ဖန်ဆင်းခြင်းအချိန်ကာလ


လောမဲ

ခရစ်ယာန်သမ္မာကျမ်းစာသည်ဟေဗြဲနှင့်ဟေလသ ဘာသာများမှ ဘာသာပြန်ထားခြင်းဖြစ်ပါသည်။ သမ္မာကျမ်းစာတွင်ဖေါ်ပြ လေ့ ရှိသော အချိန်ကာလ “တစ်ရက်” ကိုယခုခေတ်အများစုက “ ၂၄ နာရီ” ဟုနားလည်ထား သူ များ ပါ သည်။ ထို့ကြောင့် ကမ္ဘာဦးကျမ်းတွင်ပါသော ကမ္ဘာမြေကြီး ဖန်ဆင်းခြင်းကာလ ကို ၂၄ နာရီ တစ်ရက်ဟု သတ် မှတ်ပါက သိပ္ပံ ပညာ အထူးသဖြင့် ဘူမိဗေဒသီအိုရီ နှင့် မကိုက်ညီကြောင်းတွေ့ရပါ သည်။

ကနဦးတွင် စင်္ကြာဝဏာ၊ ကမ္ဘာမြေကြီး၊ အပင်သတ္တ၀ါ တို့ကိုဘုရားသခင်ဖန်ဆင်းချိန်တွင် သက်ရှိလူသား တစ်ဦးတစ်ယောက်မှ မရှိသလို မည်သည့်လူသားတစ်ဦးမှ မျက်မြင်သက်သေ မရှိခဲ့ပါ။ ထို့ကြောင့် သမ္မာကျမ်း စာတွင်ပြောသော ဘုရားသခင်၏ “တစ်ရက်” ဆိုသောအချိန်ကာလ သည် ကျွန်တော်တို့လူသားများ နားလည် ထားသည့် “၂၄ နာရီ” ဟုပြော၍မရပါ။ လူသားတို့နားလည်ထားသည့် ၂၄ နာရီ တစ်ရက်အတိုင်း သမ္မာကျမ်းစာ တွင်ဖေါ်ပြသော တစ်ရက် ကို ၂၄ နာရီဟု ပြော၍မရပါ။

ရှေ့တော်၌ အနှစ်တစ်ထောင်သည် လွန်ပြီသော မနေ့ကဲ့သို့၎င်း၊ ညဥ့်ယံတယံကဲ့ သို့၎င်း ဖြစ်ပါ၏။ ဆာလံကျမ်းအခန်းကြီး ၉၀း၎

ချစ်သူတို့၊ ထာဝရဘုရားမှာ ကာလတရက်သည်၊ အနှစ်တထောင်ကဲ့သို့၎င်း၊ အနှစ်တထောင်သည်တရက် ကဲ့သို့ ၄င်း ဖြစ်သည်အရာတခုကို မမေ့လျော့ကြနှင့်။ ရှင်ပေတရုသြဝါဒစာဒုတိယစောင်  ၃း၈

အထက်ပါ ကျမ်းပိုဒ် ၂ ခုကိုကြည့်ခြင်းအားဖြင့် သမ္မာကျမ်းစာတွင် ပါရှိသည့် အချို့သော အသုံးအနှုံး တစ်ရက် သည် ၂၄ နာရီမဟုတ်ကြောင်း သက်သေပြနေပါသည်။

ဖန်ဆင်ခြင်းအချိန်ကာလ “တစ်ရက်” သည် “အနှစ်တစ်ထောင်” လော၊ သို့မဟုတ် အချိန်အပိုင်းအခြားတစ်ခု လော ဆိုပြီး ဆက်လက်လေ့လာကြပါစို့။

သမ္မာကျမ်းစာ၏ မူလဟီဗရူးဘာသာဖြင့်ရေးထားသော ကျမ်းစာကိုလေ့လာကြပါစို့။ ဟေဗြူး ဘာသာစကား သည် စကားလုံးကြွယ်ဝမှု့ သိပ်မများပေ။ (အင်္ဂလိပ်ဝေါဟာရစကားလုံးသည် ၅ သိန်းကျော်ရှိပြီး ဟေဗြူး ဝေါဟာရ စကားလုံးသည် ၈၇၀၀ သာရှိကြောင်းသတိချပ်သင့်ပါသည်။ )

နေ့/ ရက် (Day) ကို ဟီဗြူးဘာသာဖြင့် ယောင် “ YOM” ဟုသုံးထားပါသည်။  “YOM” ကို ဓမ္မဟောင်းကျမ်းထဲ တွင် အချိန် (Time)၊ နှစ် (Year)၊ အသက်ကြီးခြင်း (Age)၊ အစဉ်  (Always) ကြာမြင့်သောအချိန်ကာလ (Season) ဟုဘာသာပြန်ထားကြောင်းတွေ့ရပါသည်။

 

အချိန် (Time)

ဓမ္မဟောင်းကျမ်းထဲတွင် “YOM” ကို အချိန် (Time) ဟု ၆၇ ကြိမ်ဘာသာပြန်ထားပါသည်။  အချိန်စေ့သောအခါ၊ ကာဣနသည် ထာဝရဘုရားထံပူဇော်သက္ကာဘို့၊ မြေအသီးကိုဆောင်ခဲ့၏။ ကမ္ဘာဦးကျမ်း ၄း၃။

 

နှစ် (Year)

ဓမ္မဟောင်းကျမ်းထဲတွင် “YOM” ကို နှစ် (Year) ဟု ၄ ကြိမ်ဘာသာပြန်ထားပါသည်။

၃ရာ ၁း၁၊ ၆ရာ ၂၁း၁၉။ အာ ၄း၎။

ရှင်ဘုရင်သည် တာရှည်စွာ နာ၍၊ နှစ်နှစ်စေ့သောအခါ၊ အနာပြင်းထန်သောကြောင့်၊ အူထွက်၍ အသက်ချုပ်လေ၏။ ပြည်သားတို့သည် ဘိုးတော်ဘေးတော် တို့အဘို့၊ မီးရှို့ခြင်းကို ပြုသကဲ့သို့၊ ထိုမင်းအဘို့ မပြု။ ရာဇ၀င်ချုပ်ဒုတိယစောင် ၂၁း၁၉

အသက်ကြီးရင့် (Age)

ဓမ္မဟောင်းကျမ်းထဲတွင် “YOM” ကို အသက်ကြီးရင့် (Age) ဟု ၈ ကြိမ်ဘာသာပြန်ထားပါသည်။

က ၁၈း၁၁၊ ၂၄း၁၊ ၂၁း၂၊ ၂၁း၇၊ ၄၇း၂၈။  ယောရှု ၂၃း၁၊ ၂၃း၂။  ဇာ၈း၎။

ထိုအခါ အာဗြဟံနှင့်စာရာသည် အသက်အရွယ်ကြီးရင့်လှပြီ။ စာရာသည် မိန်းမတို့၌ ဥတုရောက်မြဲ ရှိသည်အတိုင်း မရောက်ပြီ။

 

အစဉ် (Always)

‘YOM” ကို တရားဟောရာကျမ်း နှင့် ရာဇ၀င်ချုပ်ဒုတိယစောင်တွင် အစဉ် (Always) ဟု ၄ ကြိမ် ဘာသာပြန် ထားပါသည်။ တရားဟောရာကျမ်း ၅း၂၉၊ ၆း၁၂၊ ၁၄း၂၃။ ရာဇ၀င်ချုပ်ဒုတိယစောင် ၁၈း၇

သူတို့နှင့်သားမြေး အစဉ်အဆက်တို့သည် ချမ်းသာရမည်အကြောင်း၊ ငါ့ကိုကြောက့်ရွံ၍ ငါပညတ်သမျှတို့ကို အစဉ်စောင့် ရှောက်ချင်သောစိတ်နှင့် ပြည့်စုံကြပါစေသော။ တရားဟောရာကျမ်း ၅း၂၉

ကာလအချိန် (Season)

‘YOM’ ကို ကြာမြင့်သောအချိန်ကာလ ဟု ဓမ္မဟောင်းကျမ်းတွင် ၃ ကြိမ်ဘာသာပြန်ထားပါသည်။

က ၄၀း၎။ ယောရှု ၂၄း၇။ ၆ရာ ၁၅း၁၃

 

ကြာမြင့် သောကာလပတ်လုံး ဣသရေလအမျိုး၌ မှန်သောဘုရားမရှိ။ သြဝါဒပေးတတ်သော ယဇ်ပုရောဟိတ်မရှိ။ တရားလဲ မရှိဘဲနေ၍၊

ဘေးရောက်သဖြင့်၊ သူတို့သည် ဣသရေလအမျိုး၏ ဘုရားသခင် ထာဝရဘုရားထံတော်သို့ ပြန်လာ၍၊  ရှာကြသောအခါ အတွေ့ခံတော်မူ၏။  ရာဇ၀င်ချုပ်ဒုတိယစောင် ၁၅း၁၃

 

ဟီဗြူးဘာသာစကား “YOM” ကို အချိန်ကာလတစ်ခုဖြင့် တွင်ကျယ်စွာ သုံးကြောင်း တွေ့ရသဖြင့် ၂၄ နာရီ တရက်ဆိုသော အတိုင်းတာတခုတည်းယူ ၍မရပါ။ နှစ်သန်းပေါင်းများစွာကြာသော ဖန်ဆင်းခြင်းကာလ ကို၎င်းကိန်းဂဏာန်းအတိုင်း ကမ္ဘာဦးကျမ်းထဲရေးထားပါက ကနဦးလူများမည်သို့နားလည်နိုင်မည်နည်း။ သို့သော်လည်း လူသားများနားလည်ရန် ဘုရားသခင်သည် ဥပမာပေး၍ ပြောလေ့ရှိပါသည်။

“  သင်၏အမျိုးအနွယ်ကို မြေမှုန့်ကဲ့သို့ ငါများပြားစေမည်။ သို့ဖြစ်၍ လူသည် မြေမှုန်ကို ရေတွက်နိုင်လျှင်၊ သင်၏အမျိုးအနွယ်ကို ရေတွက်နိုင်ကြ လိမ့်မည် ကမ္ဘာဦးကျမ်း ၁၃း၁၆”

ဘုရားသခင်သည် အာဗြံဟံအား- “ သင်၏အမျိုးနွယ်ကို သန်းပေါင်းများစွာ ငါများပြားစေမည်” ဟုပြောလျှင် အာဗြံဟံပြန်မေးမည့်မေးခွန်းမှာ- “ အရှင်ဘုရား သန်းပေါင်းများစွာဆိုတာ ဘယ်လောက်လဲ”

ကမ္ဘာဦးကျမ်းထဲမှ ဖန်ဆင်းခြင်းများကို သိပ္ပံပညာနှင့် ဆက်စပ်ကြပါစို့။

 

တတိယနေ့ဖန်ဆင်းခြင်းကိုလေ့လာလျှင် ဘုရားသခင်သည် အပင်များကို ဖန်ဆင်းသည့်အခါ မျိုးစေ့မှ ပေါက်ပွားစေခြင်းဖြင့် အပင်များကို ပွါေးစပါသည်။

တဖန် ဘုရားသခင်က၊ မြေသည် မြက်ပင်ကို၎င်း၊ စပါးသီးကိုဖြစ်စေသော စပါးပင်ကို၎င်း၊ မြေပေါ်မှာ မျိုးစေ့ပါလျက်၊ သစ်သီးမျိုးကိုဖြစ်စေသော သစ်ပင်ကို၎င်း၊ ပေါက်စေဟု အမိန့်တော်ရှိသည်အတိုင်း ဖြစ်လေ၏။  မြေသည် မြက်ပင်ကို၎င်း၊ စပါးသီးမျိုးကိုဖြစ်စေသော စပါးပင်ကို၎င်း၊ မိမိ၌ မျိုးစေ့ပါလျက် သစ်သီးမျိုးကို ဖြစ်စေသော သစ်ပင်ကို၎င်း ပေါက်စေ၏။ ကမ္ဘာဦးကျမ်း ၁း ၁၁-၁၂

မျိုးစေ့မှအပင်ကြီး ထိုမှတဆင့်အသီး ထိုမှတဆင့် တခြားဒေသသို့ပျံနှံ့ပေါက်ပွားသည့်အချိန်သည် ၂၄ နာရီ ဆိုသည့် တစ်ရက်အတွင်းမဟုတ်ဘဲ အချိန်ကာလတစ်ခုကြာသည်ကို နားလည်ရသလို သိပ္ပံအတွေးအခေါ် အယူအဆဖြင့် ဆက်စပ် ၍ ရနိုင်ပါသည်။ ဘုရားသခင်ဖန်ဆင်းသည့်အပင်သည် အနည်းငယ်မဟုတ်ဘဲ ကမ္ဘာ့သစ်တောအုပ်ကိုကြည့်ခြင်းဖြင့် နှစ်ပေါင်းများစွာ ကြာကြောင်းသက်သေဖြစ်နေပါသည်။

ပဉ္စမနေ့ရက်ဖန်ဆင်းခြင်းတွင် ကုန်း၊ ရေ နှင့် လေတွင်ပျံနိုင်သောဌက်များကို မျိုးပွါးခြင်းဖြင့် ဖန်ဆင်းကြောင်း ကမ္ဘာဦးကျမ်း ၁း၂၀-၂၃ တွင်တွေ့ရပါသည်။ သိပ္ပံပညာ ဖေါ်ပြချက် ဖြစ်သော ကမ္ဘာဦးတွင်ရှိခဲ့သော တရိစ္ဆာန်များ၊ ဒိုင်နိုဆောများကို ကြည့်ခြင်းဖြင့် ၄င်းပဉ္စမနေ့ ဖန်ဆင်းခြင်း အချိန်ကာလသည် နှစ်သန်းပေါင်း ရာနှင့်ချီကြောင်း နားလည်နိုင်ပါသည်။

သိပ္ပံပညာတွေ့ရှိချက်အတိုင်း ပျောက်ဆုံးသွားသော ဒိုင်နိုဆော၊ ဒိုင်နိုဆော အချိန်ကာလကို သမ္မာကျမ်းစာ ဖြင့် ဆက်စပ်လေ့လာကြပါစို့။

ထိုသို့သောတိရစ္ဆာန် အပေါင်းတို့သည်  အချိန်တန်လျှင် အစာကျွေးတော်မူစေခြင်းငှာ၊ ကိုယ်တော်ကို မျှော်လင့်လျက်နေကြပါ၏။

ကိုယ်တော်ချထား တော်မူသည်အတိုင်း သူတို့သည်သိမ်းယူကြပါ၏။ လက်တော်ကို ဖွင့်တော်မူသောအားဖြင့်၊ သူတို့ သည်ကောင်းသောအရာနှင့် ရောင့်ရဲကြပါ၏။

မျက်နှာတော်ကို လွှဲတော်မူလျှင်၊ သူတို့သည်ပင်ပန်းကြပါ၏။ သူတို့ အသက်ကို ရုပ်သိမ်းတော်မူလျှင်၊ သူတို့သည်သေ၍ မိမိတို့မြေမှုန့်ထဲသို့ ပြန်သွားကြပါ၏။

တဖန်ဝိညာဉ်တော်ကို လွှတ်၍ သူတို့ကို ဖန်ဆင်းတော်မူသဖြင့်၊ မြေကြီးမျက်နှာကို အသစ်ပြုပြင်တော်မူ၏။  ဆာလံကျမ်း ၁၀၄း ၂၇-၃၀

ဆာလံ၁၀၄ ၏ အပိုက်ငယ် ၂၉ နှင့် ၃၀ ဖေါ်ပြချက်အရ တိရစ္ဆာန်အားလုံးတို့၏ အသက်ကိုရုပ်သိမ်းပြီး ကမ္ဘာ့မြေမျက်နှာပြင်ကို အသစ်တဖန်ပြန်လည်ပြုပြင်ကြောင်းဖေါ်ပြထားပါသည်။ ထို့ကြောင့် ကမ္ဘာဦးခေတ် တွင်ရှိခဲ့သော တိရစ္ဆာန်နှင့်ဒိုင်နိုဆောများ ပျောက်ကွယ်ခြင်းသည် သမ္မာကျမ်းစာတွင်ရှိသဖြင့် သမ္မာကျမ်းစာ ၏ဖေါ်ပြချက်သည် သိပ္ပံပညာယူဆချက်နှင့် ကိုက်ညီနေပါသည်။

 

ကမ္ဘာဦးကျမ်း ၁း၆-၁၀ တွင် ဘုရားသခင်သည် မိုးမျက်နှာကျက်၊ ပင်လယ်သမုဒ္ဒရာ နှင့် ကုန်းမြေ ကိုဖန်း ဆင်းကြောင်းတွေ့ရပါသည်။ ၄င်းဖန်ဆင်းခြင်းများကို ဆာလံ ၁၀၄း ၂-၉ နှင့်ဆက်စပ် ၍လေ့လာနိုင်ပါ သည်။

 

ကိုယ်တော်သည် မြေကြီးကို အဝတ်နှင့် ဖုံးသကဲ့သို့၊ ပင်လယ်နှင့် ဖုံးတော်မူ၍၊ ရေတို့သည် တောင်များအ ပေါ်မှာရပ်နေကြပါ၏။ ဆာလံ ၁၀၄း၆

ကမ္ဘာကြီးတစ်ခုလုံးကို ရေဖြင့်ဖုံးလွှမ်းထားပြီး ရေများသည် တောင်များအပေါ်မှာရပ်နေကြ၏ ဆိုသောကျမ်း စကားသည် ဘူမိဗေဒပညာရှင်များပြောဆိုသော ( Earth ice age) ကမ္ဘာကြီး၏ရေခဲကာလ နှင့် ကိုက်ညီ နေပါသည်။

တောင်တို့သည်တက်လျက်၊ ချိုင့်တို့သည် ဆင်းလျက်၊ သူတို့ဘို့ ခွဲတော်မူသော အရပ်သို့ရောက် ကြပါ၏။

ရေတို့သည် ပြန်လာ၍ မြေကြီးကို မလွှမ်းမိုးစေခြင်းငှာ၊ မကျော်ရသောနယ်စပ်ကို ပိုင်းခြားတော်မူ၏။

ဆာလံ ၁၀၄း ၈-၉

တောင်တို့သည်တက်လျှက် ချိုင့်တို့သည်ဆင်းလျှက် ဆိုသည့်ကျမ်းစကားအရ ဖန်းဆင်းခြင်းတွင် ကမ္ဘာ့မြေ လွှာများလှုပ်ရှားခြင်းဖြင့် တောင်တန်းများဖြစ်ပေါ်ခြင်း၊ ချိုင့်ဝှမ်းများဖြစ်ပေါ်ခြင်း ထိုမှတဆင့် ပင်လယ်သမုဒ္ဒ ရာ၊ မြစ်ချောင်အင်းအိုင်များ ဖြစ်လာကြောင်းတွေ့ရပါသည်။ ဘူမိဗေဒသီအိုရီအရ ကမ္ဘာ့မြေလွှာပြတ်ရွေ့ချပ် များ (Tectonic plate) တစ်ခုနှင့်တစ်ခု တွန်းတိုက်ခြင်းမှ တောင်တန်းဖြစ်ပေါ်လာပြီး နှစ်သန်းပေါင်းများစွာ ကြာသောအခါ ၄င်းတောင်တန်းမြေသားများသည် သက်တန်းရင့် ကျောက်ဖြင့်သို့မာကျောသွားပါသည်။ ထို့ ကြောင့်သိပ္ပံပညာရှင်များ၏ယူဆချက်သည် သမ္မာကျမ်းစာနှင့် ကိုက်ညီမှု့ရှိပြီး ကမ္ဘာဦးကျမ်းမှ ဒုတိယနေ့ဖန် ဆင်းခြင်းသည် နှစ်သန်းပေါင်းရာနှင့်ချီ ရှိကြောင်း နားလည်နိုင်ပါသည်။ ထိုမှတဆင့် ပထမဆုံး ဖန်ဆင်းခြင်း ဖြစ်သော ကောင်းကင်နှင့်မြေကြီး၊ အလင်း တနည်းအားဖြင့် စင်္ကြ၀ဏာ၊ ကြယ်၊နေ ဖန်းဆင်းခြင်းတွင် နှစ်သန်းပေါင်းထောင်နှင့်ချီ ရှိကြောင်း ခန့်မှန်းနိုင်ပါသည်။ ကမ္ဘာဦးကျမ်း ၁း၂ တွင်ပါရှိသော- နက်နဲရာအ ရပ်ကိုမှောင်မိုက်ဖုံးလွှမ်း ၍” ဆိုသောကျမ်းစကားသည် စင်္ကြာဝဏာ ဂယ်လယ်စီ ရှိ တွင်းနက်ကြီး ( Black hole) နှင့် ကိုက်ညီနေပါသည်။ ဂယ်လယ်စီ (Galaxy)၊ တွင်းနက်ကြီး (Black hole) နှင့် နေဖြစ်ပေါ်လာပုံ ကို ယခုချိန်ထိ ကမ္ဘာပေါ်ရှိ မည်သည့်သိပ္ပံပညာရှင်မှ တိတိကျကျမရှင်းပြ နိုင်သေးပါ။ ထို့ကြောင့် ကမ္ဘာဦး ကျမ်းမှ ပထမဆုံးဖန်ဆင်းခြင်း အချိန်ကာလကို လူ့ဥာဏ်ဖြင့် ခန့်မှန်းရခက်သလို စင်္ကြာဝဏာတွင်း သိပ္ပံ ပညာရှင်များ မတွေ့ရှိသေးသော ဘုရားသခင်၏ဖန်ဆင်းခြင်းများစွာ ရှိသေးကြောင်း နားလည်ရပါသည်။

ထို့ကြောင့် သိပ္ပံပညာကို လေ့လာရာတွင် သမ္မာကျမ်းစာကိုချန်လှပ်ထား ၍မရသလို သမ္မာကျမ်းစာ ကို နက်နက်နဲနဲလေ့လာနှလုံးသွင်းပါက ဘုရားရှင်ထံမှ ဆုကျေးဇူးများရရှိနိုင်ကြောင်း ဝေဌလိုက်ရပါသည်။

လောမဲ