ဘုရားသခင်ကို မည်ကဲ့သို့ ၀မ်းမြောက်စေမည်နည်း။ (အပိုင်း-၂) သင်ခန်းစာ(၁၆) Lesson # 16 How to Enjoy God (part 2)


အန်ဒရူး

သော့ချက်ကျမ်းပိုဒ်၊ ၁သက်သာလောနိတ် ၅း၉-၁၀
ဖတ်ရန်ကျမ်းပိုဒ်၊  လုကာ ၂၃း၃၃၊၃၄

သော့ချက်ကျမ်းပိုဒ်၊ ၁သက်သာလောနိတ် ၅း၉-၁၀

အမျက်တော်ကို ခံစေခြင်းငှါ ဘုရားသခင်သည် ငါတို့ကို ခန့်ထားတော်မူသည်မဟုတ်။ ငါတို့သခင်ယေရှုခရစ် အားဖြင့် ကယ်တင်ခြင်းကို ခံရစေခြင်းငှါ ခန့်ထားတော်မူ၏။ -ငါတို့သည် နိုးလျက်ရှိသည်ဖြစ်စေ၊ အိပ်ပျော်သည် ဖြစ်စေ၊ ထိုသခင်နှင့်အတူ အသက်ရှင်မည်အကြောင်း၊ ငါတို့အဘို့ အသေခံတော်မူပြီ။

 

ချစ်မိတ်ဆွေ၊

ခရစ်တော်၌ရှိသောကြီးမြတ်သည့်ကယ်တင်ခြင်းကို ကျွန်ုပ်တို့အား၊ ဘုရားသခင်သည် ယခုခံစားစေချင်ပါသည်။ ဤ ကယ်တင်ခြင်းသည် ကျွန်ုပ်တို့ကို တရားစီရင်ခြင်းအရပ်မှ ထုတ်၍ သခင်ယေရှု၏ရှေ့တော်၌ထားပါသည်။ တမန်တော် ရှင်ပေါလု က“ “အမျက်တော်ကိုခံစေခြင်းငှါ ဘုရားသခင်သည်၊ ငါတို့ သခင်ယေရှု ခရစ်တော်အားဖြင့် ကယ်တင်ခြင်းကိုပိုင်ရ စေခြင်းငှါ ခန့်ထားတော် မူ၏။ ငါတို့သည် နီးလျက်ရှိသည်ဖြစ်စေ၊ အိပ်ပျော်သည်ဖြစ်စေ၊ ထိုသခင်နှင့်အတူအသက်ရှင် မည်အကြောင်း၊ ငါတို့အဖို့ အသေခံ တော်မူပြီ။””ဟုဟောခဲ့ပါသည်။ ၁သက် ၅း၉-၁၀

အဘယ်မျှအံ့သြဖွယ်ကောင်းသောကျမ်းပိုဒ်ဖြစ်ပါသနည်း။ ကျွန်ုပ်တို့နိုးသည်ဖြစ်စေ၊ အိပ်ပျော်သည်ဖြစ်စေ၊ သူနှင့်အတူ အသက်ရှင်ရန်အတွက် ခရစ်တော်သည်အသေခံခဲ့ပါသည်။ စိတ် နှလုံး ထိတွေ့စရာပင်ဖြစ်ပါသည်။ ခရစ်တော် မည်သည့်နေရာတွင် နေထိုင်နေပါသနည်း။ သူသည်ဖခမည်းတော်၏အိမ်တွင် နေပါ သည်။ ထိုနေရာသည် ခရစ်တော်နှင့်အတူ ကျွန်ုပ်တို့ နေရ မည့်နေရာဖြစ်ပါသည်။

““အဖခမည်းတော်အိမ်””သည် ကျွန်ုပ်တို့၏ထာဝရအိမ်ဖြစ်ပါသည်

လုကာအခန်းကြီး ၂၃တွင် ခရစ်တော်နှင့်အတူလက်ဝါးကပ်တိုင်ပေါ်တွင် လူဆိုးနှစ်ယောက်ကိုသတ်မည်အ ကြောင်း ဖတ်သိရပါသည်။ ထိုလူဆိုးနှစ်ယောက်အနက် တစ်ယောက်သည် ဘုရားသခင်ကိုယုံကြည်ပါသည်။  သူသည် ခရစ်တော်ကို ဘုရားသားအဖြစ် မြင်ပြီး သူ၏အပြစ်အတွက်အသေခံမည့်အကြောင်း သိမြင်ပါသည်။ သူသည်ခရစ်တော် ဘက်သို့ လှည့်၍ ကိုယ်တော်သည် နိုင်ငံတော်တည်ထောင်လျက်ကြွလာသောအခါ အကျွန်ုပ်ကိုအောက်မေ့တော်မူပါ””ဟု လျှောက်ဆိုခဲ့ပါသည်။ ထိုအခါ ယေရှုကသူ့အား““ငါ့အမှန်ဆိုသည်ကား၊ ယနေ့တွင် သင်သည်ငါနှင့်အတူ ပရဒိသုဘုံ၌ရှိ လိမ့်မည်””ဟုမိန့်တော်မူ၏။ လုကာ ၂၃း၄၃

ထိုသူသည် အနိမ့်ဆုံး၊ အမှောင်မိုက်ဆုံး စိတ်ဒုက္ခခံစားရခြင်းမှ အသန့်ရှင်းတောက်ပဆုံး၊ ထာဝရပျော်ရွှင်ဝမ်း မြောက်ပြီး၊ ကျေးဇူတော်နှင့်ပြည့်စုံသောအရပ်သို့ သခင်ယေရှုနှင့်အတူဝင်ခဲ့ပါသည်။ ဤသည်မှာ ယုံကြည်သူတိုင်းအတွက် ခရစ်တော်သည် အသေခံခြင်းဖြင့်ရယူခဲ့သော ကယ်တင်ခြင်းဖြစ်ပါသည်။ သခင်ခရစ်တော်သည် ကျွန်ုပ်တို့အား၊ ဘုရား သခင်၏အမျက်မှလွှတ်ခြင်းဖြင့် မကျေနပ်သေးပါ။ ကျွန်ုပ်တို့အတွက်““အဖဘုရား၏အိမ်””ကိုပါ ရယူခဲ့ပေးပါသည်။

တစ်နေ့တွင် ကျွန်ုပ်တို့၏ရှင်ပြန်သောကိုယ်ခန္ဓာဖြင့်““အဖခမည်းတော်အိမ်””တွင် တကယ်အမှန်နေရပါမည်။ ထို နေရာသည် ကျွန်ုပ်တို့၏ထာဝရအိမ်ဖြစ်သည်။ ကျွန်ုပ်တို့သေသောအခါ၊ လောကမှောင်မိုက်ခြင်းနှင့်  ဒုက္ခဆင်းရဲခံစားမှုကို

ကျော်လွန်ပြီး အဖခမည်တော်၏အိမ်၊ ဘုရားသခင်၏ရှေ့တော်သို့ ၀င်ရကြပါသည်။ ပေါလုက““ကိုယ်ခန္ဓာနှင့်ကွာဝေးရာအ ရပ်သို့သွား၍၊ သခင်ဘုရားထံ၌နေမြဲနေခြင်းငှါ၊ အလိုရှိလျက် ရဲရင့်သောစိတ်နှင့်ပြည့်စုံကြ၏””ဟုဆိုခဲ့ပါသည်။၂ကော၅း၈

““အဖခမည်းတော်အိမ်””သည် ယခုကျွန်ုပ်တို့အိမ်ဖြစ်ပါသည်

ကျွန်ုပ်တို့သည် သခင်ယေရှုခရစ်တော်အားဖြင့် ရယူခဲ့သောကြီးမြတ်သည့်ကယ်တင်ခြင်းမှာ ပြည့်စုံပါသည်။ အတိတ်အတွက် တာဝန်ယူခဲ့ပြီးဖြစ်သလို အနာဂတ်အတွက် လုံးဝစိတ်ချရပါသည်။ ယခုလက်ရှိအချိန်အတွက်က အဘယ် နည်း။ ခရစ်တော်အသေခံခြင်းဖြင့် ကျွန်ုပ်တို့သည်ယခု““အဖခမည်းတော်အိမ်””တွင်နေပိုင်ခွင့်ရကြ၏။ ကျွန်ုပ်တို့သည် ကောင်းကင်ဘုံတွင် မရှိသေးသော်လည်း ကောင်းကင်ဘုံကို ယခုခံစားနိုင်ပါသည်။

ယခုကျွန်ုပ်တို့အတွက်““အဖခမည်းတော်””ဆိုသည်မှာ အဘယ်နည်း။ ဘုရားသခင်မေတ္တာကို သိမြင်ခံစားရခြင်း ပင် ဖြစ်ပါသည်။ ကျွန်ုပ်တို့သည် ဘုရားရှေ့တော်၌ရှိနေခြင်းကိုသိခြင်း၊ ကျွန်ုပ်တို့သည် ဘုရားသခင်နှင့်မွေ့လျော်ရာတွင် လုံးဝ အတားအဆီး မရှိခြင်းတို့ဖြစ်ပါသည်။ ဘုရားသခင်သည် ကျွန်ုပ်တို့အား သူ့၌မွေ့လျော်စေချင်ပါသည်။

ကျမ်းစာဆိုခဲ့သည်မှာ ဘုရားသခင်သည်ကျွန်ုပ်တို့ကို ခရစ်တော်နှင့်အတူအသက်ရှင်စေသည်။ ခရစ်တော်နှင့်အ တူ ထမြောက်စေပြီး ခရစ်တော်နှင့်အတူကောင်းကင်နေရာများတွင်ထိုင်စေသည်။ ဘုရားသခင်၏ရည်ရွယ်ချက် အကြောင်း ရင်းမှာ ကျွန်ုပ်တို့သည် ခရစ်တော်နှင့်အတူ““အဖခမည်းတော်အိမ်””၌နေနိုင်ရန်ဖြစ်ပါသည်။ ဤအချက်ကို ယခု ကျွန်ုပ်တို့ သည် စိတ်ဝိညာဉ်အားဖြင့် ဖြစ်ပျက်ခံစားနိုင်ပါသည်။

ကျွန်ုပ်တို့အားလုံးသည် လေပြင်း၊မုန်တိုင်း၊ လျှပ်စီးလက်ခြင်းစသည်တို့ကို ကြုံခဲ့ဘူးပါသည်။ သို့သော် ဤမုန် တိုင်းအားလုံးသည် ကမ္ဘာမျက်နှာပြင်ပေါ်တွင်သာဖြစ်ပေါ်ပါသည်။ ကမ္ဘာမျက်နှာပြင်အထက် ၆၊၇မိုင်ကိုတက်သွားလျှင် မုန်တိုင်း မရှိတော့ဘဲ အဆက်မပြတ်ငြိမ်သက်နေပါသည်။ ဘုရားသခင်သည် ကျွန်ုပ်တို့အားနေ့စဉ် ဘ၀မုန်တိုင်းများမှ မ တင်ချင်ပါသည်။ ကမ္ဘာပေါ်တွင် ကျွန်ုပ်တို့၌တာဝန်ဝတ္တရားများရှိပြီး ပြဿနာများကြောင့် စိုးရိမ်ပူပန်ရပါသည်။ ဘုရား သခင်သည် ဤမုန်တိုင်းများမှ ကျွန်ုပ်တို့ကို ၀ိညာဉ်အားဖြင့် မတင်ချင်ပါသည်။

ခရစ်ယာန်ညီအစ်ကိုတစ်ယောက် သူ၏တံခါးဝတွင်ဆွဲထားသောစာသားမှာ ကျွန်ုပ်တို့အတွက် ကောင်းသော လိုက်နာရန် စကားပုံဖြစ်ပါသည်။

““အောက်၌လုပ်ငန်း၊

အပေါ်တွင်အိမ်””

ကျွန်ုပ်တို့သည်““အထက်၌နေထိုင်ခြင်း”” “အဖခမည်းတော်အိမ်၌နေခြင်း” အကြောင်းကို သိသင့်ပါသည်။ ဖိနပ် ချုပ်သူတစ်ဦးကသူ၏ဇနီးကို ပြောသောစကားကိုသတိရဖို့လိုပါသည်။ သူကပြောသည်မှာ““ကောင်းကင်ပေါ်မှာနေပြီး အောက်သို့ဖိနပ်ချုပ်ရန်သာလာပါသည်။””

သန့်ရှင်းသောဝိညာဉ်တော်သည် ကျွုန်ုပ်တို့ကို ယခု““အဖခမည်တော်အိမ်””၏၀မ်းမြောက်ခြင်းသို့ ခေါ်ဆောင်ပါသည်

သန့်ရှင်းသောဝိညာဉ်တော်သည် ဘုန်ုးအသရေရှိသော ခရစ်တော်ထံမှလာ၍၊ ကျွန်ုပ်တို့အား ခရစ်တော်ရှိသည့် နေရာ၏ဘုန်းတော်နှင့်ဝမ်းမြောက်မှုအကြောင်းတို့ကို သိစေပါသည်။ သန့်ရှင်းသောဝိညာဉ်တော်သည် ဆင်းသက်လာပြီး ““အဖခမည်းတော်အိမ်””၏၀မ်းမြောက်ခြင်းသို့ ကျွန်ုပ်တို့ကိုခေါ်ပါသည်။ ယေရှုက ““ထိုသူသည် ငါ့ဘုန်းကိုထင်ရှားစေ လိမ့်မည်။ အကြောင်းမူကား၊ ငါနှင့်စပ်ဆိုင်သောအရာကိုယူ၍ သင်တို့အားဘော်ပြလိမ့်မည်။ ခမည်းတော်နှင့် စပ်ဆိုင် သမျှ သည် ငါနှင့်စပ်ဆိုင်၏။ ထိုကြောင့် ငါနှင့်စပ်ဆိုင်သောအရာကိုယူ၍ သင်တို့အားဖော်ပြလိမ့်မည်ဟု ငါပြော၏””ဟုမြွက်ဆိုခဲ့ ပါသည်။ ယော ၁၆း၁၄၊၁၅

ကျွန်ုပ်တို့သည် ကောင်းကင်ဘုံသို့ မရောက်သေးသော်လည်း၊ ကျွန်ုပ်တို့၌ကိန်းဝပ်နေသော သန့်ရှင်းသော ၀ိညာဉ်တော်၏တန်ခိုးအားဖြင့် ဘုရားသခင်၏ရှေ့တော်၌နေခြင်းနှင့်ကောင်းကင်မှလာသော ၀မ်းမြောက်ခြင်းတို့ကို ခံစား နိုင်ကြပါသည်။ ကျမ်းစာက““သင်တို့သည် သန့်ရှင်းသောဝိညာဉ်တော်၏တန်ခိုးအားဖြင့် မြော်လင့်ခြင်းပါရမီနှင့်ကြွယ်ဝ စေခြင်းငှါ၊ ယုံကြည်သောစိတ်ရှိ၍ ၀မ်းမြောက်ဝမ်းသာခြင်း အမျိုးမျိုးတို့နှင့်ပြည့်စုံမည်အကြောင်း၊ မြော်လင့်ခြင်း၏အရှင်၊ ဘုရားသခင်သည် ကယ်မသနားတော်မူပါစေသော””ဟုဆိုပါသည်။ ရော ၁၅း၁၃

““အဖခမည်းတော်၏အိမ်””ကို ကျွန်ုပ်တို့ ယခုပျော်ရွှင်စွာခံစားရနေသည်ကို အဖဘုရားသခင်သည် ၀မ်းမြောက်ပါ၏””

ဘုရားသခင်ဘက်မှကယ်တင်ခြင်းကို ကျွန်ုပ်တို့တွေ့မြင်ရသောနေ့သည် အံ့သြဖွယ်ကောင်းသောနေ့ဖြစ်ပါလိမ့် မည်။ ဘုရားသခင်သည် သူ၏အိမ်တော်သို့ ကျွန်ုပ်တို့ကိုခေါ်လာပြီး၊ သားအရာပေးခြင်းမှာ ကျွန်ုပ်တို့၏၀မ်မြောက်ရန်အ တွက်သာမဟုတ်ဘဲ သူ၏ကြီးမားသောချစ်ခြင်းမေတ္တာစိတ်နှလုံးကို နှစ်သိမ့်ကျေနပ်စေရန်ဖြစ်ပါသည်။ ခရစ်တော်ကို ယုံ ကြည်ခြင်းဖြင့်၎င်း၊ ဘုရားသခင်အလိုတော်ရှိခြင်းဖြင့်၎င်း၊ ကျွန်ုပ်တို့သည် “အဖခမည်းတော်အိမ်“၌တည်ရှိနေကြပါသည်။

ကျွန်ုပ်တို့၏ကယ်တင်ခြင်းအကြောင်းကို““မိုက်သောသား””ပုံပြင်က ပုံဖော်ပါသည်။ ဘုရားသခင်သည် ကျွန်ုပ်တို့ ကို သားအရာ ပေးထားပါသည်။ ကျွန်ုပ်တို့သည် “အဖခမည်းတော်အိမ်”နှင့်စပ်ဆိုင်ပါသည်။ ဘုရားသခင်သည်၊ သူ၏အိမ် သူ၏စားပွဲနှင့်သူ၏ရှေ့တော်၌ ကျွန်ုပ်တို့အား ခံစားစေချင်ပါသည်။ မိုက်သောသားပုံပြင် မည်ကဲ့သို့အဆုံးသတ်ပါသနည်း။ မိုက်သောသားသည် သူ၏အဖေအတွက်အစစအရာရာတွင် သင့်လျော်သွားသည်။ အဖေ့စားပွဲတွင်ထိုင်ပြီး အဖေ့မေတ္တာကို ခံစားလျက်အဖေ၌မွေ့လျော်ရပါသည်။ ကျမ်းစာက““သူတို့သည် စတင်၍၀မ်းမြောက်ပျော်ရွှင်ကြပါသည်””ဟုပြောထား သည်။

ဘုရားသခင်၌မွေ့လျော်ရန်နည်းလမ်းများ

ဘုရားသခင်နှင့်မွေ့လျော်ရန်၊ လက်တွေ့ကျသောနည်းလမ်းများရှိပါသည်။

ငြင်းခုံခြင်းအားလုံးကို ဘုရားသခင်နှင့်ဖြေရှင်းပါ။

များစွာသော ယုံကြည်သူများသည် ဘုရားသခင်ကိုယ်တိုင်နှင့်ငြင်းပွားမှုများရှိသောကြောင့် ဘုရားထံ မချဉ်းကပ် ကြပါ။ များသောအားဖြင့်ဘုရားသခင်သည် ကျွန်ုပ်တို့နှင့်တစ်ချိန်တွင် ငြင်းပွားမှုတစ်ခုကိုသာရှင်းပါသည်။ ဘုရားသခင်နှင့် ကျွန်ုပ်တို့သဘောတူညီသည့်အချက်များစွာရှိသော်လည်းဘုရားက ထိုသီးခြားငြင်းပွားမှုကိုသာ ပြန်၍ရှင်းပါသည်။ သင် သည် ဘုရားသခင်နှင့်ငြင်းခုံမှုရှိပါက၊ သင်သည်ဘုရားသခင်ကို ““ဟုတ်ကဲ့ပါ””ဟုဝန်ခံတောင်းပန်ခြင်းမရှိမခြင်း၊ သင်သည် ဘုရားသခင်၌မမွေ့လျော်နိုင်ပါ။ သင်၏ခရစ်ယာန်အသက်တာ၌လည်း တိုးတက်မှုရှိမည်မဟုတ်ပါ။ တစ်ခါတစ်ရံဘုရားသ ခင်သည် သူ၏သားသမီးတစ်ယောက်ကို သူ၏အလိုတော်အတိုင်းလုပ်ဆောင်ရန် ၁၀နှစ်၊၁၅နှစ်၊အနှစ်၂၀ထက်ပင်ကြာမြင့် ပါသည်။

သင့်အသက်တာကို ဤကဲ့သို့မဆုံးရှုံးသင့်ပါ။ ဘုရားသခင်၏အလိုတော်အတိုင်း မလုပ်ဆောင်ချင်ပါက ဘုရား သခင်ကိုအနည်းဆုံး ဤကဲ့သို့ပြောနိုင်ပါသည်။ ““အိုအဘ၊ သင်၏အလိုတော်အတိုင်း ကျွန်ုပ်မလုပ်ချင်ပါ။ ကျွန်ုပ်သည် ကိုယ်တော်အလိုတော်အတိုင်းဆောင်ရွက်စိတ်ရှိစေရန် ကူမတော်မူပါ။”” ဤကဲ့သို့ သင်သည် တကယ်ပင်ရိုးသားစွာ ဆု တောင်းပါက ဘုရားသခင်သည် သင်၏နှလုံးသားပြောင်းလဲရန်အတွက်စတင်၍ ဆောင်ရွက်ပါတော့မည်။

နေ့တိုင်းအိပ်ယာထသည်နှင့်တစ်ပြိုင်နက်၊ သင်၏ယုံကြည်ခြင်းကိုကြေငြာပါ

ကျွန်ုပ်သိခဲ့သည့် စိတ်အချမ်းသာဆုံးခရစ်ယာန်တစ်ယောက်က သူ၏လျှို့ဝှက်ချက်ကို ဤကဲ့သို့ပြောပြပါသည်။ နံနက်အိပ်ယာထတိုင်း သူသည် ဘုရားသခင်ကိုဆုတောင်းသည်မှာ၊ ““သခင်ယေရှု၊ သင်သည်ကျွန်ုပ်အတွက်အသေခံခဲ့ပါ သည်။ ကျွန်ုပ်သည်လည်း သင်နှင့်အတူသေပါသည်။ ကျွန်ုပ်သည် အပြစ်၊ စာတန်နှင့်လောကကမ္ဘာမှသေခြင်းဖြစ်ပါသည်။ သင်နှင့်အတူအကျွုန်ုပ်မြေမြုပ်ခံရသည်။ သင်နှင့်အတူ ကျွန်ုပ်သည် အသက်တာသစ်၌ ပြန်လည်ထမြောက်လာပါသည်။ သင်နှင့်အတူကောင်းကင်သို့တက်ပြီး ကောင်းကင်နေရာများတွင် ထိုင်ပါသည်။ သင်သည် သန့်ရှင်းသောဝိညာဉ်တော် ကို ကျွန်ုပ်ထဲ၌ကိန်းဝပ်ရန်စေလွှတ်ခဲ့ပါသည်။ ယနေ့ကျွန်ုပ်၏အသက်သည် သင်၏ပြန်လည်ထမြောက်သောအသက် ဖြစ်ဲပြီး၊ ထိုအသက်သည် အပြစ်မှသေ၍ သင်၏ထံတော်ပါး၌ ရှင်နေပါသည်။”” (ဂျိမ်း(စ်)စီရီချက်ဆင်)

ဤညီအစ်ကို၏အကြံပေးချက်ကို ကျွန်ုပ်နှစ်ပေါင်းများစွာလိုက်နာခဲ့ခြင်းဖြင့် ကျွန်ုပ်အတွက်အကျိုးများစွာဖြစ်ခဲ့ ပါသည်။ ဂလာတိ ၂း၂၀ကိုဖတ်စေချင်ပါသည်။

ကိုယ်ကိုကိုယ်မှန်ကန်စွာ ထင်မြင်ပါ

““ဘုရားသား””ဖြစ်ခြင်းကို သင်နားလည်ပါသလား၊ ဘုရားသားဆိုသည်မှာ ဘုရားသခင်ချစ်ခင်ပြီး မွေ့လျော်သော သူ ဖြစ်ပါသည်။ အချို့သောဘုရားသားသမီးများက““ကျွန်ုပ်တို့သည် အပြစ်ရှိပြီး ဆင်းရဲသူများဖြစ်သည်။ ကျွန်ုပ်တို့အ တွက် ဘုရားသခင်လုပ်ပေးသည့်အရာများနှင့်မထိုက်တန်ပါ”” ဟုပြောတတ်ကြသည်။

ဤကဲ့သို့ပြောဆိုခြင်းမှာ စိတ်နှိမ့်ချမှုကိုပြသခြင်းဖြစ်နိုင်သော်လည်း ဘုရားသခင်ကို သဘောမတွေ့စေပါ။ မိုက် သောသားသည် အကောင်းဆုံးသောဝတ်ရုံ၊ လက်စွပ်နှင့်ဖိနပ်တို့ကို လက်ခံသောအခါသူ၏ဖခင်သည် အလွန်ပျော်ရွှင် နှစ်သက်ပါသည်။ သူသည် ဖခင်စားပွဲတွင် ထိုင်ပြီး ဖခင်ကမေတ္တာဖြင့်ပေးသောအရာအားလုံးကို ပျော်ရွှင်စွာခံစားနေသည် ကို ဖခင်ကအလွန်နှစ်သက်ပါသည်။

ထိုနည်းတူကျွန်ုပ်တို့အတွက် မေတ္တာတော်ဖြင့်ချပေးသည့်အရာများကို ကျွန်ုပ်တို့က ကျေးဇူးတင်လျက် လက်ခံပါ ကဘုရားသခင်နှစ်သက်ပါသည်။ လူတစ်ယောက်က ဤကဲ့သို့ ပြောခဲ့ပါ သည်။ ““ဘုရားသခင်က သင့်ကိုမင်းသားနေရာထား ပါက၊ သင့်ကိုယ်သင် သူတောင်းစားအဖြစ် မယောင်ဆောင်ပါနှင့်””။ ကျွန်ုပ်တို့ကို ဘုရားသခင်က သားအရာပေးထားသည်။ ဘုရားသခင်၌ရှိသမျှအရာတို့အတွက် ခရစ်တော် နှင့်အတူ ကျွန်ုပ်တို့သည် ““ဖက်ဆပ်အမွေခံ””များဖြစ်ပါသည်။ ကျွန်ုပ်တို့ သည် ကိုယ်ကိုကိုယ် မှန်ကန်စွာ ထင်မြင်လျှင် ဘုရားသခင်နှစ်သက်ပါသည်။ ကျွန်ုပ်တို့သည် ဘုရားသားတို့၏ဂုဏ်၊ အခွင့် အရေးတို့နှင့် အညီ နေထိုင် ရပါမည်။

အပြစ်ကိုဖြေရှင်းပါ

ကျွန်ုပ်တို့အသက်တာတွင် အချို့အပြစ်များကိုဆက်လက်ကျူးလွန်နေလျှင် ကျွန်ုပ်တို့သည် ဘုရားသခင်နှင့်မမွေ့ လျော်နိုင်ပါ။ ဘုရားသခင်သည် ကျွန်ုပ်တို့ကိုချစ်သည်။ သို့သော်သူသည် အပြစ်ဒုစရိုက်ကိုမုန်းတီးသည်။ ကျွန်ုပ်တို့ကို ချစ်သည်။ သို့သော် သူသည် အပြစ်ဒုစရိုက်ကိုမုန်းတီးသည်။ သူသည် သားသမီးတို့၏အသက်တာတွင်ရှိသောအပြစ်ကို ရွံ့မုန်း၏။ မည်သည့်အပြစ်မဆို၊ ထိုယုတ်ညံ့သောအရာကို ဘုရားသခင် မနှစ်သက်ပါ။ ထိုအပြစ်မှထွက်ခွာပါ။ ထိုအပြစ်ကို ဆက်လက်ထားလျှင် သင်၏ ၀မ်းမြောက်ခြင်းကိုခိုးယူသွားလိမ့်မည်။ ဘုရားသခင်၌မွေ့လျော်လိုပါလျှင် ဘုရားသခင်ကို၎င်း၊ အခြားလူများကို၎င်း ရှင်းလင်းသော သြတ္တပ္ပစိတ်ရှိရပေမည်။ ပေါလုက““ထိုကြောင့်၊ ဘုရားသခင်ကိုပြစ်မှားပြီး၊ လူတို့ကို ပြစ်မှားပြီဟု ကိုယ်စိတ် နှလုံးသည် ကိုယ်၌အပြစ်တင်ခွင့်နှင့်အစဉ်ကင်းလွတ်မည်အကြောင်း အကျွန်ုပ်သည်အစဉ် ကြိုးစား အားထုတ်ပါ၏””ဟု ဆိုခဲ့ပါသည်။ တမန် ၂၄း၁၆

သင်သည်ဘုရားကိုပြစ်မှားခဲ့လျှင် ၀န်ချတောင်းပန်ပါ။ ထိုအခါသူ၏ဂတိတော်အတိုင်း သူလုပ်ပါမည်။ ကျမ်းစာ က “ကိုယ်အပြစ်တို့ကိုဖော်ပြတောင်းပန်လျှင်၊ ငါတို့အပြစ်များကိုလွှတ်၍ ဒုစရိုက်ရှိသမျှနှင့်ကင်းစင်စေခြင်းငှါ၊ ဘုရားသခင် သည် သစ္စာတရားနှင့်၎င်း၊ ဖြောင့်မတ်ခြင်းတရားနှင့်၎င်းပြည့်စုံတော်မူ၏”” ၁ယော ၁း၉

သင်သည်တစ်ဦးတစ်ယောက်ကိုပြစ်မှားခဲ့သော် ထိုသူနှင့်ပြန်လည်၍မှန်ကန်အောင်လုပ်ပါ။ ““ငါမှားတယ်၊ ဒါပေမဲ့ သူလည်း မှားတာဘဲ””ဆိုပြီး ဆင်ခြင်မပေးပါနှင့်။ သင်ပြောရမည်မှာ””ကျွန်တော်ဒီကိစ္စ(အပြစ်အကြောင်း)တွင်မှားပါသည်။ ကျွန်တော့ကို ခွင့်လွှတ်နိုင်မလား””ဖြစ်သည်။ ထိုလူက““ခွင့်လွှတ်ပါသည်””ဟုပြောလျှင် သင်က““ဒီကိစ္စနဲ့ပတ်သက်ပြီး ကျွန်တော်ထပ်ပြောဖို့ လိုပါသေး သလား””ဟူ၍ မေးပြီးထိုကိစ္စကိုစုံလင်ပြီးပြတ်အောင် ဖြေရှင်းရပါမည်။ သင်ပြန်လည် ပေးဆပ်ရန် လိုပါက ချက်ချင်းလုပ်ပါ။ အမှားကိုမှန်အောင်လုပ်ပြီး ရှေ့ဆက်သွားပါ။ မှားယွင်းခြင်း ထပ်တလဲလဲ ဖြစ်ခြင်းဖြင့် ကိုယ်ကိုကိုယ် မညှင်းပမ်းပါနှင့်။

ဘုရားသခင်ကိုနာခံပါ

မည်သည့်အခြေအနေမျိုး၌ဖြစ်စေ၊ သင်သည် ဘုရားသခင်ကိုနာခံမည်ဟု ဆုံးဖြတ်ချက်ချပါ။ ယခုပင်စလုပ်ပါ။

ယုံကြည်သူများသည် နာခံသူများဖြစ်ပါသည်။ ကျမ်းစာက ““ထိုသခင်ကို ကိုယ်တိုင် သိကျွမ်းသည်ကို အဘယ်သို့သိရသနည်း ဟူမူကား၊ ပညတ်တော်တို့ကို စောင့် ရှောက်လျှင် သိရသတည်း”ဟု ဆိုပါသည်။၁ယော ၂း၃

ဘုရားသခင်ကိုမနာခံလျှင် သူ၌မမွေ့လျော်နိုင်ပါ။ ဘုရားသခင်ကို ချစ်၍ နာခံသောသူများအတွက်သာ ခရစ်တော် ကိုယ်တိုင်ထင်ရှားပါမည်။ ယေရှုက ““ငါ့ ပညတ်တို့ကိုရ၍ စောင့်ရှောက်သောသူသည် ငါ့ကိုချစ်သောသူဖြစ်၏။ ငါ့ကိုချစ် သောသူကိုငါ့ခမည်းတော်သည် ချစ်တော်မူမည်။ ငါသည်လည်း ထိုသူကိုချစ်၍ သူ့ အား ကိုယ်တိုင်ထင်ရှားမည်ဟုမိန့် တော်မူ၏””ဟုမြွက်ဆိုခဲ့ပါသည်။ ယော ၁၄း၂၁

မိမိဒေသတွင်ရှိသော ခရစ်တော်ကို ဂုဏ်ပြုသည့်အသင်းတော်ကို သစ္စာရှိရှိ တက်ရောက်၍အားပေးထောက်ပံ့ပါ

ယုံကြည်သူတို့သည် ပုံမှန်စုဝေး၍နှုတ်ကပတ်တော်၌ အစေခံခြင်း၊ အခြားယုံကြည်သူတို့နှင့်မိဿဟာယပြုခြင်း၊ ပွဲတော်စားခြင်းနှင့်ဆုတောင်းခြင်းတို့ကိုပြုခြင်းသည် ဘုရားသခင်၏အလိုတော်ဖြစ်သည်။ မည်သည့်အရာများနှင့်မှ အစား မထိုးနိုင်ပါ။ ကျမ်းစာက““မြော်လင့်ခြင်းအကြောင်းကို ၀န်ခံ၍မတိမ်းယိမ်းမရွေ့လျော့ဘဲတည်ကြည်ကြကုန်အံ့၊ အကြောင်း မူကား၊ ဂတိထားတော်မူသောသူသည်သစ္စာနှင့်ပြည့်စုံတော်မူ၏-လူအချို့တို့၏ထုံးစံရှိသည့်အတိုင်း၊ အချင်းချင်းစည်း ဝေးခြင်းအ မှုကိုမရှောင်မလွှဲကြနှင့်......””ဟုဆိုပါသည်။ ဟေဗြဲ ၁၀း၂၃-၂၅

လူအများရှေ့တွင် သင်၏ယုံကြည်ခြင်းကိုဝန်ခံပါ။ ခရစ်တော်၌ မရှက်မကြောက်ပါနှင့်၊ သင်သည် ရေဗတ်္တိဇံ မခံရ သေး ပါက ယခုပင်ချက်ချင်းလုပ်ပါ။

ဘုရားသခင်၏ကျေးဇူးတော်၌၀မ်းမြှောက်ကြပါ

ဘုရားသခင်နှင့်ပျော်ရွှင်တက်ကြွစွာဆက်လက် လျှောက်လှမ်းနေသောသူတို့သည်၊ ၄င်းတို့ကျေးဇူးတော်ကြောင့် ကယ်တင်ခံရကြောင်းကို အစဉ်အမြဲသတိရလျက်ရှိလေသည်။ တမန်တော်ရှင်ပေါလုသည် မိမိအပေါ်ကျရောက်ခဲ့သည်များ စွာသောဘုရားသခင်၏ကျေးဇူးတော်တို့ကို မမေ့ပါ။ သူက““ငါတို့ဘုရားသခင်၏ကျေးဇူးတော်သည်လည်း ယေရှုခရစ်၌ယုံ ကြည်ခြင်း၊ ချစ်ခြင်းနှင့်တကွ၊ အတိုင်းထက်အလွန် ကြွယ်ဝပြီး၊-ယေရှုခရစ်သည်အပြစ်ရှိသောသူတို့ကို ကယ်တင်ခြင်းငှါ၊ ဤလောကသို့ကြွလာတော်မူသည် ဟူသောစကားသည် သစ္စာစကားဖြစ်၏။ အကြွင်းမဲ့ခံယူအပ်သောစကားလည်းဖြစ်၏။ အပြစ်ရှိသောသူတို့တွင်ငါသည်အကြီးဆုံးဖြစ်၏””ဟုဆိုခဲ့ပါသည်။ ၁တိ ၁း၁၄-၁၅

ဘုရားသခင်ကိုချီးမွမ်းကြပါ

ဘုရားသခင်ကိုသင်သည် ချီးမွမ်းလျှင် သူ့ကိုလည်း ပျော်ရွှင်စွာခံစားနိုင်ပါလိမ့်မည်။ သူသည် ကျွန်ုပ်တို့၏ချီး မွမ်းခြင်းအားလုံးနှင့်ထိုက်တန်သူဖြစ်ပါသည်။ ဤချီးမွမ်းခြင်း၊ ကျေးဇူးတင် ခြင်းအားဖြင့် ကျွန်ုပ်တို့သည် “သူ၏တံခါး တော်”” နှင့်““သူ၏ တန်တိုင်းတော် သို့ ၀င်ရောက်ခြင်း ဖြစ်ပါသည်။ ကျမ်းစာက ““ကျေးဇူးတော် ကြီးပါသည်ဟုဝန်ခံလျက်၊ တံခါးတော် တို့ကို၎င်း၊ ဂုဏ်တော် ချီးမွမ်းလျက် တန်တိုင်းတော်တို့ကို၎င်း ၀င်ကြလော့။ ကျေးဇူးတော် ကို ချီးမွမ်း၍နာမ တော်ကိုကောင်း ကြီးပေးကြလော့””ဟု ဆိုပါသည်။ ဆာလံ ၁၀၀း၎-၅

အထက်အရာများကိုသာစွဲလန်းပါ

ကျွန်ုပ်တို့ကို ဘုရားသခင်ပေးသော အသစ်သော အသက် သည် ရှင်ပြန်သောအသက်ဖြစ်သည်။ သေခြင်း၏အခြား တစ်ဖက်၌ ရှိသော အသက်ဖြစ်ပါသည်။ ကျွန်ုပ်တို့သည် ခရစ်တော်နှင့်အတူ၊ အတူ မြေမြုပ် ခဲ့ပြီး အတူအသစ်သော အသက်၌ရှင်ပြန်လာပါသည်။ ဘုရားသခင်၏ အသစ်ဖန်ဆင်းခြင်း၌ ကျွန်ုပ်တို့သည် အသစ်သော လူများဖြစ်ကြပါသည်။ ကျွန်ုပ်တို့သည် ခရစ်တော်၌အသစ်သောအသက်တာကို ခံစားလိုလျှင်၊ လောကီအရာများမဟုတ်ဘဲ ဘုရားသခင်၏ အသစ်ဖန်ဆင်းခြင်း၌ရှိသော အထက်အရာတို့ကိုသာ စွဲလန်းရပါမည်။ ကျမ်းစာက““....သင်တို့သည် ခရစ်တော်နှင့်အတူ ထမြောက်ကြသည်မှန်လျှင်၊ ဘုရားသခင်၏လက်ျာတော်ဘက်မှာ ခရစ်တော်သည် ထိုင်နေတော်မူရာ အရပ်၌ရှိသော အထက်အရာတို့ကိုရှာကြလော့။ မြေကြီးပေါ်မှာရှိသောအရာတို့ကို စွဲလန်းသောစိတ် မရှိကြနှင့်။ အထက် အရာတို့ကိုသာ စိတ်စွဲလန်းခြင်းရှိကြလော့”” ဟုဆိုပါသည်။ ကောလောသဲ ၃း၁-၂

ကျွန်ုပ်တို့သည် လောကီအရာများတွင်စိတ်ကျေနပ်မှုရှာပါက သေချာပေါက် စိတ်ပျက်ရပါမည်။ ကျမ်းစာက ““လောကကို၎င်း၊ လောက၌ရှိသောအရာတို့ကို၎င်း၊ မချစ်ကြနှင့်။ လောကကိုချစ်သောသူမည်သည်ကား၊ ခမည်းတော်ကို ချစ်ခြင်းမေတ္တာမရှိ””ဟုဆိုပါသည်။ ၁ယော ၂း၁၅

ကျွန်ုပ်တို့မြင်သမျှ၊ ကြားသမျှ၊ ဖတ်သိရသမျှအကြောင်းအရာတို့သည် ကျွန်ုပ်တို့အပေါ်၌လွှမ်းမိုးမှု၊ ထိခိုက်မှု တို့ ဖြစ်စေပါသည်။ ကျွန်ုပ်တို့၌ဘာဖြစ်နေသည်ကိုသတိထားမိမည် မဟုတ်ပါ။ သို့သော် ကျွန်ုပ်တို့သိမြင်လာသည့်အခါမူ၊ ကျွန်ုပ်တို့သည်ပျက်စီးရာသို့ရောက်ပြီးဖြစ်သည်။ ခရစ်ယောန်တစ်ယောက်သည်““ခရစ်တော်၏အပိုင်””ဖြစ်၍ခရစ်တော် နှင့်မပတ်သက်၊ မညီညွှတ်သောအရာအားလုံးကိုငြင်းပယ်ရမည်။

ဘုရားသခင်နှင့်သူပေးသော အရာများ အပေါ် ရောင့်ရဲပါ။

ရောင့်ရဲမှု မရှိပါက ပျော်ရွှင်မှုမရှိပါ။ လူ တစ်ယောက်သည် အ လွန်ချမ်းသာ၍ သူလိုချင် သည့် အရာအားလုံး ရှိ သော်လည်း သူ၌ ရောင့် ရဲမှု မရှိပါက အချည်း အနှီးပင်။ ကျွန်ုပ်တို့ကို ဘုရားသခင် ပေးသောအရာများသည် ကျွန်ုပ်တို့ လိုအပ်ချက် အတွက် ပြည့်စုံ ပါသည် ဟူ သိမြင်ခြင်းသည် ရောင့်ရဲမှု၏လျှို့ဝှက်ချက်ပင်တည်း။ ကျမ်းစာက“ရောင့်ရဲသောစိတ်ပါလျှင်၊ ဘုရားဝတ်၌မွေ့လျော်ခြင်းသည် ကြီးစွာသော အကျိုးစီးပွာမှန်၏။ အကြောင်းမူကား၊ ငါတို့သည် ဤလောကထဲသို့အ ဘယ်အရာမျှမပါဘဲ လာသည်ဖြစ်၍၊ ထွက်သွား လျှင်လည်း၊ အဘယ်အရာ ကိုမျှ ယူ၍မသွားနိုင်ဟု ထင်ရှားလျက်ရှိ၏။ သို့ဖြစ်၍၊ စားရန်၊ ၀တ်ရန် ရှိသမျှနှင့်ရောင့်ရဲလျက် နေကြကုန်အံ့””ဟု ဆိုပါသည်။ ၁တိ ၆း၆-၈

အရာရာတိုင်းတွင် ဘုရားသခင်ကိုဦးထိပ်ထားပါ

ဘုရားသခင်ကို မွေ့လျော်ခံစားနိုင်သည့် နည်းမှာ ကျွန်ုပ်တို့ အသက်တာ၊ အရာရာတိုင်းတွင် ဘုရားသခင်ကိုဦး ထိပ်ထားဖို့ပင် ဖြစ်ပါ သည်။ ဘုရားသခင်သည် ကျွန်ုပ်တို့ လိုအပ်ချက် အားလုံး၏ အရင်းအမြစ် ဖြစ်ပါသည်။ ကျွန်ုပ်တို့အ တွက် သူသည်ကိုယ်ကိုကိုယ် အပ်နှံပါသည်။ ဘုရားသခင်က““ငါသည်ကျေးဇူးတော်နှင့်ပြည့်စုံသောဘုရားဖြစ်ပြီး သင်တို့ သည်ငါ၏မေတ္တာ၊ တန်ခိုးအားဖြင့် ငါ့ကိုသိနိုင်ခြင်းအပေါ်တွင် ငါပျော်မွေ့ပါသည်””ဟုကျွန်ုပ်တို့အားပြောနေပါသည်။

ကျွန်ုပ်တို့၏အသက်တာတစ်လျှောက်၊ ဘုရားသခင် ဘယ်အရာမဆို လုပ်ပေးခဲ့သော်လည်း၊ ကျွန်ုပ်တို့သည် သူ့ကို မွေ့လျော်ခံစားနိုင်ရန်အတွက် အချို့သောအရာများကို ငြင်းပယ်ရမည်။ ဤအံ့သြဖွယ်ကောင်းသော သြ၀ါဒစာ၏ အဆုံးပိုင်းတွင် ယောဟန်က““ချစ်သားတို့၊ ရုပ်တုဆင်းတုကိုကြဉ်ရှောင်ကြလော့””ဟုဆိုပါသည်။ ၁ယော ၅း၂၁

““ရုပ်တုဆင်းတု””ဆိုသည်မှာ ဘုရားနှင့်သူ၏မေတ္တာကိုမွေ့လျော်ခံစားနိုင်ခြင်းကို ပိတ်ပင်ထားသော အဘယ် အရာကိုမဆို ပြောခြင်းဖြစ်သည်။ ကျွန်ုပ်တို့သည် ဘယ်အရာမဆို ရိုးရိုးလေး စစ်ဆေးကြည့်နိုင်ပါသည်။ -ဤအရာသည် ကျွန်ုပ်၏အသက်တာထဲသို့ ဘုရားသခင်ကိုယူဆောင်လာမည်လော၊ သို့မဟုတ် ပိတ်ပင်မည်လော။ အကယ်၍ ပိတ်ပင် မည် ဆိုပါက ထိုအရာသည်ရုပ်တုသာဖြစ်ပါသည်။

သင်၏ဦးစားပေးချက်များကိုမှန်ကန်ပါစေ

သင့်အသက်တာ၌ဆက်ဆံနှီးနွယ်ခြင်းထဲတွင် ဘုရားသခင်နှင့်ဆက်ဆံနှီးနွယ်ခြင်းမှာ အရေးကြီးဆုံးဖြစ်ပါသည်။ သင်သည် ဘုရားသခင်နှင့်အချိန်မယူလျှင် သင်သည် ဘုရားသခင်ကိုသိပ်မချစ်ပါ။ ဘုရားသခင်ကိုမွေ့လျော်ခံစားရန် သူနှင့် တစ်ဦးချင်းအချိန်များများယူရမည်။ သူ၏နှုတ်ကပတ်တော်ကိုဖတ်ဲပြီး တွေးတောဆင်ခြင်ရမည်။ ဤကဲ့သို့ပြုလုပ်ခြင်းဖြင့် ဘုရားမေတ္တာကိုကျွန်ုပ်တို့သိတတ်လာပါမည်။ ခရစ်ယာန်တစ်ယောက်ပြုလုပ်နိုင်သည့် အကြီးဆုံးအမှားမှာ၊ အလုပ်များပြီး ဘုရားသခင်နှင့် အချိန်မယူနိုင်ခြင်း ဖြစ်ပါသည်။ ဣသရေလလူမျိုးတို့သည် နံနက်တိုင်း““မန္န””မုန့်ကိုစုယူရသကဲ့သို့ ကျွန်ုပ်တို့လည်း လုပ်ရပါမည်။ ဘုရားသခင်နှင့်နေ့စဉ်အချိန်ယူရပါမည်။ ဘုရားသခင်ကိုမွေ့လျော်ခံစားလိုလျှင် သူနှင့် တစ်ဦးချင်းအချိန်ယူခြင်းမှာ အထူးလိုအပ်သောအချက်ဖြစ်ပါသည်။ ဘုရားသခင်၏ဂုဏ်ရှိသောအစေခံတစ်ဦးက““အောင် မြင်သောအသက်တာသည် အချက်(၃)ချက်ပေါ်တွင် မူတည်ပါသည်။ အစပြုခြင်း၊ ခိုင်မာသောရည်ရွက်ချက်နှင့် နေ့စဉ်အ လေ့အကျင့်””ဟုပြောခဲ့ပါသည်။

““အစပြုခြင်း””ဆိုသည်မှာ သခင်ခရစ်တော်ကိုကျွန်ုပ်တို့၏သခင်အဖြစ် ကိုယ်ကိုကိုယ် အပ်နှံခြင်းဖြစ်သည်။ ““ခိုင်မာသောရည်ရွယ်ချက်””ဆိုသည်မှာ ဘုရားသခင်နှစ်သက်သည် အဘယ်အရာကိုမဆို၊ ဘယ်အခြေအနေမျိုးဖြစ်ဖြစ်၊ နောက်ဆက်တွဲဘယ်လိုဖြစ်ဖြစ်၊ လုပ်ဆောင်ခြင်းကို ဆိုလိုပါသည်။ ““နေ့စဉ်အလေ့အကျင့်””ဆိုသည်မှာ ဘုရားသခင်နှင့် နေ့စဉ်အချိန်မှန်မှန်ယူခြင်းကိုဆိုလိုပါသည်။

ဘုရားထံကိုယ်ကိုကိုယ်အပ်နှံသည့် အစပြုခြင်းလုပ်ပြီး နှုတ်ကပတ်တော်၌ဘုရားနှင့်တစ်ဦးခြင်း၊ အချိန်ယူ၍ဆု တောင်းခြင်းသည် အောင်မြင်သောခရစ်ယာန်အသက်တာ၏လျှို့ဝှက်ချက်ပင်ဖြစ်ပါသည်။ (အက်(စ်)ဒီဂေါ်ဒန်)

ဘုရားသခင်နှင့်သူ၏မေတ္တာကိုယခုပင်ခံစားပျော်မွေ့ပါ။ ဘုရားသခင်မေတ္တာကိုရယူရန်သော်၎င်း၊ ကိုယ်နှင့် ထိုက် တန်ရန်သော်၎င်း သင်မည်သို့မျှ မလုပ်နိုင်ပါ။ သင်သည် ခရစ်တော်၌ရှိနေသောကြောင့် သင့်ကိုဘုရားသခင်သည် ချစ်၍ လက်ခံပါသည်။ ဘုရားသခင်သည် ယခု သင့်ကိုချစ်သည်ထက် ပို၍ချစ်ရန် သင်ဘာမှ မလုပ်နိုင်ပါ။ သင့်ကို ဘုရားသခင် သည် သူ၏သားတော်ကိုချစ်သကဲ့သို့ချစ်ပါသည်။ ယောဟန်၏ကြီးမြတ်သော ဧ၀ံဂေလိတရားအခန်းကြီး(၁၇)ကိုသင့် အတွက် ဖတ်ပါ။ ယခုပင် ဘုရားသခင်နှင့်သူ၏မေတ္တာကိုစ၍ ခံစားပျော်မွေ့ပါ။

အကျဉ်းချုပ်

ဘုရားသခင်သည် သူနှင့်သူ၏မေတ္တာကို ကျွန်ုပ်တို့အား ခံစားစေချင် ပါသည်။ ကျွန်ုပ်သည် ဘုရားသခင်ကိုခံစား ပျော်မွေ့သင့်သလောက် ခံစား နေပါ သလား။

ပြန်လည်စဉ်းစားခြင်း

““အဖခမည်းတော်””၌ကျွန်ုပ်တို့ခံစားရမည့်အရာများ

ဘုရားသခင်သည် ကျွန်ုပ်တို့ကို သားအရာပေးပြီး““အဖခမည်းတော်၏အိမ်””သည် ကျွန်ုပ်တို့၏ဝေစုဖြစ်ပါသည်။ သူ၏အိမ်ကို ကျွန်ုပ်တို့ပျော်မွေ့ခံစားရန် ကျွန်ုပ်တို့ကို ဘုရားသခင်ဖိတ်ခေါ်ပါသည်။ ““ခမည်းတော်အိမ်””၌ပျော်ရွှင်ခံစား နိုင်မည့်အရာအချို့ကိုစဉ်းစားဆင်ခြင်ကြည့်ပါစို့။

ကျွန်ုပ်တို့သည် ကျေးဇူးတော်အားချီးမွမ်းထောပနာပြုခြင်းကိုခံစားရန် ခေါ်ယူခြင်းခံရပါသည်

ဘုရားသခင်၏အိမ်တော်၌ စားသောက်ပွဲသို့ ကျွန်ုပ်တို့ ဖိတ်ခေါ် ခံရပါသည်။ ၄င်းမှာဘုရားသခင်၏ကျေးဇူးတော် အား ချီးမွမ်းထောပနာပြုသည့် ပွဲဖြစ်ပါသည်။ ကျွန်ုပ်တို့ဘာမှ ပေးကမ်းစီမံရန်မလိုပါ။ ““သားများ””အဖြစ်““ အဖ ခမည်းတော်အိမ်””ကိုဝင်လာခြင်းဖြစ်သည်။ ဘုရားသခင်၏ကျေးဇူးတော်အား ချီးမွမ်းထောပနာပြုဖို့ရန်နှင့် ကျွန်ုပ်တို့ ကို ဘုရားသခင် ပေးကမ်းသည့်အရာများကိုပျော်ရွှင်စွာခံစားရန်ဖြစ်ပါသည်။

ကျွန်ုပ်တို့သည် စာတန်အပေါ်ဘုရားသခင်၏အောင်နိုင်ပွဲကို ခံစားရန်ခေါ်ယူခြင်းခံရပါသည်

ဘုရားသခင်သည် သူ၏ရန်သူနှင့်ကျွန်ုပ်တို့၏ရန်သူတို့အပေါ် ဘုန်းပွင့်လျက် အောင်ပွဲခံခဲ့ပါပြီး။ ကျွန်ုပ်တို့သည် စာတန်နှင့်မှောင်မိုက်တန်ခိုးတို့အပေါ် ဘုရားသခင်၏ထူးကဲ့သည့် အောင်ပွဲခံခြင်းကို ချီးမွမ်းထောပနာပြုရန် ခေါ်ယူခြင်းခံရ ပါသည်။

““ထိုအခါ မောရှေနှင့်ဣသရေလအမျိုးသားတို့သည် ထာဝရဘုရား အား သီချင်းဆိုသောစကားဟူမူကား၊ ထာဝရဘုရားသည် ဘုန်းပွင့်လျက် အောင်ပွဲ ခံတော်မူသည်ဖြစ်၍၊ ကိုယ်တော်အားသီချင်းဆိုပါအံ့။ မြင်းနှင့် မြင်းစီးသူရဲကို ပင်လယ် ထဲသို့ လှဲချတော်မူပြီ။-ထာဝရဘုရားသည် ငါ့ အစွမ်းသတ်္တိ၊ ငါသီချင်း ဆို ကြောင်း၊ ငါ့ကိုကယ်တင်သောအရှင်ဖြစ်တော်မူ၏။ ထိုဘုရားသည် ငါကိုးကွယ်သော ဘုရားသခင်ဖြစ်တော်မူ၍၊ ထောမနာ ပြု ပါမည်။ ငါ့ဘိုးဘေးတို့၏ ဘုရား သခင်ဖြစ်တော် မူ၍၊ ငါချီးမြောက်ပါမည်။”” ထွက် ၁၅း၁-၂

ကျွန်ုပ်တို့သည် ဘုရားသခင်၏မေတ္တာကို ခံစားရန်အတွက် ခေါ်ယူခြင်းခံရပါသည်

ဘုရားသခင်၏မေတ္တာကို စတင်သိမြင်ခံစားရသောနေ့မှာယုံကြည်သူအတွက် ဘုန်းပွင့်သောနေ့ဖြစ်ပါသည်။ ဘုရားသခင်သည် သူ၏ချစ်ခြင်းမေတ္တာ၊ ကျေးဇူးတော်အားဖြင့် ကိုယ်ကိုကိုယ် ကျွန်ုပ်တို့အားသိစေပါသည်။ ““ဘုရားသခင် သည် ငါတို့ကိုချစ်တော်မူခြင်းမေတ္တာတော်ကို ငါတို့သည်သိ၍ယုံကြည်ကြ၏။ ဘုရားသခင်သည် ချစ်ခြင်းမေတ္တာဖြစ် တော်မူ၏။ ချစ်ခြင်းမေတ္တာ၌တည်သောသူသည် ဘုရားသခင်၌တည်၏။ ဘုရားသခင်သည်လည်း ထိုသူ၌တည်တော်မူ၏”” ဟုဆိုပါသည်။ ၁ယော ၄း၁၆

ဘုရားသခင်သည် သူ၏ချစ်ခြင်းမေတ္တာကိုကျေနပ်နှစ်သိမ့်စေရန်အတွက် ကျွန်ုပ်တို့ကိုသူ၏အိမ်တော်သို့ခေါ် ဆောင်ခဲ့ပါသည်။ ကျွန်ုပ်တို့ကို သူနှင့်လုံးလုံးသင့်တော်ဆီလျော်အောင်ပြုပြင်ခဲ့ပါပြီး၊ ခရစ်တော်၌အကျွန်ုပ်သည်““ဘုရား သခင်ရှေ့တော်၌ချစ်ခြင်းမေတ္တာအားဖြင့် သန့်ရှင်း၍အပြစ်ကင်းစင်ပါသည်””။ ကျွန်ုပ်သည် ““အဖခမည်းတော်အိမ်””၌ ကိုယ့် အိမ်ကဲ့သို့ နေပါသည်။ အဖခမည်းတော်ကို ကျွန်ုပ်ရှိခိုးပါသည်။ ကျွန်ုပ်ကို ဤကဲ့သို့ ကောင်းကြီးပေးသောကြောင့် ဘုရားသခင်သည်အလွန်ကောင်းမြတ်ပါသတည်း။

ခရစ်တော်ကိုခံစားနိုင်ရန် ကျွန်ုပ်တို့သည် ခေါ်ယူခြင်းခံရပါသည်

ခရစ်တော်သည် ကောင်းကင်ဘုန်းတော်၏ဗဟို အချက်အချာဖြစ်ပါသည်။ ကောင်းကင်ဘုံရှိ သတ္တ၀ါတိုင်း သည် သူ့အားချစ်ခင်မြတ်နိုးပြီး ချီးမွမ်းပါသည်။

ကျွန်ုပ်တို့သည် ခရစ်တော်၏သာလွန်သော ကောင်းမှုကို မြင်တွေ့ပြီး သူ့ကို စိတ်နှလုံး အကြွင်းမဲ့ ချစ်ပါ က၊ ဘုရားသခင်ကို ပျော်ရွှင်စေခြင်းနှင့် ကျွန်ုပ်တို့ နှလုံးကို ၀မ်းမြောက်စေခြင်း စတင်ဖြစ်ပေါ်နေပြီး ဖြစ်ပါသည်။ ဘုရားသခင်သည်  ခရစ်၌ ပျော်မွေ့ သကဲ့သို့၊ ကျွန်ုပ် တို့ကို လည်း သူပျော်မွေ့သည့် အရာ၌ ပျော်မွေ့ စေချင်ပါသည်။ ယခုပင် ကျွန်ုပ်တို့သည် ခရစ်တော်ကို ပျော်ရွှင်စွာ ခံစားနိုင်ပါသည်။

စီအေကုတ်(စ်)က “ဘုရားသခင် နည်းလမ်းများ၏ အဆုံးသည် ခရစ်တော်ကို ကျွန်ုပ်တို့ အတွက် အရာ အားလုံး ဖြစ်စေခြင်း ပေတည်””ဟု ပြောခဲ့ပါသည်။

မေးခွန်းများ

၁။ ကျွန်ုပ်တို့အတွက်ခရစ်တော်အသေခံခြင်းမှာ

(က) ကျွန်ုပ်တို့သည် ဤအသက်တာ၌ရှင်သည်ဖြစ်စေ၊ သေဆုံးသည်ဖြစ်၊ ““သူနှင့်အတူ””နေရန်ဖြစ်သည်။

(ခ)  ကျွန်ုပ်တို့ကွယ်လွန်သောအခါ ကောင်းကင်ဘုံတွင်နေရာပေးရန်သာဖြစ်သည်။

၂။ ခရစ်တော်မည်သည့်နေရာတွင် နေထိုင်ပါသနည်း။

(က) ဤကမ္ဘာလောက

(ခ) ““အဖခမည်းတော်၏အိမ်””

၃။ ကျွန်ုပ်တို့အတွက် ယခု““အဖခမည်းတော်အိမ်””ဆိုသည်မှာ

(က) ကမ္ဘာပေါ်တွင် အသက်တာကိုပျော်ရွှင်နိုင်သလောက် နေထိုင်ပြီးသေဆုံးသည့်အခါ ဘုရားသခင်နှင့်အတူရှိရန်

(ခ)  ဘုရားသခင်ကို သိ၍ခံစားပြီး၊ ကျွန်ုပ်တို့သည် ဘုရားမေတ္တာ၏ရည်ရွယ်ချက်အကြောင်းရင်းဖြစ်ကြောင်းသိခြင်း

၎။ယုံကြည်သူ၏အတိတ်အတွက် တာဝန်ယူရှင်းပြီးပါပြီ။ သူ၏အနာဂတ်အတွက်မူ

(က) လုံးဝစိတ်ချရပါပြီ။

(ခ)  ဘာဖြစ်မည်ကိုကျွုန်ုပ်တို့မသိပါ။

၅။ သန့်ရှင်းသောဝိညာဉ်တော်ဆင်းသက်လာခြင်းမှာ

(က) ကျွန်ုပ်တို့ကိုအံ့သြဖွယ်ခံစားချက်နှင့်အတွေ့အကြုံများပေးရန်

(ခ) ခရစ်တော်ရှိနေသောနေရာ၏၀မ်းမြောက်ဖွယ်ရာနှင့်ဘုန်းတော်အကြောင်းကျွန်ုပ်တို့သိစေရန်ဖြစ်သည်။

၆။ ကျွန်ုပ်တို့သည် ဘုရားသခင်နှင့်ငြင်းခုံခြင်းရှိပါက

(က) ကျွန်ုပ်တို့သည် ကျမ်းစာဖတ်၊ဆုတောင်းပြီးဘုရားကျောင်းမှန်မှန်တက်နေသည့် ကာလပတ်လုံး ကျွန်ုပ်တို့ အသက် တာ ကိုမထိခိုက်ပါ။

(ခ) ဘုရားသခင်ကိုတောင်းပန်ဝန်ခံ၍ ““ဟုတ်ကဲ့ပါ””ဟုမပြောမချင်း ကျွန်ုပ်တို့သည် ဘုရားချစ်ခြင်းမေတ္တာကိုမခံစားရပါ။

ကျွန်ုပ်တုိ့၏ခရစ်ယာန်အသက်တာလည်းကြီးထွားခြင်းမရှိပါ။

၇။ ဘုရားသားဖြစ်ရန်အတွက်

(က) ကိုယ်ကိုကိုယ် အရှိတိုင်းထက်သာလွန်၍ထင်ခြင်း

(ခ) ဘုရားသခင်၏မေတ္တာနှင့်မွေ့လျော်ခြင်း၏အကြောင်းရင်းဖြစ်ရမည်။

၈။ တစ်ဦးတစ်ယောက်ကိုသင်ပြစ်မှားမိပါက

(က) ဘုရားသခင်ကိုပြောပြပါ။

(ခ)  ဘုရားသခင်ကို ပြော၍ထိုလူထံသွားပြီးပြေလည်အောင်လုပ်ပါ။

၉။ သင်သည် ဘုရားသခင်၌မွေ့လျော်ခံစားလိုပါလျှင်

(က) ခရစ်တော်ကို ဂုဏ်ပြုသည့်အသင်းတော်ကိုသစ်္စာရှိစွာပါပင် တက်ရောက်ပါ။

(ခ)  သင့်အတွက်အဆင်ပြေသည့် မည်သည့်အသင်းတော်ကိုမဆိုတက်ပါ။

၁၀။ ကျွန်ုပ်တို့အတွက် ဘုရားသခင်၏အကြံအစည်ရည်ရွယ်ချက်မှာ

(က) ကျွန်ုပ်တို့ဝမ်းမြောက်ပျော်ရွင်ရန်

(ခ)  ခရစ်တော်ကိုကျွန်ုပ်တို့အတွက် အရာအားလုံးဖြစ်စေရန်။ဖ


Illustration Document - download link

http://murann.com/documents/biblestudy/Lesson16 How to Enjoy God (part 2) Bur.doc