ဘုရားသခင်က သူ့ရဲ့ အသံတော်ကို ကြားနိုင်ဖို့အတွက် မိတ်ဆွေကို ဒီဇိုင်းဆွဲ ဖန်တီးထားပါတယ်။

ဘုရားသခင်သည် တကြိမ်မိန့်မြွက်တော်မူ၏၊၊ လူမရိပ်မိလျှင် နှစ်ကြိမ်တိုင်အောင် မိန်မြွက် တော်မူ၏၊၊ ယောဘ ၃၃း၁၄

ဘုရားသခင်က သူ့ရဲ့ အသံတော်ကို ကြားနိုင်ဖို့အတွက် မိတ်ဆွေကို ဒီဇိုင်းဆွဲ ဖန်တီးထားပါတယ်။ တနည်းအားဖြင့် ဘုရားသခင်ရဲ့ လမ်းပြမှုကို ခံယူနိုင်ဖို့ " လက်ခံနိုင်တဲ့ကရိယာ" တခု မိတ်ဆွေဆီမှာ ရှိပါတယ်။

ဘုရားကဘယ်လို လမ်းကြောင်းမျိုးကို သုံးပါသလဲ။ အဓိကသုံးတဲ့ လမ်းကြောင်းကတော့ ဘုရားက ကျမ်းစာကနေ စကားပြောဆိုခြင်း ဖြစ်ပါတယ်။ ဒါကြောင့်မို့လို့ ကျွန်တော်တို့ဟာ ကျမ်းစာကို နေ့တိုင်း ဖတ်ဖို့လိုပါတယ်။ ဘုရားသခင်ရဲ့ အလိုတော်ကို ဘုရားသခင်ရဲ့ နှုတ်ကပတ်တော်ထဲမှာ ရှာတွေ့နိုင်ပါတယ်။

ဘုရားကို ချစ်ကြောက်ရိုသေတဲ့ ကျမ်းစာသင် ဆရာများကနေတဆင့်လည်း ဘုရားက စကားပြောတတ်ပါတယ်။ အသင်းတော်မှာ ဖြစ်ဖြစ်၊ ကျမ်းစာသင်တန်း တခုခုမှာ ဖြစ်ဖြစ် သင်ကြားတဲ့ ဆရာက ကိုယ့်ကို တိုက်ရိုက် ပြောနေတယ်လို့ ခံစားမိဘူးပါသလား။ အဲဒီအချိန်လေးမှာ ဘုရားက ကိုယ့်ကို တိုက်ရိုက်စကား ပြောနေပါတယ်။

အခြားသော ယုံကြည်သူများကနေ တဆင့်လည်း ဘုရားက စကားပြောတတ်ပါသေးတယ်။ မိတ်ဆွေရဲ့ အထဲကနေတောင်မှ သူပြောတတ်ပါသေးတယ်။ မိတ်ဆွေဟာ ဘုရားသခင်နဲ့ အမြဲသွားလာတတ်ပြီး၊ သူရဲ့ နှုတ်ကပတ်တော်ကို အမြဲ လေ့လာနေမယ်ဆိုရင်၊ တခါတရံမှာ ဘုရားက  မိတ်ဆွေကို သုံးပြီး အခြားသူတွေကို သူပြောချင်စေချင်တဲ့အရာတွေကို ပြောခိုင်းပါလိမ့်မယ်။

ကိုယ်ကြုံတွေ့နေရတဲ့ အခြေအနေအတွေ့အကြုံများနဲ့ နာကျင်ဆင်းရဲမှုတွေကနေတဆင့်လည်း ဘုရားသခင် စကားပြောတတ်ပါသေးတယ်။ ဘုရားဟာ တချိန်လုံး စကားပြောနေပါတယ်။ ဒါပေမဲ့ ကျွန်တော်တို့က နားထောင်ဖို့လိုပါတယ်။ ဘုရားစကားကိုသာ နားထောင်ပါ။ သူက မိတ်ဆွေကို လမ်းမှန်ဆီကို ခေါ်ဆောင်သွားပါလိမ့်မယ်။

နာမတော်မြတ်၌

လှမင်းသူ

(ရစ်(ခ်) ၀ါရင်၏ နေ့စဉ်မျှော်လင့်ချက် စာစောင်များထဲမှ စာမျက်နှာ တစ်ခုအား ဆီလျော်အောင် ပြန်ဆိုပါသည်။)