မုရန် မဂ္ဂဇင်း

လွတ်လပ်ခြင်းဖြင့် ဘုရားရှင်အား ကိုးကွယ်မည် Christian Ezine

Friday, May 22nd

Last update03:34:28 AM GMT

You are here:: ဆောင်းပါး-၁ ရသ၊စာပေ ဦးနှောက်နှင့်နှလုံးသား (လှမင်းသူ)

ဦးနှောက်နှင့်နှလုံးသား (လှမင်းသူ)

E-mail Print PDF



လွန်ခဲ့တဲ့ နှစ်ပေါင်းများစွာက မြန်မာပြည်ရဲ့ ဆေးရုံကြီးတခုမှာ ဖြစ်ပါတယ်။ အဲဒီဆေးရုံမှာ ကျွန်တော်ရဲ့ဖခင်ဟာ လူပျိုဘ၀နဲ့ ဆရာဝန်အဖြစ် တာဝန်ထမ်းဆောင်နေတဲ့ အချိန်ပါ။ အဲဒီအချိန်တုန်းက ဆရာဝန်ဆိုတာ ရွှေလို ရှားပါးတဲ့ ခေတ်အချိန်အခါလဲ ဖြစ်ပါတယ်။ တနိုင်ငံလုံးရဲ့ အမြင့်ဆုံးပညာဖြစ်တဲ့  ဆေးပညာကို ထူးထူးချွန်ချွန် တတ်မြောက်ထားတဲ့ ကျွန်တော့်ရဲ့အဖေဟာ သူတာဝန်ကျရာ ဆေးရုံမှာ နံမည်တလုံးနဲ့ နေခဲ့တာပါ။ ဒေါက်တာဇော်လွင်ထွေး လို့ ဆိုလိုက်ရင် အတော်ဆုံး ဆရာဝန် တယောက်လို့ လူတိုင်းသိကြပါတယ်။  အရပ်ကပု၊အသားကညို၊ ပိန်ကလည်းပိန် သာမာန်ရုပ်ရည်သာ ရှိတဲ့ အဖေဟာ သူ့ရဲ့ ဥာဏ်ပညာ ဂုဏ်အရှိန်ကြောင့်သာ ပျိုတိုင်းကြိုက်တဲ့ နှင်းဆီခိုင် ဖြစ်ခဲ့ပါတယ်။ ဦးနှောက်အရာမှာ သူတပါးနဲ့ မတူ ထူးချွန်ပြီး၊ သူကုသတဲ့ လူနာအများ ရောဂါပျောက်ကင်း ချမ်းသာရတာကြောင့် လူနာလိုက်တဲ့ ဆရာဝန်တယောက်လည်း ဖြစ်ပါတယ်။ အဖေ့ရဲ့ ဆေးခန်းဟာ အမြဲလိုလို လူနာတွေနဲ့ ပြည့်ကျပ်စည်ကားနေတတ်တယ်လို့ ကျွန်တော်အဖေနဲ့ ငယ်စဉ်ကတည်းက ပေါင်းခဲ့ဘူးတဲ့ အဖေ့မိတ်ဆွေတွေကနေ ကြားသိရပါတယ်။ ဆေးကုသတဲ့ လူနာများတာကြောင့် အဖေ့ရဲ့ နေ့စဉ် ၀င်ငွေဟာ ဈေးတခါသွား ငါးကျပ် မကုန်တဲ့ ခေတ်မှာ ရာနဲ့ချီ ရှိပြီး လက်ဖျားမှာ ငွေသီးကာ ငွေကို ရေလို သုံးဖြုန်းနိုင်သူ တယောက်ရယ်လို့ ထင်ရှားခဲ့ပါတယ်။ ပညာကလည်းတတ် ငွေကလည်းပေါတဲ့ အဖေ့ကို သမီးရှင်အများက သားမက်တော်ချင်လွန်းလို့ မျက်နှာသာပေးကြသလို၊ အမျိုးသမီးများကလည်း လင်ကောင်းသားကောင်း တယောက်အနေနဲ့ စိတ်ကူးယှဉ် ခဲ့ကြပါတယ်။

အဲဒီအချိန် အဲဒီဆေးရုံမှာပဲ ကျွန်တော့်ရဲ့ အမေဟာ အပျိုဘ၀နဲ့ သူနာပြု ဆရာမလေး အဖြစ် တာဝန်ထမ်းဆောင်ခဲ့ပါတယ်။ အဖေက သူ့ရဲ့ ဥာဏ်ပညာနဲ့ ဆေးရုံမှာ ကျော်ကြားခဲ့သလို အမေကတော့ သူ့ရဲ့ ရုပ်ရည်ရူပကာကြောင့် မသိသူမရှိ ထင်ရှားကျော်ကြားခဲ့ပါတယ်။ ထူးဖေါညွန့် လို့ ဆိုလိုက်ရင် အရပ်ထောင်ထောင်မောင်းမောင်း၊ အသားဖြူဖြူ၊ ချောမောလွန်းတဲ့ သူနာပြုဆရာမလေးမှန်း လူတိုင်းသိကြပါတယ်။ ပုရိသနွယ် ယောက်ျားများ မဆိုထားနဲ့ မိန်းမအချင်းချင်းတောင် အမေ ဖြတ်သွားလို့ရှိရင် ငေးမောကြည့်ရှုရအောင် အမေဟာ ရုပ်ရည်အားဖြင့် လှပလွန်းသူ ဖြစ်ခဲ့ပါတယ်။ ရုပ်ရည်သာမက အမေ့ရဲ့ နှလုံးသားက ပိုပြီးလှပပါသေးတယ်။ စိတ်ကောင်းနှလုံးကောင်းရှိပြီး လူနာများကို ကြည့်ရှုစောင့်ရှောက်တဲ့အခါမှာ စေတနာ ထားတာကြောင့် လူနာအများရဲ့ ချစ်ခင်မှုကိုလည်း ရရှိခဲ့သူ ဖြစ်ပါတယ်။ နှလုံးသားလှတဲ့ ဆရာမလေးရယ် လို့ လူတကာက စောင်မြောင်း သီချင်းဆိုခြင်း ခဲ့ရသူလည်း ဖြစ်ပါတယ်။ ယောက်ျားတကာက ၀ိုင်းဝန်းပိုးပန်ခြင်းကို အခံရဆုံးဖြစ်ပြီး ပိုးပန်းကြသူအများထဲမှာ အရာရှိကြီးငယ်၊ လူကုံထန်အများ ပါဝင်ခဲ့ကြပါတယ်။ အမေဟာ နှလုံးသားရေးရာကို နှလုံးသားအရပဲ ဖြေရှင်းတတ်သူမို့ ငွေကြေးချမ်းသာ သူများကပ်ကြပေမဲ့လည်း အကပ်မခံ ဖယ်ရှောင်ခဲ့ပါတယ်။ အရာရှိကြီးငယ်များရဲ့ ချစ်ခွင့်ပန်မှုများကိုလည်း သိမ်မွေ့စွာပဲ ငြင်းပယ်ခဲ့ပါတယ်။

ချဉ်းကပ်ရခက်တဲ့ အမေ့ကို လိမ္မာပါးနပ်စွာ ချစ်ရေးဆိုနိုင်ခဲ့သူကတော့ အဖေပဲ ဖြစ်ပါတယ်။ ထက်ထက်မြက်မြက်ရှိပြီး ဥာဏ်ကောင်းတဲ့ အဖေ့ကို ဥာဏ်ပညာ နည်းပါးတဲ့ အမေက နှလုံးသားနဲ့ပဲ လက်ခံခဲ့တယ်လို့ ဆိုပါတယ်။ အဖေနဲ့အမေဟာ တဆေးရုံထဲမှာ လုပ်ငန်းဆောင်တာများကို အတူတက ဆောင်ရွက်ကြရင်း လူငယ်များသဘာဝ ချစ်တင်းနှောက ပျော်ရွင်တဲ့ ဘ၀အစိတ်အပိုင်း လေးများကို ဖြတ်သန်းခဲ့ကြပါတယ်။ ချစ်သူများဘ၀နဲ့ နေထိုင်လာကြရင်း နှစ်အနည်းငယ်အကြာမှာတော့ အဖေနဲ့အမေဟာ နှစ်ကိုယ်တူ နေနိုင်ဖို့အရေး ဆွေးနွေးတိုင်ပင်ခဲ့ကြပါတယ်။ နှစ်ဦးနှစ်ဖက်ဘ၀များ ပေါင်းစည်းဖို့အတွက် ကြားမှာရှိနေတဲ့ အခက်အခဲများကို တိုင်ပင်ကြရာမှာ ဘာသာမတူခြင်းနဲ့ လူမျိုးမတူခြင်းများဟာ အဓိကပြသနာ ဖြစ်လာခဲ့ရပါတယ်။ ဘယ်လိုပဲကြည့်ကြည့် တကယ့်တကယ် ပေါင်းစည်းကြဖို့ရန် မဖြစ်နိုင်တာကို သဘောပေါက်ခဲ့ကြပေမဲ့ ချစ်သာချစ်တာ ပဓာနမို့ နှစ်ဦးစလုံး အချစ်ကို ဦးစားပေးပြီး လက်ထပ်ဖို့ ဆုံးဖြတ်လိုက်ခဲ့ကြပါတယ်။ အဲဒီလိုနဲ့ ဦးနှောက်ပိုင်ရှင် ကျွန်တော်ရဲ့အဖေ နဲ့ နှလုံးသားပိုင်ရှင် ကျွန်တော့်ရဲ့အမေတို့ဟာ ပေါင်းစည်းဂဟေ ဆက်မိကြပါတော့တယ်။

အိမ်ထောင်သက်တမ်း နှစ်အနည်းငယ် ကြာလာခဲ့ပြီးတဲ့အချိန်မှာ အမေဟာ သမီးဦးကို မွေးဖွားသန့်စင်လိုက်ပါတယ်။ ပထမဆုံးရလာခဲ့တဲ့ သမီးဦးမို့ ဖူးဖူးမှုတ်ကာမတတ် ချစ်ခဲ့ကြပါတယ်။ အဲဒီလိုနေစဉ် သုံးနှစ်အကြာမှာတော့ သမီးနောက်တယောက်ကို အမေက ထပ်မံပြီး မွေးဖွားလိုက်ပါတယ်။ သမီးတယောက်ကို ထပ်ရလိုက်တဲ့အတွက် ရတနာတပါးတိုးလာခဲ့တဲ့ မိသားစုလေးဟာ ယခင်ကထက် ပိုပြီး စည်ကားမြိုင်ဆိုင်လာပါတယ်။ သို့ပေမဲ့လည်း သမီးများချည့် ရှိနေတဲ့ ဘ၀ကို အဖေက မကျေနပ်နိုင်သေးပါဘူး။ သားတယောက်တော့ သူလိုချင်ခဲ့ပါတယ်။ အဖေရဲ့ သားယောက်ျားလေး လိုချင်တဲ့ ဆန္ဒဟာ မကြာမှိမှာပဲ ပြည့်မြောက်ခဲ့ပါတယ်။ နောက်တနှစ်အကြာမှာတော့ အဖေလိုချင်တဲ့ သား အငယ်ဆုံးဖြစ်သူ ကျွန်တော့်ကို အမေမွေးပြီးလိုက်တဲ့ အချိန်မှာ အဖေဟာ သူ့ဆန္ဒပြည့်စုံပြီ ဆိုပြီး ၀မ်းသာလွန်းမက ၀မ်းသာခဲ့ပါတယ်။ လောကထဲကို မလည်မ၀ယ်နဲ့ ရောက်လာခဲ့တဲ့ ကျွန်တော့်ရဲ့ မွေးနေ့မှာပဲ အဖေက ဆေးရုံတရုံလုံးမှာရှိတဲ့ ၀န်ထမ်းအားလုံးကို အလှူကြီးပေးကာ ကျွေးမွေးခဲ့တယ်လို့ အမေကပြောပြခဲ့ဘူးပါတယ်။

 

ကျွန်တော်တို့ မောင်နှမများဟာ မိဘများရဲ့ ကြည့်ရှုအုပ်ထိန်းမှုအောက်မှာ အသီသီး အပြိုင်းအရိုင်းကြီးထွား လာကြပါတယ်။ အမများဟာ မိခင်ရဲ့ အုပ်သိမ်းစောင့်ရှောက်မှုကို ခံရသူများဖြစ်လို့ ငယ်ရွယ်စဉ်အခါကပင် အမေဖြစ်သူရဲ့ ယုံကြည်မှုကို လက်ခံခဲ့ကြပြီး ဘုရားသားသမီများ ဖြစ်ခဲ့ကြပါတယ်။ သူတို့က ဦးနှောက်နဲ့ တွေးတောမနေတော့ပဲ အမေရဲ့ ၀ိညာဉ်နှလုံးသားလမ်းအတိုင်း လိုက်ပြီး သူငယ်များရဲ့ ယုံကြည်ခြင်းမျိုးနဲ့ ယုံကြည်ခဲ့ကြပါတယ်။ ကျွန်တော်ကတော့ အမတွေလိုမဟုတ်ပဲ အမေ့ရဲ့ နှလုံးသားလမ်းစဉ်ကို မလိုက်ခဲ့ပါဘူး။ ဘာကြောင့်လဲဆိုတော့ နှလုံးသားဝိညာဉ်နဲ့ ယုံကြည်မှသာ ဘုရားသခင် ချစ်မြတ်နိုးတယ်လို့ အမေရဲ့ အဆိုကို လက်ခံဖို့ရန် အခက်အခဲ ဖြစ်နေလို့ပါပဲ။ အမေ့ရဲ့ နှလုံးသားပြဆိုချက်ထက် အဖေရဲ့ ဦးနှောက်နဲ့ ဆင်ခြင်မှု တရားတွေကို ပိုပြီး အထင်ကြီး လေးစားခဲ့ပါတယ်။ ဘာသာရေးနဲ့ ပါတ်သက်လာရင် အမေ့ကို ကျွန်တော်တိုင်ပင် မနေတော့ပဲ အဖေနဲ့သာ တောက်လျှောက်တိုင်ပင်ဆွေးနွေးခဲ့ပါတယ်။

လသာတဲ့ညများမှာဆို ပက်လက်ကုလားထိုင် ကိုယ်စီနဲ့ သားအဖနှစ်ယောက် အတူထိုင်ပြီး လူ့ဘ၀အကြောင်းများကို ဆွေးနွေးတတ်ကြပါတယ်။ သား လူ့ဘ၀ဆိုတာ အဓိပ္ပါယ်မရှိဘူးသား။ အရာရာအားလုံးဟာ ဖြစ်တာနဲ့ပျက်တာပဲ ရှိတယ်။ အကြောင်းကြောင့် အကျိုးဖြစ်တယ်။ အဲဒီအကျိုးကနေ အကြောင်းပြန်ဖြစ်ပြန်တယ်။ အဲဒီလိုနဲ့ပဲ သံသရာလည်နေတယ်။ ရေလိုပေါ့သား။ နေအပူရှိန်ကြောင့် ရေဟာ ရေခိုး ရေငွေ့တွေဖြစ်သွားတယ်။ အဲဒီရေခိုးရေငွေ့တွေဟာ အေးတဲ့အခါ မိုးအဖြစ်နဲ့ တဖန် ရေပြန်ဖြစ်ကြတယ်။ အဲဒီလိုနည်းနဲ့ ရေဟာ သံသရာလည်နေတယ်။ ထိုနည်းလည်ကောင်းပဲ လူ့ဘ၀ဟာလည်း သံသရာလည်နေတယ် သား။ အခု သားကိုယ်သား ငါရှိ နေတယ်လို့ ထင်နေတယ် မဟုတ်လား။ တကယ်တော့ တည်မြဲမယ်လို့ထင်တဲ့ ငါဆိုတဲ့ အတ္တဆိုတာ မရှိဘူးသား။ ရုပ်နဲ့ နာမ်တို့ရဲ့ ဖြစ်ခြင်းပျက်ခြင်းသဘောပဲ ရှိတယ်။ ချုပ်ငြိမ်းသွားလိုက် ဖြစ်ပျက်သွားလိုက် နဲ့ ဖြစ်ပျက်နေတာပဲရှိတယ်သား။ ဘယ်အရာမှ အစိုးမရဘူး။ ဘယ်အရာမှ မတည်မြဲဘူး။ အဲဒါဟာ အနတ္တသဘောပဲသား။ လို့ အဖေ ဆိုခဲ့စဉ်တုန်းက ကျွန်တော်အလွန် သဘောကြခဲ့ပါတယ်။ ဘာကြောင့်လဲဆိုတော့ ကျွန်တော် မြင်တွေ့ သုံးသပ်နိုင်ခဲ့တာ အဲဒီအတိုင်းပဲ ဖြစ်နေတာပါပဲ။

အဖေပြောဆိုခဲ့တဲ့ သဘောတရားမျိုးကို ဒေသနာဆရာဖြစ်တဲ့ ဆော်လမွန်ဘုရင်ကိုယ်တိုင် ပြောဆိုခဲ့တာကို ကျမ်းစာမဖတ်ခဲ့တဲ့ ကျွန်တော် မသိခဲ့ပါဘူး။ ဒေသနာဆရာက “အနတ္တသက်သက်၊အနတ္တသက်သက်၊ ခပ်သိမ်းသောအရာတို့သည် အနတ္တသက်သက်ဖြစ်ကြ၏” လို့ အချည်းနှီးသက်သက်ဖြစ်ကြောင်း ဆိုခဲ့တာတွေ။ “နေလည်းထွက်လျက်ဝင်လျက်၊ ထွက်ရာအရပ်သို့ တဖန်ပြေးလျက်၊ တောင်လမ်းသို့လိုက်၍ တဖန်မြောက်လမ်းသို့လိုက်၏” လို့ သံသရာလည်နေကြောင်း ရှုမြင်ခဲ့တာတွေ။ “နေအောက်မှာ အသစ်သော အမှုအရာမရှိ။ ကြည့်ပါ။ အသစ်ဖြစ်၏ဟု ဆိုရသော အမှုအရာ တစုံတခု ရှိသလော။ ထိုအမှုအရာသည် ငါတို့အရင် ရှေးကာလ၌ ဖြစ်ဘူးပြီး” လို့ လည်ပတ်နေခြင်းသဘောတရားကို ထောက်ပြခဲ့တာတွေ။ ကမ္ဘာပေါ်မှာ ရှိရှိသမျှသောအရာ အားလုံးဟာ အဓိပ္ပါယ်မရှိ ဖြစ်ချင်ရာဖြစ်နေတယ်လို့ ထင်စရာ ရှိကြောင်း သုံးသပ်ပြခဲ့တာတွေ။ ဒါပေမဲ့ အဆုံးမှာတော့ “ဘုရားသခင်သည် ခပ်သိမ်းသော ၀ှက်ထားခြင်းမှစ၍၊ အလုံးစုံသောအမှု၊ ကောင်းမကောင်းရှိသမျှတို့ကို စစ်ကြော၍ ၊ တရားသဖြင့် စီရင်တော် မူလတံသတည်း” လို့ ကမ္ဘာလောကနဲ့ စင်္ကြ၀ဠာ တခုလုံးကို ထိမ်းချုပ်စီရင် နေကြောင်း၊ ဘုရားရှိနေခြင်းသည် လူ့ဘ၀ရဲ့ အဓိပ္ပါယ်ရှိနေကြောင်း နိဂုံးချုပ်ပြောဆိုခဲ့တာတွေ။.. ထိုစဉ်ကာလက ကျမ်းစာနားမလည်တဲ့ ကျွန်တော်မသိခဲ့ပါဘူး။

ဘုရားရှိခြင်း၊ မရှိခြင်းနဲ့ ပတ်သက်ပြီးလည်း အမေ့ကို မေးမြန်းခဲ့ပါတယ်။ အမေ အမေကသာ ဘုရားကို ယုံတယ်။ အမေယုံတဲ့ ဘုရား ရှိတဲ့အကြောင်း သားကို သက်သေပြပါ လို့ဆိုတော့ သား ဘုရားဆိုတာ ဥာဏ်နဲ့ရှာလို့ မရဘူး သား။ နှလုံးသား ၀ိညာဉ်နဲ့ပဲ ရှာလို့ရတယ်။ လို့ ဆိုတော့ အာ အမေကလည်း အဓိပ္ပါယ် မရှိလိုက်တာ ဘုရားက သူရှိနေရင် သားတို့ကို ကိုယ်ထင်ရှားစွာ ပြမှာပေါ့လို့ နူတ်တုံ့ပြန်လိုက်တော့။ သား မင့်အဖေလို့တော့ အမေက ဥာဏ်မကြီးဘူး။ လိပ်ပတ်လည်အောင်လည်း အမေမရှင်းပြတတ်ဘူး။ ကျမ်းစာထဲမှာ သားသိချင်တဲ့ ဘုရားအကြောင်းပါတယ် သား။ စိတ်နှလုံး တခုလုံးပုံအပ်ပြီး ယုံကြည်စိတ်နဲ့ သားရဲ့ ၀ိညာဉ်နှလုံးသားနဲ့သာ ရှာပါသား။ ဘုရားက သားကို သူရှိနေကြောင်း ပြောပါလိမ့်မယ်လို့ အမေဆိုပါတယ်။ ကျမ်းစာလား မဖတ်ချင်ပါဘူး အမေရာ ဟိုးရှေးခတ်ကလူတွေ သူတို့ စိတ်ထင်ရာမြင်ရာတွေ ရေးထားတာတွေကို အချိန်ကုန်ခံပြီး ဖတ်မနေနိုင်ပါဘူး။ အမှန်တရားဟာ နှလုံးသားမှာ မရှိဘူးအမေ ဦးနှောက်ထဲမှာပဲရှိတယ်။ ဦးနှောက်နဲ့ပဲ ဖြစ်နိုင်မဖြစ်နိုင် ဆုံးဖြတ်ပြီးတော့မှပဲ ယုံသင့် ယုံထိုက်တာကိုပဲ သားယုံမယ်။ အမေ့လိုတော့ နှလုံးသား ခံစားချက်ကို ဦးစားပေးပြီး ၀တ္တုဇတ်လမ်းလိုတော့ လက်မခံနိုင်ပါဘူး။ ဒီခေတ်က သိပ္ပံခေတ်အမေ။ သိပ္ပံပညာနဲ့ အားလုံးကို သက်သေပြနိုင်တယ်။ သိပ္ပံပညာဟာ လက်တွေ့ကျတယ်။ ဦးနှောက်နဲ့ ဆင်ခြင်လို့ရတယ်။ ဘလိုင်းကြီးတော့ သား မယုံနိုင်ပါဘူး လို့ ကျွန်တော် ပြန်ပက်ခဲ့ပါတယ်။

သား မင်းအတွက် အမေဆုပဲတောင်းပေးမယ်လို မျက်ရည်ဝဲကာ ပြောခဲ့တဲ့ အမေ့ကို ကျွန်တော် မသိကျိုးကျွန်ပြုကာ လျစ်လျူရှုခဲ့ပါတယ်။ ခေါင်းမာလွန်းပြီး ဦးနှောက်ကိုသာ ဦးစားပေးတတ်တဲ့ ကျွန်တော်ဟာ အသက်အရွယ်ကြီးလာတာနဲ့ အမျှ သိပ္ပံအတတ်ပညာများကို နှစ်နှစ်ခြိုက်ခြိုက် လက်ခံခဲ့ပါတယ်။ အီဗော်လူးရှင်း သီအိုရီကိုလည်း အကျိုးအကြောင်းခိုင်လုံတဲ့ သက်ရှိဖြစ်ပွားမှု ဖြစ်စဉ်တရပ်အဖြစ် လက်ခံခဲ့ပါတယ်။ ဖန်ဆင်းရှင် မလိုတဲ့ ဒီသီအိုရီကြီးက ကျွန်တော် ငယ်ငယ်တုန်းက အဖေသင်ကြားခဲ့တဲ့ ဖီလော်ဆိုဖီနဲ့လည်း ကိုက်ညီမှု အများကြီး ရှိခဲ့တယ်လို့လည်း ထင်ခဲ့ပါတယ်။ ကျွန်တော်ဟာ မိမိကိုယ်ကို၊ကောင်းအောင်ကျိုး၍၊ ကောင်းကျိုးကိုယ်၌ တည်စေမင်း ဆိုသလို ကိုယ့်ခွန်အား၊ ကိုယ့်ညာဏအား နဲ့ပဲ ကောင်းအောင်၊ အပြစ်ကင်းအောင် နေခဲ့ပါတယ်။

ဦးနှောက်နဲ့ ကိုယ့်အားကိုယ်ကိုးလို့ အပြစ်မရှိအောင် ကြိုးစားနေရင်း အချိန်မှာပဲ ကျွန်တော်ဟာ အပြစ်နွံတခုထဲကို မတော်တဆ ကျရောက်သွားခဲ့ပါတယ်။ အပြစ်ကင်းစင်အောင် နေတုန်းက အပြစ်ဖြစ်မှာ ကြောက်ခဲ့ပေမဲ့၊ အပြစ်တွင်းထဲကျရောက်သွားချိန်မှာတော့ ကဲမထူးပါဘူးကွာ ကျလည်းကျတဲ့အတိုင်းပေါ့လို့ စိတ်ထဲသတ်မှတ်ပြီး မိုက်မိုက်မဲမဲနဲ့ အဲဒီနွံထဲမှာပဲ ဆက်ပြီး မထူးဇတ်ခင်းကာ နေလိုက်ပါတယ်။ လူမိုက်ဘ၀နဲ့ နေခဲ့လို့  အချိန်ကြာညောင်းလာတဲ့ တနေ့မှာတော့ ကျွန်တော်ဟာ အမှားကြီးမှားပြီဆိုတာ သိခဲ့ပြီး နောင်တရခဲ့ပါတယ်။ ကျွန်တော့်ရဲ့ နောင်တဟာ ကြီးမားလွန်းတာကြောင်း ဘ၀တလျောက်လုံး ဘုရားကို ကျောခိုင်းထားခဲ့တဲ့ ကျွန်တော်ဟာ ဘုရားရှိတဲ့ဘက် အရပ်ကို လှည့်လာခဲ့ပါတယ်။ တသက်နဲ့ တကိုယ် ဘုရားမရှိဘူးလို့ ဦးနှောက်နဲ့ ငြင်းဆိုခဲ့တဲ့ ကျွန်တော်ဟာ ဘုရားရှိနေကြောင်းကို နှလုံးသားနဲ့ အလိုလို သိလာခဲ့ပါတယ်။ ဘ၀တလျောက်လုံး အမေပြောပြောနေတဲ့ ခရစ်တော်ရဲ့ ခွင့်လွှတ်ခြင်းဆိုတာကို ဦးနှောက်နဲ့ စဉ်းစားလို့ မရခဲ့ပေမဲ့ အဲဒီအချိန်မှာ ခရစ်တော်ရဲ့ ကြင်နာသနားမှု၊ ခွင့်လွှတ်ချစ်ခြင်းအကြောင်းကို နှလုံးသားနဲ့ နားလည်ခဲ့ပါတယ်။ အဲဒီ နောင်တတရားသာ မရှိခဲ့ရင်၊ ကျွန်တော်ဟာ အခုထက်ထိ မပြောင်းလဲသေးတဲ့ ဘ၀နဲ့ပဲ ရှိနေဦးမှာ ဖြစ်ပါတယ်။ အဲဒီ နောင်တတရားသာ မရှိခဲ့ရင် ကျွန်တော်ဟာ ဇာတိပကတိလူ အတိုင်းသာ ရှိနေဦးမှာ ဖြစ်ပါတယ်။ ဒါပေမဲ့ အဲဒီနောင်တတရားကြောင့်ပဲ ကျွန်တော်ဟာ ဘုရားသခင်ကို နှလုံးသားနဲ့ ပထမဆုံးအကြိမ် လက်ခံယုံကြည်မိခဲ့ခြင်း ဖြစ်ပါတယ်။ နောင်တတရားဟာ ကျွန်တော့်ရဲ့ နှလုံးသားမှာ ၀ိညာဉ်သစ်တခုကို ပထမဆုံးအကြိမ် မွေးဖွားပေးလိုက်ပါတယ်။

ဝိညာဉ်သဘောကို ပထမဦးဆုံးအကြိမ် ထိတွေ့ခံစားမိတဲ့ ကျွန်တော်ဟာ အရင်က ဘာခံစားချက်မှ မပေးခဲ့တဲ့ ဘုရားသီးချင်းများကို သီဆိုရတာကို နှစ်ခြိုက်ပျော်မွေ့လာပါတယ်။ ယုံကြည်သူအများအပြားနဲ့၊ ဘုရားရဲ့ မိသားစုဝင်တွေနဲ့၊ ရောနှောနေထိုင်ရတာကို ၀မ်းမြောက်လာပါတယ်။ ဆုတောင်းခြင်းများကိုလည်း မတောင်းတတ်တောင်းတတ်နဲ့ ဘုရားသခင်နဲ့ ပြုလုပ်လာပါတယ်။ ဘုရားရှိနေတယ်ဆိုတဲ့ ခံစားချက်မျိုး ဘယ်တုန်းကမှ မခံစားဘူးပေမယ့် သန့်ရှင်းသော ၀ိညာဉ်တော်က ကျွန်တော့်ရဲ့ နှလုံးသားထဲမှာ လှုပ်ရှားရိုက်ခတ်တာကို ခံစားလာခဲ့ရပါတယ်။ ဒါ့အပြင် ခမည်းတော်၊သားတော်၊သန့်ရှင်းသော ၀ိညာဉ်တော်တို့ရဲ့ ငြိမ်သက်မှုနဲ့ ၀မ်းမြောက်မှုတို့ဟာ ကျွန်တော့်ရင်ထဲမှာ ပြည့်ဝလာပါတယ်။ ခရစ်တော်ရဲ့ အတုမဲ့ မေတ္တာနဲ့ အပြစ်သားများကို ချစ်တဲ့ ချစ်ခြင်းများကိုပါ ပေါင်းစပ်ခံစားလာပါတယ်။ ဘ၀တသက်တာလုံး အရာရာကို ဦးနှောက်နဲ့ ဆုံးဖြတ်ခဲ့တဲ့ ကျွန်တော်ဟာ နှလုံးသားနဲ့ပဲ ဆက်လက်ရှင် သန် နေထိုင်ခဲ့ပါတော့တယ်။

ကျွန်တော် ၀ိညာဉ်ဟောင်းဘ၀ကနေ အသစ်ဘက်ကို ကူးပြောင်းရောက်ရှိတဲ့ အချိန်က ကျွန်တော်ဟာ စင်္ကာပူကို ရောက်ရှိနေပါပြီ။ မိဘများကို ခွဲခွာပြီး တပြည်တရွာမှာ စီးပွားရှာထွက်ခဲ့တာကြောင့် ဦးနှောက်ပိုင်ရှင် အဖေ နဲ့ နှလုံးသား ပိုင်ရှင် အမေတို့ရဲ့ အုပ်ထိန်းမှု အောက်ကနေ ဝေးကွာနေချိန် ဖြစ်ပါတယ်။ ကျွန်တော်ဟာ နှလုံးသားရဲ့ အုပ်စိုးမှုနဲ့ ၀ိညာဉ်သဘော ဆန်စွာ နေထိုင်လာခဲ့စဉ် အရင်ကတွေးခေါ်ခဲ့တဲ့ ဦးနှောက်ဟာ လုံးဝသုံးမရတော့ဘူးလားလို့ စိတ်မှာ ခံစားမိလာရပါတယ်။ ဦးနှောက်ဟာ မလိုအပ်တော့ရင် ဘုရားသခင်က ဘာကြောင့်များ ကျွန်တော်တို့ကို ပေးထားရပါသလဲ။ ဦးနှောက်ဟာ မလိုအပ်တော့ရင် နှလုံးသားသက်သက်ချည်း ပေးထားဖို့ရန်သာ အကြောင်းရှိပါတယ်။ ကျွန်တော့်အနေနဲ့ ဦးနှောက်နဲ့ နှလုံးသားပြသနာဟာ ရှင်းသွားမလိုလိုနဲ့ မရှင်းခဲ့ပါဘူး။

အဲဒီအချိန်မှာပဲ အုပ်စုကြီးနှစ်ခုကို ကျွန်တော်တွေ့ကြုံရခဲ့ပါတယ်။ အုပ်စုတစ်စုကတော့ နှလုံးသားကို အရမ်း ဦးစားပေးလွန်းပြီး ဘာသာရေးမှာ ဦးနှောက်ဟာ ဘာမှ အသုံးမ၀င်ကြောင်းနဲ့ အနှောက်အယှက် အတားအဆီးပင် ဖြစ်နိုင်တယ်လို့ ခံယူထားကြသူများဖြစ်ပါတယ်။ ကျွန်တော် တွေ့ကြုံခံရတဲ့ ယုံကြည်သူ တော်တော်များများမှာ အဲဒီလို ခံယူကြသူ အများအပြား ရှိနေတာကို တွေ့ရပါတယ်။ ဒိထက်ပိုပြီး ဆိုးတာကတော့ မိမိတို့ရဲ့ စိတ်ကူးနဲ့ ဖြစ်ပေါ်လာတဲ့ အရာများကို ဘုရားသခင်ထံက ဖော်ပြချက်များအဖြစ် ထင်နေကြသူများပဲ ဖြစ်ပါတယ်။((Legitimate Vision) တကယ်ရသူများကို မဆိုလိုပါ။) ထိုသို့သောသူများဟာ မိမိတို့ အာရုံထဲမှာ ဖြစ်ပေါ်လာတဲ့ ဘုရားသခင်ရဲ့ ဖော်ပြချက်များဟာ ဦးနှောက်နဲ့ တွေးတောဆင်ခြင်လို့ရတဲ့ အရာများထက် မှားနိုင်စရာ အကြောင်းမရှိဘူးလို့ ခံယူကြသူများ ဖြစ်ပါတယ်။ ကျမ်းစာထဲက ဖော်ပြချက်များကို ဦးနှောက်နဲ့ ဆင်ခြင်တွေးတောလို့ ရခဲ့ရင်ပဲ ဒါတွေဟာ လူ့ဦးနှောက်နဲ့ တွေးတာတွေပါကွာ။ ဘာသာရေးမှာ ဦးနှောက်လာသုံးရင် အလကားပဲလို့ ဦးနှောက်ကို လွန်မင်းစွာ အထင်အမြင်သေးကြသူများပဲ ဖြစ်ပါတယ်။

နောက်ကြုံတွေ့ရတဲ့ အုပ်စုတစုကတော့ ဦးနှောက်ကို ဦးစားပေးလွန်းသူများ အုပ်စုပဲ ဖြစ်ပါတယ်။ အဲဒီအုပ်စုကတော့ ပထမအုပ်စုနဲ့ ဆန့်ကျင်ပြီး ဦးနှောက်ကို လွန်မင်းစွာ အထင်ကြီးကြသူများပဲ ဖြစ်ပါတယ်။ ကျွန်တော်ဟာ မပြောင်းလဲခင် ဘ၀တုန်းက အဲဒီအုပ်စုကြီးမှာ ပါခဲ့ပါတယ်။ ဦးနှောက်နဲ့ တွေးပြီး မှန်ကန်စွာ အဖြေထုတ်နိုင်ရင် အမှားကင်းတယ်လို့ ယူဆကြသူများပဲ ဖြစ်ပါတယ်။ အဲဒီအုပ်စုကတော့ အခြားအခြားသော သူများထက် ဦးနှောက်ကောင်းသူများဖြစ်တာကြောင့် အရာရာကို ဦးနှောက်နဲ့ သိနိုင်ပြီး ဦးနှောက်နဲ့ ဆုံးဖြတ်နိုင်မယ်လို့ ခံယူကြသူများပဲ ဖြစ်ပါတယ်။ ကျွန်တော်လုပ်ကိုင်နေတဲ့ အလုပ်ခွင်က လူအတော်များများဟာ ထိုအုပ်စုဝင်များပဲ ဖြစ်ကြပါတယ်။ ကျွန်တော့်ရဲ့ အလုပ်မှာ သိပ္ပံပညာရှင်များက ဦးနှောက်ကိုသာလျင် အထင်ကြီးကြသူများ ဖြစ်ပါတယ်။ နာဗင်းလို့ အမည်ရတဲ့ သိပ္ဗံပညာရှင်တယောက်က Science Is My God လို့ ကျွန်တော့်ကို ပြောဖူးပါတယ်။ သဘောကတော့ ဦးနှောက်နဲ့ တည်ဆောက်ထားတဲ့ သိပ္ပံပညာသာလျှင် အရာရာကို ဆုံးဖြတ်ပေးတယ်လို့ ဆိုလိုတာပါ။

အချိန်များစွာ ကြာလာလို့ ဒီလို နှစ်ဖက်စွန်းဖြစ်နေသူများရဲ့ အားနည်းချက်ကိုယ်စီကို ကျွန်တော်တဖြည်းဖြည်း သဘောပေါက်လာပါတယ်။ တချိန်တည်းမှာပဲ အုပ်စုတစုစီရဲ့ အားသာချက်များကို ကျွန်တော်သိလာပါတယ်။ နှလုံးသားကို လွန်မင်းစွာ ဦးစားပေးလွန်းသူများအတွက် ဦးနှောက်ရဲ့ အားသာချက်များကို ကျွန်တော်ဖတ်မှတ် နားလည်ခဲ့သလို ဝေငှချင်ပါတယ်။ ပြီးတော့မှ ဦးနှောက်ကို ဦးစားပေးလွန်းသူများအတွက် နှလုံးသားရဲ့ အားသာချက်များကို နားလည်ခဲ့သလို ဝေငှချင်ပါတယ်။

နှလုံးသားကို ဦးစားပေးသူများကို ဦးနှောက်ရဲ့ ကောင်းကြောင်းလေးများကို ဝေငှချင်ပါတယ်။ ဦးနှောက်ဟာ ဒီလောကကြီးမှာ ကျင်လည်ကျက်စားတဲ့ အခါမှာ အများကြီး အသုံးဝင်တယ် ဆိုတာကို ဘယ်သူမှ ငြင်းလို့ မရပါဘူး။ အနိမ့်ဆုံး အဆင့်က စပြောရင် လယ်ယာစိုက်တဲ့ တောင်သူလယ်သများ ဦးကြီးများက ဘယ်အချိန်မှာ ပျိုးခင်းစိုက်ရမယ်။ ဘယ်အချိန်မှာ ပျိုးနူတ်ရမယ်။ ဘယ်အချိန်မှာ ကောက်စိုက်ရမယ်။ ဘယ်အချိန်မှာ ကောက်သိမ်းရမယ်။ ဘယ်ရာသီဥတုမျိုးဟာ ဘယ်မျိုးစေ့နဲ့ ကိုက်ညီတယ်။ စသဖြင့် ဦးနှောက်အသိညာဏ် နဲ့ ချင့်ချိန်ပြီး လုပ်ကိုင်ကြရပါတယ်။ ဒီထက် တဆင့်တက်လို့ အင်ဂျင်နီယာ၊ ဆရာဝန်၊မန်နေဂျာ၊သိပ္ဗံပညာရှင် အများအပြားဟာလည်း ဦးနှောက်ကိုသာလျင် အသုံးပြု အလုပ်လုပ်ကိုင် ကြရပါတယ်။ ဥပမာအားဖြင့် အင်ဂျင်နီယာဆိုရင် အဆောင်အဦ ဖြစ်ဖို့ တွက်ချက်မှုတွေ ပြုပြီး စနစ်တကျ ဆောင်ရွက်မှ တည်မြဲတဲ့ အဆောက်အဦကို ဆောက်နိုင်ကြတာ ဖြစ်ပါတယ်။ အမြင့်ဆုံး အဆင့်ဖြစ်တဲ့ တိုင်းပြည်အုပ်ချုပ် မင်းလုပ်ကြတဲ့ သမ္မတများဟာ လည်း ဦးနှောက်ကိုသာ အသုံးပြုပြီး စနစ်တကျအုပ် ချုပ်မှသာ တိုင်းပြည်ဟာ သာယာဝပြောပြီး ကြွယ်ဝချမ်းသာနိုင်မှာ ဖြစ်ပါတယ်။

လောကအရာများမှာ ဦးနှောက်က အသုံးဝင်တာကတော့ ဟုတ်ပါတယ်။ ဘာသာရေးမှာတော့ ဦးနှောက်ကို လာပြီး မသုံးနဲ့ လို့ ပြောကောင်းပြောကြမှာပါ။ ဒါက ဘာသာရေးမှာ ဦးနှောက်အသုံးဝင်ပုံကို မသိကြသေးလို့ပဲ ဖြစ်ပါတယ်။ ဘုရားသခင်ရဲ့ နူတ်ကပတ်တော်နဲ့ ပြောကြားချက်တွေဟာ ယုံကြည်သူအများအတွက် အရေးကြီးကြကြောင်းကို သိကြပါတယ်။ အဲဒီ နူတ်ပတ်တော်များကို ပရောဖက်များကလည်းကောင်း၊ တမန်တော်များကလည်းကောင်း၊ အထူးသဖြင့် သားတော်ဖြစ်တဲ့ သခင်ခရစ်တော်ထံကလည်းကောင်း ကြားသိနိုင်ကြပါတယ်။ အဲဒီ ဘုရားရဲ့ သဘောတွေ၊ နူတ်ကပတ်တော်တွေကို ကျွန်တော်တို့ရဲ့ ဦးနှောက်နဲ့ (သန့်ရှင်းသောဝိညာဉ်တော် အကူအညီနဲ့) ကိုယ်တိုင်နားလည်ပြီး တခြားသူတွေကို နားလည်တဲ့အတိုင်း ပြောပြနိုင်ရင် ကောင်းကင်နိုင်ငံတော်ကျယ်ပြန့်ရေးအတွက် ဘယ်လောက်များ အကျိုးပြုနိုင်ပါလိမ့်မလဲ။ ဦးနှောက်ရဲ့ ဆက်စပ်တွေးတောနိုင်မှု စွမ်းအားကို အသုံးမပြုပဲ ကျမ်းစာထဲက သမ္မတရားကို ပိုင်းခြားနားလည် ဖို့ဆိုတာ မဖြစ်နိုင်ပါဘူး။

သမ္မာကျမ်းစာထဲက ဖော်ပြထားတဲ့ ဘုရားရဲ့ ပုဂိုလ်ဖြစ်ခြင်း၊ ဘုရားရဲ့ ဂုဏ်အင်္ဂါများကို နားလည်နိုင်အောင် ပေးနိုင်တာလည်း ဦးနှောက်ရဲ့ အစွမ်းပဲ ဖြစ်ပါတယ်။ အဲဒီ ဦးနှောက်ရဲ့ အစွမ်းနဲ့ပဲ ခေတ်ကာလကို လိုက်ပြီး ဘုရားက သူ့ရဲ့ သားသမီးတွေအတွက် စီမံခဲ့ပုံတွေ၊ ပဋိညာဉ် အသစ်၊ပဋိညာဉ် အဟောင်းတွေ၊ ပညတ်ခေတ် နဲ့ ကျေးဇူးတော်ခေတ် ဆိုတာတွေ ကို နားလည်နိုင်စွမ်း ရှိတာ မဟုတ်ပေဘူးလား။ ဦးနှောက်ရဲ့ အစွမ်းနဲ့ သန့်ရှင်းသောဝိညာဉ်တော်တို့ရဲ့ ဖွင့်ပြမှုသုံးပြီး စစ်မှန်သော နောင်တဆိုတာ ဘာလဲ။ ကယ်တင်ခြင်းကို ဖြစ်စေမယ့် ယုံကြည်မှုဆိုတာ ဘာလဲ၊ အပြစ်သားရဲ့ ဖြောင့်မတ်ခြင်းဆိုတာဘာလဲ ဆိုတာတွေကို နားလည်နိုင်ခြင်းပဲ ဖြစ်ပါတယ်။ ဦးနှောက်ရဲ့ အစွမ်းနဲ့ပဲ အသစ်သော မွေးဖွားခြင်း ဆိုတာဘာလဲ၊ အဲဒီလို မွေးဖွားခဲ့တဲ့ လူများမှာ သီးသောအသီး များဟာ ဘာလဲ ဆိုတဲ့အရာတွေသာမက ခရစ်တော်ရဲ့ ခန္ဓာကိုယ်ဖြစ်တဲ့ အသင်းတော်ကို စနစ်တကျတည်ဆောက်တတ်ဖို့ ၊ အသင်းတော် အုပ်ချုပ်တဲ့ နည်းစနစ်များကို နားလည်ဖို့၊ အသင်းတော်အုပ်ချုပ်သူများဖြစ်တဲ့ သင်းအုပ်၊သင်းထောက်များကို ရွေးချယ်ဖို့ နည်းများကို နားလည်ဖို့ ဦးနှောက်ကိုပဲ အသုံးပြု နားလည်ကြရပါတယ်။ ဒါတွေကတော့ နှလုံးသားသမားများ မသိသေးတဲ့(သို့) သတိမထားမိသေးတဲ့ ဦးနှောက်ရဲ့ အားသာချက်များ ဖြစ်ပါတယ်။

ဦးနှောက်ကို ဦးစားပေးသူ အုပ်စုဝင်များအတွက် နှလုံးသားရဲ့ အားသာချက်ကို ဝေငှချင်ပါတယ်။ ပထမဆုံးအချက်အနေနဲ့ ဦးနှောက်ရဲ့ ဆင်ခြင်တွေးတော ဥာဏ်ဟာ သမ္မာကျမ်းစာထဲက ပြောတဲ့ ယုံကြည်မှုမျိုးကို မဖြစ်ပေါ်စေပါဘူး။ ယုံကြည်ခြင်းဆိုတာ မမြင်ရတဲ့အရာများကို သိမှတ်စွဲလမ်းခြင်းပဲ ဖြစ်ပါတယ်။ ဘုရားသခင်နဲ့ မမြင်ရတဲ့ လောကကို ဦးနှောက်နဲ့ ဘယ်လို စဉ်းစားစဉ်းစား၊ ဘယ်လိုပဲ တွေးခေါ် တွေးခေါ်၊ ဘယ်လိုပဲ ဆင်ခြင်ဆင်ခြင် မဖြစ်နိုင်ပါဘူး။ သိပ္ပံပညာနဲ့ ဖြစ်စေ၊ ဖီလိုဆော်ဖီ သဘောတရားနဲ့ ဖြစ်စေ၊ ကြိုက်သလောက်တွေးခေါ်ပါ။ ကျေနပ်တဲ့ အဖြေကို ရနိုင်မှာ မဟုတ်ပါဘူး။ ဦးနှောက်ရဲ့ ဆင်ခြင်တုံတရားကို သုံးပြီး ဘုရားကို ရှာတွေ့ပြီလို့ ဆိုခဲ့ရင်တောင်မှ မကြာခင်မှာပဲ သံသယပြန်ဝင်လာပြီး ရခဲ့တဲ့ အဖြေဟာ ပျက်ပြယ်သွားနိုင်ပါတယ်။ ဒါကြောင့် ခရစ်ယာန်တို့ရဲ့ ယုံကြည်ခြင်းဟာ ဦးနှောက်ပေါ်မှာ လုံးလုံးမတည်ပါဘူး။ နှလုံးသားပေါ်မှာ တည်ပါတယ်။ မျက်မြင်မြင်ရမှ ယုံမယ်လို့ ဆိုတဲ့သောမထက် မမြင်ရပဲ ယုံတဲ့ သူများက ပိုပြီး မင်္ဂလာ ရှိတယ်လို့ ခရစ်တော် မြွက်ကြားခဲ့ပါတယ်။

ဒုတိယအချက်ကတော့ မျှော်လင့်ခြင်းပါပဲ။ မျှော်လင့်ခြင်းဆိုတဲ့ နေရာမှာ ခရစ်ယာန်တို့ရဲ့ မျှော်လင့်ခြင်းကို ဆိုလိုပါတယ်။ ကြွရောက်လာမယ့် မမြင်ရသေးတဲ့ လောကကို မျှော်လင့်ခြင်း၊ ခရစ်တော်နှင့်အတူတကွ နေထိုင်ရမည့် အချိန်ကာလကို မျှော်လင့်ခြင်း၊ ခမည်းတော်နှင့် သားတော်တို့ရဲ့ ဘုန်းအသရေ ထွန်းတောက်မဲ့ ကာလကို မျှော်လင့်ခြင်း၊ တို့ဟာ ယုံကြည်သူများရဲ့ မျှော်လင့်ခြင်းပဲ ဖြစ်ပါတယ်။ ဒီမျှော်လင့်ခြင်းမျိုးကို ဦးနှောက်နဲ့ လုံးဝမရနိုင်ပါဘူး။ ယုံကြည်ခြင်းကို မဖြစ်ပေါ်စေနိုင်တဲ့ ဦးနှောက်ဟာ ယုံကြည်ခြင်းကနေ ဖြစ်ပေါ်လာတဲ့ မျှော်လင့်ခြင်းကို မဖြစ်ပေါ်စေနိုင်တာ မဆန်းပါဘူး။ ဒါကြောင့် ယုံကြည်ခြင်း မရှိရင် မျှော်လင့်ခြင်းလဲ မရှိပါဘူး။ မိမိစိတ်ကူးနဲ့ လုပ်ယူပြီး မျှော်လင့်ချက်တု တစ်ခုကို ဦးနှောက်သုံးပြီး ဖန်တီးလို့ရပါတယ်။ ဒါပေမဲ့ အဲဒီမျှော်လင့်ချက်ဟာ နေထွက်လာတဲ့အခါ ပျောက်သွားတဲ့ နှင်းပွင့်များလို တခဏအတွင်း ပျောက်သွားနိုင်ပါတယ်။

တတိယအချက်ကတော့ ချစ်ခြင်းမေတ္တာပဲ ဖြစ်ပါတယ်။ အမျိုးသားတယောက်က အမျိုးသမီးတယောက်ကို ဦးနှောက်နဲ့ ချစ်ဖို့ ဆိုတာ မဖြစ်နိုင်ပါဘူး။ ဦးနှောက်နဲ့ ချစ်ပြီး လက်ထပ်ပေါင်းသင်းလို့တော့ ရပါတယ်။ ဒါပေမဲ့ အဲဒီ အိမ်ထောင်ဟာ နှလုံးသားမပါပဲ တည်ဆောက်တဲ့ အိမ်ထောင်ဖြစ်တဲ့ အတွက် မမြဲကြပါဘူး။ လူအချင်းချင်းကြားမှာ ရှိတဲ့ ချစ်မေတ္တာကို ဦးနှောက်နဲ့ သုံးပြီး တည်ဆောက်ဖို့ မလွယ်ကူရင်၊ ဘုရားနဲ့ လူသားများအကြားမှာ ရှိတဲ့ ချစ်မေတ္တာကို ဦးနှောက်နဲ့ တည်ဆောက်ဖို့ဆိုတာ ပိုပြီး မလွယ်ကူပါသေးတယ်။ ဘုရားသခင်ကို နှလုံးသားနဲ့ ပုံအပ်ကာ ချစ်ကာမှ ဘုရားသခင်ရဲ့ ချစ်မေတ္တာကို ခံစားနိုင်မှာ ဖြစ်ပါတယ်။ ကျွန်တော်တို့ရဲ့ နှလုံးသားအိမ်မှာ ဘုရားချစ်မေတ္တာ စီးဆင်းလာလေ၊ မိမိရဲ့ အနီးအနားက သူတွေကို ချစ်မေတ္တာစိတ် မွေးဖွားနိုင်လေလေ ဖြစ်ကြမှာပါ။ ချစ်ခြင်းမေတ္တာနေရာမှာ ဦးနှောက်ဟာ ဘယ်တော့မှာ အသုံးမ၀င်ပါဘူးဗျာ။

အဆုံးသတ်ပြောရရင် ငယ်စဉ်ဘ၀တုန်းက ကျွန်တော်ဟာ ဦးနှောက်အုပ်စုထဲမှာ ပါဝင်ခဲ့ပါတယ်။ ဘုရားသခင်က အစွန်းရောက် ဦးနှောက်အုပ်စုများထဲက ကျွန်တော်ကို ရွေးထုတ်ပြီး နှလုံးသားနဲ့ ယုံကြည်ခြင်းအားဖြင့် ကယ်တင်ခြင်း လမ်းပေါ်တင်ခဲ့ပါတယ်။ နှလုံးသားအားဖြင့် ကယ်တင်ခြင်းလမ်းပေါ်ရောက်ပြီးတဲ့အခါမှာ ကျွန်တော်ဟာ အစွန်းရောက် နှလုံးသားအုပ်စုများထဲ ကျရောက်ဖို့ ဖြစ်ခဲ့ပါတယ်။ ဒါပေမဲ့ ဘုရားသခင်က ကျွန်တော့်ကို မကျရောက်စေပဲ ဘုရားသခင်ရဲ့ စစ်မှန်တဲ့ သမ္မာတရားလမ်းပေါ်ကို တင်ပေးခဲ့ပါတယ်။ အဲဒီအတွက်ကြောင့် ဘုရားသခင်ကို ကျေးဇူးတင်သလို၊ ယုံကြည်သူ ညီအစ်ကို မောင်နှမများအားလုံးကိုလည်း ဦးနှောက်နဲ့ နှလုံးသားကြားမှာ မှန်ကန်စွာ ရပ်တည်နိုင်ကြပါစေလို့ ဆုတောင်းရင်း နိဂုံးချုပ်လိုက်ပါတယ်။ အားလုံးကို ဘုရားသခင် ကောင်းချီးပေးပါစေ။

နာမတော်အားဖြင့်

လှမင်းသူ

 


မုရန်(၄) မဂ္ဂဇင်း
Oct-2012 ရန်ကုန်တွင်ထွက်ပြီ
Download - Click Here

Hits: 805
Comments (0)Add Comment

Write comment
smaller | bigger

busy

Facebook Google Twitter buttons

သက်သေခံချက်များ Testimony (random article)

ဘုန်းကြီးသော လက်ရုံးတော် နှင့် သခင်ယေရှုသည် အနာရောဂါ အမျိုးမျိုးကို ငြိမ်းတော်မူ၏ - ကြည်ကြည်ဋ္ဌေး U.S.A.


ယနေ့က ၂၀၁၄ ခုနှစ် ဧပြီလ (၁၀)ရက်နေ့ပါ နေ့စွဲကိုစရေးတာက ယနေ့ရဲ့ အသစ်သော နေရောင်ခြည်ကို မြင်တွေ့ခွင့်ရတာက ဘုရားရှင်ပေးတဲ့ဂရုဏာတော်ကြောင့်ပါ။
.
ကျွန်မ ဧပြီ (၄) မှာစပြီး ခြေထောက်(၂)ဖက်စလုံးရောင်နေပါတယ် နောက် ဘယ်ဘက်ရင်အုံစနာ နေပါပြီ စနေ တနင်္ဂနွေက အအေးတအားကျနေပါတယ် နောက်သ္မီးငယ်က အမေအပြင်မထွက်နဲ့ Hollen တွေကျလာပြီ နှစ်တိုင်းဆေးရုံရောက်တယ် ထင်းရှုးပွင့် ၀တ်ဆံအ၀ါမှုန့်တွေရယ် ပင်လုံး ကျွတ်ပွင့်တဲ့ချယ်ရီပန်း ဖြူဖြူရဲ့ ၀တ်ဆံမှုန့်တွေက မတဲ့တဲ့သူကို သွေးအဆိပ်သင့်စေပါတယ်။
.
အပါးက “ဟေ့-နင့်အမေ Wendy က သူ့မြေးနဲ့နေပူလို့ဆိုပြိး ခြံထဲမှာ တနေ့လုံးကစားနေကြ တာလေ” အဲဒါကြောင့်နေမှာပါ ခြေတွေရော မျက်နှာရော ဖေါရောင်နေတာဆိုပြီး ကျွန်မကို အခန်းထဲပြန်ထဲ့ထားပါတယ် သက်သာ တာက Flue ဆေးတနှစ်စာ ကာကွယ်ဆေးထိုးပေးထား တာရယ် Fluticasone Propionate Nasal Spray ကိုတနေ့ (၂) ခါရှု နေရလို့ သက်သာရာရပါ တယ် ဒါပေမဲ့။
.
Tuesday မှာ Home Nurse ဂျဲမီ ကအိမ်လာပါတယ် သောက်ဆေးတွေစစ် နေ့စဉ်သောက်တဲ့ Box ထဲထည့်ပေး လိုတဲ့ဆေးကို order မှာပါတယ် ဒါကအပါတ်စဉ် လာလုပ်တာပါ အဲဒီနေ့ က တော့ သူက နှင့်ကြည့်ရတာငါမပျော်ဘူး တခုခုမှားနေတယ်ဆိုပြီး ၁နာရီခွဲကြာ ကျွန်မနဲ့ နေပါ တယ် သွေးပေါင်ချိန် ဆီးချိုစစ် အောက်စီဂျင်တိုင်းပြီး လက်ကောက်ဝတ်မှာ သွေးစမ်းတော့ စမ်းမရဘူး ဖြစ်နေတယ် ဒါနဲ့ နင်ကို ဆေးရုံပို့မယ်လုပ်တော့ ကျွန်မက ငါမသွားချင်ဘူးပြောတယ်။
သူက နင်တအားနာလာယင် ဘာလုပ်လဲ ငါလား Bible ဖတ်တယ် ပြီးယင် Jesus ဆီမှာ ဆုတောင်းပြီးနေတာပေါ့လို့ ပြန်ဖြေလိုက်တော့ ငါပြန်ပြီဆိုပြန်သွားပါတယ် ညနေ (၆) နာရီကျော်ပြီ။ အဲ ကြာသပတေးနေ့မှာ ကျတော့ ဂျင်မီပြဿနာရှာပါပြီ ဆေးရုံမှာ သူသတင်းမေးတော့ မလာဘူး ဆိုတော့ Family Doctor ကိုခေါ်ပြီးပြောတော့ phone ခေါ်လာပါတယ် ဆေးရုံသွားပါပေါ့ နောက် ညနေကျတော့တခါ Heart Center Nurse ကခေါ်လာပါတယ် အင်မာဂျင်ဆီ ဆေးရုံသွားပါတဲ့ နောက်တော့ နှလုံးကုဆရာဝန် Dr မဟာ က ခေါ်လာပါတယ် နင်နှလုံးနာနေတယ်လို့ နင့် Nurse ကပြောတယ် ခုပဲ လူနာတင်ယာဉ် လွှတ် လိုက်မယ် အရေးပေါ်သွားပါပေါ့ ညကျငါလာကြည့်မယ်တဲ့ ကျွန်မက ငါဘာသာသွား မယ်လို့ဖြေလိုက်တယ် အဲ့ဒါနဲ့ အစောက နေစရာမရှိတော့ဘူး။
.
ခုပဲ ဆေးရုံသွားရအောင် ငါလိုက်ပို့မယ် ကဲသောက်တဲ့ဆေး ထိုးတဲ့ဆေးတွေယူ ကားပေါ်တင် ပေါ့ မသွားဘူးဆိုတော့ သူ့မြေးကြီးကို လှမ်းခေါ်ပြီး အကူအညီတောင်းတယ် တခါကျွန်မငြင်း တော့ သူ့အမေ (သ္မီးကြီး) ရောက်ချလာပြီး ဆေးရုံသွားမယ်ပေါ့။
.
ကျွန်မက မသွားချင်ပါဘူး ဆရာကြီး ဦးတင်မောင်ထွန်းက ဟောတဲ့တရားထဲမှာ ဆေးရုံလဲအားမကိုးနဲ့ ဆေးတွေလဲအားမကိုးနဲ့ ဆရာဝန်လဲအားမကိုးနဲ့ တဲ့ ဘုရားသခင်ကိုပဲအားကိုးပါတဲ့ ဒါကြောင့် ငါခု ဘုရားပဲအားကိုးမယ် ဆေးရုံမသွားတော့ဘူး လိုဆိုပြီး လုံးဝမသွားပါဘူး။
.
မြေးကြီး ဖုန်းထပ်ခေါ်ပြီး အဖီးရယ် ဘုရားလဲအားကိုးပါ ဆရာဝန်လဲအားကိုးပါ ( ၂ )ခု အားကိုးတော့ ပိုကောင်းတာပေါ့တဲ့ ကျွန်မက “ဘုရား” တခုပဲအားကိုးမယ် အဲဒါငါ့ဆုံးဖြတ်ချက်ပဲ သေခြင်းတရားက လူတိုင်းရင်ဆိုင်ရမယ် ငါအိမ်မှာပဲနေမယ် သေမယ်။
.
ဘုရားသနားလို့ လူဘ၀မှာဆက်နေခိုင်းလဲ ငါဆက်နေမယ် လုံးဝဆေးရုံမသွားဘူး ဆိုပြီး အိမ်မှာ ပဲနေပါတယ် ညကြတော့ ဒါနဲ့ကျမ်းစာက ဖတ်လက်စ တရားဟောရာကျမ်း အခန်းကြီး ( ၄ ) ကိုရောက်နေတဲ့ စာမျက်နှာကနေစဖတ်ပါတယ် ဖတ်နေရင်းနဲ့ ရင်ဘတ် တခုလုံး နာပါတယ် တနေ ရာက ဓါးနဲ့ထိုးနေသလိုပါဘဲ ဘယ်ဖက်ခြမ်းတခုလုံးနာနေတာပါ။
.
ဒါနဲ့ ဆုတောင်းဆက်ကပ်ပါတယ် လုပ်ချင်တာလေးတွေ ရှိသေးတယ် ခေါ်တော်မူမယ်ဆိုလဲ အများကြီး မခံနိုင်အောင်မနာပဲနဲ့ ၀ိညာဉ်ချုပ်ငြိမ်းပါရစေ ကျွန်မရဲ့လက်တွေကို ကောင်းကင်တမန် တွေ လာချုပ်ထားပေးပါလို့ အသနားခံပါတယ်။
.
ဖတ်ယင်းနဲ့ တရားဟောရာကျမ်း ( ၇း၁၅)မှာ ထာဝရဘုရားသည်လည်း အနာရောဂါရှိသမျှ တို့ကို သင်ဆီက ဖယ်ရှား၍ သင်သိသော အဲဂုတ္တ ပြည်၏ အနာဆိုးကို သင်၌စွဲတော်မမူ သင့်ကိုမုန်းသောသူအပေါင်း တို့၌ စွဲစေတော်မူမည်။ ဆိုတဲ့ကျမ်းချက်ကိုတွေ့ရပါတယ်။
.
အဲဒီမှာ အားရှိသွားပါတယ် ဆုတောင်းလိုက် ကျမ်းဖတ်လိုက်နဲ့ နှစ်များစွာရှာဖွေနေတဲ့အဖြေတခု ကိုပါ သိလိုက်ရပါတယ် ကျမ်းစာကို နှစ်ပေါင်း ( ၂၆ )နှစ်အတွင်းမှာ အခါခါ အကြိမ်များစွာ ဖတ်ခဲ့ ပါတယ် ဖတ်ပြီးတိုင်းစဉ်စားကြည့်မိတယ် ဘာလဲဆိုတာကိုသိချင်မိတာပါ။
.
အဲဒါက ရှင်မဿဲခရစ်ဝင်ကျမ်း အခန်းကြီး ( ၂၄ ) အခန်းငယ် (၁၅)မှာပါ ( ၂၄း၁၅) ထိုကြောင့် ပရောဖက် ဒံယေလ ဟောသည့်အတိုင်း ဖျက်ဆီးတတ်သော ရွံရှာဘွယ်အရာသည် သန့်ရှင်းသော အရပ်ဋ္ဌာန၌ စိုက်နေသည်ကိုသင်တို့မြင်ရလျှင်ကျမ်းစာကို ကြည့်သောသူသည် နားလည်ပါစေ (၁၆) ထိုသို့မြင်ရလျှင် (အခန်းငယ် ၁၆ မှ ၂၂) ကိုဆက်ဖတ်လျှင် တွေ့ရမှာ သိရ မှာပါ အဲဒီ ကျမ်းချက်ကို ကျွန်မဖတ်တိုင်း စဉ်စားနေခဲ့မိတာပါ။
.
ဒီနေ့ညကျမှ ဖတ်ယင်းနဲ့ ကျော်သွားပြီးမှ စိတ်ထဲက ပြန်ဖတ်ကြည့်တော့ တရားဟောရာကျမ်း အခန်းကြီး ( ၇း၂၅-၂၆)မှာတာက ( ၂၅ ) သူတို့ထုသော ရုပ်တု ဆင်းတု ဘုရားများကို မီးရှို့ရ မည် ရုပ်တု ဆင်းတု၌ ပါသော ရွှေငွေကို မတပ်မက်ရ မသိမ်းမယူရ ယူလျှင် အပြစ်ရောက်မည် ဟု စိုးရိမ်စရာရှိ၏ သင်၏ဘုရားသခင် ထာဝရဘုရားသည် စက်ဆုပ်ရွှံရှာတော်မူ၏။
( ၂၆ ) စက်ဆုပ်ရွှံရှာဖွယ်သောအရာကို သင့်အိမ်ထဲသို့မသွင်းရ သွင်းလျှင် သင်သည် ထိုအရာကဲ့ သို့ ကျိန်အပ်သောအရာဖြစ်မည်ဟု စိုးရိမ်စရာရှိ၏ ထိုသို့သောအရာကို သင်သည်အကြွမ်းမဲ့စက် ဆုပ်ရွှံရှာရမည် ကျိန်အပ်သောအရာပင်ဖြစ်ပေ၏။
.
ဟိတ္တိလူ ဂိရဂါရှိလူ အာမောရိလူ ခါနာနိလူ ဖေရဇိလူ ဟိဝိလူ ယေဗုသိလူတည်းဟူသော လူမျိုး ( ၇ )မျိုးရဲ့ အရုပ်တွေကို မပါတ်သက်ဖို့ မိန့်တော်မူချက်ပါ။
.
ကျွန်မဘာမှ ဆွေးနွေးစရာမရှိပါ အဓိပ္ပါယ်ဖေါ်ပြီးလဲ တွေးတောမနေပါ အနက်လဲမဖွင့်ချင်ပါ ဒီကျမ်းချက် ( ၂ )ခုဆက်စပ်လို့ဖတ်ရတာလဲကောင်းပါတယ်။ အိမ်ထောင်မိသားစုရှိ သားသ္မီး မြေး များကိုဖတ်ပြပြီး ဆုံးမရတာက ကျွန်မအတွက်အမြတ်ပါ။
.
အဲဒီမှာ “အားကြီးသော လက်ရုံးတော်ကို ဆန့်တော်မူသော ဘုရားသခင်၏ ရွှေလက်တော်” ကို ကျွန်မ တညဉ့်လုံး ကိုင်စွဲထားခြင်းဖြင့် ရောဂါဝေဒနာ၏ ခံစားရခြင်းမှ ပျောက်ကင်း ရပါလို၏ လို့ ဆုတောင်းပြီး ပဋ္ဌာနာတော် (၇)ခေါက် ရွတ်ပြီး အိပ်ခဲ့ပါတယ်။ ရင်ထဲကနာလေ ရွှေလက်တော်ကို စိတ်နဲ့ တောင့်တနေခဲ့မိပါတယ် အံ့သြဘွယ်သော အမှုကို ဘုရားရှင်ပြုပါတယ်။
.
အဲဒါ မနက်၃း၃၀မှာ ကျွန်မထတော့ ဘာမှ နာကျင်မှု မခံစားရတော့ပါဘူး ကြွက်သားတွေတော့ တင်းကျန်နေပါသေးတယ် ဒါနဲ့ ဒီမနက် (၁၀)နာရီမှာတော့ ဒီသက်သေခံချက်ကိုရေးခဲ့တာပါ။
မနေ့က J.B.C.S မှာ နားထောင်ခဲ့ရတဲ့ မချယ်ရီ ရဲ့ ဂျပန်ပြည် ဆူနာမီ ခံစားချက်ရယ် ဆရာဘုတ် ရဲ့ Sunday တရားတော်ရယ်ကို ကြားနာပြီး 
.
ဘုရားရှင်ပေါ်ပိုမိုအားကိုးတတ်လာတာပါ ခြေထောက်နာနေလဲ ၀တ္တရားမပျက်တဲ့ ဆရာဘုတ်က ကျွန်မရဲ့ တဦးတည်းသော ဆရာသမားကြီးပါ ၊ ဆရာမျိုးသူက ကျမ်းစာဆရာပါ ၊ ကိုချိုကြီးက အားနည်းနေတဲ့ ကျွန်မကို အားပေးကူညီသူ ဓမ္မမိတ်ဆွေကောင်းကြီးပါ၊ “ယေရှုကျွန်ုပ်ခေါ်သံ” နဲ့အတူ J.B.C.S ကိုကျေးဇူးတင်ပါတယ်။ ဆရာတော်ဘုတ်ရဲ့ သာဿနာခရီးစဉ်တွေနားထောင်ပြီး ခွန်အားရ အသက်ရှင်ခွင့် ရနေသလို အတူတူလိုက်ပါခွင့် ရပါစေလို့ ငိုယင်းဆုတောင်းနေမိပါတယ် ဆေးရုံမသွားတာ ၂၀၁၃ ခုနှစ် နိုဝင်ဘာကနေ ကနေ့ထိပါ (၅)လရှိပါပြီ။
.
ကျွန်မလဲ ယာကုပ်ကြီးဆုတောင်းသလိုပဲ ငါ့ အဘ အာဗြဟံနှင့် ဣဇက် ကိုးကွယ်သော ဘုရားသခင် “ငါ့ကိုတသက်လုံး ယနေ့တိုင်အောင် ကျွေးတော်မူသောဘုရားသခင်တည်း” ဟူသော ငါ့ကို ခပ်သိမ်းသောဘေးဒါဏ်အထဲက ကယ်နှုတ်တော်မူသော ကောင်းကင်တမန်သည် ဆရာတော် Saw Augustus မှစ၍ အသင်းသူ အသင်းသား မိသားစုဝင်များ J.B.C.S အားလုံး အပေါ်သို့ စည်းစိမ်ရတတ်သော အစွမ်းသတ္တိကိုပေးတော်မူပါစေသော် ဘုရားသခင်ထာဝရဘုရား ၏ ထံတော်က ဂုဏ်ကျေးဇူးတော်ကြောင့် ပို၍ ပို၍ မြန်ပြည်သာဿနာကို ကြီးထွားအောင် ပြုစု စောင့်ရှောက်နိုင်ပါစေ ပျိုးထောင်နိုင်ပါစေ။
.
ဤမုရန်မဂ္ဂဇင်းကို ပြုစ၍ အင်တာနက် စာမျက်နှာမှာ ဖတ်၍ရအောင် ပြုလုပ်သောသူများ သည်လည်း အဆများစွာသော ကောင်းကြီးမင်္ဂလာကို ရကြပါစေ။
.
ဤစာစောင်ကို ဖတ်ရှုရကြသောသူများသည်လည်း “ငါတို့ သခင်ယေရှုခရစ်နှင့်ငါတို့ အဘ တည်းဟူသော ဘုရားသခင်အထံတော်မှ ဆုကျေးဇူး ဂရုဏာငြိမ်သက်ခြင်းရရှိကြပါစေဟု မေတ္တာ ပို့ပါသည်။
.
သခင်ယေရှုနာမ၌-
ကြည်ကြည်ဋ္ဌေး U.S.A.

 

ဝိညာဉ်ရေးရာ Spiritual (random article)

ညီအစ်ကိုတို့ - ဆရာမျိုးသူ


ဆရာမျိုးသူ
ယုဒသန် နှစ်ခြင်းအသင်းတော် (စင်ကာပူ) ၁၄ - စက်တင်ဘာ - ၂၀၀၈


ဂလာတိ ၆း ၁ -၂
ညီအစ်ကိုတို့ လူသည် သတိလစ်၍တစုံတခုသော ဒုစရိုက်ကို ပြုမိလျှင်ဝိညာဉ်ဆုကျေးဇူးကို ခံရသောသင်တို့သည် အပြစ်သွေးဆောင်ခြင်းနှင့်ကိုယ်တိုင်လွတ်မည့် အကြောင်း ကိုယ့်ကို သတိပြုလျက် သိမ်မွေ့ နူးညံသော သဘောနှင့်ထိုသို့သောသူကို မစ၍ သူ၏ နေရာ၌ တည်မြဲတည်စေပြန်ကြလော့။ ထမ်းရွက် စရာဝန်ချင်း တို့ကို အချင်းချင်း ကူညီ၍ ထမ်းရွက်သော အားဖြင့် ခရစ်တော်၏ တရားကိုကျင့်ကြလော့။အသင်းတော်တွင် ၀ိညာဉ်ခွန်အားနည်းသောသူများရှိပါသည်။ အပြစ်များတွင် ကျင်လည်နေ သူများကို အချင်းချင်း ကူညီမစကြည့်ရှုရန်လိုပါသည်။

ကမ္ဘာဦးကျမ်း အခန်း ၄တွင် ညီကို သတ်သော ကာက္ကုန ကို ဘုရားသခင်က သူ့ ညီဘယ်မှာလည်း မေးသောအခါမသိသလိုနေခဲ့သည်။ ထိုသို့ မဖြစ်စေပဲ အာဗြာဟံကဲ့သို့ သူ့ တူ လောတကို မရမက ကယ်တင် ခေါ်လာသည်။ သောဒုံမြို့ ကို ဘုရားသခင်ဖျက်ဆီးသောအခါလည်း လောတကို ကယ် ထုတ် ခဲ့သည်။

ယခုလည်း မြန်မာပြည်မှ အလုပ်ရှာရန်လာသူ မိတ်ဆွေများစွာရှိပါသည်။ ငွေကြေး၊အလုပ် အကိုင်အဆက်အသွယ် လိုအပ်နေပါသည်။ စင်ကာပူတွင်လည်း အလုပ် အကိုင်သိပ်မလွယ်သော်လည်း မြန်မာပြည်လောက်တော့ မဆိုးသေးပါ။ တတ်နိုင်သမျှ နှုတ်ဖြင့်ဖြစ်စေ၊ လိုအပ်သောအကူအညီများကို ညီအစ်ကိုများကဲ့သို့ ကူညီရန်လိုအပ်ပါသည်။


ဆုတောင်းခြင်း။
ခရစ်တော်တရားကို ကျင့်သောအခါ ၀တ္တရားမကြေသော၊ ဂရုမစိုက်သော ကာက္ကုနကဲ့သို့ မဖြစ်စေပဲ၊ အာဗြာဟံကဲ့သို့ ကိုယ့်ညီ၊ညီမ၊အစ်မ များကို ချစ်သော၊ တာဝန်ကျေပြွန်သော ညီအစ်ကိုမောင်နှမများ ဖြစ်စေရန် အဖဘုရားသခင် မစ ကောင်းချီးပေးသနား တော်မူ ပါမည့် အကြောင်း ယေရှုနာမဖြင့် ဆုတောင်း တောင်းလျှောက်ပါသည်အဖဘုရား။

JBCS Media မှ  2011 ထုတ်ဝေသော နှလုံးသားအိမ်မှ စာအုပ်မှထပ်မံတင်ပြပါသည်။

 

Footer Monthly Articles & Web.Blogs

 

ဝိညာဉ်ရေးဆိုင်ရာလစဉ်ရွေးချယ်ထားသောမုရန်ဆောင်းပါးအချို့

 


Our Friendly Web & Blogs Links
jbcs.org.sg/main
woorank.com/en/www/sawpatrick.net
moemaka.com/2012/06/guest-writer-ပြည်သူတို့လိုချင်နေတ
spiritlessons.com/languages/index.htm
thawthikho.blogspot.com/2010/02/blog-post_9931.html
mahnkoko.blogspot.com.au
divinerevelations.info/languages/index.htm
mcathailand.com
myanmarinsingapore.com
karenfamily.org/profiles/blogs/links-1
zomimessenger.com/2012/09/column-music-column-extra-links-holy.html
streamoflife99.com/articles/jesus18yrsproblem.html
tudoenkung.wordpress.com/online-bibles
burmesebible.com/links.htm
jinghpawtingsan.blogspot.com/2011/04/morphvox-junior-voice-changer.html
sawkyawoo.com/2011/10/website_21.html
bethelkhrihfabu.net/nitin-bible-relnak.html
immanuelmyanmarchurch.com/apps/blog
mahnkoko.blogspot.com.au/2012/06/blog-post_10.html
kc-nl.blogspot.in/2011/09/2011-ning-ladaw-kcnl-nawku-hpung-wai.html
laaituibaptistchurch.com
mahnkoko.blogspot.com/2012/07/normal-0-false-false-false-en-au-x-none.html
mcflondon.com
dawnathar.blogspot.com/2010/11/blog-post_8330.html
imcwheaton.org
kc-nl.blogspot.com/2012/05/atrocities-in-kachin-land.html
kokomaunguk.blogspot.co.uk/2012/01/blog-post_21.html
sawpatrick.net
shinthan.com
bangkokchristchurch.net
batupuei.webs.com
burmesebible2008.blogspot.com/2009/10/typhoon-in-philippines.html
globalmcf.ning.com
intouchcnet.com
karanilan.webs.com/apps/videos/videos/show/5464117
kokomaunguk.blogspot.com.au/2012/06/blog-post_09.html
kokomaunguk.blogspot.sg/2012/08/blog-post_8666.html
mcctulsa.com
mgchit.blogspot.in/2012/08/blog-post_18.html
mmwebgallery.com
nlbcusa.wordpress.com
sawchit.blog.com/2011/06/12/ကျီးတို့အလယ်မှ-ဒေါင်း
sawchitthu.blogspot.com/2012/03/software-license-version.html
simonkamta.blogspot.com/p/mp3-download_16.html

swecanaan.blogspot.com/2012/09/andriod-phone-program.html
thelordword.com
tkbc-japan.net
bangkokchristchurch.net

haineni.ning.com
bangkokchristchurch.net
globalmcf.ning.com/
thawthikho.blogspot.com
orangeask.com
miccfortwayneusa.blogspot.com
mcflondon.com
kokomaunguk.blogspot.com

mission-one.co.cc                   
chanlinnay.mandalaybloggers.org

thespiritfruit.com
mg-m.blogspot.com  ကျမ်းစာလေ့လာနည်းများ
mcbc4u.blogspot.com မုရန်ဆောင်းပါးအချို့.
www.myatmingalar.com/ မြတ်မင်္ဂလာဒေသနာများ
myanmar-odb.org နေ့စဉ်ခွန်အား(မြန်မာ)

Ref:

http://www.alexa.com

Facebook Twiter Google Buttons

ရယ်ရွှင်ဘွယ်ရာ (Random Selection)

 

ဗဟုသုတဆောင်းပါး (Random Selection)


နိဒါန်း

မြန်မာနိုင်ငံတွင် ကျင်းပသော မြန်မာနိုင်ငံမှ အိမ်ရှင်အဖြစ်လက်ခံကျင်းပခဲ့သည့် AFC U-22 ချန်ပီယံရှစ် ခြေစစ်ပွဲ
(Group-G)ပွဲစဉ်များတွင် ပရိသတ် နှင့် မြန်မာဘော်လုံးအဖွဲ့ချုပ်တို့ ဖြစ်ပျက်ပုံများ၊ အာရှဘောလုံးအဖွဲ့ချုပ်က ၅ပွဲတွင် ၄ပွဲ ပရိတ်သတ်မထိန်းနိုင်မှုကြောင့် မြန်မာဘော်လုံးအဖွဲ့ချုပ်ကို ဒါဏ်ငွေစုစေုပေါင်း ဒေါ်လာ ၂၈၀၀၀ (နှစ်သောင်းရှစ်ထောင်) ဒါဏ်ရိုက်လိုက်ပါသည်။  မြန်မာနိုင်ငံဘောလုံးအဖွဲ့ချုပ်အနေဖြင့် AFC ၏ပြစ်ဒဏ်ချမှတ်ခံရခြင်းအပေါ် အယူခံဝင်သွားမည်မဟုတ်ပဲ ဒဏ်ငွေစုစုပေါင်း (၂၈၀၀၀)ကိုပေးဆောင်သွားမည်ဖြစ်ကြောင်း ဘောလုံးအဖွဲ့ချုပ်၏မီဒီယာဒါရိုက်တာ ဦးစိုးမိုးကျော်က မဇ္ဈိမ ကိုပြောသည်။ မိတ်ဆွေတစ်ယောက်က စိတ်ပျက်စွာဖြင့် မြန်မာတွေ ဒါလောက် ပစ္စလက်ခတ်နိုင်တာ ဘယ်လိုပြုပြင်ပြောင်းလဲမှာလဲ ..ဟုမေးခွန်းထုတ်သည်။

ကိုယ်တွေ့ အတွေ့အကြုံတခု

ကျွန်တော် ဗီယက်နမ်နိုင်ငံ စက်ရုံဆောက်လုပ်ရေးလုပ်ငန်းတွင် ဗီယက်နမ်အလုပ်သမားပေါင်း ၁၀၀၀ကျော် လုပ်ကိုင်ကြရာ၊ ကျွန်တော်တို့ စက်ပစ္စည်း တပ်ဆင်ရေးလုပ်ငန်းအတွက် အင်္ဂလိပ်စကားမပြော၊ နားမလည်သော အလုပ်သမား ၄၀၀ခန့်ရှိသည်။ အင်္ဂလိပ်စကားနားလည်သော Broken English Vietnamese ၂၀ဦးက အုပ်ချုပ်သည်။ ထို၂၀ဦးကို ကျွန်တော်တို့ ကုမ္ပဏီမှ ဒိန်းမတ်၊ ဂျာမန်၊ သြစတြေးလီယံ၊ နယူးဇီလန်၊ စင်ကာပူ နိုင်ငံသားများက ထပ်မံအုပ်ချုပ်သည်။ အင်္ဂလိပ်စကားကို Communication Media အဖြစ် အသုံးပြုရသည်။ ဗီယက်နမ်-စင်ကာပူ စကားပြန်၂ဦးရှိသည်။ ဗီယက်နမ်ဖက်မှ အင်ဂျင်နီယာ၊ အမျိုးသမီးငယ်တစ်ဦးကို လစာကောင်းကောင်းပေးပြီး ငှားထားသည်။ ကျွန်တော်တို့ GEA ကုမ္ပဏီဖက်မှလည်း အင်ဂျင်နီယာ၊ လူငယ်တစ်ဦးကို လစာကောင်းကောင်းပေးပြီး ငှားထားသည်။ လိုအပ်ပါက သူတို့ကို လှမ်းခေါ်ပြီး အကူညီတောင်းရသည်။ တက္ကစီခေါ်ခြင်းမှအစ၊ စက်ဘီး၊ ဆိုင်ကယ်ဝယ်ခြင်း၊ စက်အပိုပစ္စည်းများဝယ်ခြင်းများတွင်လည်း စကားပြန်များကို အားကိုးရသည်။

လုပ်ချင်ရာလုပ်သော ဗီယက်နမ်များကို အလွန်စိတ်ပျက်မိပါသည်။ Broken English Vietnam Supervisors စူပါဗိုက်စာများမှာ လုပ်ရမည့်အလုပ်များကို ပြောပြချိန် Yes, Yes ဟုပြောပြီး၊ အလုပ်သမားများကို လက်ညိုးထိုးခိုင်းပြန်သည်။ အလုပ်သမားများက အလုပ်ခွင်တွင် ဆေးလိပ်တကားကား၊ သူတို့ စူပါဗိုက်စာ မပြောနှင့်၊ ကျွန်တော်တို့ နိုင်ငံခြားသား အုပ်ချုပ်သူများလာလျှင်ပင် ခပ်တည်တည်၊ ထိုင်စကားပြော၊ ဆေးလိပ်သောက်နေကြသည့် ဟေးလားဝါးလား၊ ဘာမထီ အလုပ်သမားများဖြစ်သည်။ ၂နာရီမျှ လွှတ်ထားလိုက်ပြီး သွားကြည့်လိုက်လျှင် လုပ်ချင်ရာလုပ်ထားသောကြောင့် ပြန်ပြင်ဆင်ရပြန်သည်။ အချိန်ကုန် လူပင်ပန်းဖြစ်ရဖန် များသောကြောင့် အချိန်လုံး လှည့်ပတ်၊ သွားလာ၊ ကြည့်ရှု၊ ကွပ်ကဲနေရသည်။ အင်္ဂလိပ်စကား နားလည်သူ ဗီယက်နမ် စူပါဗိုက်စာ များကို ကောင်းကောင်း လေ့ကျင့်သင်ကြားပေးခြင်းတွင် အဓိကအချက်မှာ နာခံမှု ကို အထူးလေ့ကျင့်ပေးရသည်။ မင်းကြိုက်တာလုပ်လို့မရဘူ၊ ပြန်ပြောခွင့်ရှိပေမဲ့ ငါပြောတဲ့အတိုင်းလုပ်ပါ...ဟု စိတ်ထဲမှာပဲ ပြောရသည်။ တလခန့်ကြာသောအခါ စူပါဗိုက်စာများ နာခံမှု ရှိလာပြီး၊ ဟေးလာဝါးလား အလုပ်သမားများကို ကွန်ထရိုး ထိမ်းချုပ်လာနိုင်သည်။ အိုကေတွင် စိုပြေမှု ဖြစ်လာပါသည်။


သို့သော် အလုပ်သမားအသစ်၊ စူပါဗိုက်စာ အသစ်များ ရောက်လာတိုင်း ထိုဗီယက်နမ်များ၏ ဟေးလားဝါလား စိတ်ဓါတ် Hay-la Wah-la Attitude ကိုတွေ့ရပြန်သည်။ ပထမ စူပါဗိုက်စာများလို တလကြာ လေ့ကျင့်သင်ကြားစရာမလိုတော့ပါ။ တစ်ပါတ်တော့ ကြာသည်။ ထိုတစ်ပတ် လေ့ကျင့်သင်ကြားမှုကို ဗီယက်နမ်အချင်းချင်း သင်ကြားခိုင်းလို့မရပါ။ ရာထူး တူနေပါက ဗီယက်နမ်များက မနာခံကြပါ။ နိုင်ငံခြားသားဖြစ်သော ကျွန်တော်တို့ကပဲ ပင်ပမ်းစွာလေ့ကျင့်သင်ကြားပေးရပါသည်။


မြန်မာများကို လေ့ကျင့်သင်ကြားဖို့ဆိုသည်မှာ ဗီယက်နမ်များထက်ခက်ပါမည်။ ဗီယက်နမ်များက အထက်အရာရှိကိုတော့ ကြောက်ရွံ၊ရိုသေ၊ လေးစားကြသည်။ အထက်အရာရှိကို ချစ်ခင်မှု ရှိမရှိတော့မသိသေးပါ။

ဟေးလားဝါးလား စိတ်နေစိတ်ထား
ကျွန်ုပ်သားငယ် ၄နှစ်သား ၁၉၉၀ အချိန်က ကျွန်ုပ်တွင် ငွေကြေးမလုံလောက်သော်လည်း မိသားစုကို စင်ကာပူခေါ်မည်ဟု ဆုံးဖြတ်ခဲ့သည်။ မိတ်ဆွေ ကိုဇော်ညွန့်  (အိမ်ထောင်၊ရီးစားမရှိသေးချိန်) သူက ကျွန်တော့လစာ တလဒေါ်လာ ၁၂၀၀သာ ရှိသည်ကို သိသည်။ အိုဗာတိုင်ရှိမှ ၀င်ငွေပိုရသော ကျွန်တော့အတွက် စိုးရိမ်ပြီး၊ ရော့ ဒေါ်လာ၂၀၀၀ ..မင်းမလိုဘူးဆိုတာ ငါသိပါတယ်၊ ဒါပေမဲ့ လိုလိုမယ်မယ် ယူထားလိုက်ပါ၊ ဘယ်အချိန်မှ ပြန်ပေးပေး ကိစ္စမရှိပါဘူး...ဟုပြောဆိုပြီး အိပ်ထဲအတင်းထိုးထည့်ပါသည်။ ကျွန်တော်သည် လူတိုင်းလိုလိုပင် သူများဆီက အကြွေးမယူလိုသူဖြစ်သည်။ ကလေး၂ယောက်နှင့် မိသားစုကို စင်ကာပူခေါ်ပါက စရိတ်ကြီးမည်သိသော်လည်း ငွေကိုပဓါနထားသူ မဟုတ်သောကြောင့် ခေါ်ဖြစ်အောင်ခေါ်လိုက်သည်။ စင်ကာပူမလာခင် ကျွန်တော့သား ၄နှစ်က သူ့ဝမ်းကွဲ ညီအစ်ကိုများကို ကြွားသည်။ ငါ စင်ကာပူက ပြန်လာရင် မင်းတို့ကို အင်္ဂလိပ်စကားနဲ့ ပြောပစ်လိုက်မယ်… ဟူသတည်း။ အားလုံးငြိမ်ကျသွားပြီး ၆နှစ်သား ဘိုဘိုကျော်က မင်းပြန်လာပြီး ငါတို့နားမလည်တဲ့ အင်္ဂလိပ်စကားနဲ့ပြောရင်တော့ ငါက လက်သီးနဲ့ပိတ်ထိုးလိုက်မှာပေါ့ကွ .. ဟူသတည်။ ခလေးစိတ်ဖြစ်ပါသည်။

ထိုစဉ်က မိသားစုအတွက် အိမ်တအိမ်လုံး ငှားပါမှ တလ ဒေါ်လာ ၇၀၀ ပေးရသည်။ ကျွန်တော့သူငယ်ချင်း ကိုအောင်နိုင်က တ၀က်စီ ဆိုပြီး သူတခန်း၊ ကျွန်တော်တို့မိသားစုတခန်း အတူနေကြသည်။ အိမ်လခက ဒေါ်လာ၃၅၀၊ အပြင် ထမင်းတပွဲ ၁ဒေါ်လာခွဲ၊ ခေါက်ဆွဲတပွဲ ၁ဒေါ်လာ၊ ရထား MRT တစ်မှတ်တိုင် ၃၀ဆင့်၊ ကလေး၂ယောက် မာလင်မောင်း အစိုးရမူလတန်းကျောင်းလခ တစ်ယောက် ၁၂ဒေါ်လာ၊ အိမ်မှာပဲ အလုပ်သွားလျှင် ဘတ်စကားခ အသွား၊ ၃၀ဆင့်၊ အပြန် ၃၀ဆင့်၊ တပတ်တစ်ခါ Jurong East MRT Shopping Center ဟေးလားဝါးလား လျှောက်လည်ခြင်း၊ သူငယ်ချင်းလူပျို ၃၀နှစ်အရွယ်များတွင် ကျွန်တော် အသက်၃၀အရွယ် ကလေး၂ယောက်မိသားစုလိုက် လျှောက်လည် စားသောက်ခြင်း၊ City Hall, China Town, Orchard မြို့ထဲသို့ ၃လ တစ်ခေါက်သွားလည်ပတ်ခြင်း .. စင်ကာပူ ၁၉၉၀ အခြေအနေများဖြစ်သည်။ ယခုခေတ် အိမ်တစ်လုံးငှားခ ဒေါ်လာ ၂၀၀၀ကျော်နေသောကြောင့် အရာရာ ၃ဆမျှ ဈေးတက်သွားသော်လည်း လစာက သိပ်မတိုးလာပါ။ အလုပ်သမားများ ပိုမိုကျပ်တည်းလာသော လက်ရှိ စင်ကာပူအခြေအနေဖြစ်သည်။


ကျွန်ုပ်စိတ်နေစိတ်ထားများကို လေ့လာဆန်းဆစ်ပါက၊ အသက်အရွယ်လိုက် စိတ်သဘောထားများ ပြောင်းလဲလျှက်ရှိပါသည်။ ကြီးမိုက်၊ ခလေးစိတ်၊ စသည့် အားနည်းချက်များကို တွေ့ရသည်။ လွန်ခဲ့သော အနှစ်၂၀က ရှောက်လည်၊ သောက်စား၊ ပျော်ပါးမှုများ အခုလည်း လုပ်ချင်နေသည်။ မလုပ်သင့်တော့ကြောင့် ..ပင်နီစူလာ စားသောက်ဆိုင်များမှာ တိုက်ဂါးဘီယာ ပုလင်းများထောင်ပြီး ဟေးလားဝါးလား စကားပြောနေသော အသက်၂၀၊ ၃၀ကျာ် လူငယ်များ၊ ကို ကြည့်ပြီး၊ ကိုယ်လည်း အရင်လိုဘ၀မျိုးကို ပြန်စဉ်းစားမိပါသည်။ အချိန်က ကျော်လွန်ခဲ့ပါပြီ။ မြန်မာပြည်မှလာသော မိတ်ဆွေများကို တနင်္ဂနွေတွင် လိုက်လံပြလေ့ရှိသည်။



စင်ကာပူရောက် နိုင်ငံတကာအလုပ်သမားများ

စင်ကာပူတွင်လာရောက်အလုပ် လုပ်ကိုင်သူများကို မြန်မာများက နာမည်ပေးထားကြသည်။  Serangoon Road မှ အီန္နိယ၊ ပါကစ္စတန်၊ ဘင်္ဂလားဒေ့ခ်ျ၊ သီရိလင်္ကာများ (မြန်မာအခေါ်ကုလားဆိုသူများ)၊ China Town, Bugis စသည့်နေရာများတွင် တရုပ်ပြည်မကြီးမှ လာရောက်အလုပ်လုပ်သူ (မြန်မာအခေါ် ပြည်ကြီးတရုပ်)၊ Orchard Lucky Plaza တွင် ဖိလစ်ပိုင်နိုင်ငံမှ လာရောက်အလုပ်လုပ်ကိုင်ကြသော (မြန်မာအခေါ် ဖဦးထုပ်မ)၊ Goldmine Tower တွင် ထိုင်းနိုင်ငံမှလာရောက်အလုပ်လုပ်ကိုင်သူ (မြန်မာခေါ် ယိုးဒယား)၊ "မ" ဟုခေါ်သော မလေးရှားလူမျိုးများ၊ "ဗ" ဗလချိုက်များ၊ "ဘဂုံး" ခေါ်ခံရသူ ဘင်္ဂလားလူမျိုးများ၊ "ကကြီး၊ ဂငယ်"  ဟု အခေါ်ခံရသူ ကိုးရီးယား၊ ဂျပန်များ၊  မိမိကိုယ်ကို တန်ဘိုးထားပြီး "ရွှေ" ဟုခေါ်သော မြန်မာများ... ပေးထားသော အတိုကောက်အမည်များ ဖြစ်ပါသည်။ ထိုလူများ သူတို့စုရပ်များတွင် တနင်္ဂနွေဆို အုပ်စုလိုက်ရောက်လာပြီး မတ်တပ်ရပ် (သို့မဟုတ်) မြေကြီးပေါ်အခင်းခင်းထိုင်၊ စားစရာများ စားသောက်၊ စကားပြောနေကြသည်။

အပမ်းဖြေချိန်ဖြစ်သည်။ သူတို့တတွေ မတ်တပ်ရပ်၊ စုဝေး၊ စကားပြေးနေကြသည်များကို ကြည့်ပြီး ကျွန်တော့သမီးငယ်က မေးသည်။ အားဝါး (ကချင်လို၊ အဖေဟုခေါ်ပါသည်) .. လူတွေအများကြီး မတ်တပ်ရပ်ပြီး၊ အကြားကြီးပဲ၊ ဘာလုပ်နေကြတာလဲ ....ဟု နာမလည်နိုင်ဖြစ်နေသည်။ သမီးရယ် ... ဟေးလားဝါးလား ..လုပ်နေတာပေါ့ကွယ်...ဟု ပြုံးပြိးအဖြလိုက်သည်။ သမီးက ဟေးလားဝါးလား ဆိုသော စကားလုံးကို ကျွန်တော်တို့ ဇနီးမောင်နှံ ပြောနေကျ ဖြစ်သောကြောင့် သဘောပေါက်သွားပါသည်။

အင်္ဂလိပ်လည်း ပျော်ပျော်ပါးပါးပါ

နောက်ကြုံသောအခါ ဟေးလားဝါးလား စိတ်နေစိတ်ထားများကို ရေးချင်ပါသည်။ လူငယ်၊ လူကြီးတိုင်းတွင် မိတ်ဆွေများ စုစည်းလာသောခါ ငယ်မူပြန်လာတတ်သည်။ လူငယ်များ စုစည်းမိချိန် (ဥပမာ ဘော်လုံးပွဲ အားပေးချိန်) စိတ်ကြွလာလေ့ရှိသည်။ ကျွန်တော့မိတ်ဆွေ စင်ကာပူနိုင်ငံသား လုပ်ဖေါ်ကိုင်ဖက်များစွာမှာ စင်ကာပူ ဒီပလိုမာ (ပိုလီ) ရရှိပြီး၊ ဘွဲ့ရရန် အင်္ဂလန်နိုင်ငံသို့ ဒေါ်လာ၂သောင်း အကုန်ခံပြီး ဘွဲ့သွားယူသူများစွာရှိသည်။ သူတို့က အင်္ဂလန်မှာနေရင် စင်ကာပူ၊မလေးရှား ကျောင်းသားများ မသွားသင့်တဲ့ နေရာကတော့ အင်္ဂလိပ်ဘော်လုံးပွဲတွေပဲ။ သူတို့က နံစော်၊ ညစ်ပတ်ပြီး၊ အလွန်ကြမ်းတယ်။ ငါတို့ အာရှတိုက်သားတွေက ပုပုလေးတွေ..တော်ကြာ သူတို့ ဟေးလားဝါးလား လုပ်တဲ့အထဲ ဓါးစာခံ ဖြစ်သွားရင် မသက်သာဘူး။ အင်္ဂလန်မှာ ပညာသင်ချိန် ဘော်လုံးဝါသနာပါပေမဲ့ ဘောပွဲသွားမကြည့်ရဲဘူး...လို့ ပြောပြပါသည်။ အမေရိကန်ဖွတ်ဘော ဆိုသော အမေရိကန်လူငယ်များလည်း ကြမ်းတမ်းလှပါသည်။ ထိုပွဲများကို အမေရိကားရောက် မြန်မာများ သွားကြည့်လေ့မရှိပါ။ ဒီမိုကရေစီဘိုးအေ အမေရိကန်၊ အင်္ဂလိပ်များလည်း ဖွတ်ဘော ပရိတ်သတ်မှာတော့ ဖွတ်ချင်းအတူတူပါပဲ ဟုပြောလိုပါသည်။ အင်္ဂလိပ်ကလပ်အသင်းများကို နှစ်ပေါင်းများစွာ ကမ္ဘာ့ပြိုင်ပွဲများက ပယ်ခံခြင်း မကြာခဏဖြစ်လေ့ရှိပါသည်။ မြန်မာဗိယက်နမ်များသည် အင်္ဂလိပ်အမေရိကန်၊ မိတ်ဆွေများဟု ပြောလို့ရပါသည်။ ပျော်ပါး၊ကြမ်းတမ်းမှုတွင် တူပါသည်။ ကားမောင်းရာတွင်ပင် အမေရိကန်စတိုင် ဖြစ်သည်။ လက်ယာကပ်မောင်းစနစ် မြန်မာ၊ဗီယက်နမ်နိုင်ငံတွင်သာ ရှိပြီး အခြားအရှေ့တောင်အာရှနိုင်ငံများတွင် လက်ဝဲကပ်မောင်းစနစ်ဖြစ်သည်။

အဓိကရေးချင်သော ဟေးလားဝါးလာ စိတ်ဓါတ်မှာ "လ" သုံးလုံး စိတ်ဓါတ်ဖြစ်ပါသည်။ ဘော်လုံးပွဲ စည်းကမ်းမလိုက်နာမှုကို ကျွန်ုပ်မရေးလိုပါ။ ဒီမိုကရေစီ ဘိုးအေကြီး အင်္ဂလိပ်လူမျိုးများပင် ဘော်လုံးပွဲတွင် ဟေးလားဝါးလား ဖြစ်ရတော့ ဖြစ်ပါစေ။  အခြားအဓိက "လ" သုံးလုံးဖြစ်သော လိင်၊ လပ် (လက်ဆောင်) နှင့် လောင်း (လောင်းကစားခြင်း) ၃မျိုး လွန်ကျူးသော နိုင်ငံခေါင်းဆောင်များကြောင့် တိုင်းပြည် ဖွတ်ဖွတ်ကျေခဲ့ရသည်။


နိဂုံး

အနာထုတ်ထိုး၊ မျက်ခြောက်ရေနှုး များများမလုပ်တော့ပါ။
ပညာတတ်၊ နားလည်လွယ်သော မြန်မာများအတွက် "လ" သုံးလုံးစိတ်နေစိတ်ထားများ၊ ဒေါသကြီးမှုများကို ပြုပြင်ပြောင်းလဲရန် ကျွန်ုပ်ဇနီးသည်၊ သားသမီးများနှင့် စတင်လေ့ကျင့်လျှက်ရှိပါကြောင်း၊

ရွှင်လန်းချမ်းမြေ့ပါစေ..။

ဇော်အောင်

 

ချီးမွမ်းတေးသီချင်းနှင့်ကဗျာများ (random hymn No.1)


Lord I lift Your Name on High
Lord I love to sing Your praises.
I'm so glad You're in my life.
I'm so glad  You came to save us.  (repeat)

You came from Heaven to Earth

To show The Way.
From the Earth to The Cross,
My debt You paid.
From The Cross to the grave,
From the grave to the sky,
Lord I lift Your Name on High;  (3x)

 

ချီးမွမ်းတေးသီချင်းနှင့်ကဗျာများ (random hymn No.2)

Friday, 20 November 2009 14:29 - Murann, re-post

God is Working

ကျမ်းစာမှာရေးထားပါတယ်။  “မြေကြီးသားအပေါင်းတို့၊ ထာဝရဘုရားအား သီချင်းဆိုကြလော့။ ကယ်တင်တော်မူခြင်းတရားကို တစ်နေ့ထက် တစ်နေ့ညွှန်ကြားကြလော့။ ဘုန်းတော်ကို တပါးအမျိုးသားတို့၌၄င်း၊ အံ့ဘွယ်သောအမှုတော်တို့ကို ခပ်သိမ်းသော လူမျိုးတို့၌၄င်း ဘော်ပြကြလော့။ ထာဝရဘုရားသည် ကြီးမြတ်၍၊ အလွန်ချီးမွမ်းဘွယ်ဖြစ်တော် မူ၏။ ဘုရားတကာ တို့ထက် ကြောက်ရွံ့ဘွယ်ဖြစ်တော်မူ၏။ ၅ရာ ၁၆း ၂၃-၂၅

လူငယ်အများစုဟာ ။ တေးဂီတ၊ သီချင်းဆိုခြင်း၊ ကခုန်ခြင်း တွေမှာ ပါရမီ ကောင်းကြပါတယ်။ ထာဝရဘုရားက မောရှေရဲ့ တောင်ဝှေးတော်ကို အလွန်အားကြီးတဲ့ လက်နက်အဖြစ် ပင်လယ်ကြီးကို ၂ပိုင်းခွဲစေခဲ့ပါတယ်။ ရှင်ပေါလုရဲ့ လက်သုံးပုဝါကို လူနာများ နားမကျန်းသူများကို ပျောက်ကင်း၊ချမ်းသာစေခဲ့ပါတယ်။ သခင်ယေရှုက သူငယ်လေးရဲ့ သေးငယ်တဲ့ စားစရာကို ထောင်နဲ့ချီတဲ့ ဆာလောင်နေတဲ့သူ့ နောက်ကို လိုက်နေသူများကို ကျွေးမွေးခဲ့ပါတယ်။ ဒီလိုပါပဲ .. ထာဝရဘုရားဟာ ယုံကြည်သူများစွာက တေးဂီတအားဖြင့်ု အသုံးချရာမှ  စိတ်လေလွင့်နေသော သား၊သမီး များစွာကို ပြောင်းလဲစေပါတယ်။

ကျွန်တော်ဟာ ယုံကြည်ခြင်းအားဖြင့် ဂီတပညာအားဖြင့် အသင်းတော်မှာ  ဘုရားအမှုတော်ကို ထမ်းဆောင်နေတဲ့ ပါရမီရှင် လူငယ်များစွာကို အမြဲတမ်း ကျေးဇူးတင်ပါတယ်။ ထာဝရဘုရားဟာ အသင်းတော်တိုင်းကိုလည်း ဂီတပညာရှင်များ ပေးအပ်ထားတယ်လို့ ယုံကြည်ပါတယ်။ ကိုးကွယ်ဝတ်ပြု ခြင်း နဲ့ ဘာသာရေး အခမ်းအနားတွေ ပိုပြီးအသက်ဝင်လာတာ သူတို့တစ်တွေရဲ့ တေးဂီတအားဖြင့် ဖြစ်ပြီး ဂီတဟာ လူ့စိတ်နှလုံးသားကို သာယာမြုးကြွ စေပါတယ်။

Fanny Crosby ရဲ့ ဓမ္မသီချင်းများမှာ သူတစ်ဦးတည်းအတွက် ကိုယ်ပိုင် စပ်ဆိုထားတဲ့  ဒေသနာကျမ်း ၁၂း၆  နဲ့  ဗျာဒိတ်ကျမ်း ၂၂း၎-၅ တို့ကို ပေါင်းစပ်ထားတဲ့ ဓမ္မသီချင်းဖြစ်ပါတယ်။ နှစ်ပေါင်းများစွာ အခြားသူများကို မပြသပဲ ထားခဲ့ပါတယ်။ ပါမေက္ခ ကက်နက် အိုစဘက် ဆိုသူက ဘယ်လိုနည်းနဲ့ လူအများကို ဖွင့်ပြခဲ့တဲ့အကြောင်းကို အောက်ပါအတိုင်း ပြန်ပြောပြခဲ့ပါတယ်။ 

တစ်နေ့ မက်ဆာချူးချက်ပြည်နယ်က ကျမ်းစာကွန်ဖရင့်တခုမှာ Miss Fanny Crosby ကို  Dwight L. Moody ဆိုသူက သက်သေခံဖို့ရာ မေးခွန်းတခု မေးပါတယ်။ သူမရဲ့ အသက်တာမှာ ယုံကြည်မှု အတွက်ဘယ်လို တည်ဆောက်ပါသလဲ တဲ့.. မေးခွန်းကို ဖြေဆိုဖို့ ပထမတော့ ချီတုံချတုံ ဖြစ်ခဲ့ပါသေးတယ်။ ပြီးမှ ငြိမ်သက်စွာ ထပြီးတော့ ပြောပါတယ်။ “ကျွန်မ ရေးထားပြီး ပုံနှိပ်ဖေါ်ပြခြင်း မရှိသေးတဲ့ ဓမ္မသီချင်းတပုဒ် ရှိပါတယ်။ ကျွန်မရဲ့ ၀ိညာဉ်ကဗျာ လို့ အမည် မှဲ့ထားပါတယ်။ ရံဖန်ရံခါ  ဒုက္ခဆင်းရဲ ခံစားရချိန်များမှာ ကျွန်မ နှလုံးသားကို နှစ်သိမ့်အားပေးဖို့ရာ  ဒီဓမ္မသီချင်းကို ထပ်ခါထပ်ခါ ဆိုပါတယ်။   သူမဟာ သီဆိုချီးမွမ်းပြတဲ့အချိန်မှာ လူများစွာ မျက်ရည် ကျခဲ့ရပါတယ်။    “Someday the silver cord will break, and I no more as now shall sing; but O the joy when I shall wake within the palace of the King! And I shall see Him face to face, and tell the story—saved by grace!” အသက်၂၅နှစ် အရွယ်မှာပဲ သခင်ယေရှုရဲ့ မျက်နှာကို သူမ ပထမဆုံး မြင်ရလိမ့်မယ်ဆိုတာကို သဘောပေါက်သိရှိခဲ့ရပါတယ်။

Frances Jane "Fanny" Crosby (1820-1915) ဟာ အမေရိကန် ဓမ္မသီချင်းရေးသူ နဲ့ ကဗျာ ဆရာမ ဖြစ်ပါတယ်။ သူမ အသက်တာမှာ အပုဒ်ရေ ရှစ်ထောင်ကျော် ရေးသားခဲ့ပါတယ်။ မျက်စိ မမြင်တဲ့ Fanny Crosby ကို ဓမ္မဆရာတဦးက သနားဂရုနာနဲ့  “သခင်က မျက်စိအလင်းကို မပေးခဲ့ပေမဲ့ - အခြားကျေးဇူးတော်များကို သူမ အပေါ် သက်ရောက်စေခဲ့တယ်”  လို့ ပြောဆိုခဲ့ပါတယ်။ အဲဒီအခါ သူမ လျှင်မြန်စွာ ပြန်ပြော လိုက်တာကတော့   “ကျွန်မ မွေးစအချိန်မှာ ဘာအလိုချင်ဆုံးလဲလို့ အသနားခံခွင့်ရရင် မျက်စိမမြင်ဘဲ မွေးဖွားရှင်သန်ခြင်းကိုပဲ ကျွန်မ လိုချင်ပါတယ်” ။  အံ့အားသင့်သွားတဲ့ ဓမ္မဆရာက “ဘာကြောင့်လဲ” လို့ ပြန်မေးတော့   “ဘာကြောင့်လဲဆိုတော့ ကျွန်မ ကောင်းကင်ဘုံ ရောက်ချိန်မှာ ပထမဆုံး မြင်ရမဲ့ မျက်နှာက ကျွန်မရဲ့ ကယ်တင်ရှင် ဖြစ်လို့ပါ”  လို့ ဖြေလိုက်ပါတယ်။    

Fanny ၏ ဓမ္မသီချင်းအချို့
ဘုရားမြတ်သခင်အား ဘုန်းကြီးစေသတည်း  ၆၆
ကယ်တင်ရှင် လွန်မသွားပါနှင့်  ၂၀၂
ခေါ်တော်မူသံကို ကျွန်ုပ်ကြားရပြီ  ၁၇၁
ကယ်တင်ရှင် ငါ့ကိုလမ်းပြသည် .. ၂၅၄

Author:
Rev. Latt Yishey ဆရာတော် ဦးလတ်ယေရှဲ Pastor Blog မှ English ဘာသာမှ မြန်မာပြန်ဆိုထားပါသည်။
First Baptist Burmese Church, San Francisco

 

ချီးမွမ်းတေးသီချင်းနှင့်ကဗျာများ (random hymn No.3)

ဘုန်းကြီးရွေးနှုတ်ရှင် ထာဝရဘုရား
ကျွန်ုပ်ရဲတိုက် ကျွန်ုပ်ခိုလှုံရာဘုရား
အနှိုင်းမဲ့ယေရှု နာမတစ်ပါးသာ
တန်ခိုးများအထက် အစဉ်အုပ်စိုးသူ

ကျွန်ုပ်အသက်အမြစ်ဖြစ်ရာ
ထာဝရကျောက်
ကျွန်ုပ်ဘ၀လှုပ်ရှားရာနှင့်ကင်းစေ
နှလုံးသား၏ အမြဲမျှော်လင့်ခြင်းအရှင်
ကျွန်ုပ်အသက်၏ကယ်တင်ခြင်းသခင်

သခင့်ရဲ့ဘုန်းနှုတ်မှာ အစဉ်ချီးမွမ်း
သခင့်ရဲ့စကားနှလုံးမှာ ရှင်သန်လျက်
ချီးမွမ်းသီချင်း ဂုဏ်တော်အသစ်ကို ချီးမွမ်း
ကောင်းချီးပေး သခင်နာမတော်

ကျွန်ုပ်ဘဝ ဝမ်းမြောက်စေထာဝရအမြဲ
သခင့်၌ကျွန်ုပ် မွေ့လျော်ပျော်ရွှင်၍
ချီးမွမ်းသီချင်း ဂုဏ်တော်အသစ်ကိုချီးမွမ်း
ကောင်းချီးပေးသခင်နာမ . . .

ခွန်အားမဲ့သောအခါ
သခင်ကျွန်ုပ်အစွမ်း
ချို့တဲ့သောအချိန်၌ ကျွန်ုပ်ချမ်းသာ
ကိုယ်တော်ရဲ့ ဘုန်းတော်နာမဖြင့်
(အရာရာတတ်စွမ်းနိုင်သည် . . .)

ခွန်အားမဲ့သောအခါ
သခင်ကျွန်ုပ်အစွမ်း
ချို့တဲ့သောအချိန်၌ ကျွန်ုပ်ချမ်းသာ
ကိုယ်တော်ရဲ့ ဘုန်းတော်နာမဖြင့်
(အရာရာတတ်စွမ်းနိုင်သည် . . .)








AYarYarTatSwanNaingThi.ppt