လေးစားအားကျဖွယ် ထက်မြက်သော မြန်မာအမျိုးသမီးများ (၂) - ဧရာဝတီသတင်းဌာန

ဒေါ်အောင်ဆန်းစုကြည်

၁၉၈၈ ခုနှစ် ဆန္ဒပြမှု နောက်ပိုင်း မြန်မာ့နိုင်ငံရေးတွင် ဒေါ်အောင်ဆန်းစုကြည် ပါဝင်ခဲ့ပြီးနောက် အမျိုးသား ခေါင်းဆောင်ကြီး ဗိုလ်ချုပ်အောင်ဆန်း၏ သမီးဖြစ်သည့်အတွက် ပထမဆုံး လူသိများ နာမည်ကျော်ကြားလာခဲ့သည်။

နေအိမ်အကျယ်ချုပ် ကျခံခဲ့ရသော ၁၅ နှစ် အပါအ၀င် နောက်ထပ်၂၈ နှစ်ကြာသောအခါ အမျိုးသားဒီမိုကရေစီ အဖွဲ့ချုပ် (NLD) ပါတီ၏ ဥက္ကဋ္ဌတယောက်ဖြစ်သော ဒေါ်အောင်ဆန်းစုကြည်က နိုင်ငံရေး၊ လူမှုရေးနှင့် စီးပွားရေးတို့တွင် အပြောင်းအလဲ ဆောင်ယူလာနိုင်သော တစုံတယောက်အဖြစ်  ပြည်သူလူထု၏ ယုံကြည်မှုကို ရရှိခဲ့သည်။

ဖွဲ့စည်းပုံ အခြေခံဥပဒေအရ သမ္မတဖြစ်ရန် တားမြစ်ခံထားရသော်လည်း အသက် ၇၁ နှစ်အရွယ် ဒေါ်အောင်ဆန်းစုကြည်က ဧပြီလ ၁ ရက်နေ့တွင် အာဏာလွှဲပြောင်းရယူမည့် အစိုးရသစ်ကို အဓိကအခန်းကဏ္ဍမှ ကိုင်တွယ်ရန် အခွင့်အရေး ရရှိခဲ့သည်။ ထိုအခွင့်အရေးကို အောင်မြင်အောင် ဆောင်ရွက်ရန် ဒေါ်အောင်ဆန်းစုကြည် အနေဖြင့်  “သမ္မတအထက်တွင် ရှိနေလိမ့်မည်” ဟု မကြာခဏ ပြောကြားခဲ့သည်။

ရွေးကောက်ပွဲပြီးနောက် ဒေါ်အောင်ဆန်းစုကြည်သည် ချောမွေ့သော အသွင်ကူးပြောင်းမှုတခု အဆင်ပြေစေရန် ကတိပေးခဲ့သော တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ သမ္မတ ဦးသိန်းစိန်တို့နှင့် သီးခြားစီ တွေ့ဆုံခဲ့သည်။ ထို့အပြင် ဒေါ်အောင်ဆန်းစုကြည်ကို တိုင်းပြည်၏ “အနာဂတ် ခေါင်းဆောင်” အဖြစ် ရည်ညွှန်းခဲ့သော အာဏာရှင်ဟောင်း အငြိမ်းစား ဗိုလ်ချုပ်မှူးကြီး ဦးသန်းရွှေနှင့်လည်း တွေ့ဆုံခဲ့သည်။

(ကျော်ဖြိုးသာ ရေးသားသည်)

 

ဒေါ်စုစုလွင်

ပြည်သူ့လွှတ်တော်တွင် ဖွဲ့စည်းထားသော နိုင်ငံတကာဆက်ဆံရေး ကော်မတီတွင် ဥက္ကဋ္ဌအဖြစ် တာဝန် ထမ်းဆောင်နေသော ဒေါ်စုစုလွင်သည် ၂၀၁၂ ခုနှစ် ကြားဖြတ်ရွေးကောက်ပွဲကတည်းက လွှတ်တော် အမတ်တဦး ဖြစ်သည်။

ဒေါ်စုစုလွင်သည် အမျိုးသားဒီမိုကရေစီ အဖွဲ့ချုပ် ပညာရေး ကော်မတီ၏ အကြီးအကဲတဦးလည်း ဖြစ်သည်။ တနိုင်ငံလုံး အတိုင်းအတာဖြင့် ကျောင်းသားများ ဆန္ဒပြခဲ့သော ၂၀၁၅ ခုနှစ် မတ်လတွင် အတည်ပြုခဲ့သည့် အငြင်းပွားဖွယ်ရာ အမျိုးသားပညာရေး ဥပဒေကြမ်းကို ရေးဆွဲရာတွင် ပါဝင်ခဲ့သည်။

ဖခင်ဖြစ်သူ ဦးလွင်သည် တပ်မတော်မှ ဗိုလ်မှူးကြီးဟောင်း တဦးဖြစ်ပြီး အမျိုးသားဒီမိုကရေစီအဖွဲ့ချုပ်တွင်လည်း အဓိက ဦးဆောင်ခဲ့သူတဦး ဖြစ်သည်။ ဒေါ်စုစုလွင် မိသားစုသည် ဒီမိုကရေစီ လှုပ်ရှားမှုအပေါ် အားပေး ထောက်ခံခဲ့သည့်အတွက် နေအိမ် အကျယ်ချုပ် ကျခံရခြင်းနှင့် ရင်ဆိုင်ခဲ့ရပြီး စစ်အာဏာရှင် လက်ထက်တွင် အနီးကပ် စောင့်ကြည့်ခံရခြင်း၊ ပိတ်ဆို့ခံရခြင်းတို့ကို ကြံ့ကြံ့ခံခဲ့ရသည်။

ဒေါ်စုစုလွင်သည် အင်္ဂလိပ်စာ အထူးပြုဘွဲ့ကို ရရှိခဲ့ပြီး ကုလသမဂ္ဂ ကလေးများရန်ပုံငွေအဖွဲ့ UNICEF တွင်လည်း အလုပ် လုပ်ခဲ့သည်။ ထို့အပြင် လွှတ်တော်၌ သုံးခွမြို့နယ် ပြည်သူ့လွှတ်တော် ကိုယ်စားလှယ်တဦးဖြစ်သလို အမျိုးသားဒီမိုကရေစီ အဖွဲ့ချုပ်မှ တင်မြှောက်သော ရွေးချယ်ခံသမ္မတ ဦးထင်ကျော်၏ ဇနီးလည်း ဖြစ်သည်။

(ငြိမ်းငြိမ်း ရေးသားသည်)

 

ဒေါ်ခင်မမမျိုး  

ဒေါ်ခင်မမမျိုး (ဓာတ်ပုံ – ဟိန်းထက်/ဧရာဝတီ)

ဒေါ်ခင်မမမျိုးသည် မြန်မာနိုင်ငံ၏ ငြိမ်းချမ်းရေး လုပ်ငန်းစဉ်တွင် အမျိုးသမီးများ ပါဝင်ဆောင်ရွက်မှုနှင့် ကျား၊ မ တန်းတူညီမျှရေး အရေးကြီးသည်ကုို ထောက်ခံ ထုတ်ဖော်ပြောဆိုခဲ့သူတဦး ဖြစ်သည်။

မြန်မာနိုင်ငံတွင် ငြိမ်းချမ်းရေးနှင့် အမျိုးသား ပြန်လည် သင့်မြတ်ရေးကို ချောမွေ့စေရန် အထောက်အကူပြုသော မြန်မာ့ငြိမ်း ချမ်းရေးနှင့် လုံခြုံရေးသိပ္ပံ (MIPSS) တွင် ဒေါ်ခင်မမမျိုးက အမှုဆောင်ဒါရိုက်တာနှင့် တည်ထောင်သူတဦး ဖြစ်သည်။

ပြီးခဲ့သည့် ဇန်န၀ါရီလတွင် ပြုလုပ်ခဲ့သော ပြည်ထောင်စုငြိမ်းချမ်းရေး ညီလာခံသို့ အစိုးရ၊ လွှတ်တော်၊ တပ်မတော်၊ နိုင်ငံရေးပါတီ၊ အစိုးရနှင့် အပစ်အခတ်ရပ်စဲရေး လက်မှတ်ထိုးထားသော တိုင်းရင်းသား လက်နက်ကိုင်တပ်ဖွဲ့ ၈ ဖွဲ့တို့ နှင့်အတူ ဒေါ်ခင်မမမျိုးလည်း တက်ရောက်ခဲ့ပါသည်။

ဒေါ်ခင်မမျိုးသည် ဂျပန်နှင့် UK တို့တွင် နိုင်ငံရေး၊ စီးပွားရေးနှင့် အုပ်ချုပ်မှုဆိုင်ရာတို့ကို လေ့လာသင်ယူခဲ့ကာ အစိုးရနှင့် နိုင်ငံရေးတွင် ကထိကတယောက်၊ ကျွမ်းကျင်သူတယောက် အနေဖြင့်  အတွေ့အကြုံ များစွာရှိခဲ့ပြီး နိုင်ငံတကာ လုံခြုံရေးဆိုင်ရာ လေ့လာမှုတွင် ကျွမ်းကျင်ပညာရှင် တဦးအဖြစ် ပါဝင်ဆောင်ရွက်ခဲ့သည်။ ထို့အပြင် ကျား၊ မ တန်းတူညီ မျှရေး၊ ငြိမ်းချမ်းရေးနှင့် ပတ်သက်သော အကြောင်းအရာများကိုလည်း ဆောင်ပါးများ ရေးသားခဲ့သည်။

(တင်ထက်ပိုင် ရေးသားသည်)

(ဆက်လက်ဖော်ပြပါမည်)

 

 

မိကွန်ချမ်းနွန်

မိကွန်ချမ်းနွန်သည် မွန်လူမှုအဖွဲ့အစည်းများတွင် အမျိုးသမီးများ ဖွံ့ဖြိုးတိုးတက်မှုအတွက် ဆယ်စုနှစ် ၂ ခု ကျော်ကြာ ဆောင်ရွက်ခဲ့ပြီး ၂၀၁၄ ခုနှစ်တွင် ထိုသို့ အားထုတ်မှုအတွက် N-Peace Award ဆုကို ချီးမြှင့်ခြင်းခံခဲ့ရသည်။

ထို့အပြင် ငြိမ်းချမ်းရေးအတွက်လည်း ထောက်ပံ့အားပေးခဲ့ပြီး ယခုနှစ် ဇန်န၀ါရီလတွင် နေပြည်တော်၌ ကျင်းပသော ပြည်ထောင်စု ငြိမ်းချမ်းရေးညီလာခံသို့ အစိုးရ၊ လွှတ်တော်၊ တပ်မတော်၊ နိုင်ငံရေးပါတီ၊ အစိုးရနှင့် အပစ်အခတ်ရပ်စဲရေး လက်မှတ်ထိုးထားသော တိုင်းရင်းသား လက်နက်ကိုင်တပ်ဖွဲ့ ၈ ဖွဲ့တို့နှင့် အတူ မိကွန်ချမ်းနွန်သည်လည်း တက်ရောက်ခဲ့သည်။

မွန်အမျိုးသမီးအဖွဲ့၏ ဒုတိယ ဥက္ကဋ္ဌ မိကွန်ချမ်းနွန်သည် နိုင်ငံတွင်းနှင့် ထိုင်း-မြန်မာ နယ်စပ်တို့တွင် အမျိုးသမီးရေးရာများကို ဆောင်ရွက်ခဲ့သည်။

မိကွန်ချမ်းနွန်က လူမှုအဖွဲ့အစည်းများအား အမျိုးသမီးများ၏ ဦးဆောင်မှုကို နားလည်လက်ခံရန် တွန်းအားပေးခဲ့ပြီး အမျိုးသမီး တဦးတယောက်ချင်းစီအတွက် နေရာမျှဝေရန် အမျိုးသားများကို တိုက်တွန်းခဲ့သည်။

 

“ကျမတို့ အမျိုးသမီးတွေက နေရာရဖို့အတွက် ကိုယ့်ကိုနေရာပေးဖို့ စောင့်နေရတယ်။ ဒါပေမယ့် ကျမတို့လုပ်နိုင်မယ်။ လုပ်ဖို့ ဖြစ်နိုင်တယ်ဆိုရင် ကျမတို့ဘက်က တောင်းဆိုရမယ်” ဟု မိကွန်ချမ်းနွန်က ဧရာဝတီသို့ ပြောသည်။
(ငြိမ်းငြိမ်း ရေးသားသည်)

 

 

ဒေါ်ဝင်းဝင်းတင့်

မြန်မာနိုင်ငံတွင် အကြီးဆုံး လက်ကား အရောင်းလုပ်ငန်းဖြစ်သော City Mart Holdings ၏ မန်နေဂျင်း ဒါရိုက်တာ ဒေါ်ဝင်းဝင်းတင့်သည် ယမန်နှစ် မတ်လက Forbes မဂ္ဂဇင်းတွင် ဖော်ပြသော သြဇာရှိ အာရှအမျိုးသမီး လုပ်ငန်းရှင်ဦးရေ ၅၀ စာရင်းတွင် ပါဝင်ခဲ့သည်။ မြန်မာအမျိုးသမီး စီးပွားရေး လုပ်ငန်းရှင်တဦး ပထမဆုံးအနေဖြင့် စာရင်းဝင်ခဲ့ခြင်းလည်း ဖြစ်သည်။

စင်ကာပူနိုင်ငံတွင် စီးပွားရေးစီမံခန့်ခွဲမှု ဒီပလိုမာရပြီး မြန်မာနိုင်ငံသို့ ပြန်လာခဲ့ကာ အသက် ၂၁ နှစ်အရွယ်တွင် ဒေါ်ဝင်းဝင်းတင့်က မိသားစုပိုင်လုပ်ငန်းကို လွှဲပြောင်း တာဝန်ယူခဲ့သည်။ ဒေါ်ဝင်းဝင်းတင့်သည် သဘာဝ ဘေးအန္တရာယ်နှင့် ဗုံးပေါက်ကွဲမှု အပါအ၀င် စိန်ခေါ်မှုများကို ကျော်လွှားနိုင်ရန် ကြိုးစားခဲ့ရသည်။ လက်ရှိအချိန်တွင် ရန်ကုန်၊ မန္တလေးနှင့် နေပြည်တော်တို့တွင် ကုန်တိုက်ကြီးများ အပါအ၀င် တခြားကုန်တိုက်ကြီး ၁၅ ခုကျော်ကို ဖွင့်လှစ်ရန် ဆောင်ရွက်လျက် ရှိသည်။

၂၀၁၃ ခုနှစ် ကမ္ဘာ့စီးပွားရေးဖိုရမ်၌ ကမ္ဘာ့လူငယ် ခေါင်းဆောင်အဖြစ် ရွေးချယ်ခံခဲ့ရပြီး ၂၀၁၄ ခုနှစ် ASEAN Business Awards ၏ အမျိုးသမီး စီးပွားရေး ထူးချွန်ဆုကိုလည်း ရရှိခဲ့ပါသည်။
အကယ်၍ စူပါမားကက်များနှင့် ၂၄ နာရီဝယ်ယူနိုင်သော စတိုးဆိုင်များ (Convenience stores) က ၂၁ ရာစု လူနေမှုဘ၀၏ ထင်ရှားသော အမှတ်အသားတချို့ ဖြစ်လာခဲ့လျှင် ဒေါ်ဝင်းဝင်းတင့်သည် မြန်မာနိုင်ငံ၏ ခေတ်သစ် ထင်ရှားသူများအနက်မှ တယောက်ဖြစ်လာပါလိမ့်မည်။
(စမ်းယမင်းအောင် ရေးသားသည်)

 

 

ဒေါ်ယဉ်မျိုးစု

ရှမ်းပြည်နယ် တောင်ပိုင်း အင်းလေးကန် ကုန်းမြေပေါ်တွင် တည်ရှိသော ညောင်ရွှေမြို့ရှိ မိသားစုပိုင် တည်းခိုခန်းငယ်၌ ဒေါ်ယဉ်မျိုးစုသည် ငယ်စဉ်ကတည်းက ကမ္ဘာလှည့် ခရီးသွားများအား ရိုးရာအကဖြင့် တင်ဆက်ဖျော်ဖြေခဲ့သည်။

အသက် ၄၄ နှစ်အရွယ် ဒေါ်ယဉ်မျိုးစုက လက်ရှိအခါတွင် အင်းလေး အပန်းဖြေစခန်းတခုနှင့် ရခိုင်ပြည်နယ် မြောက်ဦးမြို့အနီးရှိ အပန်းဖြေစခန်းတခုတို့၏ မန်နေဂျင်း ဒါရိုက်တာဖြစ်သည်။ ရှမ်းပြည်နယ်တွင် ခရီးသွားဝန်ဆောင်မှု လေ့ကျင့်ပေးသည့် သင်တန်းတခုကိုလည်း တည်ထောင်သူဖြစ်သည်။ ထို့အပြင် ဒေါ်ယဉ်မျိုးစု၏ Inthar Heritage Foundation က ဒေသတွင်း အင်းလေးရိုးရာနှင့် အင်းလေးကန်၏ သဘာဝပတ်ဝန်းကျင်ကို ကာကွယ်ရန် ကြိုးစားခဲ့သည်။

“ကျမတို့ရဲ့ ဘိုးဘွားတွေဆီကနေ အင်းလေးကန်ကို အမွေရခဲ့တယ်လို့ ယုံကြည်တယ်။ အဲဒါကြောင့် ရရှိခဲ့တဲ့အမွေကို နောက်မျိုးဆက်သစ်တွေ လက်ထဲ လွှဲပေးဖို့က ကျမ တာဝန်ပါ။ ဒါပေမယ့် ကျန်းမာရေးနဲ့ ပညာရေး ကဏ္ဍတွေမှာလို တိုးတက်မှု အနည်းငယ်တော့ ရှိရပါမယ်။ အရာအားလုံးက ထာဝရ မတည်မြဲနိုင်ဘူးဆိုတာ ကျမ နားလည်ပါတယ်။ ဒါပေမယ့် ကြိုးစား မကြည့်ရသေးဘဲနဲ့တော့ ကျမ အရှုံးမပေးချင်ပါဘူး” ဟု ဒေါ်ယဉ်မျိုးစုက ၂၀၁၄ ခုနှစ်တွင် ဧရာဝတီသို့ ပြောခဲ့သည်။

ဒေါ်ယဉ်မျိုးစုသည် လူမှုရေးနှင့် စီးပွားရေး ဖွံ့ဖြိုးတိုးတက်ရေးကို ထောက်ခံအားပေးခြင်းအတွက် ၂၀၁၅ ခုနှစ်တွင် Global Leadership Award ကို ရရှိခဲ့သည်။ ထို့အပြင် ၂၀၁၃ ခုနှစ်တွင် Goldman Sachs & Fortune Global Women Leaders Award ကိုလည်း ရရှိခဲ့သည်။

(ကျော်ဖြိုးသာ ရေးသားသည်)

 

 

ဒေါ်အေးအေးဝင်း

ဂျာနယ်လစ်တယောက်အဖြစ် ၂၅နှစ် လုပ်ဆောင်ပြီးနောက် ပြီးခဲ့သည့်နှစ် သြဂုတ်လတွင် အနားယူခဲ့သော ဒေါ်အေးအေးဝင်းက ဂျာနယ်လစ်အလုပ်ကို ရွေးချယ်ခဲ့သည့်အတွက် အမြဲဂုဏ်ယူကြောင်း ပြောသည်။

“ဂျာနယ်လစ်တယောက်အဖြစ် ရင်ထဲမှာ ကျန်ရှိနေပါမယ်” ဟု ဒေါ်အေးအေးဝင်းက အနားယူတော့မည် ဖြစ်ကြောင်း ကြေညာချက်တွင် ပြောခဲ့သည်။

၁၉၈၉ ခုနှစ်တွင် ဒေါ်အေးအေးဝင်းက Associated Press သတင်းဌာနတွင် သတင်းထောက်အဖြစ် လုပ်ကိုင်ခဲ့ပြီး ထိုအချိန်တွင် မြန်မာနိုင်ငံ၏ အနည်းငယ်သော အမျိုးသမီးသတင်းထောက်များ အနက်မှ တယောက်ဖြစ်ခဲ့သည်။ ၎င်း၏ တာဝန်မှာ စစ်အာဏာရှင် အုပ်ချုပ်မှုနှင့် သတင်း အချက်အလက်အပေါ် တင်းကျပ်ချုပ်ကိုင်ခဲ့သော မြန်မာနိုင်ငံတွင်း အဖြစ်အပျက်များကို ကမ္ဘာက သိစေရန် ဆောင်ရွက်ရသောအခါ စွန့်စားမှုများ ကြုံတွေ့ခဲ့ရသည်။

ထို့ကြောင့် ဒေါ်အေးအေးဝင်းသည် တာဝန်ရှိသူများ၏ အကြိမ်ပေါင်းများစွာ အနှောင့်အယှက်ပြုခြင်း ခံခဲ့ရသည်။ ဒေါ်အေးအေးဝင်းသည် တယ်လီဖုန်းလိုင်း ကြားဖြတ် နားထောင်ခံရပြီး အစိုးရ၏ စောင့်ကြည့် စာရင်းတွင်လည်း ပါဝင်ခဲ့သည်။

နှစ် ၂၀ ကျော်ကြာပြီးနောက် ယခုအခါတွင်  မြန်မာနိုင်ငံ၌ အလုပ်လုပ်နေသော အမျိုးသမီး ဂျာနယ်လစ်များအတွက် အကြံပေး လမ်းညွှန်သူတယောက်အဖြစ် တာဝန်ထမ်းဆောင်နေပါသည်။ ဒေါ်အေးအေးဝင်းသည် “life-long dedication to honest and courageous journalism” ဆု ချီးမြင့်ခံခဲ့ရသော အဓိက မီဒီယာဆုကြီး ၄ ဆုကို ရရှိခဲ့သည့် တဦးတည်းသော မြန်မာနိုင်ငံမှ အမျိုးသမီးသတင်းထောက် ဖြစ်ပါသည်။

(ကျော်ဖြိုးသာ ရေးသားသည်)

 

 

ဒေါ်မေစပယ်ဖြူ
လူမှုရေးလှုပ်ရှားမှုများကို ကြိုးပမ်း ဆောင်ရွက်ခဲ့သည့်အတွက် ဒေါ်မေစပယ်ဖြူကို ပြည်တွင်းသာမက နိုင်ငံတကာကလည်း အသိအမှတ်ပြုခဲ့သည်။

ကချင်ငြိမ်းချမ်းရေး ကွန်ရက် (Kachin Peace Network) ကို ပူးတွဲ တည်ထောင်သူတဦးဖြစ်သော ဒေါ်မေစပယ်ဖြူသည် ကချင်ပြည်နယ်တွင် အစိုးရ တပ်မတော်နှင့် တိုင်းရင်းသား လက်နက်ကိုင် တပ်ဖွဲ့များအကြား ပဋိပက္ခများ ဖြစ်ပွားမှု အဆုံးသတ်ရေးအတွက် အရှိန်မြှင့်တင် ဆောင်ရွက်ခဲ့သည်။ ထို့အပြင် ဒေါ်မေစပယ်ဖြူက အမျိုးသမီးများအပေါ် အကြမ်းဖက်မှုများ အဆုံးသတ်ရန် အဓိကထား၍ ကျား၊မ တန်းတူညီမျှရေး ကွန်ရက် (Gender Equality Network) ကိုလည်း တည်ထောင်ခဲ့ပြီး ဒါရိုက်တာအဖြစ် တာဝန်ယူဆောင်ရွက်နေသည်။

“ရိုးသားဖြောင့်မတ်ခြင်းက သတ္တိတမျိုးပါပဲ” ဟု ဒေါ်မေစပယ်ဖြူက ပြောသည်။ အမေရိကန် နိုင်ငံခြားရေးဝန်ကြီး ဂျွန်ကယ်ရီ (John Kerry) က ပေးအပ်သည့် ၂၀၁၅ ခုနှစ် အတွက် နိုင်ငံတကာအမျိုးသမီး ရဲစွမ်းသတ္တိရှင်ဆုကို လက်ခံရရှိခြင်း မရှိသေးမီက ပြောကြားခဲ့ဖူးသည်။

“တခြားဘက်ကို ကြည့်မယ်ဆိုရင် ကျမတို့ရဲ့လူမှုအသိုင်းအ၀ိုင်းက အမျိုးသမီးတွေရဲ့ တန်းတူညီမျှခွင့်နဲ့ ပတ်သက်လို့ အနည်းငယ် သတိထားမိလာကြပြီ၊ လက်ခံလာကြပြီလို့ ထင်ရပါတယ်။ ဒါပေမယ့် လက်တွေ့မှာတော့ အဲဒါက မမှန်ပါဘူး” ဟု သူက ပြောသည်။

ကလေး ၃ ယောက် မိခင်ဖြစ်သော ဒေါ်မေစပယ်ဖြူသည် သူ၏အလုပ်အတွက် ပြစ်တင်ဝေဖန်ခြင်းနှင့် ပုဂ္ဂိုလ်ရေး တိုက်ခိုက်မှုများ ရင်ဆိုင်ခဲ့ရသော်လည်း ဆက်လက် ကြိုးပမ်းဆောင်ရွက်လျက်ရှိသည်။

ယခုနှစ် အစောပိုင်းတွင် တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်အား သရော်ထားသည့်ပုံကို လူမှုကွန်ရက် ဖေ့စ်ဘုတ်ခ်စာမျက်နှာတွင် ရှယ်ခဲ့သည်ဟုဆိုကာ တရားစွဲဆို ဖမ်းဆီးခံရပြီးနောက် ပြန်လွတ်လာခဲ့သည်။

(Sally Kantar ရေးသားသည်)

 

 

မဝေေ၀နု

ဥပဒေရေးရာနှင့် အမျိုးသမီး အခွင့်အရေး လှုပ်ရှားသူ မဝေဝေနုသည် မြန်မာအစိုးရက နိုင်ငံသားဖြစ်ခွင့် ငြင်းပယ်ခဲ့ပြီး ဖိနှိပ်ခံခဲ့ရသော (နိုင်ငံတကာက ရိုဟင်ဂျာဟု သိကြသော) ဘင်္ဂါလီ လူမျိုးစုအရေး နိုင်ငံတကာက သိအောင် ဆောင်ရွက်နေသူ ဖြစ်သည်။

“ကျမကို ရခိုင်ပြည်နယ်မှာ မွေးတယ်။ အရေးကြီးဆုံး တခုက မြန်မာနိုင်ငံမှာ လူဖြစ်နေပေမယ့် လူ့အခွင့်အရေး ချိုးဖောက်မှု တွေကို ကိုယ်တိုင်လည်း ကြုံတွေ့နေရတယ်။ ကိုယ့် လူ့အဖွဲ့အစည်းအပေါ်မှာ ကြုံတွေ့နေရတဲ့ လူ့အခွင့်အရေး ချိုးဖောက်မှု တွေဟာ မှားယွင်းနေပါလား ဆိုတဲ့အသိ၊ ပြောင်းလဲဖို့ လိုတယ်ဆိုတဲ့ အသိကြောင့် ဒါတွေကို လုပ်ဆောင်ဖို့ တွန်းအား ဖြစ်စေခဲ့တာပါ” ဟု မဝေဝေနုက ၂၀၁၅ ခုနှစ်တွင် ဧရာဝတီသို့ ပြောခဲ့ဖူးသည်။

ထိုသို့ လူ့အခွင့်အရေး ချိုးဖောက်ခံရသော အတွေ့အကြုံက သူမကို လူနည်းစု အခွင့်အရေးနှင့် ကျားမ တန်းတူညီမျှရေးကို လုပ်ဆောင်ရန် တွန်းအား ဖြစ်စေသည်။ ၂၀၀၅ ခုနှစ်က သူ အသက် ၁၈ နှစ်အရွယ်တွင် သူမ ဖခင်၏ နိုင်ငံရေးလှုပ်ရှားမှုကြောင့် အဖမ်းခံခဲ့ရပြီး နာမည်ဆိုးဖြင့် ကျော်ကြားသော အင်းစိန်ထောင်၌ တမိသားစုလုံးနှင့်အတူ ၁၇ နှစ် ပြစ်ဒဏ် ချမှတ်ခံခဲ့ရသည်။

ဖခင်ဖြစ်သူသည် ၁၉၉၀ ခုနှစ်တွင် ရွေးကောက်ခံ ကိုယ်စားလှယ်တဦး ဖြစ်ခဲ့သော်လည်း အာဏာသိမ်း စစ်တပ်က ၎င်းအား တာဝန်ယူ ဆောင်ရွက်ရန် မည်သည့်အခါမှ ခွင့်မပြုခဲ့ပေ။ ထောင်ထဲတွင် ၇ နှစ်သာ နေခဲ့ရသည်။ သူမဖခင်ကိုလည်း မှတ်ပုံတင်ပြုလုပ်ရာတွင် မမှန်မကန် ဖော်ပြမှုနှင့် တရားစွဲဆိုပြီး ထောင်ဒဏ် ၄၇ နှစ် ချမှတ်ခဲ့သည်။ သူမ ထောင်ချခံရခြင်းကြောင့် ပညာရေး တဝက်တပျက် ဖြစ်ခဲ့ရသည်။ ၂၀၁၄ ခုနှစ်တွင် မဝေဝေနုက အကျဉ်းထောင်အား သူ၏ ဘဝတက္ကသိုလ်အဖြစ် ရည်ညွှန်းပြောဆိုခဲ့သည်။

မြန်မာနိုင်ငံ အနောက်ပိုင်းရှိ ရခိုင် ဗုဒ္ဓဘာသာဝင်များနှင့် ဘင်္ဂါလီ (ရိုဟင်ဂျာ) မွတ်စလင်များအကြား ကောင်းမွန်သော ဆက်ဆံရေး တည်ဆောက်ရန် ရည်ရွယ်သည့် ရခိုင် အမျိုးသမီး ငြိမ်းချမ်းရေးကွန်ရက် (Women’s Peace Network Arakan) တွင် မဝေဝေနုက ဒါရိုက်တာတစ်ဦး ဖြစ်သည်။ သူမသည် ဥပဒေအထောက်အကူပြု အဖွဲ့တစ်ခုဖြစ်သည့် Justice for Women အဖွဲ့ကိုလည်း ပူးတွဲ တည်ထောင်ခဲ့သည်။ မဝေဝေနု၏ လှုပ်ရှားဆောင်ရွက်မှုများကို အိမ်ဖြူတော် နှင့် Nobel Women’s Initiative တို့က အသိအမှတ်ပြုခဲ့သည်။

(Sally Kantar ရေးသားသည်)

(ဆက်လက်ဖော်ပြပါမည်)

 

ဧရာဝတီသတင်းဌာနမှ ရွေးချယ်သော အမျိုးသမီးများစာရင်းသာ ဖြစ်သည်။