ဝိညာဉ်ခရီးသွားမှတ်တမ်း (၂) - ဒေါက်တာဖေမြတ်ဝင်း


အပိုင်း(၁)တွင် မြန်မာပြည်မှအစပြုခဲ့သော ဝိညာဉ်ခရီးသွားအပိုင်း(၁)ဖြစ်ပါသည်။ ဆရာဒေါက်တာဖေမြတ်ဝင်း စာအုပ် အစ-အဆုံး အခန်းပေါင်း (၄၀) - စာမျက်နှာ ၄၁၆ ရှိပါသည်။ အခန်း(၂-၇)အထိ ဖတ်ရှုလိုသူများအတွက် PDF ဖိုင် နှင့် စာမြည်း ရေးပေးပို့လိုက်ပါသည်။ 

ပါပူးဝါနယူးဂီနီနိုင်ငံ (အာရှ)
မြန်မာနိုင်ငံမှာ ၁၉၉၀ခုနှစ်တွင် ဂျီကို-ဆလမ်ဘာဂျာ ရေနံရှာဖွေရေးကုမ္မဏီ ဖြင့် မြန်မာပြည်တွင် ဆရာဝန်အလုပ်ကို လုပ်ကိုင်ပြီး၊ တစ်နှစ်အကြာ ပါပူးဝါနယူးဂီနီသို့ စတင်ပါသည်။ လူတိုင်း နေ့စဉ် တစ်နာရီ ဘုရားအတွက်သီးသန့်အချိန်ပေးသင့်ကြောင်း၊ ဘုရားကျောင်းအချိန်များအပြင်ဘက် အလုပ်ချိန်တွင်လည်း ဘုရားနှင့်အေးဆေးစွာ မိတ်သဟာရဖွဲ့မည့် အချိန်များကို ဆိုလိုပါသည်။ နားခိုရန်ဖြစသည်။ စင်ကာပူကို ဖြတ်သန်းပြီး မြန်မာနိုင်ငံတစ်ဝက် ကျယ်ဝန်းသော၊ လူဦးရေ (၃)သန်းရှိသည့် ပါပူးဝါနယူးဂီနီနိုင်ငံ မောရက်စ်ဘီမြို့မှ လေယဉ်ငယ်ဖြင့် တောတွင်းစခန်းသို့ ရောက်ရှိ၊ လုပ်ကိုင်ရပါသည်။ (၃)ပတ်လုပ်ပြီး မြန်မာပြည်(၁)ပတ် ပြန်နားရသည်။ အလုပ်အတူလုပ်သူ အများစုမှာ ပညာတတ်မဟုတ်၊ ဝင်ငွေကောင်းပြီး လုပ်ကိုင်ပြီး၊ ဘီယာသောက်၊ ပျော်အောင်နေကြရသည်။ အဆိပ်ပြင်းသောမြွေ၊ အဆိပ်ရှိဧရာမပင့်ကူကြီး၊ မိချောင်းများ ရှိသော်လည်း စခန်းတစ်ခုနှင့်တစ်ခု ဆေးအိတ်ကျော်ပိုး သွားလာလုပ်ကိုင်စဉ် ဘေးကင်းခဲ့ပါသည်။ ငှက်၊ သားငါး၊ ပုဇွန်၊ တိရိစ္ဆာန်များ နှင့် သဘာဝမပျက်မစီး ရှိနေသော နိုင်ငံဖြစ်သည်။ စိုက်ပျိုး၊မွေးမြူရန်ပင် မလိုပဲ သဘာဝအပင်များဖြင့် စားသောက်နိုင်ပြီး၊ ငါးပုဇွန်ပေါများလှသည်။ အမှုတော်ထမ်းရွက်ရန် ပြင်ဆင်ခြင်း အစဖြစ်သည်။

ဘုရားသခင်သည် သတ္တဝါတို့ကို အသက်ရှင်နေထိုင်နိုင်ရေးအျွှက် လိုအပ်သည့်အရာများနှင့် တော်တောင်၊ ရေမြေ၊ သဘာဝကို ဖန်ဆင်းပေးထားကြောင်း (ဆာ ၁၀၄)၊ ပါပူဝါနယူးဂီနီ နိုင်ငံရောက်သောအခါ ကျွန်တော်ပို၍ သဘောပေါက် နားလည်လာခဲ့သည်။ 


ဇိုင်ယာနိုင်ငံ (အာဖရိက)
ပါပူးဝါနယူဂီနီ ရေနံရှာဖွေရေးအလုပ် မှတဆင့် သာသနာပြုလုပ်ငန်း အားကြီးမှုဖြင့်၊ အမေရိကန်နှစ်ခြင်းသာသနာပြုအဖွဲ့ဖြင့် စင်ကာပူ၊ ဆရာဂမ်မှ တဆင့်ဆက်သွယ်ရာ၊ အမေရိကန်နိုင်ငံ ဖိလာဒဲဖီးယား သို့ လူတွေ့သွားရောက်ဖြေဆို အောင်မြင်ပြီး၊ အမေရိကန်မှတဆင့် အာဖရိက၊ ဇိုင်ယာနိုင်ငံ (ယခု ကွန်ဂိုဒီမိုကရက်တစ်နိုင်ငံသို့) ၁၉၉၃ ဇူလိုင်လတွင် ထွက်ခွာလာခဲ့သည်။

ဇိုင်ယာနိုင်ငံသည် စစ်အာဏာရှင်ကြီး မိုဘူတူ (၃၅)နှစ်ခန့် အာဏာရှင်အုပ်ချုပ်နေသဖြင့် အာဖရိကတွင် နံပါတ်(၃) အချမ်းသာဆုံးနိုင်ငံမှ ကမ္ဘာ့အဆင်းရဲဆုံးနိုင်ငံဖြစ်သော ယခင်ပြင်သစ်ကိုလိုနီနိုင်ငံဖြစ်သည်။ သယံဇာတကြွယ်ဝပြီး၊ တိုင်းရင်းသားလူမျိုးစု များပြားလှသည်။ စစ်အာဏာဖြင့် အုပ်ချုပ်ရာမှ အမြဲမငြိမ်သက်ပဲ၊ သာသနာပြုအဖွဲ့ခေါင်းဆောင်ကိုပင် အသိပေးနိုင်ခြင်းမရှိ၊ အရေးပေါ်အခြေနေ၊ မြို့တော်လေဆိပ်ပင် ပိတ်ထားရချိန် ဒေါက်တာဖေမြတ်ဝင်း ဇိုင်ယာနိုင်ငံနှင့် အိမ်နီးချင်း Brazzaville နိုင်ငံမှတဆင့် ကွန်ဂိုမြစ်ကို ဖြတ်ကျော်ပြီး၊ သာသနာပြုဆေးရုံသို့ ရောက်ရှိသွားခြင်း၊ ပြင်သစ်စကားတစ်လုံးမှမတတ်ပဲ စစ်တပ်၊ စစ်သားများ ကြီးစိုးသော အာဖရိကအငြိမ်မသက် နိုင်ငံ၊ အကျင့်ပျက်ချစားမှုများဖြင့် ပြည့်နှက်နေသော အင်္ဂလိပ်စကားပြောသူရှာမတွေ့နိုင်သော ဇိုင်ယာနိုင်ငံ ဗန်ဂါမြို့၊ သာသာနာပြုဆေးရုံသို့ အံ့သြဘွယ် အခက်ခဲမရှိရောက်သွားသည်။ သာသနာပြုခရီးအစတွင် အသိပညာ၊ အတတ်ပညာရှိရုံဖြင့် အမှုတော်ကို မထမ်းဆောင်နိုင်ကြောင်း၊ ကျွန်တော့မှာလ်း အစေခံရန်အရည်အချင်းမရှိကြောင်း မသိသေးပေ။ သင်ခန်းစာများစွာ တွေ့ကြုံရသည်။ 

အမေရိကားမှ ထွက်ခွာစဉ် ဆရာတော်ဂျမ်းနှင့်ဇနီးက ပေးလိုက်သော စာကို ဖတ်ရင်း ဒူးထောက်ကျေးဇူးတော် ချီးမွမ်းခဲ့ပါသည်။

- ချစ်သား၊ မနက်ဖန်အတွက် မစိုးရိမ်နှင့်
- ဘဝ၏အသစ်သော စိန်ခေါ်မှုကို မကြောက်နှင့်
- သင်နားမလည်ရုံနှင့် စိတ်ပျက်စရာအကြောင်းမရှိလှပါ
- သင် မသိသည့်အရာများကို ငါသိတော်မူသည်
- ထို့ကြောင့် သင့်အား တာဝန်ချထားရာသို့ ရွှင်လန်းစွာ သွားပါ
- ငါ၏ ဂတိတော်မှတစ်ပါး အခြားဘယ်အရာကိုမျှ သင်မလို
- ဘယ်နေရာ၊ ဘယ်အရပ်သို့ သွားရသည်မဆို၊ ငါသည် သင့်ရှေ့မှ သွားလျှက်ရှိကြောင်း သိရှိထားရန်သာ လိုအပ်ပါသည်....။ 
-

ခွဲစိတ်ဆရာဝန်-အမှုတော်ထမ်းဆောင်ခြင်း
တာဝန်လွှဲပေးမည့် ခွဲစိတ်ဆရာဝန်ကြီး ဒမ် ထံမှ လေ့လာ၊ မှတ်သားမှု တစ်နှစ်အကြာတွင် တာဝန်လွှဲသည်။ ခက်ခဲလှသော မတတ်မဖြစ်သည့် ပြင်သစ်ဘာသာစကားကို အပြင်းထန်သင်ယူခဲ့သည်။ အမေရိကန်ဆရာဝန်တစ်ဦး စတင်ခဲ့သော ကုတင်၄၅၀ဆန့်၊ ဇိုင်ယာနိုင်ငံတွင် အကောင်းဆုံး၊ ပစ္စည်းအစုံလင်ဆုံး သာသနာပြုဆေးရုံကြီး၊ ၁၂နှစ်ကြာမည့် ဝိညာဉ်ခရီးအစဖြစ်သည်။ ယခင်က မြန်မာပြည်ထက် အစစ သာလွန်သော နိုင်ငံများသို့ သွားလာခဲ့စဉ် စိတ်အားငယ်ရသော်လည်း၊ ယခုအခါ အစာရေစာ ရှားပါးလှသော၊ ကမ္ဘာ့အဆင်းရဲမွဲတေဆုံး၊ စရိုက်ကြမ်းတမ်းသော စစ်အုပ်ချုပ်သည့် ဇိုင်ယာနိုင်ငံသို့ ရောက်သွားပြီး အမိမြန်မာနိုင်ငံအတွက် စိတ်အားတက်မိသည်။ (၁၉၉၃ ခု မှ ၁၉၉၅ နှစ်တွင်ဖြစ်သည်)။ 

သာသနာပြုဆေးရုံတွင် လူနာကို ခေတ်မှီဆေးဖြင့်ကုစားသည်ထက် စိတ်၊ဝိညာဉ် မြင့်ကုစားခြင်းက ပိုမိုအောင်မြင်ကြောင်း၊ အတူရှိနေသော ခရစ်ယန်ဘုန်းတော်ကြီးများ အရေးပါမှုကို လက်တွေ့သိရသည်။ (၃၅)နှစ်လုံး သာသနာပြု၊ ခွဲစိတ်ဆရာဝန်ကြီး ဒေါက်တာဒင် ပင်လျှင် စာတန်၏တိုက်ခိုက်မှုများစွာ ခံရသည်။ လူတို့၏ ကဲ့ရဲ့ပြစ်တင်၊ ထိုးနှက်ခြင်းကို ခံကြရသောအခါ ကျွန်ုပ်တို့ စေ့စေ့ကြည့်နေရမည့်သူမှာ ခရစ်တော်ပင်ဖြစ်ပါ၏။ ထိုသခင်ကဲ့သို့ ရှက်ကြောက်စရာ ကောင်းသောအရာကို မမှုဘဲ (ဟေဗြဲ ၁၂း၂) အထက်တော်မှ ခေါ်တော်မူခြင်းနှင့် ဆိုင်သောဆုကို ရခြင်းငှာ ပန်းတုံးတိုင်သို့ ပြေးကြပါစို့ (ဖိ ၃း၁၄)။ 

နောက်ဆုံး စစ်အာဏာရှင်ကြီးမိုဘူတူ အစိုးရအား ပြည်နယ်များမှ ဝိုင်းဝန်းတိုက်ခိုက်သော ပြည်တွင်းစစ်ဖြင့် ဖြုတ်ချလိုက်သည်။ စစ်အာဏာရှင် စစ်ဗိုလ်ချုပ်ကြီး သေဆုံးသွားရှာသည်။ တိုက်ခိုက်အနိုင်ရသော အစိုးရလည်း ကောင်းမလိုနှင့် မထူးမခြားပါ။ တော်လှန်ရေးစစ်ဗိုလ်နှင့်တပ်များ ဆေးရုံတွင် သောက်စား၊ ရမ်းကား၊ သေနပ်ဖောက်ပြီး သာသနာပြုများကို ရန်လို၊တိုက်ခိုက်ချိန်၊ အားလုံး ကြောက်ရွံ့၊ နှုတ်ဆိတ်၊ ပြောသမျှခံနေရချိန်တွင် ဗီယက်နမ်စစ်တွင်း နှစ်များစွာ၊ သာသာနာပြုခဲ့သော ဂျာမန်ဘုန်းတော်ကြီး၏ ရဲရင့်စွာပြန်ချေပစကားနှင့် တည်ငြိမ်မှုမှာ အံ့သြဘွယ်ဖြစ်သည်။ ပြည်သူများ ဆင်းရဲဆဲဖြစ်သည်။ ခရစ်တော်ဘုရား၏ ချစ်ခြင်းမေတ္တာသည် အာဖရိက ပြည်သူတို့၏ နှလုံးသားများတွင် အမြစ်တွယ်လာမှသာ ငြိမ်းချမ်းသာယာ ဝပြောနိုင်ကြပါမည်။ ထိုသို့ဖြစ်ရန် နောက်ထပ် အနှစ်(၅၀) စောင့်ရမည်ဟု ဆိုနေပါသည်။ ဒေါက်တာ ဒင်ဖောင်တိန် တက္ကသိုလ်ကျောင်းသားဘဝက Wall Street Journal မဂ္ဂဇင်ကြီးက အနာဂါတ် အလားအလာအကောင်းဆုံးလူငယ်အဖြစ် ရွေးခံရဖူးသည်။ အလားတူ အမေရိကန်သမ္မတဖြစ်လာသော နစ်ဆင်၊ ကနေဒီ တို့လည်း အလားအလာရှိသော လူငယ်အဖြစ် အရွေးခံရဖူးသည်။ ဒင်ဖေါင်တိန် ကတော့ ခရစ်တော်ရဲ့ အစေခံဘဝကို ရွေးချယ်ပြီး အာဖရိက တောရွာလေးတစ်ခု၌ မိမိဘဝကို မြှပ်နှံခဲ့ပါသည်။ 

ဒေါက်တာဖေမြတ်ဝင်း တို့၏ သာသနာပြုအဖွဲ့သည် သေဘေး၊ စွပ်စွဲမှုများ၊ လုယက်မှုများ၊ ထောင်ချမှုများမှ ကြံကြံခံ၊ လွတ်မြောက်ခဲ့ခြင်းသည် ဘုရားသခင် ကျေးဇူးတော်ဖြစ်သည်။ အိုး.. အကျွန်ုပ် ဘုရားသခင် ထာဝရဘုရား ကျေးဇူးတော်ကို အစဉ်မပြတ် အမြဲချီးမွှမ်းပါမည် (ဆာ ၃၀း ၁၁-၁၂)။ 

ဝိညာဉ်ရေးခွန်အားယူရန် အလွန်ကောင်းသော အပိုင်း(၂) ကို ဒေါင်းလုပ်ဖတ်နိုင်ပါသည်။ အံ့သြဘွယ် ကမ္ဘာ့အဆင့် မြန်မာ့သာသနာပြုတစ်ဦး အာဖရိက (၁၂)နှစ်တာ အံ့သြဘွယ် ဝိညာဉ်ခရီးမှတ်တမ်း အခန်း (၁-၇)အထိ တင်ပြလိုပါသည်။

အစ-အဆုံး စာအုပ် အပိုင်းခန်းပေါင်း၄၀ စာအုပ်ကို မှာကြားလိုသူများ ဒေါက်တာဖေမြတ်ဝင်းထံ ဆက်သွယ်ပါရန်။ ဖုန်း - +၉၅ ၉၅၀၂၈၈၅၈

http://www.mediafire.com/view/35fvpumwwsoirji/dr.pemyat.win2.pdf (9.3MB)
http://www.mediafire.com/view/g2i5vuzvcg11nic/dr.pemyat.win3.pdf (8.9MB)