ဆရာ အာသာကိုလေး ၂-သြဂုတ်-၂၀၀၉ ဂျပ်ဆင်နှစ်ခြင်းအသင်းတော် (စင်ကာပူ)

ထာဝရဘုရားကို သစ္စာရှိသောယုံကြည်ခြင်း (အကျဉ်းချုပ်)


ဆုတောင်းခြင်းဖြင့် စတင်ပါသည်။ အသက်၇၃နှစ်ရှိပြီး အမှုတော်ကို ၄၂နှစ်ထမ်းဆောင်ခဲ့ပြီးဖြစ်ပါသည်။ ယခုမြန်မာနိုင်ငံနှစ်ခြင်းအဖွဲ့ချုပ်မှ တာဝန်ပေးချက်အရ အမေရိကန်၊ စင်ကာပူနှင့် ထိုင်းနိုင်ငံတို့တွင် ၂၀၁၃ ဆရာယုဒသန် နှစ်၂၀၀ အထိမ်းအမှတ် အတွက် သွားရောက်တွေ့ဆုံ၊ ဆွေးနွေးရန်အတွက် အမေရိကန်ပြည်တွင်တလတာ၊ ယခု စင်ကာပူတွင်လည်း ပြောကြားခငွ့်ရခဲ့ပါသည်။ ယုဒသန်အနှစ် ၂၀၀ အတွက် လိုအပ်ချက်၊ စီမံချက်များကို ဘဏ္ဍာရေးမှုး ဆရာစံသိန်းထွန်းက ပြောကြား သွားပြီးဖြစ်ပါသည်။

တရားဒေသနာဟောကြားချက်မှာ အမေရိကန် အသင်းတော်များတွင်လည်း ဒီတရားပဲ ဟောခဲ့ပါသည်။ ဘုရားကိုသစ္စာရှိရန် အကြောင်းဖြစ်ပါသည်။ ဘုရား၏ အလိုတော်ကို လက်ခံရန်ဖြစ်ပါသည်။မိမိငယ်စဉ်က ၂၂နှစ်အရွယ်တွင် ဘွဲ့ရရှိခဲ့ပြီး လူကြိုက်များသော အသက်မွေးလုပ်ငန်း ရှေ့နေအလုပ်ကိုရွေးခဲ့ပါသည်။ ထိုစဉ်က ဆရာဝန်အလုပ်ထက် ရှေ့နေအလုပ်က ၀င်ငွေပိုကောင်းပါသည်။ ထို့နောက်တရားဟောဆရာဖြစ်လာပြီး ဓမ္မဆရာများစွာ အမေရိကန်နိုင်ငံ ဓမ္မပညာ သင်ကြားရန် သွားရောက်ကြပြီးပြန်မလာကြသော အချိန်ဖြစ်လာသည်။ ယခုအခါ အမေရိကန်နိုင်ငံတွင် မြန်မာများစွာ ရောက်ရှိနေချိန်တွင်ထိုအချိန်က ပြန်မလာခဲ့သော ဓမ္မဆရာများကို ဘုရားသခင်က ကောင်းစွာ အသုံးချနေပြီဖြစ်သည်။ဆန်ဖရန်စစ္စကိုမှ ဆရာလတ်ယေရှဲ။ တက္ကဆက်မှ ဆရာချွန်ဆိုင် စသည့်ဓမ္မဆရာများစွာ ဘုရားအမှုတော်ကိုထိရောက်စွာ ထမ်းဆောင်နေပါသည်။

မိမိငယ်စဉ်က ဒေါက်တာလှဘူး ပြောကြားသော Search for Truth ဆိုသော မှာကြားချက်ကို အမှတ်ရပါသည်။ မိမိရောက်သောနေရာမှာ ကယ်တင်ရှင်ကို လက်ခံရမည်။ ချီးမွှမ်းရမည်။ စောစောက ဆရာသြဂတ်စတတ် ပြောသွားသော စင်ကာပူတွင် အလုပ်လာရှာပြီး ငွေကုန်လူပင်ပမ်းပြီး၊ ဘာမှမကျန်တော့ချိန်မှ မြန်မာပြည်ပြန်သွားသော သမီးငယ်တဦး နေ့စဉ် လက်တဆုပ်စာ စုဆောင်းထားသော ဆန်အိတ်ကလေးကို ဆရာသြဂတ်စတတ်အား ပေးပေးပါ ဟုမှာသွားခြင်းကို လေးစားပါသည်။ မိမိတတ်နိုင်သမျှ ဘုရားအတွက် ပေးအပ်၊ သတိရလှုဒါန်းသော ထိုမိန်းမငယ်လေးမှာ ဘုရားကောင်းကြီး ခံစားရမည် သေချာကြောင်း မိမိ
ပြောလိုပါသည်။ အာဗြာဟံ ကိုလည်း ဘုရားသခင်က ငါပြလတံ့သောပြည်သို့သွားရန် Faithful God ပြောစကားကို အာဗြာဟံ ပြန်မမေးပါ။ သွား၏။ က္ကုသရေလလူမျိူးများကို အဲဂုတ္တုပြည်မှ နို့နှင့် ပျားရည်စီးသော ခန္တာပြည်သို့ ခေါ်ထုတ်သွားစဉ်ကလည်း မောရှေသည် နားထောင်ခဲ့သည်။ ထို့နောက် ယောရှုဆက်လက် ဦးဆောင်ပြီး နှစ်၂၀၀ ကြာသောအခါ လည်ပင်းခိုင်သော Stiffness People က္ကုသရေလလူမျိုးများက ဘုရားကို ပုန်ကန်ပြီး တပါးဘုရားများ ဗာလဘုရားကို ကိုးကွယ်လာကြသည်။ ထာဝရဘုရားကို ကျောခိုင်းကြသည်။ က္ကုသရေလ အမျိုးသမီးများပင်လျင် ဗာရှနွားမ ဟုအခေါ်ခံရလောက်အောင် ခေါင်းပုံဖြက် အမြက်ကြီးစားကြသည်။ ဝေါစီး၊ ဖိနပ်တွင်ပင် ရေမွှေးထည့်သည် အထိဖြစ်လာသည်။ ထိုင်ချလျှင် ပြန်ထမရသည်အထိ ဖြစ်ရသည်။ အမေရိကန်နိုင်ငံ ရောက်စဉ်တွင် ထိုကဲ့သို ၀ဖြိုး၊ချိနဲ့သော ဗာရှနွားမ များစွာ တွေ့ခဲ့ရသည်။ (ရယ်သံများ)။ နောက်ဆုံးတွင် ဘုရားသခင်က က္ကုသရေလ များကို ဘာဗုလုံတွင် အနှစ်၇၀ အပယ်ခံဘ၀သို့ရောက်စေခဲ့သည်။ ဘုရားသခင်သည် ဖန်ဆင်းရှင်ဖြစ်ပြီး သူ့ကို ဖန်ဆင်းသူမရှိပါ။ အာမခံချက်ရှိသောဘုရား၊ စာငှက်တကောင်ပင် အငတ်မထားသော ဘုရားဖြစ်ပါသည်။ အမေရိကန်သို့ အခြေချသွားသော သူများလည်း ယခုအခါ စီးပွားရေးကပ်နှင့် အလုပ်ပြုတ်ခြင်း Layoff များစွာဖြစ်နေပါသည်။ ဂုဏ်သရေရှိမိတ်ဆွေကြီးတဦး၏ သမီးတဦးနှင့် ဘုရားကျောင်းတွင်တွေ့ရာ Layoff ဖြစ်သွားသော သူ့အတွက် ဆုတောင်းပေးပါရန် တိုးတိုး လာပြောသွားခဲ့သည်။ ငါ့ကိုယုံကြည် သေလွန်မည်ကို မကြောက်၊ မိမိရှိရာအရပ်တွင် ဘုရားရှိသည်။ ရှင်ပေါလု ပြောသကဲ့သို့ ခရစ်ယာန်ဖြစ်လျှင် ကိုယ့်အတွက်အသက်မရှင်တော့ပဲ ဘုရားအတွက် အသက်ရှင်သောသူ ဖြစ်ခြင်းကြောင့် ဗျာဒိတ် ၂း၁၀ အတိုင်း ဓမ္မသရဖူကိုရရှိမည်းဖြစ်သည်။ ကျမ်းစာဖတ်ခြင်း၊ ဆုတောင်းခြင်း များထက် ဘုရား၏ မပြောင်းလဲသော မေတ္တာ၊ မပြောင်းလဲသော ဂရုနာ၊ မပြောင်းလဲသော ကျေးဇူးတော်၊ ခွင့်လွှတ်ခြင်း
စသည်တို့ရှိပါသည်။

ရှင်ပေတရု၊ ယာကုတ် နှင့် ရှင်ယောဟန် ၃ဦးတို့ကို သခင်ယေရှု ကားတိုင်မတက်ခင် သူ့အတွက်ဆုတောင်းပေးရန် ပြောခဲ့သည်။ သခင်ယေရှုက ကိုယ်တိုင်ဆုတောင်းရာတွင် ချွေးများကျလာသောအခါ အနီရောင်အဖြစ်သို့ ပြောင်းလဲသွားသည်အထိ ဆုတောင်းပြီး အလိုတော်ကို လက်ခံခဲ့သည်။ သို့သော် တပည့်တော် ၃ဦးကို ပြန်လှည့်ကြည့်သောအခါ အိပ်ပျော်နေသည်ကို တွေ့ပြီး အားမရဖြစ်ရသည်။ "သင်တို့သည် စိတ်ဆန္နရှိသော်လည်း ကိုယ်ခန္တာအားနည်းသည်" ဟု ပြောခဲ့သည်။ သို့သော်လည်း ခွင့်လွှတ်တော်မူပါသည်။ ခရစ်တော်ကို မေတ္တာနှင့် ချစ်ရာတွင် ဇနီး၊သားသမီးများထက် သာ၍ချစ်ရမည်။ ဘုရားအတွက်
အသက်ရှင်ရာတွင် ခရစ်ယာန်ဖြစ်တိုင်း ဘုရားမသုံးပါ။ သခင်သခင်ဟုခေါ်တိုင်း ငါမထူး ဟုကျမ်းစာတွင် ရေးထားပါသည်။ မိမိတာဝန်ယူရသော ဂျပ်ဆင် (ရန်ကုန်) အသင်းတော်တွင် တက္ကသိုလ်များလည်း
နယ်ကိုရွှေ့သွားသောကြောင့် ကိုးကွယ်ဝတ်ပြုသူ မရှိတော့မှာ စိုးရိမ်ရသည်။ ဒူးထောက်ဆုတောင်းရပါသည်။ ဘုရားသခင်က အမြဲဘုရားကျောင်းပြည့်နေရန် ကောင်းချီးပေးပါသည်။ မိမိအဆင်မပြေ၊ ဒုက္ခရောက်ချိန်တွင်
ပြာယာခတ်ပြီး ရှောက်မလုပ်ပါနှင့်၊ ငြိမ်သက်စွာဖြင့် ဒုးထောက်ဆုတောင်းခြင်းဖြင့် ဘုရားသခင်၏ အနားမှာရှိနေခြင်းကို ခံစားရသည်။

ဆရာရောဘတ်ထောင်းလျှံ ဆိုလျှင် လူငယ်များသိကြပါမည်။ ကျမ်းစာသင် ကောင်းသည်။ သူပြောသွားသော စကားမှာ "ယေရှုက ငါ့အတွက် သက်သေခံကြ" ဟုဆိုသည်။ မိမိတို့ မြန်မာနိုင်ငံတွင်လည်း မငတ်သေးပါ။ ၀၀
စားရပါသည်။ သက်သေခံသောအခါ တမန်တော်ဝတ္တုတွင် ရှင်ပေါလုရေးထားသကဲ့သို့ သက်သေခံစကားများကြောင့် နှလုံးသားကို ထားနှင့် ထိုးဖေါက်သလို ခံစားရသည် အထိ ဖြစ်ခဲ့ရသည်။

အသင်းသားများ လိုက်ဆိုကြခြင်း
We are his witnesses
We are fool for Christ
We are begger for Christ

သက်သေခံခြင်း၊
ခရစ်တော်အတွက် သူရူးဖြစ်ခြင်း၊ ခရစ်တော်အတွက် သူတောင်းစားဖြစ်ခြင်း (၃) ချက်ကိုမှတ်ထားရန်ဖြစ်သည်။

ရန်ကုန်မြို့တွင် မိမိသည် စက်ဘီးကလေးကို စီးပြီး ဒေါ်ခင်ကြည် မကွယ်လွန်ခင်က သူ့အိမ်သွားပြီး ကျမ်းစာဖတ်၊ဆုတောင်းခြင်းများဖြင့် လုပ်ခဲ့ပါသည်။ မိမိက ဆုတောင်းပြီးပြန်မည်လုပ်သောအခါ မှတ်မှတ်ရရ ဒေါ်ခင်ကြည်ကပြောပါသည်။ "သူ့ဖခင်က ဓမ္မဆရာများ ပြန်သောအခါ လက်ချည်းမပြန်စေရန် မှာသွားပါသည်" ဟုဆိုလာသည်။ လက်မခံ ချင်သော်လည်း သူပေးလိုက်သော အုန်းသီး ၃လုံးကို ယူပြီးပြန်ရကြောင်။ သူ့သမီးလည်း ရှိပါသည်။ သိပါသည်။ မိမိသည် ကိုယ်တော်အတွက် ခြေထောက်ကျိုးသည်အထိ ပေးဆပ်ခဲ့ခြင်းသည်လည်း ငါ့ထံသို့လာသောအခါ လက်ချည်းသက်သက်မလာနဲ့ ဆိုသောအချက်ကို
အမှတ်ရပါသည်။ ယုံကြည်ခြင်းသည် အလုပ်ပါရပါသည်။ အလုပ်မပါသော ယုံကြည်ခြင်းသည် အသေဖြစ်သည် ဟု
ရှင်ယာကုပ်က ရေးသားထားပါသည်။

မိမိအသင်းတော်တွင်လည်း Each one, Bring one ဟုသော စာတန်းကို ရေးချိတ်ထားပါသည်။မယုံကြည်သူများကို ခေါ်လာရေးအတွက် အားပေး ထားပါသည်။ ထိုအချက်သည် စိမ်ခေါ်ချက်ဖြစ်ပသည်။
ခရစ်တော်ကိုရထားပါက ဘာမှကြောက်စရာမလိုပါ။ HIV, ကင်ဆာ ရောဂါများလည်း ရမှာမကြောက်ပါ။ မိမိကို ဘုရားက မသုံးတော့မှာ တခုပဲ ကြောက်ပါသည်။

တကယ့်အဖြစ်တခုနှင့် အဆုံးသတ်ပါမည်။ မြောက်ကိုးရီးယာ၊ ကွန်မြူနစ်နိုင်ငံတွင် ခရစ်ယာန်များကို သခင်ယေရှု ရုပ်ပုံအား မြေတွင်ချပြီး တံထွေးထွေးစေခဲ့သည်။ လူကြီးများလည်း သေမှာကြောက်သောကြောင့်
တယောက်ပြီးတယောက် ခိုင်းသည့်အတိုင်းလုပ်ကြသည်။ ကလေးမတဦး တက်လာသောအခါ အားလုံးအံ့သြသွားအောင် တံထွေးများပြည့်နေသော ယေရှုရုပ်ပုံကို ကောက်ယူ၍ သူမ၏ နှလုံးသား၊ ရင်ဘတ်တွင် အပ်ထားပြီး ကျေးဇူးတော်ချီးမွမ်းနေပါသည်။ ဒေါသဖြင့် ကွန်မြူနစ်များက ရုတ်တရက် သူမကို ဆွဲယူခေါ်သွားပြီး သေနပ်သံကို ကြားလိုက်ရပါသည်။

အားလုံး ထာဝရဘုရားကို သစ္စာရှိသောယုံကြည်ခြင်း ရှိကြပါစေ။
Rev. Dr. Auther Ko Lay

၂-သြဂုတ်-၂၀၀၉ ဂျပ်ဆင်နှစ်ခြင်းအသင်းတော် (စင်ကာပူ)