ပညတ်လေးမျိုး



ဆရာ မောဇက်ထောင်ကျုံး   သင်ခန်းစာ (၁)

ပညတ်လေးမျိုး

ကျမ်းစာ၌ ပညတ်တော်ပေါင်း ၆၁၃ပါးရှိသည်။ ထိုပညတ်တော်များသည် မောရှေ ရေးထားသော ပညတ္တိကျမ်း များဖြစ်သော-

ကမ္ဘာဦးကျမ်း (Genesis)

ထွက်မြောက်ရာကျမ်း (Exodus)

ဝတ်ပြုရာကျမ်း (Leviticus)

တောလည်ရာကျမ်း (Numbers)

တရားဟောရာကျမ်း (Deuteronomy)

များ၌ရှိသည်။ ထိုပညတ်တော်များကို လေးပိုင်း ပိုင်းနိုင်သည်။

.

၁။ ၀တ်ပြုခြင်းဆိုင်ရာ ပညတ်

 

မည်သည့်ဘုရားကို မည်သို့ကိုးကွယ်မည့်အကြောင်းများကို ဖေါ်ပြသည်။ ပညတ်တော်ဆယ်ပါးအထဲ၌ ပဌမမှ စတုတ္ထပညတ် အထိ၌ ပါသော ငါမှတပါးအခြားသောဘုရားကို မကိုးကွယ်ရ၊ ရုပ်တုမကိုးကွယ်ရ၊ ဘုရားနာမကိုအလွဲမသုံးရ၊ ဥပုသ်နေ့စေါင့်ပါဟူသော အရာတို့သည် ၀တ်ပြုခြင်းဆိုင်ရာ ပညတ်များဖြစ်သည်။

၂။ အုပ်ချုပ်ရေးဆိုင်ရာပညတ်

လူလူချင်းမည်ကဲ့သို့ အုပ်ချုပ်မည့် အရာများကို ဖေါ်ပြထားသော ပညတ်ဖြစ်သည်။ အုပ်ချုပ်ရေးဆိုင်ရာ ပညတ် တချက်ကိုဖေါ်ပြပါက၊ “လူချင်းအမှုရှိ၍ မင်းထံ၌အစီရင်ခံလျက်၊ မင်းရှေ့မှာတရားတွေ့ကြသောအခါ၊ ဖြောင့်မတ်သောသူကို အပြစ်လွတ် စေခြင်းငှါ၎င်း၊ ဆိုးသောသူကိုအရှုံးခံစေခြင်းငှါ၎င်း စီရင်ရမည်။ ဆိုးသောသူသည် အရိုက်ခံထိုက်လျှင်၊ တရားသူကြီးသည်ကိုယ်မျက်မှောက်၌ သူ့ကိုချ၍၊ အပြစ်နှင့်အလျောက် မည်မျှသောဒဏ်ချက်ဖြင့် ရိုက်စေရမည်။ သို့သော်လည်း ဒဏ်ချက်လေးဆယ်ထက်မလွန်စေရ။ လွန်၍များစွာသော ဒဏ်ချက်ဖြင့်ရိုက်လျှင်၊ သင်၏ အမျိုးသား ချင်းသည် ယုတ်ညံ့သောသူဖြစ်ဟန်ရှိမည်ဟု စိုးရိမ်စရာရှိ၏။ -”(တရား၊ ၂၅း၁-၃)

၃။ ကိုယ်ကျင့်တရားပိုင်းဆိုင်ရာပညတ်

လူလူချင်း မည်ကဲ့သို့ ပေါင်းသင်းဆက်ဆံကြမည့်အကြောင်းများကို ဖေါ်ပြထားသော ပညတ်ဖြစ်သည်။ ပညတ်တော် ဆယ်ပါး အထံ၌ ပဉ္စမပညတ်မှ ဒသမ ပညတ်အထိ၌ ပါသော အောက်ပါပညတ်များသည် ကိုယ်ကျင့်တရားပိုင်းဆိုင်ရာပညတ် များဖြစ်သည်။

“သင်၏ဘုရားသခင် ထာဝရဘုရားပေးသနားတော်မူသော ပြည်၌ သင်၏ အသက်တာရှည်မည် အကြောင်း၊ သင်၏မိဘကိုရိုသေစွာ ပြုလော့။ လူအသက်ကိုမသတ်နှင့်။ ၁၄သူ့မယားကိုမပြစ် မှားနှင့်။ သူ့ဥစ္စာကို မခိုးနှင့်။ ကိုယ်နှင့် စပ်ဆိုင်သော သူတဘက်၌ မမှန်သော သက်သေကိုမခံနှင့်။ ကိုယ်နှင့် စပ်ဆိုင်သောသူ၏ အိမ်ကို တပ်မက်လိုချင်သောစိတ် မရှိစေနှင့်။ ကိုယ်နှင့်စပ်ဆိုင်သောသူ၏ မယား၊ သူ၏ကျွန် ယောက်ျား မိန်းမ၊ နွား၊ မြည်းမှစ၍ ကိုယ်နှင့် စပ်ဆိုင်သောသူ၏ ဥစ္စာတစုံတခု ကိုမျှ တပ်မက်လိုချင်သောစိတ် မရှိစေနှင့် ဟုမိန့်တော်မူ၏။” (ထွက်၊ ၂၀း၁၂-၁၇)

၎။ စားသောက်ခြင်းဆိုင်ရာ ပညတ်

မည်သည့် အစားအစာများ စား၌ မည်သည့်အရာများရှောင်ရမည်ဟူသော ပညတ်များဖြစ်သည်။ လူအများစုက ကိုယ်ကျင့်တရားပိုင်း ဆိုင်ရာ ပညတ်နှင့် အုပ်ချုပ်ရေးဆိုင်ရာ ပညတ်များကိုသာ သိ၌ စားသောက်ခြင်းဆိုင်ရာ ပညတ်နှင့် အုပ်ချုပ်ရေး ဆိုင်ရာ ပညတ်များကို မသိကြ။ အရေးကြီးသည် ဟု မထင်သောကြောင့် မိမိကြိုက်နှစ်သက်သလို စားသောက်ကြ၊ ကိုးကွယ်ကြသည်။

စားသောက်ခြင်းဆိုင်ရာပညတ်ချိုးဖေါက်လျှင် ကိုယ်ခန္ဓာက ခံစားရသည်။ ၀တ်ပြုခြင်းဆိုင်ရာ ပညတ်ချိုးဖေါက်ပါက ၀ိညာဉ်က ခံစားရသည်။

စားသောက်ခြင်းဆိုင်ရာနှင့် ပတ်သက်၍ ဘုရားသခင်က သန့်ရှင်းသောအစားအစာနှင့် မသန့်ရှင်းသောအစားအစာကို ၀တ်ပြုရာကျမ်း အခန်းကြီး (၁၁) ၌ ဤသို့ ဖေါ်ပြထားသည်။     “ခွါကွဲပြား၍ စားမြုံ့ပြန်သောသားများကို သင်တို့သည် စားရသောအခွင့်ရှိ၏။ သို့သော်လည်း၊ စားမြုံ့ပြန်သောသား၊ ခွါကွဲပြားသော သားတို့တွင် မစားရသော သားဟူမူကား၊ ကုလားအုပ်သည်စားမြုံ့ပြန်သော်လည်း ခွါမကွဲပြားသောကြောင့် သင်တို့၌ မစင်ကြယ်။ ရှာဖန်သည် စားမြုံ့ပြန်သော်လည်း၊ ခွါကွဲပြားသော်ကြောင့် သင်တို့၌ မစင်ကြယ်။ အာရနဘက်သည် စားမြုံ့ပြန်သော်လည်း၊ မခွါကွဲပြားသော်ကြောင့် သင်တို့၌ မစင်ကြယ်။ ၇ဝက်သည် ခွါကွဲပြားသော်လည်း၊ စားမြုံ့မပြန်သောကြောင့် သင်တို့၌ မစင်ကြယ်။ ၈ထိုသို့သော တိရစ္ဆာန်အသားကိုမစားရ။ အသေကောင်ကိုလည်း မထိရ။ မစင်ကြယ်ဟု သင်တို့မှတ်ရကြ မည်။မတ်ြရုကမည်။” (၀တ်၊ ၁၁း၃-၈)

အသွေးနှင့်တိရစ္ဆာန်အဆီ

ဘုရားသခင်သည် သူဖန်ဆင်းသော တိရစ္ဆာန်များ၏အဆျီနှင့် အသွေးများကို မစားဘို့ရန် ပညတ်ထားခဲ့သည်။ “သင်တို့အမျိုး အစဉ်အဆက်တို့သည်၊ နေလေရာရာ၌ ဆီဥကိုမစားရ၊ အသွေးကိုမစားရဟု ထာဝရပညတ်တော် ဖြစ်သည်ဟု မိန့်တော်မူ၏။  ” (၀တ် ၃း၁၇) (၀တ်၊ ၃း၁၇)

“ဝဣသရေလအမျိုးသားမှစ၍၊ သင်တို့တွင် တည်းနေသော တပါးအမျိုးသားတစုံတယောက်သည်၊ အသွေး တမျိုးမျိုးကိုစားလျှင်၊ ထိုသူကို ငါသည်မျက်နှာထား၍ သူ၏အမျိုးမှငါပယ်ရှင်းမည်။ ၁၁အကြောင်း မူကား၊ ကိုယ်ခန္ဓြွာ အသက်သည် အသွေး၌တည်၏။ သင်တို့ပြုသော အပြစ်ကိုဖြေစေခြင်းငှါ၊ ထိုအသွေးကို သင်တို့အားယဇ်ပလ္လင်ပေါ်မှာ ပါပေးပြီ။ လူအပြစ်ကို ဖြေသောအရာကား၊ အသွေးဖြစ်သတည်း။ ၁၂ထိုကြောင့် သင်တို့၌ အဘယ်သူမျှအသွေးကို မစားရ။ သင်တို့တွင်တည်းနေသော တပါးအမျိုးသားလည်း အသွေးကို မစားရဟု ဣသရေလအမျိုးသားတို့အား ငါအမိန့်တော်ရှိ၏။ ၁၃ဣသရေလအမျိုးသားမှစ၍ သင်တို့တွင် တည်းနေသော တပါးအမျိုးသား တစုံတယောက်သည်၊ မုဆိုးလုပ်၍ စားစရာဘို့ သား၊ ငှက်ကို ဘမ်းမိလျှင်၊ အသွေးကိုသွန်၍ မြေနှင့်ဖုံးရမည်။  ၁၄အသွေးသည် ခပ်သိမ်းသော ကိုယ်ခန္ဓြွာ အသက်ရှင်ရာအကြောင်းဖြစ်၏။ ထိုကြောင့် သင်တို့သည် တစုံတခုသောကိုယ်ခန္ဓြွာ၏ အသွေးကိုမစားရ ဟု ဣသရေလအမျိုးသားတို့အား ငါ့အမိန့်တော်ရှိ၏။ ခပ်သိမ်းသောကိုယ်ခန္ဓြွာအသက်သည် အသွေး၌တည်သော ကြောင့်၊ အသွေးကိုစားသော သူ မည်သည်ကား၊ ပယ်ရှင်းခြင်းကိုခံရမည်။ “  (၀တ် ၁၇း ၁၀-၁၄)

အချို့သောသူများက အသွေးနှင့်အဆီစားခြင်းဖြင့် ကယ်တင်ခြင်းရှုံးမည်လောဟု မေးနိုင်သည်။ ကယ်တင်ခြင်းသည် ဆီနှင့်အသွေးစားခြင်းဖြင့် မဆုံးရှုံးနိုင်ပါ။ သို့သော်အသွေး၌ ရောဂါများ၍ အဆီသည် သွေးကြောပိတ်စေနိုင်သည်။ ထို့ကြောင့် မိမိ ကိုယ်ခန္ဓာကို ကျန်းမာစေလို၍ အသက်တာရှည်လိုလျှင် အသွေးနှင့်အဆီကို မစားသင့်ချေ။ ဘုရားသခင်သည် သူဖန်ဆင်းထားသော အရာများကို သိသည်။ ထိုကြောင့် လူအတွက် မစားရမည့်အရာများကို သတိပေးသည်။ နားမထောင်သောသူသည် နာတာရှည်ရောဂါရသည်သာမက လောက၌ အသက်တာတိုတောင်းနိုင်သည်။

အသွေးနှင့်အဆီသာမက မစားသင့်သောအရာများမှာ ကြက်ဥအနှစ်၊ရိုးတွင်းခြင်ဆီ မှန်သမျှ၊ဦးနှောက်၊မလိုင်၊တိရစ္ဆာန် အရေခွံများ မစားသင့်ချေ။ အရသာရှိသည်ဟုဆိုသော အချို အစိမ့်များကိုရှောင်သင့်သည်။ အထူးသဖြင့်တိုးတက်သောနိုင်ငံ၌ နေသော သူများ ရှောင်သင့်သည်။ ထိုအရာများအစား ဟင်းသီးဟင်းရွက်နှင့် သစ်သီးဝလံများ များများ စားသင့်သည်။အစားအသောက်မဆင်ခြင်သောကြောင့် အချို့သောသူများ လေဖြတ် ရောဂါ၊ နှလုံးသွေးကြော၊ဦးနှောက် သွေးကြော ပိတ်ကာ မမျှော်လင့်ဘဲ အသေစေါကြသည်။ ထိုအခါ ယုံကြည်သူဖြစ်လျှင် ဘုရားသခင် ၏အလိုတော် ကြောင့်ဟု ဆိုကြသည်။ မယုံကြည်သူဖြစ်လျှင် ကံဆိုးသည်ဟု ဆိုကြသည်။ အမှန်မှာ ရှည်သောအသက်တာကို ပေးလိုသော်လည်း သူ ပညတ်ထားသော စားသောက်ခြင်းဆိုင်ရာ ပညတ်ကို ချိုးဖေါက်သောကြောင့် စောစောစီးစီး သေရကြသည်။ သေသောသူသည် ဘာမျှ မသိတော့သော်လည်း ကျန်ရစ်သူ မိသားစုများ အလွန်နာကျင်စွာ ခံစားကြရသည်။

ကိုယ်ကျင့်တရားပိုင်းဆိုင်ရာပညတ်

ကောင်းကင်နိုင်ငံ ရောက်မရောက်လည်း ကိုယ်ကျင့်တရားဖြင့်တိုင်းတာကြသည်။ ကိုယ်ကျင့်တရားကောင်းပါက ကောင်းကင်နိုင်ငံသို့ ပို့ဆောင်၍ မကောင်းပါက ငရဲသို့ချ ပစ်ကြသည်။ သို့သော် ကောင်းကင်ပိုင်ရှင် ဘုရားသခင်ကမူ ၀တ်ပြုခြင်းဆိုင်ရာ ပညတ်ဖြင့် တိုင်းတာကြောင်း တွေ့ရ သည်။ ထိုအရာကို မည်ကဲ့သို့ သိရသနည်းဟူမူကား၊ သခင်ယေရှုက ကိုယ်ကျင့်တရားပိုင်း၌ အလွန်လိုက်စားသော ဖါရိရှဲများ ကို  “အခွန်ခံတို့ ပြည့်တန်ဆာတို့သည် သည့်တို့အရင် ဘုရားသခင်၏ နိုင်ငံတော်သူ့ ၀င်ရတတကြ၏-” ဟုဆိုခဲ့သည်။ (မ၊ ၂၁း၃၁) အခွန်ခံတို့နှင့် ပြည်တန်ဆာတို့သည် သူတို့ခေတ်၌ အလွန်အပြစ်ကြီးသည်ဟု သတ်မှတ်ခြင်းခံရ၍ မည်သူကမျှမပေါင်းဖေါ်လိုကြ။ သို့သော် သခင်ယေရှုက သင်တို့အရင် ကောင်းကင်နိုင်ငံသို့ ရောက်မည်ဟု ဆိုသည်။

ဘုရားတရား၌ အလွန်စိတ်အားကြီးသော ဣသရေလများနှင့်ပတ်သက်၍ ရှင်ပေါလုက ဤသို့ ဆိုခဲ့သည်၊ “ညီအစ်ကိုတို့၊ ဣသရေလလူတို့သည် ကယ်တင်တော်မူခြင်းသို့ ရောက်စေခြင်းငှါ၊ ငါ၏စေတနာ အလိုရှိ၍ ဘုရားသခင်ကို ဆုတောင်းလေ့ရှိ၏။ ၂ထိုသူတို့သည် မှန်သောပညာမရှိသော်လည်း၊ ဘုရား သခင်ဘက်၌ စိတ်အားကြီး သည်ဟု သူတို့အဘို့ငါသက်သေခံ၏။ ၃ထိုသူတို့သည် ဘုရားသခင်၏ ဖြောင့်မတ်ခြင်းတရားကို မသိဘဲ၊ ကိုယ်ဖြောင့် မတ်ခြင်းကိုတည်စေခြင်းငှါ ရှာကြံသောကြောင့်၊ ဘုရားသခင်၏ ဖြောင့်မတ်ခြင်းတရားကိုဝန်မခံကြ။-” (ရော၊ ၁၀း၁-၃)

ဣသရေလလူများသည် ဘုရားဖက်၌ စိတ်အားကြီးသော်လည်း အဘယ်ကြောင့် ကယ်တင်ခြင်းသို့ မရောက်သနည်း ဟူမူကား ဘုရားသခင် ကိုးကွယ်နည်း မမှန်သောကြောင့် ဖြစ်သည်။ သူတို့သည် ၀တ်ပြုခြင်းဆိုင်ရာ၌ မှားယွင်း၍ ကိုယ်ကျင့်တရားပိုင်း ဆိုင်ရာ၌ ကြိုးစား အားထုတ်ကြသည်။ သူတို့ကဲ့သို့ ဘုရားသခင်ကို ကိုးကွယ်မမှား ဘို့ အရေးကြီးသည်။

ကိုးကွယ်မှားခြင်း

စကားပုံ၌ ကုန်သွယ်မှားလျှင် တခေါက်၊ တောင်ယာခုတ်မှားလျှင် တနှစ်၊ အိမ်ထောင်ပြုမှားလျှင် တသက်၊ ဟုဆိုသည်။ ထိုစကားပုံသည် အဆုံး၌ ကိုးကွယ်မှားလျှင် ထာဝရဟု ထပ်ထည့်ဘို့ လိုသည်။ ကုန်သွယ်မှားလျှင် ငွေများစွာ ရှုံးသောကြောင့် နောင်တရ စရာပင်။ တောင်ယာခုတ်မှားလျှင် တနှစ်လုံး ၀မ်းစာ ဆုံးရှုံးသောကြောင့် ပြသနာ၊ အိမ်ထောင်ပြုမှားလျှင် တသက်လုံး စိတ်ဒုက္ခ ရောက်နိုင်သည်။ သို့သော် ထိုအရာအားလုံးထက် အလွန်အရေးကြီးသော အမှားမခံရမည့်အရာသည် ကိုးကွယ်ခြင်းပင်ဖြစ်သည်။ ကိုးကွယ်မှားခြင်းသည် သေပြီးမှသာလျှင် သိရမှာဖြစ်၍ ထာဝရကာလတိုင်အောင် ခံစားရမှာ ဖြစ်သောကြောင့် အလွန် သတိထားရမည်။ သို့သော် လူအများစုသည် လှစ်လျှူ ရှုကြသည်။

သင်ခန်းစာ (၁) မေးခွန်းများ

၁။ ကျမ်းစာ၌ ပညတ်တော် ဘယ်နှစ်ပါးရှိသနည်း။……………………………………….။

၂။ ပညတ္တိကျမ်းများကိုဖေါ်ပြပါ။………………………………………။

၃။ ပညတ်တော်များကို………ပိုင်း ပိုင်းနိုင်သည်။ ထိုအရာများမှာ……………….တို့ဖြစ်သည်။

၎။ လူအများသိ၌ အဓိကထားသောအရာသည်…………….ဆိုင်ရာ ပညတ် ဖြစ်သည်။

၅။ စားသောက်ခြင်းဆိုင်ရာ ပညတ်မလိုက်လျှင်………က ခံစာ၍ ၀တ်ပြုခြင်းဆိုင်ရာ ပညတ်ချိုးဖေါက်လျှင်…………က ခံစားရမှာဖြစ်သည်။

၆။ မည်သို့သော တိရစ္ဆာန်၏အသားများမစားရသနည်း။……………………………။

၇။ တိရစ္ဆာန်အဆီသည် သွေးကြော…………………စေနိုင်သည်။

၈။ လူများထင်မှတ်သည်မှာ…………..ဆိုင်ရာပညတ်ဖြင့် ကောင်းကင်နိုင်ငံရောက်မရောက် သတ်မှတ်သော်လည်း ဘုရားသခင်ကမူ……..

ဆိုင်ရာပညတ်ဖြင့် သတ်မှတ်သည်။

၉။ ဣသရေလ လူများ ဘုရားဖက်၌ စိတ်အားကြီးသော်လည်း အဘယ်ကြောင့် ကယ်တင်ခြင်းသို့ မရောက်ကြသနည်း။……………………..။

၁၀။ ကိုးကွယ်မှားခြင်းသည် အရေးကြီးပါသလား။ အဘယ်ကြောင့်နည်း။

 

(ဆရာ မောဇက်ထောင်ကျုံး)