ချစ်ခြင်းမေတ္တာ၌ ကြောက်စိတ်မရှိ

လှမင်းသူ

"သင်တို့သည် တဖန်ကြောက်ရွံ့တတ်သောကျွန်၏ သဘောကိုရကြသည်မဟုတ်။ ...." ရောမသြ၀ါဒစာ ၈း၁၄-၁၆

ဘုရားသခင်က ကိုယ့်ကို ဖြစ်စေချင်တဲ့အရာကို မဖြစ်အောင် တားဆီးထားတဲ့အရာက ကိုယ့်ရဲ့ ကြောက်စိတ်ပဲဖြစ်ပါတယ်။ ဒီကြောက်စိတ်ကြောင့် ကိုယ်အစွမ်းအစတွေကို ထုတ်ဖော်နိုင်သလောက် မထုတ်ဖော်နိုင်တဲ့အပြင် ပျက်စီးခြင်းတောင် ဆိုက်ရောက်နိုင်ပါတယ်။ ကြောက်ရွံ့ စိတ်တွေ အပြည့်နဲ့ နေရတဲ့ ဘ၀မျိုးကို ဘုရားသခင် အလိုမရှိပါဘူး။

တိုက်ဆိုင်တယ်လို့ပဲ ဆိုရမလားပဲ။ ကျမ်းစာထဲမှာ မကြောက်နဲ့ ဆိုတဲ့ စကားလုံး ၃၆၅ ကြိမ် ပါပါတယ်။ တနှစ်မှာ ၃၆၅ ရက် ရှိတဲ့အတွက် နေတိုင်းကို မကြောက်ဖို့ ပြောသလိုပါပဲ။ ဘုရားသခင်ဟာ ကြောက်စိတ်ကို မုန်းတယ်လို့ ကျွန်တော်ပြောရဲပါတယ်။

"ချစ်ခြင်းမေတ္တာသည် ကြောက်ခြင်းသံဝေဂနှင့် မပေါင်းနိုင်ရာ။ သံဝေဂသည်ပူပန်ခြင်းဝေဒနာကို ဖြစ်စေသော ကြောင့်၊ စုံလင်သော မေတ္တာသည် သံဝေဂကို ပယ်ရှားတတ်၏။" လို့ ကျမ်းစာထဲမှာ ဆိုထားပါတယ်။ ဘုရားသခင်ဟာ ချစ်ခြင်းမေတ္တာဖြစ်ပါတယ်။ ဒါကြောင့် ကိုယ့်ဘ၀မှာ ဘုရားနဲ့ ပြည့်လေလေ၊ ကြောက်စိတ်ပိုနည်းလေလေ ဖြစ်ပါတယ်။

ကိုယ့်မှာ ကြောက်စိတ်ဖြစ်လာရင် အဲဒီကြောက်စိတ်ကို မောင်းထုတ်ပြစ်နိုင်အောင် အချက်နှစ်ချက်ကို လုပ်ဆောင်ရပါမယ်။ ပထမအချက်ကတော့ ကိုယ်ဟာ ဘုရားရဲ့ မိသားစုဝင်ဖြစ်တယ်ဆိုတာကို သတိရဖို့ပါပဲ။ ရောမသြ၀ါဒစာ ၈း၁၄ မှာ "ဘုရားသခင်၏ ဝိညာဉ်တော်ဆုံးမပဲ့ပြင်တော်မူ သမျှ သောသူတို့သည် ဘုရားသခင်၏ သားဖြစ်ကြ၏။ " လို့ ဆိုထားပါတယ်။

တစုံတဦးကြောင့်ဖြစ်စေ၊ အရာတခုခုကြောင့် ဖြစ်စေ၊ ကိုယ့်မှာ ကြောက်စိတ်ဖြစ်ပေါ်လာရင် ခဏကလေးရပ်ပြီး ကိုယ်ဟာ ဘုရားသားဖြစ်တယ်ဆိုတာကို သတိရလိုက်ပါ။ ကိုယ်ဟာ မိဘမဲ့ကလေးတယောက် မဟုတ်ပါဘူး။ ကိုယ့်ဟာ ဥတလုံး တကောင်ကြွက် မဟုတ်ပါဘူး။ ဘုရားသခင်ဟာ ကိုယ့်ရဲ့ အဖေဖြစ်ပါတယ်။ ပြီးတော့ သူဟာကြီးမြတ်တယ်၊ ရှိရှိသမျှအရာအားလုံးထက် တန်ခိုးရှိပါတယ်။

ဒါတင်မကပါဘူး။ ကြိုက်တဲ့အချိန်မှာ ဘုရားကို ဟစ်ခေါ်လို့ရပါတယ်။ ကိုယ့်ခေါ်သံကို သူကြားပါတယ်။ " အဗ္ဗအဘဟု ခေါ်" (ရောမသြ၀ါဒစာ ၈း၁၄) လို့ ရပါတယ်။ ဘုရားသခင်က သူ့ရဲ့ ၀ိညာဉ်တော်ကို စေလွှတ်ပြီး ကိုယ့်ကို ငြိမ်သက်ခြင်းပေးပါလိမ့်မယ်။

အခုအချိန်မှာ ကိုယ်က ဘယ်အရာကို အကြောက်ဆုံးလဲ။ လူတွေအတော်များများ ကြောက်တဲ့ အကြောက်ဆုံးအရာက လူရှေ့ သူရှေ့ မှာ စကားပြောရတာက မဟုတ်ပါဘူး။ သူတို့ကြောက်တာက ထိန်းချုပ်လို့မရတဲ့ မရေရာမသေချာမှုတွေပါပဲ။ အမှန်တကယ်ကတော့ ကိုယ့်ဘ၀အစိတ်အပိုင်းအတော်များများဟာ ထိန်းချုပ်လို့ မရပါဘူး။ ဒါပေမဲ့ ဘုရားကတော့ ထိန်းချုပ်နိုင်စွမ်း ရှိပါတယ်။ ကိုယ်ရဲ့ ဖခင်က ထိန်းချုပ်ပေးနိုင်ပါတယ်။ ဒါကြောင့် ကိုယ်ဟာ ဘယ်သူရဲ့ သားသမီးဖြစ်တယ်ဆိုတာ ဆိုတာ သတိရဖို့နဲ့ ဘယ်အချိန်မှာမဆို သူ့ကို ဟစ်အော်ခေါ်နိုင်တယ် ဆိုတာ မမေ့ဖို့ပါပဲ။

ရစ်(ခ်)၀ါရင်၏ နေ့စဉ်မျှော်လင့်ချက် စာစောင်များထဲမှာ ၁၅ ရက် ဇူလိုင် ၂၀၁၁ ပါ စာမျက်နှာအား ဆီလျှော်အောင်ပြန်ဆိုသည်။

နာမတော်မြတ်၌

လှမင်းသူ

.