ထာဝရအသက် Eternal Life - ဆရာစောပက်ထရစ် ဒေသနာ

ထာဝရအသက် Eternal Life
ဆရာစောပက်ထရစ် ဒေသနာ 15.02.2009

ကျွန်တော်တို့ကို ပေးထားတဲ့ သမ္မာကျမ်းစာ၊ ယုံကြည်ကိုးကွယ်တဲ့ ဘုရားသခင်၊ ဒါတွေကို ကြည့်လိုက်တဲ့အခါ ထာဝရဖြစ်ခြင်း ဆိုတာ သိပ်အရေးကြီးပါတယ်။ ထာဝရဆိုတဲ့အရာ အရှေ့တိုင်းဘာသာရပ်များမှာ အတွေးအခေါ်၊အိုင်ဒီယာ မရှိပါဘူး။ သိင်္က္ခာရနဲ့အနိစ္စ၊ ချုပ်ငြိမ်းခြင်း တွေပဲရှိပါတယ်။ မတူပါဘူး။ ထာဝရ ဆိုတဲ့ အရာထဲမှာ ထာဝရအသက်ဆိုတဲ့ အရာက အရေးအကြီးဆုံးဖြစ်ပါတယ်။

လောကမှာ အသက်ရှင်နေပြီး ထာဝရအသက်ဆိုတာ မသိဘူး၊ နားမလည်ဘူး ..ဆိုရင်တော့ ကျန်တာဘာပဲရရ၊ ဘာမှ အဓိပ္ပါယ်မရှိဖြစ်သွားပါမယ်။ ဒါနဲ့ ပတ်သတ်ပြီး ရှင်းရှင်းလင်းလင်း တိတိကျကျ၊ နားလည်စေချင်ပါတယ်။

သခင်ယေရှုလက်ထက်မှာ ဓမ္မဟောင်း နဲ့ ဓမ္မသစ် စပ်ကူး၊ မတ်ကူးကာလ၊ ဓမ္မဟောင်းပြီးသွားတဲ့ မလခိကျမ်းနဲ့ ဓမ္မသစ် ရှင်မသဲကျမ်းစာ အကြား နှစ်ပေါင်း ၄၀၀၊ တိတ်ဆိတ်သောကာလို့ခေါ်တယ်။ ဘာမှ ကျမ်းစာမှတ်တမ်း မရှိဘူး။ ဒါပေမဲ့ ဂျူးလူမျိုး သမိုင်းကြောင်းတွေတော့ ရှိပါတယ်။ ကျမ်းစာမှာတော့ နှစ်ပေါင်း ၄၀၀ ကွာဟသွားပါတယ်။ ဒီ နှစ်ပေါင်း ၄၀၀အတွင်း က္ကုသရေလ (ဂျူးလူမျိုး) တွေ ယုဒဘာသာနဲ့ သွားတဲ့အခါ ဗိမာန်တော်၊ သွန်သင်ချက်၊ ဖာရိရှဲ၊ ဇန္တုကဲတွေ ပေါ်လာပြီး လွှမ်းမိုးသွားတယ်။ နိုင်ငံရေးအနေနဲ့တော့ ရောမအင်ပါယာ အောက်မှာ ကိုလိုနီအဖြစ် အနေအထားပါ။

အဲဒီအခါ သခင်ယေရှု ပေါ်လာတယ်။ သူစတင် သွန်သွန်တဲ့အခါ မတူတော့ဘူး။ အသစ်ဖြစ်လာတယ်။ အဲဒီမှာ ထာဝရအသက်ဆိုတာ ပေါ်လာပြီး၊ မေးစရာမေးခွန်းတွေ အများကြီးဖြစ်လာတယ်။

(1) အရာရှိငယ်တဦးကမေးတယ်။ ထာရ၀အသက်ကို သူမသိ၊ နားမလည်၊ အဲဒီ အရာရှိတဦးကို Rich, Young & Ruler လို့ အင်္ဂလိပ်လို အဓိပ္ပါယ်ရေးတယ်။ သူ့အတွက် ထပ်ပြီးအောင်မြင်ဖို့ နိုင်ငံရေး၊ စီးပွားရေး ကိုမေးရမှာ .. ထာဝရအသက်ကိုပဲမေးတယ်။ သိပ်ကောင်းတဲ့၊ သိပ်အရေးကြီးတဲ့ မေးခွန်းဖြစ်တယ်။ ထာဝရအသက်ရဖို့ ဘာလုပ်ရမလဲ သူမသိဘူးဖြစ်နေပါတယ်။

(2) ကျမ်းတတ်တယောက်သည် အရှင်ဘုရား၊ ထာဝရအသက်ကို အမွေခံအံ့ သောငှါ အကျွန်ုပ်သည် အဘယ်အမှုကိုပြုရပါမည်နည်းဟု မေးလျှောက်ခဲ့တယ်။.. သူက အရင်လူနဲ့မတူ၊ ကျမ်းတတ်၊ ကျမ်းစာတွေအများကြီးတတ်တယ်။ ဘာသာရေးသမားဖြစ်ပြီး ကျမ်းစာကို အရေကျိုသောက်ထားတယ်။ သူသိထားလို့ မေးတာမဟုတ် .. ဘယ်သူမှမသိဘူး။ ဓမ္မဟောင်းမှာတော့ နေ့စဉ် ယာဇ်ပူဇော်တယ်။ ဒီခေတ် ဓမ္မသစ်မှာတော့ နောက်ဆုံးပေါ်လာတဲ့ ပရောဖက်ကို ထာဝရအသက်အကြောင်း မေးလာတယ်။

ဂျူးတယောက် ဘာသာရေးကျင့်ဝတ်ထဲမှာနေထိုင်ကြီးထွားလာသူလည်း၊ ထာဝရအသက် မရထားဘူးဆိုတာ သေချာနေပါတယ်။ ဒါကြောင့် ထာဝရအသက်ဆိုတာ နေရင်းထိုင်ရင်း အလိုလိုရထားတဲ့ အရာဆိုတာ မဟုတ်ဘူး။ မွေးကတည်းက ခရစ်ယာန်၊ ခရစ်ယာန် အထူးကုဆရာဝန်နဲ့ပြတယ်။ ခရစ်ယန်လက်သယ်နဲ့မွေးတယ်။ ခရစ်ယာန် တက္ကစီသမားနဲ့ပဲ အဲဒီညမှာ ဆေးရုံသွားတယ်။ ဟုတ်တယ်။ ငယ်ကတည်းက ဘုရားကျောင်းဝန်းထဲမှာဆော့ကစားတယ်။ ခရစ်ယာန်အသိုင်းအ၀ိုင်းနဲ့ ပဲနေထိုင်ခဲ့တယ်။ အဲဒါနဲ့ပဲ ထာဝရအသက် ရသွားရောလား၊ သေသေချာချာ စစ်စစ်ပေါက်ပေါက် မေးစရာဖြစ်လာပါတယ်။

ဒီတော့ ခရစ်ယာန်တယောက် ဘုရာကျောင်းတက်တယ်။ ဆယ်ဖို့တဖို့ထည့်တယ်။ မိရိုးဖလာအရ မွေးကတည်းက ခရစ်ယာန်ဖြစ်တယ်။ ဒါပေမဲ့ ထာဝရအသက်ရဖို့ ဘာလုပ်ရမလဲဆိုတာ သူတို့တတွေ မေးသလို ကိုယ်လဲမေးစရာမလိုဘူးလား။ ငါထာဝရအသက်ရပြီးလား၊ ထာဝရအသက်ရဖို့ ဘာလုပ်ထားပြီလဲ။ ဘာလုပ်ရမလဲ ဆိုတဲ့ မေးခွန်းဟာ သိပ်အရေးကြီးပါတယ်။


မေးသူအားစိတ်မဆိုးရန်
ဒိနေ့ ကိုယ့်ကိုယ်ကိုမေးမထားရင်၊ သူများကမေးရော။ ထာဝရအသက်ရပြီလား .. မေးတဲ့အခါ ..ဘာဖြစ်သလဲ။   စိတ်ဆိုးတယ် .. အသက်ကြီးတဲ့လူက ပိုစိတ်ဆိုးတယ်။ မင်းကဘာမေးတာလဲ .. ရှုးရှဲနဲ့၊ ငါတို့က ခရစ်ယာန်ဖြစ်တာ အံတိုနေပြီး၊ အသင်းတော်မှာလူကြီး ..ဘာညာ နဲ့။ မေးတာက ရပြီလား ..ဆိုတော့ မင်းတို့မမွေးခင်ကတည်းက ငါတို့ ခရစ်ယာန်ဖြစ်တာကြာပြီး .. ပဲ ဖြေတယ်။ ရပြီးလား ဆိုတဲ့မေးခွန်းကို အဖြေမရှိဘူး။ မဖြေတတ်ဘူး။ ဘာတွေလာမေးနေတာလဲ။  ဒါပေမဲ့ အဲဒီမေးခွန်းဟာ စိတ်ဆိုးစရာကောင်းတဲ့မေးခွန်းလား။ ဒါအရေးကြီးတဲ့ မေးခွန်းပါ။  ရှင်းလင်းတဲ့လူတယောက်အဖို့ ဘာမှ စိတ်ဆိုးစရာအကြောင်းမရှိပါဘူး။ တိကျတဲ့အဖြေမရှိလို့ မေးသူကို စိတ်ဆိုးရတာပါ။

တချို့ကလည်း စိတ်မဆိုးပါဘူး။ ဒီလိုကွဲ့ .. ဆရာတွေကတော့ ပြောတာပဲ။ ဆိုပြီး စကတည်းက မရေမရာ၊ ၀ါးတာတားနဲ့ ဖြေတယ်။ ခရစ်ယာန်သခြိုင်းမှာတော့ သရဲမခြောက်ဘူးလို့တော့ ပြောတာပဲ .. စသဖြင့် စိတ်မဆိုးပဲဖြေသူများလည်း ရှိပါတယ်။ ဒါတွေက သမ္မာတရားမဟုတ်ပါဘူး။ ရပ်တည်တဲ့ အချက်အလက်တွေက တိကျခိုင်လုံတဲ့ အကြောင်းများမဟုတ်ပါ။

ဒီမြန်မာပြည်မှာရှိတဲ့ ခရစ်ယာန် ၅သန်းစလုံးမှာ တိကျတဲ့အဖြေရှိတယ် မထင်ပါဘူး။ သုံးပုံတစ်ပုံလောက် အဖြေသိနားလည်တယ်ဆိုရင် ကျေးဖူးတော်ပါပဲ။ အရေးကြီးသလား မေးရင် .. ဟာ..အဲဒိထက်အရေးကြီးတာ ဘာမှမရှိဘူးလို့ပြောရပါမယ်။ အချို့လည်း ဘာမှမသိပဲ သေသွားမှ၊ ကျန်ရစ်တဲ့မိသားစုက သေသူအတွက် အောက်မေ့သတိရစွာနဲ့ လှုဒါန်းတာမျိုးတွေ လုပ်ကြတာမျိုး ရှိလာတယ်။ ထာဝရအသက်အတွက် စိတ်မချကြပါ။ ပြီးတဲ့လူတော့ ထားပါတော့။  ကျွန်တော်တို့ လက်ရှိအသက်ရှင်နေတဲ့ သူတွေအတွက်တော့ မျှော်လင့်စရာတွေ ရှိသေးတယ်။ ကိုယ်ချစ်တဲ့ ကိုယ်မိသားစုတွေအတွက်လည်း သတိထားဖို့လိုပါတယ်။ သေချာမေး၊ သေချာပြော၊ ဒီထက်အရေးကြီးတဲ့အရာ မရှိဘူး။

ဒါကြောင့် ဒီမေးခွန်းဟာ သူတို့မေးကြသလို၊ ယခုလူတွေလည်း မေးရမယ်။ စိတ်ဝင်စားရမယ် ဖြစ်ပါတယ်။



ဒီကနေ့တော့ ဒီစကားလုံး ထာဝရအသက် ကိုပဲ ဗဟိုပြုမယ်ဖြစ်တယ်။

ငရဲ၊မီးအိုင်သို့
ထာဝရအသက်ဆိုတာ ဘယ်လိုဟာမျိုးလဲ။ ဘယ်လိုသဘောသဘာဝရှိသလဲ။ (3) အပြစ်တရား၏ အခကား သေခြင်းပေတည်း... ဆိုတယ်။ သေခြင်းပြောတဲ့အခါ ၀ိညာဉ်သေခြင်း၊ ခန္တာသေခြင်း၊ ထာဝရသေခြင်း ဆိုတဲ့ (၃)မျိုးနဲ့ သွားတဲ့အခါမှာ ထာဝရအသက်မရခြင်းဟာ သေခြင်းဆိုတဲ့ ရလဒ်ဖြစ်နေပါတယ်။ ထာဝရအသက်တယ်ဆိုရင်တော့ ဒီသေခြင်းကနေ လွတ်တယ်။ (4) ထာဝရအသက် မရရင် နောက်ဆုံးဘယ်လိုဘ၀မှာ ကြုံတွေ့ရမလဲဆိုတဲ့အရာ ..ထိုအခါ လက်ဝဲတော်ဘက်၌ ရှိသောသူတို့အားမင်းကြီးက၊ ကျိန်ခြင်းကိုခံရသောသူတို့၊ မာရ်နတ်နှင့်သူ၏ တမန်တို့အဘို့ပြင်ဆင်သော ထာဝရမီးထဲသို့ ငါ့ထံမှခွါသွားကြလော့။ Eternal Fire ဆိုတဲ့ ထာဝရမီးအိုင်၊ ကမ္ဘာအဆက်ဆက် ပြင်းထန်စွာခံရမယ်။ ထာဝရအသက်မရရင် ထာဝရငရဲမှာ ရောက်မယ်။ ထာဝရအပြစ်ဒဏ် ..ဆိုတာ လွတ်ရက်မရှိဘူး။ ကမ္ဘာအဆက်ဆက်ခံရမယ်။ မပြီးဆုံးနိုင်ဘူး။ မျှော်လင့်ချက် လုံးဝမရှိတော့ဘူး။

ဘာသာတရားတွေကတော့ ငရဲကျလဲ၊ ပြန်လည်လွတ်နိုင်တယ်လို့ မျှော်လင့်ချက်ပေးထားတယ် .. ဒီမှာတော့ လုံးဝမျှော်လင့်ချက်မရှိဘူး။ ငရဲကျပြီဆိုတာနဲ့ ပြီးသွားပြီ။  ဒါကြောင့် အဆုံးအဖြတ်က ထာဝရအသက်ရဖို့ သိပ်အရေးကြီးပါတယ်။

ထာဝရအသက်သို့
အခု ထာဝရအသက်ရဲ့ အပြုသဘောဘက်ကို ပြန်ကြည့်မယ်။ (5)ဘုရားသခင်၏သားတော်ကို ယုံကြည်သောသူ အပေါင်း တို့သည် ပျက်ဆီးခြင်းသို့မရောက်၊ ထာဝရအသက်ကို ရစေခြင်းငှါ၊ ဘုရားသခင်သည် မိမိ၌တပါးတည်းသော သားတော်ကို စွန့်တော်မူသည်တိုင်အောင် လောကီသားတို့ကို ချစ်တော်မူ၏။ ဒီနေရာမှာ ထာဝရအသက်ကို ရစေချင်တယ်။ လောကီသားအပေါင်းတို့ကို မပျက်စီးစေချင်ဘူး။ ဘုရားသခင် ချစ်တယ်။ တန်ဖိုးထားတယ်။ ဒါဘုရားရဲ့ ချစ်ခြင်းမေတ္တာနဲ့ ထာဝရပျက်စိးခြင်းကို မရောက်စေလိုတဲ့ သဘောကိုတွေ့ရတယ်။ ဒါ ထာဝရအသက်ဆိုတာပါ။ အပြစ်စီရင်ခြင်းကိုလွတ်မြောက်သွားပြီဖြစ်သည်။ တမလွန်အတွက် စီရင်ခံရဖို့ မရှိတော့ဘူး။ တချို့လည်း မသိမသာတဲ့ ငရဲများကျမလား လို့ သံသယရှိမယ်။ ဒါကြောင့် ငရဲဆိုတဲ့အရာ လုံးဝစဉ်းစားစရာမရှိတော့ပါ။

ဝိညာဉ်သေသူများ အသစ်တဖန်မွေးဖွားခြင်းရရှိသွားတယ်။ ၀ိညာဉ်အသက်ပြန်လည်ရရှိသွားခြင်းဖြစ်တယ်။

ယော ၁၇း၃  ထာဝရအသက်ရထားရင် ခမည်းတော်၊ သားတော် ၂ပါးစလုံးနဲ့ သိကြွမ်း၊ ရင်းနှီးခြင်း ရှိပါတယ်။ ထာဝရအသက်ရတာနဲ့ ဘုရားနဲ့ အဆက်အသွယ်ရှိတယ်ဆိုတဲ့ သဘောဖြစ်ပါတယ်။


မေးစရာတခုရှိတယ်။

သမ္မာကျမ်းစာရဲ့ အချုပ်ကိုသိဖို့ လိုပါတယ်။ သူများမေးရင် ကျမ်းစာမှာ အများကြီးပါတယ်။ စုံနေတာပဲ .. ဖြေလို့မဖြစ်ပါ။ ဒိကနေ့ ကျမ်းစာတအုပ်လုံးက အဓိက ယော ၂၀း၃၁ (6) ယေရှုခရစ်တော်ကိုလျှင် ထာဝရအသက်ကို ရမဲ့အကြောင်းဖြစ်တယ်။ အနှစ်ချုပ် အဓိကကျမ်းပိုဒ်ဖြစ်ပါတယ်။

ခရစ်ယာန် ဂိုဏ်ဂဏများရဲ့ ကွဲပြားချက်များ၊ သွန်သင်ချက်များဟာ ဒုတိယအခန်းမှာရှိပါတယ်။ အဓိကအချက်ဟာ ထာဝရအသက်အကြောင်းပဲဖြစ်ပါတယ်။

ထာဝရအသက်၊ (3) အပြစ်သားရဲ့အဖိုးအခဟာ သေခြင်းဖြစ်တယ်။ ဒါပေမဲ့ ဘုရားသခင်ရဲ့ အခမဲ့လက်ဆောင်က ယေရှုခရစ်အားဖြင့် ထာဝရအသက်ဖြစ်ပါတယ်။ အဲဒိကို ကျေးဇူးတော်လို့ ခေါ်တယ်။ အခမဲ့ဆိုပေမဲ့ တန်ဖိုးကြီးလှပါတယ်။ ၀ယ်ယူခြင်း၊ လုပ်ယူခြင်း၊ ကြိုးစားပေးဆပ်ခြင်း၊ လှုဒါန်းခြင်းပေးခြင်း များနဲ့  ထာဝရအသက်ကို မရပါဘူး။

ကျေးဇူးတော်
ဘုရားကျောင်းတက်၊ သာသနာပြု၊ ပေးလှု လုပ်စရာ  မလိုခြင်း၊ မလိုခြင်း ကို ပြောတာမဟုတ်ပါ။ ထာဝရအသက်ရခြင်း ဟာ ကျေးဇူးတော်သက်သက် ဖြစ်ပါတယ်။ ပေးလှုခြင်း၊ ကျမ်းတတ်ခြင်း  ..စသည်တို့နဲ့လုံးဝမဆိုင်ပါ.. Amazing Grace သီချင်းအတိုင်း ကျေးဇူးတော် သက်သက်ဖြင့် ထာဝရအသက်ကို ရခြင်းဖြစ်တယ်။ အရေးကြီးဆုံး သဘော သဘာဝဖြစ်ပါတယ်။

ယော ၆း၆၈  (7) သခင်ယေရှုက ကောင်ကင်မှ မာနမုန်စားသော ဘိုးဘွားများအကြောင်းမှာ ငါ့အသွေး၊ငါ့အသားကို စားသုံးရန် ပြောတဲ့အခါ လူအများ နားမလည်ပဲ၊ ရှောင်ဖယ် ထွက်သွားကြသည်။ တပည့်တော်များကို ယေရှုကမေးသောအခါ  ပေတရုက ထာဝရအသက်မှာ ကိုယ်တော်ထံတွင်သာရှိတယ် လို့ဖြေပါတယ်။ တိကျပြက်သားတဲ့ ငါ့ဆီမှာ ထာဝရအသက်ရှိတယ် ..လို့ အပြက်ပြောခဲ့ပါတယ်။ ထာဝရအသက်ကို သခင်ယေရှုကသာ ပေးနိုင်သူဖြစ်သည်။

ဘာသာမဲ့များ
တချို့လည်း ဘာသာတရားကောင်းတယ်။ ဘယ်ဘာသာလိုက်ရမလဲ လေ့လာကြတယ်။ နှိုင်းယှဉ်မနေပါနဲ့။ ဖတ်မှတ်လေ့လာရင် မကုန်နိုင်ပါ။ ဦးနှောက်သာရှုပ်ပြီး ဘာသာမဲ့အဖြစ်နဲ့ ဖြစ်နေပါတယ်။ ထာဝရအသက်ဆိုတာ ရိုးရိုးရှင်းရှင်းပဲ၊ သခင်ယေရှုဆီမှာ ရှိတယ်။ ဒါပါပဲ။


ခွဲခန့်မှတ်သားပြီး ပေးခြင်မဟုတ်ပါ
လူတယောက်ကို ထာဝရအသက် မရစေတဲ့အကြောင်း၊ ဘုရားသခင်က သူ့ကိုမပေးချင်လို့ ၊ ပေးချင်လို့ ဆိုတာမရှိပါဘူး။ တချို့ကလည်း ရှေးမဆွက ခွဲခန့်မှတ်သားတော်မူ၏ လို့ predestination သွန်သင်ချက်လိုလဲမဟုတ်ပါဘူး။  တချို စပယ်ရှယ်ရွေးကောက်၊ အသုံးပြုတဲ့လူတွေ တယောက်တလေတော့ရှိပါတယ်။ သို့သော် အားလုံးအတွက်တော့ ဘုရားသခင်က သတ်မှတ်မထားပါဘူး။ မိမိနဲ့ပဲဆိုင်ပါတယ်။ လူအားလုံးအတွက် ဘုရားသခင်က ထာဝရအသက်ပေးချင်တယ်။ ရစေချင်တယ်။ ရှိရှိသမျှ မပျက်စီးစေချင်ပါဘူး။ သို့သော် မိမိဆန္ဒက ပိုအရေးကြီးပါတယ်။

ယော ၅း၃၉-၄၀ ကျမ်းစာအားဖြင့် ဂျူးလူမျိုးတွေ ကျမ်းစာကို မွှေနှောက်ဖတ်ကြတယ်။ ထာဝရအသက်ကို ရှာတယ်။ ကယ်တင်ရှင် မေရှိယ ကိုရှာကြတယ်။ ကျမ်းစာထဲမှာ ပါနေပေမဲ့ ဘာသာရေး၊ လူမှုရေးများကြောင့် မမြင်နိုင်ကြ။ သင်တို့သည် ထာဝရအသက်ကို ရဖို့ရာ ငါ့ထံသို့မလာနိုင်ကြ .. ဘုရားသခင်က အတင်းမပေးပါ။ ရချင်တဲ့ ဆန္ဒရှိမှ ပေးမယ်ဖြစ်တယ်။

လူတွေက ထာဝရအသက်ထက်၊ ပိုက်ဆံ၊ ယောင်္ကျား၊ မိန်မ၊ ကလေး ရချင်သူများပဲ များပါတယ်။  ဆုတောင်းချက်အများကြီးတင်ကြပြီး ထာဝရအသက်ရဖို့ ဆုတောင်းချက်မတင်ကြပါ။ ဘုရားသခင်က တခြားအရာများထက် ထာဝရအသက်ကို အရင်ပေးချင်ပါတယ်။

လည်ပင်းခိုင်မာ၊ စိတ်နှလုံးခိုင်မာပြီး ထာဝရအသက်ကို မရနိုင်ဖြစ်ရပါတယ်။


ယုံကြည်ခြင်း
စီးပွားရေး၊ နိုင်ငံရေး နဲ့ ဘာသာရေးသမားများ ကိုပြန်ပြောရင်၊ သူတို့ ထာဝရအသက်ရဖို့ ဘာလုပ်ရမလဲ။ ကြည့်ကြပ်လုပ်ရန် မဟုတ်ပါ။ ရှင်းလင်းတိကျစွာ လုပ်ရမည့်အချက်များရှိသည်။  ရထားသူကလည်း ဘာတွေလုပ်လို့ ရသလဲ၊ မရသေးသူကလည်း ရအောင် ဘာတွေလုပ်ရမည်လဲ ..။

(8) ယောဟန် ၆း၄၇  ငါအမှန်အကန်ဆိုသည်ကား ငါ့ကိုယုံကြည်သောသူသည် ထာဝရအသက်ကိုရ၏။ ..ရှင်းလင်းနေပါတယ်။ အဲဒီထက်ရှင်းတာ ဘာမှမရှိပါ။ ဘာမှ လုပ်စရာကိုင်စရာမလိုပါ။ ရှုပ်ထွေးမှုမရှိပါ။ အပြက်ပြောထားတာကတော့ ငါ့ကိုယုံကြည်သောသူ ထာဝရအသက်ကိုရ၏ .. ဆိုပါတယ်။ Truely Turely I say .. ဆိုပြီး အမှန်အကန်လို့ ဆိုထားပါတယ်။

အသင်းတော်က သွန်သင်ချက်၊ ပညာတ်ချက်များ၊ သြ၀ါဒများစွာ ထပ်ပေါင်းလိုက်လျှင် ရှုပ်သွားပါမယ်။ ဒါတွေမလုပ်ရတော့ဘူး .. မဆိုလိုပါ။ (9) ဧဖက် ၂း၈-၉ ယုံကြည်သောအားဖြင့် ကျေးဇူးတော်ကြောင့် လို့ဆိုပါတယ်။ ကယ်တင်ခြင်း ဆိုတာ ထာဝရအသက်ပင်ဖြစ်တယ်။

မည်သူမဆို၊ မည်သည့်လူတန်းစားမဆို ထာဝရအသက်ကို လိုချင်ရင် ရယူနိုင်တဲ့ အရာဖြစ်တယ်။ သခင်ယေရှုကို ယုံကြည်ရင် ထာဝရအသက်ကို ရမှာဖြစ်ပါတယ်။

ယုံတယ်ဆိုရာမှာ သူဘယ်သူလဲ၊ မိမိအတွက် သူဘာလုပ်ပေးသွားသလဲ ..ဆိုတဲ့ (၂)ချက်ပဲ သွားပါတယ်။

(၁) ခရစ်တော်တည်းဟူသော ဘုရားသခင်၏ သားတော်အဖြစ် ယုဲံခြင်းဖြစ်တယ်။ တချို့က ယေရှုကို တမန်တော်၊ ပရောဖက်၊ ဘာသာရေးခေါင်းဆောင်၊ ဘုရားများစွာထဲက ဘုရားတခု စသဖြင့် မြင်ကြပါတယ်။ အဲသလို ရှုပ်ထွေးမမြင်ပဲ ခရစ်တော်တည်းဟူသော ဘုရားသခင်၏ သားတော်အဖြစ် ယုံကြည်ခြင်းဖြစ်တယ်။

(၂) သူဘာလုပ်ပေးခဲ့သလဲ ...။ ဒါဧ၀ံဂေလိတရားဖြစ်တယ်။ ကျမ်းစာလာသည်ကား ငါတို့အပြစ်များအတွက် ကားတိုင်မှာအသေခံတယ်။ သေပြီး၃ရက်မြောက်နေ့မှာ ရှင်ပြန်ထမြောက်တယ်။


ဒီ(၂)ချက်ပါပဲ။ ဒါကိုယုံရပါမယ်။ ဘာခက်သလဲ..ဘာမှမခက်ပါဘူး။

ခုနပြောသွားတဲ့ အရာရှိ၊ ကြွယ်ဝချမ်းသာသူ၊ ဘာသာရေးခေါင်းဆောင် .. စတဲ့သူတွေ ဒီ(၂)ချက်ကို နားမလည်ကြဘူး။ ဒီကနေ့ ကျေးဇူးတော်ကြောင့် ရှင်းလင်းတဲ့အဖြေကို ကျွန်တော်တို့ ရပါတယ်။ သခင်ယေရှုကို ရှင်းလင်းစွာယုံတယ်။ ဒါဆို ထာဝရအသက်ကို ရတယ်။

သခင်ယေရှုက ရမယ်၊ ရနိုင်တယ်၊ ရဖို့အခွင့်အလမ်းပွင့်နေတယ်လို့ ပြောသလား၊ ... ရ၏ .. လို့ တိကျပြက်သားတဲ့စကားပဲ။ အခုယုံ၊ အခုရမယ် ဆိုပါတယ်။

(10) ငါတို့အား ပေးတော်မူသော ဂတိတော်မူကား၊ ထာဝရအသက်ကို ဝန်ခံတော်မူသော ဂတိတော် ပေတည်း ..ဆိုတဲ့ ဘုရားနှုတ်က ပေးတယ်ဆိုတဲ့ ဘုရားကိုယ်တိုင်ဝန်ခံ အာမခံထားပါတယ်။ တချို့ကလည်း သံသယပြန်ဝင်လာတတ်ပါတယ်။ ဒီကတိက ဘာမှ အပြောင်းအလဲ မရှိပါဘူး။ ဖောက်ပြန်၊ရွှေ့လျော့မှု၊ အခြေအနေ၊အချိန်ခါပေါ် မူတည်ပြီး ပေးထားတဲ့ ထာဝရအသက်မဟုတ်ပါ။ ချစ်လို့ ကျေးဇူးတော်ဖြင့် ပေးခြင်းဖြစ်ပါတယ်။

သက်သေ၊ အာမခံချက်မှာ ထာဝရအသက်၏ .. ကို ဘုရားသခင်က
ရောမ ၈း၁၆ ငါတို့သည်ဘုရားသခင်၏ သားဖြစ်ကြသည်ဟု ဝိညာဉ်တော် သည် ငါတို့၏ ဝိညာဉ်နှင့် အတူသက်သေခံတော်မူ၏။ သက်သေမှ အထဲမှာပဲရှိပါသည်။ အပြင်မှ ယော ၅း၁၃ ထိုသူကား အဘယ်သူဖြစ် သည်ကို ရောဂါကင်းသောသူသည် မသိ။ အကြောင်းမူကား၊ ထိုအရပ်၌ စုဝေးလျက်ရှိသည် ဖြစ်၍ ယေရှုသည် မထင်မရှားထွက်ကြွတော်မူ၏။  .. ဟု ရှင်ယောဟန်ကိုယ်တိုင် လက်ညိုးထိုးပြီး ပြောသကဲ့သို့ ခံစားရန်လိုပါ
တယ်။

ထာဝရအသက်သည် ကိုယ်တိုင်ရထားခြင်းဖြစ်
တယ်။ ကိုယ်တိုင်ရယူခြင်းနှင့်ဆိုင်ပါသည်။ ထာဝရအသက်ကို မိမိကိုယ်တိုင်ရထားခြင်းကို သိရမည်၊ ပြောနိုင်ရမှာ..ဖြစ်တယ်။ ကျွန်တော်တို့ ထာဝရကာလ၊ စိတ်ချမှုရှိတယ်။ အသက်တာပိုင်းတွင် ဘုရားထပ်ပေးဦးမည့်အရာများရှိတဲ့အကြောင်း ခွန်အားပေးလိုပါတယ်။

ဆရာစောပက်ထရစ်
ဒေသနာ 15.02.2009




Reference Verses
(1) ရှင်လုကာ ၁၈း၁၈
အရာရှိတယောက်က၊ ကောင်းမြတ်သောဆရာ၊ ထာဝရအသက်ကို အမွေခံရအံ့သောငှါ အကျွန်ုပ်သည် အဘယ်အမှုကို ပြုရပါမည်နည်းဟု မေးလျှောက်သော်၊ ၁၉ယေရှုက၊ ငါ့ကိုကောင်းမြတ်သည်ဟု အဘယ်ကြောင့် ခေါ်သနည်း။ ဘုရားသခင်တပါးတည်းသာ ကောင်းမြတ်တော်မူ၏။ ၂ဝသင်သည် ပညတ်တော်တို့ကို သိသည်မဟုတ်လော။ သူ့မယားကိုမပြစ်မှားနှင့်။ လူအသက်ကိုမသတ်နှင့်။ သူ့ဥစ္စာကို မခိုးနှင့်။ မမှန်သောသက်သေကိုမခံနှင့်။ မိဘကိုရိုသေစွာပြုလော့ ဟုမိန့်တော်မူလျှင်၊ ၂၁အရှင်ဘုရား၊ ထိုပညတ်ရှိသမျှတို့ကို ငယ်သောအရွယ်မှ စ၍ အကျွန်ုပ်စောင့်ရှောက်ပါပြီဟု လျှောက်ပြန်သည်ကို ယေရှုသည်ကြားလျှင် သင်သည် တခုလိုသေး၏။ ၂၂ကိုယ်ဥစ္စာရှိသမျှကိုရောင်း၍ ဆင်းရဲသောသူတို့အား ပေးဝေလော့။ ထိုသို့ပြုလျှင် ကောင်းကင်ဘုံ၌ ဘဏ္ဍာကို ရလိမ့်မည်။ သို့ပြီးမှလာ၍ ငါ့နောက်သို့လိုက်လော့ ဟုမိန့်တော်မူ၏။ ၂၃ထိုသူသည် များစွာသောဥစ္စာကို ရတတ် သောသူဖြစ်၍၊ ထိုစကားကိုကြားလျှင် အလွန်စိတ်မသာသည်နှင့် သွားလေ၏။


(2) လုကာ ၁၀း၂၈
၂၅တရံရောအခါ ကျမ်းတတ်တယောက်သည် ထ၍၊ အရှင်ဘုရား၊ ထာဝရအသက်ကို အမွေခံအံ့ သောငှါ အကျွန်ုပ်သည် အဘယ်အမှုကိုပြုရပါမည်နည်းဟု ကိုယ်တော်ကိုစုံစမ်းနှောင့်ရှက်ခြင်းငှါ မေးလျှောက်သော်၊ ၂၆ကိုယ်တော်က၊ ပညတ္တိကျမ်း၌ အဘယ်သို့လာသနည်း။ သင်သည်အဘယ်သို့ ဘတ်သနည်းဟု မေးတော်မူလျှင်၊ ၂၇ထိုသူက၊ သင်၏ဘုရားသခင်ထာဝရဘုရားကို စိတ်နှလုံးအကြွင်းမဲ့၊ အစွမ်းသတ္တိရှိသမျှ၊ ဥာဏ်ရှိသမျှနှင့်ချစ်လော့။ ကိုယ်နှင့်စပ်ဆိုင်သောသူကို ကိုယ်နှင့်အမျှချစ်လော့ဟု ပြန်လျှောက်လေ၏။ ၂၈ကိုယ်တော်ကလည်း၊ သင်၏စကားသည် မှန်ပေ၏။ ထိုသို့ပြုလျှင် အသက်ကိုရမည်ဟု မိန့်တော်မူ၏။

(3) ရောမ ၆း၂၃ အပြစ်တရား၏ အခကား သေခြင်းပေတည်း...

(4) မသဲ၂၀း၄၁
ထိုအခါ လက်ဝဲတော်ဘက်၌ ရှိသောသူတို့အားမင်းကြီးက၊ ကျိန်ခြင်းကိုခံရသောသူတို့၊ မာရ်နတ်နှင့်သူ၏ တမန်တို့အဘို့ပြင်ဆင်သော ထာဝရမီးထဲသို့ ငါ့ထံမှခွါသွားကြလော့။ အကြောင်းမူကား၊ ငါသည် မွတ်သိပ်သောအခါ သင်တို့သည်မကျွေး၊ ငါသည် ရေငတ်သောအခါ သင်တို့သည် သောက်ဘို့မပေး။ ငါသည် ဧည့်သည်ဖြစ်သောအခါ သင်တို့သည် ဧည့်သည်ဝတ်ကိုမပြု။ ငါသည် အဝတ်အချည်းစည်းရှိသော အခါ သင်တို့သည်အဝတ်နှင့်မဖုံးမလွှမ်း။ ငါသည် အနာရောဂါစွဲသောအခါ၌၄င်း၊ ထောင်ထဲမှာနေရသော အခါ၌၄င်း၊ သင်တို့သည် မကြည့်ရှုမပြုစုကြဟု မိန့်တော်မူလျှင်၊

(5) ယော၃း၁၆
ဘုရားသခင်၏သားတော်ကို ယုံကြည်သောသူ အပေါင်း တို့သည် ပျက်ဆီးခြင်းသို့မရောက်၊ ထာဝရအသက်ကို ရစေခြင်းငှါ၊ ဘုရားသခင်သည် မိမိ၌တပါးတည်းသော သားတော်ကို စွန့်တော်မူသည်တိုင်အောင် လောကီသားတို့ကို ချစ်တော်မူ၏။

(6) ယော ၂၀း၃၁
ယေရှုသည် ခရစ်တော်တည်းဟူသော ဘုရားသခင်၏သားတော် ဖြစ်တော်မူသည်ကို သင်တို့သည် ယုံမည်အကြောင်း၊ ထိုသို့ယုံ၍ နာမတော်အားဖြင့် အသက်ကိုရမည် အကြောင်း၊ ဤမျှလောက် ရေးထားလျက်ရှိသတည်း။

(7) ယော ၆း၆၈ ရှိမုန်ပေတရုက၊ သခင်၊ အကျွန်ုပ်တို့သည် အဘယ်သူထံသို့သွား ရပါမည်နည်း။ ထာဝရအသက်နှင့်ယှဉ်သော စကားသည် ကိုယ်တော်၌ တည်ပါ၏။ ကိုယ်တော်သည် ခရစ်တော်တည်းဟူသောအသက်ရှင် တော်မူသောဘုရား သခင်၏ သားတော်ဖြစ်တော်မူသည်ကို အကျွန်ုပ် တို့ယုံကြည်သိမှတ် ကြပါသည်ဟု လျှောက်လေ၏။

(8) ယောဟန် ၆း၄၇  ငါအမှန်အကန်ဆိုသည်ကား ငါ့ကိုယုံကြည်သောသူသည် ထာဝရအသက်ကိုရ၏။

(9) ဧဖက် ၂း၈-၉ ယုံကြည်သောအားဖြင့် ကျေးဇူးတော်ကြောင့် လို့ဆိုပါတယ်။ ကယ်တင်ခြင်း ဆိုတာ ထာဝရအသက်ပင်ဖြစ်တယ်။

(10) ၁ယော၂း၂၅  ငါတို့အား ပေးတော်မူသော ဂတိတော်မူကား၊ ထာဝရအသက်ကို ဝန်ခံတော်မူသော ဂတိတော် ပေတည်း။

အင်တာနက်မှာ အပြည့်အစုံနားဆင်ရန်လင့်
http://www.sawpatrick.net/eternal-life