မိမိဂရုထားလျှင် ဂရုပြုမိမည်



ရှမာရိ လူတယောက်သည် ခရီးသွားရာတွင် ထိုလူနာရှိရာသို့ရောက်၍ မြင်သောအခါ ဂရုဏာစိတ်ရှိသည်နှင့်၊
လု ၁၀း၃၃


ကိုယ်နှင့်စပ်ဆိုင်သူကို ကိုယ်နှင့်အမျှ ချစ်နိုင်ဖို့အတွက် မိမိပတ်ဝန်းကျင်က လူတွေရဲ့ လိုအပ်ချက်တွေကို တွေ့မြင်တတ်ဖို့လိုပါတယ်။

လမ်းရဲ့အခြားတဖက်မှာ ရှိနေတဲ့ ဒဏ်ရာအနာတရ ဖြစ်နေတဲ့သူကို တွေ့နိုင်ဖို့ရန် မလွယ်ကူတဲ့အကြောင်းကို ခရစ်တော်က ပြသပါတယ်။ ဒါပေမဲ့ ကျွန်တော်တို့ရဲ့ မျက်စိတွေကို ဖွင့်ပြီး ပတ်ဝန်းကျင်မှာ ရှိသူများရဲ့ လိုအပ်ချက်ကို ကြည့်လိုက်မယ်ဆိုရင်တော့ သူတို့တတွေကို ကျွန်တော်တို့ မေတ္တာထားနိုင်ကြမှာဖြစ်ပါတယ်။ " ရှမာရိ လူတယောက်သည် ခရီးသွားရာတွင် ထိုလူနာရှိရာသို့ရောက်၍ မြင်သောအခါ ဂရုဏာစိတ်ရှိသည်" ဆိုတဲ့ အတိုင်းဖြစ်လာပါလိမ့်မယ်။

မျက်စိကိုဖွင့်လိုက်ခြင်းအာြး

ဖင့် သနားကြင်နာခြင်း စပြီး ဖြစ်ပေါ်ပါတယ်။ ပတ်ဝန်းကျင်ကိုလေ့လာလိုက်တာနဲ့ သနားကြင်နာခြင်းဟာ အစပြုပါတယ်။ လိုအပ်ချက်တွေကို သတိမပြုမိဘူးဆိုရင်၊ အဲဒီလိုအပ်ချက်တွေကို ဂရုစိုက်မိမှာ မဟုတ်ပါဘူး။ ကိုယ့်ရဲ့အမြင်ကို ကျယ်အောင်ချဲ့ပြီး ကိုယ့်ရဲ့အာရုံကို ထက်မြက်နေအောင်ထားရပါမယ်။

ကမ္ဘာတ၀ှမ်း ဒဏ်ရာရနေသူ မြောက်မြားစွာရှိပါတယ်။ အချို့က ကိုယ့်ရဲ့ အိမ်နီးနားချင်းတွေ ဖြစ်ပါတယ်။ အချို့က ကိုယ့်ရဲ့ အလုပ်ထဲက လူတွေ ဖြစ်ပါတယ်။ အချို့က အသင်းဝတ်ပြုအစည်းအဝေးမှာ မိမိနဲ့ ကပ်လျက် ထိုင်နေတဲ့သူတွေ ဖြစ်ပါတယ်။


ဒီလူတွေရဲ့ ဒဏ်ရာတွေကို ကျွန်တော်တို့ ဘာကြောင့် မတွေ့မြင်နိုင်ကြတာလဲ။ စကားတလုံးထဲနဲ့ ပြောရမယ်ဆိုရင်တော့ "အလုပ်ရှုပ်" နေလို့ပဲ ဖြစ်ပါတယ်။ "အလျင်စလို" ဖြစ်နေခြင်းဟာ အခြားသူတွေကို မေတ္တာပြနိုင်ခြင်းရဲ့ "သေမင်း" ပဲဖြစ်ပါတယ်။ မေတ္တာပြတတ်ဖို့အတွက် အရင်ဆုံး အရှိန်လျှော့ပြီး ဖြေးညှင်းစွာ ပြုတတ်ဖို့လိုပါတယ်။ ရှမာရိလူ လိုပဲ အရှိန်လျှော့ပြီး ရပ်တန့်လိုက်ဖို့ လိုပါတယ်။


သနားကြင်နာတတ်ဖို့ရန် ပထမအဆင့်အနေနဲ့ "၀ိညာဉ်ရေဒါကရိယာ" လေးကို ပေးဖို့ ဘုရားသခင်ထံ တောင်းပါ။ ဒါမှလဲ ကိုယ်ရဲ့ ပတ်ဝန်းကျင်မှာ စိတ်ပိုင်းဆိုင်ရာ၊ ၀ိညာဉ်ပိုင်းဆိုင်ရာ၊ ခန္ဓာပိုင်းဆိုင်ရာ၊ အခြားအခြားသော ကိစ္စပိုင်းဆိုင်ရာတွေမှာ ထိခိုက်နာကြင်နေကြတဲ့ လူတွေတွေကို အရှာအဖွေ တွေ့နိုင်မှာ ဖြစ်ပါတယ်။


" ဘုရားသခင် လူတွေကို ကိုယ်တော်တွေ့မြင်နေတဲ့အတိုင်း ကျွန်တော်မျိုးအား တွေ့ခွင့်ပေးပါ။ " လို့ ဆုတောင်းပါ။

အကူအညီလိုအပ်နေတဲ့သူ၊ ခွန်အားပေးမှု လိုအပ်နေတဲ့သူ၊ ဂရုစိုက်မှု လိုအပ်နေတဲ့ လူတွေကို အရှာအဖွေထွက်ပါ။

ကိုယ့်ရဲ့ ပတ်ဝန်းကျင် သတိထားမှုကို အနီးအနားက လူအများ( လုပ်ဖော်ကိုင်ဖက်များ၊ အိမ်နီးနားချင်းများ) က ဘယ်လို ကောက်ချက်ချ သတ်မှတ်နေပါသလဲ။


အပတ်တိုင်း တွေ့နေရတဲ့ လူသုံးယောက်ရဲ့ အမည်များကို ရေးချလိုက်ပါ။ ပြီးတော့ သူတို့တတွေ ရုန်းကန်ရင်ဆိုင်နေရတဲ့ အရာများကို ချရေးလိုက်ပါ။


" ကိုယ်အကျိုးကို အဘယ်သူမျှမရှာစေနှင့်။ သူ့အကျိုးကို လူတိုင်းရှာစေ။ " ၁ ကော ၁၀း၂၄


နာမတော်မြတ်၌


လှမင်းသူ


ရစ်(ခ်)၀ါရင်၏ နေ့စဉ်မျှော်လင့်ချက် စာစောင်များထဲမှာ စာမျက်နှာ တစ်ခုအား ဆီလျှော်အောင် ပြန်ဆိုပါသည်။