နေ့စဉ်ခွန်အားစာအုပ်ကို မြန်မာ၊မလေး၊စင်ကာပူရှိမြန်မာများ မှာယူနိုင်ပါသည်။ 


ကောင်းမြတ် ကျက်သရေရှိသောနေ့

21.10.2013

မနေ့က ကျွန်တော်အနှစ်သက်ဆုံး အားကစားအသင်းမှာ နောက်ဆုံးဗိုလ်လုပွဲစဉ် ရှုံးနိမ့်ခဲ့ပြီး ချန်ပီယံဆု အိပ်မက်အဆုံးသတ်သွား သည်။ ယနေ့ အလုပ်သွားရန် ကားပေါ်တက်စဉ် ရာသီဥတုအေးပြီး ထိုင်းမှိုင်းနေသည်။ ကျွန်တော် အကြိုက်ဆုံးအသင်း ရှုံးသွားခြင်းက အရေးကြီး သောကိစ္စ မဟုတ်ငြားလည်း ဝမ်းနည်းဖွယ် တနင်္လာနေ့ကို ဖြစ်စေခဲ့သည်။
သို့သော် ရေဒီယိုမှလာသည့် သီချင်း တစ်ပုဒ်ကြောင့် ကျွန်တော့်အမြင် ပြောင်းသွား သည်။ အဆိုတော် ကာစ်တင် ကရောင်းစ်၏ “Glorious Day” ကောင်းမြတ်လှသောနေ့ သီချင်း ဖြစ်သည်။ “တစ်နေ့မှာ သခင့်ကို ကရာနီကုန်းပေါ်ဆောင်ယူကာ ကားတိုင်မှာ သတ်ခဲ့တာ” ဘာခွန်အားမှ မဖြစ်ပါ။ “ပြင်းစွာဝေဒနာ ခံစားရသည်၊ စွန့်ပစ်ငြင်းပယ်ခံရသည်။” စာသားများက ဆိုးပါသည်။ သို့သော် ခရစ်တော်၏ ထမြောက်တော်မူခြင်း သတင်းကောင်း နှင့် သေခြင်းကိုအောင်ခြင်းအကြောင်းကို ဆက်၍သီကျူးသည်။
အဆိုးဆုံးနေ့မှ – ယေရုရှလင်တောင်ကြော နေ့ခင်းဖက်အမှောင်ကျချိန်မှ လူသားတို့အတွက် တစ်ခုတည်းသောစစ်မှန်သည့် မျှော်လင့်ခြင်းထွက်ပေါ်လာ၏။ အကြောင်းမှာ ယေရှုသည် “ကျွန်ုပ်ကိုယ်စား သံနှင့်ရိုက်ထားခံကာ၊ ကျွန်ုပ်၏အပြစ်များကို အဝေးသို့ဆောင်သွားပြီ။” ထိုသခင်သည် တစ်နေ့သောအခါ ပြန်လာမည်။ “အို ကောင်း မြတ်လှသောနေ့တည်း။”
သင့်အတွက် ယနေ့သည် နေ့သစ်အစ မကောင်းသောနေ့ ဖြစ်ကောင်းဖြစ်မည်။ သင်စိတ်ပျက်သွားလောက်အောင် ဒုက္ခပြဿနာတစ်သီကြီးက စောင့်ကောင်းစောင့်နေ မည်။ ယေရှုထံ အာရုံပြောင်းလိုက်ပါ။ သင့်အတွက် ကားတိုင်ပေါ် သခင်ပြုခဲ့သည့်အမှု၊ သေခြင်းကိုအောင်ပြီး ရှင်ပြန်ထမြောက်ခြင်း အမှုများကို ဆင်ခြင်ပါ။ “ဤအရပ်၌မရှိ၊ မိန့်တော်မူသည်အတိုင်း ထမြောက်တော်မူပြီ” (မ ၂၈း၆)။ ထိုအခါ မည်သည့်နေ့ရက် မဆိုသည် ကောင်းမြတ်ကျက်သရေ ရှိလိမ့်မည်။ — Dave Branon

အသက်သခင်၊ ကျွန်ုပ်ကိုချစ်ပေ၊ အသေခံကာကယ်တင်ပေ၊ အပြစ်များအဝေးသို့ဆောင်၊ ဖြောင့်မတ်ရာ၌ တည်စေရေး ထမြောက်ပြီ၊ တစ်နေ့သခင်ပြန်လာမည်၊ ကောင်းမြတ်ဘုန်းထင်ရှားမည့်နေ့တည်း။ — Chapman

အလောင်းမဲ့သော ခရစ်တော်၏သင်္ချိုင်းဂူက ကျွန်ုပ်တို့အား မျှော်လင့်ခြင်းနှင့် ပြည့်စေ၏။

 

ဖတ်ရန်: မ ၂၇း၂၇ - ၃၁၊ ၂၈း၁-၆
ဤအရပ်၌မရှိ။ မ်ိန့်တော်မူသည် အတိုင်း ပြန်ရှင်တော်မူပြီ။   မ ၂၈း၆
သမ္မာကျမ်းစာ တစ်နှစ်တာ: □ ဟေရှာ ၆၂-၆၄ □ ၁ တိ ၁


လမ်းလွဲသောစိတ်နှလုံး

20.10.2013

နွားအုပ်တင်လာသော ထရပ်ကား တစ်စီးမှောက်သဖြင့် အဝေးပြေးလမ်းမတွင် နာရီ ပေါင်းများစွာ ယာဉ်ကြောပိတ်ဆို့မှု ဖြစ်ပွားခဲ့ သည်။ နွားအုပ်လွတ်သွားပြီး အဝေးပြေးလမ်းမ တစ်လျှောက် ခြေဦးတည့်ရာ လျှောက်ပြေးသည်။ လမ်းလွဲသွားသော နွားအုပ်အကြောင်းသတင်းကို ဖတ်ပြီး မကြာခင်က ကျွန်မလေ့လာခဲ့သော ထွက်မြောက်ရာကျမ်း အခန်းကြီး ၃၂ မှ ဘုရား သခင်ထံမှ လမ်းလွဲသွားသူများအကြောင်းကို စဉ်းစားမိသည်။
ဣသရေလဘုရင် ယေရောဗောင်မင်းသည် လူများကိုးကွယ်ရန် ရွှေနွားသူငယ်နှစ်ကောင်ကို ပြုလုပ်ခဲ့သည် (၃ ရာ ၁၂း၂၅-၃၂)။ သို့သော် ရွှေနွားကိုကိုးကွယ်ခြင်းက သူမှအစပြုခဲ့ခြင်းမဟုတ်ပါ။ ညှင်းပန်းနှိပ်စက်ခံရသော ကျွန် ဘဝမှ လွတ်မြောက်ပြီး ဘုရား၏တန်ခိုးတော်နှင့်ဘုန်းတော်ကို မြင်တွေ့ခဲ့ရသော်လည်း ဣသရေလလူတို့သည် မိမိစိတ်အလိုနောက်လိုက်ပြီး ဘုရားသခင်ထံမှလမ်းလွဲရန် အခွင့် ပေးခဲ့သည် (ထွက် ၃၂)။ သိနတောင်ပေါ်၌ မောရှေက ထာဝရဘုရားထံတော်မှ ပညတ်များကို လက်ခံယူစဉ် သူ့အစ်ကိုအာရုန်က ဘုရားသခင်၏လူများ ရွှေနွားရုပ်တု ပြုလုပ်ပြီး ဘုရားသခင်ထံမှ လမ်းလွဲအောင် ကူညီခဲ့သည်။ ဟေဗြဲသြဝါဒစာကို ရေးသူက “စိတ်သဘောမှားယွင်း”ပြီး (ဟေဗြဲ ၃း၁၀) ရုပ်တုကိုးကွယ်ခြင်းကို ဘုရားသခင် အမျက်ဒေါသထွက်ကြောင်း ဖော်ပြသတိပေးထားသည်။
ကျွန်ုပ်တို့၏ စိတ်နှလုံးသည် လမ်းလွဲလိုသော သဘောရှိကြောင်းကို ဘုရား သခင်သိသည်။ ကိုယ်တော်၏ နှုတ်ကပတ်တော်တွင် သူသည် ထာဝရဘုရားဖြစ်ကြောင်း နှင့် “အခြားသောဘုရား” ကို မကိုးကွယ်ရမည့်အကြောင်း ရှင်းရှင်းလင်းလင်း ပြောထား သည် (ထွ ၂၀း ၂-၆)။
“ထာဝရဘုရားသည် ကြီ်ိးမြတ်သောဘုရား၊ ဘုရားတကာတို့ထက်ကြီးမြတ် သောဘုရင်ဖြစ်တော်မူ၏” (ဆာ ၉၅း၃)။ ကိုယ်တော်သည် မှန်သောတစ်ဆူတည်းသော ဘုရားဖြစ်သည်။ — Cindy Hess Kasper

ဦးတည်ရာမဲ့သွားလိုသော သဘောရှိပြီး ချစ်သောဘုရားကို စွန့်လိုတာမို့ အကျွန်ုပ်နှလုံးကို ယူ၍ သခင့်ရှေ့တော် ဝင်ခွင့်တံဆိပ်ခတ်မူပါ။

ဘယ်အရာမဆို တစ်စုံတစ်ရာကိုလိုချင်စိတ်က ဘုရားကိုလိုချင်ခြင်းထက် ပိုနေပါက ၎င်းသည် ရုပ်တုကိုးကွယ်ခြင်းပင်ဖြစ်သည်။ — A.B Simpson


ဖတ်ရန်: ထွက် ၃၂း၂၁-၃၅
အို ဘုရားသခင်၊ ဤလူတို့သည် ပြစ်မှားသောအပြစ် ကြီးလှပါ၏။ မိမိ တို့အဘို့ ရွှေဘုရားကို လုပ်ပါပြီ။ ထွက် ၃၂း၃၁
သမ္မာကျမ်းစာ တစ်နှစ်တာ: □ ဟေရှာ ၅၉-၆၁ □ ၂ သက် ၃

အဘယ်မျှကြာမည်နည်း

19.10.2013

“ငုံးကို တောင်ပေါ်မှာ လိုက်၍ရှာ သကဲ့သို့” ရှောလုမင်းသည် ဒါဝိဒ်အား ၉နှစ်တာမျှ လိုက်လံချောင်းမြောင်းခဲ့သည် (၁ ရာ ၂၆း၂၀)။ “အို ထာဝရဘုရား၊ အကျွန်ုပ်ကို အလျှင်းမမှတ်ဘဲ အဘယ်မျှကာလပတ်လုံး မေ့လျော့တော်မူမည် နည်း။ အဘယ်မျှကာလပတ်လုံး မျက်နှာတော်ကို ကွယ်ထားတော်မူမည်နည်း။ …အကျွန်ုပ်၏ရန်သူ သည် အဘယ်မျှကာလပတ်လုံး အကျွန်ုပ်ကို အုပ်စိုးရပါမည်နည်း” (ဆာ ၁၃း ၁-၂) ဟု ဒါဝိဒ် ဆုတောင်းခဲ့သည်။
ကြာမြင့်စွာ ဆင်းရဲခံရလျှင် ကျွန်ုပ်တို့ စိတ်အနှောင့်အယှက်ဖြစ်ပြီး အဖြေချက်ချင်း လိုချင်သည်။ ဒုက္ခကို ခဏသာ ခံလိုသည်။ သို့သော် အချို့ကိစ္စများက ဖြေရှင်း၍မရဘဲ ခံနိုင်ရည်ရှိရှိ သည်းခံတုံ့ပြန်ရန်သာ ဖြစ်သည်။
သို့သော် ကျွန်ုပ်တို့၏ ဒုက္ခပြဿနာများကို ဘုရားသခင်ထံ တင်ပြနိုင်သည်။ ကျွန်ုပ်တို့ ရုန်းကန်နေရချိန်များတွင် ကောင်းကင်ဘုံရှင်အဖက သူနှင့်ညှိနှိုင်းတိုင်ပင်စေလိုသည်။ အခြားသူအားလုံးထက် သူ၏သားသမီးများကို ကိုယ်တော်နားလည်သည်။ ကိုယ်တော်ထံ တင်ပြတိုင်ပင်ပါက ဉာဏ်အလင်းကို ရလိမ့်မည်။ ဒါဝိဒ်မင်း၏ အဖြစ်အပျက်၌ ဘဝအသက်တာအတွက် သေချာသောအရာဖြစ်သည့်ဘုရားသခင်၏ မေတ္တာကို သူပြန်ဆင်ခြင်သည်။ “အကျွန်ုပ်သည် ကရုဏာတော်ကို ယုံကြည်ပါ၏။ ကယ်တင်တော်မူခြင်းအရာ၌ နှလုံးရွှင်လန်းပါလိမ့်မည်။ အကျွန်ုပ်၌ ကျေးဇူးပြုတော်မူ သောကြောင့် ထာဝရဘုရားကို ထောမနာသီချင်းဆိုပါမည်” (း၅-၆) ဟု ဒါဝိဒ် သူ့ကိုယ်ကို သတိပေးသည်။ ကြာရှည်စွာ ဒုက္ခခံစားရသော်လည်း စုံစမ်းခြင်းများကြား၌ ဒါဝိဒ်သီချင်းဆိုနိုင်ခဲ့သည်။ အကြောင်းမှာ သူသည် ဘုရားသခင်ချစ်တော်မူသောသား ဖြစ်သည်။ ဤအချက်ကို သူသဘောပေါက်ရန်သာ လိုသည်။
အေ ဒဗလျူ သော်ရို က “ဝိညာဉ်အသက်တာ၏ အမြင့်ဆုံး အထွတ်အထိပ်မှာ အစဉ်သာယာဝပြောခြင်းကြောင့် ဝမ်းမြောက်ရခြင်းမဟုတ်ဘဲ ဘုရားသခင်၏မေတ္တာ တော်ကို အကြွင်းမဲ့ သံသယကင်းစွာ ယုံကြည်ခြင်းဖြစ်သည်” ဟုရေးခဲ့သည်။ ဒုက္ခများ ကြုံတွေ့နေရစဉ်မှာပင် ဘုရားသခင်၏မေတ္တာကို ယုံကြည်နိုင်ပါ၏။ — David Roper

ယေရှုရှင်သည် အမှုထား၏။ ၀မ်းနည်းသောခါ ကြင်နာသည်။ နေ့တာရှည်ကြာ၍ ညချိန်မှာ ငြီးငွေ့ရာ၊ ယေရှုရှင်သည် ကြင်နာ။ — Graeff

အခြားအရာများ ကျရှုံးသွားချိန်မှာ ဘုရားသခင်၏မေတ္တာက တည်မြဲလျက်ရှိတာ။

ဖတ်ရန်: ဆာ ၁၃

အိုထာဝရဘုရား၊ အကျွန်ုပ်ကို အလျှင်းမမှတ်ဘဲ အဘယ်မျှကာလ ပတ်လုံးမျက်နှာတော်ကို ကွယ်ထား တော်မူမည်နည်း။      ဆာ ၁၃း

သမ္မာကျမ်းစာ တစ်နှစ်တာ: □ ဟေရှာ ၅၆-၅၈ □ ၂ သက် ၂
နေ့စဉ်ခွန်အား မြန်မာဘာသာ
http://murann.com/odb.htm  (zawgyi font)
http://jbcs.org.sg  (pdf file)
http://myanmar-odb.org

English Language 
http://odb.org
နေ့စဉ်ခွန်အားစာအုပ်ကို စင်ကာပူရှိမြန်မာများ မှာယူနိုင်ပါသည်။ အောက်ပါလိပ်စာသို့ မြန်မာလိုစာရေးပြီး မိမိအမည်၊ ကျား/မ လိပ်စာ၊ အလုပ်အကိုင်၊ အသင်းတော်အမည်၊  တယ်လီဖုန်းနံပါတ်၊ အီးမေး (ရှိလျှင်)၊ မွေးသက္ကရစ် တို့ကို ရေးသားပေးပို့ပါ။ သင့်ထံသို့စာအုပ်တစ်အုပ် ၃လတစ်ကြိမ် ပို့ပေးမည်ဖြစ်ပါသည်။ 

လိပ်စာ (စင်ကာပူ)

RBC Ministries Asia Ltd
(Co. Reg No 197200718C)
MacPherson Road Post Office
PO Box 146
Singapore 913405့


မြန်မာပြည်မှမှာယူလိုသူများအတွက်လိပ်စာ

နော်တာမလာဖော
နေ့စဉ်ခွန်အာသာသနာလုပ်ငန်း
အမှတ်(၁) စောတေလိန်း
ဦးလူနီ၊ ကြည့်မြင်တိုင်၊ ရန်ကုန် ဖုန်း၊ ၂၁၀၇၉၅


မလေးရှား - ဆက်သွယ်ရန် ဆရာမန်းစည်းဆုံ (ကွာလာလမ်ပူ KL)


ဘုရားသခင်၏ နှုတ်ကပတ်တော်ကို နေ့စဉ်ဖတ်ရှုရန် ဖိတ်ခေါ်ပါသည်။