ဘုရားသခင်နှင့်ကံတရား (အပိုင်း-၂ ရသစာပေ)

ဘုရားသခင်နှင့်ကံတရား (အပိုင်း-၂ ရသစာပေ)
အိုင်တီနည်းပညာခေတ်နဲ့ ရသစာပေအကြောင်း ဆွေးနွေးပွဲတခုမှာ နားထောင်ခဲ့ရပါတယ်။ ရသစာပေ ဆိုတာ လူတွေရဲ့ ဝိညာဉ်ရေးဖြစ်ပါတယ်။ ဒါကိုလူအများစု လက်ခံကြမယ်ထင်ပါတယ်။ စာပေဟောပြောပွဲတွေမှာ ရသစာပေအဖြစ် ကဗျာအရသာ ခံခြင်းတွေ ဆွေးနွေးတာ နားထောင်ရပါတယ်။ ကဗျာဆရာကြီး ဦးတင်မိုးရဲ့ မူလတန်းကျောင်းသုံးကဗျာများက ကလေးများကို ငယ်စဉ်ကတည်းက ရသစာပေဖြစ်တဲ့ ကဗျာနဲ့ မိတ်ဖွဲ့ပေးခြင်းပါ။ ရသစာပေ ဆိုတာ လူတွေကို သဘာဝနဲ့မိတ်ဆက်ပေးတဲ့ ဝိညာဉ်ရေးစာပေဖြစ်ပါတယ်။ 
.
ကံတရားဆိုတာ သဘာဝတရား ဖြစ်ပါတယ်။ ဘုရားသခင် ဆိုတာလဲ သဘာဝတရား ဖြစ်ပါတယ်။ ဘယ်ဘာသာမှ မကိုးကွယ်သူတဦးအဖို့လည်း သဘာဝတရားကို လက်ခံရပါတယ်။ 
ဒါကြောင့် ဘုရားသခင်နဲ့ကံတရား ဆိုတာ သဘာဝတရားအကြောင်းပဲ ဖြစ်ပါတယ်။
.
သဘာဝတရားအကြောင်း သဘာဝကို ခံစားဖို့လိုကြောင်း လူတိုင်းသိပါတယ်။ သဘာဝကို ခံစားဖို့ အကောင်းဆုံးနည်းလမ်းကတော့ ရသစာပေများကို ဖတ်ရှုအရသာခံခြင်း ဖြစ်ပါတယ်။ ထောင်ကျနေတဲ့လူတွေ သူတို့စိတ်ဝိညာဉ်ထဲမှာ ကံတရားအကြောင်း စဉ်းစားရင်း အချိန်မလောက်နိုင်အောင်ဖြစ်မယ်။ ဘုရားသခင်အကြောင်းစဉ်းစားရင် ဘုရားသခင်ကို ကျေးဇူးအလွန်တင်ပြီး လက်ရှိအခြေအနေကို လက်ခံမယ်။ ဒါမှမဟုတ်ရင် သဘာဝအကြောင်းကို စဉ်းစားရင်း ကဗျာအရှည်ကြီးတွေ စိတ်ထဲမှာရေးမယ်၊ ပြန်လည်ခံစားမယ်၊ အချိန်တွေမလောက်နိုင်အောင် ခံစားအသက်ရှင်လို့ရပါမယ်။ 
.
ဒါကြောင့် ရသစာပေဆိုတာ လူတွေရဲ့ စိတ်ဝိညာဉ်ရေး ခွန်အားပေးတဲ့အရာဖြစ်ပါတယ်။ ကဗျာတွေ လူ့စရိုက်ရသစာပေစာအုပ်ကြီးများ ဖြစ်စေ၊ ဆောင်းပါး၊ စာတိုကလေးများဖြစ်စေ ဖတ်ရှု စဉ်းစား သုံးသပ်ရင်း လူ့ဘဝကျေနပ်မှုရစေပါတယ်။ စာမဖတ်သူ ဆိုရင်လဲ အချင်းချင်းပြောစကားများနဲ့ ရသစာပေကို ခံစားနိုင်ပါတယ်။
.
ဘုရားသခင်နဲ့ကံတရား အကြောင်း ဘာသာရေးရသစာပေ ဆိုတာ ကျမ်းဂန်စာပေတွေ ဖြစ်ပါတယ်။ အဲဒီ စာပေတွေကို လေ့လာ စဉ်းစားနေမယ်ဆိုရင် အံ့သြဘွယ်ရာများ ပြည့်နှက်နေပြီး စိတ်ဝိညာဉ်ခွန်အား အလွန်မြင့်မားစေပါတယ်။ 
ခရစ်ယာန်သမ္မာကျမ်းစာအုပ်၊ မွတ်ဆလင်ကိုရမ်ကျမ်းစာအုပ် (စာမျက်နှာတစ်ထောင်ခန့်) ကို ဖတ်ရှု သုံးသပ် ခံစားတတ်သူတစ်ဦးရဲ့ အချိန်တွေဟာ လောက်ငှတယ်မရှိပါ။ အလားတူ ဗုဒ္ဓဘာသာရဲ့ မြန်မာဘာသာပြန်ထားတဲ့ တရားစာအုပ်များ၊ ဗုဒ္ဓဝင်ဇတ်လမ်းများ ဗုဒ္ဓရဲ့ဘဝဖြစ်စဉ် ကျမ်းဂန်စာအုပ်များရှိပါတယ်။ သူတို့ရဲ့ စိတ်ဝိညာဉ်ရေး အလွန်ခွန်အားရစေပါတယ်။ ဖတ်ရှုပြီး ဘာသာဝင် ယုံကြည်သူအချင်းချင်း ပြန်လည်မျှဝေ ခံစားရင်း မိမိတို့ဘဝအသက်တာကို ကျေနပ်ရောင့် ပျော်ရွှင်စေပါတယ်။ ဘာသာမဲ့များအတွက်တော့ လောကနိတိ သဘာဝတရားအကြောင်း ရေးထားတဲ့ကျမ်းဂန်များ၊ လူ့ကျင့်ဝတ်နီတိများကို ဖတ်ရှုလိုက်နာ ကြည့်သုံးရပါတယ်။
.
.
အထူးသဖြင့် နိုင်ငံအုပ်ချုပ် အုပ်စိုးမဲ့ အစိုးရမင်းများဟာ သူတို့ယုံကြည်ရာဘာသာတရားကို အခြေခံပြီး တိုင်းပြည်အုပ်ချုပ်ပါတယ်။ အင်ပါယာအဆင့် အလွန်ကြီးမားလာရင် ဥပမာ ခရစ်ယာန်တွေကြီးစိုးတဲ့ ဗြိတိသျှအင်ပါယာကြီးဆို မြန်မာနိုင်ငံမှာ မြန်မာဓလေ့ထုံးစံ၊ ဆောဒီအာရေဗျနိုင်ငံမှာ အာရပ်မွတ်ဆလင်ဓလေ့ထုံးစံ၊ အိန္နိယနိုင်ငံမှာ ဟိဒ္ဒြူဓလေ့ထုံးစံ စသဖြင့် ဒေသထုံစံများကို အခြေခံပြီး အုပ်ချုပ်ရပါတယ်။ ဒါမှ သူတို့အင်ပါယာ အဓွန့်ရှည်မှာဖြစ်ပါတယ်။ 

အုပ်ချုပ်သူ လူတန်းစားဖြစ်စေ၊ အုပ်ချုပ်ခံလူတန်းစားဖြစ်စေ ရသစာပေကို သင်ကြားရပါတယ်။ ခံစားရပါတယ်။ သူတို့ယုံကြည်တဲ့ ဘာသာရေးပညာက တပိုင်း၊ သဘာဝအကြောင်း၊ လူတွေအကြောင်း အမှန်တရားတွေကို ခံစားပြီး အုပ်ချုပ်ရင်တော့ တိုင်းပြည်သာယာဝပြောမှာဖြစ်ပါတယ်။ တနည်းအားဖြင့် ရသစာပေ အစစ်အမှန်ကို ခံစားနိုင်သူများ အုပ်ချုပ်ရင် တိုင်းပြည်ကောင်းစားပါမယ်။ 
.
ကွန်မြူနစ်စနစ်ကလည်း ရသစာပေဖြစ်ပါတယ်။ လက်တွေ့ဘဝမှာ လူ့နဲ့ပါတ်ဝန်းကျင်နဲ့ မဟပ်စပ်လို့ ပြန်လည်ဖာထေး ပြုပြင်ရပါတယ်။ မြန်မာပြည်က ဆိုရှယ်လစ်လမ်းစဉ် ဆိုတာလည်း အလားတူဖြစ်ပါတယ်။ ဒီမိုကရေစီ စနစ်ဆိုတာတော့ အကောင်းဆုံးစနစ်အဖြစ် လက်ခံနေတဲ့ စနစ်ဖြစ်ပါတယ်။ ဒီမိုကရေစီစနစ်မှာလည်း တနိုင်ငံနဲ့တနိုင်ငံ အခြေအနေ၊ ယဉ်ကျေးမှု၊ ဓလေ့ထုံးစံများအရ မတူကြပါဘူး။ ဗန်းမော်တင်အောင် ရေးသလို ခေတ်စနစ်ဆိုတာ အနှစ်၂၀လောက်မှာ တစ်ခါ ပြောင်းလဲတတ်ပါတယ်။ အခုတော့ ကျနော်တို့ မြန်မာနိုင်ငံလည်း ဗြမ္မာစိုလ်တရားများ ထွန်းကားလာပြီဖြစ်လို့ ဝမ်းမြောက်ရပါတယ်။ 
.
.
.
နိဂုံး 

ခေါင်းဆောင်ကောင်းတဦးဖြစ်ဖို့ဆိုတာ အနစ်နာခံရပါမယ်။ တနည်းအားဖြင့် လူထုအကျိုးလုပ်ငန်း ဝါသနာပါရမယ်။ ဒေါ်အောင်ဆန်းစုကြည် စင်ကာပူရောက်တဲ့ ၂၀၁၃ မှာပြောခဲ့တာကတော့... "ကျမနိုင်ငံရေးလုပ်တာ အနစ်နာခံလုပ်တာမဟုတ်ပါဘူး။ ဝါသနာပါလို့လုပ်တာဖြစ်တဲ့အတွက် ကိုယ်လုပ်တဲ့အကျိုး ထောင်ကျ၊ ဒုက္ခရောက်ခဲ့တာကို ခံနိုင်ပါတယ်။ အနစ်နာခံပြီးလုပ်ပါတယ်လို့ ပြောလာသူများကို ကျမကတော့ ခပ်ကြောက်ကြောက်ပဲ၊ ဘာကြောင့်လဲဆိုတော့ တနေ့မှာ အဲဒီလူတွေက အဖိုးအခတောင်းလာနိုင်ပါတယ်" လို့ပြောခဲ့ပါတယ်။ တနည်းအားဖြင့် စွန့်လွှတ်တဲ့စိတ်ဓါတ် ရှိရပါတယ်။ နေဘုန်းလတ် ၅-ဇူလိုင်-၂၀၁၆ မိုမခရသစာပေအကြောင်း ပြောပြချက်အရဆိုရင် သူထောင်ကျနေတဲ့ကာလမှာ ရသစာပေတွေ အများကြီးဖတ်ခဲ့၊ ရေးနိုင်ခဲ့ပါတယ်။ ကိုယ့်စာပြန်ဖတ်တာတောင် ကိုယ်ရေးနိုင်ပါလား လို့အံ့သြမိ ပြောပြပါတယ်။ 

ဒါကြောင့် အနစ်နာခံစိတ် မြင့်မားလာဖို့ဆိုတာ အထုအထောင်းဒဏ် များများခံရသဖြစ်ဖို့လိုပါတယ်။ ထောင်ကျရမယ်မဆိုလိုဘူး။ ကိုယ့်ရဲ့ရူးသွတ်မှု အတွက် အချိန်အများကြီးပေးကြရပါမယ်၊ မိမိလုပ်ဆောင်မှုတွေက ငွေကိုဗဟိုပြုသလား၊ လူကိုဗဟိုပြုတာလား၊ သဘာဝကိုဗဟိုပြုသလား၊ အများစုကတော့ လူအသိုင်းအဝိုင်း ဗြမ္မာစိုလ်တရား ထွန်းကားရေးဗဟိုပြုပေမဲ့ လုပ်ရင်းလုပ်ရင်း လူကိုဗဟိုပြုတဲ့ အာဏာရှင်စနစ် ဖြစ်သွားတတ်တာ မြန်မာနိုင်ငံအခြေအနေက သက်သေပြနေပါတယ်။

ဒါကြောင့် စာရိတ္တမြှင့်တင်တဲ့ "ရသစာပေအစစ်အမှန်" ကို ဗဟိုပြုနိုင်သူများ အုပ်ချုပ်သူအဆင့်ရောက်လာရင်တော့ တိုင်းပြည်တိုးတက်လာမှာပါ။ ရသစာပေ ဖတ်ရှုခံစားပြီး မိသားစုအတွက် အနစ်နာခံတတ်သူများ နိုင်ငံခေါင်းဆောင်များများ ဖြစ်လာစေချင်ပါတယ်။ ဇော်အောင်(မုံရွာ)