ဆရာကြီးယုဒဿန် ဆရာယုနဲ့ မြန်မာမှု့ JBCS by U Philip Saw

Philip Saw

28-9-2013, Saturday. Thomson Baptist Church, Sanctuary.
စင်ကာပူမှာရှိတဲ့ မြန်မာအသင်းတော်များရဲ့ ယုဒသန်နှစ်၂၀၀ ပြည့် 
စုပေါင်းဝတ်ပြုကိုးကွယ်ခြင်း အစီအစဉ်မှာ "ဆရာယုနဲ့မြန်မာမှု" ဆိုတဲ့
ခေါင်းစဉ်နဲ့ စာတမ်းတစောင်ကို ဖတ်ကြားတင်ပြခွင့်ရခဲ့ပါတယ် ။ 
မတက်ရောက်နိုင်ခဲ့တဲ့ ညီအကိုမောင်နှမများနဲ့ နောင်လာမဲ့မျိုးဆက် 
သစ်တို့အတွက် ဘုန်းတော်ထင်ရှားစရာ ဖြစ်ပါမည့်အကျိုးကို မျှော်ကိုး 
၍ ပြန်လည်တင်ပြအပ်ပါသည် ။ 
---------------------------------------------------------------
အဖွင့်ဆုတောင်း ။ ။
အဖဘုရားသခင်၊ ကိုယ်တော်ရှင်ကိုချစ်လျက် သစ္စာရှိလျက်အသက်တာ 
ကိုဆက်ကပ်ပူဇော်ခဲ့သူ ကိုယ်တော်ရှင်၏သားကြီး ဆရာယုဒသန်ရဲ့ ဘဝ
တစိတ်တဒေသနဲ့သူရေးသားပြုစုခဲ့တဲ့ မြန်မာသမ္မာကျမ်းစာနှုတ်ကပတ်
တော်မြတ် အကြောင်းကို အနည်းငယ်ဝေမျှပြောကြားခွင့်ရလို့ဂုဏ်ကျေး 
ဇူးတော်အပေါင်းကို ချီးမွမ်းပါတယ်။ စီစဉ်အခွင့်ပေးကြတဲ့သူများကို 
ကောင်းကြီးပေးတော်မူပါ။ ဤအချိန်နာရီအတွက် ကျနော့်ရဲ့ ကိုယ်စိတ် 
ဝိညာဉ်ကိုလဲဆက်ကပ်ပါတယ်။ အလိုတော်ရှိသည်အတိုင်း အသုံးပြု 
တော်မူပါ။ ကြားနာရသူ ညီအကိုမောင်နှမ အယောက်စီတိုင်းရဲ့ စိတ်
နှလုံး အသီးသီး ကိုတို့ထိ ညွတ်နူးစေတော်မူ၍ တရားစကားတို့ အမြစ် 
စွဲနိုင်ပါမည့်အကြောင်း ပြုပြင်မစတော်မူပါ။ ရှေ့လာမည့်နေ့ရက် 
အသက်တာများမှာ ကိုယ်တော်ရှင်၏ ဘုန်းတော် နာမတော်ကို ထင်ရှား 
စေနိုင်သော သားသမီးများ ဖြစ်ရပါမည့်အကြောင်း သခင်ယေရှု၏နာမ 
တော်မြတ်၌ ရိုသေစွာဆက်ကပ်ဆုတောင်းပါသည် အဖမြတ်စွာဘုရား။
-----------------------------------------------------
အခုလို ယုဒသန်နေ့မှာ ဓမ္မဆရာတွေ၊ အသင်းတော်လူကြီးတွေက 
ဆရာယုဒသန်ရဲ့ ဘဝဖြစ်စဉ်၊ မြန်မာ ပြည်ကိုလာခဲ့ပုံ၊ အပင်ပန်းဆင်းရဲ 
ခံပြီး သာသနာပြုခဲ့တာတွေကို အသေးစိတ် နှစ်စဉ်နှစ်တိုင်း ဂုဏ်ပြုပြော 
ကြားခဲ့ပေါင်း များလွန်းတော့ ကျွန်တော်ထင်ပါတယ် ညီအကိုမောင်နှမ 
တို့လဲ အလွတ်ရလုနီးပါး သိပြီးသား ဖြစ်နေတော့မှာဘဲ။
ဒီနှစ်လို နှစ် ၂၀၀ ပြည့် ယုဒသန်နေ့မှာတော့ ကြားဖူးနေကြမဟုတ်တဲ့ 
အကြောင်းအချက်ကလေးတချို့ကို တင်ပြလိုပါတယ်။ ရှုမြင်သုံးသပ်နေ 
ကြမဟုတ်တဲ့ ရှုဒေါင့်တမျိုး မြင်ကွင်းတမျိုးကနေ ဂုဏ်ပြုဝေဖန်ပြော 
ကြားမှာ ဖြစ်ပါတယ်။ သက်ကြီးစကား သက်ငယ်ကြားဆိုတဲ့အတိုင်း 
သက်ကြီးဝါကြီး၊ ဆရာကြီးများထံကကြားသိခဲ့ရတာတွေ၊ မိမိလေ့လာ 
ဖတ်ရှုမှတ်သားမိခဲ့တာတွေကို မြန်မာ့ရေမြေ၊ မြန်မာ့ယဉ်ကျေးမှု မြန်မာ့ 
ဓလေ့အပေါ် ဆရာယုဒသန်ရဲ့ သဘောထား - တုံ့ပြန်မှု လုပ်ဆောင်မှု 
တွေနဲ့အတူ - သမ္မာကျမ်းစာနဲ့ မြန်မာ-အင်္ဂလိပ်အဘိဓါန် ရေးသားစီစဉ် 
မှုတွေကို အနည်းငယ် ဆန်းစစ်ပြီးစကားလက်ဆောင်ပါးလိုခြင်းဖြစ်ပါ 
တယ်။

လွန်ခဲ့တဲ့ ၁၄-၅ နှစ်လောက်က ခုလိုဘဲ ယုဒသန်နေ့ ၀တ်ပြုကိုးကွယ် 
ခြင်းတခုမှာ ကျနော် တို့ရဲ့ နာယက ဆရာတော်ကြီး ဦးစတီဗင်က 
တရားဟောရင်းနဲ့ အင်မတန်မှထူးခြားနက်နဲတဲ့ အတွေးအမြင်တခုနဲ့ 
အတူ မေးခွန်း တပုဒ်ကို မေးသွားဖူးပါတယ်။

၁။ ဆရာယုဒသန်ဟာ မြန်မာပြည်သူတွေအတွက် ၀မ်းမြောက်စရာ
သိတင်းကောင်းကို သယ်ဆောင်လာပြီး သခင်ယေရှုနဲ့ မိတ်ဆက်ပေး 
ခဲ့တယ်။ ကျနော်တို့တတွေက သခင်ယေရှုအပြင် နက်တိုင်နဲ့ဘောင်း 
ဘီရှည် ကိုပါ အပိုအဆစ်အဖြစ်နဲ့ ရယူလိုက်ကြတယ်တဲ့။ ဒီအတွေး 
အမြင်လေးရဲ့ နက်နဲမှု အရေးပါမှုကို ဒီနေ့ မြန်မာခရစ်ယန် အသိုင်း 
အ၀ိုင်းမှာ မြန်မာ့ယဉ်ကျေးမှု ဓလေ့ထုံးစံတွေ ပျောက်ကွယ်လုနီးပါးရှိပြီး 
အနောက်တိုင်းယဉ်ကျေးမှုတွေ ဖုံးလွှမ်းလာတာက ဖေါ်ပြနေပါတယ်။

၂။ နောက်တချက်ကတော့၊ ဆိုကြပါစို့။ မီးရထားနဲ့ ခရီးသွားရင်း 
အထက်တန်းတွဲရဲ့ အခန်းလေးတခုထဲမှာ ဗုဒ္ဓဘာသာမြန်မာဘုန်းတော် 
ကြီး တပါးနဲ့အတူ နှစ်ယောက်ထဲနေရာကျခဲ့တယ။ အများသူငါ ၊ နေ့ 
လည်စာစားချိန် ၁၁ နာရီခွဲကျော်လောက်မှာ ဘူတာတခုကိုရောက်တော့၊ 
ကိုယ်ကထမင်းဝယ်စားသလို ကိုယ့်ရှေ့မှာထိုင်နေတဲ့ ဘုန်းကြီး အတွက် 
လဲစဉ်းစားမိတယ်။ စရိတ်စက ကြီးတော့ ဘုန်းကြီးက လုပ်ကိုင်ဆောင် 
ရွက်ပေးမဲ့ ကပ္ပိယအဖေါ်အလှော် ခေါ်ခဲ့ပုံမရဘူး။ ခုနေမှ မစားရင်လဲ 
နေမွန်းလွဲသွားရင် တနေ့လုံးဘာမှမစားရဘဲ ငတ်ရှာတော့မှာဘဲ။ 
ထမင်းတထုပ် ဝယ်ပြီး လှူလိုက်ဖို့က ဘာမှမခက်ပေမဲ့ ခက်နေတာက 
ကိုယ်က ဘုန်းကြီးနဲ့ စကားမပြောတတ်၊ ဘုန်းကြီးဆာပြီလား၊ ရော့ အင့် 
စား ဆိုပြီးပေးလို့ကလဲ မဖြစ်။ အရှင်ဘုရား ဆွမ်းဘုဉ်းပေးတော်မူပါလို့ 
လက်နှစ်ဘက်နဲ့ တရိုတသေ ကပ် ရမယ်ဆိုရင် အဲသလိုလဲမလုပ်ချင်။ 
ဒီလို အခြေအနေမျိုးနဲ့ ကြုံရတဲ့အခါ ညီအကိုမောင်နှမတို့ဘယ်လိုများ
လုပ်ကြ မှာလဲလို့မေးရင်း Christian Ethics တွေ Contexturalism 
တွေနဲ့အတူ ကျယ်ကျယ်ပြန့်ပြန့် ဆွေးနွေးပြောဆိုသွားခဲ့ပါတယ်။ 
ကျနော့်လို ဗုဒ္ဓဘာသာကနေ ပြောင်းလဲလာတဲ့သူအတွက်တော့ ဒီမေး 
ခွန်း ရဲ့ အဖြေကိုရဖို့ အရမ်း ကိုကြိုးစားခဲ့ရဘူးပါတယ်။ ၁၉၇၅မှာ 
ကျနော်နှစ်ခြင်းခံခဲ့ပါတယ်။ အဲဒီနောက် ၁၅နှစ် အနှစ် ၂ဝလောက် 
ကျနော့် ရင်ထဲ စိတ်နှလုံးထဲမှာ ကိုးကွယ်ယုံကြည်မှုနဲ့ပတ်သက်တဲ့ 
အယူဝါဒရေးရာစစ်ပွဲကြီးတွေကို အကြီးအကျယ် ဆင်နွှဲခဲ့ရတယ်။ 
မခိုင့်တခိုင် ယိုင်နဲ့နဲ့ ယုံကြည်ခြင်းလေး မပျောက်မပျက်ဖို့ ကိုယ်တော် 
ကွယ်ကာစောင့်မပါလို့ အသနားခံ အော်ဟစ်ဆုတောင်းရင်း ခရစ်ယာန် 
အသက်တာကို လျှောက်လှမ်းခဲ့ရတယ်။ ကိုယ်ကျင်လည်ကြီးပြင်းခဲ့ရတဲ့ 
အကျင့်ဓလေ့တွေကို ဝါသနာအငွေ့အသက်လေးတောင် မကျန်ရအောင် 
စွန့်ပစ်လိုက်ဘို့ဆိုတာ မလွယ်မှန်း ပြောမယုံ ကြုံဘူးမှ သိကြပါလိမ့် 
မယ်။ တနေ့တချိန် ဘုရားသခင်ခွင့်ပေးရင် အဲဒီအယူဝါဒရေးရာ စစ်ပွဲ 
တွေအကြောင်း သက်သေခံနိုင်ဘို့ ကျနော်ကြိုးစားပါမယ်။

ဒါတွေဘာကြောင့်ပြောနေရသလဲတဲ့။ ဒီလိုပါ၊ ကျနော်က အဖေတရုတ် 
အမေတရုတ် အဖိုးတရုတ် အဖွားတရုတ် ၁ဝဝ% Chinese blood 
သို့သော် ရွာမှာမွေးတယ်၊ ဗုဒ္ဓဘာသာ မွန် ကရင်တွေကြားမှာကြီးပြင်း 
ခဲ့ရတယ်။ မြန်မာလိုတွေး မြန်မာလိုပြော မြန်မာ့ဓလေ့ထုံးစံတွေ ယဉ် 
ကျေးမှုတွေနဲ့ ရင်းနှီးကျွမ်းဝင်ခဲ့ရတော့ Computer ခေတ်မှာ လူဖြစ်လာ 
ရတဲ့ ကျနော်တောင် ဒီဓလေ့ထုံးစံတွေကို စွဲလန်းတမ်းတနေမိသေးရင် 
တကယ့်မြန်မာစစ်စစ် ရွှေဘို ပုဂံ မြင်းခြံ အဲဒီ ဒေသတဝိုက်ကလူတွေ 
တောသူတောင်သားတွေ သူတို့ရဲ့ ရပ်ရွာဓလေ့ ထုံးတမ်းစဉ်လာတွေ 
အပေါ်မှာ ဘယ်လောက် အစွဲအလန်းကြီးမယ်ဆိုတာ မှန်းဆနိုင်အောင် 
လို့ပါ။ လက်ရှိ ပုဂံတဝိုက်မှာ သာသနာပြုနေတဲ့ ဓမ္မအမှုတော်ဆောင် 
တွေ ရင်ဆိုင်နေရတဲ့ အခက်အခဲဟာ ဌာနေ အရပ်သား တွေကို သူတို့ရဲ့ 
အစွဲအလန်းတွေ ဓလေ့ထုံးစံတွေကို စွန့်လွှတ်ဖို့ ဘယ်လိုမှ ပြောမရ 
ဆွဲဆောင်လို့ မရတာဘဲ။ ဟိုး လွန်ခဲ့တဲ့နှစ်ပေါင်း ၂ဝဝ လောက်က 
ဆရာယုဒသန် ရင်ဆိုင်ရတဲ့အခက်အခဲက ပိုပြီးကြီးမားမယ်ဆိုတာ 
ပြောစရာ တောင် လိုမယ်မထင်ဘူး။

ဒီလိုကြီးမားတဲ့ အခက်အခဲတွေကို ကျော်လွှားအောင်မြင်ခဲ့တဲ့ ဆရာ 
ယုဒသန်ရဲ့ ဘ၀အတ္ထုပ္ပတ္တိထဲက အင်မတန်မှ စိတ်ဝင်စားဘို့ကောင်းတဲ့ 
အချက်အလက်လေးတွေကို အပိုင်း ၃ ပိုင်းခွဲပြီး အကျဉ်းချုံး တင်ပြလို 
ပါတယ်။
---------------------------------
(A) ။ ။ ပထမတပိုင်းကတော့ ဆရာယုနဲ့မြန်မာစာပေဖြစ်ပါတယ်။
(13-7-1813) ဆရာယု ရန်ကုန်ရောက်လာတယ်။ မြန်မာစကားနဲ့ စာကို 
သင်တယ်။ ၃နှစ်တိတိပြည့်တဲ့နေ့မှာ မြန်မာ-အင်္ဂလိပ်သဒ္ဒါ ကျမ်းကိုပြုစု 
ပြီးစီးခဲ့တယ်။ မြန်မာလို ရေရေလည်လည်ပြောတတ်တာနဲ့ စပြီးတရား 
ဟောတော့တာဘဲ။ အဲဒီနှစ် October မှာ America က George Hugh 
ဆိုတဲ့ Missionary တဦး ထပ်ရောက်လာတယ်။ သူကပုံနှိပ်စက် ကိုင် 
တွယ်တတ်တယ်။ British Baptist တွေက ပုံနှိပ်စက်နဲ့ မြန်မာခဲစာလုံး 
တွေလှူတယ်။ သိပ်မကြာဘူး ဆရာယု ဘာသာပြန်ထားတဲ့ ရှင်မဿဲ 
ကျမ်းစာပိုဒ်လေးတွေကို ဝေစာအဖြစ် ထောင်နဲ့ချီပုံနှိပ်ပြီး အိမ်ရှေ့က 
ဖြတ်သွားတဲ့သူ မှန်သမျှ ဝေပေးတယ်။ တရားဟောဘို့ကြိုးစားတယ်။ 
သူ့ပုံစံက နှာခေါင်းချွန်ချွန် သူဝတ်ထားတဲ့ Tail Coat က ဖင်ကချွန်ချွန် 
သူ့အသားကနီစပ်စပ်နဲ့ နှံကောင်နဲ့တူတယ်လို့ ရန်ကုန်သားတွေက 
မှတ်ချက်ချတယ်။ သူ့တရားကို စိတ်ဝင်စားတယ်၊ သူဟောတဲ့ ယေရှုကို 
လက်ခံယုံကြည်လိုပါရဲ့ ။ ဒါပေမဲ့ လူတွေက သူတို့ရဲ့ထုံးဓလေ့ ယဉ်ကျေး 
မှု တွေကို စွန့်ပစ်လိုက်ဘို့ဆိုတာ မဖြစ်နိုင်တဲ့ ကိစ္စကြီးဘဲ။ နောက်ဆုံး 
မှာတော့ ဆရာက မမယုကို သူ့ရူပါရုံအကြောင်း ဟောဒီလိုပြောပါတယ်။

"And I'm not waiting one day more to preach the gospel", he 
vowed. "I'm taking it to the people - their way. I am going to 
build myself a school house, It'll be Burmese style !"
Ann's eye widened, " A Zayat? Don, you wouldn't dare !"

ခုတော့ အမေရိကန်ကြီးက သူ့အိမ်ရှေ့လမ်းဘေးမှာ ဇရပ်တဆောင်
မြန်မာပုံစံနဲ့ဆောက်တယ်။ မြန်မာလို ကျကျနန တင်ပလ္လင်ခွေထိုင် 
ရေနွေးကြမ်း ထညက် ကွမ်း ဆေး လဖက်နဲ့ တည်ခင်းဧည့်ခံရင်း 
ဝမ်းမြောက်ဖွယ်သတင်းကို စတင် ဟောပြောပါလေရောတဲ့။ ဒီလိုပုံစံနဲ့ 
၎ ဧပြီလ ၁၈၁၉ ကစပြီး ဟောလိုက်တာ မေလ ပထမပတ်မှာ ဦးနော 
ပြောင်းလဲလာတယ်။ အဲဒီနှစ် ဇွန် ၂၇ မှာ ဦးနော နှစ်ခြင်းခံယူခဲ့ခြင်း 
အားဖြင့် မြန်မာနိုင်ငံရဲ့ နှစ်ခြင်းခရစ်ယန် သာသနာမှာ အာရုဏ်ဦး 
နေရောင်ခြည်ဖြာစပြုခဲ့ပါတယ်။

တခါတော့ ကျနော်တို့ ယုဒသန်အသင်းတော်မှာ “တပည့်တော်စစ်ဖြစ် 
ခြင်းနဲ့လူကိုမျှားသောတံငါ” Revival သင်တန်းလုပ်ခဲ့စဉ်က ဆရာတွေ 
က ငါးရဲ့အထာ ငါးဖမ်းရမဲ့ခွင် စသည်ဖြင့် သင်ကြားပို့ချတော့ ကျနော် 
ဆရာယုရဲ့ ဘဝဖြစ်စဉ်ကို သတိရမိတယ်။ လူကိုကယ်ဘို့ဘုရားကလူဖြစ် 
လာရသလို ၊ မြန်မာကိုကယ်ဘို့ ယုဒသန်က မြန်မာ ဖြစ်လာရပါတယ်။ 
ငါးရဲ့အထာ ငါးရဲ့ခွင်ကို ဆရာယုဒသန်ဟာ ဘယ်လောက်တောင် ကျွမ်း 
ကျင်သွားသလဲဆိုရင် ၃၃နှစ်ပြည့်တော့ အမေရိကန်ကို တခေါက်ပြန် 
သွား တဲ့အခါမှာ နာမည်ကျော် အမေရိကန်နိုင်ငံရဲ့ ပထမဆုံး နိုင်ငံခြား 
သာသနာပြုကြီးမို့ လူတွေက တရားဟောခိုင်းတဲ့အခါ ဆရာ့ခမျာ 
အင်္ဂလိပ်လို ဝါကျ ၃ ကြောင်းပြည့်အောင် မပြောနိုင်တော့ဘူး။ ဆရာက 
မြန်မာလိုဟောတာကို တခြားတယောက်က အင်္ဂလိပ်လို ဘာသာပြန်ပေး 
ခဲ့ရတယ်။ "He is no more American now, but truly a Burman" 
လို့ ဆရာ့ကိုမှတ်ချက်ချတာခံခဲ့ရပါတယ်။

ရယ်ရမလား ငိုရမလား မသိတဲ့အဖြစ်ကလေးတခု Worcester-Boston 
အသွား မီးရထားပေါ်မှာဖြစ်ခဲ့ပါတယ်။ ဆရာ အမေရိကန်က ထွက်လာ 
တော့ မီးရထားတွေခေတ်မစားသေးပါဘူး။ ခုတခေါက် ပြန်ရောက်တော့ 
မီးရထားကို အထူးအဆန်းဖြစ်နေတဲ့ ဆရာဟာ ငေးရင်း မောရင်းစီးနင်း 
လိုက်ပါခဲ့တယ်။ ဘူတာတခုမှာ သတင်းစာရောင်းတဲ့ လူငယ်လေး တက် 
လာပြီး ဆရာ့ကို သတင်းစာတစောင်ကမ်းပေးတယ်။ ဆရာက ကျေးဇူး 
တင်စွာနဲ့ လှမ်းယူလိုက်ပြီး ဖြန့်ဖတ် နေလိုက်တာ သတင်းစာဘိုး ရပ် 
စောင့်နေတဲ့ လူငယ်လေးကိုတောင် မေ့နေတဲ့ပုံဘဲ။ အနားက မနေနိုင်တဲ့ 
သူက ‘ဒီမှာ သတင်းစာဘိုးမပေးရသေးဘူးလေ’ လို့ သတိပေးတော့မှ 
‘စိတ်မရှိပါနဲ့ဗျာ၊ မြန်မာပြည်မှာ ဝေစာတွေအလကား ဝေပေးနေကြမို့ 
ခုလဲ အလကားပေးတယ်ထင်လို့ပါ’ တဲ့။ အဲသလောက် မြန်မာဆန်နေပြီ 
ဖြစ်တဲ့ ဆရာယုရဲ့ မြန်မာစာပေအပေါ် မြင်တဲ့အမြင်ကို ပြောရမယ်ဆိုရင် 
ဖြင့် မြန်မာစာကိုတော်တော်လေးတတ်လာပြီးတဲ့အခါ၊ သူ့အိမ်ကို ရေးတဲ့ 
စာတစောင်မှာ ဆရာက ဟောဒီလိုဖေါ်ပြထားပါတယ်။

"A dead language like Latin, is hard enough to learn," Adoniram 
wrote home in discouragement. "But have you ever tried to 
master a living one where the idoms change almost every day 
and nobody bothers to record them"

(၁) Latin ဘာသာဟာ နောက်ထပ် အပြောင်းအလဲတွေမရှိတော့လို့ သေနေတဲ့ ဘာသာရပ်လို့ပြောကြတယ်။ အဲဒီ ဘာသာရပ်တောင် သင်ယူလေ့လာဘို့ခက်ခဲ
တယ်ဆိုရင် ဝေါဟာရကြွယ်ပြီး ဘန်းစကား တွေ နေ့စဉ်နဲ့အမျှ ပြောင်းလဲ ရှင်သန်နေတဲ့အပြင် မှတ်တမ်းတင်မဲ့ သူလဲ မရှိတဲ့ မြန်မာဘာသာစကားကို သင်ယူလေ့လာရတာ အလွန်မှ ခက်တဲ့ အကြောင်း ဆရာက သူ့အတွေ့အမြင်ကိုပြောပြခဲ့ပါတယ်။ ဒီတော့ ဆရာဟာ မြန်မာဝေါဟာရတွေကို အသေအချာ မှတ်တမ်းတင် ဘို့ ကြိုးစားတဲ့အပြင် ထွင်ပြီးတော့တောင် သုံးစွဲခဲ့ပါသေးတယ်။

ဥပမာ။ မြန်မာစာပေမှာ ‘ဖိတ်ခေါ်-ပြောကြား’ လို့အသုံးများပေမဲ့ ဆရာက ‘ခေါ်ဖိတ်-ကြားပြော’လို့ တီထွင်သုံးစွဲခဲ့တယ်။ ဟောသလို ကျမ်းပိုဒ်လေးတွေကိုကြည့်ရင်လဲ ၊
ဟေရှာယ ၄ဝး ၁၂ ရေများကိုလက်ဆွန်းဖြင့်ခြင်သောသူ 
မိုဃ်းကောင်းကင်ကို မိမိလက်ဖြင့်ထွာသောသူ
မြေမှုန့်ကို တင်းတောင်းဖြင့် ချင့်တွက်သောသူ
တောင်ကြီးကို ချိန်ခွင်ဖြင့်၎င်း
တောင်ငယ်ကို ကပ်ပယ်ဖြင့်၎င်း
ချိန်သောသူကား အဘယ်သူနည်း ။ ။

Who has measured the waters in the hollow of his hands,
or with the breadth of his hand marked off the heavens?
Who has held the dust of the earth in a basket,
or weighed the mountains on the scales
and the hills in a balance? ……………. (NIV)

Scale နဲ့ Balance ရဲ့ ကွာခြားမှုကိုပြဆိုတဲ့အပြင်၊ လက်ဆွန်းနဲ့
ကပ်ပယ် ဆိုတဲ့ ရှေးဟောင်းအသုံးအနှုံး ပေါရဏ တွေကိုပါ မှတ်တမ်း 
တင်ခဲ့တဲ့ ဆရာ့ရဲ့စာပေတန်ဘိုးကို ဒီနေရာမှာတွေ့ရမှာဖြစ်ပါတယ်။ 
ယနေ့လက်ရှိကာလမှာလဲ မြန်မာစကား အသုံးအနှုံးတွေဟာ ပြောင်း 
လဲနေဆဲပါဘဲ။ ဥပမာအားဖြင့် မိုက် ဆိုတဲ့စကားရဲ့အဓိပ္ပါယ် ၊ ရဟတ် 
ဆိုတဲ့ ဝေါဟာရရဲ့ အဓိပ္ပါယ်ဟာ ယခင်နဲ့ယခု လုံးဝမတူတော့ဘူးဆို
တာ အားလုံးသိကြမှာပါ။

(၂) ထပ်ပြီးပြောလိုတဲ့အချက်ကတော့ သမ္မာကျမ်းစာမှာတွေ့ရတဲ့ 
ကဗျာလေးတွေဘဲ ဖြစ်ပါတယ်။ ကျွန်တော်တို့ တတွေ သူငယ်တန်းက 
နေ ဘွဲ့ရတဲ့အထိစုစုပေါင်း ၁၄-၁၅နှစ်လောက် အင်္ဂလိပ်စာကို သင်ခဲ့ကြ 
ရတယ်။ ခုနေ အင်္ဂလိပ်လို ကဗျာတပုဒ်လောက် စပ်ပါဆိုရင်၊ စပ်နိုင်ဘို့ 
ဝေးစွ သူများရေးစပ်ထားတဲ့ အင်္ဂလိပ်ကဗျာကိုတောင် ဖတ်တတ်ဘို့ 
ခံစားနားလည်ဘို့မလွယ်တဲ့အဆင့်မှာရှိတယ်။ ဆရာယုကတော့ လေး 
လုံးစပ်ကဗျာလေးတွေကို စပ်ဆိုပြီး သမ္မာကျမ်းစာ ဘာသာပြန်ရာမှာ 
ထည့်သွင်းအသုံးပြုခဲ့တာကိုတွေ့ရပါတယ်။ အနန္တသူရိယအမတ်ရဲ့ 
မျက်ဖြေလင်္ကာလို့ခေါ်တဲ့၊ သူတည်းတယောက်၊ ကောင်းဘို့ရောက်မူ၊ 
သူတယောက်မှာ၊ ပျက်လင့်ကာသာ ဓမ္မတာတည်း။ စတဲ့ လေးလုံးစပ် 
ကဗျာစပ်ဆိုနည်းဟာ သူ့ခေတ်သူ့အခါမှာ ရေပန်းစားနေတဲ့ ကဗျာစပ်
နည်းဖြစ်တယ်။ အဲဒီစပ်နည်း ကို ဆရာယုဟာ ကောင်းကောင်းကြီး 
ကျွမ်းကျင်တယ်ဆိုတာ ဟောဒီ သမ္မာကျမ်းစာပါ ကဗျာလေး တွေက
ဖေါ်ပြနေပါတယ်။

တိတု ၁း ၁၂။
--- သူတို့အပါအဝင်၊ အမျိုးသားချင်း ပရောဖက်ဆရာတယောက်က ---
ကရက်သားမြ၊ဲ
မုသာစွဲလမ်း၊
သားရဲကြမ်းကြုတ်၊
စားကြူးတုတ်တုတ်
လူယုတ်ပေ ၊ --- ဟုစပ်ဆိုသတည်း။
( မြဲ ၊ စွဲ ၊ ရဲ ။ ကြုတ် ၊ တုတ် ၊ ယုတ်။ )

တမန် ၁၇း ၂၈။ ငါတို့သည်ကား ၊
နွယ်တော်သားပင်
ဘုရားမျိုးပေ၊
ဖြစ်ကြလေ
( ကား ၊ သား ၊ ရား ။ ပေ ၊ လေ။ )

သာမန် မြန်မာတယောက်တောင်မှ စိတ်ဝင်တစားနဲ့ မလေ့လာထားရင်
ဒွေးချိုး လေးချိုး တေးထပ် ပျို့ ရတု စတဲ့ ကဗျာလင်္ကာတွေကိုထားလို့ 
အလွယ်ဆုံးဖြစ်တဲ့ ဒီလေးလုံးစပ်ကဗျာလေးတွေမှာတောင် ဘီလူးရယ် 
စပ်နည်း ၊ ချိန်ခွင် ညှာစပ်နည်း၊ သုံးချက်ညီစပ်နည်းစသဖြင့် နည်းစံနစ် 
တွေရှိတဲ့အကြောင်း မသိကြတော့ပါဘူး။ အဲဒီစပ်နည်းတွေအနက် 
သုံးချက်ညီစပ်နည်းကိုသုံးပြီး ပီပီပြင်ပြင်ရေးစပ်နိုင်တဲ့ ဆရာယုကို 
မလေးစားဘဲ ဂုဏ်မပြုဘဲ မနေနိုင်ပါဘူး။

စာရေးဆရာ မောင်ဖေငယ်ရဲ့ နန်းမတော်မယ်နု ဆိုတဲ့စာအုပ်မှာ 
ကုန်းဘောင်ခေတ်ဦးက ပေါ်ထွန်းခဲ့တဲ့ စာဆိုရှင်များ စာရင်းကိုဖေါ်ပြ
ထားပါတယ်။ နန်းသုံးတော်ဝင် စာဆိုရှင် ၂၅ဦးရဲ့ အမည်စာရင်းပေါ့။ 
ဖိုးသူတော်ဦးမင်း လူဦးမင်း အမတ်ကြီး ဦးပေါ်ဦး မြဝတီဝန်မင်းဦးစ - 
စတဲ့ ပုဂ္ဂိုရ်များရဲ့အလယ်မှာ ယုဒသန် ဆိုတဲ့ နာမည်ကိုလဲ တွေ့လိုက်ရ 
တော့ ဆရာယုကို မြန်မာဘုရင် မြန်မာပညာရှင်များကပင်လျင် အသိ 
အမှတ်ပြုလက်ခံခဲ့ကြောင်း သိရလို့ အားရဝမ်းသာစွာ နဲ့ ဂုဏ်ယူမိခဲ့ 
ပါတယ်။

(၃) ဒီလိုပုဂ္ဂိုရ်ရဲ့ လက်ရာဖြစ်တဲ့ သမ္မာကျမ်းစာဟာ ကောင်းလွန်း 
ပြည့်စုံလွန်းလို့ မြန်မာစာပေပညာရှင်များ ကပင်လျင် မှီငြမ်းပြုရတဲ့ 
ကျမ်းတစောင်ဖြစ်လာခဲ့ပါတယ်။ ဒီအချက်ကိုလဲ ထင်ရှားအောင်ပြောပါ 
ရစေတော့။ ၁၉၆၅ ခု နှစ် လောက်ကလို့ထင်ပါတယ်။ မြန်မာနိုင်ငံ -
တော်လှန်ရေးအစိုးရ စာပေဗိမန်ဌာနက ကြီးမှူးပြီး မြန်မာ့စွယ်စုံကျမ်း 
ကြီးကို ပြုစုခဲ့ရာမှာ တဝမ်းပူ အတွဲကိုရောက်တဲ့အခါ တီတီတွတ်ဆိုတဲ့ 
ငှက်နာမည်ကလေးတခုအတွက် အကြီးအကျယ် ခေါင်းခဲကြရတယ်။ 
မြန်မာဂီတရဲ့ ဆဒ္ဒန်အိုင်သာ သီချင်းခန့်မှာ တီတီတွတ်ကယ်နှင့်သာ၊ 
ချည်ခင်စွပ်ကယ်က၊ ဖေါ်မပါ ဟစ်ကြွေးခါ၊ မြစ်ထွေးမှာ၊ ချစ်ရေးဝေဆာ’ 
ဆိုတဲ့ အပိုဒ်ကလေးအရ တီတီတွတ်ဆိုတာ ငှက်မှန်းတော့ သိကြတယ်။ 
ဘယ်လိုအသွေးအရောင်နဲ့ ဘာငှက်လဲဆိုတာ မပြောနိုင်ကြဘူး။ 
မြန်မာစာပေ ပညာရှင်များဖြစ်ကြတဲ့ ပါမောက္ခ ဦးအေးမောင် ဦးဖေမောင် 
တင် ဆရာမင်းသုဝဏ် ဆရာဇော်ဂျီ စောင်းဦးဘသန်း ဒေ၀ဣန္ဒာမောင် 
မောင်ကြီး စတဲ့ ပုဂ္ဂိုရ် များ စုဝေးပြီး ဆွေနွေးကြတဲ့အခါမှာ နောက်ဆုံး 
တော့ ဆရာယုဒသန်ရဲ့သမ္မာကျမ်းစာမှာဖေါ်ပြထားတဲ့ ၊-

ဟေရှာယ ၃၈း ၁၄။ -- ‘ငါသည် တီတီတွတ် နှင့် ဇရက်ကဲ့သို့ မြည်၍ 
ချိုးကဲ့သို့ ညည်းတွန်ရ၏။’

ဆိုတဲ့ ကျမ်းပိုဒ်အရ တီတီတွတ်ဆိုတာ တစ်တီတူးကိုခေါ်မှန်း အတိ 
အကျ ဆုံးဖြတ်နိုင်ခဲ့ကြတယ်လို့ ကြားဖူးနားဝနဲ့ မှတ်သားခဲ့ရဘူး 
ပါတယ်။

(၄) ဘုရားသခင်ကလွဲလို့ စုံလင်တဲ့သူမရှိနိုင်ဘူးဆိုတဲ့အတိုင်း ဆရာယု
ရဲ့ မြန်မာစာမှာ အားသာချက်တွေရှိသလို အားနည်းချက်တွေလဲရှိတာပါ
ဘဲ။ ဥပမာလေးတခုလောက်ပြပါဆိုရင်တော့ ဆာလံ ၁၂၁ ကိုညွှန်းဆိုရ
မှာဖြစ်ပါတယ်။

ဆာလံ ၁၂ ၁။ ငါ့ကိုမစခြင်းအကြောင်းသည် ပေါ်ထွက်ရသော တောင်ရိုး
သို့ငါမျှော်ကြည့်၏။ ကောင်းကင်နှင့် မြေကြီးကို ဖန်ဆင်းတော်မူသော 
ထာဝရဘုရားထံတော်မှ ငါ့ကိုမစခြင်း အကြောင်းသည် ပေါ်ထွက်ရ၏။

ခရစ်ယန်ကျမ်းစာ အခြေခံမရှိတဲ့ မြန်မာတယောက် ဒီကျမ်းပိုဒ်ကို ဖတ်မိ
ရင် ငါ့ကိုမစခြင်းအကြောင်းတွေ ပေါ်ထွက်ရာ ဖြစ်တဲ့ တောင်ရိုးကို ငါ 
မျှော်ကြည့်တယ် လို့နားလည်မှာဖြစ်ပါတယ်။ ဆာလံဆရာ ဆိုလိုရင်းဖြစ် 
တဲ့ ငါ့ကိုမစခြင်းအကြောင်းတွေ ဒီတောင်ရိုးက ပေါ်ထွက်လာသလားလို့ 
ငါမျှော်ကြည့်မိတယ်။ တကယ်တော့ ကောင်းကင်၊ မြေကြီးနှင့်တကွ 
ဒီတောင်ရိုးကိုဖန်ဆင်းတဲ့ ထာဝရဘုရားထံက လာခြင်းဖြစ်တယ်။ 
အဲသလို နားလည်သဘောပေါက်စေချင်ရင် ပထမ ဝါကျကို နဲနဲလေးပြင် 
ဘို့လိုပါတယ်။ ငါ့ကိုမစခြင်းအကြောင်းသည် ပေါ်ထွက်ရသောလို့ဆိုမဲ့ 
အစား ငါ့ကိုမစခြင်းအကြောင်းသည် ပေါ်ထွက်ရာလောဟု တောင်ရိုးသို့ 
ငါမျှော်ကြည့်၏။ ဒီလိုဆိုရင်တော့ ပိုပြီးသင့်တော်မလားလို့ကျနော်ထင်မိ 
တယ်။ ထင်မိတဲ့ အကြောင်းကိုဘဲပြောပါတယ်။ တကယ်တော့ ဆရာ 
ယုဒသန်ရဲ့ အရေးအသား ဘာသာပြန်ဆိုမှု အစုစုကို ဝေဖန်ရအောင် 
ကျနော် မထိုက်တန်ပါဘူး။ ပြီးတော့လဲ သမ္မာကျမ်းစာဟာ 4 October 
1817 – 4 Ocober 1840 ၂၃ နှစ် တိုင်တိုင် လူတ ယောက် ဘဝရော 
အသက်ပါ ပုံအပ်ဆက်ကပ်ပြီး ရေးခဲ့တဲ့ကျမ်းစာဖြစ်တယ်ဆိုတာ မေ့ထား 
လို့ မရပါဘူး။ 
သို့ပေမဲ့ ဒီနေရာမှာ စကားစပ်လို့ပြောရမယ်ဆိုရင်၊ မြန်မာစာနဲ့ပါဠိဟာ 
ခွဲလို့မရတဲ့ ဘာသာနှစ်ခုဖြစ်တာမို့ ဆရာဟာပါဠိစာပေကိုလဲ လေ့လာခဲ့ 
ရဟန်တူပါတယ်။ ပါဠိ စာပေကို လေ့လာရင် ဗုဒ္ဓရဲ့အဘိဓမ္မာကို ချန်ထား 
ခဲ့လို့မရပါဘူး။ ဒီတော့ ဆရာဟာ ဗုဒ္ဓရဲ့အဘိဓမ္မာတရားတွေကို ကောင်း 
ကောင်းကြီး နားလည်တယ်လို့ ဆိုရမှာဖြစ်တယ်။

ကောလောသဲ ၂း၂ မှာ ဝိစိကိစ္စာနှင့် ကင်းစင်သောဥာဏ် 
ဟေဗြဲ ၁ဝး၂၂ မှာ ဝိစိကိစ္စာနှင့် ကင်းသောယုံကြည်ခြင်းလို့ 
သုံးထားတာတွေကို တွေ့ရတယ်။ 
ဘုရားတရားနဲ့ပတ်သက်ပြီး ဟုတ်မှဟုတ်ရဲ့လားလို့ သို့လောသို့လော
နဲ့ တွေးတောယုံမှားခြင်းဖြစ်နေတာမျိုးကို ဝိစိကိစ္စာလို့ သုံးပါတယ်။ 
ဘုရားတရားနဲ့ဆိုင်တဲ့ယုံမှားခြင်းမျိုးကိုဘဲသုံးပါတယ်။ အခြားအရာတွေ
ကို ယုံမှားတာကိုတော့ သံသယလို့ ရိုးရိုးဘဲသုံးပါတယ်။ ပါဠိကနွယ်လာ
တဲ့ ဝေါဟာရ အသုံးအနှုံးတွေကို တကယ်နားလည်ပြီး သူ့ နေရာနဲ့သူ 
အံဝင်ခွင်ကျ ဖြစ်အောင် ဆရာသုံးခဲ့ပါတယ်။
--------------------------
ဓမ္မရာဇဝင် ပဌမစောင် ၂း ၃ မှာ for the Lord is the God of know-
ledge ဆိုတာကို အကြောင်းမူကား ထာဝရဘုရားသည် သဗ္ဗညုတဘုရား
ဖြစ်တော်မူ၏လို့ ပြန်ဆိုသုံးစွဲထားပါတယ်။ ရေးတော့ သဗ္ဗညုတ ဖတ် 
တော့ သဗ္ဗဉ်ညုတဆိုတာ ဗုဒ္ဓအဖြစ်ရောက်စေခဲ့တဲ့ ဥာဏ်တော်ကို ပြော 
ခြင်းဖြစ်ပါတယ်။ 
သိရန်မှန်က၊ မကျန်ရအောင်၊ လုံးဝစုံလင်၊ အကုန်မြင်၊ သဗ္ဗဉ်ဥာဏ်တော် 
အစွမ်းတည်း လို့ ဆရာတော် ဇနကာဘိဝံသရဲ့ ကျမ်းစာလာတာမို့အရာ 
ရာတိုင်းကို ဟုတ်တိုင်းမှန်စွာသိနိုင်တာ ဘုရားသခင်ရဲ့ ဘုန်းတန်ခိုးအာနု 
ဘော်တခုဖြစ်ပါတယ်။

အဲဒီလောက် ပါဠိကိုကျွမ်းကျင်တဲ့ ဆရာဟာ ဟောဒီဝေါဟာရတွေကို 
တော့ ဘာဖြစ်လို့ ဒီအတိုင်းပြန်ဆိုရေးသားခဲ့ပါလိမ့်လို့မစဉ်းစားတတ် 
သေးပါဘူး။
၁ယော ၂း ၁၈ အန္တိခရစ် တဲ့၊ နောက်တခုကတော့ ၁ကော ၁၆း ၂၂ မှာ 
အကြင်သူသည်ယေရှုခရစ်ကို မချစ်၊ ထိုသူသည်အနသေမာ ဖြစ်စေသ 
တည်း တဲ့။ အန္တိခရစ် နဲ့ အနသေမာ။ ပါဠိလို ခြောက်တီးခြောက်ချက် 
သိတဲ့ ကျနော့အဘို့ အန္တိမ ဆိုတာ နောက်ဆုံးလို့အဓိပ္ပါယ်ရတာမို့ 
အန္တိခရစ်ဆိုတာ နောက်ဆုံးမှာပေါ်လာမဲ့ ခရစ်တော် လို့နားလည်မှားခဲ့ 
ဘူးပါတယ်။ တကယ်တော့ Anti-Christ လို့ပြောတာပါ။ အနသေမာ 
ဆိုတာကိုလဲ ပါဠိဘဲ အောက်မေ့ပြီး လက်လှမ်းမှီသလောက် ရှာလိုက်ရ 
တာ ဘယ်တွေ့မလဲ၊ ပါဠိမှမဟုတ်ဘဲ။ Anathema ဆိုတဲ့ဂရိစကားလုံး 
ကို အသံဖလှယ်ထားခြင်းမျှသာဖြစ်ပါတယ်။

(၅) ဆရာယုဒသန်ရဲ့ မြန်မာစာနဲ့ ပတ်သက်လို့ နောက်ထပ် တင်ပြချင်
တဲ့ အချက်ကလေးကတော့ ဆရာရေးခဲ့တဲ့ မြန်မာသဒ္ဒါကျမ်းမှာ ဖေါ်ပြဖို့
အတွက် ပြင်ဆင်ထားတဲ့ ဆရာ့ မှတ်စုလေးကိုလက်ဆင့်ကမ်း ဝေမျှလိုပါ 
တယ်။ အားလုံးဘဲ မြန်မာသင်ပုန်းကြီးကိုမှတ်မိကြမှာပါ။

မြန်မာသင်ပုန်းကြီးမှာ အတန်း (7-Rows) ၇ တန်းရှိပြီး စာတိုင် (5-
Columns) ၅ တိုင်ရှိပါတယ်။ အတန်းတွေ ဟာ ရက်သတ္တပတ် အတွင်း
က နေ့တွေကို ကိုယ်စားပြုပါတယ်။ မြန်မာလူမျိုးဟာ အမည်မှည့်တော့ 
မယ်ဆိုရင် နေ့နံသင့်ရာ အက္ခရာနဲ့စတဲ့ အမည်ကိုပေးလေ့ရှိပါတယ်။ 
ဥပမာ မတင်မေ ဆိုရင် စနေသမီး ၊ မောင်စိုးအောင်ဆိုရင် အင်္ဂါသား 
နာမည်ကိုကြားရုံနဲ့ ဘာနေ့သားသမီးလို့ ပြောနိုင်တာ ကမ္ဘာမှာမြန်မာ 
ဘဲရှိပါတယ်။

ဒါပေမဲ့ သင်ပုန်းကြီးရဲ့ အသုံးဝင်ပုံဟာ ဒီလောက်နဲ့တင် မကပါဘူးတဲ့။ 
အလွန်မှအရေးကြီးပြီး အသုံးဝင်တဲ့ အချက် တချက်ရှိပါသေးတယ်။ 
အဲဒါကတော့ ထပ်ဆင့်ရေးနည်းဘဲဖြစ်ပါတယ်။ သင်ပုန်းကြီးရဲ့ စာတိုင် ၅ 
တိုင် အနက် ပထမ နဲ့တတိယစာတိုင်ကို ပုလ္လိင် အဖိုစာတိုင်လို့ခေါ်ပါ 
တယ်။ ဒုတိယနဲ့စတုတ္ထစာတိုင်ကိုတော့ ဣတ္ထိလိင် အမ စာတိုင်လို့ 
ခေါ်ပါတယ်။ ပဉ္စမစာတိုင်ကိုတော့ နပုလ္လိင် အဖိုလဲမဟုတ် အမလဲမဟုတ် 
တဲ့ စာတိုင်လို့ခေါ်ပါတယ်။ ဒီလိုသိပြီးတဲ့ အခါ ပါဠိစာပေကနေနွယ်လာ 
တဲ့ ထပ်ဆင့်စာလုံးပေါင်းတွေ ရေးတော့မယ်ဆိုရင် လိုက်နာရမဲ့စည်း 
ကမ်းချက်လေးတွေကတော့
၁။ အဖိုပေါ်အမ ဘယ်အခါမျှမတက်ရ။ ထပ်ဆင့်စာလုံးပေါင်းများကို
ရေးတဲ့အခါမှာ အဖိုအက္ခရာအပေါ် အမအက္ခရာ ကို မဆင့်ရပါ။ 
အဖို အဖိုခြင်း အမ အမခြင်း သို့မဟုတ် အမပေါ်အဖို ထပ်ဆင့်ရေးလို့
ရတယ်။
၂။ အဖိုလဲမဟုတ် အမလဲမဟုတ်တဲ့ အက္ခရာတွေကိုတော့ ကြိုက်သလို
ထပ်ဆင့်ပြီး ရေးလို့ရပါတယ်။ ဒါပေမဲ့ အဖိုအပေါ် အမ ဘယ်အခါမှ 
ထပ်ဆင့်ပြီးမရေးပါ။
၃။ အတန်းတူ သို့ နေ့နံတူတဲ့ အက္ခရာများကိုသာ ထပ်ဆင့်ရေးပါ
တယ်။ တဲ့

မြန်မာစာကိုလွယ်တယ် စည်းစံနစ်မရှိဘူးလို့တွေးပြီး မိမိစိတ်ထင်သလို 
စာလုံးပေါင်းနေတဲ့ ညီအကိုမောင်နှမတို့ သတိထားကြဘို့ဖြစ်ပါတယ်။ 
တကယ်တော့ မြန်မာစာဟာအင်မတန်မှတိကျတဲ့ သတ်ပုံသတ်ညွှန်းတွေ 
စည်းကမ်းတွေ နည်းလမ်းတွေနဲ့ စံနစ်တကျ ဖွဲ့စည်းထားတဲ့ အဆင့်မြင့် 
စာပေတရပ် ဖြစ်တယ်ဆိုတာကို ဆရာယုဒသန်လို အမေရိကန်နိုင်ငံသား 
လူမျိုးခြားကတောင် သိပြီး မှတ်တမ်းတင်ရစ်ခဲ့ကြောင်း ပြောလိုရင်းဖြစ် 
ပါတယ်။
----------------------------

(B) ။ ။ အခု ဒုတိယပိုင်းအနေနဲ့ ဆရာယုဒသန်ရဲ့ ပြောင်းလဲခြင်းကို 
တင်ပြလိုပါတယ်။
ဆရာဟာ congregational ခရစ်ယန်တယောက် အဖြစ်နဲ့ပေါက်ဖွါးကြီး
ပြင်းခဲ့တယ်။ ကျမ်းစာကျောင်းတက်တယ်။ အိမ်ထောင်ကျတယ်။ လက် 
တင်မင်္ဂလာယူတယ်။ ဒါပေမဲ့ သာသနာပြုခရီး စပြီးထွက်လာတဲ့ကာလ 
ပင်လယ်ပြင်ထဲ ရက်ရှည်လများ နေရစဉ် ဆရာဟာ သမ္မာကျမ်းစာကို 
in-depth study နက်နက်နဲနဲ ပြန်ပြီးလေ့လာ ဆင်ခြင်သုံးသပ်တဲ့အခါမှာ 
Baptist နှစ်ခြင်းခရစ်ယန်အဖြစ် ကူးပြောင်းသက်ဝင် ယုံကြည်သူဖြစ်လာ 
ခဲ့ပါတယ်။ ဆရာတို့ ဇနီးမောင်နှံဟာ Serampore, Calcutta ကို 
ရောက်တဲ့အခါ 1812 Sep 6, Rev. Ward ဆီမှာ နှစ်ခြင်းမင်္ဂလာကို 
ခံယူခဲ့ပါတယ်။ ဆရာ့ ဘ၀ဖြစ်စဉ်ထဲက အင်မတန်မှ စိတ်ဝင်စားဘို့ 
ကောင်းတဲ့ ဒီအချက်ကို ဆရာ့အကြောင်းပြောကြတဲ့ အခါခါတိုင်း 
သာမန်လောက်ဘဲပြောပြီး ကျော်သွားကြပါတယ်။ သိပ်ပြီးအရေးကြီးတဲ့ 
အချက်လို့ မယူဆခဲ့ကြဘူး။ တကယ်တော့ ဆရာ့ရဲ့ သာသနာပြု ဘ၀ 
ခရီးစဉ် တခုလုံးအတွက် ဒီအဖြစ်ဟာ အဓိကအကျဆုံးလို့တောင်ပြောရ 
မှာ ဖြစ်ပါတယ်။

၁။ အကယ်၍သာ ဆရာဟာ နှစ်ခြင်းခရစ်ယန်တယောက် ဖြစ် မလာခဲ့ 
ဘူးဆိုရင် ဒီနေ့ မြန်မာနိုင်ငံရဲ့ နှစ်ခြင်း ခရစ်ယန်သာသနာဟာ ဘယ်လို 
များနေမလဲလို့ တွေးကြည့်စေချင်မိပါတယ်။
၂။ သခင်ယေရှုကို သိမြင်ယုံကြည်ဘို့သက်သက်ဘဲဆိုရင် ဘုရားသခင် 
ဟာ ဆရာယုဒသန်ကို တပင်တပန်း ပြုစုပျိုးထောင်ပြီး စေလွှတ်နေဘို့ 
တောင်မလိုပါဘူး။ ဆရာမရောက်ခင်ကထဲက၊ စစ်ရေး ကုန်သွယ်ရေး 
စီပွါးရေးတွေနဲ့ ပတ်သက်ပြီး မြန်မာပြည်ကိုရောက်လာကြတဲ့ ဒီဘရစ်တို 
-ငဇင်ကာ စတဲ့ ပေါ်တူဂီ၊ စပိန်၊ ပြင်သစ်၊ ဂျာမန်နဲ့ အင်္ဂလိပ်လူမျိုးတွေ 
ကြောင့် ခရစ်ယန်ဖြစ်လာကြတဲ့ တောင်ငူနန်းကျဘုရင် နတ်ရှင်နောင် 
မှစလို့ catholic ဂိုဏ်းဝင် ခရစ်ယန်တွေအများကြီးပါဘဲ။ ယနေ့ထိ 
မြေလတ်ပိုင်းမှာ ဘရင်ဂျီဘာသာကိုးကွယ်တဲ့ ဘရင်ဂျီရွာတွေ ရှိနေပါ 
သေးတယ်။
၃။ ဒီလို congregational faith ကနေ နှစ်ခြင်းခရစ်ယန်အဖြစ် ပြောင်း
လဲ လာတဲ့အခါမှာ ဆရာဟာကြီးမားတဲ့ အခက် အခဲတွေနဲ့ရင်ဆိုင်ခဲ့ရ 
ပါတယ်။ သို့ပေမဲ့ ဘုရားသခင်ရဲ့အလိုတော်ကို ၀န်ခံတဲ့သူအတွက် 
အခက်အခဲတွေဟာ အခွင့်အရေးတွေဖြစ်လာပြီး ဘုန်းတော်ထင်ရှားဘို့ 
အံ့သြဘွယ်နိမိတ်လက္ခဏာတွေကို တွေ့ရပါတယ်။ ဆရာ့ကို နဂိုက 
စေလွှတ်ခဲ့တဲ့ A.B.C.F.M. American Board of Commissioners for 
Foreign Missions ဟာ ခုလို နှစ်ခြင်းအဖြစ် ပြောင်းလဲသွားတဲ့အတွက် 
အထောက်အပံ့တွေဖြတ်လိုက်ပါတယ်။ ဒီသတင်းကိုကြားတဲ့အခါ အမေရိ 
ကန်တောင်ပိုင်း က ပြန့်ကြဲပြီး အင်အားချိနဲ့နေတဲ့ နှစ်ခြင်းခရစ်ယန် 
အသင်းတော်တွေ Southern Baptists လို အဖွဲ့အစည်းတွေ ဟာ 
တညီတညွတ်တည်း စုစည်းလာကြတယ်။ A.B.B.F.M. American 
Baptist Board of Foreign Missions ကိုဖွဲ့ စည်းပြီး နိုးကြားတက်ကြွ 
စွာ လုပ်ဆောင်လာကြတယ်။ ဆရာယုဒသန်ကိုလဲ သူတို့ရဲ့ နိုင်ငံခြား 
သာသနာပြုဆရာ အဖြစ်ထောက်ပံ့ခဲ့ကြတယ်။ နောက်နှစ်အနည်းငယ် 
ကြာပြီး တဲ့အခါ ဆရာယုဒသန်ကို အတုယူပြီး Episcopalians, 
Methodists, Presbyterians တွေကလဲသာသနာပြုအဖွဲ့တွေဖွဲ့စည်း 
ပြီး နိုင်ငံရပ်ခြားကို စေလွှတ်လာကြတယ်။ ဆရာ့ ပြောင်းလဲမှုဟာ 
ကြီးမားကျယ်ပြန့်တဲ့ အကျိုးဆက်တွေကို ဖြစ်စေပြီး မြန်မာရော 
အမေရိကန်ပါ ကျေးဇူးခံစားခဲ့ကြရတယ်။
၎။ နောက်တချက်ကတော့ ယောရှုလို ငါနှင့်ငါ့အိမ်သားဖြစ်လျင်၊ 
ထာဝရဘုရားကိုသာ ကိုးကွယ်မည်ဆိုသလို၊ ငါနဲ့အတူ ငါ့ဇနီးဟာလဲ 
နှစ်ခြင်းဘဲဖြစ်ရမယ်လို့ ပင်လယ်ခရီးတလျှောက်မှာ မမအဲန်ကို ဟော 
ပြောသွန်သင်ခဲ့ရခြင်းပါဘဲ။ ကိုယ့်မိန်းမကိုယ် တရားဟောရတာလွယ်တဲ့
အလုပ်လို့ထင်ရင် မှားပါလိမ့်မယ်။ ဒီနေ့ကြွရောက်လာကြတဲ့ ဓမ္မဆရာ
ကြီးများ ဒီအချက်ကို သဘောတူကြလိမ့်မယ်လို့ ထင်ပါတယ်။ အစပိုင်း
မှာ ပြင်းပြင်းထန်ထန် ငြင်းဆန်ခဲ့တဲ့ မမအဲန်ဟာ အဆုံးမှာတော့ ဆရာနဲ့
ထပ်တူ ကြည်ဖြူနှစ်သက်စွာ နှစ်ခြင်းခရစ်ယန်ဖြစ်လာခဲ့တယ်။ ပွဲမ၀င်
ခင် အပြင်မှာကျင်းပသလို၊ စိတ်နှလုံးခိုင်မာတဲ့မြန်မာတွေကို တရားဟော 
ဘို့ ဆရာ့အတွက် လေ့ကျင့်ခန်း ဆင်းပြီးသားလဲ ဖြစ်ခဲ့ပါတယ်။

ကိုစံပီးရဲ့ သီချင်းတပုဒ်က စာသားလေးတကြောင်းရှိတယ်။ ဒီနေရာကို 
ရောက်လာတာလဲ၊ အမှတ်တမဲ့တော့ မဟုတ်ပါ ။ ဘုရားရှင်ကို သိဖို့ပါ။
တဲ့။

ညီအကိုမောင်နှမတို့။ ဒီနေ့ကျနော်တို့ နှစ်ခြင်းခရစ်ယန် ဖြစ်နေရခြင်း
ဟာ အမှုမဲ့ အမှတ်မဲ့ အကြောင်းတိုက်ဆိုင်လို့ဖြစ်ချင်သလိုဖြစ်လာတာ
မဟုတ်ပါဘူး။ ရှေ့မဆွကပင်လျင် ခွဲခန့်မှတ်သားတော်မူ၍ သမိုင်း 
ရာဇ၀င်တလျောက်လုံးမှာ အစီအစဉ်တကျနဲ့ ဘုရားသခင် ပို့ဆောင် 
တော်မူခဲ့ခြင်းကြောင့်ဖြစ်ပါတယ်။ ဘုရားရှင် အလိုတော်ဖြစ်ပါတယ်။ 
များသောအားဖြင့် ကျနော်တို့ရဲ့ အသိဥာဏ်မှာ Baptist History 
နှစ်ခြင်းရဲ့သမိုင်းဆိုတာ ကွက်လပ်ကြီးတခုလိုပါဘဲ။ တမန်တော်ဝတ္ထု 
ကိုဖတ်ပြီး ကနဦးအသင်းတော်တွေအကြောင်း နဲနဲပါးပါးသိတယ်။ 
အဲဒါပြီးရင်တော့ လက်ရှိ အသင်းတော်တွေအထိ ကြားကာလကြီး 
တခုလုံးဟာ မှုန်ဝါးဝါးဘဲ။ နှစ်ခြင်းခရစ်ယန်လို့ပြောတဲ့အတွက် နှစ်ခြင်း 
ဆရာယောဟန်ကနေဆင်းသက်လာတယ်လို့ အထင်မှားကြတယ်။ 
ကျနော်ကတော့ လေ့လာမှုအားနည်းစဉ်က Baptist ဆိုတာ Protestant 
ရဲ့ လက်အောက်က denomination ဂိုဏ်းဂနတခုလို့ လွဲမှားစွာ မှတ် 
သားဘူးတယ်။ ဒီလိုမဖြစ်သင့်ပါဘူး။ ဘုရားသခင်က "I am who I am" 
ငါဖြစ်သည်အတိုင်းငါဖြစ်သည်လို့မိန့်တော်မူပါတယ်။ ကျနော်တို့ကလဲ 
ငါကတော့ဖြင့် နှစ်ခြင်းခရစ်ယန်ဘဲ လို့ ပြောနိုင်အောင် ကိုယ့်ရဲ့ 
identity, အထူးသဖြင့် spiritual identity ကို အသေအချာလေ့လာမှတ်
သား တန်ဘိုးထားဘို့လိုပါတယ်။ ဒီနေ့ခေတ်လို ထူးခြား ဆန်းပြားတဲ့ 
သြ၀ါဒလေတွေ တိုက်ခတ်မှုကို ငြိမ်းချမ်းလွတ်လပ်စွာ နေတတ်တဲ့ 
နှစ်ခြင်းတွေ အကြီးအကျယ်ခံနေရပြီဖြစ်ပါတယ်။ နှစ်ခြင်း တွေရဲ့ 
အခြေခံ ယုံကြည်ချက်တွေကို ဆွဲကိုင်လှုပ်နေကြပါပြီ။ သိပ်မကြာ 
ခင်မှာ ဘိုးဘေးတို့ စိုက်ခဲ့တဲ့ သမိုင်းမှတ်တိုင်တွေကို နှုတ်ပယ်ပစ်ကြ 
တော့မယ်။ သံကိုသံဖျက် သံချေးတက်ဆိုတဲ့အတိုင်း အဲဒီလွဲမှားတဲ့ 
သွန်သင်ချက်တွေကို နှစ်ခြင်းဓမ္မ ဆရာ ဆရာမများကပါ ပါဝင်သင်ကြား 
ပို့ချနေတာကို ၀မ်းနည်းစွာ တွေ့ရှိနေရပြီဖြစ်ပါတယ်။ ဒီတော့ မိမိတို့ 
ကိုယ်တိုင်က နှစ်ခြင်းရဲ့ အနှစ်သာရ၊ အခြေခံယုံကြည်ချက်တွေ ခိုင်မြဲ 
အောင်၊ ကြိုးစားလေ့လာထားကြဖို့ ဆရာယုဒသန်ကို ညွှန်းဆိုလျက် 
တိုက်တွန်းသတိပေးလိုပါတယ်။

ပိုပြီးနက်နက်ကလေးတူးဆွလေ့လာချင်တဲ့ ဓမ္မ မိတ်ဆွေများအတွက် 
သဲလွန်စလေးတခု ပေးလိုက်ပါရစေ။
မည်သည့်ကျမ်းစာတစောင်ကိုမဆို ပြုစုရေးသားတဲ့အခါ အထူးပြုပြီး 
အနက်အဓိပ္ပါယ်ဖွင့်ပြလိုတဲ့ စာလုံးတွေကို Footnotes အောက်ခြေပြ 
မှတ်စုအဖြစ်နဲ့ ဖေါ်ပြလေ့ရှိပါတယ်။ ဆရာယုဒသန် ဘာသာပြန်ခဲ့တဲ့ 
သမ္မာကျမ်းစာမှာလဲ Footnotes တွေပါပါတယ်။ 
ကမ္ဘာဦးကျမ်းကနေဗျာဒိတ်ကျမ်းအထိ သူဖေါ်ပြခဲ့တဲ့ အောက်ခြေပြ 
မှတ်စုတွေကိုလေ့လာတဲ့အခါ၊ - စာလုံးတလုံးကိုဘဲ တွေ့ရပါတယ်။ 
(ဗတ္တိဇံ၏ ပုဒ်နက်သည် နှစ်ခြင်းဖြစ်၏)။ တဲ့

ကျမ်းစာတအုပ်လုံးမှာ အောက်ခြေမှတ်စုအဖြစ် ဖေါ်ပြသင့်တဲ့စာလုံးတွေ 
အများကြီးရှိပါတယ်။ အစောပိုင်းက ကျနော် ပြောခဲ့တဲ့ အန္တိခရစ်တို့ 
အနသေမာတို့လိုပေါ့။ ဒါတွေကို ထားရစ်ပြီး ဗတ္တိဇံ တလုံးထဲကို ထပ်ခါ 
တလဲလဲဖေါ်ပြခဲ့တာ ဘာကြောင့်ပါလိမ့်လို့ စဉ်းစားစရာဖြစ်လာပါတယ်။ 
ယုဒသန် နှစ် ၂၀၀ ပြည့် အထိမ်းအမှတ်အဖြစ် ကျနော်တို့ ယုဒသန် 
နှစ်ခြင်း အသင်းတော်ကပေးတဲ့ ကျမ်းစာပဟေဠိပါ။ မှတ်သားလေ့လာ 
အဖြေမှန်ရှာနိုင်ကြပါစေလို့လဲ ဆန္ဒပြုပါတယ်။
--------------------------------------
(C) ညီအကိုမောင်နှမတို့ ခုချိန်မှာ တတိယပိုင်းအနေနဲ့ဆရာယုဒသန် 
ပြုခဲ့သမျှထဲက အင်မတန်မှထူးခြားတဲ့ လုပ်ဆောင်ချက်တခုကိုပြောရင်း 
ကျွန်တော့်စကားကို နိဂုံးချုပ်လိုပါတယ်။ ဘ၀ရဲ့ နေ၀င်ချိန်ကိုရောက်လို့ 
ဒီလောက ကနေ ထွက်ခွါရတော့မယ်ဆိုတာ သိလာတဲ့အခါ ဆရာဟာ 
ဘာလုပ်သလဲဆိုတော့ ၊ -
သူ့ရဲ့စာပေးစာယူ စာရွက်စာတမ်းတွေ၊ မှတ်တမ်းမှတ်စုတွေ၊ သူကောင်း 
ပြုလက်မှတ်၊ ဂုဏ်ထူးဆောင်လက်မှတ်၊ စတဲ့အရာတွေကို စံနစ်တကျ 
ဖျက်ဆီးပစ်ခဲ့ပါတယ်။ သူသေသွားတဲ့အခါ သူနဲ့ပတ်သက်တာတွေကို 
အရိပ်အမြွက်လေးတောင်မကျန်ရစ်စေချင်ဘူးတဲ့။ သူ့ရဲ့သား Edward 
Judson ရဲ့စာမှာဘယ်လိုရေးထားသလဲဆိုတော့ ၊-

The difficulty of writing his biograpgy is enhanced by the fact 
that he destroyed, as far as possible, all his correspondence, 
including a letter of thanks for his services from the
Governor-General of India, and other papers of a similar kind. 
He seemed determined that his friends should have no 
material with which to construct eulogiums. He wanted to do 
his work and then forget all about it, and have every one else 
also forget it.

တနေ့နေ့တချိန်ချိန်မှာ လူတွေသူ့အတ္ထုပ္ပတ္တိကိုရေးပြီး ဒီနေ့လို 
သူ့ကိုချီးမွမ်းခန်းတွေဖွင့်ကြတော့မှာကို မလိုလား ဘူး။ 
သူ့ကိုချီးမွမ်းတာထက် ဘုရားရှင်ကိုချီးမွမ်းစေချင်တယ်။ 
သူ့ကိုအောက်မေ့သတိရတာထက် ဘုရားရှင်ကို အောက်မေ့ သတိရ 
ကြစေချင်တယ်။ သူ့အလုပ်ကိုသူလုပ်ခဲ့ပြီးတဲ့နောက် သူ့ကိုအားလုံးက 
မေ့လိုက်စေချင်တယ်။ တဲ့။

စဉ်းစားကြည့်ပါ။ ဘယ်လောက်ကြီးကြယ်မြင့်မြတ်တဲ့စိတ်ထားလဲလို့။ 
ဒီနေ့အမှုတော်မြတ်မှာပါဝင်လုပ်ဆောင်နေကြတဲ့ ကျနော်-ကျမတို့လဲ 
ဒီစိတ်ထားမျိုးနဲ့ ဘုရားရှင်အတွက် ဆက်ကပ်အစေခံနိုင်ကြမယ်ဆိုရင် 
ဖြစ်ပေါ်လာမဲ့ အကျိုးဆက်တွေကို ကွက်လပ်အဖြစ်နဲ့ဘဲ ထားရစ်ခဲ့ပါရ 
စေတော့ ။

ယာကုပ် ၃း ၁၇-၁၈ 
အထက်မှ သက်ရောက်သော ပညာမူကား၊ ရှေ့ဦးစွာ စင်ကြယ်၏၊ 
ထိုမှတပါး အသင့်အတင့်နေတတ်၏။ ဖြည်းညှင်းသောသဘောရှိ၏။
သွေးဆောင်လွယ်၏။ ကရုဏာနှင့်၎င်း၊ ကောင်းကျိုးနှင့်၎င်း ပြည့်စုံ၏။
လစ်လျူသောစိတ်ရှိ၏။ လျှို့ဝှက်ခြင်းနှင့်ကင်းစင်၏။ အသင့်အတင့်နေ 
ခြင်းငှါ၊ ပြုစုတတ်သောသူတို့သည် - 
ဖြောင့်မတ်ခြင်းတရား၏မျိုးစေ့ကိုငြိမ်သက်စွာကြဲတတ်၏။

ဒီကျမ်းပိုဒ်ဟာ ဆရာယုရဲ့ စိတ်နေစိတ်ထား အကျင့်စရိုက်နဲ့ သဘော 
သဘာဝတို့ကို ပြည့်ဝစုံလင်စွာ ဖွင့်ဟဖေါ်ကျူးနိုင်တဲ့ ကျမ်းပိုဒ်လို့ 
ကျနော်ခံစားမိပါတယ်။ ဘုရားသခင်ရှိရာ အထက်အရပ်မှ ပညာကို 
ခံယူရရှိတဲ့ ဆရာယုဟာ ကိုယ်ကျင့်သိက္ခာ စိတ်စေတနာတို့ တကယ်ဘဲ 
သန့်ရှင်းစင်ကြယ်ခဲ့ပါတယ်။ လူမျိုးခြား မွန်-မြန်မာတွေနဲ့အသင့်အတင့် 
လိုက်လျောညီထွေ နေတတ်စေခဲ့ပါတယ်။ ကယ်တင်ခြင်းသို့ ရောက်စေ 
လိုတဲ့ သနားခြင်းကရုဏာနဲ့တကွ ကောင်းကျိုးချမ်းသာကိုလိုလားပြီး 
ဟန်ဆောင်မှု လျှို့ဝှက်မှု ပရိယာယ်မာယာတွေ ကင်းစင်တဲ့သူလဲဖြစ်ပါ 
တယ်။ "ဖြောင့်မတ်ခြင်းတရား၏ မျိုးစေ့ကိုငြိမ်သက်စွာကြဲတတ်၏" ဆို 
တဲ့နောက်ဆုံးကျမ်းပိုဒ်ကလေးဟာ ကျနော့ ရင်ကို အထိခိုက်ဆုံးပါဘဲ။ 
မိဘဆွေမျိုးအသိုင်းအဝိုင်း ပေါက်ဖွားကြီးပြင်းရာအရပ်ဒေသ နောင်ရေး 
အတွက် အာမခံချက် အပြည့်ရှိတဲ့ သင်းအုပ်ဆရာအလုပ် စတဲ့အရာတွေ 
အားလုံးကို စွန့်လွှတ်ခဲ့တယ်။ Brown University က အပ်နှင်းတဲ့ 
Doctor of Divinity ဘွဲ့၊ ဗြိတိသျှအစိုးရက ကမ်းလှမ်းတဲ့ တနှစ်ကို 
စတာလင် ပေါင် ၃ဝဝဝ တန်အလုပ်တွေကို ပြတ်ပြတ်သားသား 
ငြင်းပယ်ခဲ့တယ်။ ရန္တပို စစ်ပြေငြိမ်းရေးစာချုပ်မှာ စကားပြန်လုပ်ပေးလို့ 
ဗြိတိသျှအစိုးရနဲ့ မြန်မာဘုရင်ကပေးတဲ့ အခကြေးငွေ ဆုတော် လဘ် 
တော်တွေ မီလျံနာသူဌေးကလေးလို နေနိုင်လောက်တဲ့ စည်းစိမ်ချမ်းသာ 
အားလုံးကို Mission လုပ်ငန်း အတွက် ဘဏ္ဍာထိန်းကို ပေးအပ်လိုက်
တယ်။ ပေးလှူတယ်လို့တောင် မသတ်မှတ်ခဲ့ဘူး။

ချစ်ခင်မြတ်နိုးတဲ့ ဇနီးသည်နဲ့တကွ သားသမီးတွေကို တယောက်ပြီး 
တယောက် ဆုံးရှုံးခဲ့တယ်။ မိမိကိုယ်တိုင်လဲ ထောင်သွင်း အကျဉ်းချ 
ညှင်းပန်းနှိပ်စက်ခြင်းခံရတာတွေ သရော်ပြောင်လှောင်ကဲ့ရဲ့ခံရတာတွေ
ဘဝရဲ့အနိဌာရုံ ဒုက္ခမျိုးစုံကို ကြုံတွေ့ရပေမဲ့လဲတုန်လှုပ်ခြင်းမရှိအေးချမ်း 
ငြိမ်သက်စွာ တည်ကြည်တဲ့သမာဓိနဲ့ ဖြောင့်မတ်ခြင်းတရား၏ မျိုးစေ့ကို 
ကြဲခဲ့တဲ့ အာဇာနည် မာတုရ ပီသခဲ့သူတဦးမို့ အတိုင်းအဆမသိအောင် 
လေးစားမြတ်နိုးခြင်းများစွာနဲ့ ချီးမွမ်း ဂုဏ်ပြုအပ်ပါတယ်။

ဤစကားအစုစုကို ကြားနာမှုပြုရတဲ့ ညီအကိုမောင်နှမအပေါင်းတို့သည်
ဆရာယုရဲ့ ပုံသက်သေကို အတုယူနိုင်ကြပါစေ။ အထက်မှသက်ရောက်
သောပညာကိုခံရပြီး မိမိတို့ရောက်ရှိရာအရပ်မှာ ---
ငြိမ်သက်စွာနဲ့ ဖြောင့်မတ်ခြင်းတရား၏ မျိုးစေ့ကို ကြဲနိုင်ကြပါစေလို့ 
ဆုတောင်းမေတ္တာပို့ပါတယ်။

အယောက်စီတိုင်းကို ဘုရားရှင်ကောင်းကြီးပေးပါစေ။ အာမင် ။

ဖိုးညို
၂၈ ၊ ၉ ၊ ၂ဝ၁၃