တောမျိုးစေနဲ့ကောင်းသောမျိုးစေ့ - ဆရာဒေးဗစ်လား 19June2015, Singapore

ဘုရားနဲ့ရင်းနှီးတယ်ဆိုတာ ကိုယ်ကဘုရားဆီကိုချဉ်းကပ်ခြင်းဖြစ်ပါတယ်။ အတူနေထိုင်သွားလာတော့ ကိုယ်နဲ့ဘုရား တယောက်အကြောင်းတယောက် ကောင်းကောင်းသိရပါတယ်။ ဘုရားသခင်ရဲ့ ကောင်းမြတ်ကြောင်းတွေ၊ ဘုရားမကြိုက်တဲ့အလုပ်ကို ရှောင်တတ်မယ်၊ ဘုရား နှစ်သက်တဲ့အလုပ်တွေကို လုပ်မယ်။ ရင်းနှီးထားဖို့လိုပါတယ်။

မြန်မာပြည်က ပြသနာအနည်းငယ်ပြောပြချင်ပါတယ်။ လှည့်စားခြင်းခံရတဲ့အသက်တာ ဆိုတာရှိပါတယ်။ ကိုယ်က ဘုရားနဲ့အတူသွားလာ၊ ရင်းနှီးတယ်ဆိုပေမဲ့ တချို့အရာများကို နားလည်သဘောပေါက် လက်ခံဖို့လိုပါတယ်။

ဝိညာဉ်တော် ဆင်းကြွတော်မူပါ .... ဆိုတဲ့အပိုဒ်ပါ။ သီချင်းတွေလည်း အရမ်းဆိုလို့ကောင်းပါတယ်။

တချို့က ဒါကိုတမျိုးမြင်တယ်။ တမန်တော်ခေတ် ယေရှုအထက်အရပ်ကို ကြွသွားတော်မူပြီးတဲ့နောက် ဝိညာဉ်တော်သက်ဆင်းမှု ဖြစ်ပေါ်လာတယ်။ တမန်တော် ၂ မှာရေးထားပါတယ်။ ပြည့်ဝပြီး လူတွေ မိန်းမောခြင်းခံစားရတယ်။ အထူးသဖြင့် အီဗင်ဂျယ်လိကယ် တွေက လက်မခံကြပါဘူး။ သူတို့က သခင်ယေရှု ဂျော်ဒန်မြစ်မှာ နှစ်ခြင်းခံတယ်။ အဲဒီအချိန်မှာ ဝိညာဉ်တော်က ဂျိုးငှက်သဏ္ဍန်နဲ့ မိုးကောင်းကင်ပေါ်က ကျဆင်းလာပြီး ယေရှုအပေါ်နားလိုက်တယ်။ ဒါဟာ ဝိညာဉ်တော်ဆင်းကြွလာပြီးသွားပြီ၊ ဝိညာဉ်တော် တံဆိပ်ခပ်ပြီးသွားပြီ။ တစ်ခါပဲ ဆင်းကြွမယ်၊ ဝိညာဉ်တော်က ကျနော်တို့ ယုံကြည်သူများနဲ့ အတူရှိနေပြီဖြစ်လို့ ခဏခဏ ကြွဆင်းလာစရာမလိုတော့ဘူး။ တခါကြွဆင်းလာတာနဲ့ လုံလောက်တယ် လို့ခံယူကြပါတယ်။ (ယောဟန် ၂၀း၂၁-၂၂)

မှန်ပါတယ်။ ဒါပေမဲ့ မပြည့်စုံသေးဖူးလို့ ပြောချင်ပါတယ်။

 

ယေရှုကိုယုံကြည်ခြင်း

ဘယ်လိုနည်းနဲ့ယေရှုကို ယုံပါသလဲ။ ဟိုး.. ကားမှောက်တုံးက ငါ့ကို သူများတွေလိုသေဆုံးမသွားစေပဲ အသက်ကိုကယ်ခဲ့တယ်။ ဒါကြောင့် ငါ့အသက်ကိုကယ်တဲ့ ယေရှုကို ယုံတယ် လို့ပြောရင် မှားပါတယ်။ ယေရှုဟာ သင့်ကိုယ်ခန္တာအသက်ကို ကယ်ရုံနဲ့ ယုံတယ်ဆိုရင် မကယ်တင်နိုင်ပဲ သေရတော့မယ်ဆို မယုံတော့သလို ဖြစ်နေမှာပါ။ တကယ်တော့ ယေရှုကယ်တင်ရှင် ဖြစ်တယ်ဆိုတာ ဝိညာဉ်အသက် ကယ်ခြင်းကို ဆိုလိုပါတယ်။ ခန္တာအသက်၊ အနာရောဂါကင်းခြင်း၊ တန်ခိုးများကြောင့် ယုံတယ်ဆိုရင် မှားနေပါသေးတယ်။ မိမိရဲ့ ဝိညာဉ် အသက်ရှင်နေခြင်းကြောင့် ယေရှုကိုယုံရပါမယ်။ ကိုယ်တော်ကြောင့်သာ ဝိညာဉ်စိတ်ချသွားရတယ်။ ဒီတော့ အတွင်းသက်သေ ရှိသွားပါပြီ။ အတွင်းသက်သေရသွားသူဟာ သေရမှာမကြောက်တော့ပါဘူး။ ခန္တာကိုယ် သေဆုံးရမှာကို လုံးဝမကြောက်တော့တဲ့ အတွင်းသက်သေဖြစ်ပါတယ်။

ယုံကြည်သူဓမ္မဆရာများ အမှုဆောင်လုပ်ငန်းလုပ်ကြတဲ့အခါ ဘုရားသခင်ရဲ့ တန်ခိုးပါရပါမယ်။ ဘုရားမှာ တန်ခိုးရှိတယ်။ အမှုဆောင်လုပ်ငန်းမှာ ဘုရားတန်ခိုးပါမှ ဖြစ်မယ်။ မယုံကြည်သူများမှာလဲ တန်ခိုးရှိတယ်။ ဥပမာ မောရှေ အဲဂုတ္တုပြည်က ဖာရောဘုရင်များဆီ သွားပြီး ဘုရားတန်ခိုးပြတယ်။ ဖာရောဘုရင်ရဲ့ နတ်ဝိဇ္ဖာ မှော်ပညာရှင်များလည်း တန်ခိုးရှိတယ်နော်။ မောရှေကို ဘုရားပေးထားတဲ့ တန်ခိုးအတိုင်း တောင်ဝှေးက မွေဖြစ်အောင်လုပ်ပြတော့ နတ်ဝိဇ္ဖာမှော်တွေလည်း လုပ်ပြတယ်။ ဒါကြောင့် ဘုရားအမှုတော်ဆောင်ရာမှာ တန်ခိုးပါမှ အမှုတော်အောင်မြင်နိုင်မယ်၊ အမှုပြီးပြီ ဖြစ်ပါမယ်။

 

ဧဝံဂေလိ ပြန့်နှံခြင်း

တမန်တော်ခေတ်က ဘုရားတန်ခိုးများစွာ ပြသခဲ့တယ်။ ဒါလောက်ညှင်းပမ်းနှိပ်စက်၊ သတ်ဖြတ်တာတောင် ယုံကြည်သူများ မယိုင်မလဲကြပါဘူး။ ရောမအင်ပါယာလက်ထက် ခရစ်ယာန်များကို ညှင်းဆဲခြင်း ကြီးမားစွာ ဖြစ်ပေါ်ခဲ့တယ်။ ဘယ်လောက်ထိအောင်လဲ ဆိုတော့ ခရစ်ယာန်တွေကို တံကျင်လျိုသလို တုတ်နဲ့ထုတ်ခြင်းပေါက်ထိုးတယ်။ ရေနံနဲ့စိမ်ပြီး မီးရှို့တယ်။ မီးလောင်နေတဲ့ ခရစ်ယာန် ညှင်းပမ်းခံများကြားမှာ ရောမအာဏာပိုင်တွေက စားပွဲကိုခင်းပြီး ညစာစားသောက်ကြတယ်။ ဒါလောက်ထိအောင် ရက်စက်စွာ ညှင်းပမ်းနှိပ်စက်ခဲ့ပါတယ်။ ရောမဘုရင်ကြီး ကွန်စတန်တင် လက်ထက်မှာ ပြောင်းလဲမှုကြီး ဖြစ်လာခဲ့ပါတယ်။ အဲဒီ ဘုရင်ကြီးက အိပ်မက်မက်တယ်။ လက်ဝါးကပ်တိုင်နဲ့ စစ်ချီရင် အောင်နိုင်မယ်လို့ နမိတ်ဖတ်ပြီး သူ့စစ်ပွဲတွေမှာ လက်ဝါးကပ်တိုင် ရှေ့မှာထားပြီး ချီတက်အောင်မြင်စေတယ်။ စစ်တကယ် အောင်နိုင်တော့ ရောမနိုင်ငံသားအားလုံးကို ခရစ်ယာန်ဘာသာ မဝင်မနေရ အတင်းကြပ် သွတ်သွင်း၊ ဝင်စေပါတယ်။ ဒါဟာ မှားယွင်းတဲ့ လုပ်ရပ်ပဲဖြစ်ပါတယ်။ ရောမအင်ပါယာကြီး တစ်ခုလုံး ခရစ်ယာန်ဘာသာ ကိုးကွယ်မှု ဖြစ်လာတဲ့အခါမှ ပြသနာကြီးပေါ်လာပါတော့တယ်။ ဘုရင်က ခရစ်ယာန်ဖြစ်လာတာ ဧဝံဂေလိတရားကြောင့် မဟုတ်ပဲ၊ ရာထူးအာဏာ ကျယ်ပြန်လိုတဲ့အတွက် အိပ်မက်အရ ခရစ်ယာန်ဖြစ်လာတာဆိုတာ့ မှားယွင်းနေပါတယ်။

ကွန်စတန်တင် ဘုရင်လက်ထက်ကစပြီး၊ ဘာသာရေး လုပ်စားတဲ့ ကျမ်းတတ်ပုဂ္ဂိုလ်များ ကြီးစိုးတဲ့ခေတ်ဖြစ်လာတယ်။ ကျမ်းစာကို သူတို့လိုတဲ့အပိုင်းပဲ ထုတ်နုတ်ဖတ်ရှု၊ နားထောင်စေပြီး ဘာသာပြန်ခွင့်လဲမပေးဘူး။ လူတိုင်းကိုလဲ မဖတ်ခိုင်းဘူး။ ဘာသာရေးခေါင်းဆောင်များက ခရစ်ယာန်ဘာသာကို သူတို့အာဏာရှိရေးအတွက် အသုံးချသလို လုပ်ကြပါတယ်။ တစ်နိုင်ငံလုံး ခရစ်ယာန်ဘာသာဝင် ဖြစ်လာတော့ ပုပ်ရဟန်းမင်းနဲ့ ကျမ်းတတ်ပုဂ္ဂိုလ်တွေ ဘာသာရေးခေါင်းဆောင်တွေကို ဘုရင်က ဦးစားပေးလာတယ်။

နောက် သခင်ယေရှုဟောကြား၊ လက်တွေ့ပြခဲ့တဲ့ ကယ်တင်ခြင်းတရားတွေလည်း တဖြေးဖြေး ပျောက်ဆုံးလာပြီး ခရစ်ယာန်ဘာသာဆိုတာ ကိုယ်ကျင့်မှာ ကိုယ်ကောင်းကင်ရောက်မယ်ဆိုတဲ့ ကိုယ်ကျင့်တရားဘာသာဘက်ကို ဦးတည်လာပြန်တယ်။ ကျင့်ကြတယ်။ ကျင့်ကြတယ်။ ကိုယ်ကောင်းအောင်နေရင် ကောင်းကင်ဘုံရောက်မယ် အယူဝါဒ ရိုမင်ကာသိုလစ်ဘုန်းတော်ကြီးများ၊ ကိုယ်ကျင့်တရားကောင်းဖို့ကို အဓိကထားပြီး သွန်သင်လာကြတယ်။ ဒီလိုနဲ့ ယေရှုပြောခဲ့တဲ့ ခရစ်ယာန်၊ ဝိညာဉ်ကယ်တင်ခြင်းလမ်းတွေ ပျောက်ဆုံးသလို ဖြစ်လာခဲ့ပါတယ်။ နှစ်ပေါင်းထောင်နဲ့ချီပြီး အမှောင်လွှမ်းသော ခရစ်ယာန်ခေတ်ကာလ ဖြစ်ခဲ့ရပါတယ်။ အဲဒီခေတ်ကာလ ခရစ်ယာန်ဘုန်းတော်ကြီးများဟာ တမန်တော်ခေတ်ကလို တန်ခိုးမရကြပါဘူး။ အာဏာ၊ငွေနဲ့ ခရစ်ယာန်ဘာသာခေတ် ဖြစ်ခဲ့ပါတယ်။ အခုခေတ် ရှိနေတဲ့ ကျမ်းစာအုပ်ကို ပိတ်ပစ်လိုက်တယ်။ သူတို့စိတ်တိုင်းကျ ကျမ်းတွေကို ထုတ်နုတ်ပြီး ကျမ်းစာအုပ်အသစ် ထုတ်တယ်။ တကယ့်အမှန်ကန် ကျမ်းစာကို ဖတ်သူ၊ ထုတ်ဝေသူများကို လိုက်လံ သတ်ဖြတ်ပစ်တယ်။ ဘာသာရေး အာဏာရှင် ခေတ်ဖြစ်ပါတယ်။

 

ရိုးရာအလေ့အထများနှင့်ခရစ်ယာန်

မိမိရိုးရာဓလေ့များ၊ နတ်ကိုးကွယ်တဲ့ဓလေ့များကိုလဲ စွဲကိုင်တဲ့ အကျင့်ခရစ်ယာန်များအဖြစ် ဆက်လက်အသက်ရှင်လာကြတယ်။ ဥပမာ ကရင်လူမျိုးများရဲ့ ဖားစည် သင်္ကေတအကြောင်း ရာဇဝင်ကောင်းကောင်းသိထားသူများ ရှိမှာပါ။ ကချင်လူမျိုးမှာ မနောတိုင်၊ ချင်းလူမျိုးမှာ အောက်ချင်းငှက် ..စသဖြင့် ဒါတွေဟာ ရိုးရာ နတ်ကိုးကွယ်မှုများက ကျန်ရစ်တဲ့ ဓလေ့ထုံးစံ သင်္ကေတတွေ ဖြစ်ပါတယ်။ ခရစ်တော်ကို လက်ခံရင် ဒါတွေကို နားလည်ရပါမယ်။ နတ်စားအကျင့်တွေကို ရောစပ်လုပ်ရင်း . ကချင်လူမျိုးတွေဆို ကလေးမွေးလာရင် ဂျင်းနဲ့အမဲသားထောင်းပြီ ကျွေးတဲ့စရိုက်မျိုးတွေ ရှိနေသေးတယ်။ တရုပ်လူမျိုး ယုံကြည်သူတစ်ဦး သူတို့မှာ အဖိုးအဖွား အရိုးအိုးတွေ သိမ်းထား၊ အောက်မေ့သတိရတဲ့ အကျင့်ဓလေ့တွေ ရှိပါတယ်။ ယုံကြည်သူဖြစ်လာပြီးနောက် ဒါတွေအားလုံး ၊ အရိုးအိုးတွေ လွှင့်ပစ်လိုက်တယ်။ အိမ်မှာမထားတော့ဘူး။ တချို့ ဓမ္မဆရာဖြစ်နေပေမဲ့ ဒါမျိုးတွေ မလုပ်သင့်ကြောင်း သိတယ်။ မပြောရဲကြဘူး။ ဘာကြောင့်လဲဆိုတော့ အားနာတယ်၊

နောက်ဆုံးတော့ ငါလုပ်မှ ငါရမယ် ဆိုတဲ့ ခရစ်ယာန်ဖြစ်မှန်းမသိ ဖြစ်သွားကြပြန်ပါတယ်။

 

ပရိုတက်စတင့်၊ ဘုန်းတော်ကြီးမာတင်လူသာ

၁၅ရာစုလောက်မှာ အရမ်းကျင့်လေလေ၊ ငြိမ်သက်ခြင်းမရလေလေ ခံစားရတဲ့ ရိုမင်ကာသိုလစ် မာတင်လူသာ ဆိုတဲ့ ဂျာမန်လူမျိုး ဘုန်းတော်ကြီးတစ်ပါး ပေါ်ထွက်လာတယ်။ သူ့မှာ ငြိမ်သက်ဝမ်းမြောက်ခြင်း မခံစားရတော့ ဘာကြောင့်လဲဆိုတာ ဘုရားနဲ့ရင်းနှီးစွာနေထိုင်ရင်း ဧဖက် ၂း၈ ယုံကြည်ခြင်းအားဖြင့် ကျေးဇူးတော်ကြောင့် ကယ်တင်ခြင်းရသည် ဆိုတာကို သေသေချာချာသဘောပေါက်သွားပါတယ်။ ဝိညာဉ်လွတ်မြောက်ခြင်းကို ရရှိသွားပါတယ်။ သူက ကယ်တင်ခြင်းတရားများကို ရဲတင်းစွာဟောပြောတော့ ရိုမင်ကာသိုလစ်တွေက ပြန်လာဖို့ခေါ်တယ်။ သူက ပြန်မလာတော့ စစ်တွေဖြစ်တယ်။ အသင်းတော်တွေ နိုးကြားလာကြတယ်။ ဝိညာဉ်လွတ်မြောက်ခြင်း ကယ်တင်ခြင်းတရားဆိုတာ ကိုယ်ကျင့်မှ ရတာမဟုတ်ကြောင်း၊ ယေရှုပြုခဲ့တဲ့အမှု၊ လက်ဝါးကပ်တိုင်မှာ အသေခံတဲ့ ကျေးဇူးတော်ကြောင့် ရရှိခြင်းကို ကောင်းကောင်းနားလည်သဘောပေါက်သူများ ပေါ်ထွက်လာတယ်။ ဒီအုပ်စုကို ရိုမင်ကာသိုလစ်များက ပုန်ကန်သူများ ပရိုတက်စ် လုပ်သူများလို့ သတ်မှတ်ရင်း နောက်ဆုံး ပရိုတက်စတင့် ဆိုတဲ့ ခရစ်ယာန်များ ပေါ်ပေါက်လာပါတော့မယ်။

မာတင်လူသာကြောင့် ဝိညာဉ်လွတ်မြောက်ခြင်း၊ ကျေးဇူးတော်ကြောင့် ကယ်တင်ခြင်းရရှိသူများက လမ်းနည်းနည်းလွဲလာတယ်။ ကယ်တင်ခြင်းရပြီးရင် ဘာမဆိုလုပ်လို့ရတယ်။ ဘုရားသခင်ခွင့်လွတ်တယ် တလွဲယူဆသူများကို နောက်ထပ်ဘုန်းတော်ကြီးတစ်ပါး ဂျွန်ဝက်စလေ ဆိုတဲ့ အင်္ဂလိပ်လူမျိုးတစ်ဦးက လမ်းမှန်ကို ပြန်တည့်ပေးပါတယ်။ ခရစ်ယာန်ဆိုတာ ကယ်တင်ခြင်းရပြီးဆိုပြီး ဘလိုင်းဖိန့် ပျော်ရွှင်ဝမ်းမြောက်နေရုံ မရှိသင့်ပဲ၊ ဖြောင့်မတ်ခြင်းအသက်တာကို လိုက်လျှောက်မှသာ စစ်မှန်တဲ့ ကယ်တင်ခြင်းစိတ်ချမှု ဂျွန်ဝက်စလေက သွန်သင်ခဲ့ပါတယ်။ ဒါကြောင့် ခရစ်ယာန်လောက ပိုပြီးသန့်ရှင်းလာပါတယ်။ ဖြောင့်မတ်လာပါတယ်။

 

ယေရှုမာနနဲ့ထွက် (ရယ်စရာ)

ဓမ္မဆရာတစ်ဦးရှိပါတယ်။ ယုံကြည်ကာစ အချိန် သူ့နောက်လိုက်တဲ့အခါ နတ်ဆိုးထုတ်တာတွေ တော်တော်လုပ်ပါတယ်။ သူက အသံအကျယ်ကြီးနဲ့ ယေရှုမာနနဲ့ ထွက် လို့အော်ဟစ်ပြီး နတ်ဆိုးဝင်နေပါတယ်လို့ ဆိုတဲ့ ယုံကြည်သူများ ခေါင်းကို လက်တင်ဆုတောင်းပေးတယ်။ ယုံကြည်သူတစ်ဦးကို ခင်ဗျားမှာ နတ်ဆိုးရှိတယ်။ အဲဒီနတ်ဆိုး ယေရှုမာနနဲ့ထွက် လို့အော်ပြောရင်း တဆင့်တက်တယ်။ နတ်ဆိုး နာမည်ပြော လို့မေးလိုက်တော့ ... ဆုတောင်းခံသူက ရုတ်တရက် မောင်နိုင် လို့အော်ပြောလိုက်တယ်။ ဓမ္မဆရာရဲ့ နာမည်ကလဲ ဦးမောင်နိုင် ဆိုတော့ ဓမ္မဆရာ ကြက်သေဖြစ်သွားတယ်။ သူ့နာမည်ကို အော်ပြီး ယေရှုမာနနဲ့ထွက်လို့ ဘယ်အော်ရဲတော့မလဲ။ ဒါနဲ့ ဓမ္မဆရာလဲ အသံလျော့သွားတယ်။

အဲဒီဓမ္မဆရာနောက် လိုက်လေ့လာနေတဲ့ မယုံကြည်သူတစ်ဦးက မျက်နှာလေးဇီးရွက်လောက်နဲ့ ဆရာထံ ချဉ်ကပ်ပြောလာတယ်။ ဆရာပြောစရာရှိလို့ ဆိုတော့ ဓမ္မဆရာဦးမောင်နိုင်က ဘာလဲ ..မေးတယ်။ ဆရာရယ်.. ဆရာတို့ကိုးကွယ်တဲ့ဘုရား သခင်ယေရှုကို ယေရှု ယေရှု လို့ အသံကျယ်ကြီးနဲ့ အော်ဟစ်ပြောနေတာ ကြားရတာ စိတ်မချမ်းသာလို့ပါ။ လျော့ပြောလို့မရဘူးလား ဆရာရယ်...တဲ့ (ရယ်သံများ)

 

တော်မျိုးစေ့အကြောင်း

မသဲ ၁၃း၂၄ မှာ တောမျိုးစေ့အကြောင်း ရေးထားပါတယ်။ ကောင်းသောစပါးနဲ့ လက္ခဏာတူတယ်လို့ ဆိုပါတယ်။ နှုတ်ပစ်လိုက်ရမလား မေးတော့ မနှုတ်ပစ်ပါနဲ့။ ကောင်းသောမျိုးစေ့က အပင်နဲ့မှားပြီးနှုတ်မိမှာစိုးလို့ မနှုတ်ပစ်ဖို့ မှာကြားပါတယ်။ ကောင်းသောမျိုးစေ့ ဆိုတာ အချိန်တန် အသီးသီးပါမယ်။ အချိန်တန်လို့ အသီးမသီးတဲ့အခါကျမှ ဒီအပင် တောမျိုးစေ့က လာတာ သေချာပေါက်သိတဲ့အချိန် ဘုရားသခင်က ပယ်ရှင်းတော်မူမယ် ဖြစ်ပါတယ်။ အသီးမရှိရင် ခုတ်ပစ်ပါမယ်။

တခါက ဓမ္မဆရာတစ်ဦး ဆရာကြီးဦးတင်မောင်ထွန်းဆီ ရောက်လာပြီး၊ သူ့မိန်းမက သူ့ရဲ့ သာသနာပြုခရီးမှာ အမြဲတမ်း ကိုးလိ်ုးကန့်လန့်လုပ်တယ်။ မကူညီပဲ နှောက်ယှက်လို့ အခု ဒီမိန်းမကို စွန့်ပစ်လိုက်ပြီး ချင်းတောင်တန်းမှာ တစ်ဦးတည်း သာသနာပြုထွက်တော့မယ် ပြောပါတယ်။ ဆရာကြီးဦးတင်မောင်ထွန်းက ခင်ဗျား ဒီမိန်းမတယောက်တောင် မပြောင်းလဲစေပဲနဲ့ ၊ မိန်းမကို စွန့်လွှတ်ပြီး ချင်းတောင်မှာ သာသနာပြုမယ်ဆိုရင် ချင်းတောင်မှာလဲ ပြောင်းလဲမှုဖြစ်မှာမဟုတ်ဘူး။ ခင်ဗျားရဲ့ သာသနာကိုလဲ မယုံကြည်နိုင်ဘူး။ ခင်ဗျား သာသနာပြုသွားမဲ့ခရီးအတွက်လည်း ကျနော် ဆပ်ကပ်မပေးနိုင်ဘူး လို့ ငြင်းပယ်လိုက်ပါတယ်။ ဒါကြောင့် သာသနာပြု၊ အမှုတော်ဆောင်မယ်ဆိုရင် ပထမဆုံး မိမိနဲ့မိသားစုကို အရင်ပြောင်းလဲဖို့ လိုပါတယ်။ (အတူပါလာသော ဂီတမှုး နောနောဦးစွာပြောင်းလဲပြီး သူ့ဖခင်လဲ ပြောင်းလဲလာခြင်းကို ဆက်ပြောပါသည်)။

 

ဆုကျေးဇူးမှာ အသီးသီးဖို့ဖြစ်သည်

တောမျိုးစေ့ ကြီးထွားတဲ့အရှိန်က မြန်ပါတယ်။ ကောင်းသောမျိုးစေထက်တောင် မြန်နေတတ်ပါတယ်။ ဒီအသင်းတော် တနင်္ဂနွေ ကိုးကွယ်ဝတ်ပြုခြင်း၊ အခုလို တရားပွဲတွေမှာလဲ တောမျိုးစေ့လဲ လာပါတယ်။ ကောင်းသောမျိုးစေ့ကတော့ ...အန်တီကို မေးတာကျေးဇူးတင်ပါတယ်။ အန်တီ ဘယ်လမ်းသွားနေတာ အန်တီသိပါတယ် .. လို့ အဖြေပေးတယ်။ တောမျိုးစေ့ကတော့ ဟာလေလုယ အကျယ်ကြီးလဲ လုပ်တယ်။ တခါတလေ မသိမသာ မျက်ရည်ကျပြီး သူထာဝရအသက်ကို ရတဲ့အကြောင်း၊ ကောင်းကြီးများစွာရကြောင်းကို ကျယ်လောက်စွာ ပြောတတ်သူများ ရှိပါတယ်။ ဒီဘုရားကျောင်းထဲမှာပဲ တော်မျိုးစေ့နဲ့၊ ကောင်းသောမျိုးစေ နှစ်မျိုးစလုံး ရှိနေပါတယ်။

ပေါလုက စိုက်ပျိုးတေယ်။ အာပေါလုက ရေလောင်းတယ်။ ကြီးထွားစေတာကတော့ ဘုရားသခင်ပဲ ဖြစ်ပါတယ်။ ကောင်းသောမျိုးစေ့ အလုပ်က တောမျိုးစေ့ကို ကြည့်နေစရာမလိုဘူး။ ကိုယ့်ဖာသာ ကြီးထွားနေဖို့ပဲ ဖြစ်ပါတယ်။ ငါ၌တည်လျင် များစွာသောအသီးသီးမည် လို့ ဆိုပါတယ်။ ခေါ်ထားခြင်း ခံရသူဆိုတာ ဒီအခန်းထဲ ရှိနေသူအားလုံး ခေါ်ထားခံရသူများ ဖြစ်ပါတယ်။ ဒါပေမဲ့ ရွေးကောက်ခံရသူက နည်းပါတယ်။ ရွေးကောက်ခံရဖို့ ကောင်းသောမျိုးစေအဖြစ် ခရစ်တော်အားဖြင့် ကြီးထွားနေဖို့ လိုပါတယ်။

ခွက်၅၀၊ ခွက်၃၀၊ ခွက်၁၀ ဥပမာအတိုင်း ခွက်၅၀ရသူ ၂ဆတိုးပွားအောင် လုပ်ပြီး ပြန်အပ်ပါတယ်။ ခွက်၃၀ ရသူလဲ ဒီလိုပဲ ၂ဆ တိုးပွားစေပါတယ်။ ကိုယ်ရထားတဲ့ ကယ်တင်ခြင်းနဲ့ ကောင်းသောမျိုးစေ့ကို တိုးပွားအောင်လဲ မလုပ်နိုင်သူများ အံသွားကြိတ်ခဲရာအရပ်ကို အပ်ခံရပါတယ်။ နှုတ်ခြင်းကို ခံရတတ်ပါတယ်။ ဒါကြောင့် ဆုကြေးဇူး ဆိုတာ အသီးသီးဖို့ ဖြစ်ပါတယ်။ အသီးမသီးရင် အချိန်မတန်မီ ခေါ်တော်မူခြင်းကို ခံရပါတယ်။ Untimely Death လို့အင်္ဂလိပ်လို ခေါ်ပါတယ်။

ကျနော့်အစ်ကို ရှိပါတယ်။ မနှစ်က သေဆုံးသွားပါပြီ။ ကျနော်ကို ဆုတောင်းပေးဖို့ ပြောပါတယ်။ သူ အသက်ရှင်လိုပါသေးတယ်။ ဒါကြောင့် ဆုတောင်းပေးပါ လို့ပြောပေမဲ့ ကျနော် သူ့ကို မြင်ကတည်းက သူသေတော့မယ်။ အသီးမသီးတဲ့အတွက် စောစီးစွာ ခေါ်တော်မူခြင်း ခံရတော့မယ် ဆိုတာ သိပြီးသားဖြစ်ပါတယ်။ အသက် ၃၈နှစ်အရွယ်မှာပဲ သေဆုံးသွားပါတယ်။ ဘုရားသခင်က သူို့ အချိန် အများကြီးပေးခဲ့ပါတယ်။ သူက အသီးမသီးဘူး။ အသက်တာ ဆိုးဝါးစွာ အသက်ရှင်တယ်။ မသေချင်ပေမဲ့ အချိန်မတန်ခင် ရုတ်သိမ်းခြင်းကို ခံလိုက်ရပါတယ်။

Perfect Will ဆိုတဲ့ ဘုရားသခင်ရဲ့ အလိုတော်အကြောင်း မနက်ဖန် သင်ပေးပါမယ်။ တရားစီရင်ခြင်း Judgement အကြောင်းပါ။

 

ကျနော့် အသက်တာ နေ့တိုင်း လက်ဝါးကပ်တိုင်ပေါ်က ယေရှုကို စဉ်းစားတိုင်း တန်ခိုးရပါတယ်။ ယေရှုလုပ်ခဲ့တဲ့အမှုက ကျနော့်ကို တန်ခိုးဖြစ်စေပါတယ်။ (ကျယ်လောင်စွာ ပြောပါသည်)။ ဒီတန်ခိုးနဲ့ အမှုတော်ဆောင်ရပါတယ်။ ယေရှုကားတိုင်ပေါ် အသေခံတာကို စဉ်းစားပြီး ဘာခံစားမှုမှ မရှိဘူးဆိုရင်တော့ Something Wrong တခုခု မှားနေပါပြီ။ ခံစားမှု ဖြစ်ရပါမယ်။

ဖောင်းပြား ခရစ်ယာန် ဆိုတာလည်းရှိပါတယ်။ (ရယ်စရာ)။ တရားဟောတာ လာနားထောင်ပြီး ဝိညာဉ်တော်တွေ ရလို့၊ ဖောင်းနေတယ်။ ရက်တော်တော်ကြာတော့ ဝိညာဉ်တော် ပြားသွားတယ်။ ခွန်အားမရှိတော့လို့ ဘုရားကျောင်းပြေးပြီး နားထောင်လိုက်ရ ပြန်ဖောင်းလာပြန်တယ်။ ဆရာဆိုလဲ ကိုယ့်ဆရာမှ။ တရားဟောတာကြားရင် ကိုယ့်ကို စောင်းပြောနေတယ်ဆိုပြီး မကျေမနပ်ဖြစ်နေတာမျိုး .. ဖောင်းပြားခရစ်ယန်ဖြစ်နေတာတွေ ရှိပါတယ်။ ပြသနာက သူများကို လက်ညိုးမထိုးသင့်ပါ။ ကိုယ် ကိုယ်တိုင်က ပြသနာဖြစ်နေတာကို နားလည်ဖို့လိုပါတယ်။

တောမျိုးစေ့တွေ ကျနော် ပူတာအိုသွားတုန်းက ခရစ်ယာန်အသင်းတော် အချင်းချင်း ပြသနာဖြစ်လို့ အာဏာပိုင်များက ချိတ်ပိတ်ထားရတဲ့ အသင်းတော်ကို တွေ့လိုက်ရပါတယ်။ တော်မျိုးစေ့ ဆိုတာ ကောင်းသောမျိုးစေ့နဲ့ အသွင်သဏ္ဍန်တူပါတယ်။

ညီအစ်ကိုမောင်နှမတို့... ကောင်းသောမျိုးစေ့ဆိုတာ ... အချိန်တန်... အသီးသီးမယ်..။ မြစ်နားမှာစိုက်တဲ့အပင်လို.. အရွက်မညိုးနွမ်းတတ်သော အပင်ဖြစ်တယ်။ ပြုလေသမျှတို့၌ အောင်ရမည်ဖြစ်ပါတယ်။ ဆပ်ကပ်ဆုတောင်းကြရအောင်။

 

ဆရာသြဂတ်စတပ်မှာ ကောင်းကြီးပေး၊ သီဆိုချီးမွမ်းရင်း ပထမနေ့ အဆုံးသတ်ပါသည်။ စနေ့၊ တနင်္ဂနွေ ၂ညဆက်တိုင် 45 Thomson Road (Novena MRT) Thomson Rod Baptist Church တွင် ညစဉ် ၁၀နာရီအထိ ဟောကြားနေပါသည်။ မလာတတ်ပါက ဆက်သွယ်ရန် ...98941045 91098795 90068912

the End...