ဝတ်ပြုခြင်းဆိုင်ရာပညတ် သင်ခန်းစာ (၆)

 

မောဇက်ထောင်ကျုံး


 

၎။ ယဇ်ကောင်အားဖြင့်သာ ကိုးကွယ်ရမည်

 ဘုရားသခင်ထံ လက်ချည်း ချဉ်းကပ် ကိုးကွယ်၍မရပါ။ ထာဝရဘုရားကိုယ်တိုင် ဤသို့မိန့်မှာခဲ့ သည် - တနှစ်တွင် သုံးကြိမ် ငါ့အဘို့ပွဲခံရမည်။ ငါမှာထားခဲ့ပြီးသည်အတိုင်း၊ အဗိဗလ (တန်ခူးလ) ချိန်းချက်သော နေ့ရက်အချိန် ၌ အဇုမ (တဆေးမဲ့မုန့်) ပွဲကိုခံ၍၊ ခုနစ်ရက်ပတ်လုံး တဆေးမဲ့သောမုန့်ကို စားရမည်။ အကြောင်း မူကား၊ ထိုလတွင် သင်သည် အဲဂုတ္တုပြည်က ထွက်လာသတည်း။ ထိုပွဲကိုခံစဉ် ငါ့ထံသို့ အဘယ်သူမျှ လက်ချည်း မပေါ်မလာရ။ (ထွက် ၂၃း၁၄-၁၅)

 

သင်သည် အဗိဗလ၌ အဲဂုတ္တုပြည်မှထွက်သောကြောင့်၊ ငါပညတ်သည်အတိုင်း၊ အဗိဗ (တန်ခူး) လတွင် ခုနစ်ရက်ပတ်လုံး တဆေးမဲ့မုန့်ကိုစား၍ အဇုမ (တဆေးမဲ့မုန့်) ပွဲကိုခံရမည်။ သားဦးအပေါင်းတို့သည် ငါ့ ဥစ္စာဖြစ်ကြ၏။ သင်၏ တိရစ္ဆာန်တို့တွင်လည်း၊ နွားဖြစ်စေ၊ သို့ဖြစ်စေ၊ သားဦးအပေါင်းတို့သည် ငါ့ဥစ္စာဖြစ်ကြ၏။ သို့ရာတွင်၊ မြည်းသားဦးကို သိုးသငယ်နှင့် ရွေးယူရမည်။ မရွေးလိုလျှင်၊ မြည်းသငယ်၏ လည်ပင်းကို ချိုးရမည်။ သင်၏ သားဦးအပေါင်းတို့ကို ရွေးရမည်။ ငါ့ထံသို့ အဘယ်သူမျှ လက်ချည်း မပေါ်မလာရ။ (ထွက် ၃၄း၁၈-၂၀)

 

အဇုမ (တဆေးမဲ့မုန့်) ပွဲခံချိန်၊ ခုနှစ်သိတင်းပွဲခံချိန်၊ သကေနေ (တဲတော်) ပွဲခံချိန် တည်းဟူသော တနှစ်တွင်သုံးကြိမ် မြောက်အောင် သင်တို့ ယောက်ျားအပေါင်းတို့သည်၊ သင်၏ ဘုရားသခင် ထာဝရဘုရား ထံတော်သို့ အဘယ်သူမျှ လက်ချည်းမပေါ်မလာရ။ သင်၏ဘုရားသခင် ထာဝရဘုရား ကောင်းကြီးပေးတော်မူ သဖြင့်၊ လူအသီးသီးတို့သည် တတ်နိုင်သည်အတိုင်း ဆက်ရကြမည်။ (တရားဟော ၁၆း၁၆-၁၇)

 

ယဇ်ပုရောဟိတ်မင်း မည်သည်ကား၊ ပူဇော်သက္ကာနှင့် ယဇ်ကိုပူဇော်စေခြင်းငှါ ခန့်ထားလျက် ရှိသည်ဖြစ်၍၊ ငါတို့ ယဇ်ပုရောဟိတ် မင်းသည်လည်း ပူဇော်စရာယဇ် တစုံတခုရှိရ၏။ (ဟေဗြဲ ၈း၃) 

ပူဇော်စရာယဇ်တစုံတခုရှိရ၏။

 

ထို့ကြောင့် ဘုရားသခင်ထံ ချဉ်းကပ်သောအခါ လက်ချည်းမလာရ၊ တခုခုပါလာရသည်။ ဣသရေ လလူများသည် နွား သိုး ဆိတ် ခို နှင့် ချိုးငှက်များ မုန့်ညက်နှင့် မုန့် အမျိုးမျိုး ပါလာတတ်ကြသည်။ မိတ်ဆွေ၊ ထာဝရဘုရားထံ ချဉ်းကပ်ရာတွင် မည်သည့် အရာ ပါလာ မည်နည်း။ ဆုတောင်းခြင်း၊ အလှူငွေပေးသောအရာ၊ ကုသိုလ်ကောင်းမှုများ၊ ကောင်းသောအကျင့်များ ယူဆောင်လာမည်လော။ ထိုအရာများအားဖြင့် ဘုရားသခင် ရှေ့၌ မျက်နှာရပါမည်လော။ ဘုရားသခင်ကလည်း သူ့ထံသို့ လက်ချည်းမလာရ ဟု ပညတ်ထားသည်။ ကိုယ်ပါ လာသောအရာကို စဉ်းစားမိဘူးပါသလား။

 
ကာဣန 

ကာဣနသည် မှားယွင်းသောအရာကို ယူဆောင်လာခဲ့ကြောင်း သိခဲ့ပြီ။ သူသည် လယ်ထွက်သီးနှံ များကို ဘုရားသခင်ထံ ယူဆောင်လာခဲ့သည်။ သို့သော် ဘုရားသခင်ကလက်မခံခဲ့ချေ။ ဘုရားသခင်ထံ၌ သီးနှံများ မုန့်ညက်များ၊ ကင်သောမုန့် ကြော်သောမုန့်၊ ဖုတ်သောမုန့်များ ပူဇော်တတ်ကြပါသည် (၀တ် ၂)။ သို့သော် ဘုရား သခင်က ကာဣနကို လက်မခံရသည့်အကြောင်းရင်းကို ဖေါ်ပြထားသည်။

 

အင်္ဂလိပ်ကျမ်းစာအုပ်များတွင် ကမ္ဘာ ၄း၇ ပါစာ၌ အပြစ်သည် တံခါးနားမှာ ၀ပ်လျက်ရှိသည် (sin is crouching at the door) ဟုဆိုထားသည်။ သို့သော် မြန်မာကျမ်းစာအုပ်၌ အပြစ်ဖြေသော ယဇ်ကောင်သည် တံခါးနားမှာ ၀ပ်လျက်ရှိ၏ ဟုဆိုထားသည်။ မည်သည့်အရာ မှန်သနည်း။ ဟေဗြဲစကားလုံး ခထပ်ကို အပြစ်နှင့် အပြစ်ဖြေသောယဇ်ကောင် ဟု အဓိပ္ပါယ်နှစ်မျိုးဖြင့် ပြန်နိုင်သည်။

 

ထိုနှစ်မျိုးအနက် မြန်မာကျမ်းစာ၌ ပါသည့်အတိုင်း ဖြေသောယဇ်ကောင် သည်သာလျှင် မှန်နိုင်စရာ ရှိသည်။ အကြောင်းမှာ အပြစ်သည် အကောင်အထည်မရှိသောကြောင့် တံခါးနားမှာ ၀ပ်နိုင်မည်မဟုတ်။ ၀ပ်နိုင် သောအရာသည် အပြစ်ဖြေသော ယဇ်ကောင်သာလျှင်ဖြစ်သည်။

 

ဘုရားသခင်က ကာဣနကို ယဇ်ကောင်ပေးသော်လည်း အသုံးမပြုခဲ့။ သူသည် ဘုရားသခင်ပေး သော ယဇ်ကောင်ကို ငြင်းပယ်သောကြောင့် ဘုရားသခင်ကလည်း သူ့ကိုငြင်းပယ်ခဲ့သည်။ ထိုသို့ ငြင်းပယ်ခြင်း ခံခဲ့၍ ဘုရားသခင်အထံတော်မှ ထွက်ခွါသွားခဲ့သည်။ ဘုရားသခင်အထံတော်မှ ထွက်ခွါသွားလျှင် မည်သို့မျှ ထာဝရအသက်နှင့် ကောင်းကြီးမင်္ဂလာ ရစရာ အကြောင်းမရှိ။ 

 

ဣသရေလများ

 

ဣသရေလများသည် ထာဝရဘုရားထံ၌ ယဇ်ကောင်များ ယူဆောင်လာသော်လည်း မကောင်း သော အကောင်များယူဆောင်လာသောကြောင့် ထာဝရဘုရားက ငြင်းပယ်ကြောင်းကို ဤသို့တွေ့ရသည်။

 

သားသည် အဘကိုရိုသေတတ်၏။ ကျွန်သည် သခင်ကို ကြောက်ရွံ့တတ်၏။ ငါသည် အဘမှန် လျှင် င့ါကိုအဘယ်သူ ရိုသေသနည်း။ သခင်မှန်လျှင်၊ အဘယ်သူကြောက်ရွံ့သနည်း ဟု ကောင်းကင်ဗိုလ်ခြေ အရှင်ထာဝရဘုရားသည်  နာမတော်ကို မထီမဲ့မြင် ပြုသော ယဇ်ပုရောဟိတ်တို့အား မေးတော်မူ၏။ အကျွန်ုပ်တို့ သည် နာမတော်ကို အဘယ်သို့ မထီမဲ့မြင်ပြုပါသနည်း ဟု သင်တို့ မေးရာတွင်၊ ညစ်ညူးသောအစာကို ငါ့ယဇ် ပလ္လင်သို့ ဆောင်ခဲ့ကြသည်တကား။ အကျွန်ုပ်တို့သည် ကိုယ်တော်ကို အဘယ်သို့ ရှုတ်ချပါသနည်းဟု မေးရာတွင်၊ ထာဝရဘုရား၏ စားပွဲသည် ယုတ်မာ၏ဟုဆိုသောကြောင့် ငါ့ကို ရှုတ်ချကြပြီ။ မျက်စိကန်းသောအကောင်ကို ယဇ် ပူဇော်လျှင် အပြစ်ရှိသည်မဟုတ်လော။ ခြေဆွံ့သောအကောင်နှင့် နာသောအကောင်ကို ယဇ်ပူဇော်လျှင် အပြစ်ရှိ သည်မဟုတ်လော။ မြို့ဝန်မင်းအား ဆက်ပါလော့။ မင်း၏စိတ်နှင့် တွေ့လိမ့်မည်လော။  သင့်မျက်နှာကို ထောက် လိမ့်မည်လော့ဟု ကောင်းကင်ဗိုလ်ခြေ အရှင်ထာဝရဘုရား မိန့်တော်မူ၏(မာလခိ ၁း ၆ - ၈)

 

သင်တို့က၊ ထာဝရဘုရား၏ စားပွဲတော်သည် ညစ်ညူး၏။ တင်ထားသော ဘောဇဉ်ပူဇော်သက္ကာ သည် ယုတ်မာ၏ဟု ဆိုသောကြောင့်၊ စားပွဲတော်ကို ရှုတ်ချကြပြီ။ တဖန် သင်တို့က အမှုတော်ကို ဆောင်ရွက်၍ ပင်ပန်းစွတကားဟုဆိုလျက်၊ ကဲ့ရဲ့သံကို ပြုတတ်ကြသည်ဟု ကောင်းကင်ဗိုလ်ခြေ အရှင်ထာဝရဘုရား မိန့်တော် မူ၏။ လုယူသောအကောင်၊ ခြေဆွံ့သောအကောင်၊ နာသောအကောင်ကို ဆောင်ခဲ့ကြပြီ။ ထိုသို့သော ပူဇော် သက္ကာကို ဆောင်ခဲ့ကြပြီတကား၊ သင်တို့လက်မှ ငါခံရမည်လောဟု ထာဝရဘုရား မေးတော်မူ၏။ သစ္စာဂတိ ထားပြီးမှ မိမိသိုးစု၌ အထီးရှိလျက်ပင်၊ လှည့်စား၍၊ ထာဝရဘုရားအား ချို့တဲ့သောအကောင်ကို ယဇ်ပူဇော်သော သူသည် အမင်္ဂလာရှိစေသတည်း။ ငါသည် ကြီးမြတ်သောရှင်ဘုရင် ဖြစ်၏။ ငါ၏နာမတော်သည် လူအမျိုးမျိုးတို့ တွင် ကြောက်မက်ဘွယ် ဖြစ်ရမည်ဟု ကောင်းကင်ဗိုလ်ခြေ အရှင်ထာဝရဘုရား မိန့်တော်မူ၏။                (မာလခိ ၁း  ၁၂-၁၄)

 

ဣသရေလလူများသည် ထာဝရဘုရားကိုစွန့်၍ အခြားသော ဘုရားများကို ကိုးကွယ်သည်။ ထို့ကြောင့် ဗာဗုလုန်ကျွန်ခံစေ၍ သူတို့၏နားများကို ဖေါက်လိုက်သည်။ ဗာဗုလုန်ကျွန်ခံရာမှ ပြန်လာသောအခါ  သင်ခန်းစာရ၍ ရုပ်တုများမကိုးကွယ်တော့ဘဲ ထာဝရဘုရားသခင် ကိုသာလျှင် ကိုးကွယ်ကြသည်။ ထာဝရဘုရား ကိုသာ ကိုးကွယ်၍ ယဇ်ကောင်များကို ပူဇော်သော်လည်း မာလခိထဲမှ ရေးထားသည် အတိုင်း အကျိုးအပဲ့အကမ်း များကို ပူဇော်ကြသည်။ ထို့ကြောင့် ထာဝရဘုရားက သူတို့၏ ပူဇော်သက္ကာများနှင့်တကွ သူတို့ ကိုယ်တိုင်ကိုပါ ငြင်းပယ်သည်။

 

ယခုအချိန်တွင် ဘုရားသခင်ထံ၌ မိတ်ဆွေဘယ်အရာကို ယူဆောင်လာမည်နည်း။ မိမိ၏အလှူ တော်ငွေ၊ ကောင်းမှုကုသိုလ်၊ ဆုတောင်းခြင်း၊ ကျမ်းစာဖတ်ခြင်း၊ ကောင်းသောအကျင့်၊ မိမိ၏အသက်တာများကို ယူဆောင်လာရမည်လော။ ထိုအရာများကို ဘုရားသခင် လက်ခံတော်မူမည်လော။ လက်၌ယူဆောင်လာသော အရာမရှိလျှင် ဘုရားသခင်က လက်ခံတော်မူမည်လော။ ထိုအရာများကို ဆက် လေ့လာ ရကြမည်။

 

ဤအရာများကို မသိဘဲ မိတ်ဆွေ ဖြစ်ကောင်းဖြစ်မည်။ အကြောင်းမူကား ဤအရာများကို မဟော မပြောသောကြောင့် သော်၎င်း၊  မလေ့လာသောကြောင့်သော်၎င်း ဖြစ်သည်။ ထိုအခါ မိမိကြိုက်နှစ်သက်သလို ကိုးကွယ်ကြသည်။ ဣသရေလများ မှားယွင်းခဲ့ပြီ။ ယခု ခရစ်ယာန်များလည်း မှားယွင်းကြပြန်ပြီ။ ထိုသို့ မမှားရလေ အောင် ဆက်လေ့လာကြစို့။

 

 သင်ခန်းစာ (၆) မေးခွန်းများ

 ၁။            ထာဝရဘုရားက ဣသရေလများအား တနှစ်ဘယ်နှစ်ကြိမ် ပွဲခံခိုင်းသနည်း။

 

၂။            ထာဝရဘုရားထံ အဘယ်သူမျှ .................................. မပေါ်လာရ။

 

၃။            ယဇ်ပုရောဟိတ်၌ ပူဇော်စရာ .................................... ရှိရ၏။

 

၎။            ဣသရေလများသည် မည်သည့်အရာများကို ပူဇော်တတ်ကြသနည်း။

 

၅။            ကာဣနကို ဘုရားသခင်က တံခါးဝ၌ အဘယ်အရာ ထားပေးသနည်း။

 

၆။            ကာဣနသည် ဘုရားသခင်ပေးသော ယဇ်ကောင်ကို အသုံးပြုပါသလား။ 

၇။            ဘုရားသခင်က ကာဣနကို အဘယ်ကြောင့် လက်မခံသနည်း။ 

၈။            ဣသရေလလူများသည် ဘုရားသခင်ထံ မည်ကဲ့သို့သော တိရစ္ဆာန်များ ယူဆောင်တတ်ကြသနည်း။ 

၉။            ဘုရားသခင်ထံ မိတ်ဆွေ မည်သည့်အရာများ ယူဆောင်လာမည်နည်း။ 

၁၀။          ဘုရားသခင်ထံ မည်သည့်အရာ ယူဆောင်ရမည့်အရာသည် အရေးကြီးသည်ဟု သင်ယူဆပါသလော။

 

 

 ဆရာမောဇက်ထောင်ကျုံး

.