယ်။ ကျွန်တော် အမ်ဝိုင်စီကို မရောက်ပဲ တခြားနေရာသာ ရောက်သွားလို့ရှိရင် ကျွန်တော့ဘ၀အသက်တာ ဘယ်လိုဖြစ်သွားမယ်ဆိုတာ မတွေးနိုင်ပါဘူး။ အမ်ဝိုင်စီကို ရောက်တဲ့အခါ ကျွန်တော် အရမ်းလေးစား၊ အားကျတဲ့ ဆရာစောဘွဲမှုး က နံပါတ်ဖိုး လာဖြတ်နေတယ်။ (ရယ်သံများ)၊ ကျွန်တော်က သွားမေးတယ်။ ဆရာစောဘွဲ့မှုးဆိုတာ ဘယ်နှစ်ယောက်ရှိသလဲ..ပေါ့။ သူများတွေက ၀ိုင်းရယ်ကြတယ်။ စောဘွဲ့မှုးဆိုတာက ဒီတစ်ယောက်ပဲ ရှိတယ်  ဆိုတော့ ဟုတ်လား ကိုင်ဇာတို့ ၊ လွှမ်းမိုးတို့လည်း စောဘွဲ့မှုးဆိုတာ ဒီတစ်ယောက်ပဲရှိတယ်လို့ ကြားတော့၊ ကျွန်တော် အရမ်းဝမ်းသာတယ်။ အဲဒီတော့ သူ့ကို ကျွန်တော် ဝေယျာဝစ္စတွေ အားလုံးလုပ်ပေးတယ်။ သူ့ကို တပည့်ခံပြီး အမြဲတမ်း၊ သူနဲ့အတူနေတယ်။ အမ်ဝိုင်စီမှာပဲ နေရင်း သူက ကျွန်တော့သဘောကို နားလည်လာပြီး၊ ကျွန်တော့ကိုလည်း သားအရင်းတစ်ယောက်လို အရမ်းချစ်သွားတယ်။

အဲဒီတော့ ကျေးဇူးတော်ကြောင့် သူတဲ့ကျွန်တော်တို့ လက်တွဲပြီး၊ ဂီတာပညာကို လေ့လာသင်ယူခဲ့တယ်။ ကျေးဇူးတော်ဟာ တကယ်ချီးမွမ်းလို့ မကုန်နိုင်ပါဘူး။ ဘာဖြစ်လို့လဲဆိုတော့ သူနဲ့ကျွန်တော်တဲ့ အပြင်မှာသာတွေ့ပြီး၊ သူဆေးမဖြတ်တဲ့အချိန်မှာသာ တွေ့ခဲ့မယ်ဆိုရင် ကျွန်တော်ဟာ လုံးဝ ဘိန်းစားတစ်ယောက် ဖြစ်သွားမှာ။ ဘာကြောင့်လဲဆိုတော့ ကျွန်တော် သူ့ကို အားကျတော့ သူနောက်၊ သူလုပ်သလိုပဲ လျှောက်လုပ်နေမိမှာ။ သူက လုံးဝကို ပြောင်းလဲတဲ့အခါ ကျွန်တော့ကို လူမှုရေး၊ ဘာသာရေး၊ ဥပမာ..ယဉ်ကျေးမှုကအစ၊ ကျွန်တော့ကို သွန်သင်ဆုံးမပြီးတော့ ကျွန်တော်တို့ နှစ်ယေက်က အတူတကွ၊ လက်တွဲလာခဲ့ကြတယ်။

အဲဒီအချိန်မှာ အိုင်းယွန်းခရော့စ် Iron Cross ဆိုတဲ့ တေးဂီတအဖွဲ့ကို သူနဲ့ကျွန်တော်နဲ့ အတူတူ စတင်ဖွဲ့စည်းပြီးတော့ ဘော့စ် ကိုခင်မောင်သန့်တို့၊ ကိုခရမ်းတို့၊ ကိုဗညားလတ် တို့ကို ခေါ်တယ်။ ပြီးတော့ ကျေးဇူးတော်ပါပဲ။ မြန်မာပြည်မှာ ကျွန်တော်တို့အဖွဲ့က ဘုရားသခင်ရဲ့ ကျေးဇူးတော်ကို ခံစားရသူတွေ ဖြစ်တော့ အဆိုတော်တွေဖြစ်တဲ့ ကိုလေးဖြူ၊ ကိုငဲ၊ ကိုမျိုးကြီး၊  တို့နဲ့ အမြဲတမ်းပဲ ဆုတောင်းတယ်။ ဆုတောင်းပြီးတော့မှ ကျွန်တော်တို့က အစပြုလို့ရတယ်။ ကျွန်တော်တို့ထဲမှာ မယုံကြည်သူတွေလဲပါတယ်။ ဒါပေမဲ့ ကျွန်တော်တို့ ဆုတောင်းဖို့ မေ့နေရင်တောင်မှ သူတို့က ဆုတောင်းရမယ်။ စတော့မယ် လို့သူတို့ကပါ၊ ဘုရားသခင်ကို ဆုတောင်းခြင်းဟာ ဘယ်လောက်ပဲ အောင်မြင်တယ်ဆိုတာ သိရှိလာကြပြီးဆိုတော့ အမြဲတမ်း ဆုတောင်းပြီးမှ စတယ်။ ပြီးခဲ့တဲ့ ၂၆ရက်နေ့တုန်းကဆိုရင် လူငယ်တစ်ယောက်က ကင်မရာလေးကိုကိုင်ပြီး အကိုတို့၊ ဆုတောင်းမယ်မဟုတ်လား..ပြောတယ်။ ကျွန်တော်တို့တောင် ဆုတောင်းဖို့ မေ့နေတယ်။ ဓါတ်ပုံရိုက်မလိုပါ။ သူတို့ကတောင် သိနေတယ်။ ကျွန်တော်တို့ရဲ့ သွားလာလှုပ်ရှားခြင်း၊ အနုပညာလုပ်ငန်း အားလုံးဟာ အဓိက ဘုရားပါရှိတဲ့အတွက် ကျွန်တော်တို့ အောင်မြင်ခြင်းဖြစ်ပါတယ်။

ကျွန်တော်တို့ကိုလည်း ဆက်လက်ဆုတောင်းပေးပါ။ ရှေ့နှစ်လည်း လာဖို့၊ အလိုတော်ရှိရင် ဒီအသင်းတော်မှာ ဆက်လက်လာဖို့ရှိပါတယ်..လို့။

Chit San Muang1 - Testimony.flv

http://www.youtube.com/watch?v=Y0I6vAvKPNE
by on Feb 13, 2010

 

 

ခြောက်ကြိုးကဝေ ချစ်စမ်းမောင်နှင့် အင်တာဗျူး

Thursday, 02 July 2009 15:42 Irrawaddy Blog

Iron Cross (IC) ၏ လိဒ်ဂစ်တာသမား ချစ်စမ်းမောင်သည် ကွယ်လွန်သူ တေးရေး ဂစ်တာသမား စောဘွဲ့မှူး၏ တပည့် တဦးဖြစ်ပြီး IC ၏ လိဒ်ဂစ်တာသမား အဖြစ် နှစ်ပေါင်း ၂၀ ကျော် တီးခတ်ခဲ့သူ ဖြစ်သည်။ အသက် ၄ နှစ်ကျော် အရွယ် ကတည်းက ဂစ်တာ စတီးခဲ့ပြီး ယခု အသက် ၃၀ ကျော်ထိ လိဒ်ဂစ်တာကိုသာ တစိုက်မတ်မတ် တီးခတ်သူ ဖြစ်သည်။ တကိုယ်တော် လက်စွမ်းပြ ဆိုလိုစီးရီးအဖြစ် ခြောက်ကြိုးကဝေ အမည်ရှိ စီးရီးကို ထုတ်ဝေခဲ့ရာ ဂီတလောက တွင် ပြောစမှတ်တွင်သည့် စီးရီးတခွေဖြစ်ခဲ့သည်။ ချစ်စမ်းမောင်သည် အိုင်စီရှိုးတိုင်းတွင် ဂစ်တာဆိုလို တီးခတ်၍ ပရိသတ်အား ဖမ်းစားနိုင်သူဖြစ်သည်။ ရော့ခ်ဝါသနာအိုး ဂစ်တာရူးသွပ်သူ လူငယ်များက ဆရာချစ် ဟု ခေါ်တွင်သော ချစ်စမ်းမောင်ကို ဘန်ကောက်မြို့တွင် တွေ့ဆုံခိုက် ဧရာဝတီ မဂ္ဂဇင်းက တွေ့ဆုံမေးမြန်းခဲ့ ပါသည်။

မေး။     ။ ဒီနှစ်ထဲမှာ ထူးထူးခြားခြား ဂစ်တာနဲ့ ပတ်သက်လို့ ဘာတွေ လုပ်ဖို့ ရှိပါသလဲ။

ဖြေ။     ။ ခုလောလောဆယ်မှာ စာအုပ်ထုတ်ဖို့ အစီအစဉ်ရှိပါတယ်။ တပ်ပ် (Tab) ကော၊ ပက်ကား နုတ်စ် ကော၊ တရုတ်နုတ်စ် ကော ပါတဲ့ စာအုပ်ပေါ့။ နောက်တော့ ဗီဒီယို ဂစ်တာ lesson သဘောမျိုးလေးကော လုပ်ဖို့ အစီအစဉ်ဆွဲနေတယ်။ အဲဒါကို ဒီနှစ်ထဲမှာတော့ ပြီးအောင်လုပ်ဖို့ စဉ်းစားထားတယ်။ ပထမဆုံး အနေနဲ့က ကျနော်တို့တီးခဲ့ပြီး ကိုလေးဖြူတို့၊ ကိုအငဲတို့၊ မျိုးကြီးတို့ ဆိုခဲ့တဲ့ ကိုယ်ပိုင်သံစဉ်သီချင်းတွေ လုပ်မယ်။ ကျနော်တို့ ကိုယ်တိုင် Creation လုပ်ထားတဲ့ သီချင်းတွေကို ဂစ်တာ သင်္ခန်းစာအနေနဲ့ ပြန်တီးပြမှာပေါ့။ စာအုပ်မှာလဲ အဲဒါ ထည့်မယ်။ တပုဒ်လုံးတော့ မဟုတ်ဘူးပေါ့။ အဓိကက ဆိုလို Parts လေးတွေ လုပ်ပြမယ်။  

မေး။     ။ ကိုချစ်စမ်းမောင်အနေနဲ့ ခြောက်ကြိုးကဝေထွက်ခဲ့တာ ၁၀ စုနှစ် တခု ရှိခဲ့ပြီဆိုတော့ အဲလို ဆိုလိုအခွေတခွေကို ခြောက်ကြိုးကဝေတုန်းကလို ရောထွေးမနေဘဲ ချစ်စမ်းမောင်ရဲ့ သီးသန့် စတိုင်နဲ့ လုပ်ဖို့ အစီအစဉ်မရှိဘူးလား။  

ဖြေ။     ။ အဲဒီဆိုလိုခွေက လုပ်နေတာ ၈၀ ရာခိုင်နှုန်းလောက်တော့ ပြီးနေပြီ။ ဒါပေမယ့် တချို့ ဟာလေးတွေ စိတ်တိုင်းမကျလို့ ပြန်ပြင်လိုက်၊ ပြန်တီးလိုက် လုပ်တာနဲ့ မပြီးနိုင်တာ။ အဲဒါကြောင့် Lesson ခွေကို အရင်ထုတ်ဖို့ စီစဉ်လိုက်တာ။ နောက်တခုက စတိုင်ရောထွေးနေတယ် ဆိုတာကလည်း ကျနော်ကိုယ်တိုင်က Country လည်း အရမ်းကြိုက်ခဲ့တာကိုး .. ဒါပေမယ့် အဓိကကတော့ ရော့ခ်ပေါ့နော်။ ရော့ခ်ကြီးပဲ မဟုတ်ဘဲ အဲလို ရောတာလေးကို ကျနော်ကိုယ်တိုင်ကိုက ကြိုက်နေတာ။  

မေး။     ။ ကိုချစ်စမ်းမောင် တီးခဲ့တဲ့ အနှစ်နှစ်ဆယ် သက်တမ်းမှာ တီးခဲ့တဲ့ ပုံစံတွေအရ ဟိုးအရင် ပရိသတ်နဲ့ အခုပရိသတ် ဘာတွေကွာခြား သလဲ။

ဖြေ။     ။ ပရိသတ်ကတော့ ကျနော်မြင်တာကတော့ အရင်ကဆို အဆိုနဲ့အတီးနဲ့မှာ ပေါ်ပြူလာဖြစ်တဲ့ အဆိုဘက်ကိုပိုပြီး အားပေးကြတယ်။ ခုနောက်ပိုင်းတော့ တော်တော်လေး မျှလာပါတယ် အတီးသမား တွေကိုလည်း တော်တော်လေး အားပေးလာတာတွေ့ရတယ်။  

မေး။     ။ ရော့ခ် သတ်သတ် ပရိသတ်က နည်းသွားတယ်လို့မထင်ဘူးလား။

ဖြေ။     ။ အဲဒါကတော့ သူ့ဟာနဲ့သူရှိနေပါတယ်။ အားပေးတာက အမျိုးမျိုးပဲဗျ။

မေး။     ။ ဆိုလိုတီးတာနဲ့ပတ်သက်ပြီး လေ့ကျင့်မှုပိုင်းကကော။

ဖြေ။     ။ လေ့ကျင့်တာကတော့ နေ့တိုင်းတီးနေရတာပဲလေ။ နေ့တိုင်း အသံဖမ်းကရှိနေတော့ ကိုယ်လေ့ကျင့် ချင်တာလေးတွေ အဲဒီထဲမှာပဲ ရောပြီး လေ့ကျင့်ရတာပဲ။

မေး။     ။ ပြည်တွင်းပြည်ပက ကိုချစ်စမ်းမောင် လေးစား အတုယူရတဲ့ ဂစ်တာသမားတွေက ဘယ်သူတွေလဲ။

ဖြေ။     ။ နာမည်တွေ အနေနဲ့ကတော့ အများကြီးပေါ့နော်။ ကျနော့်အပေါ်မှာ လွှမ်းမိုးတာတွေလည်း ရှိပါတယ်။ ဒါပေမယ့် နာမည်နဲ့တော့ မပြောချင်ဘူးပေါ့။ ကျနော်က အားလုံးဆီက ကောင်းတဲ့ အချက်လေးတွေကိုပဲ ယူတာ ဆိုတော့ တမင် နာမည်နဲ့ မပြောချင်တာ။ တယောက်ဆီက ကိုယ်ကြိုက်တာတွေကိုပဲ ယူတဲ့ သဘောပေါ့။ ကြိုက်တာကတော့ အများကြီးရှိပါတယ်။

မေး။     ။ နောက်ဆုံး မျိုးကြီး live show အခွေမှာဆိုရင် ကိုချစ်စမ်းမောင်ရဲ့ ဆိုလိုတီးပုံ စတိုင်က စတိဗ်ဗိုင်း (Steve Vai) ရဲ့ လွှမ်းမိုးမှု ခံနေရသလိုမျိုး ပြောကြတယ်။ အဲဒါကကော။

ဖြေ။     ။ အဲဒါကလည်း ဟုတ်ချင်ဟုတ်မှာပါပဲ။ ရော့ခ် တီးတယ် ဆိုကတည်းက တယောက်နဲ့ တယောက် မကွဲကြတာမျိုးရှိတယ်လေ။ လွှမ်းမိုးတာမျိုးတော့ ဟုတ်ချင်မှ ဟုတ်မယ်။ စတိဗ်ဗိုင်းကို ကျနော် ကြိုက်ပါတယ်။ သူ့ရဲ့ စတိုင်လွှမ်းမိုးတယ် ဆိုတာထက် သူ့ရဲ့ ထူးခြားချက်တွေကိ်ု ကျနော်က ပိုကြည့်တယ်။

မေး။     ။ ကိုချစ်စမ်းမောင်အနေနဲ့ ဆိုလို ရှိုးကော လုပ်ဖို့ အစီအစဉ်မရှိဘူးလား။

ဖြေ။     ။ တချိန်တော့ လုပ်ဖြစ်မှာပါ။ ဒါပေမယ့် ဖြစ်သလို မလုပ်ချင်ဘူး။ ဒါမျိုးက များများစားစား လုပ်လေ့ရှိတဲ့ ပွဲလည်းမဟုတ်တော့ သေချာလေး တိုင်တိုင်ပင်ပင်နဲ့လုပ်ချင်လို့။ နောက်ပြီး ကိုယ်တယောက်တည်း ဆိုတာထက် ကိုယ့်ထက် သဘာရှိတဲ့သူတွေနဲ့ တူတူ တွဲပြီး လုပ်ချင်တယ်။ အဲဒါကြောင့် အချိန်ယူချင်တယ်။ လုပ်သင့်တဲ့အချိန်ပေါ့နော်။ ပြောရရင် ကျနော်တို့က အရမ်းအလုပ်ရှုပ်တယ်။ ဒီနှစ်ဆိုရင် ကန်ထရိုက်စာချုပ် ချုပ်ထားတာမျိုးရှိနေတာ ဆိုတော့ အေးအေးဆေးဆေးမရှိဘူး။ နောက်တခါ တခြားပလေယာတွေနဲ့လည်း ညှိနှိုင်းရမယ်လေ။ နောက်တခါ ဒါမျိုးလုပ်ပြီဆိုရင် မကျန်ခဲ့တာမျိုးမလုပ်ချင်ဘူး။

မေး။     ။ IC က အခွေတခွေလုပ်ရင် ဘယ်လောက်ကြာလဲ။

ဖြေ။     ။ ကိုလေးဖြူဟာဆိုရင် တနှစ်လောက် အချိန်ယူရတယ်။ သူက ဆက်တိုက်တီးမယ်ဆိုရင်တော့ အဲလောက်မကြာဘူးပေါ့ .. ဒါပေမယ့် လုပ်ရင် ကျနော်တို့က အကောင်းဆုံး ရလဒ်ကို လိုချင်တာဆိုတော့ သေချာ လုပ်နေကြတာနဲ့ ကြာတာ။ ပလေယာအားလုံးပဲလေ။ နောက်တခါ မစ္စဒေါင်းလုပ်ရင်လည်း တပုဒ်ကို တရက်လုံး လုပ်တာမျိုးလေ။

မေး။     ။ အခု လူငယ်တွေထဲမှာ ကိုချစ်စမ်းမောင်တို့လို လိဒ် ဆိုလို တီးဖို့ ခရေဇီဖြစ်နေတာမျိုး ရှိသေးလား။ ကိုချစ်စမ်းမောင်တို့ကို ချဉ်းကပ်လာတာမျိုးရှိသလား။

ဖြေ။     ။ အဲဒီလိုမျိုးရှိတော့ ရှိပါတယ်။ ဒါပေမယ့် ကြိုးစားအားထုတ်မှုအနေနဲ့ ကတော့ ကျနော်တို့ တုန်းကလိုမျိုး မဟုတ်တော့ဘူး။ အားမရဘူးပေါ့။ အဲဒါ ဘာလို့လဲ ဆိုတော့ အဓိကက နောက်ပိုင်းမှာ Backing ကို သူတို့ ဦးစားပေး တီးလာကြတော့ ဆိုလိုပိုင်းမှာ အားနည်းလာတဲ့ သဘောပါ။ Backing ပိုင်းမှာတော့ သေသေ သပ်သပ် တီးနိုင်လာ ကြပါတယ်။ ဒါပေမယ့် ဆိုလို ပိုင်းမှာတော့ သိပ်ပြီး ဖန်တီးမှု မလုပ်နိုင်ကြတော့ဘူး။ အခု ပေါ်လာတဲ့ ဂီတအမျိုးအစားကို သူတို့ မှီခိုတာမျိုးလည်း ဖြစ်နိုင်တာပေါ့နော်။

မေး။     ။ မေးနေကျ မေးခွန်းဟောင်းတခုကိုပဲ ပြန်မေးချင်ပါတယ်။ ကော်ပီနဲ့ ကိုယ်ပိုင်သံစဉ်မှာ ဖန်တီးရတာ ဘယ်ဟာကို ပိုအားထုတ်ရသလဲ။

ဖြေ။     ။ ကျနော့်အနေနဲ့ကတော့ ကော်ပီဆိုတာက သူတို့တီးတာကို တူအောင်ပြန် တီးရတာ ဆိုတော့ လွယ်တာ ရှိသလို လက်ပေါက်ကပ်တာမျိုးလည်း ရှိပါတယ်။ နောက်တခုက သူတို့ရဲ့ ကာလာကို အနီးစပ်ဆုံး တူအောင် တီးရတာ ဆိုတော့ အရမ်းချိန်ဆရပါတယ်။ ကိုယ်ပိုင်သံစဉ်ကတော့ ပိုလွတ်လပ်တာပေါ့ .. ကော်ပီ ကတော့ ဘောင်နဲ့ ဆိုတော့ လုပ်ရတာ သိပ်မလွတ်လပ်ဘူး။ ခုနောက်ပိုင်းမှာတော့ ကိုယ်ပိုင်သံစဉ်ကိုပဲ ပိုပြီး လုပ်ချင်မိတယ်။ ဒါပေမယ့် ခု ကိုယ်ပိုင်သံစဉ် လုပ်နိုင်တယ် ဆိုတာကလည်း တချိန်က ကော်ပီခွေတွေ အများကြီး တီးခဲ့လို့ ပညာရတာမျိုးလည်း ပါတာပေါ့။

အခုခေတ်လူငယ်တွေက ကော်ပီကိုသိပ်မတီးကြရဘူး။ ကျနော်တို့ ကော်ပီတီးတယ် ဆိုတာက သူ့ရဲ့ မူရင်းကို မီအောင်တီးရတာလေ။ ကော်ပီသီချင်းတပုဒ်ကို ရှိုးတီးတယ် ဆိုတာက အပေါ်ယံကြောပဲ။ ဒါပေမယ့် အသံသွင်းပြီဆိုရင် သူ့ရဲ့ တလိုင်းချင်းစီကို နုတ်ထုတ်ပြီး သေချာ လုပ်ရတာလေ။ အဲဒီတော့ သူ့ကိုအတွင်းကျကျ လေ့လာသလိုဖြစ်တယ်။ ဆိုလ်ိုတာက ငယ်ငယ်က ကော်ပီ တီးတဲ့ အလေ့အကျင့်က ကိုယ့်ဘာသာ ကိုယ်ပိုင် ဖန်တီးမှုလုပ်တဲ့အခါမှာ အများကြီး အသုံးဝင်တယ် ဆိုတာပါ။  

မေး။     ။ ခုနောက်ပိုင်းမှာ ရော့ခ်သမားတွေ ကိုယ်ပိုင်သံစဉ် လုပ်လာကြတာတွေ့ရတယ်။ မျိုးကြီး၊ ကိုလေးဖြူ ထွက်ပြီးပြီ .. ခု နောက်ထပ် ကိုအငဲ ထွက်ဦးမယ် ပြောတယ်။ အဲလိုဖြစ်တာဟာ ဘာကြောင့်လဲ။ ဂီတရေစီးကြောင်း ပုံစံ ပြောင်းသွားလို့လား။

ဖြေ။     ။ အဲဒါက ဒီလိုဗျ။ ကျနော်တို့ကြိုက်ကြတဲ့ ပုံစံတွေ၊ ကျနော်တို့တီးချင်တဲ့ ကိုယ်ပိုင်ဖန်တီးမှုတွေ၊ သူတို့ အဆိုတော်တွေဆိုချင်တဲ့ ပုံစံတွေက ခုမှ တေးရေးတွ ထွက်လာတာဗျ။ အရင်တုန်းကဆို ရှိတယ် ဆိုပေမယ့် တေးရေးတွေနဲ့ အစပ်အဆက်မတည့်တာမျိုးလည်းဖြစ်မယ်။ နောက်ပိုင်း ရေးနိုင်တဲ့သူတွေလည်း ပေါ်လာတယ်။ အဓိကကတော့ သီချင်းနားထောင်အားပါပဲ။ ခုနောက်ပိုင်းလူငယ်တွေဆိ်ု မော်ဒန်ရော့ခ် ပုံစံကို နားထောင်တာများတော့ သီချင်းရေးတဲ့အခါ အဲဒီပုံစံမျိုးတွေချည်းဖြစ်တာ မြင်ဖူးတယ်။

မေး။     ။ ကိုချစ်စမ်းမောင်က စက်တွေကိုလည်း စိတ်ဝင်စားတယ်၊ စက်ပိုင်းဆိုင်ရာ ကိစ္စတွေမှာ ခရေဇီ ဖြစ်တယ် ကြားဖူးတယ်။ အဲတော့ ကိုချစ်စမ်းမောင်ရဲ့ အလုပ်က နှစ်ခု ဖြစ်မနေဘူးလား။

ဖြေ။     ။ ဖြစ်တယ်ဗျ။ တကယ့်တကယ်ကျတော့ ပလေယာတယောက်က နည်းပညာကိုလည်း သိထားဖို့လိုတယ်ဗျ။ ကိုယ်လိုချင်တဲ့ ကာလာတွေကို မရမချင်းရှာတာမျိုးပေါ့ .. အဲဒါက အချိန်ပေးရတာပေါ့။ စက်ကတော့ ရှိတာပေါ့လေ။ ဒါပေမယ့် ကျနော်ကတော့ ကျနော်လိုချင်တဲ့အသံကို မရရအောင် ချိန်ရတာမျိုး သဘောကျတယ်။ နောက် အသံသွင်းတဲ့ အပိုင်းမှာပေါ့ .. အဲဒီအပိုင်းမှာလည်း ကိုယ်က သိနေတာ ဆိုတော့ ပိုကောင်းတယ်လေ။

မေး။     ။ ရော့ခ် ဆိုတာက ခုဆို တော်တော်လေးကြာလာပြီလို့ ပြောလို့ရတယ်နော်။ ကြားထဲမှာ တခြား ဂီတပုံစံတွေ ပေါ်လာပေမယ့် ရော့ခ်က ဒီတိုင်းပဲ .. အဲဒါကို ဘယ်လိုထင်လဲ။

ဖြေ။     ။ အဲဒါကတော့ ကျနော်တို့သာ သေသွားမယ် ရော့ခ်က ပျောက်သွားမှာ မဟုတ်ဘူးလို့ပဲ ထင်တယ်။ လူရဲ့လက်နဲ့လုပ်တဲ့ လုပ်အားက ဘယ်တော့မှ ပျောက်သွားမှာမဟုတ်ဘူး။

မေး။     ။ ခုနောက်ပိုင်း စက်နဲ့၊ ပရိုဂရမ်တွေနဲ့ လုပ်လာကြတော့ လက်နဲ့ ဖန်တီးမှုအားက တိမ်ကော သွားမယ် ထင်လား။

ဖြေ။     ။ မဖြစ်နိုင်ဘူးဗျ။ ပရိုဂရမ်တွေ လုပ်တယ်ဆိုတာကလည်း လူက Command ပေးရတာပဲလေ။ အဲဒီတော့  ဒီမျူးဇစ်က မပျောက်နိုင်ဘူး။ ဥပမာ Country မပျောက်သလိုပေါ့။ မျူးဇစ်တွေသာ ထပ်တိုးရင် တိုးသွားမယ်ပေါ့ဗျာ။

မေး။     ။ ကိုချစ်စမ်းမောင်က ရော့ခ်အပြင် ဘာကြောင့် Country ကို ကြိုက်ရတာလဲ။

ဖြေ။     ။ ဘာကြောင့်ကြိုက်လဲ ဆိုတော့ ပညာပါလို့ပါ။ သူက ရော့ခ်လို စကေးလ်တွေ တီးရုံနဲ့မပြီးဘူးဗျ။ open string လိုမျိုးပေါ့ ဘင်ဂျို စတိုင်လေးတွေပါရင်ပါမယ်။ သူ့အယူအဆလေးတွေက တမျိုး။ နောက်တခုက လွယ်လွယ်ကူကူနဲ့ တီးလို့မရဘူး။ သူ့မယ်လိုဒီကိုက up .. down အရမ်းများတယ်။ အသက် ကြီးလာရင်လည်း အဓိကကတော့ ရော့ခ်ကိုပဲ အခြေခံပြီးသွားမှာပဲ။ အားလုံးကိုတော့ ခံစားတတ်ပါတယ် .. pop တွေကော နောက် ကုန်ကုန်ပြောရရင် ရိုးရာ သီချင်းတွေလည်း ခံစားတတ်ပါတယ်။

မေး။     ။ ပြည်ပတိုးတွေသွားရင် ဂစ်တာဘယ်နှစ်လက် ယူသွားလေ့ရှိလဲ။

ဖြေ။     ။ ပြည်ပသွားရင်တော့ အနည်းဆုံး ၂ လက်ပေါ့။ ပြည်တွင်းမှာတော့ ၆ လက်၊ ၇ လက် အဲလို ယူတယ်။ အဲဒါကလည်း သီချင်းကာလာ မတူတာ ရှိမယ်။ နောက် tunings တွေ အမျိုးမျိုး ပြောင်းနေတာမျိုး ဆိုတော့ ဂစ်တာကို ပြောင်းသုံးဖို့ လိုအပ်တယ်လေ။ နောက်ပိုင်းတော့ စက်နဲ့ညှိတဲ့ ဂစ်တာပေါ့နော် အဲဒါပဲ သုံးတယ်။ အဲဒါက တိကျတယ်လေ။

မေး။     ။ ပြည်ပခရီးထွက်ရင် ဘယ်လိုပစ္စည်းနဲ့မှ တီးနိုင်မယ်ဆိုတာမျိုး လုပ်လို့ရလား။

ဖြေ။     ။ များသောအားဖြင့်တော့ ရပါတယ်။ ကျနော်တို့က ပေးနိုင်မယ့် ပစ္စည်းစာရင်းကို တောင်းလိုက်တယ်။ ပြီးတော့ ဘယ်လိုဟာ လိုချင်တယ် ဆိုတာပြောလိုက်တယ်။ ဒါပေမယ့် နှစ်စမှာ တီးခဲ့တဲ့ ဘန်ကောက်ရှိုး မှာတော့ ပစ္စည်းတွေက တော်တော်ကိုညံ့တယ်။ ကျနော်တို့ ပြည်တွင်းမှာတောင် ဒါမျိုးမသုံးဘူး။ ဒါပေမယ့် မတတ်နိုင်ဘူးလေ။ သုံးလိုက်ရတာမျိုးရှိတာပဲ။

မေး။     ။ IC အနေနဲ့မေးရရင် ခုချိန်ထိ ဘာကြောင့် ဒီအဆိုတော်တွေ၊ ဒီတီးတဲ့သူတွေနဲ့ မြဲနေတာလဲ။ ကိုချစ်စမ်းမောင်ရဲ့ အမြင်ကို ပြောပါဦး။

ဖြေ။     ။ ကျနော့်အမြင်ပြောရရင် အဓိက တယောက်နဲ့တယောက် နားလည်မှုပေါ့နော်။ နောက်တခုက ကျနော်တို့မှာ မူးယစ်ဆေးနဲ့ပတ်သက်လို့ ဘာအနှောင်အဖွဲ့မှ မရှိဘူး။ နောက် တယောက်နဲ့ တယောက် ပွင့်လင်းတယ်။ မကျေနပ်တာရှိလည်း ချက်ချင်းရှင်းကြ .. အဲလို သွားနိုင်လို့ ကျနော်တို့ ဒီလို ရေရှည် တည်တံ့တယ်လို့ထင်တယ်။ ရှေ့လျှောက်လည်း အဲလိုပဲ သွားမှာပဲ။ ခုလောက်ထိ လုပ်လာကြ ပြီးမှ နားရင်လည်း အားလုံး နားလိုက်ကြမယ်။ အဲလိုပဲ စိတ်ကူးထားတယ်။

မေး။     ။ ကိုချစ်စမ်းမောင်ရဲ့ မိသားစုကို အချိန်ဘယ်လိုပေးလဲ။ မိသားစုအကြောင်း ပြောပြပါဦး။

ဖြေ။     ။ ပြောရရင်တော့ ကျနော့်မိန်းမက ကျနော့်ကို အများကြီးနားလည်တော့ ကျနော် ဘာမှ သိပ်မလိုဘူး။ နောက်တခါ ကျနော့်စတူဒီယိုကလည်း အိမ်မှာဆိုတော့ အိမ်မှာပဲ အလုပ်တွေများနေတတ်တယ်။ အဲဒီကြားတာ တအိမ်ထဲ နေပြီး မတွေ့တာမျိုးရှိတယ် .. ဒါပေမယ့် သူက တော်တော်လေး နားလည်ပေးတယ်။ ရေရှည် သွား နိုင်တာက သူနားလည်ပေးလို့ ဒီလိုမျိုးသွားနိုင်တာ မဟုတ်ရင်မလွယ်ဘူး။ ဒီနေ့အခြေအနေ ရောက်လာတာကလည်း ပထမဆုံးက ဘုရားကျေးဇူးပေါ့။ နောက်တခုက ကျနော့်မိသားစုရဲ့ အားပေးမှုပေါ့။ ကလေး သုံးယောက်မှာ အငယ်ဆုံး ကတော့ ဝါသနာပါတယ်။ ကျနော်ကတော့ ကလေးတွေကို အတင်းကြီးတွန်းအားမပေးချင်ဘူး။ ကျနော်တို့တုန်းက ဒီလို ပစ္စည်းတွေအတွက် အရမ်းကို ကြိုးစားရပေမယ့် သူတို့ကျတော့ အရမ်းကိုလွယ်ကူလွန်းနေတာ မြင်ရတာတော့ ကျနော်မကြိုက်ဘူး။ သူတို့ကို ဒီထက်ပို ကြိုးစား စေချင်တယ်။     ။

 

အိုင်စီ အဖွဲ့နှင့် ဒေါ်အောင်ဆန်းစုကြည်တွေ့ဆုံခြင်း
http://www.burmavjmedia.net/?p=3029

 

 

ချစ်စမ်းမောင်၏ ဘုရားမေတ္တာ

Tuesday, 01 June 2010 01:12 ချစ်စမ်းမောင်
E-mail Print PDF


လမ်းပြပါ

၁။
လူတိုင်းကို သက်စွန့်ရှာသူအကြောင်း
အကျွန်ုပ်ဟောပြောသောအခါ
ခိုင်မာသောနှလုံး ထက်တဲ့အတွေးအခေါ်တွေ
သူတို့မှာ ရှိတတ်ကြတဲ့

ဆင်ချင်ဥာဏ် အတတ်သိပံ္ပတွေဟာ
ကိုယ်တော်ဘုရားမှ မနှစ်သက်ပေ 
မှန်ရာလမ်းမှ  လွဲရမဲ့အဖြစ်ကို 
သူတို့နားမလည်ရှာဘူး .......

၂။
အိုအဖဘုရားသခင် ...
ထိုသူတို့အား လမ်းပြပါ 
မရေယာသောအတွေး 
အချည်းနှီးသောအကျင့်တွေ
ဘယ်အတွက်ကြောင့် မက်မောနေ ....

နှိမ့်ချသောမေတ္တာကို 
ထိုသူတို့မသိမှတ်သောခါ 
အကျွန်ုပ်၏ သနား၍အံ့သြခြင်း၊ နှမျော၍ ၀မ်းနည်းခြင်းများ....
ကိုယ်တော်ကတော့ သိမှာပါ .....


အယောက်စီတိုင်းကို ဘုရားသခင် ကောင်းကြီးပေးပါစေ ...
ချစ်စမ်းမောင်

ဂီတာကို..စန္တယားကဲ့သို့ အံ့မခန်းတီးပြခြင်း  THE SOUL SURVIVOR
ရေး - ဆလိုင်းသွဲ့အောင်။  ဆို - ချစ်စမ်းမောင်



မှတ်ချက်။ 

ချစ်စမ်းမောင်ရဲ့ ယူကြု ဗွီဒီယို  လူအမြောက်အများ လာရောက်ဖတ်ရှု၊နားဆင်သွားပါပြီ။ အဓိပ္ပါယ်နားလည်သူတွေတော့ နည်းပေသော်ငြားလည်း သန်းပေါင်းများစွာသော မြန်မာလူမျိုးများကို အဖဘုရားသခင်အကြောင်း ဂီတပညာနဲ့ ပြောသွားပါတယ်။ အံ့သြဘွယ်ပါ။ CHIT SAN MAUNG (Young Christian Crusader) နဲ့ Founder David Yone Mo တို့ရဲ့ ချီးမွမ်းသီဆို၊တီးမှုတ်ခြင်း Gospel Music ဟာ မြန်မာပြည်တလွှား အလွန် ဘုန်းတော်ထင်ရှားစေခဲ့ပါတယ်။ အံ့သြဘွယ်ပါ။
မြည်းစမ်းကြည့်ရန် လင့်ခ်
http://www.youtube.com/watch?v=ZUDj4wLMFNQ



အိုင်စီ၂၂နှစ်ကြာအောင် ဆုတောင်းခြင်းဖြင့်၊ရပ်တည်နိုင်ခဲ့သည်။ သူတို့ဖခင်ကြီးမှာ စောဘွဲ့မှုးဖြစ်သည်။
စောဘွဲ့မှုး၏ ၀ိညာဉ်ရေးရာဖခင်မှာ ဆရာဒေးဗစ်ရိုးမို (အမ်ဝိုင်စီကို စတင်ခဲ့သူ) ဖြစ်ပါသည်။

 

ဝိညာဉ်ရေးရာ Spiritual (random article)

ယရမိ - အပြစ်ဝန်ချတောင်းပန်မှု၊ဆုတောင်းခြင်း၊


JEREMIAH'S PRAYER OF CONFESSION ယေရမိ - အပြစ်ဝန်ချတောင်းပန်မှု၊ဆုတောင်းခြင်း၊  Jeremiah 14:7  Rev. Ivan Liew

ကျနော်လည်း စက်ဘီးစီးနှစ်သက်သူ ဆိုတော့ တနေ့က ကမ္ဘာပတ်ပြီး၊ စက်ဘီးစီးသူ ဂျပန်၊ ကိုးရီးယား၊ တရုပ်၊ မြန်မာ၊ ထိုင်း မလေးရျား တွေကိုဖြတ်ပြီး စင်ကာပူရောက်လာပါတယ်။ အင်္ကျီ၂ထည်ပဲ၊ စက်ဘီးစီးလိုက်၊ လျှော်ပြီး ညအိပ်တယ်။ ပေါ့ပါးတယ်။ သူဖြစ်စဉ်တွေကို ဝေငှပြောကြားပါတယ်။ လူငယ်မဟုတ်ပေမဲ့ ငြိမ်းချမ်းရေးစက်ဘီး ခရီးစဉ်ဖြစ်ပါတယ်။ 
ယေရမိ ၁၄း၇ အိုထာဝရဘုရား၊ အကျွန်ုပ်တို့၏အပြစ်သည် အကျွန်ုပ်တို့တဘက်၌ သက်သေခံသော်လည်း၊ နာမတော် ကိုထောက်၍ စီရင်တော်မူပါ။ အကျွန်ုပ်တို့သည် ကြိမ်ဖန်များစွာဖောက်ပြန်ပါပြီ။ ကိုယ်တော်ကိုပြစ်မှားပါပြီ။

၁။ Admitting Our Sing ပရောဖက်ကြီး၊ ယေရမိဟာ ဖခင်လဲ၊ တရားဟောဆရာကြီးဖြစ်ပြီး၊ သူကတော့ High Preach က္ကိုသရေလလူမျိုးတွေရဲ့ အမြင့်ဆုံးသောဆရာကြီးဖြစ်ပါတယ်။ သူ့လူမျိုးတွေရဲ့ ဘုရားကိုမေ့ခြင်း၊ ရုပ်တုကိုးကွယ်လာခြင်း၊ အကျင့်ပျက်ပြားလာခြင်းတွေကို မျက်ရည်ကျပြီး ဆုတောင်းပါတယ်။ မိမိအပြစ်ကိုလည်း မြင်ပါတယ်။ အပြစ်တွေအားလုံး ဖော်ပြခဲ့ပါတယ်။ ယေ ၁း၆-၁၀

၂။ Confessing to God and to Others ဖော်ပြတဲ့အပြစ်တွေကို ထာဝရဘုရားထံ ဝန်ချတောင်းပန်ပါတယ်။ ပြီးတော့ လူအများထံလဲ ဝန်ချတောင်းပန်ပါတယ်။  ထာဝရဘုရားထံမှ ကယ်တင်ခြင်းကို ရရှိပါတယ်။ ၁ပေ ၁း၉

၃။ Confession on Behalf of Other အခြားသူများအတွက်ပါ ကြားခံဆုတောင်းပေးပါတယ်။ သူတို့ပြစ်မှုများအတွက် ယေရမိကြီးက သူ့အပြစ်ကြောင့်ပါ ..လို့ ထာဝရဘုရားထံ ကြားခံဆုတောင်းပေးပါတယ်။ ထိုသူတို့သည် မသိသောကြောင့် ဖြစ်ရပါတယ်။ မိမိကပဲ ကြားခံ၊ အပြစ်ဝန်ကျ တောင်းပန်၊ ဆုတောင်းပါတယ်။ ယေရမိ ငိုကြွေးဆုတောင်းပါတယ်။

၎။ Forgiveness and Reconciliation, God always, always, always forgive ထာဝရဘုရားဟာ အမြဲတမ်း၊ အမြဲတမ်း၊ အမြဲတမ်း ကျိုးပဲ့ကျေမွတဲ့ နှလုံးသားနဲ့ ဝန်ချတောင်းပန်ရင် ခွင့်လွှတ်ပါတယ်။ ... ငါသည်သူတို့အပြစ်များကို သည်းခံမည်။ သူတို့ပြုသော ဒုစရိုက်များကို မအောက်မေ့ဘဲ နေမည်ဟု ထာဝရဘုရား မိန့်တော်မူ၏။ ...လို့ ဆိုပါတယ်။ ယေရမိ ၃၁း ၃၁-၃၄

မိမိဘဝ ချစ်ခြင်း၊ ဝမ်းမြောက်ခြင်း၊ ငြိမ်သက်ခြင်း ဖြစ်လာပါမယ်။ ထာဝရဘုရားထံမှ ကောင်းကြီးမင်္ဂလာ၊ ဝိညာဉ်ဆုကျေးဇူးများစွာ သာ၍ခံစားရမှာဖြစ်ပါတယ်။

End... (Date: 29-June-2014 Sunday, Wefc.org.sg)

 

Footer Monthly Articles & Web.Blogs

 

ဝိညာဉ်ရေးဆိုင်ရာလစဉ်ရွေးချယ်ထားသောမုရန်ဆောင်းပါးအချို့

 


Our Friendly Web & Blogs Links
jbcs.org.sg/main
woorank.com/en/www/sawpatrick.net
moemaka.com/2012/06/guest-writer-ပြည်သူတို့လိုချင်နေတ
spiritlessons.com/languages/index.htm
thawthikho.blogspot.com/2010/02/blog-post_9931.html
mahnkoko.blogspot.com.au
divinerevelations.info/languages/index.htm
mcathailand.com
myanmarinsingapore.com
karenfamily.org/profiles/blogs/links-1
zomimessenger.com/2012/09/column-music-column-extra-links-holy.html
streamoflife99.com/articles/jesus18yrsproblem.html
tudoenkung.wordpress.com/online-bibles
burmesebible.com/links.htm
jinghpawtingsan.blogspot.com/2011/04/morphvox-junior-voice-changer.html
sawkyawoo.com/2011/10/website_21.html
bethelkhrihfabu.net/nitin-bible-relnak.html
immanuelmyanmarchurch.com/apps/blog
mahnkoko.blogspot.com.au/2012/06/blog-post_10.html
kc-nl.blogspot.in/2011/09/2011-ning-ladaw-kcnl-nawku-hpung-wai.html
laaituibaptistchurch.com
mahnkoko.blogspot.com/2012/07/normal-0-false-false-false-en-au-x-none.html
mcflondon.com
dawnathar.blogspot.com/2010/11/blog-post_8330.html
imcwheaton.org
kc-nl.blogspot.com/2012/05/atrocities-in-kachin-land.html
kokomaunguk.blogspot.co.uk/2012/01/blog-post_21.html
sawpatrick.net
shinthan.com
bangkokchristchurch.net
batupuei.webs.com
burmesebible2008.blogspot.com/2009/10/typhoon-in-philippines.html
globalmcf.ning.com
intouchcnet.com
karanilan.webs.com/apps/videos/videos/show/5464117
kokomaunguk.blogspot.com.au/2012/06/blog-post_09.html
kokomaunguk.blogspot.sg/2012/08/blog-post_8666.html
mcctulsa.com
mgchit.blogspot.in/2012/08/blog-post_18.html
mmwebgallery.com
nlbcusa.wordpress.com
sawchit.blog.com/2011/06/12/ကျီးတို့အလယ်မှ-ဒေါင်း
sawchitthu.blogspot.com/2012/03/software-license-version.html
simonkamta.blogspot.com/p/mp3-download_16.html

swecanaan.blogspot.com/2012/09/andriod-phone-program.html
thelordword.com
tkbc-japan.net
bangkokchristchurch.net

haineni.ning.com
bangkokchristchurch.net
globalmcf.ning.com/
thawthikho.blogspot.com
orangeask.com
miccfortwayneusa.blogspot.com
mcflondon.com
kokomaunguk.blogspot.com

mission-one.co.cc                   
chanlinnay.mandalaybloggers.org

thespiritfruit.com
mg-m.blogspot.com  ကျမ်းစာလေ့လာနည်းများ
mcbc4u.blogspot.com မုရန်ဆောင်းပါးအချို့.
www.myatmingalar.com/ မြတ်မင်္ဂလာဒေသနာများ
myanmar-odb.org နေ့စဉ်ခွန်အား(မြန်မာ)

Ref:

http://www.alexa.com

Facebook Twiter Google Buttons

ရယ်ရွှင်ဘွယ်ရာ (Random Selection)



မောင်ညို မပြောင်းလဲခင်က သူ့အိမ်ကို ဓမ္မဆရာများ.. သီချင်းဆိုပြီးရောက်လာရင် .. သိပ်သဘောမကျလှဘူး။ ပြီးတော့ သူတို့အချင်းချင်း စကားပြောရင် .. ဟိုကျမ်းပိုဒ်က ဘယ်လို၊ ဒီကျမ်းပိုဒ်က ဒီလို ..စသဖြင့် ပြောကြတော့ မောင်ညို့ အတွက် စကားမပေါက်ဘူး ဖြစ်နေပါတယ်။ နားမလည် နိုင်ဘူးပေါ့။

တနေ့တော့ မောင်ညိုတို့ဆီ နိုင်ငံခြားက ဗိုလ်မကြီးတစ်ယောက် ရောက်လာပြီး ကျမ်းစာသင်တန်းပေးတယ်။ မောင်ညိုတို့လည်း ဗိုလ်မကြီးပြောတဲ့ အင်္ဂလိပ်စကားကို တတ်သလောက်၊ မှတ်သလောက် နားထောင်၊ရေးမှတ်နေပေမဲ့ စကားမပေါက်ဘူးပေါ့၊  ကျမ်းစာသင်တန်းမှာ ထမင်းပေါင်းကြွေးတယ်။ ထမ်းပေါင်းစားရင်း ဗိုလ်မကြီးက အနားမှာရှိတဲ့ မောင်ညိုရဲ့ ဇနီးသည်ကို မေးတယ်။  .. How to call this in Burmese ?  ... ထမင်းပေါင်းကို မြန်မာလို ဘယ်လိုခေါ်သလဲ .. မေးတယ်ပေါ့။ မောင်ညိုရဲ့ ဇနီးသည်ကလည်း မဖြေတတ်တော့ အနားက ခပ်သွက်သွက် သူငယ်ချင်းအမျိုးသမီးကို - ထမင်းပေါင်းကို အင်္ဂလိပ်လို ဘယ်လိုခေါ်သလဲ ... လို့ ပြန်မေးလိုက်တယ်။  ဒီအမျိုးသမီးက ..ခပ်သွက်သွက်ပဲ .. ထမင်းကိုတော့ ရိုက်စ် လို့ခေါ်တယ်။ ပေါင်းတာကိုတော့  ပလပ်စ် လို့ခေါ်တယ်။ ဒီတော့ ထမင်းပေါင်း ဆိုတော့ ရိုက်စ်ပလပ်စ် လို့ခေါ်တယ်လို့ပြောလိုက်တယ် .. တဲ့။

ဗိုလ်မကြီးကလည်း .. အိုး ...  ရိုက်စ်ပလပ်စ် Rice Plus ဆိုတော့  ထမင်းတွေအများကြီးပေါ့နော် ..  Oh .... Rice Plus meaning many many rice :)    .. လို့ပြောရင်း ရယ်မောလိုက်ကြတယ်။

စကားမပေါက်ကြဘူး

အခု ခရစ်တော်ကို သိပြီး ပြောင်းလဲနေပြီဖြစ်တဲ့ ကိုညိုက သူ့ဇနီးသည်ကို ဗမာစကားနဲ့ ... 

အေး .... ညည်းတို့ စကားမပေါက်ပဲ .. ရှောက်ပြောနေ၊ ဆရာမကြီး ဗိုလ်လို ကျမ်းစာသင်ချိန်မှာတော့ ... မသိပဲလျှောက်မပြောနဲ့ ... ညည်းတို့..သတိထား။   ကောင်းကြီးမပါတဲ့အပြင် .. ငရဲသွားမဲ့ဖြောင့်မတ်ခြင်းကိုလည်း  ကိုင်ထားတဲ့ မိဆ္တာပရောဖက် နဲ့ တွေ့လို့ကတော့ .. ညည်းတို့မှာရှိတဲ့ ဘုရားကောင်းကြီးတွေက .. ရိုက်စ်ပလပ်စ် မဟုတ်ပဲ ရိုက်စ်မိုင်းနပ်စ် ဖြစ်သွားမယ်နော် .. လို့ လှမ်းကြိမ်းလိုက်သတဲ့ .....။ ၈

မှတ်ချက်။ ညီအစ်ကိုများအသင်းတော်။ ၈မိုင်မှ ဆရာဦးတင်မောင်ညို၏ တရားဒေသနာကို မှီးပါသည်။

 

ဗဟုသုတဆောင်းပါး (Random Selection)

၁၉၅၅ ခုနှစ်အတွက် အကောင်းဆုံးရုပ်ရှင်ဇာတ်ကားဆု (ရွှေဝယ်သီရိ)၊ အကောင်းဆုံးမင်းသားဆု(ဖိုးပါကြီး)နှင့် အကောင်းဆုံးကလေးသရုပ်ဆောင်ဆု(ဝင်းမာ) တို့ရရှိခဲ့သည့် ဖိုးပြုံးချို ဇာတ်ကားလက်ကမ်းကြော်ငြာ

နေသူရိန် - ထပ်မံတင်ပြသည်
၁၈၇၂ ခုနှစ်က ကမ္ဘာပေါ်မှာ ရုပ်ရှင်ဆိုတဲ့ အတတ်ပညာ တစ်ခု အစပြုခဲ့ပြီး ၁၈၈၆ ခုနှစ်မှာတော့ အမေရိကန်၊ ပြင်သစ်နဲ့ ဥရောပ နိုင်ငံများမှာ ရုပ်ရှင်ကားများ ရိုက်ကူးထုတ်လုပ်ခြင်းနဲ့  ရုံတင်ပြသခြင်း လုပ်ငန်းတွေ ဖြစ်ထွန်း  အောင်မြင်ခဲ့ပြီး  ဖြစ်တယ်လို့  သမိုင်းမှတ်တမ်း  တွေအရ သိရပါတယ်။
ပထမဆုံးမှတ်တမ်းတင်သတင်းကား

မြန်မာနိုင်ငံမှာတော့  ၁၉၂ဝပြည့်နှစ် ဇွန်လ၂ ရက်နေ့က ကွယ်လွန်ခဲ့တဲ့၊ မြန်မာနိုင်ငံ လွတ်လပ်ရေး လှုပ်ရှားမှု အမျိုးသားခေါင်းဆောင်တစ်ဦးဖြစ်သူ  ဦးထွန်းရှိန်ရဲ့ ဈာပန မှတ်တမ်းတင် သတင်းကား ကစပြီး မြန်မာနိုင်ငံမှာ ပထမဆုံး မြန်မာလူမျိုးရိုက်တဲ့ မြန်မာသတင်းကား၊ ပထမဆုံးပြတဲ့ မြန်မာရုပ်ရှင် သတင်းကားအဖြစ် သမိုင်း ဝင်ခဲ့ပါတယ်။
ပထမဆုံးမြန်မာ့ရုပ်ရှင်ဇာတ်ကား

ဇာတ်လမ်းပါဝင်တဲ့ ပထမဆုံး မြန်မာ့ရုပ်ရှင်ကား ကတော့ ‘မေတ္တာနှင့်သူရာ’ပါ။ ၁၉၂ဝပြည့်နှစ် အောက်တိုဘာလ ၁၃ရက်နေ့က စီနီမာ ဒီပဲရစ်ရုံမှာ ရုံတင်ပြသခဲ့တာ ဖြစ်ပါတယ်။ ပထမဆုံး မြန်မာရုပ်ရှင်ကား ဖြစ်တာမို့  ရုံဝင်လက်မှတ်တွေ  ရောင်းမလောက်အောင် ရုံပြည့်ရုံလျှံ အားပေးကြတယ်လို့ ဆိုပါတယ်။ ထိုင်ခုံမရလို့  ပွဲပြီးတဲ့အထိ  မတ်တတ်ရပ်ကြည့်ကြရတဲ့အထိပါပဲတဲ့။
‘ဘားမားဖလင်းမှ ရိုက်ကူးသော မေတ္တာ နှင့်သူရာ’ ဆိုတဲ့ စာတန်းကို မြန်မာဘာသာနဲ့ရော’Burma Film Presents, Love and Liquor’  ဆိုတဲ့ အင်္ဂလိပ်ဘာသာနဲ့ပါ စာတန်း ထိုးပြခဲ့တာပါ။ အသံထွက်ဇာတ်ကား မဟုတ်သေးတော့ သရုပ်ဆောင်တွေ ပါးစပ်လှုပ်လာတဲ့အခါ ပြောစကားတွေကို အင်္ဂလိပ်-မြန်မာနှစ်ဘာသာနဲ့ စာတန်း ထိုးပြပါတယ်။ နောက်ခံတေးဂီတ ကတော့ စန္ဒရားတစ်လုံးနဲ့ အပျိုတော်၊ ခုနစ်သံချီ၊သံမှန်၊ ခြောက်ပေါက်၊ ငါးပေါက်စတဲ့ တီးလုံးများ တီးပြီးတော့ နောက်ခံတေးဂီတကို ဖန်တီးခဲ့တာ ဖြစ်ပါတယ်။
ရုပ်ရှင်နှင့်အကယ်ဒမီ

ရုပ်ရှင်ပေါ်လာပြီး နှစ်ပေါင်း၃ဝကျော် ကြာတဲ့အခါမှ မြန်မာ့ရုပ်ရှင် ဇာတ်ကားများကို ၁၉၅၂ခုနှစ်က စတင်ပြီး အကယ်ဒမီပေးခဲ့တာ ဆိုတော့ အခုနှစ် (၂ဝ၁ဝ) အထိဆိုရင် အကြိမ်ပေါင်း၅၇ကြိမ် ရှိပြီဖြစ်ပါတယ်။တော်လှန်ရေးကောင်စီ အစိုးရတက်လာပြီး နောက်တစ်နှစ်ဖြစ်တဲ့ ၁၉၆၃ခုနှစ်မှအပ ကျန်နှစ်တွေမှာ နှစ်စဉ်ချီးမြှင့်ခဲ့တာလည်း ဖြစ်ပါ တယ်။ ပထမဆုံး အကယ်ဒမီဆု ရရှိတဲ့  မင်းသားက ‘မာလာရီ’  ဇာတ်ကားမှာ သရုပ်ဆောင်တဲ့ မင်းသားကျော်ဝင်း  ဖြစ်ပြီးတော့၊ မင်းသမီးက ချစ်သက်ဝေ ဇာတ်ကားမှာ သရုပ်ဆောင်ခဲ့တဲ့  ကြည်ကြည်ဌေးတို့  ဖြစ်ပါတယ်။
အကယ်ဒမီဆုရ ရတနာပုံဇာတ်ကား

၁၉၅၃ခုနှစ်မှာ မင်းသားတင်မောင်က ‘ရတနာပုံ’ ဇာတ်ကားနဲ့ အကယ်ဒမီ ရခဲ့ပြီး မင်းသမီးမေမြင့်က ‘ပွဲခါညောင်ရေ’ ဇာတ်ကားနဲ့ အကယ်ဒမီ ရရှိခဲ့ပါတယ်။ ဒါက အကယ်ဒမီ ခေတ်ဦးကာလ ရုပ်ရှင်များ အကြောင်းပါ။ ဆက်ပြောလိုတာက ထူးခြားတဲ့ ရုပ်ရှင်လက်ကမ်း  ကြော်ငြာများ အကြောင်းပါ။အဲဒီခေတ်က  ရုပ်ရှင်ကြော်ငြာများမှာ  ထူးခြားတဲ့  ကြော်ငြာစာသားများကို    တွေ့ရှိရပါတယ်။
၁၉၅၃ ခုနှစ်အတွက် အကယ်ဒမီ ရခဲ့တဲ့ ‘ရတနာပုံ’ ဇာတ်ကား  လက်ကမ်း ကြော်ငြာမှာ အခုလို ရေးခဲ့ပါတယ်။
‘၁၉၅၃ ခုနှစ်အတွက် ရွှေစင်ရုပ် ပထမ ဆုရရှိသော ‘ရတနာပုံ’။ ရန်ကုန်မြို့ကြီးတွင် ၇-ပတ်၊ မန္တလေးမြို့ကြီးတွင် ၆-ပတ်မျှ ပြသရသည့် ရတနာပုံ။ နေ့စဉ် ၂ ပွဲ၊ ကား ရှည်လျားပါသဖြင့် အချိန်မှန်ပြပါလိမ့်မည်။  ကားဈေးနှုန်း ကြီးမြင့်စွာပေးရ၍ ခွင့်မပြု၊ အလိုက်သိသင့်လှ၏၊ စီးပွားရေးကိုယ်ချင်းစာ တရားထားလျက်  မေတ္တာလက်မှတ်ဖြင့်  ကြည့်ခွင့်မပြုကြောင်း  အထူးကြေညာအပ်ပါသည်’  လို့ ဖော်ပြထားတာကို  တွေ့ရပါတယ်။
ပထမဆုံးကလေးဇာတ်ဆောင်ဆု

ပထမဆုံး ကလေးဇာတ်ဆောင် ဆုရရှိခဲ့တဲ့ ဇာတ်ကားက ‘ဖိုးပြုံးချို’ ဇာတ်ကားပါ။ ဒီဇာတ်ကားနဲ့ ရွှေဝယ်သီရိရုပ်ရှင် ကုမ္ပဏီက အကောင်းဆုံးဇာတ်ကားဆု ကိုရရှိခဲ့ပြီး ဟာသသရုပ်ဆောင် ဖိုးပါကြီးက ဒီဇာတ်ကား မှာတော့  အလွမ်းမင်းသားကြီး အဖြစ် သရုပ်ဆောင်ပြီး အကယ်ဒမီရခဲ့တာ ဖြစ်ပါတယ်။ ဒီဇာတ်ကားမှာ ကလေးသရုပ်ဆောင် ‘ဝင်းမာ’က  အကောင်း ဆုံး သရုပ်ဆောင်ခဲ့တာမို့  ပထမဆုံးကလေး သရုပ်ဆောင်ဆု  ရရှိခဲ့သူအဖြစ် မှတ်တမ်းဝင်ခဲ့ပါတယ်။
ထူးခြားသောကြော်ငြာတစ်ခု

၁၉၅၇ ခုနှစ်အတွက် အကောင်းဆုံး ရုပ်ရှင်ဇာတ်ကားဆုကို ဒေါက်တာအောင်ကျော်ဦး ဇာတ်ကားရိုက်ကူး ထုတ်လုပ်တဲ့ ဗြိတိသျှ ဘားမားဖလင်း ရုပ်ရှင်ကုမ္ပဏီက ရရှိ ခဲ့ပါတယ်။ ဒီဇာတ်ကား ကြော်ငြာမှာလည်း အခုလိုဖော်ပြထားပါတယ်။ ‘နိုင်ငံတော်သမ္မတကြီးနှင့် ဝန်ကြီးချုပ်ဦးနု တို့ကိုယ်တိုင် ကြည့်ရှုအားပေး ခြင်းခံရသော တန်းမြင့်ဇာတ်ကားကြီး။ မယားနှစ်ယောက်ကြား ဗျာများခြင်းခံရသည့် ဆရာဝန်ကြီးတစ်ဦး၏ ကြေကွဲဖွယ်ရာ အဖြစ်အပျက်၊ ရိုးသားသော မယားနှင့်  ခေတ်ဆန်သူ လင်ယောက်ျား၏ အတွင်းရေး၊ ဗြိတိသျှဘားမားရုပ်ရှင်၊ ဒါရိုက်တာရွှေဒုံးဘီအောင်၏ ဒေါက်တာအောင်ကျော်ဦး (အသံထွက်) အထက်တန်းစား ဇာတ်ကားကြီးကိုဖြင့်  ဝင်း စီနီမာရုံမှာ ပြရက်မဝေးတော့ပါ’ လို့ ဖော်ပြထားတာ တွေ့ရပါတယ်။
စာရေးဆရာတွေသရုပ်ဆောင်တဲ့ဇာတ်ကား

မြန်မာ့ရုပ်ရှင်သမိုင်းမှာ စာရေးဆရာတွေ  ပါဝင်သရုပ်ဆောင်ကြတဲ့  ရုပ်ရှင်ကားတစ်ကား  ကိုလည်းတွေ့ ရပါတယ်။ အဲဒီဇာတ်ကားအမည်က ‘မာန်’ ပါ။ ဒီဇာတ်ကားက ပခုက္ကူသား  စာရေးဆရာ  အောင်လင်းရဲ့   ဇာတ်ကားဖြစ်ပြီး ကြော်ငြာပုံကလည်း ခပ်ဆန်းဆန်း ဖြစ်တာမို့ ဖော်ပြပေးလိုက်ပါတယ်။
ကြော်ငြာရဲ့ ရှေ့ စာမျက်နှာမှာ ‘ပြည်သူ့ သုခုမ ရုပ်ရှင်တင်းကုပ်မှ ရုပ်ရှင်ဆရာအောင်လင်း၏  ‘မာန်’   ခေတ်စမ်း အသံထွက်ကား၊ ဘဂျမ်း၊ စိမ်းညိုတို့ ခေါင်းဆောင်ပြီး ဇာတ်ရံ  မှစ၍ မင်းအောင်၊ အောင်လင်း၊ ဒေါင်းနွယ်ဆွေ စသော နာမည်ကြီးစာရေးဆရာတွေချည်း  ပါဝင်သည်’လို့   ဖော်ပြထားပြီး ကျောဘက် စာမျက်နှာမှာတော့-
‘ပြည်သူ့သုခုမ ရုပ်ရှင်တင်းကုပ်မှထုတ်ဝေ    ဖြန့်ချိသော လူလို စကားပြောသည်။
ရုပ်ရှင်ဆရာ အောင်လင်း၏’မာန်’ ခေတ်စမ်း အသံထွက် သဘာဝကား ၊မိတ်ကပ် ပေါင်ဒါမသုံးဘဲ ပင်ကိုသဘာဝ ဇာတ်ဟန် ပြဇာတ်ဟန် မပါဘဲ၊ လူ့သဘာဝဟန်အမူ အရာဖြင့် ရုပ်ရှင်စစ်စစ် ရိုက်ကူး ထားသည်။
မည်သည့်ကားနှင့် ယှဉ်ယှဉ်ထူးခြားသော အသွင်အပြင် အမူအရာများတွေ့ရမည်။ ရုပ်ရှင်မင်းသမီး လုပ်ချင်သူများ (မာန်) ကားကြည့်၍  လေ့လာပါ။ ရုပ်ရှင်မင်းသမီး သင်တန်း အပြည့်အစုံပါသည်။ ပါဝင်သူများ၊ဇာတ်ညွှန်း စာရေးဆရာရန်ကုန်ဘဆွေ၊ ရုပ်ရှင်ဆရာ စာရေးဆရာ  အောင်လင်း၊ မင်းသားစာရေးဆရာ ဘဂျမ်း၊ မင်းသမီးစာရေးဆရာ ခင်လတ်နှင့်ကြည်ကြည်ညွန့်၊ စာပေဗိမာန်၁ဝဝဝဆုရ စာရေးဆရာမင်းအောင်၊ လှမြင့်ကြီး၊ မောင်ကိုဦး၊ တင်အေးကြီး၊ မောင်ထွန်းရီ၊ ဒေါင်းနွယ်ဆွေ၊ ရွှေရိုး၊ နေမျိုး၊ မောင်ကိုလေး၊ တက္ကသိုလ်စိုးသန်း နှင့် ကောလိပ်ကျောင်းသား စစ်စစ်များအပြင် ပန်းချီဆရာများပါ ဝင်ကြသည်’ လို့  ဖော်ပြထားပါတယ်။
ရုပ်ရှင်နှင့်ကြော်ငြာ

မြန်မာ့ရုပ်ရှင်သမိုင်းကို ပြုစုမယ်ဆိုရင် ရုပ်ရှင်ကြော်ငြာ အရေးအသားများကိုလည်း ချန်လှပ် ထားခဲ့လို့ မရပါဘူး။ ငယ်ငယ်က ကလေးဘဝမှာ ကြော်ငြာ ကားနောက် ပြေးလိုက်ရင်း  ကားကိုယ်စားလှယ် ကြဲချတဲ့  ကြော်ငြာ စာရွက်လေးတစ်ရွက်ရဖို့ လျှာထွက်အောင် ပြေးလိုက် ခဲ့ရဖူးပါတယ်။ ကြော်ငြာလေးများ ရခဲ့ရင် အိမ်ကဝါးထရံမှာ ဝါးနှီးစလေး ချိုးပြီး ကပ်ပြထားရတာကိုက အင်မတန် အရသာရှိခဲ့ရဖူးပါတယ်။ တကယ်တော့ ဒီကြော်ငြာစာရေးသူများရဲ့ အရည်အချင်းနဲ့ကြော်ငြာရဲ့ထူးခြားတဲ့  အရေးအသားများကို  အခုမှ သေချာ  လေ့လာ မိတော့ ထူးခြားနေတာကို တွေ့ရပါတယ်။
အောင်လင်းရဲ့ကြော်ငြာ

အောင်လင်းရဲ့ အရိုင်းစပါယ်  (အရိုင်း စံပယ်)  ဇာတ်ကား  ကြော်ငြာမှာဆိုရင် -”ပခုက္ကူမြို့သား နာမည်ကျော် စာရေးဆရာ  အောင်လင်း၏ စာပေဗိမာန် ပထမဆုရ ဝတ္ထုကြီးကို အကယ်ဒမီဆုရ ဒါရိုက်တာချစ်ခင်က ရိုက်ကူးပြီး အလွန်ကောင်းတဲ့ အရိုင်းစပါယ် (အရိုင်းစံပယ်)။ ကိုဘခက်၊ မ၊ မွှန်၊ မော် တို့ပါဝင်သည်။ နိုင်ငံခြားယဉ်ကျေးမှု အလွှမ်းမိုးခံသူများနှင့် မိရိုးဖလာအမျိုးသားယဉ်ကျေးမှု ခုံမင် မြတ်နိုးသူများ မည်သူက လမ်းမှန် ရပ်တည်   နိုင်သည်ကို သရုပ်ဖော် ထားသည်။’ ဆို ပြီး ရုပ်ရှင်ကြည့်ပရိသတ်များ  ကြော်ငြာကို  ဖတ်ရုံနဲ့တင်  ရုပ်ရှင်ကြည့် ချင် လာအောင် ဆွဲဆောင်စွမ်း ရှိတာကို တွေ့ရ မှာ ဖြစ်ပါတယ်။
ကားထွက်နှေးနေတဲ့ရုပ်ရှင်

မြန်မာနိုင်ငံ ရုပ်ရှင်သမိုင်းမှာ ဗြိတိသျှ ဘားမားရုပ်ရှင် ကုမ္ပဏီဟာ ရုပ်ရှင်ဇာတ်ကား အများဆုံး ရိုက်ကူးခဲ့တဲ့ ကုမ္ပဏီလို့ ဆိုပါတယ်။ ရုပ်ရှင်ငွေရတုကာလ အတွင်း ၁၉၂၂ က ၁၉၄၁ ခုနှစ်အထိ နှစ်ပေါင်း ၂ဝ အတွင်း  အသံတိတ်ဇာတ်ကား ၁၉၃ ကားနဲ့ အသံထွက် ဇာတ်ကားပေါင်း ၃၇ ကား ရိုက်ကူးခဲ့တာမို့ ဇာတ်ကားပေါင်း ၂၄ဝ ရိုက် ကူးခဲ့တဲ့ ကုမ္ပဏီဖြစ်ပါတယ်။ တစ်နှစ်ကို ပျမ်းမျှ ဇာတ်ကားပေါင်း ၂ဝ ရိုက်ကူးခဲ့တာမို့ အခုခေတ်မှာ ရုပ်ရှင်လောက တစ်ခုလုံးက ရိုက်ကူးတဲ့ ဇာတ်ကားက ၂ဝ တောင် မကျော်လေတော့ ဟိုတုန်းက ဗြိတိသျှဘားမားဖလင်ရဲ့    ဇာတ်ကား ထုတ်လုပ်တဲ့  စံချိန်ကိုတောင်  မမီတာကို တွေ့ရမှာ ဖြစ်ပါတယ်။
ရုပ်ရှင်လောကကြီး ဒီထက် လွတ်လပ်ပြီး ဒီထက် သဘာဝကျတဲ့ ဇာတ်ကားများ၊ အထူးသဖြင့် ဆင်းရဲနွမ်းပါးတဲ့ သူများရဲ့ ဘဝသရုပ်ဖော် ဇာတ်ကားများ ရိုက်ကူး ထုတ်လုပ် တင်ဆက် နိုင်ကြပါစေလို့  ဆန္ဒပြုလိုက်ရပါတယ်။
သိန်းအေး

ရည်ညွှန်း

(၁)မြန်မာ့ရုပ်ရှင်သမိုင်းစဉ် ငွေရတုကာလ(၁၉၂ဝ-၁၉၄၅)

(၂)ပခုက္ကူဦးအုံးဖေစာကြည့်တိုက်မှ ကူးယူခဲ့သော ရုပ်ရှင်လက်ကမ်း ကြော်ငြာများ

(၃)Wikipedia (အင်တာနက်)

(၄)ကိုယ်ပိုင်မှတ်တမ်းများ

ပေါ်ပြူလာဂျာနယ်
 

ချီးမွမ်းတေးသီချင်းနှင့်ကဗျာများ (random hymn No.1)


ဘုရားသခင်၏ . . လူ . . သင်သည်ပြုလေရာ
မှန်ကန်သော အရာ . . သမ္မာတရားလမ်းမှာ
ဘုရားသခင်၏ လူ . . သင်သည်ပြုခဲ့သမျှ
ပြန်လည် ဆန်းစစ်တော့ . . သိရမယ်လေ

သခင့်နာမတော် . . သခင်ရဲ့တရားတော်သည်
ယုံကြည်သောသူကို . . အစဉ်ဖေးမမည်
ဘုရားသခင်၏လူ သင့်ရဲ့နှလုံးသားလေး
ဖြူစင်ခဲ့ပါစေ . . သစ္စာလမ်းမှာ

ဘုရားချစ်သူတိုင်း ... (သမ္မာတရားကို..)
ဖြောင့်မတ်စွာနဲ့ ... (ဖြူစင်စိတ်ထားတွေ...)
သင်သည်မွေ့လျော်ပါ .. (ဘုရားအလိုတော်အတိုင်းတည် ..)
သခင့်ရဲ့ အစေခံပါ ...
ဘုရားချစ်သူတိုင်း ... (ယုံကြည်ချက်ပြည့်ပြီ ..)
နူးညံ့သိမ်မွေ့  (အရာရာမှာ သည်းခံ..)
ယုံကြည်ခြင်းဆိုင်ရာ ... (ဘုရားအလိုတိုင်း လိုက်ခြင်း..)
ပြုကြစို့လေ..


 

ချီးမွမ်းတေးသီချင်းနှင့်ကဗျာများ (random hymn No.2)


ဆရာဦးညွန့်လှ

ချစ်စွာသောမိတ်ဆွေ၊ ယခုကြားရတဲ့ ဓမ္မတေးသီချင်းလေးကတော့ ဘုရားသခင်နဲ့ မှန်ကန်စွာ အသက်ရှင်တဲ့သူတစ်ယောက်ရဲ့ အသက်တာဖြစ်ပါတယ်။ လောကမှာ လူတွေပြောတတ်တဲ့ စကားကတော့၊ ပိုက်ဆံမချမ်းသာရင်နေပါစေ၊ စိတ်ချမ်းသာရင်ကျေနပ်ပြီ ဆိုတဲ့စကားဖြစ်ပါတယ်။ စိတ်၏ချမ်းသာခြင်းဆိုတာ

Read more... Link  

ချီးမွမ်းတေးသီချင်းနှင့်ကဗျာများ (random hymn No.3)

Key C
- မြန်မာပြည်အတွက် ခရစ်တော်ဖြစ်ရမယ်
မြန်မာပြည်သားတိုင်း ခရစ်တော်သိရမယ်
ယုံကြည်ချက် ဆုံးဖြက်ချက် ချရင်းဆောင်ရွက်မယ်
တို့ လက်တွေ ညီညွတ်စွာ ရှိနေမယ်

- သာသနာအတွက် အသင့်ရှိထားရမယ်
သာသနာခရီးအတွက် တို့ တတွေဆက်ကပ်မယ်
သခင်ဘုရား ပေးအပ်တဲ့ ၀တ္တရားကျေဘို့ ကွယ်
တို့ လက်တွေ ညီညွတ်စွာ ရှိနေမယ်

Cho; လူတွေမျှော်လင့် စောင့်စားနေချိန်
သခင်ရဲ့ ချစ်ခြင်း ကယ်တင်ခြင်းတွေကို
ကြားရလို့ ရင်မှာ ထာဝရတွယ်ညိသွားအောင်
ကြိုးစားမယ် သာသနာခရီးမှာ