မည်ကဲ့သို့ ခရစ်ယာန်အသက်တာကို ရှင်မည်နည်း



အန်ဒရူး
How to Live a Christian Life, New Life in Christ Course III, Lesson 15

ဖတ်ရန်ကျမ်းချက်။ ထွက်၊ ၂ဝး၁-၁၇။ဂလာ၊ ၃း၁၃-၂၆။

သော့ ကျမ်းချက်။ “ငါသည် ခရစ်တော်နှင့်အတူ လက်ဝါးကပ်တိုင်၌ အသေခံပြီ၊ သို့သော်လည်း အသက်ရှင်သေး၏။ ထိုသို့ဆိုသော် ငါသည် ကိုယ်တိုင် မရှင် ခရစ်တော်သည် ငါ၌ရှင်တော်မူ၏။ ကိုယ်ခန္ဓာ၌ ယခု ငါရှင်သော အသက်သည် ဘုရားသခင်၏သားတော်ကို ယုံကြည်ခြင်းအားဖြင့် တည်၏။ သားတော်သည် ငါ့ကိုချစ်၍ ငါ့အဘို့ ကိုယ်ကို စွန့် တော်မူ၏။” ဂလာ၊၂း၂ဝ

ပညတ်တရား အကြောင်း လေ့လာမည်။ ခရစ်ယာန်တယောက်ဖြစ်လာရာ၌ ပညတ်တရား၏ ပါဝင်မှု  အခန်းကဏ္ဍ၊ ပညတ်တရား အားဖြင့် ရသော ဖြောင့်မတ်ခြင်းကို ခရစ်တော်က မည်ကဲ့သို့ ပြည့်စုံပေးခဲ့ပါသနည်း။ ပညတ်တရားအကြောင်း ကိုစဉ်းစားခြင်းဖြင့် အစပြုကြပါစို့။

 

.

 

 

ထာဝရဘုရား၏ပညတ်တရား။

ပညတ်တော်ကိုဆိုလိုသည်။ ဘယ်ကလာသနည်း။ ဘုရားသည် မောရှေအား ပညတ်တော် ဆယ်ပါးကို  သိန တောင် ပေါ်တွင် ပေးခဲ့၏။ ဘုရားသခင် ကိုယ်တိုင် လက်တော်ဖြင့် ကျောက်ပြားပေါ် ရေးခဲ့၏။ ''ငါမှတပါး အခြားသော ဘုရားကို မကိုးကွယ်နှင့်။-ရုပ်ထုဆင်းထု ကို ကိုယ်အဘို့ မလုပ်နှင့်။ ဦးမချဝတ်မပြုနှင့်။ -သင်၏ဘုရားသခင် ထာဝရဘုရား၏   နာမတော်ကို မုသာနှင့်ဆိုင်၍ မမြွက်မဆို နှင့်-ဥပုတ်နေ့ကို သန့်ရှင်းစေခြင်းငှါ၊ ထို နေ့ရက်ကို အောက်မေ့လော့။-သင်၏ ဘုရား သခင် ထာဝရဘုရား ပေးသနားတော်  မူသောပြည်၌ သင်၏ အသက်တာ ရှည်မည် အကြောင်၊ သင်၏မိဘကို ရိုသေစွာ ပြုလော့။-လူအသက်ကို မသတ်နှင့်။-သူ့မယားကို မပြစ်မှားနှင့်။- သူ့ ဥစ္စာကို မခိုးနှင့်။- ကိုယ်နှင့် စပ်ဆိုင်သော သူ တဘက်၌ မမှန်သော သက်သေကို မခံနှင့်။-ကိုယ်နှင့် စပ်ဆိုင်သောသူ၏ အိမ်၊...မယား၊ သူ၏ ကျွန်ယောင်္ကျား၊မိန်းမ၊နွား၊မြည်း၊ မှစ၍ ကိုယ်နှင့်စပ်ဆိုင်သော သူ၏ဥစ္စာတစုံတခုကိုမျှ တတ်မက်လိုချင်သောစိတ် မရှိစေနှင့်ဟု မိန့်တော် မူ၏'' (ထွက်၊၂ဝး၁-၁၇)

ပညတ်တော်ဆယ်ပါးအပြင် သာ၍များသော ပညတ်များကိုလည်း ပေးခဲ့၏။  ပညတ်တရားသည်   ဘုရား၏အလိုတော်ကို ဖေါ်ပြပြီး၊ ဘုရား၏ အမြင်၌ အမှန်နှင့်အမှားကို ပြောထားပါသည်။''သင်သည် ချမ်းသာရခြင်းငှါ ၄င်း၊ ... ထာဝရ ဘုရား ရှေ့တော်၌ ဖြောင့်မတ် လျောက်ပတ်သောအမှုတို့ကို ပြုရမည်။''ဟုဆို၏။(တရား၊၆း၁၈-၁၉)။

''ဒုစရိုက်သည်ကား ပညတ်တော်ကို လွန်ကျူးခြင်းဖြစ်သတည်း။''(၁ယော၊၃း၎)

''အပြစ်တရား၏အခကား သေခြင်းပေတည်း။''(ရော၊၆း၂၃)

လူသည် ပညတ်တော်ကို စေါင့်ထိမ်းပါသလား။

သခင်ယေရှုမှတပါး မည်သူမျှ မစေါင့်ထိမ်းနိုင်ပါ။ ''မောရှေသည် ပညတ်တရားကို သင်တို့အား ပေးသည် မဟုတ်လော။ ထိုတရား ကို သင်တို့ တွင် တစုံတယောက်မျှမကျင့်။'' (ယော၊၇း၁၉)

''ထိုသို့ ပညတ်တရားသည် ဒုစရိုက်အပြစ်ကို ထင်ရှားစေသည် ဖြစ်သောကြောင့် ပညတ်တရား၏ အကျင့်အားဖြင့် ဘုရားသခင် ရှေ့တော်၌ အဘယ်သူမျှ ဖြောင့်မတ်ရာသို့မရောက်ရာ။''(ရော၊၃း၂ဝ)

ပညတ်တရားက မပြုလုပ်ပေးနိုင်သောအရာ။

ပညတ်တရားသည် ကောင်းခြင်း၊ သန့်ရှင်းခြင်း၊ ဖြောင့်မတ်ခြင်းရှိသော်လည်း၊ သို့သော် မပြုလုပ်ပေးနိုင်သော အရာ သုံးခုရှိသည်။

၁။ ပညတ်တရားသည် အပြစ်ကို ခွင့်မလွတ်နိုင်။

၂။ ပညတ်တရားသည် ထာဝရအသက်ကိုမပေးနိုင်။

၃။ ပညတ်တရားသည် လူကိုကောင်းအောင် မပြုလုပ်ပေးနိုင်ပါ။

ပညတ်တရားက ဘာလုပ်ရမည်ကိုသာ ပြောပြီး၊ သို့သော် လူကို ပြုလုပ်နိုင်ရန် တန်ခိုးကို မပေးနိုင်ပါ။

ပညတ်တရားကဘာကိုပြုလုပ်ပေးခဲ့ပါသနည်း။

ပညတ်တရားက လူကိုမကယ်နိုင်၊ ကောင်းအောင်မပြုလုပ်ပေးပါ။ သို့ဖြစ်လျင် ဘာကို ပြုလုပ်ပေးပါသနည်း။

၁။ ပညတ်တရားသည် လူ၏အပြစ်ကိုဖေါ်ပြပေးခြင်း။

၂။ ပညတ်တရားသည် အပြစ်သားကိုအပြစ်စီရင်ခြင်း။

၃။ ပညတ်တရားက လူသည်ကယ်တင်ရှင်ကို လိုအပ်ကြောင်းကို ဖေါ်ပြပေးခြင်း။

ဓမ္မဟောင်းကာလ၌ လူကိုပညတ်တရားက ပြုလုပ်ပေးသော အဓိကအချက်သုံးချက်ကို စဉ်းစားကြမည်။

၁။ ပညတ်တရားသည် လူ၏အပြစ်ကိုဖေါ်ပြပေးခြင်း။

''...ပညတ်တရားသည် ဒုစရိုက်အပြစ်ကို ထင်ရှားစေသည်ဖြစ်သောကြောင့်။''(ရော၊၃း၂ဝ)

၂။ အပြစ်သားကို အပြစ်စီရင်သည်။

လူကိုအပြစ်သားဖြစ်ကြောင်း ဖေါ်ပြပေးသည်သာမက ထိုသူကို သေပြစ်စီရင်သည်။ ''ပြစ်မှားသောသူသည်အသေခံရမည်။'' (ယေဇ၊၁၈း၂ဝ)

၃။ ပညတ်တရားက လူသည် ကယ်တင်ရှင်ကို လိုအပ်ကြောင်းဖေါ်ပြသည်။

လူသည် အပြစ်သားဖြစ်ခြင်းနှင့် သေပြစ်ကို စီရင်ခြင်းခံရခြင်းကြောင့် ကယ်တင်ရှင်ကို လိုအပ်ကြောင်း သိလာသည်။

သူဘာလုပ်မည်နည်း။

ယုံကြည်ခြင်းဖြင့် သိုးတကောင်ကို ယဇ်ပူဇော်ပါသည်။ ယဇ်ကောင်သိုးသည် ထိုသူ၏အပြစ်ကို ဖယ်ရှားပေးခဲ့ပါ သလား။ မပေးခဲ့ပါ။ သို့သော် ကြွလာမည့် မေရှိယ(ယေရှုခရစ်)ဖြစ်သော ဘုရားသခင်၏ သိုးစစ်ကို မြော်ကြည့်၍  ပူဇော် ခဲ့ခြင်းကြောင့် ဘုရားက သူ၏ယဇ်ကို လက်ခံခဲ့ခြင်း ဖြစ်သည်။

ပညတ်တရားကကျွန်ုပ်တို့အားဘာပြုလုပ်ပေးပါသနည်း။

ဓမ္မဟောင်းကဲ့သို့ တူညီသောအချက် သုံးခု ယနေ့ပြုလုပ်ပေးပါသည်။

၁။ အပြစ်ကိုဖေါ်ပြသည်။

၂။ အပြစ်စီရင်သည်။

၃။ ကယ်တင်ရှင်ယေရှုခရစ်ကို လိုအပ်ကြောင်းကို ဖေါ်ပြသည်။

ပညတ်တရား၏ရည်ရွယ်ချက်ကား ''ယုံကြည်ခြင်းဖြင့် ဖြောင့်မတ်ရာသို့ရောက်မည်အကြောင်း ခရစ်တော်ထံသို့ ပို့ ဆောင်ပေးပါ သည်။''

''ထိုကြောင့်ငါတို့သည် ယုံကြည်ခြင်းအားဖြင့် ဖြေင့်မတ်ရာသို့ ရောက်စေခြင်းငှါ ပညတ်တရားသည် ခရစ်တော် ထံသို့ ငါတို့ကိုပို့ဆောင်၍ ငါတို့၏အထိန်း ဖြစ်သတည်း။''(ဂလာ၊၃း၂၄)

ကယ်တင်ရှင်ယေရှုခရစ်။

ပညတ်တရားက လူကို ခရစ်တော်ထံသို့ ပို့ဆောင်ခြင်းနှင့်ခရစ်တော်က လူကိုကယ်တင်ရာတွင် ပြုလုပ်ပေးခဲ့ခြင်း များကို ကြည့်ကြပါစို့။

၁။ ပညတ်တရား၏ကျိန်ခြင်းမှ ရွေးနှုတ်ခဲ့ခြင်း။

၂။ ပညတ်တရား၏အုပ်စိုးမှုအောက်မှ လွှတ်မြောက်စေခဲ့ခြင်း။

၃။ ခရစ်တော်သည် ကျွန်ုပ်တို့၌ ပြန်၍လာရောက် အတူရှိနေခြင်း။

၁။ ခရစ်တော်သည် ကျွန်ုပ်တို့ကို ပညတ်တရား၏ကျိန်ခြင်းမှ ရွေးနှုတ်ခဲ့ခြင်း။

ပညတ်တရားက လုံးဝနာခံခြင်းကို  တောင်းဆိုသည် ဘုရား၏သန့်ရှင်းသော ပညတ်ကိုချိုးဖေါက်သူသည် ပညတ်၏ကျိန်ခြင်း အောက်သို့ ကျရောက်ပါသည်။ ကျမ်းစာက  ''အကြောင်းမူကား ပညတ္တိကျမ်းစာ၌ ပါသမျှသောစကားတို့ကို အမြဲမကျင့်သောသူတိုင်း ကျိန်တော်မူခြင်းကို ခံစေ သတည်း ဟု ကျမ်းစာလာ၏''ဟုဆို၏။(ဂလာ၊၃း၁ဝ)

ဘုရား၏ ပညတ်ကို ချိုးဖေါက်ခြင်းကြောင့် သေပြစ်၊စီရင်ခြင်းကိုခံရသည်။  သို့သော်ခရစ်တော်သည်ပညတ် ၏ကျိန်ခြင်းမှ ကျွန်ုပ်တို့ကို ရွေးနှုတ် ခဲ့ပြီး။ ကျွန်ုပ်တို့အတွက် အသေခံခြင်းအားဖြင့် ဖြစ်သည်။

''ခရစ်တော်သည် ငါတို့အတွက်ကြောင့် ကျိန်ခြင်းကိုခံရသောသူဖြစ်၍ ငါတို့ကို ပညတ်တရား၏ ကျိန်ခြင်းမှ ရွေးနှုတ်တော်မူပြီ။''(ဂလာ၊၃း၁၃)

၂။ ပညတ်တရား၏အုပ်စိုးမှုအောက်မှ ခရစ်တော်သည် ကျွန်ုပ်တို့ကို လွတ်မြောက်စေခဲ့ပြီး။

ကျွန်ုပ်တို့သည်  ခရစ်တော်နှင့်အတူ သေခြင်းဖြင့် မှောင်မိုက်နိုင်ငံမှ ဘုရား၏သားတော် နိုင်ငံထဲသို့ ရောက်ခဲ့ပြီး။

''မှောင်မိုက် တန်ခိုး မှလည်း ငါတို့ကို နှုတ်၍၊ ချစ်တော်မူသော သားတော်၏ နိုင်ငံထဲသို့သွင်းတော်မူ၏''(ကော၊၁း၁၃)

ပညတ်တရား၏အောက်၊ အပြစ်၏ကျွန်မဟုတ်တော့ပါ။ ကျေးဇူးတရားအောက်ရှိဘုရား၏သားများဖြစ်ခဲ့ပြီး။ ''သင်တို့သည် ပညတ်တရား လက်၌ မရှိ။ ကျေးဇူးတရား လက်၌ရှိသောကြောင့် အပြစ်တရားသည်သင်တို့ကိုမအုပ်စိုးရ''(ရော၊၆း၁၄)

၃။ ခရစ်တော်သည် ကျွန်ုပ်တို့နှင့်အတူ နေရန်ပြန်လာခဲ့သည်။

ဘုရား၏သားသမီးများသည် အမိန့်နာခံခြင်းဖြင့် ကောင်းကင်ဘုံရှင်ဘုရားအား ချစ်ကြောင်း ဖေါ်ပြပါသည်။ သခင်ယေရှုသည်  ကျွန်ုပ်တို့ အထဲ ၌ ဘုရားစကား နာခံခြင်းကို ပြုလုပ်ပေးပါသည်။  သူသည် ကျွန်ုပ်တို့နှင့် အတူ ပြန်လါ ရှိနေခြင်းဖြင့် ပညတ်တရားက တောင်းဆိုသော ဖြောင့်မတ်ခြင်းကို ကျွန်ုပ်တို့၌ ပြည့်စုံ  စေရန်ဖြစ်သည်။ ပညတ်တော် အောက်၌ရှိစဉ် ဖြောင့်မတ်ရန် ကျိုးစားသော်လည်း ကျရှုံးခဲ့သည်။ ကျွန်ုပ်အထဲ၌ ခရစ်တော်ရှိခြင်း အားဖြင့် သူသည် ကျွန်ုပ်တို့၌ ဖြောင့်မတ်ခြင်းကို ပြုလုပ်ပေးပါသည်။

ပညတ်တရားသည် အချင်းချင်းချစ်ရန် အမိန့်ပေးပါသည်။ ဤပညတ်သည် ကောင်းသည် အမှန်ဖြစ်ပါသည်။ သို့သော် ကျွန်ုပ်တို့ မစေါင့်ထိမ်းနိုင်ပါ။  ယခု ခရစ်တော်  ရှိနေပြီးဖြစ်၍ သူသည် အခြားသူများကိုလည်း ချစ်သည်။ ထိုသူ များအတွက်လည်း အသေခံခဲ့၏။  ကျွန်ုပ်၏စိတ်တွင် ခရစ်တော်၏ ချစ်ခြင်းမေတ္တာသည် ကြွယ်ဝနေလျှင် ကျွန်ုပ်၏ ရန်သူ ကိုပင် ချစ်ပေမည်။ ပညတ်တရားက မလုပ်ပေးနိုင်သော အမိန့်ကိုခရစ်တော်က ပြုလုပ် ပေးပါသည်။ ပညတ်က ''ကိုယ်နှင့်စပ်ဆိုင်သောသူ ကိုကိုယ်နှင့် အမျှ ချစ်လော့။''ဟုဆို၏။(မ၊ ၁၉း၁၉)

''ငါတို့အား ပေးတော်မူသော သန့်ရှင်းသောဝိညာဉ်တော်သည် ဘုရားသခင်၏ မေတ္တာတော်ကို ငါတို့စိတ်နှလုံး ထဲသို့ သွန်းလောင်း တော် မူ၏''(ရော၊၅း၅)

ဘယ်ကဲ့သို့ ခရစ်ယာန်အသက်တာ ရှင်မည်နည်း။

တမန်တော်ပေါလုက  (ဂလာ၊၂း၂ဝ)၌ ဘယ်ကဲ့သို့ ခရစ်ယာန်အသက်တာ ရှင်ရမည်ကို  ပြောထား၏။  ''ငါသည် ခရစ်တော်နှင့်အတူ လက်ဝါးကပ်တ်ုင်၌ အသေခံပြီး။ သို့သော်လည်း အသက်ရှင်သေး၏။ ထိုသို့ဆိုသော် ငါသည် ကိုယ်တိုင်မရှင်၊ ခရစ်တော်သည် ငါ၌ရှင်တော်မူ၏။ ကိုယ်ခန္ဓာ၌ ယခု ငါရှင်သောအသက်သည် ဘုရားသခင်၏ သားတော်ကို ယုံကြည်ခြင်း အားဖြင့်တည်၏။ သားတော်သည် ငါ့ကို ချစ်၍ ငါ့အဘို့ ကိုယ်ကို ကိုယ်စွန့်တော်မူ၏''ဟုဆို၏။

ငါသည် ခရစ်တော်နှင့်အတူ လက်ဝါးကပ်တိုင်၌ အသေခံပြီး''

ခရစ်ယာန်အသက်တာ၌  ဝိညာဉ်ရေးဆိုင်ရာ ရန်သူများကို အောင်ခြင်း၏ အခြေခံသည်ကျွန်ုပ်တို့သည် ခရစ်တော်နှင့်အတူ သေခြင်း  ဖြစ်သည်။ ခရစ်တော်နှင့် အတူ သေခြင်း၊ သဂြိုလ်ခြင်းနှင့် ရှင်ပြန်ထမြောက်ခြင်းအားဖြင့် အပြစ်တန်ခိုး၊ အတ္တ၊ဇာတိ၊ လောကနှင့်စာတန် စသည်တို့မှ လွှတ်မြောက်ခဲ့ပြီ။ ဤအမှန်တရားကို သိမှတ်ရမည်။

''ငါသည် ကိုယ်တိုင်မရှင်၊ ခရစ်တော်သည် ငါ၌ရှင်တော်မူ၏။'' ဘုရားက လူဟာင်းကို ခရစ်တော်နှင့်အတူ သေစေခြင်းသည်  အသက်တာ ဟောင်း ကို အဆုံးသတ်ရန်ဖြစ်ပြီး ခရစ်တော်ကို  ကျွန်ုပ်တို့အထဲ၌  အသက်ရှင်စေလိုခြင်းဖြစ်သည်။''

ခရစ်တော်သည် ဘုရား၏တန်ခိုးတော်''ဖြစ်သည်။(၁ကော၊၁း၂၄)။

သူသည် ကျွန်ုပ်တို့အထဲ၌ရှိပြီး၊ ကျွန်ုပ်တို့လိုသောအရာကို ပြုလုပ်ပေးခဲ့ပြီ။ ''ထိုဘုရားသခင်အားဖြင့် သင်တို့သည် ယေရှုခရစ်၌ တည်နေ ကြ ၏။ ထိုသခင်မူကား၊ ဘုရားသခင်  စီရင်တော်မူသည် အတိုင်း၊ငါတို့၌ပညာမှစ၍ ဖြောင့်မတ်ခြင်း၊ သန့်ရှင်းခြင်း၊ ရွေးနှုတ်ခြင်းဖြစ်တော်မူ၏'' (၁ကော၊၁း၃ဝ)

ခရစ်တော်ထဲ၌ ကျွန်ုပ်ဖြောင့်မတ်ပြီ။ သန့်ရှင်းပြီ။ သွေးဆောင်ခြင်းကို အောင်ပြီ။ ပညတ်တရားက တောင်းဆိုသော ဖြောင့်မတ်ခြင်းကို ခရစ်တော်ကပြုလုပ်ပေးခဲ့ပြီ။ ဘုရားသခင်၏ အလိုတော်ကို အမြဲတမ်းနာခံသောသူ၊ ခရစ်တော်ဖြစ်သည်။ (ယော၊၅း၃ဝ)

''ကိုယ်ခန္ဓာ၌ယခုငါရှင်သောအသက်သည်ဘုရားသခင်၏ သားတော်ကို ယုံကြည်ခြင်းအားဖြင့်တည်၏။''ငါ့ကိုချစ်၍အသက်ကိုပေးခဲ့၏။

ခရစ်ယာန် အသက်တာသည် အဘယ်နည်း။ ခရစ်ယာန်  အသက်တာသည် ကျွန်ုပ်တို့ အထဲ၌ ခရစ်တော်အသက် ရှင်နေခြင်း ဖြစ်သည်။ ''ငါအသက်ရှင်သည်အရာမှာ ခရစ်တော်ဖြစ်၏''(ဖိ၊၁း၂၁)

ခရစ်ယာန် အသက်တာသည် ဘယ်လိုရှင်မည်နည်း။ ယုံကြည်ခြင်းအားဖြင့် ဖြစ်သည်။ ကျွန်ုပ်တို့အထဲ၌ ခရစ်တော်၏ အသက်ရှိခြင်းနှင့် သူ့ကို ယုံကြည်  ကိုးစားခြင်းဖြင့် အသက်ရှင်ခြင်းဖြစ်သည်။ သူ၏အသက်သည် ကျွန်ုပ်တို့ အထဲ ၌ရှိကြောင်းကို သိမှတ်ပါ။ သူသည် သစ္စ္စာနှင့် ပြည့်စုံတော် မူ သည်။

ယနေ့ မှစ၍သူသည် သင့်အထဲ၌ရှိကြောင်းကို အသိအမှတ်ပြုပါ။ တနေ့လုံး မကြာခဏအမှတ်ရစေပါ။ ခရစ်တော်နှင့် သူ၏ လုပ်ဆောင် ပေးခဲ့မှု များ အတွက်ဝမ်းမြောက်ပါ။ သူနှင့် ခဏခဏ စကားပြောပါ။သူ့ကို ချစ်ကြောင်းနှင့်သူ့ကို နှစ်သက်စေသော အရာများကိုသာ သင်သည် လုပ်စေချင် ကြောင်း ကိုပြောပါ။  ပေါလုကဲ့ သိုပြောပါ။ ''ငါ့ကိုခွန် အားနှင့်ပြည့်စုံစေတော်မူသော ခရစ်တော်အားဖြင့် ခပ်သိမ်းသောအမှုတို့ကို ငါတတ်စွမ်းနိုင်၏။'' (ဖိ၊၄း၁၃)

ရှာဖွေတွေ့ရှိသော ရတနာ

ဘုရားက ပညတ်တရားကို ပေးခြင်းသည် ခရစ်တော်ကို ကျွန်ုပ်တို့ လိုအပ်ကြောင်းကို သိမြင်လာစေသည်။ ခရစ်တော်ကို ရရှိခြင်းဖြင့် ပညတ်တရား၏ ဖြောင့်မှတ်ခြင်းကို ကျွန်ုပ်၌ သူကပြည့်စုံစေဘို့ဖြစ်သည်။

ဆုတောင်းချက်။  အဘဘုရား၊ ကျွန်ုပ်အား ကိုယ်တော်၏အမြင်၌ ကောင်းခြင်းနှင့်အမှန်ကို ဖေါ်ပြပေးသော ကိုယ်တော်၏သန့်ရှင်းသော ပညတ်တရား တော် အတွက် ကျေးဇူးတင်ပါသည်။ ကိုယ်တော်၏အလိုကိုသာ အစဉ်လုပ်ဆောင်ရန် အလိုရှိပါသည်။ ခရစ်တော်အားဖြင့် ကိုယ်တော်၏စိတ်တော်နှင့် အကောင်းဆုံး တွေ့ရန် ကျွန်ုပ်အထဲ၌ ပြုတော်မူပါ။ ခရစ်တော်သည် ကမ္ဘာအဆက်ဆက် ဘုန်းကြီးတော်မူစေသတည်း။

မေးခွန်းများ

၁။ ဘုရားသခင်၏ပညတ်တရားသည် ………….ဖေါ်ပြခြင်း ဖြစ်သည်။

(က) အမှန်နှင့် အမှားကို ဖေါ်ပြပေးသည်။

(ခ ) ဘုရားသခင်၏အလိုတော်။

(ဂ ) အထက်ပါ အရာ အားလုံး။

၂။ ဘုရားသခင်၏ပညတ်တရားကို ချိုးဖေါက်ခြင်းသည်၊ ကျွန်ုပ်တို့…………..ကျူးလွန်ခြင်း ဖြစ်သည်။

(က) နောက်တချိန်၌ သာ၍ ကောင်းသောအရာကို လုပ်ရန်။

(ခ ) အပြစ်။

၃။ ပညတ်တရားက မပြုလုပ်ပေးနိုင်သော တတိယမြောက် အကြောင်းအရာကား အဘယ်နည်း။

(က) ပညတ်တရားသည် အပြစ်ကို ခွင့်မလွတ်နိုင်ပါ။

(ခ )  ပညတ်တရားသည် ထာဝရအသက်ရရန်  မပြုလုပ်ပေးနိုင်ပါ။

(ဂ )  ပညတ်တရားသည် ………..မပြုလုပ်ပေးနိုင်ပါ။

၁) အပြစ်သားများကို ချစ်သည်။

၂) သင်၌ ကယ်တင်ခြင်း။

၃) လူများကို ကောင်းလာရန်။

၎။ ပညတ်တရား၏ရည်ရွယ်ချက်သည်

(က) ကျွန်ုပ်တို့မည်ကဲ့သို့ အသက်ရှင်ရန် နည်းဥပဒေသကို ပေးသည်။

(ခ ) ယုံကြည်ခြင်းအားဖြင့် ဖြောင့်မတ်ရာသို့ရောက်ရန် ခရစ်တော်ထံ ပို့ဆောင်သည်။

၅။ မှန် နှင့် မှား ။ ခရစ်တော်သည် ကျွန်ုပ်တို့ကို ကယ်တင်ရာ၌ ကျွန်ုပ်တို့အတွက် ပြုလုပ်ပေးခဲ့သောအရာ သုံးခု။

(က) သူသည် ကျွန်ုပ်တို့ကို ပညတ်တရား၏ကျိန်ခြင်းမှ ရွေးနှုတ်ခဲ့သည်။

(ခ ) သူသည် ကျွန်ုပ်တို့ကို ပညတ်တရား၏အုပ်စိုးမှုအောက်မှ လွှတ်မြောက်စေခဲ့သည်။

(ဂ ) သူသည် ကျွန်ုပ်တို့အထဲ၌ နေရန် ပြန်လာခဲ့သည်။

၆။ ခရစ်တော်သည် ကျွန်ုပ်တို့အထဲ၌ နေရန် ပြန်လာခဲ့ပြီး၊ ကျွန်ုပ်၌……………

(က) ပညတ်တရားကတောင်းဆိုသော ဖြောင့်မတ်ခြင်းကို ကျွန်ုပ်၌ ပြည့်စုံစေရန်။

(ခ )  နောက်ထပ် အပြစ်မလုပ်ချင်တော့ရန် ကျွန်ုပ်တို့၌  ပြုလုပ်ပေးသည်။

၇။ ဘုရားသခင်သည် ကျွန်ုပ်တို့ကို ခရစ်တော်နှင့်အတူ ကားတိုင်၌ အသေခံစေခြင်းဖြင့် အစီအစဉ်မှာ

(က) ကျွန်ုပ်တို့ ကယ်တင်ခြင်းကို လုပ်ဆောင်ခြင်းဖြင့် ရရှိနိုင်သည်။

(ခ ) ကျွန်ုပ်တို့၏ ဇာတိဟောင်းကို အဆုံးသတ်ရန် ဖြစ်သည်။

၈။ မည်ကဲ့သို့ ကျွန်ုပ် ဖြောင့်မတ်ခြင်း ရနိုင်မည်နည်း။

(က) ခရစ်တော်သည် ကျွန်ုပ်၌ရှိကြောင်း အမှန်တရားကို သိမှတ်ယုံကြည်ခြင်း။

(ခ ) အပတ်စဉ်တိုင်း အသင်းတော်သို့ သွားခြင်း။

(ဂ ) ကိုယ်ပိုင် ကျမ်းစာကို နေ့စဉ် ဖတ်ခြင်း။

၉။ ခရစ်ယာန် အသက်တာသည်၊

(က) ကျွန်ုပ် တတ်နိုင်သမျှ အကောင်းဆုံး ကျွန်ုပ် ကြိုးစားလုပ်ဆောင်ခြင်း။

(ခ ) ခရစ်တော်၏ အသက် ကျွန်ုပ်အထဲ၌ သူ ရှင်နေခြင်း။

(ဂ ) ခရစ်တော်သည် ခရစ်ယာန်အသက်တာ၌ ကျွန်ုပ်ရှင်ရန် မစကူညီသည်။

(ဃ) ကျွန်ုပ်၏ခွန်အားဖြင့် ပညတ်တရား အားလုံးကိုပြည့်စုံရန် ကျွန်ုပ် ကြိုးစားလိုက်လျှောက်ခြင်း။

၁၀။ ကျွန်ုပ် ခရစ်ယာန် အသက်တာကို…………..ရှင်သည်။

(က) ယုံကြည်ခြင်းဖြင့်။

(ခ ) အကျင့်အားဖြင့်။

အန်ဒရူး