မြဲမြံခိုင်ခံ့သောကျောက်စူး - ပြည်ပရောက်သင်းအုပ်ဆရာ (၄)

၂၀၁၀ ဇွန်လ  မြန်မာသံစုံသီချင်း

June 13, 2010
တရားဒေသနာ - ဆရာလတ်ယေရှဲ (FBBC - San Francisco,  ဒေသနာ-အကျဉ်းချုပ်)

မြဲမြံခိုင်ခံ့သော ကျောက်စူး
  
  အမေရိကားသို့ ပထမလာရောက်သော သင်္ဘောများကို တူးဖေါ်ပြသထားသည့် ပြတိုက်တွင် ကျောက်စူးကြီးများကို တွေ့ရပါသည်။ သင်္ဘောကြီးတွင် ကျောက်စူး၂ခုကို တွေ့ရပြီး၊ သင်္ဘောကြီးများ ကျောက်စူးကြီးများဖြင့် တည်ငြိမ်စွာရပ်တည်နိုင်စေပါသည်။   တမန်တော် ၂၇ တွင် တမန်တော်ရှင်ပေါလု၏ ရောမအကျဉ်းသားအဖြစ် ပင်လယ်ခရီးစဉ်ကို တွေ့ရပါသည်။ သင်္ဘောကြီးဦးတည်ရာမဲ့ လေတွင်လွင့်မျောနေစဉ် ရှိသမျှပစ္စည်း ရေထဲပစ်ချ၊ ၀င်လာသောရေများကို ထုတ်ပစ်၊ အကျဉ်းသား ၂၇၆ယောက် နှင

.

့် သင်္ဘောမာလိန်မှုးတို့ မိမိတို့ဘုရားများကို အော်ဟစ်ဆုတောင်းရသည်။ သင်္ဘောဝမ်းထဲ တစ်ယောက်တည်းဆုတောင်းသော ရှင်ပေါလုမှ   ၂၁အစာကိုမစားဘဲ ကြာမြင့်စွာနေကြပြီးမှ၊ ပေါလုသည် ထိုသူတို့၏အလယ်၌ထ၍၊ အချင်းလူတို့၊ ငါ့စကားကိုနားထောင်၍ ကရေတေကျွန်းမှ မလွှင့်ဘဲနေလျှင် ဤပျက်ဆီးဆုံးရှုံးခြင်းနှင့်ကင်းလွတ်ရကြ၏။ ၂၂ယခုတွင် စိတ်သက်သာခြင်းရှိကြလော့။ အကြောင်းမူကား၊ သင်္ဘောဆုံးခြင်းမှတပါး သင်တို့တွင် အဘယ်သူမျှအသက် မဆုံးရ။ ၂၃အဘယ်အကြောင့်နည်းဟူမူကား၊ ငါ့ကိုပိုင်တော်မူ၍၊ ငါကိုးကွယ်သောဘုရားသခင်၏ ကောင်းကင် တမန်သည် ယနေ့ညဥ့်တွင် ငါ့အနားမှာပေါ်လာလျက်၊ ၂၄ပေါလု၊ သင်သည်မစိုးရိမ်နှင့်။ ကဲသာဘုရင်ရှေ့သို့ ရောက်ရမည်။ သင်နှင့်အတူ ပင်လယ်ကူးသောသူအပေါင်းတို့ကို ဘုရားသင်သည် သင့်အားပေးတော်မူပြီဟု ဆို၏။ ၂၅ထိုကြောင့်အချင်းလူတို့၊ သက်သာခြင်းရှိကြလော့။ ငါ့အားမိန့်တော်မူသည်အတိုင်း ဖြစ်လိမ့်မည်ဟု ငါသည်ဘုရားသခင်ကိုအမှီပြု၍ ယုံခြင်းရှိ၏။ ၂၆သို့သော်လည်း တစုံတခုသောကျွန်းပေါ်မှာ သင်္ဘောတင်၍ ပျက်ရမည်ဟုပေါလုဆို၏။    ယုံကြည်သူ ရှင်ပေါလု တစ်ဦးတည်းဖြင့် ဒုက္ခအသက်အန္တရယ်ရောက်သူအားလုံးတို့အပေါ် ဘုရားကတိတော်ကို ယုံကြည်မှုအပြည့်ဖြင့် သက်ရောက်စေသည်။ သို့နှင့် နေ့ညမသိ ၁၄ရက်မြောက်မှ ကုန်းပေါ်ရောက်ပြီး ဘုရားကတိတော်အတိုင်း အားလုံးအသက်ရှင်၊ သင်္ဘောကြီးပျက်စီးသွားရသည်။

   ကျောက်စူး ၄လက် ချပြီး လောကမုန်တိုင်း အန္တရယ်မှ လွတ်မြောက်ရန် တ ၂၇း၂၉ တွင်ဆုတောင်းကြသည်။ လောကနှင့်ဆိုင်သောအရာကို ကျောက်စူး၎လက် မကာကွယ်နိုင်သော်လည်း ဘုရားသခင်၏ ကျောက်စူး ၄ လက်အားဖြင့် ကာကွယ်နိုင်ပါသည်။

ဘုရာသခင်၏ ကျောက်စူး၎လက်မှာ

၁။ ဘုရာသခင်နှင့်အတူရှိခြင်း ... အသက်ရှင်စဉ်၊ သေသွားစဉ်၊ တမလွန်ဘ၀ရောက်စဉ် အချိန်တိုင်းတွင် ဘုရားသခင်သည် ယုံကြည်သူ ကျွန်ုပ်တို့နှင့်အတူရှိနေပါသည်။ ဆာလံ၂၃ သေမင်းချိုင့်ဝှမ်းတွင်ရှောက်နေရသော်လည်း ဘုရာသခင်အတူရှိသည်။ မမြင်ရသောဘုရားသခင်သည် တမန်တော်ရှင်ပေါလုနှင့်အတူရှိနေသလို လောကလေပြင်းမုန်တိုင်းတွင် ငိုနေသောကျွန်ုပ်တို့၏ အခန်း၌ အတူရှိနေပါသည်။

၂။ ဘုရာသခင်၏ ဂတိတော်ဖြစ်ပါသည်။ .... ဘယ်ဘာသာမဆို မိမိတို့ရဲ့ဘုရားသည် မိမိတို့နှင့်အတူရှိသည်ဟု ပြောကြပါသည်။ ကျွန်ုပ်တို့ ယုံကြည်သူများ၏ ဘုရားသည် အတူရှိနေယုံမက အသက်ရှင်ပါသည်။ ကယ်တင်မည့်ဘုရားဖြစ်ကြောင်း ဂတိလည်းပေးပါသည်။ လောကအခက်အခဲများရှိစဉ် မိတ်ဆွေတစ်ဦးက  မစိုးရိမ်နဲ့၊ လိုတာရှိရင်ပြောပါ လို့အားပေးစကားပြောလာရင်တော် တော်တော်နှစ်သိမ့်မှုရပါသည်။ ဘုရားရှင်ကိုယ်တိုင် ပြောသော ဂတိတော်မှာ နှစ်သိမ့်ရုံမျှမဟုတ်ပါ။ တကယ်ကို လုပ်ဆောင်ပေးမည်ဟု ဂတိပေးခြင်းဖြစ်သည်။ ဂတိတော်နောက်မှာ  အာမင်  ဟုပြောခြင်းသည် ဆုတောင်းခြင်းအဆုံးသတ်စကားမဟုတ်ပါ။ ဂတိတော်ပြည့်စုံမည့်အကြောင်းဆိုလိုပါသည်။

၃။ ဘုရားသခင်သည် ပေးသနားတော်မူသည်  ....  အသက်သရဖူကိုရရန်အတွက် လက်ဝါးကပ်တိုင်ကို ကျော်ဖြက်ရပါသည်။ မုန်တိုင်းကျော်လွန်သောအခါ ငြိမ်သက်ခြင်းကို ပေးပါသည်။ နောဧ သင်္ဘောကြီး ရေလွမ်းမိုးမှုပြီးသွားသောအခါ ချိုးငှက်နှင့် ငြိမ်းချမ်းရေးကို ပေးပါသည်။ ယုံကြည်သူများ လက်မလျှော့ရန်ဖြစ်သည်။ ယောဘ၀တ္တုလောက် ဆိုးဝါးသောအခြေအနေမျိုးပင်လျှင် ယောဘ၏ ဘုရားကို မစွန့်လွတ်ပဲ မြဲမြံသောယုံကြည်ချက်ကြောင့် နောက်ဆုံးတွင် လိုအပ်သောအရာအားလုံး ဘုရားသခင်က ပေးသနားတော်မူပါသည်။

၎။ ဘုရားသခင်သည် ကိုယ်တိုင် အလုပ်လုပ်နေသည် ...  တမန်တော်ဝတ္တုတွင် သင်္ဘောမုန်တိုင်းကြောင့် သင်္ဘောပေါ်ရှိသူအားလုံး သင်္ဘောမမြုတ်ရန် အလုပ်လုပ်နေရသည်။

အပြည့်အစုံကို အသင်းတော်ဝက်ဆိုဒ်တွင်  နားဆင်ကြပါ။
http://www.fbbcsf.org/2010Sermons/06132010.htm
 
 Audio, Video များလုပ်ဆောင်ပေးသော အမ်စီအေ (ဘန်ကောက်)၊ ဂျေဘီစီ (စင်ကာပူ) နှင့် အက်ဖ်ဘီဘီစီ (ဆန်ဖရန်စစ္စကို)  .. မီဒီယာအဖွဲ့များကို ဂုဏ်ပြုပါသည်။ ဘုရားရှင်ဆက်လက် ကောင်းကြီးပေးပါစေ...

မောင်သာမန်