နောက်တဆင့် ဘာလုပ်ရမှန်းသေချာမသိပေမယ့် ဘုရားကိုတော့ စိတ်ချယုံကြည်ပါ 27/5/2011


လှမင်းသူ  Daily Hope:
Uncertain of the Next Step, but Certain of God

ငါအမှန်ဆိုသည်ကား၊ သင်တို့သည်ပြောင်းလဲ၍သူငယ်ကဲ့သို့မဖြစ်လျှင် ကောင်းကင်နိုင်ငံတော်သို့ မရောက်ရကြ၊
မဿဲ ၁၈း၃


ကျွန်တော့်ရဲ့သားကြီး ဘော့(စ်)ဘော(လ်) စပြီးကစားတုန်းက သားက ငယ်ငယ်လေးရှိသေးတယ်။ သားက ငယ်သေးတော့ အချိန်ဇယားနဲ့ ရက်စွဲနဲ့ လုပ်တတ်တဲ့ အကျင့်လေးကလည်း သိပ်မရှိသေးဘူး။ ဒါကြောင့် ကျွန်တော့်ကို " အဖေ.. ဒီနေ့က ကစားရမယ့် နေ့လားဟင်။ "  "အဖေ... စနေနေ့ ရောက်ဖို့ ဘယ်နှစ်ရက်လိုသေးလဲဟင်။" လို့ မေးနေကျ ဖြစ်ပါတယ်။

ခရစ်တော်က ကောင်းကင်နိုင်ငံဝင်ဖို့ရန် ဒီလို ကလေးငယ်ရဲ့ သဘောမျိုးရှိဖို့ လိုတယ်လို့ ပြောခဲ့တယ်။ ကျွန်တော်သားက နောက်ဖြစ်မယ့်အရာဟာ ဖြစ်မှဖြစ်ပါ့မလားလို့ မေးခွန်းထုတ်နေတာမဟုတ်ဘူး။ တကယ်က နောက်ဖြစ်မဲ့ အရာက သေချာပေါက်ဖြစ်မယ်ဆိုတာ သူယုံကြည်တယ်။ ဒါပေမဲ့ အဲဒီလို ဖြစ်မဲ့ အရာဟာ ဘယ်တော့ဖြစ်မယ်ဆိုတာကို ကျွန်တော် ဒါမှမဟုတ် ကျွန်တော့်ဇနီးကို မေးနေရသေးတယ်။


My Utmost for His Highest စာအုပ်ကို ရေးသားတဲ့ စာရေးဆရာ Oswald Chambers က သူ့ရဲ့ စာအုပ်မှာ

" ၀ိညာဉ်အသက်တာရဲ့ သဘောသဘာဝ ဆိုတာ မသေမချာ ဖြစ်နေတဲ့ ကြားကပဲ သေချာနေခြင်းပါပဲ။" လို့ ဆိုပါတယ်။ သူဆိုလိုတာက ကျွန်တော်တို့ နောက်လှမ်းရမယ့် ခြေလှမ်းဟာ ဘာမှန်းသေသေချာချာ မသိပေမဲ့လည်း ဘုရားကိုတော့ သေချာစိတ်ချနိုင်ကြောင်းဆိုလြို

ခင်း ဖြစ်ပါတယ်။ ဘာကို လုပ်ဆောင်ရမယ်လို့ အသေးစိတ် သေသေချာချာ မသိသေးပေမဲ့ ဘုရားရဲ့ အစီအစဉ်ကိုတော့ စိတ်ချနိုင်ပါတယ်။  ကျွန်တော်တို့အတွက် မသေမရေရာမှုတွေနဲ့ ဖြစ်နေပေမဲ့ ဘုရားက ကျွန်တော်တို့ကို ဘယ်တော့မှ စိတ်မပျက်စေဘူးဆိုတာ ယုံကြည်စိတ်ချထားနိုင်ပါတယ်။ ရောမသြ၀ါဒစာ ၅း၅

နောက်ပြီး ဒါကဘာကို ပြောပြန်သလဲဆိုရင် ကိုယ်နဲ့ မဆိုင်တဲ့ အလုပ်တွေကို ဖယ်ရှားပစ်နိုင်ပြီး အဲဒီအလုပ်တွေအတွက် မပူတတ်ဖို့ပါပဲ။ ဥပမာ ပြောရမယ်ဆိုရင်၊ ကျွန်တော့်သားက ကျွန်တော် သူ့ကို ကစားပွဲ ထိရောက်အောင် မောင်းပို့မယ်ဆိုတာ စိတ်ချထားပြီးသား ဖြစ်ပါတယ်။ သူ့အတွက် ကစားပွဲရောက်အောင်သွားဖို့ ကားကို ဆီဘယ်လောက်ဖြည့်ရမယ်၊ ကစားပွဲကို ရောက်အောင် ဘယ်လို မောင်းရမလဲ ဆိုတာတွေအတွက် မပူပါဘူး။ ကလေးတွေရဲ့ သဘာဝအတိုင်း အမြဲတစေ ပျော်ပျော်လေးနေပြီး၊ တချိန်တည်းမှာပဲ ကျွန်တော်က အဖေတယောက်အနေနဲ့ အသေးစိတ်အစီအစဉ် တွေကို ဆောင်ရွက်လိမ့်မယ်၊ အချိန်တန်ရင် ကစားပွဲ သွားဖို့ လာခေါ်လိမ့်မယ် ဆိုတာကို ယုံကြည်စိတ်ချ ထားပါတယ်။


ခရစ်တော် ပြောတဲ့ သူငယ်တစ်ယောက်ရဲ့ ယုံကြည်မှုမျိုးဆိုတာ ဒီလို ယုံကြည်မှုမျိုးပဲ ဖြစ်ပါတယ်။ ကျွန်တော်တို့က ဘုရားသခင်ဟာ အချိန်တန်ရင် မှန်ကန်တဲ့ နည်းလမ်းနဲ့ လာမယ်ဆိုတာကို တနေ့ထက် တနေ့ တိုးပွား စိတ်ချ ယုံကြည်ကြဖို့ပဲ လိုပါတယ်။


ရစ်ဝါရင်၏ နေ့စဉ်မျှော်လင့်ချက် စာစောင်များမှ ၂၇ ရက် မေလ ၂၀၁၁ ရက်စွဲပါ စာမျက်နှာအား ပြန်ဆိုပါသည်။
Friday May 27 2011  Posted by Jon Walker

.