တံခါးခေါက်လျှင် နှလုံးသားကိုဇွင့်ပေးစိုးစံစေပါ - ဆရာစောသြဂတ်စတပ်


01-Dec-2013
ဆရာစောသြဂတ်စတပ် (ယုဒသန်နှစ်ခြင်းအသင်းတော်၊ တနင်္ဂနွေတရားဒေသနာ)
ကျမ်းပိုဒ်များ၊
- မဿဲ ၁း၂၁ (ဖွားမြင်ခြင်း)။
- ယောဟန် ၁၀း၁၀ (ငါလာချိန်သည်)။ မ
- ဗျာဒိတ် ၃း၂၀-၂၂ (စားသောက်ခြင်းနှင့်အောင်မြင်ခြင်း)
ဦးစွာပထမ Sweet December နှုတ်ခွန်းဆက်ပါသည်။ ဒီဇင်ဘာတစ်လလုံး Jesus ကို နှလုံးသားဖြင့်လက်ခံလျှင် ဘဝအသက်တာပြောင်းလဲပါမည်။ သခင်ယေရှုကို ဥပက္ခာမလုပ်ရန်၊ နာရီတိုင်း၊စက္ကန့်တိုင်း၊ နှလုံးသားမှ ယေရှုမွေးဖွားရန်လိုသည်။ ခဏတာ၊ တစ်လလောက် ယေရှုကို သင့်ထံ ထိုင်ခွင့်ပေးလိုက်ပါရန် နှုတ်ခွန်းဆက်ပေပြာပါသည်။

မြန်မာပြည်တွင် မစ်ရှင်နှစ်ပတ်ခရီးစဉ်
ရန်ကုန်မှာဖားအံ၊ ကားပြောင်းစီးပြီး မြိုင်ကြီးငူ၊ ထိုနောက် ဖားပွန်ရောက်သည်။ တပ်မတော်၊ နယ်ခြားစောင့်တပ်၊ ကေအင်ယူ၊ ဒီကေဘီအေ ဂိတ်များကို ကားရပ်ပြီး စစ်ဆေးခံကျော်ဖြတ်ခဲ့ရသည်။ ခေါ်တော်မူခြင်းခံရသူ ဆရာဂျူဝယ် ယခင်က အမြဲသွားသောခရီးဖြစ်ပြီး၊ လွမ်းမိသည်။ ယခင် ဆရာဂျူဝယ် ဖားပွန်ခရီးသွားစဉ် နယ်မြေမငြိမ်းချမ်းသောကာလဖြစ်သောကြောင့် အရမ်းခက်ခဲသော်လည်း၊ ယခုအခါ ကားဒရိုင်ဘာကိုသာ စစ်ဆေးမေးမြန်းပြီး၊ ခရီးသည်များ ကားပေါ်မှဆင်းစရာမလိုပဲ အဆင်ပြေပါသည်။ ဖားပွန်တွင် ပုသိမ်-မြောင်းမြအသင်းတော်မှ စေလွှတ်သော လူငယ်များစွာရှိပါသည်။ လွန်ခဲ့သောနှစ်ပေါင်းများစွာကတည်းက ခရစ်တော်အားယုံကြည်ချက်ဖြင့် ဖားပွန်ဒေသသို့ အေီးစခံလာရောက်သူ လူငယ်များဖြစ်သည်။ တစ်နှစ်ဆက်ကပ်သူ၊ ၃၊ ၄၊ ၅နှစ် ဆက်ကပ်သူ၊ ၁၀နှစ်ကျော် ဆက်ကပ်နေသူ လူငယ်များစွာ အစခံခဲ့ကြသည်။ စစ်တပ်ကြောင့်၊ ငှက်ဖျားကြောင့်၊ အများအပြားသေဆုံးသွားခဲ့ပြီးဖြစ်သည်။ ယခုလူငယ် ၃၀လည်း ဖားပွန်တွင်ရှိနေပြီး၊ ဘော်ဒါဆောင်များ၊ ကျမ်းစာကျောင်း၊ သာသနာပြုကျောင်းများမှဖြစ်သည်။ ခြေလျှင်လျှောက်လာချိန်သည် ၄နာရီမှ တစ်နေ့လုံး သူတိုနေထိုင်ရာ တောင်ပေါ်ဒေသများမှ ဆင်းလာကြသူများဖြစ်သည်။ ၃ရက်တိုင် အတူဝတ်ပြု၊ ကျမ်းစာသင်၊ ဆုတောင်း၊ လုပ်ဆောင်နိုင်ခဲ့သည်။ ကြွေးမွေး၊ပေးကမ်းခြင်းများလုပ်နိုင်ရန်အတွက် ပံ့ပိုးပေးသော ယုဒဿန်အသင်းတော်ကို ကျေးဇူးတင်ပါသည်။ ရန်ကုန်ပြန်ရောက်ချိန် ဆရာဒေးဗစ်လားအဖွဲ့ လာကြိုသည်။ ဆရာဒေးဗစ်လားအဖွဲ့ရန်ကုန်ရောက်နေမှန်း ကျွန်တော်မသိပါ။ သူတို့နှင့်၃ညတာ ၈မိုင်လမ်းဆုံတွင်၊ ကြီးမားသော တရားဒေသနာ၊ အနာရောဂါပျောက်ကင်းမှုကို Excel Tower တွင်ပြုလုပ်ရာတွင် ပါဝင်နိုင်ခဲ့သည်။  မြစ်ကြီးနားသွားရန်ရှိပြီး၊ ဆရာဒေးဗစ်လားတို့ အဖွဲ့နှင့် ၃ရက်ခရီးကို ဆက်လက်လိုက်ရန် လေယဉ်လက်မှတ်လုံးဝမရသောကြောင့်၊ မလိုက်ဖြစ်တော့ပဲ ပုသိမ်၊ချောင်းသာမှ နှစ်ခြင်းအသင်းတော်တွင် ဟောပြောခဲ့သည်။ ဒီဆရာတရားဟောတာ မျက်မှန်မတတ်ဘူး ဟုပြောခံရသည်။ မကြောက်ပဲ ပြောစရာရှိတာ ရှင်းရှင်းဟောပြောခဲ့ခြင်းကို ဒေသခံများက မျက်မှန်မတပ်ပဲဟောသည့် တရားဟု ဆိုလိုသည်။ ယခုအချိန်တွင် လေချိုအေးတရားများ မဟုတ်ပဲ၊  စာတန်မာနတ်ကို ချေမှုန်းရမည့် တရားများကိုဟောရမည့်အချိန်ဖြစ်သည်။ အသံကျယ်လောင်စွာဟောရခြင်းမှာလည်း မိတ်ဆွေများအား စာတန်မာနတ်က ချည်နှောင်ထားခြင်းမှ လွတ်မြောက်စေလိုသောကြောင့်၊ အောင်မြင်သောဘဝအသက်တာကို ရရှိစေရန် အသံမြှင့်ပြီး တရားဒေသနာဟောရခြင်းဖြစ်သည်။

Sprit ဟူသော အရက်ပြန်သည်၊ အေးမြပါသည်။ သို့သော် အသားပေါ်မှအနာပေါ် Sprit ကျပါက အလွန်စပ်သွားသည်။ စပ်သွားမှ အနာပျောက်မည်ဖြစ်သည်။ နှုတ်ကပတ်တော်လည်း ထိုအလားသဏ္ဍန်တူသည်။ နှုတ်ကပတ်တော်ခံရပြီး နာကျင်ခံစားရပါက မိမိအနာကိုပျောက်စေနိုင်မည်ဖြစ်သည်။ မနက်ဖန် မြန်မာပြည်သို့ ထပ်မံခရီးထွက်ရန်ရှိသောကြောင့် သတိရဆုတောင်းပေးရန်ဖြစ်သည်။


တရားဒေသနာ

(ကမ္ဘာဦး ၁း၂၆-၃၁) 
၂၆တဖန် ဘုရားသခင်က၊ ငါတို့ပုံသဏ္ဍန်နှင့်တညီ တသဏ္ဍန်တည်း လူကို ဖန်ဆင်းကြစို့။ သူသည် ပင်လယ်ငါးကို၎င်း၊ မိုဃ်းကောင်းကင်ငှက်တို့ကို၎င်း၊ သားယဉ်တို့ကို၎င်း၊ မြေတပြင်လုံးနှင့်တကွ၊ မြေပေါ်မှာ တွားတတ်သော တိရစ္ဆာန်အပေါင်းတို့ကို၎င်း အုပ်စိုးစေဟု အမိန့်တော်ရှိ၏။ ၂၇ထိုသို့ ဘုရားသခင်သည် မိမိပုံသဏ္ဍန်နှင့်အညီ လူကို ဖန်ဆင်းတော်မူ၏။ ဘုရားသခင်၏ ပုံသဏ္ဍန်တော်နှင့်အညီ လူယောက်ျား၊ လူမိန်းမ ကို ဖန်ဆင်းပြီးလျှင်၊ ၂၈အချင်းတို့၊ များပြားစွာမွေးဘွားကြလော့။ မြေကြီးကိုပြည့်စေ၍ နိုင်ကြလော့။ ပင်လယ်ငါးတို့ ကို၎င်း၊ မိုဃ်းကောင်းကင် ငှက်တို့ကို၎င်း၊ အသက်ရှင်၍ မြေပေါ်မှာလှုပ်ရှားတတ်သော တိရစ္ဆာန်အပေါင်းတို့ကို၎င်း အုပ်စိုးကြလော့ဟု မိန့်တော်မူ၍၊ သူတို့ကို ကောင်းကြီးပေးတော်မူ၏။

၂၉ဘုရားသခင်ကလည်း၊ ကြည့်ရှု့လော့။ မြေတပြင်လုံး၌ စပါးသီးကိုဖြစ်စေသော စပါးပင်အမျိုးမျိုး တို့ကို၎င်း၊ မျိုးစေ့ကိုဖြစ်စေသော အသီးနှင့် ပြည့်စုံသော သစ်ပင်အမျိုးမျိုးတို့ကို၎င်း၊ သင်တို့စားစရာဘို့ ငါပေး၏။ ၃ဝမြေသား၊ မိုဃ်းကောင်းကင်ငှက်၊ အသက်ရှင်၍ မြေပေါ်မှာတွားတတ်သော တိရစ္ဆာန်အပေါင်းတို့ စားစရာအဘို့၊ မြက်ပင် အမျိုးမျိုးတို့ကို ငါပေးမည်ဟု မိန့်တော်မူသည်အတိုင်း ဖြစ်လေ၏။ ၃၁ဘုရားသခင် သည် မိမိဖန်ဆင်းသမျှသော အရာတို့ကို ကြည့်ရှုလျှင်၊ အလွန်ကောင်းသည်ကို မြင်တော်မူ၍၊ ညဦးနှင့်နံနက် သည် ဆဌမနေ့ရက်ဖြစ်လေ၏။


ဘုရားသခင်၏ ဖန်ဆင်းခြင်းအကြောင်းဖြစ်သည်။ ထိုဖန်ဆင်းထားသောအရာတို့ကို ကြည့်ရှုလျှင် အလွန်ကောင်းသည်ကို မြင်တော်မူသည်။

(ဗျာဒိတ်ကျမ်း ၃း၂၁-၂၂)
၂၁ ငါသည် တံခါးရှေ့မှာရပ်၍ ခေါက်လျှက်နေ၏။
အကြင်သူသည် ငါ၏အသံကို ကြား၍ တံခါးဖွင့်အံ့၊ ထိုသူရှိရာငါဝင်၍ သူနှင့်အတူ စားသောက်မည်။ သူလည်း ငါနှင့်အတူ စားသောက်ရလိမ့်မည်။
၂၁ ငါသည်အောင်မြင်၍ ငါ့ခမည်းတော်၏ ပလ္လင်တော်ပေါ်မှာ ခမည်းတော်နှင့်အတူ ထိုင်နေသကဲ့သို့၊ အောင်မြင်သောသူသည် ငါ၏ ပလ္လင်ပေါ်မှာ ငါနှင့်အတူ ထိုင်နေရသောအခွင့်ကို ငါပေးမည်။
၂၂ ဝိညာဉ်တော်သည် အသင်းတော်တို့အား အဘယ်သို့မိန့်တော်မူသည်ကို နားရှိသောသူ ဧည့်သည်ကား ကြားပါစေ ဟု မိန့်တော်မူ၏။


ကမ္ဘာဦးဖန်ဆင်းခြင်းနောက်ပိုင်းတွင် ဘုရားသခင်က လူသားကို
၁။ စားဝတ်နေရေးအတွက် တာဝန်ယူခဲ့သည်။
၂။ တလောကလုံးကို အုပ်စိုးခွင့်ကိုပေးခဲ့သည်။

သို့သော် စာတန်စကားကို နားထောင်သောမိသော လူသားအတွက် ထိုအခွင့်၂ခု ဆုံးရှုံးသွားသည်။ စားဝတ်နေရေးပြဿနာကြီး ဖြစ်လာသည်။ လောကကြီးတွင် စာတန်၏အုပ်စိုးခြင်းကို ခံနေရသည်။ ယောင်္ကျားသည်လည်း ဘုရားသခင်၏ကျိန်ခြင်းကိုခံရပြီးနောက် ပင်ပမ်းစာလုပ်ကိုင်စားသောက်ရသည်။ အမျိုးသမီးများအတွက် ကိုယ်ဝန်ဆောင်၊သားမွေးခြင်းများ ခံစားရသည်။ လွန်ခဲ့သောနှစ်ပေါင်းများစွာက စင်ကာပူတွင် အယောက်၃၀ခန့်စုပေါင်းနေထိုင်ရာ စားသောက်စရိတ်သည် အခက်ခဲကြီးတစ်ခုဖြစ်ရသည်။ ထိုစဉ်က အင်ဂျင်နီယာမိတ်ဆွေတစ်ဦးသည် မနက်ပိုင်မှ ည၁၁နာရီတိုင်အောင် အလုပ်လုပ်ပြီး၊ ပါစီပန်ဂျင်းဟင်းသီးရွက်ဆိုင်မှ ခြင်းတောင်း၂ခုနှင့်အပြည့် သူ၏ကားပေါ်တင်လာပြီး ကျွန်တော်တို့ကို လာပေးလေ့ရှိသည်။ စားသောက်ဖို့အဆင်ပြေရသည်။ သူက ဆရာ..ဒီလောကကြီးမှာ ကျွန်တော်တို့ ဆင်းရဲ၊ပင်ပမ်းစွာ အလုပ်လုပ်ရတာ အပြစ်ရဲ့ပင်ပမ်းခြင်းတွေပဲ..ဟုပြောပါသည်။

ယခုအခါ မပင်ပမ်းတော့ပါ။ ပျော်ရွှင်ဝမ်းမြောက်ရပါသည်။

အမှတ်(၁)
အပြစ်ကျိန်ခြင်းမှ လွတ်မြောက်ရန်အတွက် ဘုရားသခင်၏ သားယောင်္ကျားကို ဖွားမြင်သည်။ ကျွန်ုပ်တို့ နှလုံးသားကို တံခါးလာခေါက်သည်။  နဖူးမှခြေဖျားထိအောင် ချွေးပေါက်ပေါက်ကျသည့်တိုင် ပင်ပမ်းစွာလုပ်ရသော ဒုက္ခများမှ လွတ်မြောက်သွားသည်။ ယေရှုက အပြစ်တရားမှ ရွေးနှုတ်လိုက်ခြင်းဖြစ်သည်။ ကျွန်ုပ်တို့ နှလုံးသားတံခါးကို ဖွင့်ထားရန်သာလိုသည်။ မိတ်ဆွေနှင့်အတူစားသောက်မည်။ ထမင်းပွဲအတွက်ပါ တာဝန်ယူမည်ဟု ဆိုသည်။ ယေရှုအားမိမိက ကျွေးစရာမလိုပါ။ ယေရှုက မိမိကိုကျွေးမည်၊ ကျွေးလိုသည်ဟု ကျွေးမည့်သူက တံခါးခေါက်လျှက်ရှိပါသည်။

ဓမ္မဟောင်းကျမ်းတွင် နေမိဗောရှက်ဆိုသူ ခြေ ဆွံ့အ၊ မသန်မစွမ်းသူ၊ ဒါဝတ်မင်း၏ လူများကို အလွန်ကြောက်ရွံ့စွာဖြင့် တံခါးပိတ်၊နေထိုင်ရသည်။ ခွေးသေကောင်ဘဝဖြစ်သည်။ သူကို သတ်မည်စိုးရိမ်ရချိန်တွင် တံခါးခေါက်ခေါက်ပြီး၊ ဖွင့်ဝင်လာချိန်ကာ ရှောလုမင်း၏ တစ်ဦးတည်းကျန်နေသော သားတော် နေမိဗောရှက်ကို ဒါဝတ်မင်းက ချီးမြှောက်လိုသည်ဟု ဆိုလာသည်။ ရှင်ဘုရင် ဒါဝိတ်နှင့်ပင် အတူထမင်းစားခွင့်ကို ရရှိသည်။ စားဝတ်နေရေးအတွက် ပူပင်စရာမလိုတော့ပါ။ ဘုရင့်စားပွဲကြီးသူထံရောက်လာခဲ့သည်။ ယခင်က ကမ္ဘာကိုလွှမ်းမိုးခဲ့သူ အင်္ဂလိပ်များသည် မည်သည့်နိုင်ငံ၊ မည်သည့်တောတောင်၊ အရပ်ဒေသရောက်ပါစေ စားသောက်ပွဲကို ခမ်းနားစွာပြင်ဆင်ပြီး၊ အင်္ကျီအဖြူ၊ ဘောင်ဘီဝတ်ပြီး စားသောက်ကြသည်။ ထိုကဲ့သို့ပင် ဘုရားသခင်က အစားအသောက်အတွက် ပူစရာမရှိအောင် ပြင်ဆင်ပေးမည်ဖြစ်သည်။ ပင်ပမ်းမှုအားလုံးပျောက်သွားရန် တံခါးခေါက်ချိန် ဖွင့်ပေးလိုက်ပါ။

အမှတ်(၂)
ငါ၏ ပလ္လင်ပေါ်မှာ ငါနှင့်အတူ ထိုင်နေရသောအခွင့်ကို ငါပေးမည်..ဟုဆိုသည်။ လောက၏ ကျွန်မဟုတ်တော့ပဲ၊ သခင်ဘဝရောက်သွားရပြီ၊ လောကတွင်နေစဉ် ဟိုဟာကြောက်ရ၊ သည်လူကြောက်ရ၊ သင်းအုပ်ဆရာကိုပင် ကြောက်ရ၊ ကျွန်ဘဝသို့ရောက်နေသော လောကကျွန်ဖြစ်နေလျှင် တံခါးကိုပဲ ဖွင့်ပေးလိုက်ပါ။ သခင်အရာမှာ စိုးစံသည့် အာဏာကိုပြန်ရရှိမည်။ အပြစ်မှ ကယ်ချွန်မည့် မေရှိယဖြစ်သည်။ ကယ်တင်ရှင်လည်းဖြစ်သည်။

စားဝတ်နေရေးအတွက် ရုန်းကန်၊ အလုပ်လုပ်နေရသောအခါ ဘုရားနှင့်ဝတ်ပြုချိန်မရတော့ပါ။ ယခု တံခါးကိုဖွင့်ပေးလိုက်သောအခါ စားဝတ်နေရေးကို ဘုရားကတာဝန်ယူလိုက်ပြီဖြစ်သည်။ ထိုအချက်ကို သဘောပေါက်သွားသောအခါ ဘုရားနှင့်ဝတ်ပြုချိန် အချိန်များစွာ ပိုထွက်လာရသည်။ စားဝတ်နေရေးအတွက် အဟန့်အတားဖြစ်နေခြင်းကို ကယ်တင်ရှင်က တာဝန်ယူလိုပါသည်။ ကယ်တင်ရှင်တာဝန်ယူပြီးသည့်နောက် မိမိအလုပ်အကိုင်ကို မလုပ်ရတော့ဟု ဆိုလိုခြင်းမဟုတ်ပါ။ မိမိအလုပ်ကို ဆက်လက်လုပ်ကိုင်နေသောလည်း ပင်ပမ်းခြင်းမရှိ၊ ဘုရားကတာဝန်ယူသောကြောင့် ပေ့ါပါး၊ ငြိမ်သက်ခြင်းရရှိပြီး၊ ရုန်ကန်စရာမလိုတော့သည် အခြေနေသို့ ရောက်မည်။ 

အသင်းတော်တွင် အသင်းတော်တံခါးကို မဖွင့်ပေးပဲ၊ ပိတ်ထားခြင်းကို ပြောလိုပါသည်။ သင်းအုပ်ဆရာများနှင့်တွေ့ဆုံမိတ်သဟာရပြုရင်း စိတ်ပျက်ရသည်။ သို့သော် မကြောက်နှင့်၊ မစိုးရိမ်နှင့်ဟူသော အားပေးမှုကြော့် ဆက်လက်လုပ်ရန် ခွန်အားရပသည်။ လုပ်ရမည်မှာ ဆာငတ်နေသော အသင်းသားများအတွက်၊ တံခါးလာခေါက်ခြင်းကို ဖွင့်ပေးရန် ဆုတောင်းပေးရမည်ဖြစ်သည်။

အာဏာရှင်ဆိုရာတွင်
- နိုင်ငံရေးအာဏာရှင်များ၊ ဥပမာ ထိုင်းနိုင်ငံတွင် လူအများဝိုင်းဝန်းတောင်းဆိုနေမှုကို နားလည်သင့်သည်။ ယခုမှာ စစ်သား၃သောင်းကို ခေါ်ပြီး လူများကိုထိန်းချုပ်စေသည်။ နိုင်ငံရေးအာဏာရှင်ဖြစ်သည်။
- ဝိညာဉ်ရေး အာဏာရှင်ဆိုသည်မှာ တံခါးကိုလာခေါက်ပြီး၊ ကယ်တင်ရှင်ကိုလက်ခံရန် ဖွင့်ပေးရမည့်အစား၊ တံခါးမဖွင့်ပေးပဲ၊ ဥပဒေများ၊ စည်းကမ်းများဖြင့် တံခါးကို ပိတ်ထားကြသည်။ ဝိညာဉ်ရေးအာဏာရှင်များဖြစ်သည်။ အသင်းသားများမှာ သိပ်သနားစရာကောင်းပါသည်။

အမ်ဘီစီ နှစ်ခြင်းအသင်းတော်များစွာလည်း Constitution, Institution များဖြင့် အလုပ်ရှုပ်နေကြသည်။ ဝိညာဉ်တံခါးကိုဖွင့်ရန် တက်ပြီးပြောသောအခါ လက်ခုတ်တီးကြိုဆိုကြသည်။ ယုဒသန်အသင်းတော်မှ ဥက္ကဌဖြစ်သူနှင့် သင်းထောက်ဖြစ်သူတို့ ၂ဦးလည်း ရန်ကုန်သို့ လာရောက်ပါဝင်ခဲ့ကြပါသည်။ အသင်းတော်များ ဝိညာဉ်မျက်စိပွင့်လာလျှင် စာတန်၏ အာဏာရှင်စနစ်ကို ကျော်လွှားကာ၊ အောင်မြင်ခြင်းရမည်ဖြစ်သည်။

ဗျာဒိတ်ကျမ်း ၃း၂၁-၂၂ အရ ဝိညာဉ်ရေးလွတ်မြောက်ရန် ဘုရားသခင်က တံခါးခေါက်နေခြင်းကို နှလုံးသားနှင့်လက်ခံ၊ ဖွင့်ပေးပါက စားဝတ်နေရေးကို ဘုရားသခင်ကတာဝန်ယူမည်။ ထို့အပြင် လောကကိုအုပ်စိုးခြင်းအာဏာ၊ အောင်မြင်ခြင်းကိုလည်း ပြန်လည်ရရှိမည်ဖြစ်ကြောင်း ဟောပြောတိုက်တွန်းသွားပါသည်။

The End...