သင်ခန်းစာ (၂၇) ကျမ်းစာအရ ယုံကြည်သူများသည် သီးသန့်ဖြစ်ခြင်း (Bible Separation)


နိဒါန်း

သန့်ရှင်းသောဝိညာဉ်တော်၏တန်ခိုးတော်အားဖြင့် မိမိတို့အသက်တာတွင် ခရစ်တော်အမှန်ပင်အသက်ရှင် နေသည်ဟုသိရသောအခွင့်ရပြီးသူတိုင်း ဘုရားသခင်၏ အသစ်တစ်ဖန်ဖြစ်ပွားစေခြင်းကိုခံရပြီးသူတိုင်းတို့ သည်၊ ဤလောက၌၀ိညာဉ်အမှောင်ထုဖြင့် အသက်ရှင်နေရသော်လည်း မိမိသည်ဤလောကနှင့်မသက်ဆိုင် ကြောင်းသိထားကြပါသည်။ ယော၊ ၁၅း၁၉။ ဤလောကမှရွေးချယ်ခေါ်ထုတ်ခြင်းခံရပြီး ယော၊ ၁၅း၁၆။ ခရစ်တော်၏လက်ဝါးကပ်တိုင်တော်၌လောကအရာများကို ရိုက်ထားလျက်လက်ဝါးကပ်တိုင်အားဖြင့်လောက နှင့်ခွဲခြားပြီးဖြစ်ကြောင်းသိရှိထားကြပါသည်။ ဂလ ၆း၁၄။ ဟေ၊ ၁၀း၁၀။ ခရစ်ယာန်သည် သခင်ယေရှုခရစ်၌ သန့်ရှင်းရာ၌တည်စေပြီး (ဘုရားသခင်အတွက်သီးသန့်ထားပြီး) ဟုသမ္မာကျမ်းစာက မှတ်ယူထားပါသည်။ ၁ ကော၊ ၁း၂။ ထို့ပြင် ခရစ်ယာန်တို့သည် အပြစ်၊ အပြစ်သား၊ ခရစ်ယာန်လုပ်စားသူ (ခရစ်ယာန်ကဲ့သို့အသက် မရှင်လိုသူ) ဤလောက၏ပျော်မွေ့ခြင်းနှင့် မက်မောဘွယ်ရာများ၊ အတူအယောင်ဆရာများ၊ ဘာသာရေး အယူလွဲမှားမှုများမှလည်းမိမိကိုယ်မိမိသီးသန့်ထားရန်တိုက်တွန်းထားပါသည်။

ပြဿနာများ၊ မေးခွန်းများဖြစ်လာနိုင်ပါသည်။ ခရစ်ယာန်များသည် တသီးတခြားနေရမည့်သူများလော။ အခြားသောသူများနှင့်လုံးဝမဆက်ဆံဘဲနေရမည်လော။ ဖာရိရှဲများကဲ့သို့ကျွန်ုပ်တို့သည် ထိုသူများကဲ့သို့ မဟုတ်သောကြောင့်ဆိုပြီးဝါကြွားနေမည်လော။ ခရစ်တော်သွန်းတော်မူသောအသွေးတော်နှင့်ခရစ်တော်၏ ဘုရားပကတိကိုငြင်းပယ်နေသောခရစ်ယာန်ခေါင်းဆောင်လုပ်စားသူနှင့် ပတ်သက်၍ မည်သို့သဘောထားရ မည်နည်း။ ဤသင်ခန်းစာတွင် အထက်ပါမေးခွန်းများ၏အဖြေကိုဖော်ထုတ်မည်ဖြစ်ပါသည်။ မှန်ကန်သော သမ္မာတရားကိုလေ့လာခြင်းအားဖြင့်သင်၏အသက်တာနှင့်စိတ်နှလုံးသည် ဘုရားသခင်အတွက်ပိုမို၍သီးသန့် ခွဲခြားထားသောအရာဖြစ်နိုင်ပါစေ။ ယော၊ ၁၇း၁၇။

ဤသင်ခန်းစာအရေးကြီးပုံ

အချို့သောခရစ်ယာန်များသည် ပညတ်တရား၏အောက်၌ရှိနေသေးသကဲ့သို့အချည်အနှောင်ဖြင့်နေကြပါ သည်။ သူတို့ဖော်ပြသောသီးခြားသီးသန့်ဖြစ်ခြင်းသည် ဖာရိရှဲတို့နည်းတူတရားဥပဒေဆန်လှပါသည်။ အခြား သူများသည် သန့်ရှင်းသောဝိညာဉ်တော်မှ နှလုံးသား၌ထည့်သွင်း ပေးထားသောဝမ်းမြောက်ခြင်းနှင့် လွတ်လပ် ခြင်းကိုသိရှိခံစားကြရပါသည်။ ထိုခြားနားမှုနှစ်ရပ်ကိုကောင်းစွာသိရှိထားရန်လိုအပ်ပါသည်။

၁ ယော၊ ၂း၁၅-၁၇ အရလောကနှင့် လောက၌ရှိသောအရာတို့ကို မချစ်ရန်ကျွန်ုပ်တို့အားတိုက်တွန်းထား လျက်၊ ရော၊ ၁၂း၂ အရလောကီပုံသဏ္ဍာန်ကို မဆောင်ရန်တိုက်တွန်းထားပါသည်။ သို့သော်လောကီဆန် သောအမှုများသည် အသင်းတော်၌ပါဝင်ရောစပ်စိမ့်ဝင်လေ့ရှိပါသည်။ ဘုရားသခင်အလိုတော်ရှိသောအရာ သည် မည်သည့်အရာဖြစ်၍ လောကီဆန်သောအရာသည် မည်သည့်အရာဖြစ်ကြောင်းကွဲပြားစွာသိရှိထားရန် လည်းအရေးကြီးပါသည်။

ဘုရားသခင်သည် ဘာသာရေးဆန်ဆန်၊ ဘုရားတရားကြည်ညိုသည့်အသွင်မျှသာဆောင်သောအရာများကို စွန့်ပစ်ရှောင်ရှားရန် (၂ တိ၊ ၃း၁-၅) တိုက်တွန်းထားသည့်ကြားမှပင်ခရစ်ယာန်လုပ်စားသူများသည် မိမိအလို သို့လိုက်သောအုပ်စုတွင်ပါလျက်ထိုအုပ်စုကိုထောက်ခံခြင်း၊ လမ်းလွဲနေသောအသင်းတော်များ၌ ဆက်လက် ပါ ၀င်ခြင်းများကိုပြုလျက်သာရှိနေပါသည်။ ဤအခြေအနေများတွင် မည်ကဲ့သို့ စိတ်သဘောထားရမည်ကို သိရှိ ထားရန်လိုအပ်လှပါသည်။

သင်ခန်းစာ

၁။         ဘုရားသခင်သည် မိမိအတွက် ရွေးချယ်ထားသောသူတို့အားလောကနှင့်ကယ်တင်ခြင်းမရသေးသောလူသား တို့ထံမှခွဲခြားထားပါသည်။

(က)      ရှင်ပေါလုအားဖြင့်သရုပ်ဖော်ခြင်း။ ဂလ၊ ၁း၁၅-၁၆။ “ငါ့ကိုအမိဝမ်းထဲကပင်ရွေးချယ်ထား၍ ကျေးဇူးတော်အားဖြင့်ခေါ်တော်မူသောဘုရားသခင်သည်---”

(ခ)        ယေရမိအားဖြင့်သရုပ်ဖော်ခြင်း။ ယေ၊ ၁း၅။ “သင့်ကိုအမိဝမ်းထဲ၌ငါမဖန်ဆင်းမီ သင့်ကိုငါသိပြီ၊ မဘွားမီကပင် သင့်ကိုငါသန့်ရှင်းစေ၍----”

မှတ်ချက်။ ဓမ္မဟောင်းကျမ်းတွင်အသုံးပြုသော “godesh” နှင့် ဓမ္မသစ်ကျမ်းတွင် အသုံးပြုသော ဂရိ ဘာသာ စကား “haqios” တို့ကိုသန့်ရှင်းသည်၊ သန့်ရှင်းရာ၌တည်စေခြင်း၊ သန့်ရှင်းရာ၌ ခန့်အပ်သည်၊ သန့်ရှင်း သောအရာစသည်ဖြင့်အမျိုးမျိုးဘာသာပြန်ထားပါသည်။

(ဂ)        ဧဖက်၊ ၁း၎။         ဤကမ္ဘာမတည်ရှိမီ ငါတို့ကိုခရစ်တော်၌၊ ရွေးကောက် (သီးသန့်ခွဲခြားထား) တော်မူသည်နှင့်အညီငါတို့သည် ဘုရားသခင်ရှေ့တော်၌ မေတ္တာအားဖြင့်သန့်ရှင်းလျက်၊ အပြစ် ကင်းလွတ်လျက်ရှိမည့်အကြောင်း----”

(ဃ)      ယော၊ ၁၅း၁၉။     “သင်တို့သည် လောကီနှင့်မဆက်ဆံ၊ လောကီထဲကငါရွေးကောက် (သီးသန့်ခွဲ ခြားထားသော) သောလူဖြစ်သောကြောင့်၊ လောကီသားတို့သည် သင်တို့ကိုမုန်းကြ၏။

၂။         သမ္မာကျမ်းစာတွင်အမြောက်အမြားတို့အားဘုရားသခင်အတွက်သီးသန့်ခွဲခြားထားကြောင်း၊ သန့်ရှင်းစေ ကြောင်း၊ သန့်ရှင်းသည်ဟုသတ်မှတ်ကြောင်းဖော်ပြထားပါသည်။

(က)         သားဦးအပေါင်းတို့ကို ငါ့အဘို့သန့်ရှင်းစေလော့။ ထွက်၊ ၁၃း၂။

(ခ)           တဲတော်။ ၀တ်၊ ၈း၁၀။

(ဂ)           ယဇ်ပုရောဟိတ်။ ၀တ်၊ ၈း၃၀။

(ဃ)         ဗိမာန်တော်အားသန့်ရှင်းရာဌာနဟုခေါ်ပါသည်။ မ၊ ၂၄း၁၅။

(င)           ကောင်းကင်တမန်များသည် သန့်ရှင်းသည်။ မ၊ ၂၅း၃၁။

(စ)           ယေရုရှလင်မြို့သည် သန့်ရှင်းသောမြို့ဖြစ်ခဲ့သည်။ မ၊ ၂၇း၅၃။

(ဆ)         ကျမ်းစာသည် သန့်ရှင်းသည်။ ရော၊ ၁း၎။

မှတ်ချက်။ အထက်ပါစာရင်းကိုများစွာ အကျယ်ချဲ့နိုင်ပါသေးသည် ဘုရားသခင်၏ဘုန်းတော်ထင်ရှားစေရန် အမှုတော် အတွက်သီးသန့်ခွဲခြားထားခြင်း၊ အပြစ်နှင့်ခွဲခြား၍ ဘုရားသခင်အတွက် သီးသန့် ထားခြင်း ကို သတိပြုရမည်ဖြစ်ပါသည်။

၃။         တမန်တော်များနှင့်ပရောဖက်များတို့အားသန့်ရှင်းသူများအဖြစ်သတ်မှတ်လျက် ဘုရားသခင်၏အမှုတော်အ တွက် သီးသန့်ခွဲခြားထားပါသည်။

(က)         လု၊ ၁း၇၀။ “မိမိသန့်ရှင်းသောပရောဖက်တို့နှုတ်ဖြင့်ဗျာဒိတ်ထားတော်မူသည်နှင့်အညီ”

(ခ)           တ၊ ၃း၂၁။ “သန့်ရှင်းသောပရောဖက်ဆရာတော်တို့နှုတ်ဖြင့် ဘုရားသခင်ဗျာဒိတ်ထားတော် မူ သော”

(ဂ)           ၂ပေ၊ ၁း၂၁။ “ဘုရားသခင်၏သန့်ရှင်းသူတို့သည် သန့်ရှင်းသောဝိညာဉ်တော်၏တိုက်တွန်းတော်မူ ခြင်းကိုခံရ၍ဟောပြောကြ၏။”

(ဃ)         ဧ၊ ၃း၅။ “ထိုနက်နဲသောအရာကို သန့်ရှင်းသောတမန်တော်တို့နှင့်ပရောဖက်တို့အားယခုကလ၌ ၀ိညာဉ်တော်အားဖြင့်ဖွင့်လှစ်တော်မူသည့်နည်းတူ”

(င)           ဗျာ၊ ၁၈း၂၀။ “ကောင်းကင်မှစ၍သန့်ရှင်းသူတမန်တော်ပရောဖက်တို့သူ့ကိုကြည့်ရှု၍၀မ်းမြောက် ကြလော့။”

(စ)           ဧ၊ ၄း၁၁။ “ထိုသခင်သည် လူအချို့တို့ကိုတမန်တော်အရာ၌လည်းကောင်း၊ အချို့တို့ကိုပရောဖက် အရာ၌လည်းကောင်း၊ ခန့်ထားတော်မူ၏။ (သီးသန့်ခွဲခြားထား၏။)

(ဆ)         ရော၊ ၁း၎။ “ဧ၀ံဂေလိတရားကိုဟောစေခြင်းငှာ၊ ရွေးချယ်ခွဲထား၍တမန်တော်အရာ၌ထားသော ယေရှုခရစ်၏ ကျွန်ငါပေါလုသည်----”

မှတ်ချက်။ “သန့်ရှင်း” ဟူသောစကားလုံးသည် အခြေခံအားဖြင့် ဘုရားသခင်အတွက် “သီးသန့် ခွဲခြားထား သည်” ဟူသောအဓိပ္ပာယ်ရှိကြောင်းသတိပြုရပါမည်။ တမန်တော်များနှင့်ပရောဖက်များတို့အား ဘုရားသခင်၏ဘုန်းတော်နှင့်အမှုတော်အတွက် သီးခြားခွဲခြားထား၍ ရွေးကောက်ထားခြင်းဖြစ်ပါ သည်။

၎။      ခရစ်တော်ကိုယ်တော်တိုင်သည် သန့်ရှင်းလျက်အပြစ်သားများထံမှသီးခြားခွဲခြားထားပါသည်။

(က)         လုကာ၊ ၁း၃၅။ “ထို့အကြောင်းကြောင့်ထိုသန့်ရှင်းသောသားသည်လည်း၊ ဘုရားသခင်၏သား တော်ဟုခေါ်ဝေါ်သမုတ်ခြင်းကိုခံရလိမ့်မည်း”

(ခ)           ၁ ပေ၊ ၂း၂၂။ “ထိုသခင်သည်ဒုစရိုက်ကိုမပြု။ ဟေ၊ ၄း၁၅ ဒုစရိုက်အပြစ်နှင့်ကင်းလွတ် တော်မူ၏။”

(ဂ)           ဟေ၊ ၇း၂၆။ “သန့်ရှင်းစင်ကြယ်၍အညစ်အကြေးနှင့် ကင်းလွတ်လျက် အပြစ်ရှိသူတို့နှင့် မဆက်ဆံ၊ ကောင်းကင်သားအပေါင်းတို့ထက်မြင့်မြတ်သူဖြစ်၍---”

မှတ်ချက် အပြစ်တစ်စုံတစ်ရာမလုပ်ဘဲအပြစ်သားတို့နှင့် ဆက်ဆံပြောဆိုရာတွင်ခရစ်တော်သည်နမူနာဖြစ် ပါသည်။ ခရစ်တော်သည်ကျွန်ုပ်တို့၏ ပုံသက်သေဖြစ်တော်မူပါသည်။

၅။         ဓမ္မဟောင်းကျမ်းနှင့်ဓမ္မသစ်ကျမ်းတွင်ပါ (ကိုယ်တော်ကို ယုံကြည်ကိုးစားသော) ဘုရားသခင်၏လူတို့အတွက် ဘုရားသခင်၏အကြံတော်နှင့်ရည်ရွယ်ချက်သည်ထိုသူတို့အားသန့်ရှင်းသူများအဖြစ်သီးသန့်ခွဲခြားထားရန်ဖြစ်ပါသည်။

(က)      ဣသရေလ

(၁)        ၀တ်၊ ၁၁း၄၄-၄၇။ “ငါသည်သန့်ရှင်းသောကြောင့်၊ သင်တို့သည်လည်း ကိုယ်ကိုသန့်ရှင်းစေ၍ သန့်ရှင်းခြင်းရှိကြရမည် ငါသည် သင်တို့၏ဘုရားသခင်ဖြစ်ခြင်းငှာ သင်တို့ကို အဲဂုတ္တုပြည်မှကယ် နှုတ်သောထာဝရဘုရားဖြစ်၏။ ငါသည်သန့်ရှင်းသောကြောင့် သင်တို့သည် သန့်ရှင်းခြင်းရှိကြရမည်။ ဤရွေ့ကားစင်ကြယ်၊ မစင်ကြယ်---ရှိသမျှနှင့် ဆိုင်သောတရားဖြစ်သတည်း။ ၀တ်၊ ၁၀း၁၀။ ထွက်၊ ၁၁း၇။ ၀တ်၊ ၁၉း၂။ ၀တ်၊ ၂၀း၇ ကိုလည်းဖတ်ပါ။

(၂)        ၀တ်၊ ၂၀း၂၆။ “ငါထာဝရဘုရားသည်သန့်ရှင်းသည်ဖြစ်၍ သင်တို့ကိုငါအလိုရှိသဖြင့်အခြားသော အမျိုးနှင့်ခွဲခြားသောကြောင့်ငါ့အဘို့သန့်ရှင်းခြင်းရှိကြရမည်။”

(၃)        တရား ၇း၆။ “သင်သည် သင်၏ဘုရားသခင်ထာဝရဘုရားအဘို့သန့်ရှင်းသောအမျိုးဖြစ်၏။ မြေပေါ်မှာရှိသမျှသောလူမျိုးထက်သင်၏ ဘုရားသခင်ထာဝရဘုရားပိုင်ထိုက်သောအမျိုးဖြစ်စေခြင်း ငှာ သင့်ကိုရွေးချယ်တော်မူပြီ။ တော၊ ၁၄း၂။ ၂၆း၁၉။ ကိုလည်းဖတ်ပါ။

မှတ်ချက်။          ဘုရားသခင်သည်မြေကြီးမျက်နှာပြင်ပေါ်၌ရှိသမျှသောလူမျိုးများအထဲမှ ဣသရေလလူမျိုး ကိုမိမိဘုန်းကိုထင်ရှားစေရန်အတွက်သီးသန့်ရွေးချယ်တော်မူသော၊ သန့်ရှင်းစေတော်မူသော ၊တစ် သီးတစ်ခြားဖြစ်သောလူမျိုး၊ ထူးခြားသောလူမျိုးအဖြစ်ခွဲခြားထားခြင်းပင်ဖြစ်ပါသည်။ ထိုနည်းတူ ဓမ္မသစ်ကျမ်း၌ယုံကြည်သူတို့သည်လည်းခွဲခြားခြင်းခံထားရပါသည်။

(ခ)        အသင်းတော်။

(၁)        ၁ ပေ၊ ၂း၉။ “သင်တို့မူကား မှောင်မိုက်ထဲက အံ့ဘွယ်သောအသင်းတော်သို့ခေါ်သွင်း တော်မူသောသူ၏ဂုဏ်ကျေးဇူးများကိုဖော်ပြစေခြင်းငှာ ရွေးချယ်တော်မူသော အမျိုးဖြစ်ကြ ၏။”

(၂)        ၁ ပေ၊ ၁း၁၅။ “သင်တို့ကိုခေါ်တော်မူသောသူသည် သန့်ရှင်းတော်မူသည့်နည်းတူကျင့်ကြံ ပြုမူသမျှတို့၌သန့်ရှင်းခြင်းရှိကြလော့။”

(၃)        ဧ၊ ၁း၎။ “ သန့်ရှင်းလျက်၊ အပြစ်ကင်းလွတ်လျက်ဖြစ်မည့်အကြောင်း၊ ဤကမ္ဘာမတည်ရှိမီ ငါတို့ကို ခရစ်တော်၌ရွေးကောက်တော်မူသည်နှင့်အညီ” (ရွေးကောက်၍သီးခြားခွဲထား ခြင်း။)

(၄)        ၂ သက်၊ ၂း၁၃။ “သင်တို့သည် စိတ်သန့်ရှင်းခြင်း၊ သမ္မာတရားကိုယုံကြည်ခြင်းအားဖြင့် ကယ်တင်ခြင်းသို့ရောက်စိမ့်သောငှာဘုရားသခင်သည် ရှေးဦးစွာကပင်သင်တို့ကိုရွေး ကောက်တော်မူသည်ဖြစ်၍-----”

(၅)        ဧ၊ ၃း၁၁။ ငါတို့သခင်ယေရှုခရစ်ကိုအကြောင်းပြု၍ထာဝရအကြံတော်ရှိသည်နှင့်အညီ ကောင်းကင်အရပ်၌အထွဋ်အမြတ်အာဏာစက်တို့သည် ဘုရားသခင်၏ ထူးဆန်းသော ပညာကိုအသင်းတော်အားဖြင့် ယခုသိကြရမည့်အကြောင်းတည်း။

မှတ်ချက။          အသင်းတော် (သခင်ယေရှုခရစ်ကိုယုံကြည်သူတိုင်း) သည် ရွေးကောက်ခြင်း၊ ခေါ်တော်မူခြင်း၊ သန့်ရှင်းရာ၌တည်စေခြင်း (ဘုရားသခင်အတွက်သီးခြား) အားဖြင့်ဖြစ် လျက်သခင်ယေရှုခရစ်တော်၏ဘုန်းတော်၊ တန်ခိုးတော်ပညာတော်နှင့်ကြီးမြတ်တော်မူ ခြင်းတို့ကို ကမ္ဘာပေါ်တွင်ထင်ရှားစေရန်အတွက်သီးသန့်ခေါ်ထားခြင်းဖြစ်ပါသည်။

၆။         ဓမ္မသစ်ကျမ်းစာ၏အမြင်အရ ခရစ်ယာန်များသည် ဘုရားသခင်အတွက်သီးသန့်ထားသော၊ သန့်ရှင်းသော၊ သန့်ရှင်းရာ၌တည်စေသောသူများဖြစ်လျက် မိမိတို့ကို မိမိသန့်ရှင်းခြင်းရှိရန် (သီးခြားခွဲထားရန်) လည်းတိုက် တွန်းထားပါသည်။

“                                   (က)      သန့်ရှင်းသည်ဟုမြင်ရပုံ။

(၁)        တ၊ ၂၆း၁၈။ “ငါတို့ယုံကြည်ခြင်းအားဖြင့် သန့်ရှင်းခြင်းသို့ရောက်သောသူတို့”

(၂)        ဧ၊ ၁း၃-၄။ “သန့်ရှင်းလျက်၊ အပြစ်ကင်းလျက်ရှိမည့်အကြောင်း----ခရစ်တော်၌ ရွေး ကောက်တော်မူသည်နှင့်အညီ။

(၃)        ၁ ပေ၊ ၂း၉။ “ရွေးချယ်တော်မူသောအမျိုး----သန့်ရှင်းသောလူမျိုး။

(၄)        ၁ ကော၊ ၃း၁၇။ “ဘုရားသခင်၏ဗိမာန်တော်သည် သန့်ရှင်းရ၏။ သင်တို့သည်လည်းထို ဗိမာန်တော်ဖြစ်ကြ၏။”

(ခ)        သန့်ရှင်းခြင်းရှိရန် (သီးခြားခွဲထားရန်) တိုက်တွန်းခြင်း

(၁)        ရော၊ ၆း၁၉။ ကိုယ်ခန္ဓာကို သန့်ရှင်းခြင်းအလို့ငှာဖြောင့်မတ်ခြင်းတရား၌သွင်း၍ကျွန်ခံ စေကြလော့။

(၂)        ရော၊ ၁၂း၁။ “သန့်ရှင်းခြင်းလက္ခဏာ၊ ဘုရားသခင်နှစ်သက်တော်မူဘွယ်သောလက္ခဏာ နှင့်ပြည့်စုံသော ယဇ်ကိုသင်တို့သည် ပူဇော်၍ မိမိကိုယ်ခန္ဓာကိုဘုရားသခင်အား (အသက်ရှင်သောယဇ်အဖြစ်) ဆက်သကြလော့။

(၃)        ဧ၊ ၄း၂၂-၂၄။ “ ပုပ်ပျက်သောလူဟောင်းကိုချွတ်ပယ်၍-----သန့်ရှင်းခြင်း ပါရမီအားဖြင့် ဘုရားသခင်နှင့်အတူအမျှဖန်ဆင်းသောလူသစ်ကိုယူတင်ဝတ်ဆောင်မည့်အကြောင်း။”

(၄)        ၂ ကော၊ ၇း၁။ ဘုရားသခင်ကိုကြောက်ရွံ့၍သန့်ရှင်းခြင်းပါရမီနှင့်ပြည့်စုံကြကုန်အံ့။

မှတ်ချက။          သင်သည်ဘုရားသခင်၏အမြင်၌သန့်ရှင်းသူဖြစ်ပြီးသန့်ရှင်းသောအသက်တာ၊သီး သန့်ခွဲခြားသောအသက်တာကိုအသက်ရှင်နေရန်ဘုရားသခင်သည်သင့်အားအလို ရှိတော် မူကြောင်းကိုသတိပြုမိလျက်သင်သည်ယုံကြည်သူတစ်ဦးအနေဖြင့်ဤမျှော်လင့်ချက်များကို အလေးအနက်ထားသင့်ပါသည်။ အထက်ပါကျမ်းချက်များနှင့်အခြားမြောက်များစွာ သောကျမ်းချက်များကိုသဘောပေါက်သည်အထိလေ့လာမည်ဟုမျှော်လင့်မိပါသည်။

၇။         သီးသန့်ခွဲခြားထားသောသူများအဖြစ်သို့မည်ကဲ့သို့ရောက်လာရပါသနည်း။

(က)      သခင်ယေရှုခရစ်၏ ပူဇော်သက္ကာနှင့်ရွေးနှုတ်တော်မူခြင်းတို့ကြောင့်ကျွန်ုပ်တို့သည် ဘုရားသခင် အ တွက် သီးသန့်ခွဲခြားထားသောသူအဖြစ်သို့ ရာထူးအားဖြင့်လည်းကောင်း၊ ထာဝရကာလ၌လည်း ကောင်းရောက်ရှိကြရပါသည်။

(၁)        ဟေဗြဲ၊ ၁၀း၁၀။ “ထိုအလိုတော်နှင့်အညီယေရှုခရစ်၏ကိုယ်ကိုတစ်ခါတည်းပူဇော်သော အားဖြင့်ငါတို့သည် စင်ကြယ်ခြင်းသို့ရောက်ကြ၏။”

(၂)        ဟေဗြဲ၊ ၁၀း၁၄။ “စင်ကြယ်သောသူတို့သည် ထာဝရစုံလင်ခြင်းအကျိုးကိုရစေခြင်းငှာ တစ်ခါတည်းပူဇော်ခြင်းအားဖြင့်ပြုတော်မူ၏။”

(၃)        ဟေဗြဲ၊ ၁၀း၂၉။ “မိမိကို စင်ကြယ်စေသောပဋိညာဉ်တရား၏အသွေး။”

(ခ)        ခမည်းတော်ဘုရားသခင်အားဖြင့်၊ ၁သက်၊ ၅း၂၃။ “ငြိမ်သက်ခြင်း၏အရှင်ဘုရားသခင်ကိုယ်တော် လည်းသင်တို့ကိုအကုန်အစင်သန့်ရှင်းစေတော်မူပါစေသော။”

(ဂ)        ခရစ်တော်ကိုယ်တိုင်။ ဟေဗြဲ၊ ၂း၁၁။ “သန့်ရှင်းစေတတ်သောသူ (ခရစ်တော်)နှင့် သန့်ရှင်းစေအပ် သောသူများတို့သည် တစ်ပါးတည်းသောပကတိရှိကြ၏။”

(ဃ)      သန့်ရှင်းသောဝိညာဉ်တော်။ ရော၊ ၁၅း၁၆။ “သန့်ရှင်းသောဝိညာဉ်တော်သည်သန့်ရှင်းစေတော်မူ သော” ၂ ကော၊ ၃း၁၈။ ၂ သက်၊ ၂း၁၃ ကိုလည်းဖတ်ပါ။

(င)        နှုတ်ကပတ်တော်အားဖြင့်။ ယော၊ ၁၇း၁၇။ ကိုယ်တော်၏သမ္မာတရားအားဖြင့်သူတို့ကိုသန့်ရှင်းစေ တော်မူပါ။ ကိုယ်တော်၏နှုတ်ကပတ်တော်သည် သမ္မာတရားဖြစ်ပါ၏။ ဧ၊ ၅း၂၆-၂၇ ကိုဖတ်ပါ။

မှတ်ချက။          တစ်စုံတစ်ယောက်သောသူသည် ခရစ်တော်ကို ယုံကြည်သောအခါ ထိုယုံကြည်သည့် ခဏ၌ပင် ထိုသူသည် ခရစ်တော်၌ဗတ္တိဇံကိုရရှိပါကြောင်း သေချာစွာသဘောပေါက်ထားပါ။

(၁ ကော၊ ၁၂း၁၃) ထိုသူကို “ခရစ်တော်၌ရှိသည်” ဟုမြင်ပါသည်။ ဧ၊ ၁း၃၊၄။ ထို့ကြောင့်ထိုနေရာ တွင်ပင်ကျွန်ုပ်တို့သည် ခရစ်တော်၌ “သန့်ရှင်းရာ၌တည်စေခြင်း” အပြစ်နှင့်ခွဲခြားခြင်း၊ ဤကမ္ဘာ လောက လောကီအရာများနှင့်ခွဲခြားခြင်းကိုရရှိပါသည်။ ၁ ကော၊ ၁း၂။

မှတ်ချက။          ကျွန်ုပ်တို့အားအပြစ်မှလည်းကောင်း၊ လောကီတရားမှလည်းကောင်းခွဲခြားသီးသန့်ထား မည့်အကြောင်းခမည်းတော်ဘုရားသည်လည်းကောင်း၊ ခရစ်တော်သည်လည်းကောင်းခရစ်တော်၏ ပူဇော်သက္ကာနှင့်နှုတ်ကပတ်တော်တို့အားဖြင့်လုပ်ဆောင်တော်မူပါသည်။

၈။         ကျွန်ုပ်တို့သည် မည်သည့်အရာများနှင့်ခွဲခြားနေရမည်နည်း။

(က)      အပြစ်။ ခရစ်တော် ပထမအကြိမ်လောကသို့ကြွလာတော်မူခြင်း၏ကြီးမားသောရည်ရွယ်ချက်မှာ ကျွန်ုပ်တို့အားအပြစ်မှကယ်တင်ရန်ဖြစ်ပါသည်။

ဂလ၊ ၁း၎။ မ၊ ၁း၂၁။ ဟေ၊ ၉း၂၆။ ဟေ၊ ၁၀း၁၂ တို့ကိုဖတ်ပါ။

ထို့ကြောင့်ဘုရားသခင်သည် အောက်ပါတို့မှခွဲခြား၍သီးသန့်နေရန်အမိန့်ပေးထားလျက် လိုက်နာ မည်ဟုလည်းမျှော်လင့်လျက်ရှိပါသည်။

(၁)        တစ်ချိန်ကလျှောက်ခဲ့သောမှောင်မိုက်လမ်းခရီးမှခွဲထွက်လာရန်။ ဧ၊ ၅း၈။ တ၊ ၂၆း၁၈။ ၁ ယော၊ ၁း၇။

(၂)        “လူဟောင်း” တည်းဟူသောအပြစ်ကိုချွတ်ပယ်၍ခရစ်တော်တည်းဟူသော “လူသစ်”ကို ၀တ်ဆင်ရန်။ ဧ၊ ၄း၂၂-၃၂။ ကော၊ ၃း၅-၁၁။

(၃)        အပြစ်ကိုဘေးဖယ်ထားရန်။ ဟေဗြဲ၊ ၁၂း၁။ ၂ တိ၊ ၂း၁၉။

(ခ)        အပြစ်သားများ။ ခရစ်ယာန်များသည် “သန့်ရှင်း” သူများဖြစ်သောကြောင့်ရှေးယခင်ကပေါင်းဖော်ခဲ့ ရသောလောကီ၊ ဘုရားမဲ့တရားမဲ့နေခြင်း၊ အပြစ်ပါသောဆက်ဆံမှုများမှမိမိကိုယ်မိမိဆွဲထုတ်ရန် ဘုရားသခင်အလိုတော်ရှိပါသည်။

(၁)        ဧ၊ ၅း၇-၁၂။ “အကျိုးမဲ့သောမှောင်မိုက်အပူတို့နှင့်မဆက်ဆံသည်သာမက ထိုအမှုတို့၏ အပြစ်ကိုပြကြလော့။”

(၂)        ၂ ကော၊ ၆း၁၄-၁၇။ မယုံကြည်သောသူတို့နှင့်တွဲဖက်၍ဆန့်ကျင်ဘက်ဖြစ်သော ထမ်းပိုး ကိုမထမ်းကြနှင့် သင်တို့သည် ထိုသူတို့အထဲကထွက်၍သီးခြားနေကြလော့ - ဟုထာဝရ ဘုရားမိန့်တော်မူ၏။

မှတ်ချက်။          အပြစ်နှင့်အပြစ်သားတို့ထံမှ တစ်သီးတစ်ခြားနေခြင်းဆိုရာတွင် ဘုရားသခင်၏ သန့်ရှင်းခြင်းနှင့် အလိုတော်နှင့်ဆန့်ကျင်သည်ဟု သမ္မာကျမ်းစာကဖော်ပြထားချက်အား လုံးမှသီးသန့်ခွဲခြား၍နေခြင်းဖြစ်ပါသည်။

(ဂ)        ကောင်းစွာကျင့်ကြံရန်ငြင်းဆိုသောခရစ်ယာန်လုပ်စားသူများထံမှ။

(၁)        ၂ သက်၊ ၃း၆။ “ညီအစ်ကိုတို့ ငါတို့ထံ၌ခံသောနည်းဥပဒေအတိုင်း မကျင့်ဘဲမတရားစွာပြု သော ညီအစ်ကိုရှိသမျှတို့ကိုရှောင်ကြလော့။”

(၂)        ၂ သက်၊ ၃း၁၄။ “ဤစာ၌ငါတို့ရေးထားသောပညတ်စကားကိုတစ်စုံတစ်ယောက်သောသူ သည်နားမထောင်ဘဲနေလျှင် ထိုသူကိုမှတ်ကြလော့။ ရှက်ကြောက်စေခြင်းငှာအပေါင်း အ ဖော်မလုပ်ကြနှင့်။”

၁ ကော၊ ၅း၁၁ ကိုလည်းဖတ်ပါ။

မှတ်ချက်။          ဤကမ္ဘာတွင် ခရစ်ယာန်လုပ်စားသူများမှာ နှုတ်ကပတ်တော်၏သွန်သင်ချက် အတိုင်းမလိုက်နာသောသူများဖြစ်ပါသည်။ ထိုသူတို့သည် အဘယ်အလုပ်ကိုမျှမလုပ်။ ခရစ်ယာန်တာဝန်ကိုထမ်းဆောင်ခြင်းမရှိ။ ခရစ်တော်မကြာမှီကြွလာတော့မည်ဟုမျှော်လင့် သောကြောင့်လောမသိသို့သော် ခရစ်ယာန်ယုံကြည်ခြင်းနှင့်စပ်ဆိုင်သောအရာကိုလက် တွေ့ပြသခြင်းမရှိသူများဖြစ်ပါသည်။

ကောရိန္တုသြ၀ါဒစာတွင်ဖော်ပြထားသောခရစ်ယာန်လုပ်စားသူများမှာ မတရားသော မေ ထုန်၌မှီဝဲသောသူ (မိန်းမလွတ်နှင့်လိင်တူ)၊ ရုပ်တုကိုးကွယ်သောသူ၊ ဆဲရေးကဲ့ရဲ့သောသူ၊ သေရည်သေရက်နှင့်ယစ်မူးသောသူ၊ အနိုင်အထက် လုယူစီးပွားပြုသူများဖြစ်ပါသည်။ ထိုသူတို့နှင့် ပတ်သက်၍ မည်ကဲ့သို့သဘောထားရပါမည်နည်း။ ထိုသူတို့နှင့်ထမင်းဝိုင်း အတူမထိုင်ရ။ မပေါင်းဖော်ရ။ (၁ ကော၊ ၅း၁၁) ထိုသူတို့ကို ရှောင်၍ခရစ်တော်ညီအစ်ကို ဟူ၍ပင်မမှတ်ရ။ (၂ သက်၊ ၃း၆) ထိုသို့သောပုဂ္ဂိုလ်များကိုမှတ်သားထား၍ပေါင်းဖော်ခြင်း မပြုရ။ (၂ သက်၊ ၃း၁၄) “သူသည် ရှက်ကြောက်မည့်အကြောင်း” ခရစ်ယာန်မိဿဟာယ အားလုံးဖြတ်တောက်ရမည်။

မှတ်ချက်။          ထိုသူတို့အားဒဏ်ပေး၍ ကြမ်းတမ်းသောစကားပြောပြီး ပွဲတော်မင်္ဂလာဖြတ် တောက်၍အသင်းမှထုတ်ပယ်ရန်မဟုတ်ပါ။ ထိုသူတို့သည် ဘုရားသခင်နှုတ်ကပတ်တော် အတိုင်း အသက်မရှင်သောကြောင့် ခရစ်ယာန်ညီအစ်ကိုအဖြစ်အသိအမှတ်မပြုတော့ ကြောင့်သိရှိစေရန်သာဖြစ်ပါသည်။

(ဃ)      လောကမှ။

“ဒီကမ္ဘာကြီးရဲ့စနစ်ဟာစာတန်အုပ်စိုးတဲ့စနစ်ဖြစ်ပါတယ်။ ဒါကြောင့်လူတွေဟာ ဘုရားသခင်မပါဘဲ မိမိတို့ဖာသာပျော်ရွှင်မှုရရှိရေးအတွက်ရှာကြံနေကြပါသည်” ဓမ္မသစ်ကျမ်းပါလောကဟူသောစကား ကို (၃)မျိုးဘာသာပြန်လေ့ရှိပါသည် -

(၁)        လူသားအားလုံးကို ရည်ညွှန်း၍အသုံးပြုထားပါသည်။

(မ၊ ၂၆း၁၃)

(၂)        ဖန်ဆင်းထားသောကမ္ဘာ (သို့မဟုတ်) မြေကြီး။

(ဟေ၊ ၄း၃။ ၁၁း၃။ ဧ၊ ၁း၎)

(၃)        ဘုရားသခင်နှင့် ဆက်နွယ်ခြင်းမပြုသေးသောလူမှုကိစ္စများ၊ အဖွဲ့အစည်းများအားလုံး သည်စာတန်အုပ်စိုးကြိုးကိုင်သောအရာများဖြစ်ပါသည်။

(၁ ယော၊ ၂း၁၅-၁၇။ ယော၊ ၁၅း၁၆-၁၉)။

ဤသင်ခန်းစာတွင်အသုံးပြုသောလောကသည် တတိယအမျိုးအစားဖြစ်ပါသည်။ အသုံးပြုသော စကားလုံး မှာ kosmos ဖြစ်ပြီးအကျင့်စာရိတ္တနှင့်ပတ်သက်၍စာတန်အုပ်စိုးသောပုံစံနှင့်အညီ ဘုရားသခင်နှင့် ဆက်နွယ် ခြင်းမရှိသောလူ့အဖွဲ့အစည်းများကကိုယ်ကာယတပ်မက်ခြင်း၊ လောကီစည်းစိမ် တပ်မက်ခြင်း၊ ၀ါကြွားဘ၀င် မြင့်ခြင်း၊ တန်ခိုးအာဏာပြခြင်း၊ မိမိကိုယ်ကျိုးကိုကြည့်ခြင်းနှင့်မနာလိုဝန် တိုခြင်းများဖြင့်သာဆောင်ရွက်နေ ခြင်း ကိုရည်ညွှန်းပါသည်။

(၁)        ဘုရားသခင်သည် ဤလောကနှင့်ပတ်သက်၍ မည်သို့မိန့်တော်မူပါသနည်း။

(က)      စာတန်အုပ်စိုးသောနိုင်ငံဖြစ်သည်။ ယော၊ ၁၄း၃၀။ ၁၆း၁၁။ ဧဖက်၊ ၂း၂။ ၂ ကော၊ ၄း၎။ ၁ ယော၊ ၅း၁၉ စာတန်သည်လောကီနိုင်ငံကို အစိုးရထားပါသည်။ မ၊ ၄း၈-၉။

(ခ)        ခရစ်တော်နှင့်တိုက်ရိုက်ဆန့်ကျင်လျက်ရှိပါသည်။ ယော၊ ၁၅း၁၈။ ၇း၇။ ၁၆း၃၃။

(ဂ)        ကိုယ်ကာယတပ်မက်ခြင်း၊ မျက်စိတပ်မက်ခြင်း၊ လောကီစည်းစိမ်၌၀ါကြွားခြင်းတို့ဖြင့် ဖွဲ့စည်းထားပါသည်။ ၁ ယော၊ ၂း၁၆။

(ဃ)      ကုန်လုံကြွယ်ဝမှုမရှိသူ၊ တောင့်တသူ၊ အရေမရအဖတ်မရရှိနေသူ၊ အပြစ်နှင့်ကြွယ်ဝနေ သောလူ့နှလုံးသားအတွက်မည်သည့်ဝိညာဉ်ရေးရာအနှစ်သာရကိုမျှမပေးစွမ်းပေ။

ယော၊ ၁၇း၁၄။ “လောကီသားတို့သည် သူတို့ကိုမုန်းကြပါ၏” ခရစ်တော်နောက်သို့လိုက် သောသူတို့အားလောကီသားတို့သည် မေတ္တာမရှိမုန်းကြ၏။ ဘုရားသခင်ဝိညာဉ်တော်ကို၊ လောကီသားတို့သည် မမြင်နိုင်၊ မကြားနိုင်၊ လက်မခံနိုင်။ ၁ ကော၊ ၂း၉-၁၂ ကိုလည်း ဖတ်ပါ။

(၂)        ခရစ်ယာန်အနေဖြင့်ဤလောကနှင့်မည်ကဲ့သို့သဘောထားပြီးဆက်ဆံရမည်နည်း။

(က)      ဤလောကထဲမှ ရွေးကောက်တော်မူပြီ။ ယော၊ ၁၅း၁၆။

(ခ)        လောကနှင့်မသက်ဆိုင်။ ယော၊ ၁၅း၁၉။

(ဂ)        လောက၏ပျက်စီးခြင်းထဲမှ အသစ်ဖန်ဆင်းတော်မူခြင်းအားဖြင့် “ထွက်ပြေးလွတ်မြောက်” ပြီးဖြစ် သည်။ ၂ ပေ၊ ၁း၎။

(ဃ)      လောကကိုလက်ဝါးကပ်တိုင်၌အသေရိုက်ပြီးဖြစ်၏။ ဟေ၊ ၁၀း၁၀။ ဂလ၊ ၆း၎။

(င)        လောကသည်သူ့ကိုမုန်း၏။ ယော၊ ၁၅း၁၉။

(စ)        သူသည်လောကိုမချစ်။ ၁ ယော၊ ၂း၁၅။

(ဆ)      သူသည်လောကနှင့်မိတ်သဟာယမဖွဲ့။ ယာ၊ ၄း၎။

(ဇ)        လောကထဲမှညစ်စွန်းခြင်းမရှိရန်နေ၏။ ယာ၊ ၁း၂၇။

(ဈ)       လောကနှင့်ရောထွေးခြင်းမပြု။ ရော၊ ၁၂း၂။

(ည)      လောကရှုတ်ထွေးခြင်း၌ပါဝင်ခြင်းမပြု။ ၂ တိ၊ ၂း၎။

(ဋ)        လောကကိုအောင်မည်။ ၁ ယော၊ ၅း၎။

(င)        လွဲမှားသောအယူနှင့်ထိုအယူကိုသွန်သင်သူများထံမှ။

(၁)        လွဲမှားအယူ (မိစ္ဆာတရား) ဆိုသည်မှာအဘယ်နည်း။

ခရစ်တော်လူ့ဇာတိကိုခံယူ၍ကြွလာတော်မူခြင်းကိုငြင်းပယ်ခြင်းဖြစ်သည်။ (၁ယော၊ ၄း၁-၄) ခရစ်တော်သည် ဘုရားဖြစ်တော်မူ ကြောင်းနှင့်အသွေးတော် ကိုသွန်း၍ရွေးနှုတ်တော်မူခြင်းကိုငြင်းပယ်ခြင်းဖြစ်သည်။ (၂ပေ၊ ၂း၁) ခရစ်တော် ကဲ့သို့ကောင်းသော အကျင့်ကို ကျင့်ကြံသော်လည်းခရစ်တော်၌မွေ့လျော်ခြင်း၏ တန်ခိုးကိုငြင်းပယ်သူများဖြစ်သည်။ ၂ တိ၊ ၃း၅။

မှတ်ချက်။            မိစ္ဆာအယူ၊ လွဲမှားသောအယူဟုဆိုရာတွင် မသိ၍မှားသောအမှားမျိုးမဟုတ်ပါ။ (တ၊ ၁၉း၁-၆) စာတန်၏လှည့်စားမှုကြောင့်ဖမ်းမိခြင်းခံရသောဖြစ်ရပ်မဟုတ်ပါ။ (၂တိ၊ ၂း၂၅-၂၆)

(၂)        မိစ္ဆာပရောဖက်မှားယွင်းသောဆရာဆိုသည်မှာ အဘယ်နည်း။

(က)      “ယားတတ်သောနားရှိ၍” သစ္စာတရားကိုထားလျက် ပုံပြင်ကိုပြောတတ် သူများ ဖြစ်ပါသည်။ (၂တိ၊ ၄း၃-၄ဒ

(ခ)        ၂ တိ၊ ၂း၁-၃။ ၁၀-၁၉။ တွင်အသေးစိတ်ဖော်ပြထားပါသည်။

(ဂ)        ၁ တိ၊ ၄း၁-၃။ “ယုံကြည်ခြင်းကိုစွန့်ပယ်၍လှည့်ဖြားတတ်သောစိတ်ဝိညာဉ်တို့ လည်းကောင်း၊ နတ်ဘုရားတို့နှင့်စပ်ဆိုင်သောသြ၀ါဒတို့၌လည်းကောင်းမှီဝဲ ဆည်းကပ်ကြလိမ့်မည်။”

(ဃ)      မ၊ ၇း၁၅-၁၆။ “သိုးရေကိုခြုံသောတောခွေ” ဖြစ်သည်။

(င)        မာ၊ ၁၃း၂၂။ ရွေးချယ်သောသူတို့ကိုပင်လှည့်ဖြားနိုင်လျှင်လှည့်ဖြားလောက် အောင်နိမိတ်လက္ခဏာအံ့ဘွယ်သောအမှုတို့ကိုပြကြလိမ့်မည်။

(စ)        ယုဒ၊ ၄၊ ၈၊ ၁၁-၁၃၊ ၁၆။ ဤထူးခြားသောဖော်ပြချက်ကို လေ့လာပါ။

(၃)        မစ္ဆာအယူနှင့်မိစ္ဆာပရောဖက်တို့အပေါ်ခရစ်ယာန်သည် မည်သို့သဘောထားရမည်နည်း။

(က)      ၂ ယော၊ ၁၀-၁၁။ “သူ့ကိုသင့်အိမ်၌လက်မခံနှင့်မင်္ဂလာရှိစေသောဟု မနှုတ် ဆက်နှင့်”

(ခ)        ရော၊ ၁၆း၁၇။ “သူတို့ကိုမှတ်၍ရှောင်ကြလော့”

(ဂ)        ဂလ၊ ၁း၈-၉။ “ထိုသူသည် ကျိန်တော်မူခြင်းကိုခံစေ။”

(ဃ)      ၂တိ၊ ၃း၅။ “ထိုသူတို့ကိုရှောင်လော့။”

(င)        တိ၊ ၁း၁၄။ “ကြပ်တည်းစွာဆုံးမပြစ်တင်လော့”

(စ)        ၁ ယော၊ ၄း၁-၄။ စိတ်ဝိညာဉ်တို့ကိုစုံစမ်းကြလော့။ သမ္မာတရားဖြင့်စုံစမ်းရမည်။

မှတ်ချက်။            မှားယွင်းသောအယူအဆနှင့်မှားယွင်းသောအယူကိုသွန်သင်သောသူတို့အား ခရစ်ယာန်များသည် ရှောင်လွှဲနိုင်မည်ဟုမျှော်လင့်ရပါသည်။ ထိုမိစ္ဆာနှင့်ပတ် သက်၍တရားစီရင်ခြင်း (၂သက်၊ ၂း၁၀-၁၂။ ၂ပေ၊ ၂း၁၇၊၂၁) မှတစ်ပါးအခြား နည်းလမ်းမရှိပါ။ အကယ်၍သင်သည်မှားယွင်းသောသွန်သင်မှုအောက်တွင်ရှိနေ ပါလျှင် - ထိုမှားယွင်းခြင်းထဲမှသင့်ကိုဆွဲထုတ်ကယ်တင်မည့်အချိန်ကိုမျှော်လင့် လျက်နေပါက မိုက်မဲရာကျပါမည်။ ထိုမှားယွင်းသောမိစ္ဆာတရားမှစွန့်လွှတ်ထွက် ခွာရန်အမိန့်ပေးထားပါသည်။

၉။         အဘယ်ကြောင့်သီးသန့်နေရပါမည်နည်း။

(က)      ခရစ်တော်၏ဂုဏ်ကျေးဇူးကိုဖော်ပြစေခြင်းငှာ ၁ ပေ၊ ၂း၉။

(ခ)        ဘုရားသခင်နှစ်သက်တော်မူဘွယ်သောအရာ၊ လက်ခံနိုင်ဘွယ်ရှိသောအရာ၊ စုံလင်သောအရာဖြစ် ကြောင်းသက်သေပြရန်။ ရော၊ ၁၂း၂။

(ဂ)        ခမည်းတော်ဘုရားသခင်မှ “သခင်အနေဖြင့်ပေးသော” ကောင်းကြီးမင်္ဂလာကိုခံယူရရှိရန်။ ၂ကော၊ ၆း၁၇-၁၈။

(ဃ)      ခရစ်တော်၌သစ္စာခံသောအားဖြင့်။ လောကသည်ခရစ်တော်၏ရန်သူဖြစ်သည်။ ယော၊ ၇း၇။ ခရစ်တော်၏အကြီးဆုံးသောရန်သူစာတန်သည် လောကကိုအုပ်စိုးလျက်ရှိသည်။ ၁ယော၊ ၅း၁၉။ ယော၊ ၁၄း၃၀။

(င)        အညစ်အကြေးမှကင်းစင်၍အပြစ်၏အနာအဆာမဖြစ်စေရန်ပျက်စီးခြင်းကိုရှောင်ရန်။ ယာ၊ ၁း၂၇။ ၂တိ၊ ၄း၁၀။ မ၊ ၁၃း၂၂။

(စ)        ခရစ်တော်၏ပြည့်စုံလုံလောက်နေခြင်းကိုဖော်ပြရန်။ ရော၊ ၈း၃၂။ ဖိ၊ ၄း၁၉။

(ဆ)      အခြားသူတို့ကောင်းကင်သွားရာလမ်းကိုပြညွှန်းနိုင်ရန်။ မ၊ ၅း၁၆။

“သင်သည်ဤလောကနှင့်သက်ဆိုင်နေကြောင်းကိုလူတို့သည်သင်၌တွေ့ရှိခဲ့ရပါလျှင် နောက်တစ် ဆင့်တက်၍ဖော်ပြနိုင်ရန်ခက်ခဲပါလိမ့်မည်။

၁၀။       သမ္မာကျမ်းစာ၏ခွဲခြားခြင်းနှင့်ပတ်သက်၍ နိဂုံးချုပ်နိုင်ရန်စဉ်းစားရမည့်အချက်အချို့။

(က)      သင်သည်ဤလောကနှင့်မသက်ဆိုင်သော်လည်း သင်သည်ဤလောက၏အထဲ၌ပင်ရှိနေသော ကြောင့် သင်၏အလင်းကိုလောက၌လင်းစေရန်တာဝန်ရှိပါသည်။ မ၊ ၅း၁၆။

(ခ)        လောကမှခွဲခြားနေခြင်းသည် တစ်သီးတခြားနေခြင်း isolation မဟုတ်ပါ။ သခင်ယေရှုသည် အပြစ် သားများ၊ အခွန်ခံများတို့နှင့်အတူစားသောက်လျက်နေပါသည်။ မ၊ ၉း၁၁။ ထိုသူတို့နှင့်အတူသွား လာလျက်လူပရိသတ်တို့အားမကြာခဏပြုစုလျက်ရှိပါသည်။ ယော၊ ၆း၁-၁၄။ တမန်တော်ကြီး ရှင်ပေါလုသည် ရောက်လေရာအရပ်တွင်တွေ့ရသောလူမျိုးပေါင်းစုံတို့နှင့်ပေါင်းဖော်ပြီး “ခပ်သိမ်း သောသူတို့၌ခပ်သိမ်းသောအရာဖြစ်၏” (၁ ကော၊ ၉း၂၂) ဟုပြောနိုင်ခဲ့ပါသည်။

(ဂ)        သင်သည်ခွဲခြားနေရခြင်းအကြောင်းကိုပေါ်လွင်စေပါ။

ခရစ်ယာန်များသည် မိမိတို့မည်သူ့အတွက်အသက်ရှင်ကြောင်းကိုပေါ်လွင်စေရပါမည်။ သူတို့ဆန့် ကျင်သောအရာများဖြင့်ပေါ်လွင်ရမည်မဟုတ်ပါ။

(ဃ)      ဖာရိရှဲကဲ့သို့အပြုအမူမျိုးကိုရှောင်ပါ။ သင်သည်ဝိညာဉ်ရေးရာတွင်ကုန်းမြင့်လွင်ပြင်သို့ရောက်နေဘိသကဲ့သို့မပြုပါနှင့်။ သင်၏ခွဲခြားနေ ခြင်းကို တရားဥပဒေ၀ါဒီများ    ကဲ့သို့ဘ၀င်မြင့်ခြင်းမပြုပါနှင့်။ ကောင်းသောအမှုကိုမပြုဘဲနေနိုင်ရန် အချိန်မရှိပါ။

(င)        သမ္မာကျမ်းစာ၏ခွဲခြားခြင်းသည်ယုံကြည်သူ၏စိတ်နှလုံးနှင့်အသက်တာတစ်ခုလုံး၌ခရစ်တော်၏ အသွေးတော်အားဖြင့်လည်းကောင်း (ဟေ၊ ၁၀း၁၀၊၁၄) ဘုရားသခင်၏နှုတ်ကပတ်တော်အားဖြင့် လည်းကောင်း။ ယော၊ ၁၇း၁၇။ ထုတ်စည်းထားလျက်ရှိပြီးသန့်ရှင်းသောဝိညာဉ်တော်မှကျင့်သုံး သောအရာဖြစ်ပါသည်။ ရော၊ ၁၅း၁၆။ ၂ သက် ၂း၁၃။

(စ)        ယုံကြည်ပါ။ ထို့နောက်လက်တွေ့ကျင့်သုံးပါ။ သမ္မာကျမ်းစာကို ယုံကြည်သောယုံကြည်သူအနေဖြင့် ထိထိရောက်ရောက်ဘုရားကို ဂုဏ်ပြုလျက် ခရစ်တော်၏ဘုန်းတော်ကိုချီးမွမ်းပြီးဝိညာဉ်ကယ်တင် ခြင်းပြုပါ။ သန့်ရှင်းသောဝိညာဉ်တော်ကပြုလုပ်ပေးသောခွဲခြားခြင်းသည် အေးတ်ိအေးစက်မဟုတ် နည်း ဗျူဟာမဟုတ်၊ ယန္တယားလည်းမဟုတ် ဥပဒေ၀ါဒလည်းမဟုတ်ပါ။

မေးခွန်းများ

၁။         “သန့်ရှင်းရာ၌တည်စေသည်” ဟူသောစကားစု၏အဓိပ္ပါယ်ကိုရှင်းပြပါ။

ဤသင်ခန်းစာတွင် ဖော်ပြထားချက်နှင့်အညီသီးသန့်ခွဲခြားခြင်း ပုံသေအခြေခံယုံကြည်ချက်နားလည်ထားရန် အဘယ်ကြောင့် လိုအပ်ပါသနည်း။

၂။         ဘုရားသခင်သည် မိမိအတွက်ရွေးချယ်ထားသောသူတို့အားဤလောကမှသီးသန့်ခွဲခြားထားကြောင်းသရုပ် ဖော်ချက် (၃)မျိုးကိုဖော်ပြပါ။

၃။         သမ္မာကျမ်းစာတွင်ဘုရားသခင်အတွက်သန့်ရှင်းစေသည်၊ သီးသန့်ခွဲခြားထားသည်ဆိုသောအရာ (၆)မျိုးကို ဖော်ပြပါ။ ကျမ်းညွှန်းအတိအကျပြပါ။

၎။         ပစ္စည်းများ၊ လူများကိုသန့်ရှင်းရာ၌တည်စေသည်ဆိုရာ၌မည်သို့ဆိုလိုပါသနည်း။

၅။         ပရောဖက်များ၊ တမန်တော်များတို့သည် သန့်ရှင်းသူများဖြစ်ကြောင်းဖော်ပြထားသောကျမ်းညွှန်း (၄)ချက်ကို ဖော်ပြလျက် ထိုအချက်များသည် မည်သည့်အရာကိုဖော်ညွှန်းနေကြောင်းရှင်းပြပါ။

၆။         သခင်ယေရှုခရစ်သည် မည်သို့သူတစ်ပါးနှင့်မတူထူးခြားစွာ စံပြဖြစ်လျက်ထိုအရာသည် ကျွန်ုပ်တို့အတွက် မည်ကဲ့သို့ စံနမူနာဖြစ်ကြောင်းဖော်ပြပါ။

၇။         ဘုရားသခင်သည် မိမိလူတို့အားသန့်ရှင်းလျက်အခြားသူတို့နှင့်မတူသီးသန့်ခွဲခြားထားရန်အျြမဲပင်ရည်ရွယ်ခဲ့ပါ သည်။ ဤအချက်မှန်ကန်ကြောင်းကို ဣသရေလလူမျိုးနှင့်ပတ်သက်၍သော်လည်းကောင်း၊ အသင်းတော်သို့ မဟုတ် ဓမ္မသစ်ခေတ်ယုံကြည်သူများနှင့် ပတ်သက်၍သော်လည်းကောင်းကျမ်းညွှန်း (၂)ချက်စီဖော်ပြပါ။

ဣသရေလ          -           (က)

(ခ)

အသင်းတော်       -           (က)

(ခ)

၈။         ခရစ်ယာန်များသည် ဘုရားသခင်အတွက် သီးသန့်ခွဲခြားထားသောသူ သန့်ရှင်းရာ၌တည်စေပြီဟု ကျေညာ သတ်မှတ်ခြင်းခံရသူ၊ သန့်ရှင်းသူများဖြစ်ကြောင်းဖော်ပြသော ကျမ်းညွှန်းအထောက်အထားအချို့ပြပါ။

၉။         ခရစ်ယာန်များအား သန့်ရှင်းကြရန် တိုက်တွန်းထားသော ကျမ်းချက်များကို ဖော်ပြပါ။

၁၀။       ကျွန်ုပ်တို့သည် လောကီညစ်ညမ်းမူများနှင့် အပြစ်များမှကင်းစင်စေခြင်းဌာ ဘုရားသခင်၏ နှုတ်ကပတ်တော် အားဖြင့်လည်းကောင်း၊ ခရစ်တော်ပြုခဲ့သော ပူဇော်သက္ကာအားဖြင့်လည်းကောင်း၊ ခမည်းတော်၊ သားတော်၊ သန့်ရှင်းသောဝိညာဉ်တော်သည် အတူတကွလုပ်ဆောင်ကြောင်းကို လိုရင်းတိုရှင်းဖော်ပြပါ။

၁၁။       ကျွန်ုပ်တို့သည် ယုံကြည်သူများအနေဖြင့် မိမိကိုယ်မိမိ လောကနှင့်ကင်းဝေးအောင်နေရန် ဤသင်ခန်းစာမှာ ဖော်ပြထားသောအရာ (၅)မျိုးကိုဖော်ပြပါ။

၁၂။       ခရစ်ယာန်လုပ်စားသူများထံမှ ရှောင်ရှားရန်အကြောင်းနှင့်ပတ်သက်၍ “စည်းကမ်းမလိုက်နာသူများ” နှုတ်က ပတ်တော်ကိုမနာခံသူများ၏အပေါ် ကျွန်ုပ်တို့ထားရှိရမည့်သဘောထားသည် မည်သို့နည်း။

၁၃။       ဓမ္မသစ်ကျမ်းစာတွင် “လောက” ဟူသော စကား၏အဓိပ္ပါယ် (၃)မျိုးကို ဖော်ပြထားသည်။ ထို(၃)မျိုးကို ဖော်ပြလျက် ဤသင်ခန်းစာတွင် အလေးပေးထားသော အချက်ကိုလည်းအမှတ်ပြထားပါ။

၁၄။       ဤလောကလူ့အဖွဲ့အစည်းနှင့်ပတ်သက်၍ဘုရားသခင်က (၄)မျိုးခွဲခြားထားသည်ကို သမ္မာကျမ်းစာက မည်သို့ဖော်ပြထားပါသနည်း။

၁၅။       ဤလောကအပေါ် ထားရှိဆက်ဆံအပ်သော အနေအထား (၁၁)ခုကို ဤသင်ခန်းစာတွင် ဖော်ပြထားပါသည်။ (၆)ခုတို့ကိုဖော်ပြလျက် ကျမ်းညွှန်းဖြင့်ပြပါ။

၁၆။       မိစ္ဆာအယူမှားယွင်းသောအယူ ဆိုသည်မှာအဘယ်နည်း။ မိစ္ဆာပရောဖက်မှားယွင်းသောသွန်သင်မှုကို ပေးသောအရာများအကြောင်းဖော်ပြသော ကျမ်းညွန်းသုံးခုကို ပြပါ။

က။        မိစ္ဆာအယူ            -

ခ။         မိစ္ဆာပရောဖက်      -

၁၇။       မိစ္ဆာအယူနှင့် မိစ္ဆာပရောဖက်တို့အပေါ်ခရစ်ယာန်တို့သည် မည်ကဲ့သို့သဘောထားရမည်နည်း။ ကျမ်းညွှန်း အများပေးပါ။

၁၈။       သီးသန့်ခွဲခြားထားသော အသက်တာရှိရန် လိုအပ်ကြောင်း အချက် (၇)ချက်ဖော်ပြပြီးဖြစ်ပါသည်။ ထိုအရာ များထဲမှာ သင့်စိတ်နှလုံးကို ထိတွေ့သောအချက် (၄)ချက်ကိုဖော်ပြပါ။

၁၉။       သီးသန့်ခွဲခြားနေခြင်းသည် တစ်သီးတစ်ခြားနေခြင်း Isolation မဟုတ်ကြောင်းဖော်ပြပါ။

၂၀။       သမ္မာကျမ်းစာအရ သီးခြားခွဲခြားခြင်းကို အနက်ဖွင့်ပါ။

အမည်၊   ____________________________                       ရက်စွဲ     _____________________________

လိပ်စာ၊  ____________________________

____________________________

____________________________

LESSONS FROM ROGMA INTERNATIONAL FREE BIBLE CORRESPONDENCE SCHOOL

Prepared by William S. H. Piper (D.D)

 

စာပေးစာယူ၊ အဝေးသင်ဒီပလိုမာကျမ်းစာသင်ခန်းစာများ