ငါသည်သမ္မာတရားဖြစ်၏။


ယေရှုက၊ ငါသည်လမ်းခရီးဖြစ်၏၊ သမ္မာတရားလည်းဖြစ်၏။ အသက်လည်းဖြစ်၏။ ငါ့ကိုအမှီမပြုလျှင်အဘယ်သူမျှ ခမည်းတော်ထံသို့မရောက်ရ။

ယောဟန် ၁၄း၆


သမ္မာတရားဆိုတာ စည်းမျဉ်းတခုမဟုတ်ပါဘူး။ သမ္မာတရားဆိုတာ လူပုဂ္ဂိုလ်ဖြစ်ပါတယ်။ အဲဒီပုဂ္ဂိုလ်ဟာ သခင်ယေရှုခရစ်တော်ပဲ ဖြစ်ပါတယ်။


သခင်ယေရှု ထုတ်ဖော်ပြောကြားခဲ့တဲ့ အရှင်းလင်းဆုံးနဲ့ လူသိအများဆုံး အချက်များအနက် တခုကတော့

" ငါသည်လမ်းခရီးဖြစ်၏၊ သမ္မာတရားလည်းဖြစ်၏။ အသက်လည်းဖြစ်၏။ ငါ့ကိုအမှီမပြုလျှင်အဘယ်သူမျှ ခမည်းတော်ထံသို့မရောက်ရ။" ဆိုတဲ့အချက်ပဲ ဖြစ်ပါတယ်။
ယောဟန် ၁၄း၆
သခင်ယေရှုက " ငါသည်သမ္မာတရားဖြစ်၏ ..." လို့ ပြောတာကို သတိပြုစေချင်ပါတယ်။  သမ္မာတရားဆိုတာ " ဘာသာတရားတခုခုသော်လည်းကောင်း၊ ဘာသာရေးဆိုင်ရာ ထုံးတမ်းအစဉ်အလာတခုခုသော်လည်းေ

ကာင်း၊ စည်းမျဉ်းစည်းကမ်းသတ်မှတ်ချက်များသော်လည်းကောင်း ဖြစ်တယ်" လို့ မပြောပါဘူး။ ယေရှုက သမ္မာတရားဆိုတာ "ငါပဲဖြစ်တယ်" လို့ ပြောပါတယ်။ သမ္မာတရားဆိုတာ လူပုဂ္ဂိုလ် ပဲ ဖြစ်ပါတယ်။

ဒီအချက်က ယေရှုခရစ်တော်နဲ့ အခြားသောယုံကြည်မှုဆိုင်ရာ ခေါင်းဆောင်များတို့ ကွဲပြားခြားနားတဲ့ အချက်ပဲ ဖြစ်ပါတယ်။ အခြားသောခေါင်းဆောင်များက " ငါသည် သမ္မာတရားကို ရှာဖွေလျက် ရှိသည်" ။ ဒါမှမဟုတ် " ငါသည် သမ္မာတရားကို သင်ကြားပေးသည်။ " ဒါမှမဟုတ် " ငါသည် သမ္မာတရားဆီသို့ လမ်းညွှန်ပေးသည်။" ဒါမှမဟုတ် " ငါသည် သမ္မာတရား၏ ပရောဖက်ဖြစ်သည်။" လို့ ပြောခဲ့ကြပါတယ်။ ဒါပေမဲ့ သခင်ယေရှုကတော့ " ငါသည် သမ္မာတရားဖြစ်၏ " လို့ ပြောခဲ့ပါတယ်။


လူတွေအတော်များများက " ယေရှုကို ကြီးမြတ်တဲ့ ဆရာတပါးလို့ပဲ မြင်တယ်။ " လို့ ပြောကြပါတယ်။ ဒါပေမဲ့ သူဟာ ဆရာတပါးထက် ပိုပါတယ်။ ဘယ်ဆရာကမှ သူကိုယ်တိုင်ဘုရားမဟုတ်ပဲနဲ့ မိမိဟာ ဘုရားဖြစ်တယ်လို့ ဘယ်တော့မှ မကြွေးကြော်ခဲ့ပါဘူး။ သခင်ယေရှုဟာ အလိမ်အညာကို ယုံလွယ်တဲ့ လူပေါင်း ၂.၃ ဘီလီယံကို လိမ်ညာနေတဲ့ သူ ဖြစ်ချင်ဖြစ်မယ်။ စိတ်မနှံ့သူတယောက်လည်း ဖြစ်ချင်ဖြစ်မယ်။ အဲဒီလိုမှမဟုတ်ရင်တော့ သူပြောတဲ့အတိုင်း သူဟာဖြစ်ချင်ဖြစ်ပါမယ်။


လူတိုင်းဟာ မိမိဘ၀ကို တစုံတခုပေါ်မှာ ပုံအပ်တတ်ကျပါတယ်။ ကျွန်တော်ကတော့ ကျွန်တော့ဘ၀ကို " ယေရှုဟာသူပြောတဲ့အတိုင်း သူဖြစ်တယ်" ဆိုတဲ့အချက်ပေါ်မှာ ပုံအပ်ထားပါတယ်။


နာမတော်မြတ်၌

လှမင်းသူ


(ရစ်ခ်ဝါရင်၏ နေ့စဉ်မျှော်လင့်ချက် စာစောင်များထဲမှာ စာမျက်နှာတခုအား ဆီလျော်အောင် ပြန်ဆိုပါသည်။)