မိမိငွေကြေးသုံးစွဲမှုမှာ ဘုရားက ထိပ်ဆုံးလား၊ နောက်ဆုံးလား


လှမင်းသူ

သင်တို့၏ ဘုရားသခင် ထာဝရဘုရားသည် နာမတော်ကို တည်စေဘို့ရာ ရွေးကောက်တော်မူသော အရပ်၌ စပါး၊ စပျစ်ရည်၊ ဆီမှစ၍၊ သိုး၊ နွားတွင် အဦးဘွားသော သားငယ်ဆယ်ဘို့တဘို့ကို ရှေ့တော်မှစားရကြမည်။ ထိုသို့ပြုလျှင်၊ သင်တို့၏ ဘုရားသခင်ထာဝရဘုရားကိုအစဉ် ကြောက်ရွံ့ရမည်အကြောင်း၊ သင်ရကြလိမ့်မည်။ (တရားဟောရာကျမ်း ၁၄း၂၃)

ဆယ်ဘို့တဘို့ထားတယ်ဆိုတာ ကျွန်တော်ရတဲ့ ၀င်ငွေရဲ့ ပထမဆုံး ၁၀ရာခိုင်နူန်းကို ဘုရားသခင်ကို ပြန်ပေးတတ်တဲ့ ၀ိညာဉ်ရေးရာ အကျင့်တခုပဲ ဖြစ်ပါတယ်။
ကျွန်တော် ၁၀၀ ရရင် ၁၀ ဘုရားကို ပြန်ပေးတယ်။ ကျွန်တော် ၁၀၀၀ ရရင် ၁၀၀ ဘုရားကို  ပြန်ပေးတယ်။ ကျွန်တော် ၉၀ရာခိုင်နူန်းကိုပဲ ယူပြီး ၁၀ ရာခိုင်နူန်းကို ဘုရားကို ပေးတယ်။

ဒီလိုဘာကြောင့် လုပ်ရပါသလဲ။ ဘုရားကပြောလို့ပါပဲ။ ဒီအချက်နဲ့တင် လုံလောက်ပါတယ်။ ကိုယ်က မလုပ်ရင်၊ ဘုရားစကားကို နားမထောင်တာပဲ ဖြစ်ပါတယ်။ နောက်အချက်တချက် ရှိပါသေးတယ်။ ခရစ်တော်က ပြောပါတယ်။

အကြောင်းမူကား၊ အကြင်အရပ်၌ သင်တို့၏ဘဏ္ဍာရှိ၏၊ ထိုအရပ်သို့သင်တို့၏ စိတ်နှလုံးရောက်တတ်၏။ (မဿဲ ၆း၂၁)

ကျွန်တော် ဆယ်ဖို့တဖို့ထားရခြင်းက ဘုရားနဲ့ ပိုပြီး နီးချင်လို့ပဲ ဖြစ်ပါတယ်။ ကိုယ့်ရဲ့ ဘဏ္ဍာရှိရာအရပ်မှာ ကိုယ့်ရဲ့ စိတ်နှလုံးရောက်တတ်တယ်လို့ ကျမ်းစာကပြောပါတယ်။ ကျွန်တော့်ရဲ့ ငွေတွေကို မော်တော်ဘုတ်ထဲမှာ မြုပ်ထားရင် အဲဒီမော်တော်ဘုတ်ကိုပဲ ကျွန်တော်စွဲလမ်းနေမှာ ဖြစ်ပါတယ်။ ကျွန်တော် ပိုက်ဆံထားတဲ့ နေရာမှန်သမျှဟာ ကျွန်တော့်အတွက် အရေးကြီးတဲ့ နေရာများ ဖြစ်လာကြပါတယ်။ ပိုက်ဆံနဲ့ ပတ်သက်လာရင် ဘုရားကို အဦးဆုံးနေရာမှာ ထားခြင်းဟာ " ဘုရားသခင်၊ ကိုယ်တော်ဟာ ကျွန်တော့်ရဲ့ ပထမနေရာမှာ ရှိပါတယ်လို့ " ပြောခြင်းပဲ ဖြစ်ပါတယ်။

မိတ်ဆွေရဲ့ ငွေကြေးကို ဘယ်လိုသုံးတယ်။ မိတ်ဆွေရဲ့ အချိန်ကို ဘယ်လိုသုံးတယ် ဆိုတာကို ကျွန်တော့်ကို ပြောပြမယ်ဆိုရင်၊ မိတ်ဆွေရဲ့ ဘ၀မှာ ဘယ်အရာက အရေးကြီးဆုံးလဲ ဆိုတာ ကျွန်တော် သေချာပေါက် ပြောနိုင်ပါတယ်။ မိတ်ဆွေရဲ့ အစီအစဉ် ဇယား နဲ့ ချက်လက်မှတ် စာအုပ် ဖြတ်ပိုင်းတွေကိုသာ ပြပါ။ " ကျွန်တော့်အတွက် ဘယ်အရာက အရေးကြီးပါတယ်" လို့ မိတ်ဆွေ ဘယ်လိုပဲပြောပြော၊ မိတ်ဆွေအတွက် ဘယ်အရာက " အမှန်တကယ် " အရေးကြီးတယ်ဆိုတာကို ကျွန်တော်ပြောပါ့မယ်။

ဒီကနေ့ ကျမ်းချက်က " ဆယ်ဖို့တဖို့ ထားရခြင်းဟာ ဘုရားကို အဦးဆုံးနေရာမှာ ထားခြင်းဖြစ်တယ် " ဆိုတဲ့အချက်ကို သွန်သင်ပါတယ်။ " ဘုရားသခင်၊ ကိုယ်တော်ဟာ ကျွန်တော့်ဘ၀အတွက် နံပါတ်တစ်နေရာမှာ ရှိပါတယ်" လို့ ကျွန်တော်က ပြောပြီး၊ ငွေသုံးစွဲတဲ့နေရာမှာ ဘုရားကို နောက်ဆုံးထားခဲ့ရင် ရှေ့နောက်ကိုက်ညီမှု မရှိပဲ ဖြစ်ပါလိမ့်မယ်။

ဒီနေ့ ဆွေးနွေးတဲ့ အကြောင်းအရာက ကိုယ့်ရဲ့ အစီအစဉ် စာရင်းထဲမှာ ဘုရားက ဘယ်အစီအစဉ် နေရာမှာ ပါပါသလဲဆိုတာပါပဲ။ ကိုယ့်ရဲ့ ဘဏ္ဍာငွေသုံးစွဲမူဟာ ကိုယ့်ရဲ့ အရေးပေးမှုတွေကို ရိုးရိုးလေး ဖော်ပြနေပါတယ်။ ကိုယ့်ရဲ့ ဘဏ္ဍာငွေသုံးစွဲမှုဟာ မိတ်ဆွေရဲ့ ဘ၀မှာ ဘုရားကို ဘယ်အဆင့်မှာ ထားထားတယ်လို့ ဖော်ပြနေပါသလဲ။

နာမတော်မြတ်၌

လှမင်းသူ

(နေ့စဉ် မျှော်လင့်ချက် စာစောင်များထဲမှာ ၄ ရက်၊ နိုဝင်ဘာလ၊ ၂၀၁၁ ပါ ရက်စွဲအား ဆီလျော်အောင် ပြန်ဆိုပါသည်)