မိတ်ဆွေများအတွက်ငြိမ်သက်ခြင်း Peace for You


ခရစ်ယာန်ပြက္ခဒိန်တွင် ခရစ်စမတ်နှင့်အီစတာဟူသော အရေးကြီးသည့်နေ့ရက်ကြီးနှစ်ခုရှိသည်။ ခရစ်စမတ်သည်  ဤလောကလူသားများအတွက် ယေရှု မွေးဖွားကြွလာခြင်းဖြစ်ပြီး၊ အီစတာသည် ဤလောကလူသားများအတွက် ယေရှု လက်ဝါးကားတိုင်ပေါ်တွင် သံမှုဖြင့်ရိုက်နှက်ခံ သေလွန်သွားပြီးနောက် (၃)ရက်မြောက်သောနေ့တွင် ရှင်ပြန်ထမြောက်ခြင်းဖြစ်သည်။

သေသည့်လူသားတစ်ဦး အသက်ပြန်ရှင်နိုင်ပါသလား?
ကျိုးကြောင်းဆင်ခြင်ကြည့်ရှုပါက စင်္ကြာဝဠာကြီး၏ ဆန်းကြယ်တည်ရှိမှုကို မည်သူမျှအပြည့်အစုံနားလည်နိုင်မည်မဟုတ်ပါ။ အထူးသဖြင့် လူဘဝသည် ဆန်းကြယ်လှပေသည်။ အစိမ်းရောင်မြက်ကိုစားသော အနက်ရောင်နွားမထံမှ အဖြူရောင်နွားနို့ရရှိခြင်း။ အကြည့်ရဆိုးသော ဘောက်ဖတ် တကောင်မှ လှပသောလိပ်ပြာဖြစ်လာခြင်း စသည့်နားမလည်နိုင်သည့်အရာများစွာ ရှိသည်။

သိပ္ပံပညာရှင်တစ်ဦး၏ ၉နှစ်သမီးငယ်လေးသေဆုံးသွားသည်။ အပြစ်မဲ့သောသမီးငယ်၏ အုတ်ဂူကို လိပ်ပြာလေးဖြင့်အလှဆင်ထားသည်။ နောင်ဘဝတွင် လိပ်ပြာလေးကဲ့သို့ လှပစေလိုသည့် သိပ္ပံပညာရှင်က ဆန္ဒရှိသည်။  သက်သေပြနိုင်ခြင်းမရှိသော်လည်း နောင်ဘဝရှိကြောင်း ကျိုးကြောင်းဆီလျှော်စွာ လူတစ်ဦးအဖြစ် ယုံကြည်နေသည်။



ရှင်ပြန်ထမြောက်သောယေရှုသည် ငြိမ်သက်ခြင်းကိုပေးသည်။

ယေရှုရှင်ပြန်ထမြောက်ခြင်းကို သင် သံသယရှိပါသလား။ သံသယရှိသည်ဟု ဖြေပါက ကျနော်မအံ့သြပါ။ အဘယ့်ကြောင့်ဆိုသော် ယေရှု၏တပည့်တော်အချို့ပင်လျှင် သံသယရှိသောကြောင့်ဖြစ်သည်။ သမ္မာကျမ်းစာတွင်ပါရှိသည့်အကြောင်းအရာတစ်ခုရှိသည်။ ခုနှစ်ရက်၏ပထမနေ့တွင် တပည့်တော်များသည် ဂျူးလူမျိုးများကိုကြောက်ရွံ့သောကြောင့် အိမ်တံခါးပိတ်ပြီးနေစဉ် သူတို့ကြားတွင်ယေရှု ရုတ်တရက်ပေါ်လာပြီး သင်တို့တွင်ငြိမ်သက်ခြင်းရှိစေသတည်း၊ ထိုသို့မိန့်တော်မူပြီးမှ လက်တော်နှင့်နံဖေးတော်ကို ပြတော်မူသည် (ယောဟန် ၂၀း၁၉-၂၀)။ယေရှုကားတိုင်ပေါ်တွင် အသေသတ်ခံရပြီးနောက်ပိုင်း တပည့်တော်များသည် ဂျူးလူမျိုးခေါင်းဆောင်များကို ကြောက်လန့်သောကြောင့် စိတ်ပျက်အားငယ်နေချိန်ဖြစ်သည်။ သေဆုံးသွားသော ယေရှုသည် ရုတ်တရက် သူတို့အားလုံးရှေ့တွင် ပေါ်လာသောအခါ သူတို့၏မှောင်မိုက်နေသောစိတ်များကို အလင်းရောင်ကျလာသကဲ့သို့ ဖြစ်ပေါ်လာသည်။ ပထမဆုံး ယေရှုပြောကြားသောစကားမှာ "ငြိမ်သက်ခြင်းရှိစေသတည်း" ဟူသတည်း။ ထိုအချိန်တွင် တပည့်တော်များအတွက် အလိုအပ်ဆုံးမှာ ငြိမ်သက်ခြင်းပင်ဖြစ်သည်။  ငြိမ်သက်ခြင်းကိုသင်တို့၌ ငါထားခဲ့သည်။
ငါ၏ငြိမ်သက်ခြင်းကို သင်တို့အားငါပေးသည်။ လောကီသားကိုပေးသကဲ့သို့ ငါပေးသည်မဟုတ်။ သင်တို့စိတ်နှလုံးပူပန်ခြင်း၊ စိုးရိမ်တုန်လှုပ်ခြင်းမရှိစေနှင့်။  (ယေဟန် ၁၄း၂၇) ဟု ယေရှုကပြောသည်။

သင်တို့၌ငြိမ်သက်ခြင်းရှိစေသတည်း ဟုပြောပြီးနောက် ယေရှုသည်လက်နှစ်ဖက်ကိုဆန့်တန်းပြီး ကားတိုင်တင်စဉ် သံမှိုသံရိုက်နှက်ခံထားရသော သူ၏လက်မှအမာရွတ်များကိုပြသည်။ သင်တို့ထံထားရစ်မည့် ငြိမ်သက်ခြင်းသည် ကားတိုင်ပေါ်တွင်အသေခံပြီးပေးခဲ့ခြင်းဖြစ်သည်ဟု ဆိုသည်။ လူသားများ အပြစ်နွံတွင်ကျဆင်းသောအခါ ငြိမ်သက်ခြင်းပျောက်ဆုံးသွားသည်။ ယေရှုကို ယုံကြည်ခြင်းအားဖြင့် ပျောက်ဆုံးသွားသောငြိမ်သက်ခြင်းကို ပြန်လည်ရရှိပါသည်။



ယုံကြည်ခြင်းသည်မျက်စိဖြင့်မြင်ရုံဖြင့်မရနိုင်ပါ။
ယေရှု သေရာမှတဖန်ပြန်ရှင်လာခြင်းကို ထိုအချိန်က သောမဆိုသည့် တပည့်တော်တစ်ယောက်က မယုံပါ။ မြင်လိုက်ရသော တပည့်တော်များက သူတို့မျက်စိနှင့်တပ်အပ်မြင်လိုက်သည်ဟု ပြောသော်လည်း သူ့မျက်စိနှင့်မြင်ပြီး အမာရွတ်များကို သူ့လက်နှင့်ကိုင်တွယ်ကြည့်ပြီးမှယုံမည်ဟု ဆိုလာသည်။ သောမ၏ ယုံကြည်ခြင်းသည် ကျိုးကြောင်းဆီလျှော်မှုရှိမှ ယုံမည့်သဘောဖြစ်သည်။ ရှစ်ရက်မြောက်နေ့တွင် တပည့်တော်များစုရုံးနေစဉ်တွင် အိမ်တံခါးကို အသေအချာပိတ်ထားလျှက်နှင့် ယေရှုသည် သူတို့အကြားတွေင် တဖတ်ပေါ်လာပြန်သည်။ ငြိမ်သက်ခြင်းရှိစေသတည်။ သောမ..သင်၏လက်များကို ငါ့လက်မှ အမာရွတ်များပေါ်တွင် တင်ကြည့်ပါ။ မယုံကြည်မှုကို ရပ်လိုက်ပါ..ဟုယေရှုကပြောသည်။ 

သောမကလည်း အကျွန်ုပ်၏အရှင်၊ အကျွန်ုပ်၏ဘုရားသခင်ပါတကားဟု ပြန်၍လျောက်သည်။ ယေရှုကလည်း သင်သည်ငါ့ကိုမြင်သောကြောင့် ယုံခြင်းရှိသည်။ ငါ့ကိုမမြင်ပဲ ယုံသောသူတို့သည် မင်္ဂလာရှိကြ၏ ဟုမိန့်တော်မူ၏။ (ယောဟန် ၂၀း၂၄-၂၉) သောမ သံသယရှိခဲ့သည်။ သူ့စိတ်သည်  မယုံကြည်မှုဟူသော မှောင်မိုက်မှုထဲတွင် ရှိနေခဲ့သည်။ ရှင်ပြန်ထမြောက်သော ယေရှုသည် မနက်ခင်း အလင်းရောင်ကဲ့သို့ သောမထံမှ ညအမှောင်ကို ပျောက်ဆုံးသွားစေခဲ့သည်။ ယုံကြည်ခြင်းအခြေခံသည် မျက်စိနှင့်မြင်မှမဟုတ်ကြောင်းကို ယေရှုသည် သောမအား ထောက်ပြသခဲ့ပါသည်။ တပည့်တော်တစ်ဦးဖြစ်သော ပေတရုက ယုံကြည်ခြင်းဖြင့်အသက်ရှင်ရန်၊ မျက်စိဖြင့်မြင်မှသာ ယုံဖို့ မဟုတ်ဟု အသင်းတော်အားပြောကြားခဲ့သည်။  သင်တို့သည်မမြင်ဖူးသော်လည်း ချစ်ကြသည်။ ယခုမှာလည်း မမြင်ပဲလျှက် ယုံကြည်သောအားဖြင့် ဘုန်းအသရေနှင့်ဆက်ဆိုင်သော၊ ပြော၍မမှီနိုင်သော ရွှင်လန်းစိတ်နှင့် ဝမ်းမြောက်ကြသည်ဖြစ်၍ စိတ်ဝိညာဉ်ကို ကယ်တင်ခြင်းတည်းဟူသော ယုံကြည်ခြင်း၏အကျိုးကို ခံရကြ၏ (၁ပေ ၁-၈)။



ခက်ခဲသောမေးခွန်းများကိုဖြေကြားနိုင်သည်။
မတ်လနှင့်ဧပြီလများတွင် အရေးကြီးသောနေ့ရက်များရှိသည်။  Qing Ming Festival နှင့် Easter အီစတာတို့ဖြစ်သည်။ ကျွန်ုပ်အဖို့ ထိုနှစ်ရက်ကို ညီအမနေ့ရက်များဟု ဆိုချင်ပါသည်။ Qing Ming Festival  ပွဲတော်နေ့ရက်တွင် မေးသောမေးခွန်းကို Easter ပွဲတော်နေ့ရက်က အဖြေပေးပါသည်။ Qing Ming Festival ပွဲတော်တွင် သေဆုံးသွားသူ၏ အုတ်ဂူမှ ကွယ်လွန်သူဘယ်ရောက်၊ ဘယ်ပေါက်သွားသလဲဟူသော မေးခွန်းဖြစ်သည်။ သူတို့အသက်ရှင်စဉ်က ရယ်မော၊ငိုကြွေးနေထိုင်ခဲ့ပြီး ယခုသေလွန်ပြီးသည့်နောက် သူတို့ဘယ်ရောက်သွားကြပါသနည်း ဟု ကွန်ဖြူးရှပ်ကိုယ်တိုင် မသိသောကြောင့် မေးခွန်းထုတ်ခဲ့သည်။ ပညာရှိကြီး ကွန်ဖြူးရှပ်က အသက်ရှင်နေစဉ်ပင် ဘဝဆိုသည်မှာဘာလဲဟု မသိနိုင်လျှင် သေပြီးသည့်နောက် ဘယ်ရောက်သွားသည်ကို အဘယ်သို့သိနိုင်အံ့နည်း..ဟုပြောကြားခဲ့သည်။

ထိုတရုပ်တို့၏ Qing Ming Festival တွင်ရေးထားသောမေးခွန်းကို တရုပ်ပညာရှိကြီးကွန်ဖြူးရှပ်ကိုယ်တိုင် အဖြေမရှိပါ။ ဘုရားသခင်ကျေးဇူးတော်ဖြစ်သည်။ ရှင်ပြန်ထမြောက်သော ယေရှုတွင် အဖြေရှိသည်။ ငါသည် ထမြောက်ခြင်းအကြောင်း၊ အသက်ရှင်ခြင်းအကြောင်းဖြစ်၏။ ငါ့ကိုယုံကြည်သောသူသည် သေလွန်သောလည်းရှင်လိမ့်မည် (ယောဟန် ၁၁း၂၅)။ ကွန်ဖြူးရှပ်ကိုယ်တိုင် အဖြေမရှိဟု ဆိုသော်လည်း ယေရှုတွင်အဖြေရှိသည်။ ဤလောကမေးခွန်းအားလုံးအတွက် ယေရှုတွင်အဖြေရှိသည်။

သင့်ကို ကျနော်ဖိတ်ခေါ်လိုသည်မှာ ယေရှုကို ရိုးရိုးလေးယုံကြည်ရန်ဖြစ်သည်။ ယေရှုတွင် အလွန်ကြီးသောစွမ်းအင်ရှိသည်။ ရှင်ပြန်ထမြောက်ခဲ့သည်။ သင့်ပြဿနာအားလုံးကို ယေရှုဖြေရှင်းနိုင်ပါသည်။ သင့်၏ ဝမ်းနည်းမှုများ၊ ကြောက်ရွံမှုများ၊ စိုးရိမ်မှုများ အားလုံးဖယ်ရှားရန် ယေရှုအား အခွင့်ပေးလိုက်ပါ။ ထိုအခါ သင်သည် ငြိမ်သက်ခြင်း၊ ဝမ်းမြောက်ခြင်းနှင့်အတူ ရှင်ပြန်ထမြောက်ခြင်းကို ခံစားရပြီး ထာဝရအသက်ကိုပင်ရရှိမည် ဖြစ်ပါသည်။



ဆုတောင်းကြပါစို့
အို..ဘုရားသခင်၊ ကျနော်အားချစ်သောကြောင့် ကျေးဇူးတင်ပါ၏။ ကျနော်အပြစ်များအတွက် လက်ဝါးကပ်တိုင်ပေါ်တွင် အသေခံပြီးချစ်သောကြောင့် ကျေးဇူးတင်ပါ၏။ ယေရှု သေခြင်းမှတဖန် အသက်ရှင်လာခြင်းအားဖြင့် သင်၊ကျနော်တို့နှင့်သားသမီးများအားလုံး ခံစားရပါသည်။ ယခု ကျနော့်အားနည်းချက်များ၊ အပြစ်များကို ဝန်ချလျှက် ယေရှုအားယုံကြည်ပါသည်။ ကယ်တင်ပိုင်ရှင် ယေရှုဘုရားသခင်၏ နာမတော်အားဖြင့် ဆုတောင်းပါသည်။ အာမင်။

မူရင်းအင်္ဂလိပ်ဘာသာ
Singapore Every Home Crusade Co. Ltd 
Translated by http://murann.com,

 

Myanmar & English Original to read @
http://murann.com/stories/hope.in.jesus.resurrection.htm