ဘုရားသခင်၏ကြီးစွာသောအောင်နိုင်ခြင်း God’s Great Victory


Lesson 4

အဓိကကျမ်းပုဒ် ။ ။ ဟေဗြဲ ၁၀း၁၂၊    ဖတ်ရန်ကျမ်းစာ ။ ။ ယော ၂၀

ချစ်သောမိတ်ဆွေ

ပြီးခဲ့သည့်သင်ခန်းစာ၌ ဘုရားသခင်နှင့်လူကြားရှိ ကြီးမားသောအပြစ်ဆိုသည့် အတားအဆီးကို ခရစ်တော်က မည်သို့ ဖယ်ရှားခဲ့ပုံကို ကျွန်ုပ်တို့လေ့လာခဲ့ပြီးဖြစ်သည်။ သူသည် ကျွန်ုပ်တို့၏ကိုယ်စား အပြစ်၏အဖိုးအခကို အပြည့်အ၀ ပေးချေခြင်းအားဖြင့် ဖယ်ရှားခဲ့သည်။

ခရစ်တော်၏ ကားတိုင်ထက်မှာ မိမိကိုယ်ကို စွန့်လွှတ်ပူဇော်ခြင်း၌ လုံးဝကျေနပ်မှုရှိကြောင်းကို ဘုရားသခင်သည် ခရစ်တော်အား သေခြင်းမှ ထမြောက်စေ၍ သူ၏လက်ျာတော်ဘက်၌  ဘုန်းထင်ရှားစွာ နေရာချထားခြင်းအားဖြင့် သူ၏ ကျေနပ်မှုကို ပြသခဲ့သည်။ “ဘုရားသခင်၏ လက်ျာတော်ဘက်” သည် ဘုန်းအသရေ အကြီးမြတ်ဆုံးနေရာဖြစ်သည်။ တမန်တော်ရှင်ပေါလုက ယေရှုခရစ်တော်သည် “ကောင်းကင်ဘုံသို့ကြွတော်မူသည်ဖြစ်၍ ကောင်းကင်တမန်အစရှိသော အာဏာစက်တန်ခိုးများတို့ကို အုပ်စိုးလျက်၊ ဘုရားသခင်၏ လက်ျာတော်ဘက်၌ ရှိတော်မူ၏။” (၁ပေ ၃း၂၂)

 

ခရစ်တော်၏ဘုန်းထင်ရှားစွာ ရှင်ပြန်ထမြောက်ခြင်း

ယေရှုသည် နေ့ခင်းဘက် (၃) နာရီခန့်တွင် သေဆုံးခဲ့သည်။ အရိမသဲမြို့သားယောသပ်သည် ရောမနယ်စား ထံလာ၍ ယေရှု၏အလောင်းတော်ကိုပေးရန် ရဲဝံ့စွာတောင်းဆိုခဲ့သည်။ ပိလတ်မင်းသည် ယောသပ်၏ တောင်းဆိုချက်ကို လိုက်လျောခဲ့သည်။

ယေရှုကို ကျောက်၌ထွင်းထားသော သင်္ချိုင်းဂူအသစ်တခု၌ မြုပ်နှံခဲ့သည်။ သူသည် သုံးရက်နှင့်သုံးည တိုင်အောင် ဂူထဲ၌ လဲလျှောင်းခဲ့သော်လည်း သူ၏ကိုယ်ခန္ဓာမှာပုပ်သိုးသွားခြင်းမရှိခဲ့ပါ။ ကျမ်းစာက “ကိုယ်တော်၏ သန့်ရှင်းသောသူ အားလည် ပုပ်စပ်ခြင်းကို ရှိစေတော်မမူဘဲလျက်၊--” ဟုဆိုခဲ့သည်။ (ဆာ၊ ၁၆း၁၀)

သုံးရက်မြောက်သောနေ့၌ နေမထွက်မီ သခင်ယေရှုသည် သေခြင်းမှထမြောက်ခဲ့သည်။ ပထမဆုံး သူသည် မာဂ ဒလမာရိကို ကိုယ်ထင်ပြခဲ့ပြီးနောက် ပေတရုကို ကိုယ်ထင်ပြခဲ့သည်။ Emmaus ဧမောက်ရွာသို့သွားရာလမ်းတွင် တပည့်တော် (၂) ယောက်ကိုလည်း ကိုယ်ထင်ပြခဲ့သည်။ ထိုညတွင်းပင် တပည့်တော် (၁၀) ယောက်သည် ယေရှုကို တွေ့ခဲ့ပြီး သခင်နှင့်အတူ ငါးနှင့်ပျားရည်ကို စားခဲ့ကြသည်။ သောမသည် ထိုနေရာ၌ ရှိမနေခဲ့ပါ။

တပည့်တော်များသည် သခင်ယေရှု ထမြောက်ပြီး သူတို့အား ကိုယ်ထင်ပြကြောင်းကို သောမအား ပြောပြသော အခါ သောမသည် သူတို့ကို မယုံကြည်ခဲ့ပါ။ သူက “လက်တော်၌ သံရိုက်ရာချက်ကို မမြင်၊ သံရိုက်ရာချက်ကို လက်ညှိုး နှင့် မတို့မစမ်း၊ နံဖေးတော်ကိုလည်း လက်နှင့် မစမ်းမသပ်ရလျင်၊ အကျွန်ုပ်မယုံ” ဟုဆိုခဲ့သည်။ (ယော ၂၀း၂၅)

၈-ရက်ကြာပြီးနောက် ရက်သတ္တပတ်၏ ပထမဆုံးရက်တွင် တပည့်တော်များသည် အခန်းတခုထဲ၌ အတူတကွ ရှိနေခဲ့ကြသည်။ ဤအချိန်တွင် သောမလည်း သူတို့နှင့်အတူရှိသည်။ ယေရှုသည် ထပ်မံ၍ ကိုယ်ထင်ပြခဲ့ပြီး “ငြိမ်သက်ခြင်း ရှိကြလော့” ဟူ၍ သူတို့အားမိန့်ဆိုခဲ့သည်။ ထို့နောက် သောမဘက်သို့လှည့်၍ သူ၏လက်တော်အားတို့ထိရန်၊ သံရိုက်ရာ ဒါဏ်ချက်များအား စမ်းကြည့်ရန်နှင့် သူ၏နံဖေးကို လက်ဖြင့်စမ်းရန်၊ သောမအားပြောခဲ့သည်။ သောမသည် နောက်ထပ် သံသယ မ၀င်တော့ပါ။ သူသည် သခင်ယေရှုကို ၀တ်ပြုကိုးကွယ်၍ “အကျွန်ုပ်၏အရှင်၊ အကျွန်ုပ်၏ဘုရားသခင်ပါတကား” ဟု လျှောက်ဆိုခဲ့သည်။

သခင်ယေရှုသည် ထမြောက်ပြီး ရက်(၄၀) အတောအတွင်း ကမ္ဘာမြေပေါ်တွင် ကိုယ်ထင်ပြခဲ့သည်။ တပည့်တော် များအား အကြိမ်အတော်များများ ကိုယ်ထင်ပြခဲ့သည်။ တကြိမ်တွင် လူပေါင်း (၅၀၀) ကျော်သည် ထမြောက်တော်မူသော ခရစ်တော်ကို ဖူးမြင်ခဲ့ကြသည်။ ကျမ်းစာက “အသေခံတော်မူပြီးလျှင်၊ တမန်တော်တို့အား ရက် ၄၀ ပတ်လုံးကိုယ်ကိုပြ၍ .....မိမိအသက်ရှင်သည်အကြောင်းကို ခိုင်ခံ့သော သက်သေများအားဖြင့် ပြတော်မူ၏” ဟုဆိုသည်။ (တမန် ၁း၃)

ယေရှုခရစ်တော်၏ ရှင်ပြထမြောက်ခြင်းသည် ဘုရားသခင်၏၊ သေခြင်း၊ အပြစ်နှင့်စာတန်တန်ခိုးအပေါ်သို့ ကြီးစွာ သော အောင်နိုင်ခြင်းပင်ဖြစ်သည်။ ယေရှု၏တပည့်တော်များသည် ကားတိုင်ထက်၌ သခင်သေဆုံးပုံကိုကြည့်၍ ကြောက်ရွံ့ ထိတ်လန့်ပြီး ထွက်ပြေးခဲ့ကြသည်။ သို့သော် သခင်၏ကြီးမြတ်သောထမြောက်ခြင်းသည် သူတို့ကိုပျော်ရွှင်မှု၊ ရဲရင့်မှုများဖြင့် ပြည့်နှက်စေခဲ့သည်။ သူတို့သည် နေရာတိုင်းသို့သွား၍ ခရစ်တော်၏ ရှင်ပြန်ထမြောက်ခြင်းအကြောင်းကို ဟောပြောခဲ့ကြ သည်။ ကျမ်းစာက “သခင်ယေရှု ထမြောက်တော်မူခြင်းအကြောင်းကို တမန်တော်တို့သည် ကြီးသောတန်ခိုးနှင့် သက်သေ ခံ၍၊ ထိုသူအပေါင်းတို့သည် ကြီးသောတန်ခိုးနှင့် ပြည့်စုံကြ၏” ဟုဆိုသည်။ (တမန် ၄း၃၃)

 

ခရစ်တော်သည် အပြစ်အပေါ် “အောင်နိုင်သူ” ဖြစ်သည်။

ဘုရားသခင်၏ ပထမလူ အာဒံသည် သွေးဆောင်ခြင်းခံရသောအခါ သူသည်အပြစ်လုပ်ပြီး အပြစ်နှင့် သေခြင်းကို ဤလောကအတွင်းသို့ ယူဆောင်လာခဲ့သည်။ ဘုရားသခင်၏ ဒုတိယလူ ယေရှုခရစ်တော်သည် သွေးဆောင်ခြင်းကို ခံရ သောအခါ အောင်နိုင်ခဲ့သည်။ ကျမ်းစာက ခရစ်တော်သည် “ငါတို့ခံရသည်နည်းတူ၊ အမျိုးမျိုးသော စုံစမ်းနှောင့်ယှက်ခြင်း ကို ခံဘူးသောသူ ဖြစ်တော်မူ၏။ သို့ရာတွင် ဒုစရိုက်အပြစ်နှင့် ကင်းလွတ်တော်မူ၏” ဟုဆိုသည်။ (ဟေ ၄း၁၅)

ခရစ်တော်သည် သူ့သာသနာပြုလုပ်ငန်း၏ အစမှာပင် အပြစ်အပေါ်အောင်ပွဲခံနိုင်ခဲ့သည်။ တောထဲ၌  စာတန် သည် အခြားမည်သူမျှ သွေးဆောင်ခြင်းမခံခဲ့ရဘူးသော သွေးဆောင်မှုမျိုးဖြင့် ခရစ်တော်ကို သွေးဆောင်ခဲ့သော်လည်း ခရစ်တော်သည် အပြစ်နှင့်စာတန်အပေါ် လုံးဝဥဿုံ အောင်နိုင်သူဖြစ်ခဲ့သည်။

သူ့ဘ၀တလျှောက်လုံးတွင်လည်း ခရစ်တော်သည် အပြစ်အပေါ်အောင်ပွဲဆင်နိုင်ခဲ့သည်။ ကျမ်းစာက သူသည် “ဒုစရိုက်ကိုမပြု။ နှုတ်တော်၌လည်းမုသာကိုရှာမတွေ့” ဟုဆိုသည်။ (၁ပေ ၂း၂၂) သူ၏ အခါးသီးဆုံးရန်သူများ အပါအ၀င် မည်သူကမှ သူ့တွင်အပြစ်ရှိသည်ဟု ထောက်မပြနိုင်ပါ။

စာတန်သည် “ကိုယ်ကာယတပ်မက်ခြင်း၊ မျက်စိတပ်မက်ခြင်းနှင့် လောကီ၌၀ါကြွားခြင်းစသည်တို့ကို ခရစ်တော် အပေါ်၌ ရှာဖွေရန် ကြိုးစားသော်လည်း၊ သန့်ရှင်းသော ဘုရားသခင်၏ သားတော်၌ ဤအရာတို့ကို သူရှာမတွေ့နိုင်ခဲ့ပါ။ ယေရှုက “အကြောင်းမူကား၊ ဤလောကကို အစိုးရသောမင်းသည် (စာတန်သည်) လာဆဲဖြစ်၏။ လာသော်လည်း ငါ၌ အဘယ်အခွင့်အရေးကိုမျှ မတွေ့ရ” ဟုဆိုသည်။  (ယော ၁၄း၃၀)

ကားတိုင်ပေါ်၌အသေခံခြင်းအားဖြင့် ခရစ်တော်သည် အပြစ်ပြဿနာတခုလုံးကို ကိုင်တွယ်ဖြေရှင်းခဲ့သည်။ သူသည် လူနှင့်ဘုရားကြားရှိ အပြစ်ဆိုသည့် အတားအဆီးကြီးကို ဖယ်ရှားပစ်ခဲ့သည်။ ကျမ်းစာက “ယခုမူကား၊ ဤကပ် ကာလအဆုံး၌ တခါတည်း ကိုယ်ကိုပူဇော်သောအားဖြင့် အပြစ်များကို သုတ်သင်ပယ်ရှားခြင်းငှါ၊ ပေါ်ထွန်းတော်မူ၏။” ဟု ဆိုသည်။ (ဟေဗြဲ  ၉း၂၆)

 

ခရစ်တော်သည် စာတန်အပေါ်ကြီးစွာ အောင်နိုင်သူဖြစ်သည်။

စာတန်သည် ကောက်ကျစ်သောသူများအားဖြင့် ခရစ်တော်ကို ရှက်ကြောက်စရာကောင်းသော သေခြင်းမျိုးဖြင့် သေစေပြီးနောက် သူသည်ကြီးစွာသော အောင်ပွဲဆင်နိုင်ပြီဟု ထင်ခဲ့သည်။ သို့သော် ဤသည်မှာ အမှားတကာ အမှားဆုံး ထင်မြင်ချက်ဖြစ်သည်။

အမှန်စင်စစ်မှာ သခင်ယေရှုသည် သေခြင်းအားဖြင့် စာတန်၏တန်ခိုးကို ရိုက်ချိုးဖျက်ဆီးပစ်နိုင်ခဲ့သည်။ ကျမ်းစာ က ဘုရားသခင်၏သားတော်သည် အသွေးအသားကိုယ်ခန္ဓာကို ဆောင်ယူခဲ့ခြင်းအကြောင်းမှာ “အသေခံတော်မူသော အားဖြင့်၊ သေခြင်းတရားကို အစိုးရသောသူတည်းဟူသော မာနတ်၏တန်ခိုးကို ချိုးဖဲ့ဖျက်ဆီးရန်” ဖြစ်သည်ဟုဆိုသည်။ (ဟေဗြဲ ၂း၁၄)

စာတန်နှင့် မှောင်မိုက်ကိုအုပ်စိုးသူများသည် ခရစ်တော်ကိုသင်္ချိုင်းဂူအတွင်း၌ ထာဝစဉ်မြှုပ်နှံထားရန် အစွမ်းရှိသမျှ ကြိုးစားခဲ့ကြသော်လည်း၊ ယေရှုသည် သေခြင်းမှထမြောက်၍ စာတန်နှင့် မှောင်မိုက်တန်ခိုးများအပေါ်အောင်နိုင်ခဲ့သည်။

 

ခရစ်တော်သည် သေခြင်းအပေါ် ကြီးစွာအောင်နိုင်သူဖြစ်သည်။

လူသား၏အပြစ်ကြောင့် စာတန်သည် သေခြင်း၏တန်ခိုးဖြင့် လူသားအပေါ်လွှမ်းမိုးခွင့်ရသည်။ သို့သော် ဘုရား သခင်၌ ပို၍ကြီးမားသော “ရှင်ပြန်ထမြောက်ခြင်း၏တန်ခိုးတော်” ရှိသည်။

ခရစ်တော်သည် ကျွန်ုပ်တို့အတွက် သေခြင်းစက်ကွင်းထဲသို့ ၀င်ရောက်ခဲ့သည်။ ကျမ်းစာက သူသည် လူတိုင်း အတွက် သေခြင်းကို မြည်းစမ်းခဲ့သည်ဟုဆိုသည်။ ခရစ်တော်၏ ရှင်ပြန်ထမြောက်ခြင်းမတိုင်မီ သေခြင်းသည် လူများကို သူ၏တန်ခိုးအားဖြင့် ချည်နှောင်ထားခဲ့သည်။ သို့သော် ခရစ်တော်သည် သင်္ချိုင်းတွင်းမှထမြောက်ခြင်းအားဖြင့် သေခြင်း၏ တန်ခိုးကို ထာဝရကာလရိုက်ချိုးပစ်ခဲ့သည်။ ကျမ်းစာက ယေရှုခရစ်တော်သည် “သေခြင်းအကြောင်းကိုပယ်ရှား၍၊ အသက်ရှင်ခြင်းအကြောင်းနှင့် မဖောက်ပြန်ခြင်းအကြောင်းကို ဧ၀ံဂေလိတရားအားဖြင့် ထင်ရှားစေတော်မူပြီ။” ဟုဆိုသည်။ (၂တိ ၁း၁၀)

ခရစ်တော်ရှင်ပြန်ထမြောက်ခြင်း၏ ၀ိညာဉ်ရေးအရ အရေးပါမှုကို သိနားလည်ရန် အရေးကြီးသည်။ ခရစ်တော်ကို သင်္ချိုင်းဂူအတွင်း၌ ကြာရှည်စွာထားရှိရန် စာတန်၊ အပြစ်နှင့် သေခြင်း၏တန်ခိုးများ အားလုံးသည် စုစည်းလုပ်ဆောင်ကြ သည်။ သို့သော် ခရစ်တော်သည် သူ့ခမည်းတော်၏ ကြွယ်ဝသော ဘုန်းတန်ခိုးတော်အားဖြင့် သေခြင်းမှ ထမြောက်လာခဲ့ သည်။ ခရစ်တော်၏ရှင်ပြန်ထမြောက်ခြင်းတွင် ဘုရားသခင်၏ ကြီးမြတ်သောတန်ခိုးတော် ပြသထားမှုကို တွေ့ရသည်။ (ဧဖက် ၁း၁၅-၂၁) ကို ကြည့်ပါ။

ဘုရားသခင်သည် သူ့သားတော်ကို သေခြင်းမှထမြောက်စေ၍ သူ့ရန်သူအားလုံးအပေါ်အောင်နိုင်သော တန်ခိုး တော်ကိုပေးခဲ့သည်။ ကျမ်းစာက ယေရှုခရစ်တော်သည် “သေခြင်းမှထမြောက်တော်မူ၍၊ တန်ခိုးနှင့်တကွ ဘုရားသင်၏ သားတော် ထင်ရှားစွာဖြစ်တော်မူသောသူ” ဟုဆိုသည်။ (ရောမ ၁း၎) တွင် ကြည့်ပါ။

 

ခရစ်တော်သည် သေခြင်းမှထမြောက်သော အဦးဆုံးသောလူဖြစ်သည်။

ခရစ်တော်ကို “သေခြင်းမှဦးစွာဖွားသောသူ” ဟုလည်းခေါ်သည်။ အကြောင်းမှာ ထမြောက်ခြင်းနှင့်ဆိုင်သော ကိုယ်ခန္ဓာကို ပိုင်ဆိုင်ခဲ့သော ပထမဆုံးလူသားဖြစ်သောကြောင့်ဖြစ်သည်။ ယေရှုသည် လူ (၃) ဦးကို သေခြင်းမှ ထမြောက် စေခဲ့သော်လည်း ထိုလူများသည် ယခင်လူကိုယ်ခန္ဓာ၌သာ အသက်ပြန်ရှင်ကြခြင်းဖြစ်၍၊ အချိန်တန်သောအခါ အခြားသူ များကဲ့သို့ သေဆုံးသွားကြသည်။

ခရစ်တော်သည် သေခြင်းမှထမြောက်သောအခါ သူ၌ဘုန်းတော်ထွန်းတောက်သော၊ ထမြောက်ခြင်း၏ အသစ် သော ခန္ဓာကိုယ်သည် အသား။ အရိုးများဖြင့် ဖွဲ့စည်းထားသော်လည်း အသွေးမရှိပါ။

ယေရှုသည်တပည့်တော်များကို ကိုယ်ထင်ပြသောအခါ သရဲတစ္ဆေ (သို့) ၀ိညာဉ်ဟု သူ့ကိုထင်ကြသည်။ သို့သော် ယေရှုကသူတို့အား “ငါ့လက်ကို ကြည့်ကြလော့။ ငါ့ခြေကိုလည်း ကြည့်ကြလော့။ ငါ့ကိုယ်ပင်ဖြစ်၏။ ငါ့ကိုကြည့်ရှုစမ်းသပ် ကြလော့။ ငါသည်သင်တုိ့မြင်သည်အတိုင်း အရိုးအသားနှင့်ပြည့်စုံ၏” ဟုဆိုခဲ့သည်။ (လုကာ ၂၄း၃၉)

သူ၏ကြီးမြတ်စွာထမြောက်သောကိုယ်ခန္ဓာအားဖြင့် ယေရှုသည် တနေရာမှတနေရာသို့ ချက်ချင်းသွားလာနိုင် သည်။ သူသည် နံရံများနှင့်ပိတ်ထားသော တံခါးများကို ထွင်းဖောက်သွားလာနိုင်သည်။

သခင်ယေရှုသည် ကျွန်ုပ်တို့အတွက် တဖန်ပြန်ကြွလာသောအခါ သူကဲ့သို့ ဘုန်းထွန်းတောက်၍  အသစ်သော ကိုယ်ခန္ဓာကို ကျွန်ုပ်တို့အားပေးမည်ဖြစ်သည်။ ကျွန်ုပ်တို့အတွက် ကိုယ်ခန္ဓာအသစ်တွင် နာဖျားခြင်းနှင့် သေခြင်းလုံးဝ ဖြစ်တော့မည်မဟုတ်ပါ။ ပေါလုက ကျွန်ုပ်တို့၏ကယ်တင်ရှင် သခင်ယေရှု ခရစ်တော်ကို ရှာဖွေကြရန် ပြောထားသည်။ ထိုသခင်သည် “ယုတ်ညံ့သောငါတို့၏ ကိုယ်ခန္ဓာကိုပင်၊ ဘုန်းအသရေတော်နှင့်ပြည့်စုံသော ကိုယ်ခန္ဓာတော်၏ နည်းတူ ဖြစ်စေမည်” ဖြစ်သည်။ (ဖိ ၃း၂၁)

 

ခရစ်တော်သည် အောင်ပွဲခံ၍ ကောင်းကင်ပေါ်သို့ ပြန်ကြွသွားခဲ့သည်။

ရှေးခေတ်ရောမဗိုလ်ချုပ်များသည် စစ်ပွဲ၌အောင်နိုင်ပြီးနောက် ရောမမြို့သို့ပြန်လာသောအခါ ရောမလူထုက သူတို့ကို သူရဲကောင်းများအဖြစ် သောင်းသောင်းဖြဖြကြိုဆိုကြသည်။ သူတို့ကို ဂုဏ်ပြုသည့်အနေဖြင့် မြို့ရှိလူများစွာသည် စုရုံးရောက်ရှိလာကြပြီး အောင်နိုင်သူ ဗိုလ်ချုပ်များသည် သူတို့၏ရန်သူများကို မြင်းရထားများတွင် ချည်တွဲထားလျက် အောင်ပွဲခံသည့်အနေဖြင့် မြို့အတွင်းသို့ လှည့်လည်စီးနင်းကြသည်။

ခရစ်တော်သည် ကောင်းကင်ဘုံသို့ပြန်ကြွသောအခါ စာတန်နှင့်မှောင်မိုက်တန်ခိုးများအားလုံးအပေါ်၌ အောင်နိုင် သူအနေဖြင့် ပြန်ကြွသွားခြင်းဖြစ်သည်။ သူ့အား ရှုံးနိမ့်သွားသောရန်သူများကိုလည်း ထင်ရှားစွာ ပြသခဲ့သည်။ ကျမ်းစာက “အထွဋ်အမြတ်၊ အာဏာစက်များကိုလုယူလျှင်၊ ထင်ရှားစွာထုတ်ပြ၍ လက်ဝါးကပ်တိုင်တော်အားဖြင့် အောင်ပွဲခံတော်မူပြီ” ဟု ဆိုသည်။ (ကော ၂း၁၅)

 

ခရစ်တော်သည်ကောင်းကင်ဘုံရှိ ပလ္လင်ပေါ်သို့ ချီးမြှောက်ခြင်းခံရသည်။

ခမည်းတော်သည် သူ့ချစ်စွာသောသားတော်ကို ဘုန်းထင်ရှားသောအိမ်တော်သို့ ကြိုဆို၍ဘုန်းအသရေနှင့် တန်ခိုးတော်အကြွယ်ဝဆုံးနေရာကိုပေးခဲ့သည်။ ယေရှုသည် ကမ္ဘာပေါ်တွင်ရှိစဉ် သူ့ဘ၀တလျှောက်လုံး၌ ခမည်းတော်၏ ဘုန်းတော်ကို ထင်ရှားစေခဲ့သည်။ ကားတိုင်ပေါ်သို့ တက်မည့်ဆဲဆဲတွင်ပင် ခမည်းတော်ထံ ဤသို့ ဆုတောင်းခဲ့သည်။ “အကျွန်ုပ်သည် မြေကြီးပေါ်ကိုမှာ ကိုယ်တော်၏ ဘုန်းကိုထင်ရှားစေပါပြီ။ အိုအဘ....ယခုတွင် အကျွန်ုပ်ကို အထံတော်၌ ချီးမြှောက်တော်မူပါ။” (ယော ၁၇း၄၅)

ခမည်းတော်သည် စကြ၀ဠာရှိ အမြင့်မြတ်ဆုံးသောနေရာကို ခရစ်တော်အားပေးခြင်းဖြင့် ဤဆုတောင်းသံကို နားညောင်းအဖြေပေးခဲ့သည်။ လူသား၊ ယေရှုခရစ်တော်သည် ယခုအခါတွင် ဘုရားသခင်၏ ပလ္လင်ပေါ်၌ နေရာချထားခြင်း ခံထားရပြီးဖြစ်သည်။ ကျမ်းစာက “ခပ်သိမ်းသောအထွဋ်အမြတ်၊ အာဏာစက်၊ တန်ခိုး၊ အစိုးရခြင်းမှစ၍၊ ယခုဘ၀ နောင်ဘ၀၌ ခေါ်ဝေါ်သမုတ်သော ဘွဲ့နာမအလုံးစုံတို့အထက်၊ ကောင်းကင်အရပ်၌ မိမိလက်ျာတော်ဘက်မှာ အလွန် မြင့်မြတ်သော နေရာကို ခရစ်တော်အားပေးတော်မူ၍” ဟု ဆိုသည်။ (ဧဖက် ၁း၂၁)

ယေရှုခရစ်တော်ကို ပေးသောနေရာသည် စကြာဝဠာတွင်းရှိ အခြားလူပုဂိ်္ဂုလ်၊ ကောင်းကင်တမန်များနှင့် ၀ိညာဉ် တန်ခိုးများအားလုံး၏နေရာထက် သာ၍မြင့်မြတ်သည်။ ကျမ်းစာက “ခပ်သိမ်းသောအရာတို့ကိုသူ၏ခြေအောက်၌ထားရှိ သည်” ဟူ၍ဆိုသည်။ ဆိုလိုသည်မှာ စကြာဝဠာရှိအရာအားလုံးသည် သူ၏တန်ခိုးအာဏာအောက်၌သာရှိသည်ဟု ဆိုလိုခြင်းဖြစ်သည်။ ကျမ်းစာက “ထို့ကြောင့်၊ ဘုရားသခင်သည် ကိုယ်တော်ကို အလွန်ချီးမြှောက်၍၊ ဘွဲ့နာမတကာတို့ ထက် ကြီးမြတ်သော ဘွဲ့နာမကို ပေးသနားတော်မူ၏။ အကြောင်းမူကား၊ ကောင်းကင်သတ္တ၀ါ၊ မြေကြီးသတ္တ၀ါ၊ မြေကြီး အောက်၌ရှိသောသတ္တ၀ါတည်းဟူသော ခပ်သိမ်းသောသတ္တ၀ါတို့သည် ယေရှုဘွဲ့နာမတော်ကို ဒူးထောက်၍၊ ယေရှုခရစ် သည် သခင်ဖြစ်တော်မူ၏ဟု နှုတ်နှင့်ဝန်ခံသဖြင့်၊ ခမည်းတော်ဘုရား၏ ဘုန်းအသရေတော်ကို ထင်ရှားစေကြမည့် အကြောင်းတည်း”။ (ဧဖက် ၂း၉-၁၁)

လောကီလူများ လုံးဝမသိသော လျှို့ဝှက်ချက်တခုကို ခရစ်ယာန်များသိကြသည်။ ၎င်းမှာ “ခရစ်တော်သည် ဤလောက၌ ငြင်းပယ်ခြင်းခံခဲ့ရသော်လည်း ကောင်းကင်ဘုံ၌ ချီးမြှောက်ခြင်းခံရသည်” ဆိုခြင်းပင်ဖြစ်သည်။

ကျွန်ုပ်တို့သည် ဤလောကမှ ချီဆောင်ခြင်းခံရ၍ ကောင်းကင်ဘုံသို့ ရောက်ရှိမည်ဆိုပါက ကျွန်ုပ်တို့ကို အ၀မ်းမြောက်ဆုံးဖြစ်စေမည့်အချက်မှာ ယေရှုခရစ်တော်သည် ကောင်းကင်ဘုံရှိ အမြင့်မြတ်ဆုံး ဂုဏ်အသရေနှင့် တန်ခိုး အာဏာတော်၏နေရာ၌  ရှိနေခြင်းပင်ဖြစ်သည်။ သူသည် ဘုရားသခင့် စကြာဝဠာရှိ အမြင့်ဆုံးနေရာတွင် ရှိနေသည်။

 

ခရစ်တော်လုပ်ခဲ့သမျှသည် လူတယောက်အနေဖြင့် ကျွန်ုပ်တို့အတွက် လုပ်ပေးခဲ့ခြင်းဖြစ်သည်။

ဘုရားသခင်၏သားတော်၊ ယေရှုခရစ်တော်သည် ကလေးငယ်တဦးအနေဖြင့် ဤလောကအတွင်းသို့ ၀င်ရောက်လာခဲ့သည်။ သူသည် လူတယောက်အနေဖြင့် ဤနေရာ၌ အသက်ရှင်ခဲ့သည်။ လူတယောက်အနေဖြင့် ကားတိုင်ပေါ်၌ အသေခံခဲ့သည်။ သူသည် ဘုန်းတော်ထွန်းတောက်သော ကိုယ်ခန္ဓာအသစ်တခုဖြင့် သေခြင်းမှထမြောက် သောအခါတွင်လည်း လူတယောက်ဖြစ်နေတုံးဖြစ်သည်။ သူ၏လက်တော်၌ သံချက်ရာများရှိပြီး နံဘေးတော်၌လည်း လှံချက်ရာရှိသည်။

သူသည် ဘုန်းထင်ရှားသော လူတယောက်အနေဖြင့် ကောင်းကင်ဘုံသို့ ပြန်တက်သွားခဲ့သည်။ ယေရှုခရစ်တော် ဆိုသော လူသားသည် ကောင်းကင်ဘုံရှိ ပလ္လင်တော်၌ရှိနေသည်။ သူသည် ဤအရာများကို ဘာကြောင့် ပြုလုပ်ခဲ့သနည်း။ သူသည် ဘုရားသခင်၏ ဘုန်းတော်အတွက်နှင့် ကျွန်ုပ်တို့ကိုယ်စား တနည်းအားဖြင့် ကျွန်ုပ်တို့အတွက် လုပ်ခဲ့သည်။

ခရစ်တော်သည် ဤလောကသို့ ကြွလာသောအခါ ဘုရားအနေဖြင့် သူ၌ရှိသည့် ဘုန်းတော်ကို ကျွန်ုပ်တို့အတွက် ခဏတာစွန့်ထားခဲ့သည်။ ယေရှုက “အကြောင်းမူကား၊ လူသားသည် သူတပါးကို စေစားခြင်းငှါမလာ၊ သူတပါး အစေကို ခံခြင်းငှါ၎င်း၊ မိမိအသက်ကိုစွန့်၍ လူများကိုရွေးခြင်းငှါကြွလာသည်” ဟု မိန့်တော်မူခဲ့သည်။ (မာကု ၁၀း၄၅)

ခရစ်တော်သည် ကျွန်ုပ်တို့ကိုယ်စား ဝေဒနာခံစားကာ အသေခံခဲ့သည်။ ဘုရားသခင်၏ ပညတ်တော်များကို ချိုးဖောက်ခဲ့သူများမှာ ကျွန်ုပ်တို့ပင်ဖြစ်သည်။ ထို့ကြောင့် ကျွန်ုပ်တို့သည် သေခြင်း၏စီရင်မှုအောက်၌ ရှိနေသူများဖြစ် သည်။ သို့သော် ခရစ်တော်သည် ကျွန်ုပ်တို့၏နေရာကို လွှဲပြောင်းရယူ၍ ကျွန်ုပ်တို့ကိုယ်စား ကားတိုင်ထက်၌ အသေခံခဲ့သည်။

ခရစ်တော်သည် ကျွန်ုပ်တို့ကိုယ်စား သေခြင်းမှ ထမြောက်ခဲ့သည်။ ကျမ်းစာက “ငါတို့အပြစ်ကြောင့် အပ်နှံခြင်းကို ခံတော်မူ၏။ ငါတို့သည် ဖြောင့်မတ်ရာသို့ ရောက်မည်အကြောင်း ထမြောက်တော်မူ၏” ဟု ဆိုသည်။ (ရောမ ၄း၂၅)

ခရစ်တော်သည် ကျွန်ုပ်တို့ကိုယ်စား ဘုရားသခင်၏လက်ျာတော်ဘက်သို့ သွားခဲ့သည်။ သူသည် ဘုန်းတော်နှင့် အသရေတော်ကို ဦးခေါင်း၌၀တ်ဆင်လျက် ဘုန်းတော်ထွန်းတောက်သော လူသားတဦးအနေဖြင့် ထိုနေရာ၌ တည်ရှိ နေသည်။ ကျွန်ုပ်တို့ကိုယ်စား တည်ရှိနေခြင်းဖြစ်သည်။ ကျမ်းစာက “ခရစ်တော်သည် .....ငါတို့အတွက်ကြောင့် ယခု ဘုရားသခင်၏ ရှေ့တော်၌ ကိုယ်ကိုပြခြင်းငှါ၊ ကောင်းကင်ကိုယ်ထဲသို့ ၀င်တော်မူပြီ”။ (ဟေဗြဲ ၉း၂၄)

 

ကျွန်ုပ်တို့သည် ၀ိညာဉ်ရေးရာ အမြင်ရူပါရုံရှိရန်လိုသည်။

ခရစ်တော်သည်ယနေ့အချိန်တွင်ဘုရားသခင်၏လက်ျာတော်ဘက်၌ ချီးမြှောက်ခြင်းခံထားရသည်ကို ဘုရားသခင် သည် ကျွန်ုပ်တို့အားသိစေလိုသည်။ ပလ္လင်တော်၌ရှိသော ခရစ်တော်သည် ကျွန်ုပ်တို့အားလုံးအတွက် ကောင်းချီး မင်္ဂလာအားလုံး၏ အရင်းအမြစ်ပင်ဖြစ်သည်။

ဘုရားသခင်လုပ်ခဲ့သောအရာကို သိမြင်ခြင်းထက် သာ၍ကောင်းသောအရာမရှိပါ။ ယေရှုသည် ဒမသက်မြို့သို့ သွားရာလမ်းတွင် ပေါလုအား ကိုယ်ထင်ပြသောအခါ သူ၏ဘုန်းတော်ကြောင့် ပေါလုသည် မျက်စိကွယ်သွားခဲ့သည်။ ပေါလုသည် ပြောင်းလဲသွားခဲ့ပြီး သန့်ရှင်းသောဝိညာဉ်တော်အားဖြင့် သူ့အားပြည့်ဝစေခဲ့သည်။ သူ၏ခန္ဓာပိုင်းဆိုင်ရာ အမြင် ပြန်လည်ရရှိရုံသာမက ၀ိညာဉ်ရေးရာအမြင်ရူပါရုံကိုလည်း ရရှိခဲ့သည်။ အာနနိက ပေါလုအား ဤသို့ဆိုခဲ့သည်။ “သင်သည် မြင်လေသမျှ၊ ကြားလေသမျှတို့ကို လူအပေါင်းတို့အားပြော၍ သခင်ဘုရား၏သက်သေခံဖြစ်ရမည်အကြောင်း၊ သင်သည် ဘုရားသခင်၏အလိုတော်ကို သိစေခြင်းငှါ၎င်း၊ ဖြောင့်မတ်သောသူကိုမြင်၍ နှုတ်တော်ထွက်ကို ကြားစေခြင်းငှါ၎င်း၊ ငါတို့ ဘိုးဘေးများ၏ ဘုရားသခင်သည် သင့်ကိုခန့်ထားတော်မူပြီ။” (တမန် ၂၂း၁၄-၁၅) ဟူ၍ဖြစ်သည်။

ဘုန်းတော်ထင်ရှားတော်မူသော ခရစ်တော်နှင့် ဆက်နွယ်၍ ၀ိညာဉ်ကမ္ဘာထဲရှိ မမြင်ရသော ဘုရားသခင်၏ အံ့ဖွယ်လုပ်ဆောင်မှုများကို သိမြင်ခြင်းထက် သာ၍ကြီးမြတ်သော ကောင်းချီးမင်္ဂလာမရှိပါ။ ကျမ်းစာက “ကျမ်းစာလာ သည်နှင့်အညီ၊ ဘုရားသခင်ကို ချစ်သောသူတို့အဘိုအလို့ငှါ ဘုရားသခင်ပြင်ဆင်တော်မူသောအရာတို့ကို၊ လူမျက်စိဖြင့် မမြင်၊ နားဖြင့်မကြား၊ စိတ်နှလုံးဖြင့်မကြံစည်သေး။ ထိုအရာတို့ကို ဘုရားသခင်သည် မိမိဝိညာဉ်တော်အားဖြင့် ငါတို့အား ဘော်ပြတော်မူ၏”။ (၁ကော ၂း၉-၁၀)

ဝိညာဉ်ရေးရာနှင့်ပတ်သက်၍ “သိမြင်” နိုင်ခြင်းသည် ဘုရားသခင်ထံမှလာသော ကောင်းချီးမင်္ဂလာတခုဖြစ် သည်။ ဘုရားသခင်၏လူများထဲမှ အများစုသည် ယေရှုက သူတို့အပြစ်များအတွက် အသေခံခဲ့ပြီး သေခြင်းမှထမြောက်ခဲ့ ခြင်းကို ယုံကြည်ကြသော်လည်း ခရစ်တော်ချီးမြှောက်ခြင်းခံရခြင်းကိုမူ မသိမြင်ကြပေ။ ဘုရားသခင်၏ နှုတ်ကပတ်တော် နှင့် ၀ိညာဉ်တော်အားဖြင့် ခရစ်တော်သည် ယခုအခါတွင် ဘုန်းအသရေတော်ကို ဦးခေါင်း၌ဆောင်းလျက် ရှိနေသည်ကို ကျွန်ုပ်တို့ “သိမြင်” နိုင်သည်။ ကျမ်းစာက “ခပ်သိမ်းသောအရာတို့ကို သူ၏ခြေအောက်၌ ချထားတော်မူပြီဟု သက်သေခံ သတည်း။ .....ယခုမူကား ခပ်သိမ်းသောအရာတို့သည် ချထားလျက်ရှိသည်ကို ငါတို့မမြင်ရကြသေး။ ယေရှုသည် ဘုရား သခင်၏ ကျေးဇူးတော်အားဖြင့် လူအပေါင်းတို့အတွက်ကြောင့် အသေခံရသောအခွင့်ရှိစေခြင်းငှါ၊ ကောင်းကင်တမန်တို့ အောက်၌ အနည်းငယ်နှိမ့်ပြီးမှ၊ အသေခံရသောကြောင့်၊ ခေါင်းတော်၌ ဘုန်းအသရေပတ်ရစ်လျက်ရှိသည်ကို ငါတို့မြင်ကြ ၏” ဟု ဆိုသည်။ (ဟေဗြဲ ၂း၈-၉)

 

ခရစ်တော်သည် ပလ္လင်တော်၌ရှိနေသည်မှာ ယုံကြည်သူများအတွက်ဖြစ်သည်။

ယခုအခါတွင် လူသားယေရှုခရစ်တော်သည် ပလ္လင်တော်ပေါ်၌ရှိနေ၍ ကမ္ဘာပေါ်ရှိ ယုံကြည်သူတိုင်းအတွက် ထိုနေရာ၌ ရှိနေခြင်းဖြစ်သည်။ ကျမ်းစာက ခရစ်တော်သည် “ငါတို့အတွက်ကြောင့်၊ ယခုဘုရားသခင်ရှေ့တော်၌ ကိုယ်ကို ပြခြင်းငှါ၊ ကောင်းကင်ကိုယ်ထဲသို့ ၀င်တော်မူပြီ။” ဟူ၍ ပြောထားသည်။  (ဟေဗြဲ ၉း၂၄)

တနေ့ကျလျှင် ခရစ်တော်သည် ကြွလာ၍ ကျွန်ုပ်တို့ကို သူနှင့်အတူ ထာဝရကာလရှိနေစေရန် ခေါ်ဆောင်သွား မည်ကို သိကြသော်လည်း ယခုအချိန်တွင်ပင် ခရစ်တော်သည် ကျွန်ုပ်တို့အတွက် လုံးလုံးလျားလျားဖြစ်သည်ကို သိကြ ပါရဲ့လား။ ခရစ်တော်လုပ်ခဲ့သမျှသည် ကျွန်ုပ်တို့ကိုယ်စား လုပ်ခဲ့ခြင်းဖြစ်ပြီး သူသည်ကျွန်ုပ်တို့၏ဦးခေါင်းနှင့် ကျွန်ုပ်တို့၏ အောင်နိုင်သော ခေါင်းဆောင်ဖြစ်သည်။ ဘုရားသခင်က သူ့ကိုချစ်သော အံ့သြဖွယ်မေတ္တာမျိုးဖြင့် သူသည်ကျွန်ုပ်တို့ ကိုချစ်သည်။ ယေရှုက “ခမည်းတော်သည် ငါ့ကိုချစ်တော်မူသကဲ့သို့ ငါသည်သင်တို့ကိုချစ်၏။” ဟုဆိုသည်။ (ယော၊ ၁၅း၉)

 

အနှစ်ချုပ်

ယေရှုခရစ်တော်သည် ဤကမ္ဘာပေါ်တွင် ငြင်းပယ်ခြင်းခံရသော်လည်း နောက်ကမ္ဘာတခုတွင် ချီးမြှောက်ခြင်း ခံရသည်။ ယခုအခါတွင် သူသည် ဘုရားသခင်၏ပလ္လင်တော်ပေါ်၌ ရှိနေပြီး သူ၏လူများ အတွက်ရှိနေခြင်းဖြစ်သည်။

 

စဉ်းစားဆင်ခြင်ခြင်း

ကျွန်ုပ်တို့၏ ကယ်တင်ခြင်းသည် ကြီးမြတ်သောအချက် (၂)ချက်ပေါ်တွင် မူတည်သည်။

(၁) ခရစ်တော်သည် ကျွန်ုပ်တို့၏ အပြစ်များအတွက် အသေခံခဲ့သည်။

(၂) ခရစ်တော်သည် သေခြင်းမှ ထမြောက်ခဲ့သည်။

 

(၁) ခရစ်တော်သည် ကျွန်ုပ်တို့၏အပြစ်များအတွက် အသေခံခဲ့သည်။

ဤကြီးမြတ်သောအချက် (၂)ချက်ကို စဉ်းစားကြည့်ကြပါစို့။

ကျွန်ုပ်တို့၏ ကယ်တင်ခြင်းသည် လူပုဂိ်္ဂုလ်တဦးဖြစ်သော သခင်ယေရှုနှင့် သူလုပ်ခဲ့သော အလုပ်အပေါ်တွင် မူတည်သည်။ သူသည်မည်သူနည်း? သူသည်ဘုရားသခင်၏သားတော် ယေရှုခရစ်တော်ဖြစ်သည်။ သူဘာလုပ်ခဲ့သနည်း။ သူသည် ကျွန်ုပ်တို့၏ အပြစ်များအတွက် အသေခံခဲ့သည်။

သူသည် ကျွန်ုပ်တို့အပြစ်များ၏ တစိတ်တပိုင်းအတွက်သာအသေခံခဲ့သလော။ (သို့မဟုတ်) ကျွန်ုပ်တို့၏ အပြစ် များအားလုံးအတွက် အသေခံခဲ့သလော။ သူသည်လူသားမျိုးနွယ်တခုလုံး၏ အပြစ်များအတွက်နှင့် ကျွန်ုပ်တို့၏ အပြစ်များ အားလုံးအတွက် အသေခံခဲ့သည်။ ကျမ်းစာက “ထာဝရဘုရားသည် ခပ်သိမ်းသော ငါတို့၏အပြစ်များကို သူ့အပေါ်၌ တင်တော်မူ၏။” ဟုဆိုသည်။ (ဟေရှာယ ၅၃း၆)

ကျွန်ုပ်တို့၏အပြစ်များအတွက် ခရစ်တော်၏ပေးဆပ်မှုကို ဘုရားသခင်က လုံးဝဥဿုံလက်ခံပါရဲ့လား။ လုံးဝ လက်ခံပါတယ်။ ကျွန်ုပ်တို့မည်သို့သိသနည်း။ ခရစ်တော်၏ ရှင်ပြန်ထမြောက်ခြင်းအားဖြင့် သိသည်။

 

-ခရစ်တော်သည် သေခြင်းမှ ထမြောက်သည်။

ခရစ်တော်၏ ရှင်ပြန်ထမြောက်ခြင်းက သူသည်ဘုရားသခင်၏သားတော်ဖြစ်ပြီး သူပြောသမျှသည် မှန်ကန် ကြောင်းကို သက်သေပြသည်။

သင်သည် သင်၏ကယ်တင်ခြင်းနှင့်ပတ်သက်၍ သေချာမှုမရှိဘဲ စိတ်ဒုက္ခရောက်နေလျှင၊် သို့မဟုတ် သင်၏ သူငယ်ချင်းများသည် သမ္မာကျမ်းစာနှင့် ပတ်သက်၍ သံသယရှိနေလျှင်၊ သင်တို့၏သံသယများကို ဘေးဖယ်ထား၍ ဤမေးခွန်းတခုပေါ်၌ ကိစ္စတခုလုံးကိုဖြေရှင်းပါ။ ယေရှုခရစ်တော်သည် အမှန်တကယ်သေ၍ အမှန်တကယ် ထမြောက်ခဲ့ သလော။

မှန်၏။ ယေရှုခရစ်တော်သည် အမှန်တကယ်သေခဲ့၍ အမှန်တကယ်ထမြောက်ခဲ့သည်။ ထို့ကြောင့် သူသည် ဘုရားသခင်၏သားတော်ဖြစ်ပြီး သူပြောသမျှသည် မှန်ကန်သည်ကို ကျွန်ုပ်တို့သိခြင်းဖြစ်သည်။ ကျွန်ုပ်တို့သည် သူ့ကို လုံးဝဥဿုံ ယုံကြည်စိတ်ချနိုင်သည်။ ကျမ်းစာက ယေရှုခရစ်တော်သည် “သေခြင်းမှ ထမြောက်တော်မူ၍၊ .....တန်ခိုးနှင့် တကွ ဘုရားသခင်၏သားတော် ထင်ရှားဖြစ်တော်မူသော ငါတို့သခင်.....” ဟုဆိုသည်။  (ရော ၁း၃-၄)

 

မေးခွန်းများ

၁။ ယေရှုသည် ဘုရားသခင်နှင့်လူကြားရှိ အပြစ်ဆိုသည့်ကြီးစွာသောအတားအဆီးကြီးကို ဤသို့ဖယ်ရှားခဲ့ သည်။

(က) ကျွန်ုပ်တို့၏နေရာကိုယူ၍ ဘုရားသခင်၏ အပြစ်အပေါ်ဖြောင့်မှန်စွာ စီရင်ချက်ကိုခံယူခြင်းအားဖြင့်။

(ခ) ကျွန်ုပ်တို့ကို ခွင့်လွှတ်ပေးရန် ဘုရားသခင်ထံ တောင်းဆိုခြင်းအားဖြင့်။

 

 

 

၂။ ဘုရားသခင်သည် ခရစ်တော်၏ ကားတိုင်ပေါ်၌ မိမိကိုယ်ကိုစွန့်လွှတ်ပူဇော်ခြင်း၌  လုံးဝကျေနပ်မှုရှိကြောင်း ဤသို့ပြသ ခဲ့သည်။

(က) ခရစ်တော်အား သေခြင်းမှထမြောက်စေ၍ ဘုန်းတော်ထွန်းတောက်စွာ သူ၏လက်ျာတော်ဘက်၌ နေရာချထားခြင်း အားဖြင့်။

(ခ) ထိုကာလရှိ ဘာသာရေးခေါင်းဆောင်များအား ကြေငြာပြောဆိုခြင်းအားဖြင့်။

 

၃။ ခရစ်တော် ရှင်ပြန်ထမြောက်ခြင်း၏ ဆိုလိုရင်းမှာ .....

(က) သူ၏၀ိညာဉ်သည် ထမြောက်သော်လည်း သူကိုယ်ခန္ဓာသည် သင်္ချိုင်းဂူအတွင်း၌ ကျန်ရစ်ခဲ့ပြီး သူ၏၀ိညာဉ်သည် လောက၌ ဆက်လက် အသက်ရှင်သည်။

(ခ) သူ၏ကိုယ်ခန္ဓာသည် ထမြောက်အသက်ရှင်သည်။

 

၎။ ခရစ်တော်သည် သင်္ချိုင်းတွင်းမှ ထမြောက်သောအခါ သူ၏ကိုယ်ခန္ဓာသည် .....

(က) သူသေခြင်းမှ ထမြောက်စေခဲ့သော လူ ၃ ဦး၏ ကိုယ်ခန္ဓာကဲ့သို့ဖြစ်သည်။

(ခ) အရင်ကတွေ့ဖူးသော ကိုယ်ခန္ဓာများနှင့် လုံးဝမတူသော ဘုန်းတော်ထွန်းတောက်၍ ထမြောက်ခြင်းနှင့်ဆိုင်သော ကိုယ်ခန္ဓာအသစ်ဖြစ်သည်။

 

၅။ ခမည်းတော်သည် အိမ်တော်သို့ ဘုန်ုးတော်ထင်ရှားသော သားတော်ကို ကြိုဆို၍....

(က) ကြီးမြတ်သော ဂုဏ်အသေရေတော်နှင့် တန်ခိုးတော် စံပယ်ရာ နေရာကိုပေးခဲ့သည်။

(ခ) အကြီးမြတ်ဆုံးသော ဂုဏ်အသေရေတော်နှင့် တန်ခိုးတော် စံပယ်ရာ နေရာကိုပေးခဲ့သည်။

 

၆။ ယုံကြည်သူများသည် ဤကြီးမြတ်သော လျှို့ဝှက်ချက်တခုကို သိထားသည်။

(က) လောကသည် ခရစ်တော်၏ ဘုန်းအသရေတော်ကို စဉ်ဆက်မပြတ် ထင်ရှားစေမည်။

(ခ) ခရစ်တော်သည် ဤလောက၌ ငြင်းပယ်ခြင်းခံခဲ့ရသော်လည်း၊ ကောင်းကင်ဘုံ၌ ချီးမြှောက်ခြင်းခံရသည်။

 

၇။ အကယ်၍ ကျွန်ုပ်တို့သာဤလောကမှချီဆောင်ခြင်းခံရ၍ကောင်းကင်ဘုံသို့ခေါ်သွားခြင်းခံရလျှင် ကျွန်ုပ်တို့ကိုအကျေနပ် ဆုံးနှင့် ၀မ်းအမြောက်ဆုံးဖြစ်စေမည့် အရာမှာ .....

(က) ခရစ်တော်သည် ကောင်းကင်ဘုံ၌ အကြီးမြတ်ဆုံးသော ဂုဏ်အသရေတော်နှင့် အာဏာတော်၏ နေရာ၌ရှိနေခြင်း ဖြစ်သည်။

(ခ) လူတယောက်အနေဖြင့် ကျွန်ုပ်တို့ကိုယ်စား ဘုရားသခင်၏ ဘုန်းတော်အတွက် သူလုပ်ခဲ့ခြင်းဖြစ်သည်။

 

၈။ ခရစ်တော်လုပ်ခဲ့သမျှသောအရာအားလုံးမှာ .....

(က) ဘုရားသခင်တပါးအနေဖြင့် သူ့ဘုန်းတော်အတွက် သူလုပ်ခဲ့ခြင်းဖြစ်သည်။

(ခ) လူတယောက်အနေဖြင့် ကျွန်ုပ်တို့ကိုယ်စား ဘုရားသခင်၏ ဘုန်းတော်အတွက် သူလုပ်ခဲ့ခြင်း ဖြစ်သည်။

 

၉။ အောက်ပါအရာထက် သာ၍ ကြီးမြတ်သော ကောင်းချီးမင်္ဂလာမရှိပါ။

(က) ဘုန်းတော်ထင်ရှားသော ခရစ်တော်နှင့်ဆက်နွယ်၍ ၀ိညာဉ်ကမ္ဘာ၌  မမြင်နိုင်သောဘုရားသခင်၏အံ့ဖွယ် လုပ်ဆောင် မှုများကို သိမြင်ခြင်း။

(ခ) ကျွန်ုပ်တို့၏ သမ္မာကျမ်းစာကို သိသောအသိဥာဏ်အားဖြင့် လူများကိုအထင်ကြီးစေခြင်း။

 

၁၀။ လူသား၊ ယေရှုခရစ်တော်သည် ယခုအခါတွင် ကောင်းကင်ဘုံရှိ ပလ္လင်ပေါ်၌ ရှိနေပြီး

(က) ထိုနေရာ၌ ရှိနေသည်မှာ ယခုလက်ရှိ ကမ္ဘာပေါ်တွင်ရှိသော သူ့ကိုယုံကြည်သူများအတွက် ဖြစ်သည်။

(ခ) ကျွန်ုပ်တို့ ကောင်းကင်ပေါ်သို့ တက်မှသာ သူသည် ကျွန်ုပ်တို့အတွက် ဖြစ်လိမ့်မည်။

 

စာမူပြုစုသူ၊ အန်ဒရူး၊ ဖိလစ် နှင့် ရဲလင်းထွန်း(အင်းစိန်)