ဓမ္မဟောင်းကျမ်း The Old Testament



ဓမ္မဟောင်းကျမ်း
သင်ခန်းစာ( ၃)   စံဝင်းချို


နိဒါန်း
သမ္မာကျမ်း၌အဓိကအစိတ်အပိုင်းကြီးနှစ်ပိုင်းရှိသည်။ ပထမအပိုင်းသည် ဓမ္မဟောင်းဖြစ်သည်။ ဒုတိယအပိုင်းသည် ဓမ္မသစ်ဖြစ်သည်။  ဓမ္မ္မဟောင်းတွင်ကျမ်းစာအုပ် ၃၉ အုပ်ပါဝင်ပါသည်။ ကမ္ဘာဦးကျမ်းဖြင့်စ၍ မာလခိအနာဂတ္တိကျမ်းဖြင့်ဆုံးသည်။ ဓမ္မဟောင်းတွင်ဘုရားသခင်လူသားများနှင့် ကမ္ဘာအစမှစ၍ သခင်ခရစ်တော်မွေးဖွါးသည်တိုင်အောင်၊ ဆက်သွယ်လုပ်ကိုင်မှုများကိုပုံပြင်သဖွယ် ဖေါ်ပြထားသည်။


ဓမ္မဟောင်းကျမ်းရေးသားမှု
ဓမ္မဟောင်းကျမ်းသည်။ပထမ ဟေဗြဲဘာသာဖြင့်ရေးသည်။ ဓမ္မဟောင်းကျမ်းစာ ၃၉ အုပ်သည်။အချို့သော မတူသောလူများကရေးသားခဲ့ခြင်းဖြစ်သည်။ ဒီလူများသည်၊ ဘုရားသခင် သူတို့ကို မှာကြားချက် များ၊ အတိုင်းရေးသားကြပါသည်။
ဓမ္မသစ်တွင် ဤရေးသားသူများဘုရားသခင်၏ မှာကြားချက်များကိုမည်ကဲ့သို့လက်ခံရရှိကြသည်ကိုသိရ သည်။   အကြောင်းမူကား၊အနာဂတ္တိစကားသည် လူအလိုအားဖြင့်ဖြစ်ဘူးသည်မဟုတ်။ဘုရားသခင်၏ သန့်ရှင်းသူတို့သည်သန့်ရှင်းသောဝိညာဉ်တော်၏တိုက်တွန်းတော်မူခြင်းကိုခံရ၍ဟောပြောကြ၏။ (၂ပေ ၁း၂၁)

.
ဓမ္မဟောင်းကျမ်း၏အစိတ်အပိုင်းများ
သမ္မာကျမ်းတွင်အပိုင်းကြီး ၂ပိုင်းရှိကြောင်းသိရသည်။ ဓမ္မဟောင်းနှင့် ဓမ္မသစ်ဖြစ်သည်။ ဓမ္မဟောင်းတွင် နောက်ထပ်အဓိကအပိုင်း (၄)ပိုင်းခွဲခြားနိုင်သည်။ ၄င်းတို့မှာ- ဥပဒေ၊ သမိုင်း၊ ကဗျာ၊ အနာဂတ္တိကျမ်း။


ဥပဒေ စာအုပ်များ
ဓမ္မဟောင်းမှ ပထမစာအုပ် ၅အုပ်သည် ပထမပိုင်း ဥပဒေစာအုပ်များဖြစ်ကြသည်။ ဒီစာအုပ် ၅အုပ်မှာ- ကမ္ဘဦးကျမ်း၊ ထွက်မြောက်ရာကျမ်း၊ ဝတ်ပြုရာကျမ်း၊ တောလည်ရာကျမ်း၊ တရားဟောရာကျမ်း၊တို့ဖြစ် ကြသည်။ ဒီစာအုပ်များကို ဘုရားသခင်၏ ထူးကဲသော အစေခံ မောရှေရေးသည်။


ကမ္ဘာဦးကျမ်း သည်အရာဝတ္ထုအားလုံး၏အစ အဖြစ်အပျက်များကိုဖေါ်ပြထားပါသည်။ ကမ္ဘာဦကျမ်းတွင် အမျိုးသား၊ အမျိုးသမီး၊ အိမ်ထောင်ပြုခြင်း၊ အပြစ်၊ သေခြင်း၊ မတူသောစကား၊ ဣသရေလ လူမျိုး၊ နှင့် ဘုရားသခင်၏၊ လူသားများရှိအပြစ်များမှကယ်တင်ရန်အစီအစဉ်။
ကမ္ဘာဦးကျမ်းတွင်၊ နောဧ၊ အာဗြဟံ၊ ဣဇာက်။ ယာကုပ်၊ နှင့် ယောသပ်တို့ကြောင်းဖေါ်ပြသည်။ ဒီလူများကို (ဏအေမငမေချ့) မိသားစု၏ဖခင်(သို့)မျိုးနွယ်စုကိုဦးဆောင်သောယောက်ျား၊ ဟုခေါ်ကြ သည်။ ကမ္ဘဦးကျမ်းတွင်ဖခင်များသက်တမ်း ( အာဒံနှင့် ဧဝမှ မောရှေ သိနတောင်ပေါ်မှာ ပညာတ်တော် ဆယ်ပါးလက်ခံသည်အထိ။) ထိုဖခင်များအချိန်ကဘုရားသခင်၏၊ ပညာတ်တော်ဆယ်ပါး၊ သမ္မာကျမ်းစာအုပ်တွင်မရေးရသေးပါ။ ဘုရားသခင်ကနှုတ်ဖြင့်တိုက်ရိုက်ဖခင်များကိုပြောကြားသည်ကို ဖခင်များကထုတ်ဖေါ်ပြော၍သင်ကြားပေးရသည်။

ထွက်မြောက်ရာကျမ်း က  ဣသရေလလူမျိုးကိုဘုရားသခင်ကသူ၏အထူးလူမျိုးအဖြစ်ရွေးချယ်သည်။ ဣသရေလများထံမှဘုရားသခင်စီစဉ်ထားသည်မှာ၊ ကမ္ဘာကယ်တင်ရှင်အဖြစ်ယေရှုကိုခေါ်လာရန်။ ဣသရေလလူမျိုးများသည်၊အစာမရှိ၍ အီဂျစ်နိုင်ငံတွင်သွားရောက်နေကြသည်။ အီဂျစ်ကသူတို့ကို ကျေးကျွန်ပြုလုပ်ခဲ့သည်။ ထွက်မြောက်ရာကျမ်းတွင်ဘုရားသခင်က မောရှေဦးဆောင်ကာ ဣသရေလ လူများကို အီဂျစ်မှပြန်ခေါ်ထုတ်ရန်ပါဝင်သည်။

ဝတ်ပြုရာကျမ်း နှင့် တရားဟောရာကျမ်း  တို့တွင်ဘုရားသခင်၏ပထမဆုံး လူသားများကိုပေးသော။  ဥပဒေ ပါဝင်သည်။ ဒီဥပဒေသည် မောရှ အား သိနတောင်တွင်ပေးသော ဥပဒေဖြစ်သည် ပညာတ်တော်ဆယ်ပါး နှင့် အခြားဥပဒေများ ပါဝင်သည်။  ဒီမောရှေ၏ ဥပဒေသည်  ဣသရေလအမျိုး သားများကိုသာပေးသော ဥပဒေဖြစ်ပါသည်။ ( ထွ ၁၉း၃၊  တရား ၅း၁ ဖေါ်ပြပါ) ဤအရာသည် နောက်ဆုံး သခင်ခရစ်တော်၊လက်ဝါးကားတိုင် ပေါ်တွင် အသေခံရသည်အထိဖြစ်သည်။ သခင်ခရစ်တော်သည် မောရှေ၏ ဥပဒေကိုဖြည့်စွမ်းသည်။ (မ ၅း၁၇-၁၈ ၊  ဂ လ ၃း၂၃-၂၈ ၊  ကော ၂း၁၃-၁၄ တို့ကိုဖတ်ကြည့်ပါ။)

တောလည်ရာကျမ်း   သည်သမိုင်းစာအုပ်ဖြစ်၍ ဘုရားသခင် ဣသရေလများကိုပေးသောဥပဒေ အချို့ လည်းပါဝင်သည်။ ဣသရေလလူမျိုးများ သဲကန္တာရ တွင် နှစ်လေးဆယ် (၄ဝ) ခြေဦးတည့်ရာခရီး၊ ခါနန် ပြည်သို့မဝင်ရောက်မှီအချိန်မှအကြောင်းအရာများလည်းပါဝင်သည်။

 

သမိုင်း၊ ရာဇဝင် စာအုပ်များ
ဓမ္မဟောင်းကျမ်း၏ ဒုတိယအပိုင်းသည်၊ ရာဇဝင်စာအုပ်များဖြစ်သည်။ ဤအပိုင်းတွင်စာအုပ် ၁၂အုပ် ပါဝင်သည်။ ၄င်းတို့မှာ ယောရှုမှတ်စာ၊ တရားသူကြီးမှတ်စာ၊ ရုသဝတ္ထု၊ ဓမ္မရာဇဝင် ပထမစောင် နှင့်ဒုတိယစောင်၊ ဓမ္မရာဇဝင်တတိယစောင်နှင့် စတ္ထုစောင်၊ ရာဇဝင်ချုပ် ပထမစောင်နှင့်ဒုတိယစောင်၊ ဧဇရမှတ်စာ၊ နေဟမိမှတ်စာ၊ နှင့် ဧသတာဝတ္တု တို့ဖြစ်သည်။
ဤကျမ်းစာအုပ် ၁၂ အုပ်သည် ဣသရေလ လူမျိုးများ၏ရာဇဝင်များပါရှိပါသည်။ ဣသရေလများ။  ခါနန်ပြည်ရှိ ကောက်ကျစ်စဉ်းလဲသော၊ ယုတ်မာသော၊ သူများနှင့်စစ်ဖြစ်ကြသည်။၊ ဘုရားသခင်က ယုတ်မာ သောသူများကိုဖျက်စီး၊ ချေမှုန်းပြီး၊ ဣသရေလများကိုကူညီပေးသည်အကြောင်း၊ ယေရုရှလင် မြို့၌ ဘုရားသခင်၏အိမ်တော်ကိုတည်ဆောက်သည်အကြောင်း၊ ဣသရေလများဘယ်လိုချမ်းသာလာပုံ၊ အင်အားကြီးမားသော နိုင်ငံဖြစ်သည်၊ နောက်ပိုင်းတွင် သီးခြား ဘုရင်အုပ်ချုပ်သောနိုင်ငံ ၂ခု ယုဒ နှင် ဣသရေလ နိုင်ငံဒို့ဖြစ်သည်။
ဤစာအုပ်များတွင် ဣသရေလများ ထာဝရဘုရားသခင်ကိုမေ့၍အခြားရုပ်ထုများမမှန်သောဘုရားများ ကိုးကွယ်ကြသည်။ ထာဝရဘုရားသခင်ကသူတို့အားအပြစ်ပေးသည်။ အခြားနိုင်ငံများကိုအခွင့်ပေးပြီး၊ ၄င်းတိုကိုကျေးကျွန်များလုပ်ခိုင်းသည်။ဣသရေလများသည်၎င်းတို့၏လုပ်ဆောင်ချက်များမှားယွင်း ကြောင်းသိ၍၊ နောင်တရပြီး၊ ဘုရားသခင်အလိုတော်အတိုင်း ဆောင်ရွက်ပါက၊ ၄င်းတို့အား ဘုရားသခင် က သူ တို့နိုင်ငံရှိအိမ်သို့ပြန်ခွင့်ပြုသည်။

ကဗျာ။ လင်္ကာ စာအုပ်များ
ဤအပိုင်းတွင် စာအုပ် ၅ အုပ်ပါဝင်သည်။ ၄င်းတို့မှာ ယောဘဝတ္ထု၊ ဆာလံကျမ်း၊ သူတ္တံကျမ်း၊ ဒေသနာကျမ်း၊ နှင့် ရှောလမုန်သီချင်း တို့ဖြစ်သည်။
ယောဘ ပုံပြင်သည် လူတစ်ယောက် ဒုက္ခ္ခ ဝေဒနာအများခံစားရခြင်း။ သူ့သည် ဒုက္ခရောက်နေသော် လည်း၊ ဘုရားသခင်အပေါ် သစ္စာ ဆက်လက်တည်ရှိသည်အကြောင်း။

ဆာလံကျမ်းသည် ကဗျာ နှင့် သီချင်းများကို ဒါဝိဒ် နှင့် အခြားသူများရေးသားထားခြင်းဖြစ်သည်။ ဒီကဗျာများသည် ဘုရားသခင်၏ ကောင်းမွန်ခြင်း၊ အစွမ်းသတ္တိ၊ရှိခြင်း နှင့် ချီကျူးထောမနာပြုသင့်ခြင်း များ၊ ဘုရားသခင်၏ကျေးဇူးတော်များကိုချီးကျူးသည်။
သုတ္တံကျမ်း သည် အသိပညာ၊ ဥာဏ်ပညာ၊ ပေးသောစကားများဖြစ်သည်။  ရှောလမုန်မင်းကြီးနှင့်အခြား သူများရေးသည်။
ဒေသနာကျမ်း  သည်ရှောလမုန်မင်းကြီးရေးသောစာဖြစ်သည်။ ပျော်ရွှင်မှုကို ဥစ္စာဓန၊ သြဇာပြည့်စုံမှုအ ပေါ်မှာ၎င်း၊ ချစ်ခြင်းမေတ္တာအပေါ်မှာ၎င်း၊ အစွမ်းသတ္တိအပေါ်မှာ၎င်း၊ ထင်ပေါ်ကျော်စော်နာမည်ကြီးသော အပေါ်မှာ၎င်း။ နှင့် ပညာသင်ယူခြင်းအပေါ်မှာ၎င်း၊ ရှာသောသူအကြောင်းဖေါ်ပြသည်။အထက်ပါ များတွင်စစ်မှန်သော၊ ပျော်ရွှင်မှုမရပါ။ သူသိရှိနားလည်ရသည်မှာ။  စစ်မှန်သော ပျော်ရွှင်မှုသည်၊ ဘုရားသခင်ကို ကြောက်ရွံ့၍၊ ဘုရားသခင်၏ပညာတ်တော်များကိုလေးစားလိုက်နာမှသာ၊ စစ်မှန်သော ပျော်ရွှင်မှုကိုအမှန်တကယ်ရရှိနိုင်မည်။
ရှောလမုန်သီချင်း သည်အချစ်သီချင်းဖြစ်သည်။


အနာဂတ္တိစာအုပ်များ
ဓမ္မဟောင်းကျမ်း၏နောက်ဆုံးအပိုင်းသည်၊အနာဂတ္တိကျမ်း စာအုပ်များဖြစ်သည်။ စာအုပ် ၁၇ အုပ်ပါဝင် သည်။ ဤစာအုပ်များကို ပရောဖက်များရေးသားခြင်းဖြစ်သည်။ ၄င်းတို့မှာ  ဟေရှာယအနာဂတ္တိကျမ်း၊  ယေရမိအနာဂတ္တိကျမ်း၊ ယေရမိမြည်တမ်းစကား၊ ယေဇကျေလအနာဂတ္တိကျမ်း၊ ဒံယေလအနာဂတ္တိကျမ်း၊  ဟောရှေအနာဂတ္တိကျမ်း၊  ယောလအနာဂတ္တိကျမ်း၊ အာမုတ်အနာဂတ္တိ ကျမ်း၊ သြဗဒိဗျာဒိတ် ရူပါရုံ၊  ယောန ဝတ္တု ၊ မိက္ခာအနာဂတ္တိကျမ်း၊ နာဟုံ အနာဂတ္တိကျမ်း၊  ဟဗက္ကုတ် အနာဂတ္တိကျမ်း၊ ဇေဖနိ အနာဂတ္တိကျမ်း၊ ဟဂ္ဂဲ အနာဂတ္တိကျမ်း၊ ဇာခရိ အနာဂတ္တိကျမ်း၊ နှင့် မာလခိ အနာဂတ္တိကျမ်း  တို့ဖြစ်ကြပါသည်။

ဤပရောဖက်များသည်၊ ဘုရားသခင်အတွက်စကားပြောသည့်သူများဖြစ်သည်။ပရောဖက်များသည်၊ ကြီးမားသောလုပ်ငန်းများလုပ်ကြရသည်။ ပထမ ၄င်းတို့သည် လူများ၏အပြစ်များကိုပြစ်တင် မောင်းမဲသည်။ ဒုတိယ ဘုရားသခင်ခွင့်ပြု၍၄င်းတို့၏ရှေ့ရေးကိုမြင်စေသည်။ ဘုရားသခင်က ပရောဖက်များကိုအခွင့်ပေးပြီး နောက်နှစ်များစွာမှာဖြစ်ပျက်မည်များကို ကြိုတင်ဟောကိန်း ထုတ်စေသည်။
ဥပမာ   ပရောဖက် ဟေရှာရ သည်။ သခင်ခရစ်တော် ဤကမ္ဘာမြေပေါ်မရောက်မှီ နှစ်ပေါ်င်း ၇ဝဝ ကနေထိုင်ခဲ့သည်။ သို့သော်လဲ ဟေရှာရသည်၊ သခင်ခရစ်တော်၏အကြောင်းအရာများကို ကြိုတင် ဟောကိန်းထုတ်နိုင်ကဲ့သည်။  ဟေရှာရ အခန်းကြီး ၅၃ ကိုဖတ်ကြည့်ပါ။ ကျွန်ုပ်တို့၏အပြစ်များအတွက် သခင်ခရစ်တော်၊ အသေခံရခြင်းအကြောင်း။


သင်ခန်းစာ (၃ )မေးခွန်းများ။
ကွက်လပ်ဖြည့်ပါ။
၁။  ဓမ္မဟောင်းကျမ်းစာ၌ စာအုပ်ပေါင်း -------ပါဝင်သည်။
၂။  ဓမ္မဟောင်းကျမ်း၏နောက်ဆုံးအပိုင်းသည်--------ဖြစ်သည်။
၃။  မောရှေ၏ဥပဒေသည် ------------- များကိုသာပေးခြင်းဖြစ်သည်။
၎။  --------ကဣသရေလများသဲကန္တာရအတွင်းနှစ် (၄ဝ) ခြေဦးတည့်ရာခရီးအကြောင်းဖြစ်ပါသည်။
၅။---------သည် လူတစ်ဦးဒုက္ခ၊ဝေဒနာ ခံစားရသည်ပုံပြင်ဖြစ်သည်။။
၆။ --------သည် ဥာဏ်ပညာ၊ နှင့်ချင့်ချိန်ဆင်ခြင်တတ်သောစကားများဖြစ်သည်။
၇။ -----------သည်အရာအားလုံး၏ အစပိုင်းပုံပြင်ဖြစ်သည်။
ဂ။ ဓမ္မဟောင်းကျမ်းသည်-------နှင့်စ၍----------နှင့်ဆုံးသည်။
၉။ Patriarch ၏အဓိပ္ပ္ပါယ်သည်---------သို့မဟုတ် မိသားစုဦးဆောင်သောယောက်ျားဖြစ်သည်။
၁ဝ။ ဓမ္မဟောင်းကျမ်းသည် စိတ်ပိုင်းလျှင် အဓိကအပိုင်း-----ပိုင်း ပိုင်း၍ရမည်။
၁၁။ ဓမ္မဟောင်းကျမ်းတွင်အနာ၊ဂတ္တ္တိ စာအုပ်--------ရှိသည်။
၁၂။ ဓမ္မဟောင်းကျမ်း၏ပထမစာအုပ် ၅ အုပ်သည်---------ရေးသားခြင်းဖြစ်သည်။
၁၃။ ဓမ္မဟောင်းကျမ်းတွင်ရာဇဝင်စာအုပ်-------ရှိသည်။
၁၄။ ယဇ်ပရောဟိတ် များသည်၊ ဘုရားသခင်အတွက်------သောသူများဖြစ်သည်။
၁၅။ --------နှင့်----------ကျမ်းတွင် ဘုရားသခင် လူသားများကိုပထမရေပေးးသောဥပဒေများ ပါသည်။

အဖြေမှန်ရွေးအါ။
မှန်      မှား   ဘုရားသခင်က ဣဝရေလလူမျိုးပျားကို သူ၏အထူးလူမျိုးများအဖြစ်ရွေးချယ်သည်။
မှန်      မှား   ပညာတ်တော် (၁ဝ) ပါးသည်၊ ဣသရေလလူမျိုးများကိုသာပေးခြင်းဖြစ်သည်။
မှန်      မှား   ဘုရားသခင်သည် ဆင်းတု၊ ရုပ်တု များကိုကိုးကွယ်သောဣသရေလများကိုအပြစ်ပေးသည်။
မှန်      မှား   ဒေသနာကျမ်းသည်အချစ်သီချင်းဖြစ်သည်။
မှန်      မှား    မောရှေ၏ဥပဒေသည် ယနေ့လူတိုင်းလိုက်နာကြရမည်။
မှန်      မှား    ယဇ်ပရောဟိတ်များသည် ကြိုတင်၍ ဟောကိန်းထုတ်နိုင်သောစွမ်းအားရှိသည်။
မှန်      မှား   ကျွန်ုပ်တို့ ယနေ့ ဓမ္မဟောင်းကျမ်းကို လေ့လာရန်မလို အပ်တော့ပါ။
မှန်      မှား    Patriarchal  ဖခင်များသက်တန်းအချိန်တုံးက ဘုရားသခင်၏ပညာတ်တော်များ
                 ကျမ်းစာတွင်မရေးရသေးပါ။
မေးခွန်းနှင့်ထင်မြင်ချက်သုံးသပ်ချက်များရှိပါသေးလား။

 

စံဝင်းချို