ကိုဇောက်ထိုး နဲ့ ဆရာမျက်ပြူး 
ကိုဇောက်ထိုးတစ်ယောက် ဘီယာကလေးသောက်အပြီး ယိုင်တိယိုင်တိုင် ပြန်အလာ၊ ဂျော်နသန်နှိပ်ခြင်း အသင်းတော်မှ ဆရာ မျက်ပြူးနှင့် လမ်း၌ ပက်ပင်းတိုးမိတော့သည်။ ကမန်းကတန်း လမ်းကြောင်းလွဲရန် ကြိုးစားသော်လည်း နောက်ကျချေပြီ။ ဆရာမျက်ပြူးက ရှေ့ မှပိတ်ရပ်လျက်
မျက်ပြူး။။ ”ကို ဇောက်ထိုး၊ ဘယ်လိုဖြစ်လာတာလဲ အတင်းထောက် တစ်ယောက်လုပ်နေပြီးတော့ လူမြင်လို့ မကောင်းပါဘူး။ ဘုရား လည်းမကြိုက်ဘူး။”
ဇောက်ထိုး။ ။”အတင်းထောက် မဟုတ်ပါဘူး ဆရာရယ်၊ အသင်းထောက်ပါ။ ကျွန်တော် ဘာမှမဖြစ်ပါဘူး။ နော်မယ်(လ်) ပါပဲ။ဘာများ မှားနေလို့ လဲ။”
မျက်ပြူး။ ။”ဒီလောက် မျက်နှာကြီး နီပြီး ယိုင်တိယိုင်ထိုးဖြစ်နေတာ ဘာမှမဖြစ်ဘူးဆိုတာ ဘယ်ဟုတ်ပါ့မလဲ။ ပြောတော့ ဘွန်းအဂင်းဆို။”
ဇောက်ထိုး။။ ”ဘွန်းအဂင်းမှ ဘွန်းအဂင်း စစ်စစ် ရေမရောဘူး။ ဘီယာလေး နည်းနည်းဘဲ သောက်မိ တာပါ၊”
မျက်ပြူး။။ ”ပြောရင်းဆိုရင်း အရက်သမား စကားက ပါလာပြန်ပြီ၊ ဒီမှာ ဘီယာ ဆိုတာ မကောင်းဘူး၊ ကျမ်းစာထဲ မှာ လည်း ပညတ်ထားတယ် မဟုတ်လား”
ကို ဇောက်ထိုး တစ်ယောက်ဘာပြန်ပြောရမှန်းမသိ။ လိမ်လို့ လည်း မရ။ မရသည့် အဆုံး ရှက်ရှက်နှင့် ရမ်းတော့သည်။
ဇောက်ထိုး။ ။ ”အို၊ ဆရာ ကလည်း ကျမ်းစာ ထဲမှာ ဘီယာ မသောက်ရလို့ မှ မပါတာ။ ဘီယာ ဆိုတဲ့ စကားလုံးကို ရှာကြည့်စမ်းပါ။ ရှိမရှိ”
ဆရာမျက်ပြူး လည်း ပါလာသည့်ပီဒီအေ လေးကို ထုတ်ခါ၊ မြန်မာသမ္မာကျမ်းစာ၌ ဘီယာ နှင့် အစချီ၍ ရှာတော့သည်။ ဘယ်လိုရှာရှာ ရှာမတွေ့ ။ ချွေးများပင် စို့ လာတော့သည်။ ဇွဲတော့မလျှော့။ ထပ်၍ ရှာပြန်သည်။ ကိုဇောက်ထိုးကတော့ အောင်နိုင်သူပမာ ပြုံးပြုံးကြီး ကြည့်နေသည်။ ဆရာ မျက်ပြူးလည်း ရှာမရသည့်အဆုံး၊
မျက်ပြူး ။ ။ ”ကဲ ကဲ ကိုဇောက်ထိုး ၊ ဆရာလည်း ရှာလို့ မတွေ့ တော့ဘူး။ ကျမ်းစာက ဘီယာမသောက်လို့ မပြောလည်း၊ သောက်ဖို့ တော့ မကောင်းဘူးပေါ့ဗျာ။ ဆရာ သွားပြီ”
ဇောက်ထိုး။ ။” ကောင်းပါပြီ ဆရာ”
ကိုဇောက်ထိုး တစ်ယောက် အိမ်သို့  အူမြူးစွာ ပြန်ရောက်သွားသည်။ ကျမ်းစာမှာ ဘီယာ မသောက်ရ လို့ ပါတာမှ မဟုတ်တာ။ ကောင်းလိုက် တဲ့ စောဒက။ သူ့ ဘာသာ သူ တွေးပြီး ကျေနပ်နေသည်။
အိမ်သို့ ပြန်အရောက် ဖိနပ်ချွတ်နေစဉ်၊ မိန်းမဖြစ်သူ တစ်ခန်းလုံးသိမ်းမှ ထွက်လာကာ ခါးထောက်လျက်
တစ်ခန်းလုံသိမ်း။ ။ ”ရှင် ဒီအရည်တွေ သောက်လာပြန်ပြီးလား”
ဇောက်ထိုး။ ။”တစ်ခါတစ်လေ ပါမိန်းမရာ”
တစ်ခန်းလုံးသိမ်း။ ။” ဘာတစ်ခါတစ်လေလည်း၊ ကျမ်းစာက (အရက်) ဒီအရည်တွေ မသောက်ရလို့ ပြောတယ်မဟုတ်လား”
ဇောက်ထိုးအကွက်ဝင်လာချေပြီ။ ဆရာမျက်ပြူးအား ပြောသကဲ့သို့  ပြန်ပြောရန် အကွက်ဆိုက်လာပြီ။
ဇောက်ထိုး ။ ။ ”ဘယ်မှာ ပြောလို့ လဲ။ ဘီယာ ဆို တဲ့ စကားလုံး ကျမ်းစာမှာ ရှာပြစမ်းပါ။ တွေ့ လို့ ရှိရင် အခုပဲ ဘီယာကို ဖြတ်လိုက်တော့မယ်။”
တစ်ခန်းလုံးသိမ်း။ ။”ဟင်းဟင်း။ ရှိတာပေါ့ လာ၊ ဒီမှာ ပြမယ်”
တစ်ခန်းလုံးသိမ်း ကိုဇောက်ထိုးကို နားရွက်မှ ဆွဲကာ အိမ်ထဲသို့ ခေါ်သွားသည်။ ကိုဇောက်ထိုးလည်း နားအဆွဲခံရသဖြင့် ညည်းညူရင်း ပါသွားသည်။တစ်နေရာ အရောက်၊ နံရံပေါ်၌ ကပ်ထားသော ပိုစတာ ဆိုဒ် စာရွက်ကို ညွန်ပြရင်း၊
တစ်ခန်းလုံးသိမ်း၊။ ”ဒီမှာ ကျမ ကျမ်းစာ သေသေချာချာ ဖတ်”
ကိုဇောက်ထိုးတစ်ယောက် ဖတ်ရှု့ သောအခါ အောက်ပါအတိုင်း တွေ့ ရလေသည်။
ပညတ်တော်ဆယ်ပါး
၁။ မိမိမယားကို ကိုယ်စွမ်း ရှိသမျှ၊ ဥာဏ်စွမ်း ရှိသမျှ ချစ်လော။
၂။ အိမ်နီးနားခြင်း အပျိုများကို ယောင်လို့ မှတောင် လှည့်မကြည့်ရ။
၃။ဘီယာ မသောက်ရ။
၎။ရေမွေး မစွတ်ရ။
၅။ အကျီ အကောင်း မ၀တ်ရ။
၆။ဘီး မဖီးရ။
ရ။မိန်းမ မပါပဲ ဘယ်မှ မသွားရ။
ဂ။ ဘုရားကျောင်းမှ ကောင်မလေးများနှင့် လိုသည်ထက်ပို မဆက်ဆံရ။
၉။သူငယ်ချင်းများ နှင့် အချိန်အကြာကြီး ဖုန်းမပြောရ။
၁၀။ မိန်းမကိုသာလျှင် ကိုးကွယ်ရမည်။
အခန်းကြီး(၁) အခန်းငယ်(၁) သာရှိသော မိန်းမမှ ရေးသားထားသည့်ကျမ်းစာ ပါ ပညတ်တော်ဆယ်ပါးကို ဖတ်ရှု့ အပြီး၊ ကိုဇောက်ထိုး တစ်ယောက် ဆရာမျက်ပြူးအား စကားနိုင်လုထားသည်ကို နောင်တရလျက် မိန်းမရှေ့ မှောက်၌ ကြက်ကြီးလည်လိမ်ထားသကဲ့သို့ ငုတ်တုတ်ထိုင်နေတော့သတည်း။
*************************
Subscribe to this comment's feed
