သင်ခန်းစာ အမှတ် (၁၆) ယုံကြည်သူ၏ ပကတိ (၂)မျိုး (BELIEVER'S TWO NATURE)


“နိဒါန်း”

ယုံကြည်ပါကြောင်းဆုံးဖြတ်ချက်ချ၍ မိမိအသက်တာကို သခင်ခရစ်တော်အား အပ်နှံထားခါစ ယုံကြည်သူ အမြောက်အများတို့သည် မိမိတို့အသက်တာကို အပ်နှံပြီးနောက် မကြာမီမှာပင် အံ့အားသင့်ခြင်း၊ မိမိကိုယ်မိမိအား မလိုအားမရဖြစ်ခြင်းတို့ဖြင့် စိတ်ပျက်လက်ပျက်ဖြစ်သွားကြရပါသည်။ အကြောင်းမှာ ခရစ်တော်ကိုလက်ခံခြင်းမပြုမီ မိမိ ကျင်လည်ခဲ့သောအကျင့်ဟောင်းများ၊ အားနည်းချက်များဖြင့် မိမိသည်ပြန်လည်၍စုံစမ်းခြင်း၊ ညှင်းပန်းနှိပ်စက်ခြင်း ကိုခံနေရသောကြောင့်ဖြစ်ပါသည်။ အဘယ်ကြောင့်နည်း၊ အဘယ်ကြောင့်ထိုတိုက်ပွဲသည် မပြီးနိုင်ပဲရှိနေရသနည်း။ အဘယ်ကြောင့်မိမိအတွင်းထဲတွင် မငြိမ်မ၀ပ်ရှိနေရပါသနည်း။ ထာဝရငြိမ်သက်မှုရရှိ၍လော။ ထိုတိုက်ပွဲကြီးကို မည်သည့်အခါအနိုင်ဖြင့် အဆုံးသတ်ရပါမည်နည်း။ ဤသင်ခန်းစာ၏ ရည်ရွယ်ချက်မှာ ထိုတိုက်ပွဲဖြစ်ရသည့်အကြောင်း ရင်းကိုဖော်ပြရန်နှင့် တိုက်ပွဲကိုမည်ကဲ့သို့ အနိုင်ယူရမည်ကိုသိရှိနိုင်ပါရန် ဖြစ်ပါသည်။


ဤသင်ခန်းစာအရေးကြီးပုံ

ဤကဲ့သို့ အံ့သြခြင်းစိတ်ပျက်ခြင်းများမကြုံတွေ့စေရန် မိမိအသက်တာကို ခရစ်တော်အားအပ်နှံ ခါစ လူတို့အားယုံကြည်သူ၏ ပကတိ(၂)မျိုးအကြောင်းကို ကောင်းမွန်စွာ သွန်သင်ဖော်ပြထားရန်လိုပါသည်။ ကယ်တင်ခြင်းရရှိပြီးနှစ်ပေါင်းများစွာ ကြာမြင့်ပြီးဖြစ်သော ခရစ်ယာန်ကြီးများပင်လျှင် ဤအချက်ကို ကျေညက်ရန် ခက်ခဲနေတတ်ပါသည်။ တစ်စုံတစ်ယောက်သောသူသည် ကယ်တင်ခြင်းသို့ ရောက်သောအခါ ထိုသူသည် သန့်ရှင်း စေခြင်းခံရပြီးဖြစ်၍ ယခင်ကအကျင့်များလွန်မြောက်လျက်ထိုသူသည် အပြစ်မပြုနိုင်တော့သောသူအဖြစ်သို့ ရောက်ရှိ သွားကြောင်းဖြင့် အချို့တို့သည် မှားယွင်းစွာ သွန်သင်ထားတတ်ပါသည်။ ဤအချက်သည် လူအချို့တို့အား မိမိကိုယ် ကိုသတ်သေစေလျက်အချို့တို့ကို စိတ္တဇရောဂါရရှိစေပါသည်။ အခြားတဖက်တွင် ယုံကြည်သူတိုင်း၌ ပကတိ(၂)မျိုး ရှိသည်ဟူသော သမ္မာကျမ်းစာ၏ သွန်သင်ချက်တွင်လည်း မည်သူကိုမျှအပြစ်မပြုလုပ်ရန် လိုင်စင်ထုတ်ပေးထားခြင်း မရှိကြောင်းတွေ့ရှိရပါသည်။ မိမိကိုယ်ကို မိမိအပြစ်၌ အသေဖြစ်ကြောင်း အသိအမှတ်ပြုလျက် ကိုယ်တော်ရှင်၏ ကယ်လွတ်ပိုင်သော တန်ခိုးတော်သည်လည်းကျွန်ုပ်တို့အတွက် အဆင်သင့်ရှိနေကြောင်း သိထားပြီးသန့်ရှင်းသော ၀ိညာဉ်တော်၏ အုပ်စိုးမှုဖြင့် အသက်ရှင်ခြင်းမရှိလျှင် ခရစ်ယာန်တို့သည် မိမိတို့ရင်ဆိုင်ရသော တိုက်ပွဲအကြောင်းကို လည်းကောင်း၊ ထိုတိုက်ပွဲသည် ဆက်လက်ဖြစ်ပွားနေကြောင်းကိုလည်းကောင်း မသိရှိနိုင်ကြပေ။ ထိုအကြောင်းကို ကျေညက်စွာသဘောပေါက်မှသာ အောင်ပွဲကို ရယူနိုင်မည်ဖြစ်ပါသည်။


သင်ခန်းစာ

၁။       လူသားတိုင်းသည် ပျက်စီးနေပြီးဖြစ်သော ခန္ဓာနှင့် မွေးဖွားလာလျက် အပြစ်ပြုတတ်သော ပကတိရှိပါသည်။

က။        မူလအရင်းအမြစ်

၁။         အစအဦး၌ ဘုရားသခင်သည် ပြီးပြည့်စုံသော ကမ္ဘာနှင့် ပြီးပြည့်စုံသောလူယောက်ျား၊ လူမိန်းမတို့ကို ဖန်ဆင်းတော်မူပါသည်။ ကမ္ဘာဦး ၁း၁၀၊ ၁၂၊ ၁၈၊ ၂၁ နှင့်၃၁။ တို့ကို သေချာစွာဖတ်ပါ။

၂။         ဘုရားသခင်သည် စက်ရုပ်ကိုမဖန်ဆင်းခဲ့ပါ။ အာဒံနှင့် ဧ၀ကိုမိမိဆန္ဒအလျောက်ရွေးတတ် သူများအဖြစ် ဖန်ဆင်းထားခဲ့ပါသည်။ ထိုသူတို့သည် မိမိတို့၏ ဖန်ဆင်းရှင်နှင့် နှုတ်ကပတ် တော် (စကား) ကိုပုန်ကန်ရန် ရွေးချယ်ခဲ့ပါသည်။ ကမ္ဘာ ၃း၁-၆ကိုဖတ်ပါ။

၃။         ထိုဖြစ်ရပ်၏ အကျိုးသက်ရောက်မှုအနေဖြင့် လောကကြီးထဲသို့ အပြစ်နှင့် သေခြင်း ၀င်ရောက်လာပါသည်။
က။ ရော ၅း၁၂     ဤအကြောင်းအရာဟူမူကား အပြစ်တရားသည် တစ်ယောက်သောသူ အားဖြင့် ဤလောကသို့ဝင်၍ အပြစ်တရားအားဖြင့် သေခြင်းတရားဝင်သည်နှင့်အညီ လူအပေါင်းတို့သည် အပြစ်ရှိသောကြောင့် သေခြင်းသို့ရေက်ရကြ၏။

၁ကော ၁၅း၂၂ လူအပေါင်းတို့သည် အာဒံအားဖြင့် သေခြင်းသို့ရောက်သည့်နည်းတူ-

၎။         အာဒံပြစ်မှားသော အပြစ်သည်လူသားမျိုးနွယ်ဆက်သို့သေခြင်းတရားဝင်စေလျက် အာဒံ ၏ အပြစ်ပြုတတ်သောပကတိနှင့် အပြစ်ကြောင့် ပျက်စီးတတ်သော ပကတိကိုပါ ရယူ ခံစားစေပါသည်။

က။        ရော ၃း၂၃- “အဘယ်ကြောင့်နည်းဟူမကား လူအပေါင်းတို့သည် ဒုစရိုက်ကိုပြု၍ ဘုရားသခင်ရှေ့တော်၌ အသရေပျက်ကြပြီ”

ခ။         ဟေရှာ ၅၃း၆ “ငါတို့ရှိသမျှသည် သိုးကဲ့သို့လမ်းလွဲလျက်၊ ကိုယ်လမ်းသို့ အသီးသီးလိုက်သွားကြသည်ဖြစ်၍”

ဂ။         ဟေရှာ ၆၄း၆ - ပြုဘူးသမျှသောကုသိုလ်ကောင်းမှုတို့သည် ညစ်သောအ၀တ်နှင့် တူကြ၏။

ချွင်းချက်မရှိကြောင်း တွေ့ရပါသည်။ ရော ၃း၉တွင် ရှင်ပေါလုက အကြောင်းမူကား ယုဒလူ၊ ဟေလသလူအပေါင်းတို့သည် အပြစ်ရှိကြောင်းကို အထက်ကပြခဲ့ပြီ။


၂။       လူတိုင်း၏ဇာတိပကတိနှင့် ပတ်သက်၍ ဘုရားသခင်၏အမြင်ကို သမ္မာကျမ်းစာက ရှင်းလင်းစွာ ဖော်ပြထားပါ သည်။

က။        ယေရမိ ၁၇း၉ - စိတ်နှလုံးသည် ခပ်သိမ်းသောအရာထက်စဉ်းလဲတတ်၏။ အလွန်ယိုယွင်းသော သဘောရှိ၏။

ခ။         ရော ၃း၉-၁၂ လူအပေါင်းတို့သည် အပြစ်ရှိကြောင်းပြခဲ့ပြီး - ဖြောင့်မတ်သောသူမရှိ၊ တစ်ယောက်မှမရှိ၊ နားလည်သောမရှိ ဘုရားသခင်ကိုရှာသောသူမရှိ၊ လူအပေါင်းတို့သည် လမ်းလွဲကြပြီ။ အသုံးမရသောသူဖြစ်ကြပြီကောင်းသောအကျင့်ကို ကျင့်သောသူမရှိ တစ်ယောက်မျှ မရှိ။

ဂ။         ယောဘ ၁၅း၁၆- သို့ဖြစ်လျှင် ရေကိုသောက်သကဲ့သို့ ဒုစရိုက်အပြစ်ကို သောက်လျက် ဆိုးညစ်ရွံ့ ရှာဖွယ်သောသတ္တ၀ါ၌ အဘယ်ဆိုဘွယ်ရှိသနည်း။

ဃ။        ဆာလံ ၁၄း၁-၃ ထိုသူတို့သည် ဆွေးမြေ့ယိုယွင်း၍ စက်ဆုပ်ဘွယ်သော အမှုကိုပြုတတ်ကြ၏။ ကောင်းသောအမှုကိုပြုတတ်သောသူတစ်ယောက်မျှမရှိ။

င။         ဧဖက် ၂း၁-၃။ သင်တို့သည် အထက်ကလောကီတရားသို့လိုက်၍ အာကာသကောင်းကင်၏ တန်ခိုး ကိုအစိုးရသောမင်းတည်းဟူသော ငြင်းဆန်သောသူတို့၌ ပြုပြင်သောဝိညာဉ်၏ အလိုနှင့်အညီ ဒုစရိုက်အပြစ်တို့၌ ကျင်လည်ကြ၍ ထိုဒုစရိုက်အပြစ်၌ သေလျက်နေသော သင်တို့ကိုယ်ပင်ဘုရား သခင်သည် အသက်ရှင်စေတော်မူပြီ ထိုငြင်းဆန်သောသူတို့နှင့်တကွ ငါတို့ရှိသမျှသည် အထက်က ကိုယ်ကာယ၏အလိုသို့၎င်း၊ စိတ်၏အလိုသို့၎င်း လိုက်သဖြင့် ကာမဂုဏ်၌ ကျင်လည်သည်ဖြစ်၍ ကြွင်းသောသူတို့ကဲ့သုိ့ပင် ပကတိအတိုင်း အမျက်တော်ကိုခံရသောသူဖြစ်ကြ၏။


၃။       အပြစ်ပြုတတ်သောလူသားတို့၏ ပကတိအားသမ္မာကျမ်းစာက အမည်နာမများပေးထားပါသည်။

က။        ဇာတိပကတိလူ                 ၁ကော ၂း၁၄

ခ။         ကိုယ်ကာယ                     ယော ၃း၆။ ရော ၁၃း၁၄။ ရော ၇း၂၅။

ဂ။         လူဟောင်း                       ဧဖက် ၄း၂၂။ ကော ၃း၉။ ရော ၆း၆

ဃ။        အာဒံအမျိုး                      ၁ကော ၁၅း၂၂၊ ရော ၅း၁၂

အာဒံအမျိုးဟု တိကျစွာမသုံးသော်လည်း အဓိပ္ပါယ်သက်ရောက်မှုရှိ၏။


၎။       ဆွေးမြေ့ယိုယွင်းသောလူသား၏ ဇာတိပကတိလက္ခဏာများကို ကျမ်းစာသည် အတိအကျဖော်ပြထားပါသည်။

က။        စဉ်းလဲတတ်၏။                 ယေရမိ ၁၇း၉

ခ။         ပုပ်ပျက်တတ်သည်            ဧဖက် ၄း၂၂။ ဆာလံ ၁၄း၁

ဂ။         ရှေ့ဦးစွာကပင်အပြစ်ရှိသည်။

၁။         ဆာလံ ၅၁း၅ ကျွန်ုပ်သည် မွေးစကပင်အပြစ်ပါလျက်ရှိပါ၏။ အမိဝမ်းထဲက ပဋိသန္ဓေ ယူစဉ်ကပင်အပြစ်စွဲပါ၏။

၂။         ဆာ ၅၈း၃           မတရားသောသူတို့သည် အမိဝမ်းထဲမှစ၍ရိုင်းသော သဘောရှိကြ၏။ မွေးကတည်းကလမ်းလွဲ၍ မုသာစကားကိုပြောတတ်ကြ၏။

၃။         ကမ္ဘာ ၈း၂၁ လူတို့သည် ငယ်သောအရွယ်မှစ၍ စိတ်နှလုံးအကြံအစည်ဆိုးကြ၏။

ဃ။        ဘုရားသခင်နှင့် ရန်ဘက်ပြုနေ၏။ ရော ၅း၁၀၊ ကော ၁း၂၁။ ယာ ၄း၎

င။         အသုံးမရသော မတတ်စွမ်းနိုင်သော ရော ၃း၁၂။ ယော ၆း၆၃။

စ။         မတတ်စွမ်းနိုင်သော အမှုသုံးမျိုးရှိသည်။

၁။         ဘုရားသခင်၏ တရားတော်အလိုသို့မလိုက်နိုင် ရော ၈း၇။ ပုန်ကန်နေသူဖြစ်သည်။

၂။         ဘုရားသခင်၏ စိတ်တော်နှင့်မတွေ့နိုင် ရော ၈း၈။ သန့်ရှင်းတော်မူသော ဘုရား၏ စိတ်နှလုံးရွှင်လန်းစေခြင်းငှာ ဇာတိပကတိသည် မတတ်နိုင်။

၃။         ဘုရာသခင်ကိုနားမလည်နိုင် ၁ကော ၁၂း၁၄။ ဇာတိပကတိသည် ၀ိညာဉ်နှင့်ပတ်သက် သောအရာများတွင် အကန်းဖြစ်ပါသည်။ ၁ကော ၂း၁၁။

ဆ။        ထိုအကျိုးဆက်ကြောင့်၊ ခရစ်တော်မပါသောလူသားတိုင်းသည် ပျောက်ဆုံးနေသူများသာဖြစ်ပါ သည်။ (ဟေရှာ ၅၃း၆) အပြစ်စီရင်ခြင်း (သေဒါဏ်ပေးခြင်း) ခံရပြီးသူများဖြစ်ပါသည်။ ယော ၃း၁၈ ဘုရားသခင်၏ အမျက်တော်ကိုခံရသူဖြစ်ပါသည်။


၅။       သို့သော် ။        ။ ခရစ်တော်သည် လူသားတိုင်းတို့အား အသက်တာသစ်၊ ပကတိအသစ်တည်းဟူသော ၀ိညာဉ်ပကတိကို ပေးရန်ကြွလာတော်မူပြီးဖြစ်၍ “ဟာလေလုယ”ဟု ကြွေးကြော်နိုင်ပါပြီ။

က။        ၂ပေ ၁း၎ “ဘုရားပကတိကိုဆက်ဆံရသောသူဖြစ်စေ” တော်မူပြီ။

ခ။         ထို “ဘုရားပကတိ”သည် ခရစ်တော်၏ ပကတိပင်ဖြစ်ပါသည်။

၁။         ၂ကော ၅း၁၇ လူမည်သည်ကား ခရစ်တော်၌ရှိလျှင် အသစ်ပြုပြင် (ဖန်ဆင်း)သော သတ္တ၀ါဖြစ်၏။

၂။         ဂလာ ၂း၂၀ သို့သော် အသက်ရှင်သေး၏ …. ခရစ်တော်သည် ငါ၌ ရှင်တော်မူ၏။

၃။         ရော ၁၃း၁၄ သခင်ယေရှုခရစ်ကိုယူတင် ၀တ်ဆင်ကြလော့။

ဂ။         ခရစ်တော်သည် ဤလာကသို့ကြွလာသည်မှာ မိမိ၌ရှိသောအသက်ရှင်ခြင်းကို လူတို့အားပေးရန် ဖြစ်ပါသည်။

၁။         ယော ၁၀း၁၀ အထူးသဖြင့် အသက်နှင့် ပြည့်စုံစေခြင်းငှာ ငါလာသတည်း။

၂။         ၁ယော ၅း၁၂ သားတော်ကိုရသောသူသည် အသက်ကိုရ၏။

၃။         ဧ ၃း၁၇ ယုံကြည်ခြင်းအားဖြင့် ခရစ်တော်သည် သင်တို့စိတ်နှလုံး၌ ကျိန်းဝပ်တော်မူ၏။

၎။         ကော ၃း၃ ငါတို့အသက်တည်းဟူသော ခရစ်တော်သည် ထင်ရှားပေါ်ထွန်းသောအခါ

ဃ။        ကျွန်ုပ်တို့၏ လူဟောင်းတည်းဟူသော အပြစ်ရှိသည့် ဇာတိပကတိနှင့် ဆန့်ကျင်လျှက် ခရစ်တော်၏ အသက်သည် ကျွန်ုပ်တို့အထဲ၌ ကျိန်းဝပ်လျက် ထိုအသက်သစ်ကို လူသစ်ဟုခေါ်သည်။

၁။         ကော ၃း၁၀ မှန်သောပညာအားဖြင့် အသစ်ပြုပြင်သောလူသစ်ကို ယူတင်ဝတ်ဆောင် သောသူဖြစ်ကြ၏။

၂။         ဧ ၄း၂၄ မှန်သောဖြောင့်မတ်ခြင်းသန့်ရှင်းခြင်းပါရမီအားဖြင့်ဘုရားသခင်နှင့်အတူအမျှ ဖန်ဆင်းသောလူသစ်ကိုယူတင်ဝတ်ဆောင်မည့်အကြောင်း

င။         ထို့ကြောင့် မိမိအပြစ်ကို နောင်တရ၍ ခရစ်တော်အား မိမိအရှင်သခင်နှင့် ကယ်တင်ပိုင်ရှင်အဖြစ် ယုံကြည်လက်ခံသောသူသည် လုံးဝအသစ်ဖြစ်သောဘုရားပကတိဖြစ်သော ပကတိကို ပိုင်ဆိုင် သူဖြစ်လာပါသည်။ ထိုအသက်သည် ခရစ်တော် ကိုယ်တိုင်၏အသက်ဖြစ်၍ သန့်ရှင်းသောဝိညာဉ် တော်သည် ယုံကြည်သူအား ခွဲဝေပေးအပ်ခြင်းဖြစ်ပါသည်။ ဤအရာသည် ဒုတိယမွေးခြင်း၊ အသစ် သော မွေးဖွားခြင်း၏ ဆိုလိုရင်းဖြစ်ပါသည်။ ယော ၁း၁၂။ ၃း၃-၈။ ၁ပေ ၁း၂၃။


၆။       ခရစ်တော်ကြွလာ၍ ဘုန်းကြီးသောကိုယ်ခန္ဓာကို ကျွန်ုပ်တို့မရမချင်းဇာတိပကတိနှင့် ၀ိညာဉ်ပကတိသည် အစဉ်ပြိုင်လျက်တိုက်ခိုက်နေကြမည်ဖြစ်ကြောင်း သမ္မာကျမ်းစာကဖော်ပြထားပါသည်။

က။        လူသည် မိမိဇာတိပကတိတည်းဟူသော လူဟောင်းအပြစ် ပကတိမှ ကင်းလွတ်မည်ဟု မည်သည့် အခါ သမ္မာကျမ်းစာသည် မသွန်သင်ခဲ့ပါ။

၁။         သန့်ရှင်းစေခြင်း၊ ၀ိညာဉ်တော်နှင့် ပြည့်ဝစေခြင်း၊ သန့်ရှင်းသောဝိညာဉ်တော်၌ နှစ်ခြင်းခံ ခြင်း၊ လုံးဝဥဿုံဆက်ကပ်ခြင်းအားဖြင့် လူဟောင်းပကတိနှင့် ကွင်းလွှတ်သည်ဟု သွန်သင်မှုများမှာ အတုသာဖြစ်ပါသည်။ ထိုသွန်သင်ချက်သည် ကျမ်းစာအရ မဟုတ်သည် သာမက အခြေအမြစ်မရှိ၊ စိတ်ဓါတ်ပျက်ပြားစေတတ်သည်။ ပျက်စီးခြင်း လမ်းသို့ပို့ဆောင် တတ်သည်။

၂။         “နှလုံးသားပြောင်းလဲသည်”ဟူသော စကားကိုကျမ်းစာတွင် မတွေ့ရပါ။

၃။         ကျွန်ုပ်တို့၏ ဇာတိပကတိသည် အသစ်ပြုပြင်သည် ပိုမိုသန့်ရှင်းသည်။ မွမ်းမံသည်။ တိုးတက်လာသည်။ ဤကျမ်းစာသည် မည်သည့်အခါမျှ အရိပ်အမြွက်ပင်မပြဘူေးချ။

၎။         ထိုအကြောင်းကြောင့် ထိုဇာတိပကတိကို ခရစ်တော်နှင့်အတူ လက်ဝါးကပ်တိုင်၌ ရိုက်သတ် လျက် (ရော ၆း၆) ကျွန်ုပ်တို့သည်လည်း ဖာတိပကတိသေပြီဟု ယုံကြည်ခြင်း အားဖြင့် မှတ်ယူထားရပေသည်။ (ရော ၆း၁၁)

ခ။         တိုက်ပွဲသည် ရှိနေသေးကြောင်းသတိပြုပါ။

၁။         ရော ၇း၁၅-၂၅ ငါသည် ကိုယ်ကျင့်သောအကျင့်ကို မနှစ်သက်၊ ကျင့်ချင်သောအကျင့်ကို မကျင့် ရွံ့ရှာသောအကျင့်ကိုကျင့်၏။ ထိုမကောင်းသောအကျင့်ကို ငါကိုယ်တိုင်ကျင့်သည် မဟုတ်၊ ငါ့အထဲ၌ရှိသော အပြစ်တရားသည်ကျင့်၏။ ငါ့အထဲ၌ ဇာတိပကတိ၌ ကောင်း သောအရာတစ်စုံတစ်ခုမျှမတည်မရှိသည်ကို ငါသိ၏။ ထိုသို့ကောင်းသောအကျင့်ကို ကျင့်ချင်သောအခါ မကောင်းသောအကျင့်ကိုကျင့်စေတတ်သော တရားကို ငါတွေ့၏။ ဤ ကျမ်းပိုဒ်ကိုအစအဆုံး သေချာစွာဖတ်ပါ။ ဆုတောင်းခြင်းဖြင့်ဖတ်ပါ။ မိမိအသက်တာအခြေ အနေကို မည်ကဲ့သို့ဖော်ပြနေကြောင်း သတိပြုပါ။

မှတ်ချက် ။           ။ ရော ၈း၂ သည် အောင်မြင်ခြင်း၏ မူလကိုဖော်ပြသကဲ့သို့ ရောမ (၇)သည် အမှန်ယုံကြည်သူ တစ်ဦး၏ စိတ်နှလုံးထဲတွင် အစဉ်ဖြစ်ပွားနေသော တိုက်ပွဲ၏ သရုပ်ကို ဖော်ပြနေခြင်းဖြစ်ပါသည်။

၂။         ဂလာတိ ၅း၁၇- ဇာတိပကတိနှင့် ၀ိညာဉ်ပကတိသည် တစ်ပါးနှင့်တပါး ဆန့်ကျင်ဖက် အလို ရှိကြ၏။ တစ်ပါးနှင့်တစ်ပါး ဆန့်ကျင်ဖက်ဖြစ်၍ သင်တို့သည် ကျင့်ချင်သော အကျင့်ကိုမကျင့်နိုင်ကြ။ ပြဿနာမှ ယုံကြည်သူတိုင်း၏အထဲ၌ ဆန့်ကျင်ဖက်ပကတိ ရှိ သော အရာနှစ်ပါးသည် တည်ရှိလျက် ထိုပကတိနှစ်ပါးသည် တစ်ပါးနှင့်တစ်ပါး အမြဲ တိုက်ပွဲဝင်နေကြခြင်းဖြစ် ပါသည်။ မေးခွန်းမှာ ယုံကြည်သူသည် အောင်နိုင်မည် လော။ ငြိမ်သက်ခြင်းရနိုင်ဦးမည် လော။ တိုက်ပွဲတွင်အောင်နိုင်ခြင်း ရနိုင်မည်လော။

၇။       ဟာလေလုယာဟုကြီးစွာသောအသံနှင့် အောင်နိုင်ပြန်ပါပြီ။

က။        ဤတိုက်ပွဲတွင် ၀င်ရန်ယုံကြည်သူတစ်ဦးတည်းကိုသာ ထားရစ်ခဲ့သည်မဟုတ်ပါ။ သခင်ယေရှုခရစ် ကိုယုံကြည်သူတို့၏အထဲတွင် ထိုသူနှင့်အတူ သန့်ရှင်းသော ၀ိညာဉ်တော်သည် လာရောက် ကျိန်းဝပ်တော်မူပါသည်။

(၁)        ယော ၁၄း၁၆-၁၇
(၂)        ရော၈း၁၁၊ ၁၅၊ ၁၆                       
(၃)        ဂလာ ၄း၆          
(၄)        ရော ၈း၉ ဤကျမ်းချက်များ သေချာစွာ ဖတ်ပြီးလေ့လာပါ။

ခ။         ကျွန်ုပ်တို့ရရှိသည့် သန့်ရှင်းသောအသက်တာကို ထိတွေ့ခံစားရစေသူမှာ သန့်ရှင်းသောဝိညာဉ် တော်ဖြစ်လျက် အပြစ်အုပ်စိုးသောအသက်တာမှ သန့်ရှင်းသော ၀ိညာဉ်တော်သည် တန်ခိုးတော် အားဖြင့် လွှတ်မြောက်စေပါသည်။

၁။         ရော ၈း၂။ ယေရှုခရစ်၌ တည်၍ အသက်ရှင်စေသောဝိညာဉ်တော်၏တရားသည် အပြစ် တရား၏လက်မှလည်းကောင်း၊ သေခြင်းတရား၏လက်မှလည်းကောင်း၊ ငါ့ကိုကယ်လွှတ် ပြီ။

၂။         ယော ၆း၆၃ ၀ိညာဉ်သာလျှင် အသက်ရှင်စေ၏။ အသက်လည်းဖြစ်၏။

၃။         ရော ၈း၎- အကြောင်းမူကား၊ ဇာတိပကတိအတိုင်း မကျင့်ဝိညာဉ်ပကတိအတိုင်းကျင့် သော ငါတို့သည် တရား၌ပါသောပညတ်တို့ကို စောင့်ရှောက်မည်အကြောင်းတည်း။

(၄)        ဂလာ ၅း၁၆ - ၀ိညာဉ်ပကတိအတိုင်းကျင့်ကြလော့။ ထိုသို့ကျင့်လျှင် ဇာတိပကတိ၏ အလိုသို့မလိုက်ပဲနေကြလိမ့်မည်။

မှတ်ချက်။            ။ သန့်ရှင်းသော ၀ိညာဉ်တော်သည် မိမိနှင့်အတူရှိနေကြောင်းကိုသိရှိလျှက် မိမိ၏နေ့စဉ်အသက်တာကို သန့်ှရှင်းသောဝိညာဉ်တော်၏ တန်ခိုးတော်ပေါ်၌တည်မှီနေစေသော အခါယုံကြည်သူသည် အောင်မြင်သောအသက်တာကိုရလာပါသည်။ စုံစမ်းခြင်းပေါ်ပေါက်လာသော အခါ ထိုသူသည် “ဇာတိပကတိ၏အလိုသို့မလိုက်ဘဲနေလိမ့်မည်” ထိုမျှမက ၀ိညာဉ်တော်၏ အကျိုး (အသီး) ကိုးပါးသည်ထင်ရှားပါလိမ့်မည်။ ဂလာ ၅း၁၇-၂၅ ကိုဖတ်ပါ။


၈။       လူ၏သဘာဝနှင့် လူ၏ဇာတိသဘောပေါ်အနိုင်ရစေနိုင်သော နောက်ထပ်တန်ခိုးအာဏာများလည်းရှိပါသည်။

၁။       ဘုရားသခင်၏နှုတ်ကပတ်တော်တန်ခိုး

က။        ယော ၁၇း၁၇ သမ္မာတရားအားဖြင့် သူတို့ကို သန့်ရှင်းစေတော်မူပါ။

ခ။         ဧ ၅း ၂၇ နှုတ်ကပတ်တော်ရေ၌ ဆေးကြောခြင်းအားဖြင့် သန့်ရှင်းစင်ကြယ်စေမည့် အကြောင်း

ဂ။         ဆာ ၁၉း၉း၁၁      လူပျိုသည်မိမိသွားသောလမ်းကို အဘယ်သို့သန့်ရှင်းစေနိုင်ပါမည်နည်း ဟူမူကားနှုတ်ကပတ်တော် အတိုင်းသတိပြုရမည် ကိုယ်တော်ကိုမပြစ်မှားဘဲ နေနိုင်မည့် အကြောင်း ဗျာဒိတ်တော်ကိုနှလုံးထဲမှာ သိုထားပါပြီ-

ထို့ကြောင့် ကျမ်းစာဖတ်ခြင်း၊ လေ့လာခြင်း၊ နှုတ်ကပတ်တော်နှင့်မိမိအသက်တာကို ချိန်ညှိခြင်းသည် အပြစ် အပေါ်အောင်မြင်စေသော အင်အား၏ ကြီးသည့်တန်ခိုးတစ်ပါးဖြစ်ပါသည်။

၂။       ခရစ်တော်၏ အသွေးတော်တန်ခိုး

က။        ၁ယော ၁း၇ - ငါတို့အပြစ်ရှိသမျှကို ဆေးကြောတော်မူ၏။

ခ။         ဟေဗြဲ ၁၀း၂၀- ရွေးနုတ်ကယ်တင်တော်မူခြင်းနှင့် အသွေးတော်၏ တန်ခိုးကြောင့် အတားအဆီးမရှိ ဘုရားသခင်ထံတော်သို့တိုက်ရိုက်ဝင်ခွင့်ရကြပါသည်။ မည်မျှကြီးမြတ် သော အောင်မြင်ခြင်း၏ အမြစ်မူလ ပါနည်း။

ဂ။         ဗျာ ၁၂း၁၁- အသွေးတော်အားဖြင့် အောင်မြင်ခြင်းကိုရရှိပါသည်။ ယခုလေ့လာသော အရာသည် စာတန်အကြောင်းမဟုတ်ပါ။ သို့သော် စာတန်သည် ကိုယ်ကာယနှင့် ဇာတိပကတိကို သွေးဆောင်သည်ဖြစ်၍ သခင်ယေရှုခရစ်၏အသွေးတော်ဖြင့် တွန်းလှန် နိုင် ပါသည်။


၃။       ဆုတောင်းခြင်းတန်ခိုး

က။        ယာကုပ် ၅း၁၆ အရှိန်ကြီးသောပဌနာသည် အလွန်တန်ခိုးပါ၏။

ခ။         ဖိလိပ္ပိ ၄း၆ -၇ ဆုတောင်းခြင်းသည် ပူပန်ခြင်းနှင့် ကိုယ်ကာယတပ်မက်ခြင်းကို ဖယ်ရှား ၏။ ငြိမ်သက်ခြင်းကို ဖြစ်ထွန်းစေပါသည်။

ဂ။         ယာ ၄း၂ သင်တို့သည် ဆုမတောင်းသောကြောင့် မရကြ။

ဃ။        လု ၁၈း၁ လူတို့သည် အားမလျော့ပဲ ကြိုးစား၍ ဆုတောင်းရမည်။

င။         ၁သက် ၅း၁၇ မခြားမလပ်ဆုတောင်းကြလော့။

စ။         ဆုတောင်းခြင်းသည် ဘုရားသခင်၏တန်ခိုးတော်ကို ထွက်စေလျက် ကျွန်ုပ်တို့၏ အသက်တာတွင် သန့်ရှင်းသော ၀ိညာဉ်တော်ကို လှုပ်ရှားဆောင်ရွက်စေပါသည်။ မဿဲ ၂၁း၂၂၊ ရော ၈း၂၆း၂၇ ကို ဖတ်ပါ။


၎။       နောက်ဆုံးထင်မှတ်ရန်အချက် (၂)ချက်ရှိပါသည်။

က။        ခရစ်တော်သည် လက်ဝါးကပ်တိုင်ပေါ်တွင် အသေခံစဉ် ကျွန်ုပ်တို့၏ ပျက်စီးယိုယွင်းသော လူဟောင်းတည်းဟူသော အာဒံခန္ဓာသည် ခရစ်တော်နှင့်အတူ လက်ဝါးကပ်တိုင်မှာ အသေသတ်ခြင်းကိုခံရပြီ။ ရော ၆း၆။

ခ။         သခင်ခရစ်တော်ကို ယုံကြည်ခြင်းဖြင့်လက်ခံပြီး အပြစ်ဖြေလွှတ်ခြင်းနှင့် ထာဝရအသက်ကို ခရစ်တော်လက်ခံကြသကဲ့သို့ ကျွန်ုပ်တို့၏ လူဟောင်းနှင့် ဇာတိပကတိသည် ခရစ်တော် နှင့်အတူ လက်ဝါးကပ်တိုင်မျာ ရိုက်ထားလျက်အသေခံပြီဟု ယုံကြည်ခြင်းဖြင့် လက်ခံရမည်။ ရောမ ၆း၁၀ အပြစ်တရားနှင့်ဆိုင်သော အရာ၌ကား အသေဖြစ်သည်ဟု အမှန်ထင်မှတ်လော့။

ဂ။         ဂလာ ၂း၂၀- ငါသည်ခရစ်တော်နှင့်အတူ လက်ဝါးကပ်တိုင်မှာ အသေခံပြီ

ဂလာ ၅း၂၄ - ခရစ်တော်နှင့်စပ်ဆိုင်သောသူတို့သည် ဇာတိပကတိကိုလည်းကောင်း၊ ဇာတိပကတိစိတ်များနှင့် အလိုဆန္ဒများကိုလည်းကောင်း လက်ဝါးကပ်တိုင်မှာ ရိုက်ထားကြပြီ။

မှတ်ချက်။            ။ ရောမ ၆း၁၁ တွင်ထင်မှတ်လော့ဟူသော စကားသည် အစစ်အမှန်အဖြစ် အပျက်ဖြစ်၍ ထိုအတိုင်းလက်ခံကျင့်သုံးရန် ဆိုလိုပါသည်။

ဂ။         ထို့ကြောင့်ဇာတိပကတိသည် ခရစ်တော်နှင့်အတူ အသေခံပြီးဖြစ်၍သေပြီဟု ခံယူပြီး ညစ်ညမ်းသောအ၀တ်ကိုချွတ်၍ သစ်လွင်သော အငတ်သစ်ကို ၀တ်ဆင်သကဲ့သို့ ဇာတိကို ချွတ်ပယ်၍ ခရစ်တော်၌ ထိုဇာတိပကတိကိုနေရာပေးရန်မရှိတော့ပါ။

ဃ။        အထက်ဆိုခဲ့ပြီးသောအရာများသည် မရှိတော့ဟူသော ခံယူချက်မှ ဖြစ်ပါသည်။ ရှိသည့်ဘက်မှကြည့်လျှင် “ဘုရားသခင်နှင့်ဆိုင်သောအရာ၌ကား သခင်ယေရှုခရစ်အာဖြင့် အသက်ရှင်သည်ဟူ၍၄င်း ထင်မှတ်ကြလော့” ရော ၆း၁၁။

မှတ်ချက်။            ။ ဘုရားသခင်သည် ကျွန်ုပ်တို့အား ခရစ်တော်၌ အသက်ရှင်စေတော်မူပြီး၊             (ဧ ၂း၂) ကျွန်ုပ်သည် ဘုရားသခင်နှင့် ဆိုင်သောအရာ၌ အသက်ရှင်နေသည်ဟု ယုံကြည်ခြင်းအား ဖြင့်လက်ခံထားရပါမည်။ ဤသို့ဆိုရာတွင် ဘုရားသခင်သည် ကျွန်ုပ်တို့အားဖြင့်လည်းကောင်း၊ ကျွန်ုပ်တို့၌လည်းကောင်းလုပ်ချင်သမျှကိုလုပ်၍ ရစေရန် အသက်ရှင်ခြင်း၊ ခိုင်းသမျှလုပ်၍ပေးသမျှ ယူခြင်း၊ အစေခံရန်အသင့်ရှိနေခြင်းစသည်များဖြစ်ပါသည်။

င။         ဤထင်မှတ်ခြင်း (၂)ရပ်ကြောင့် ဘုရားသခင်သည် ကျွန်ုပ်တို့၏အသက်တာတွင် အစဉ်ရှိ နေကြောင်း ခရစ်တော်၏ အသက်နှင့် တန်ခိုးတော်သည် ကျွန်ုပ်တို့အားလည်းကောင်း၊ ကျွန်ုပ်တို့မှ တစ်ဆင့်အစဉ်စီးဆင်းနေကြောင်းနှင့် သန့်ရှင်းသောဝိညာဉ်တော်သည် အပြစ်နှင့်သေခြင်းတရား၏ လက်မှ ကျွန်ုပ်တို့ကို အစဉ်ကယ်လွှတ်တော်မူကြောင်းကိုသိရှိစေပါသည်။


၉။       နိဂုံးချုပ်

ထို့ကြောင့်မည်မျှပင် ဆက်ကပ်သော ခရစ်ယာန်ပင်ဖြစ်စေ မိမိအတွင်း၌ ထိုတိုက်ပွဲ၏ ရန်မှကင်းလွတ် ခြင်းမရှိပါ။ ခရစ်တော်သည် အသွေးတော်အားဖြင့် ကျွန်ုပ်တို့ကိုဆေးကြောလျက် ခမည်းတော်ထံသို့ တိုက်ရိုက် ၀င်ရသောအခွင့်ကိုပေးမြဲပေးနေပါသည်။

ကျွန်ုပ်တို့ဝိညာဉ်ဖြင့်ဆုတောင်းတိုင်းတွင်လည်း ဘုရားသခင်၏ တန်ခိုးတော်သည် ထွက်လာမြဲဖြစ်သည်။ ဘုရားသခင်၏ ဆေးကြောပိုင်သောနှုတ်ကပတ်တော်ကို ကျွန်ုပ်တို့ဖတ်သည့်အခါတိုင်း ကျွန်ုပ်တို့ကို သန့်ရှင်းစေမြဲ ဖြစ်သည်။ ကျွန်ုပ်တို့လူဟောင်းသည် ခရစ်တော်နှင့်အတူ လက်ဝါးကပ်တိုင်မှာ အသေခံပြီဟု ထင်မှတ်နေနိုင်သမျှ ကာလပတ်လုံး၊ ၀ိညာဉ်တော်၌ ကျွန်ုပ်တို့အသက်ရှင်နေနိုင်သမျှ ကာလပတ်လုံး ထိုကြီးမြတ်သော အောင်ခြင်းသည် ကျွန်ုပ်တို့မမိတ်မသုန်ရယူမည့်အောင်မြင်မှုပင်ဖြစ်တော့သည်။

တိုက်ပွဲကိုအောင်ပြီးဖြစ်သည်။ ငြိမ်သက်ခြင်းဝမ်းမြောက်ခြင်းသည် သင်ရယူလိုလျှင် သင့်အတွက်ပင်ဖြစ် သည်။ ခရစ်တော်သည် ကျွန်ုပ်တို့၏ အပြစ်များအတွက်သာမက အပြစ်ပြုတတ်သောဇာတိပကတိအတွက်ပါ အသေခံ တော်မူခဲ့ပြီ။

အောင်ပွဲခံလော့ “သေပြီးသောအသက်ရှင်သူ” အဖြစ်မိမိကိုယ်ကိုခံယူလော့ (ရော၊ ၁၂း၁) မခြားမလပ် ဆုတောင်းကြလော့။ သန့်ရှင်းသောဝိညာဉ်တော်သည် သင့်ကိုလုံးဝအုပ်စိုးပါစေ။ သေခြင်းကိုအောင်မြင်သော တန်ခိုးကိုစွဲကိုင်လော့ (ရော ၆း၎) ခရစ်တော်၌ သင်ရယူရန်ရှိသောအရာများကို ရယူပိုင်ဆိုင်လျက် “ဘုရားသခင်နှင့် စပ်ဆိုင်သောအရာ၌ အသက်ရှင်လော့” ရှင်ပေါလုပြောသကဲ့သို့ “ငါသည်ကိုယ်တိုင်မရှင်” “ခရစ်တော်သည်ငါ၌ ရှင်တော်မူ၏”ဟု ပြောပါ (ဂလာ ၂း၂၀)

မှတ်ချက်။            ။ ဤသင်ခန်းစာကို ဘုရားသခင်သည် ဘိသိတ်ပေးလျက် သင်၏အသက်တာတွင် အထူးကောင်းချီး မင်္ဂလာဖြစ်စေပါမည့်အကြောင်း ကျွန်ုပ်ဆုတောင်းပါသည်။


မေးခွန်းများ

၁။         ယုံကြည်သူဖြစ်လာခါစများသည် ပကတိ(၂)မျိုးနှင့် ဆိုင်သောအမှန်တရားကိုသိထားရန် အဘယ်ကြောင့် အရေးကြီးပါသနည်း။

၂။         ဤအမှန်တရားကိုမသိသေးသောယုံကြည်သူများအနေဖြင့် လုံးဝဖြစ်မလာနိုင်သောအရာကားအဘယ်နည်း။

၃။         လူ၏မူလဇစ်မြစ်ကို အတိုကောက်ဆွေးနွေးပါ။

၎။         အာဒံ၏အပြစ်ကြောင့်ဖြစ်လာသော ၀မ်းနည်းစရာများသည် မည်သည့်အရာများနည်း။ အသေးစိတ်ကြည့်ပါ။

၅။         လူ၏ဇာတိနှင့်ပတ်သက်၍ ဘုရားသခင်၏သုံးသပ်ချက်ကိုဖော်ပြသော ကျမ်းချက်အနည်းဆုံး (၃)ချက်ရေးပါ။

၆။         လူ၏အပြစ်ပြုတတ်သောဇာတိကျမ်းစာက မည်ကဲ့သို့ခေါ်ဝေါ်ထားကြောင်း အမည်(၃)ခုကိုဖော်ပြပါ။

၇။         လူတို့၏ဇာတိပကတိလက္ခဏာအနည်းဆုံး (၄)မျိုးကိုဖော်ပြပါ။

၈။         လူ၏အသွေးအသားလုံးဝမတတ်နိုင်သောအရာ (၃)ခုကိုပြပါ။ ထိုအရာများသည် အသက်တာသစ်ကို မရှိမဖြစ်လိုအပ်စေပါသည်။

၉။         မည်သူမဆို ယုံကြည်လျှင် လုံးဝအသစ်သောအသက်တာကိုရရှိနိုင်ကြောင်းဖော်ပြထားသော ကျမ်းညွှန်းအ နည်းဆုံး (၃)ချက်ကိုဖော်ပြပါ။

၁၀။       ခရစ်တော်သည် မိမိအသက်ကိုပေးအပ်ရန် ဤလောကသို့မည်ကဲ့သို့ကြွလာတော်မူကြောင်း၊ ထိုအသက်ကို မည်ကဲ့သို့ကျွန်ုပ်တို့ရယူနိုင်ကြောင်းနှင့် ထိုအသက်ကိုမည်ကဲ့သို့အသုံးပြုရန်ဖြစ်ကြောင်း အကျဉ်းဆွေးနွေးပါ။ ကျမ်းညွှန်းပေးပါ။

၁၁။       ယုံကြည်သူ၏ ဇာတိပကတိနှင့် ပတ်သက်၍ လူတို့သည်မည်သို့မှားယွင်းစွာ သွန်သင်တတ်ပါသနည်း။ ကျမ်းစာကမည်ကဲ့သို့ရှင်းလင်းစွာဖြေကြားထားပါသနည်း။

၁၂။       ရော ၇း၁၅-၂၅ နှင့် ဂလာ ၅း၁၇ တွင်ဖော်ပြထားသော တိုက်ပွဲကိုသတိမူလျက် သင်၏ကိုယ်တွေ့ဝိညာဉ် အတွေ့အကြုံတွင်မည်ကဲ့သို့ထင်ဟပ်ကြောင်းဖော်ပြပါ။

၁၃။       သန့်ရှင်းသောဝိညာဉ်တော်အားဖြင့်လူဟောင်းဇာတိကိုအနိုင်ယူကြောင်း ကျမ်းညွှန်း(၂)ချက်ပေးပါ။

၁၄။       လူဟောင်းဇာတိပေါ်အောင်ပွဲခံစေသော သန့်ရှင်းသောဝိညာဉ်တော်အပြင် အခြားအင်အားသုံးပါးကိုဖော်ပြပါ။ တစ်မျိုးလျှင် ကျမ်းညွှန်း (၂)ခုဖော်ပြပြီး မိမိအသက်တာနှင့် ဆက်စပ်မှုကိုဖော်ပြပါ။

၁၅။       ရော ၆း၃၁တွင် “ထင်မှတ်”ဟူသောစကားသည် မည်သို့ဆိုလိုပါသနည်း။

၁၆။       မရှိတော့ဟူသော ခံယူချက်နှင့်ရှိနေသည်ဟူသော ခံယူချက် နှစ်မျိုးဖြင့် ကျွန်ုပ်တို့၏ ထင်မှတ်ချက်(၂)ရပ်ကို ဆွေးနွေးပါ။ ကျွန်ုပ်တို့အနေဖြင့် ဆောင်ရွက်ရမည့် အလုပ်များ၊ ထိုသို့ဆောင်ရွက်ပါက အကျိုးသက်ရောက်မှု မည်သည့်အခါပြုလုပ်ရမည်စသည်များဆွေးနွေးပါ။

၁၇။       ဤသင်ခန်းစာနှင့် ပတ်သက်၍ စာတမ်းတစ်စောင်ရေးပါ။


LESSONS FROM ROGMA INTERNATIONAL FREE BIBLE CORRESPONDENCE SCHOOL

Prepared by William S. H. Piper (D.D)


စာပေးစာယူ၊ အဝေးသင်ဒီပလိုမာကျမ်းစာသင်ခန်းစာများ