နှစ်ကုန်သော် သူက အိုးကို မှောက်ချ လိုက်ပြီး ရေးသားထားချက်လေးများကို ပြန်လှန် ဖတ်ကြည့် မိသည်။ ဘုရားသခင် လုပ်ဆောင်ပေးသည့် အရာတိုင်း အတွက် နောက်တစ်ဖန် ဘုရားရှင်အား ချီးမွမ်းမိသည်။ ပန်းခြံထဲ လမ်းလျှောက်ထွက်ခွင့်ရခဲ့သည့် လှပသော ညနေ ဆည်းဆာချိန် (သို့) အေးမြသော ညနေချမ်းအချိန်၊ ခက်ခဲ သည့် အခြေအနေကို ရင်ဆိုင်ဖြေရှင်းနိုင်ရန် ဘုရားသခင် ကျေးဇူးပြုသည့်အချိန် (သို့) ဆုတောင်းချက် အဖြေရသည့် အချိန် စသည့် ရိုးစင်းသည့်အရာများကို ဘုရားက သူ့အား ပေးသနားခဲ့သည်။

စူး၏ ရှာဖွေတွေ့ရှိမှုက ဆာလံဆရာ ဒါဝိဒ် ပြောကြားခဲ့သည့် သူ့အတွေ့အကြုံ အကြောင်း (ဆာ ၂၃) ကို ကျွန်မအား ပြန်လည်အမှတ်ရစေသည်။ `စိမ်းလန်းသော ကျက်စားရာအရပ်´ နှင့် `သာယာသောမြစ်နား´သို့ ပို့ဆောင်ပြီး သူ့ကို ဘုရားသခင်က အားအင်သစ် တိုးစေသည် (း၂-၃)။

ဘုရားက သူ့ကို ဦးဆောင်ညွှန်ကြားလျက် ကာကွယ် လျက် နှစ်သိမ့်ချမ်းသာကိုပေးသည် (း၃-၄)။ `အကယ်စင်စစ် အကျွန်ုပ်သည် ကျေးဇူးနှင့် ကရုဏာတော်ကို တစ်သက်လုံးခံစားရသည်´ဟူ၍ ဒါဝိဒ် နိဂုံးချုပ်ရေးသားခဲ့သည် (း၆)။

ဤနှစ်တွင် ကျွန်မလည်း `ကျေးဇူးတင်သော အသက်တာ´အိုးကို ထားရှိမည်။ သင်လည်းထားရှိလိုပါက ထားပါ။ 

ဘုရားသခင်၏လက်ဆောင်ဖြစ်သည့် အပေါင်းအသင်း မိတ်ဆွေနှင့် မိသားစု၊ ကျွန်ုပ်တို့၏ ခန္ဓာ၊ စိတ်၊ ၀ိညာဉ်လိုအပ်မှုများအတွက် ဘုရား၏
ပြင်ဆင်ထောက်ပံ့ပေးမှုအပါအ၀င် ဘုရားသခင်အား ကျေးဇူးတင်စရာအကြောင်း များစွာ တွေ့ရှိမည်ဟု ကျွန်မယုံသည်။

ဘုရားသခင်၏ကောင်းမြတ်ခြင်းနှင့် ချစ်မေတ္တာ ကို ကျွန်မတို့ တစ်သက်လုံး ခံစားရကြောင်းကို တွေ့ရှိရပါလိမ့်မည်။ ANNE CETAS