လေးစားအားကျဖွယ် ထက်မြက်သော မြန်မာအမျိုးသမီးများ (၁) - ၂၀၁၆ ဧရာဝတီသတင်းဌာန

 မြန်မာနိုင်ငံ၏ ဒီမိုကရေစီ ဖော်ဆောင်ရေးတွင် အရေးပါသော အခန်းကဏ္ဍမှ ဆက်လက် ပါဝင်နေသည့် အမျိုးသမီး တချို့ ကို မှတ်တမ်းတင် ဖော်ပြ လိုက်ပါသည်။

ဒေါက်တာ စင်သီယာမောင် (ဓာတ်ပုံ – ဂျေပိုင်/ဧရာဝတီ)

၁၉၈၈ ခုနှစ် ဒီမိုကရေစီရေး တောင်းဆိုဆန္ဒပြမှုများ ဖြစ်ပွားအပြီး ဒေါက်တာ စင်သီယာမောင်သည် ကရင်ပြည်နယ်မှ ထွက်ခွာခဲ့ကာ ထိုင်း-မြန်မာ နယ်စပ်ရှိ ညစ်ညစ်ပေပေ အဆောက်အအုံတခုမှာပင် သူ၏ဆေးခန်း ဖွင့်လှစ်ခဲ့သည်။ လက်ရှိ ဒေါက်တာ စင်သီယာမောင်၏ “မယ်တော်ဆေးခန်းတွင် မြေမြှုပ်မိုင်းကြောင့် ထိခိုက်ဒဏ်ရာရသူများ၊ မီးဖွားခြင်းနှင့် HIV ရောဂါသမားများအား နှစ်သိမ့်ဆွေးနွေးခြင်းတို့ အပါအ၀င် ကျန်းမာရေး ၀န်ဆောင်မှုများ ပေးနေပြီး၊ ၀န်ထမ်း ၇၀၀ နှင့် တနှစ်လျှင် လူနာ ၇၅၀၀၀ ကို ကုသမှု ပေးနေသည်။

လူသိများ ကျော်ကြားသော ဒေါက်တာ စင်သီယာမောင်သည် မြန်မာနိုင်ငံ၏ တိုင်းရင်းသား နယ်မြေများတွင် လူမှုအခြေပြု ကျန်းမာရေးစောင့်ရှောက်မှု စနစ်နှင့် ဗဟိုချုပ်ကိုင်မှု လျော့ကျရေးတို့ အတွက် စည်းရုံးနေသူ တဦးလည်း ဖြစ်သည်။

“တိုင်းရင်းသားဒေသတွေမှာ ကောင်းမွန်ပြီး ထိရောက်တဲ့ ကျန်းမာရေးစနစ်တွေကို ပျိုးထောင်ဖို့ အစိုးရက ရသမျှ ထိန်းချုပ်ထားတဲ့ ဗဟိုချုပ်ကိုင်မှုကို လျှော့ချဖို့ အရမ်း လိုအပ်နေတယ်။ တိုင်းရင်းသား ဒေသတွေမှာ ကျန်းမာရေး စောင့်ရှောက်မှု အစီအစဉ်တွေကို ခန့်ခွဲဖို့ တိုင်းရင်သား ကျန်းမာရေးဆိုင်ရာ အဖွဲ့အစည်းတွေနဲ့ ၀န်ထမ်းတွေကို ဆောင်ရွက်ခွင့် ပေးသင့်တယ်” ဟု ဒေါက်တာ စင်သီယာမောင်က ၂၀၁၅ ခုနှစ် ဖေဖော်ဝါရီလတွင် ဧရာဝတီသို့ ပြောခဲ့သည်။

ဒေါက်တာ စင်သီယာမောင်သည် သူ၏ ကျော်ကြားမှုကို အသုံးပြုကာ အနောက်နိုင်ငံများအား ပေါ်လစီချမှတ်ခြင်းနှင့် ရန်ပုံငွေ ခွဲဝေသတ်မှတ်ရာတွင် မြန်မာနိုင်ငံ၏ နှစ်လရှည်ကြာ ပြည်တွင်းစစ်ကြောင့် ရွှေ့ပြောင်းခံရသူများနှင့် ဒုက္ခသည်များကို လျစ်လျူရှုထားခြင်း မပြုရန် တိုက်တွန်းသည်။

ဒေါက်တာ စင်သီယာမောက်သည် ဆစ်ဒနီ ငြိမ်းချမ်းရေးဆု၊ အာရှ ဒီမိုကရေစီနှင့် လူ့အခွင့်အရေးဆု နှင့် ရာမွန် မက်ဆေးဆေးဆု အပါအ၀င် နိုင်ငံတကာမှ ဆုပေါင်း ၁၄ ဆု ရရှိထားသည်။

 

ဒေါက်တာ ချစ်သုဝေ (ဓာတ်ပုံ – စတိဗ် တက္ကနာ/ဧရာဝတီ)

အနုပညာရှင် ချစ်သုဝေသည် စစ်ပွဲများကြောင့် အိုးအိမ်မဲ့ဖြစ်ရသော ရှမ်းပြည်နယ် အလယ်ပိုင်းရှိ စစ်ပြေးရှောင် ဒုက္ခသည် စခန်းများသို့ မကြာသေးခင်က သွားရောက်ခဲ့သည်။ မြန်မာစစ်တပ်နှင့် ရှမ်းပြည် တိုးတက်ရေးပါတီ (SSPP/ SSA) တို့ အကြား ဖြစ်ပွားသော စစ်ပွဲများကြောင့် ဖြစ်သည်။ ပြီးခဲ့သည့်နှစ် ဒီဇင်ဘာလက ဒုက္ခသည်စခန်းများသို့ သွားရောက်ခဲ့သော ချစ်သုဝေက ထပ်မံသွားရောက်ရန် ဆန္ဒရှိသည်။

“ထရီဇာ လက်ကိုင်ထားတာက We Love, We Care, We Share ပေါ့နော်။ တယောက်နဲ့ တယောက် ချစ်ကြမယ်၊ ဂရု စိုက်ကြမယ်၊ တယောက်နဲ့ တယောက် Sharing လုပ်ကြမယ်ဆိုတဲ့ Concepts လေးနဲ့ ထရေဇာတို့ သွားနေတာပါ။ ပရဟိတကိုလည်း ဒီသဘောလေးပဲ၊ လိုအပ်နေတာက စိတ်ဓာတ်၊ ခွန်အား လိုအပ်နေတယ်ဆိုရင် စိတ်ဓာတ် ခွန်အား ပေးလိုက်တယ်။ ငွေကြေး လိုအပ်နေတဲ့ သူတွေဆိုရင် ထရေဇာ တတ်နိုင်တဲ့ ပဏာမကို လှူဒါန်းလိုက်တယ်။ အနုပညာအား လိုအပ်နေတဲ့နေရာဆိုရင် အနုပညာအားကို လှူဒါန်းတယ်” ဟု ချစ်သုဝေက ဧရာဝတီသို့ ပြောသည်။

သရုပ်ဆောင်တယောက်၊ အဆိုတော်တယောက်၊ ဆရာဝန်တယောက်အနေဖြင့် ချစ်သုဝေသည် တကိုယ်ရည် သန့်ရှင်းရေး ပညာပေး အစီအစဉ်၊ ဆပ်ပြာဖြင့် လက်ဆေးခြင်းဖြင့် ရောဂါကာကွယ်ရေး လှုံ့ဆော်မှုများကို စတင်ဆောင်ရွက်ခဲ့သည်။ သူသည် လက်ဆေးခြင်း သံတမန် (Hand-washing Ambassador) အဖြစ် ယမန်နှစ် ကုလသမဂ္ဂ အထွေထွေညီလာခံသို့ မြန်မာနိုင်ငံ ကိုယ်စားပြု တက်ရောက်ခဲ့သည်။

အမျိုးသားဒီမိုကရေစီ အဖွဲ့ချုပ်ကို အဓိက ထောက်ခံသူတဦးလည်း ဖြစ်ပြီး ၂၀၁၅ ခုနှစ် နိုဝင်ဘာလ အထွေထွေ ရွေးကောက်ပွဲ မဲဆွယ်မှုတွင်လည်း ပါဝင်လှုပ်ရှားခဲ့သည်။

ဒေါ်နီလာသိန်း (ဓာတ်ပုံ – ဧရာဝတီ)

လူ့အခွင့်အရေး မြှင့်တင်ရေးကြိုးပမ်းသူ ဒေါ်နီလာသိန်းသည် လွန်ခဲ့သည့် တနှစ်က ပညာရေး ပြုပြင်ပြောင်းလဲရန် တောင်းဆိုသည့် ကျောင်းသားများကို ထောက်ခံ ဆန္ဒဖော်ထုတ်ခဲ့သောကြောင့် လက်ရှိတွင် အင်းစိန်ထောင်၌ ထိန်းသိမ်းခံထားရသည်။ သူ့ကို အာဏာပိုင်များထံမှ ခွင့်ပြုချက် တောင်းခံခြင်း မရှိဘဲ ဆန္ဒပြခဲ့သည်ဟုဆိုပြီး ငြိမ်းချမ်းစွာ စီတန်းလှည့်လည်မှုဆိုင်ရာ ဥပဒေပုဒ်မ ၁၈ ဖြင့် တရားစွဲဆိုထားသည်။

ဤသို့ အကျဉ်းကျခံရခြင်းမှာ သူ့အတွက် ပထမဆုံးအကြိမ် မဟုတ်ပါ။ ၁၉၉၀ ခုနှစ်များ တလျှောက်တွင်လည်း ဒေါ်နီလာသိန်းသည် မြန်မာနိုင်ငံ၌ ဖိနှိပ်ခံရမှုများအတွက် တိုက်ပွဲဝင်ရန် ရှေ့ဆုံးမှ ပါဝင်ခဲ့ပြီး ဒီမိုကရေစီ အရေး လှုပ်ရှားမှုကို ထောက်ခံခဲ့သည်။ ထိုလှုပ်ရှားမှုများကြောင့် ယခင် စစ်အာဏာရှင် အုပ်ချုပ်မှုအောက်တွင် ထောင် ၁၀ နှစ်ကျော် ကျခံခဲ့ရသည်။

လက်ရှိတွင် ၈၈ မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့အစည်း၏ အမျိုးသမီးရေးရာဌာန အတွင်းရေးမှူးအဖြစ် ဆောင်ရွက်နေသော ဒေါ်နီလာသိန်းက အမျိုးသမီးများ ဖွံ့ဖြိုးတိုးတက်မှုကို အလေးထား ဆောင်ရွက်လိုကြောင်း ပြောသည်။

“အောက်ခြေမှာရှိတဲ့ အမျိုးသမီးတွေကို သူတို့ရဲ့အသိ၊ အမြင်၊ ဗဟုသုတတွေ ကြွယ်ဝလာအောင် သူတို့ရဲ့ အခွင့်အရေးတွေ ကိုယ်တိုင် တောင်းဆိုရဲလာအောင်၊ သူတို့ကို ကာကွယ်နိုင်တဲ့ ဥပဒေတွေ ရှိတယ်ဆိုတာ သိအောင်၊ အဲဒီ ဥပဒေတွေ အသက်ဝင်လာအောင်၊ သူတို့ကိုယ်တိုင် လုပ်ဆောင်နိုင်တဲ့ အနေအထားတွေ ရောက်အောင် လုပ်ဖို့လည်း အများကြီး လိုအပ်နေပါသေးတယ်” ဟု ဒေါ်နီလာသိန်းက ၂၀၁၄ ခုနှစ်တွင် ဧရာဝတီသို့ ပြောခဲ့သည်။

 

ဒေါ်တင်အိ

မွန်ပြည်နယ် လွှတ်တော် ဥက္ကဋ္ဌ ဒေါ်တင်အိ (ဓာတ်ပုံ – ဒေါ်တင်အိ/ဖေ့စ်ဘုတ်)

၃၅ နှစ်တာ ရှေ့နေအဖြစ် အသက်မွေးဝမ်းကြောင်းခဲ့သည့် မွန်ပြည်နယ် သံဖြူဇရပ်မြို့နယ် ပြည်နယ် လွှတ်တော်အမတ် ဒေါ်တင်အိသည် မြန်မာနိုင်ငံ မွန်ပြည်နယ် လွှတ်တော်တွင် ပထမဆုံး အမျိုးသမီး လွှတ်တော်ဥက္ကဋ္ဌ ဖြစ်လာခဲ့သည်။

ဒီမိုကရေစီ ရရှိရေး မဆုတ်မနစ် ကြိုးပမ်းခဲ့သော အသက် ၇၀ အရွယ် ဒေါ်တင်အိက မွန်ပြည်နယ်တွင် ဥပဒေရေးရာ ပြုပြင် ပြောင်းလဲရေးအတွက် ၎င်းတာဝန်ကို အသုံးပြုကာ အားပေးထောက်ခံသွားမည်ဟု ပြောသည်။ လက်ရှိတွင်လည်း ယခင် ပြည်နယ် လွှတ်တော်က အတည်ပြုခဲ့သော ဥပဒေများနှင့် အတည်မပြုရသေးသော ဥပဒေများကို ပြန်လည် သုံးသပ်လျက်ရှိသည်။

“ဥပဒေက အုပ်ချုပ်သူတွေအတွက် မဟုတ်ဘူး။ ပြည်သူလူထုရဲ့ အခွင့်အရေးကို ကာကွယ်ပေးနိုင်မယ့် ဥပဒေမျိုးတွေ၊ ပြည်နယ် ကောင်းစားစေဖို့ လုပ်မယ်” ဟု ဒေါ်တင်အိက ဧရာဝတီသို့ ပြီးခဲ့သည့်လက ပြောသည်။

၁၉၈၈ ခုနှစ်ကတည်းက အမျိုးသားဒီမိုကရေစီ အဖွဲ့ချုပ် (NLD) အဖွဲ့ဝင် တယောက်ဖြစ်သော ဒေါ်တင်အိ၏ ပထမဆုံး အတွေ့အကြုံက ၁၉၉၀ ခုနှစ် ရွေးကောက်ပွဲတွင် မွန်ပြည်နယ်မှ ၀င်ရောက် ယှဉ်ပြိုင်ခဲ့ခြင်း ဖြစ်သည်။ သို့သော် မွန်အမျိုးသား ဒီမိုကရက်တစ် တပ်ဦးမှ ပြိုင်ဘက်ကို ရှုံးနိမ့်ခဲ့သည်။

NLD အစိုးရသည် အုပ်ချုပ်မှုစနစ်အပြင် ပြည်သူလူထု၏ စိတ်ဓာတ်ကို ပြောင်းလဲရန် အခွင့်အရေး တရပ်ဖြစ်ကြောင်း ဒေါ်တင်အိက ရှုမြင်သည်။

“ကျမတို့ရဲ့ စိတ်ဓာတ်တွေကို ပြောင်းရပါမယ်။ ဒီမိုကရေစီစနစ်နဲ့အညီ နေထိုင်ရပါမယ်” ဟု ဒေါ်တင်အိက ဆိုသည်။

(ရင်စနိုင်း ရေးသားသည်)

 

ဒေါ်ဇင်မာအောင်

 လွှတ်တော်အမတ် ဒေါ်ဇင်မာအောင် (ဓာတ်ပုံ – ဧရာဝတီ)

ပြီးခဲ့သည့်နှစ် ရွေးကောက်ပွဲတွင် NLD ပါတီ၏ ရွေးကောက်ခံ လွှတ်တော်အမတ် တယောက် ဖြစ်မလာခင်ကတည်းက ဒေါ်ဇင်မာအောင်သည် လူ့အခွင့်အရေး တက်ကြွလှုပ်ရှားသူ တယောက်အနေဖြင့် ထောင် ၁၁ နှစ် ကျခံခဲ့ရသည့်အတွက် လူသိများခဲ့သည်။

အသက် ၄၀ အရွယ် ဒေါ်ဇင်မာအောင်သည် လက်ရှိတွင် ပြည်သူ့လွှတ်တော်၌ ရန်ကင်းမြို့နယ် ကိုယ်စားပြု တက်ရောက်နေပြီး ပြည်သူ့ရေးရာ စီမံခန့်ခွဲမှု ကော်မတီတွင်လည်း အဖွဲ့ဝင်တယောက်အဖြစ် တာဝန် ထမ်းဆောင်နေသည်။

လွှတ်တော်တွင်း အချေအတင် ဆွေးနွေးမှုတခုတွင် ဒေါ်ဇင်မာအောင်က မူးယစ်ဆေးဝါး အမြစ်ပြတ် သုတ်သင်ရှင်းလင်းရေး အစီအစဉ်အား ပြန်လည် ဆန်းစစ်ရန် အစိုးရကို တိုက်တွန်းခဲ့သည်။ “မြန်မာနိုင်ငံမှာ လျှပ်စစ်မီးမရဘူး။ ဒါပေမယ့် မူးယစ် ဆေးဝါးတွေက လွယ်လွယ်ကူကူ ရနေတယ်” ဟု လည်း ဒေါ်ဇင်မာအောင်က ထောက်ပြခဲ့သည်။

ကိုးကွယ်ရာ ဘာသာမတူသူချင်း ထိမ်းမြားလက်ထပ်ခြင်းကို အဓိက တားမြစ်ထားသော အငြင်းပွားဖွယ်ရာ မျိုးစောင့်ဥပဒေကို ဝေဖန်ပြောကြားခဲ့သည့်အတွက် အစွန်းရောက် အမျိုးသားရေး အဖွဲ့အစည်းများက ဒေါ်ဇင်မာအောင်အား ဆဲရေးတိုင်းထွာသော အီးမေးလ်များ ပို့ခြင်းနှင့် အသက်အန္တရာယ် ခြိမ်းခြောက်ခြင်းများ ပြုလုပ်ခဲ့သည်။

“ဒီ ဥပဒေကြမ်းကို လက်ခံနိုင်ဖွယ်ရာ မရှိပါဘူး။ ဘာဖြစ်လို့လဲဆိုတော့ ဒီဥပဒေကြမ်းက အမျိုးသားရေးနဲ့ ဘာသာရေး အစွန်းရောက် ၀ါဒတွေအပေါ်မှာ အခြေခံထားတယ်။ ပြီးတော့ လူဦးတယောက်ချင်းစီရဲ့ လွတ်လပ်ခွင့်၊ အထူးသဖြင့် အမျိုးသမီးတွေရဲ့ ကိုယ်ပိုင်ရွေးချယ်ခွင့်ကို ၀င်စွက်ဖက်သလို ဖြစ်နေတယ်” ဟု ဒေါ်ဇင်မာအောင်က ပြောသည်။

ဒေါ်ဇင်မာအောင်သည် ရန်ကုန် နိုင်ငံရေးသိပ္ပံကျောင်းကို ပူးတွဲ တည်ထောင်သူတဦး ဖြစ်သည်။ ထို့အပြင် မြန်မာနိုင်ငံ ဒီမိုကရေစီ စနစ်ဆီ ဦးတည်နေချိန် အမျိုးသမီးများ ပါဝင်ရေးကို အားပေးရန်အတွက် Rainfall အဖွဲ့အစည်းကိုလည်း တည်ထောင်ခဲ့သည်။

လူ့အခွင့်အရေးအတွက် အချိန်အတော်ကြာ လှုပ်ရှားခဲ့သည့်အတွက် ဒေါ်ဇင်မာအောင်သည် ၂၀၁၂ ခုနှစ်တွင် နိုင်ငံတကာ အမျိုးသမီးသတ္တိရှင်ဆု (International Woman of Courage) ဆုကို ချီးမြင့်ခံခဲ့ရပြီး ၂၀၁၄ ခုနှစ် ကမ္ဘာ့စီးပွားရေးဖိုရမ်၌ ကမ္ဘာ့လူငယ် ခေါင်းဆောင်အဖြစ် ရွေးချယ်ခံခဲ့ရသည်။

(စမ်းယမင်းအောင် ရေးသားသည်)

 

ဒေါ်သန္တာ

လွှတ်တော်အမတ် ဒေါ်သန္တာ (ဓာတ်ပုံ – ဧရာဝတီ)

၂၀၁၄ ခုနှစ်တွင် တပ်မတော်မှ ထိန်းသိမ်းထားစဉ်အတွင်း သေဆုံးခဲ့သော သူ၏အမျိုးသား ကိုပါကြီးနှင့် ပတ်သက်၍ အမှန်တရားအတိုင်း ဖြစ်စေရန် တောင်းဆို ဆောင်ရွက်မှုများကြောင့် ထင်ရှားလာသူ ဒေါ်သန္တာသည် ယခင်ကတည်းကပင် နိုင်ငံရေး တက်ကြွလှုပ်ရှားသူ တယောက် ဖြစ်သည်။

သူသည် တရားမျှတမှု၊ အမျိုးသမီး အခွင့်အရေးနှင့် လယ်ယာမြေ သိမ်းဆည်းမှု ကိစ္စများတွင် တက်ကြွစွာ ဆောင်ရွက်မှုများကြောင့် ထင်ရှားပြီး အမျိုးသမီးများနှင့် ငြိမ်းချမ်းရေး ကွန်ရက်ကို ပူးတွဲတည်ထောင်ခဲ့သူ တဦး ဖြစ်သည်။

၂၀၁၅ ခုနှစ် နိုဝင်ဘာလ ရွေးကောက်ပွဲတွင် အနိုင်ရခဲ့ပြီးနောက် ဒေါ်သန္တာသည် ပြည်သူ့လွှတ်တော် အမတ်တယောက် ဖြစ်လာပြီး ပြီးခဲ့သည့်လတွင် လွှတ်တော်၏ နိုင်ငံသားများ၏ မူလအခွင့်အရေး ကော်မတီ အဖွဲ့ဝင်အဖြစ် ခန့်အပ်ခြင်း ခံရသည်။

“အခုတော့ အခွင့်အရေးတွေ ပိုရလာတော့မယ်လို့ ထင်တယ်။ နိုင်ငံသား အခွင့်အရေးအတွက် ပြည်ထဲရေးဝန်ကြီးဌာနတို့၊ တရားရေးတို့နဲ့ ပူးပေါင်း ဆောင်ရွက်တာမျိုးပေါ့” ဟု လွှတ်တော် နိုင်ငံသားများ၏ မူလအခွင့်အရေး ကော်မတီအဖွဲ့ဝင် အဖြစ် ခန့်အပ်ခြင်းခံရခြင်းနှင့် ပတ်သက်ပြီး ဒေါ်သန္တာက ပြောသည်။

ဒေါ်သန္တာ၏ အမျိုးသား သေဆုံးမှုနှင့် ပတ်သက်သည်ဟု ယူဆခြင်းခံရသည့် စစ်သားနှစ်ယောက်အား စစ်ခုံရုံးက လွှတ်ပေးခဲ့သော်လည်း အမှန်တရားကို ဖော်ထုတ်ပေးရန် သူ၏ တောင်းဆိုမှုများကြောင့် နောက်ပိုင်းတွင် သတင်းထောက် ကိုပါကြီးမှာ တပ်မတော်မှ ထိန်းသိမ်းထားစဉ်အတွင်း သေနတ်ဖြင့် ပစ်ခြင်းခံခဲ့ရကြောင်း တပ်မတော်၏သမိုင်းတွင် ပထမဆုံး အကြိမ်အဖြစ် ဝန်ခံခဲ့ရသည်။

“ကျမ အမျိုးသားအတွက် တရားမျှတမှုကို ရှာဖွေပေးနိုင်မယ်ဆိုရင်၊ သူ့လိုမျိုး လူမသိသူမသိ အသတ်ခံလိုက်ရတဲ့ သူတွေအတွက် အမှန်တရား ပေါ်ပေါက်လာမယ်ဆိုရင် ဒီလိုအဖြစ်မျိုးတွေ နောက်ထပ်မဖြစ်အောင် ကျမတို့ ကာကွယ်နိုင်ပါလိမ့်မယ်” ဟု ဒေါ်သန္တာက ပြောခဲ့ဖူးသည်။

(ကျော်ဖြိုးသာ ရေးသားသည်)

 

 

ဂျာနန် လထော

ဂျာနန် လထောသည် ငြိမ်းချမ်းရေးလုပ်ငန်းစဉ်တွင် ထဲထဲဝင်ဝင် ပါဝင်ဆောင်ရွက်နေသော အမျိုးသမီး အနည်းစုထဲမှ တဦးဖြစ်သည်။

ကချင်ပြည်နယ် မြစ်ကြီးနားမြို့ အခြေစိုက် ဒေသတွင်း ဖွံဖြိုးရေးနှင့် ငြိမ်းချမ်းရေး အထောက်အကူပြု အဖွဲ့အစည်း တခုဖြစ်သည့် ငြိမ်းဖောင်ဒေးရှင်း၏ ဒါရိုက်တာ တယောက်ဖြစ်သည့် ဆရာမ ဂျာနန်သည် ငြိမ်းချမ်းရေး ဆွေးနွေးပွဲများတွင် အထောက်အကူပြု အကြံပေးအဖြစ် လုပ်ကိုင်နေသူ အနည်းငယ်ထဲတွင် ပါဝင်သည်။

သူ၏ ငြိမ်းချမ်းရေး ကြိုးပမ်း ဆောင်ရွက်မှုများကြောင့် ယမန်နှစ်က ငြိမ်းချမ်းရေးလှုပ်ရှားသူများအား ဂုဏ်ပြုသည့် ထင်ရှားသော ဆုတခုဖြစ်သည့်  N-Peace Award ကို ရရှိခဲ့သည်။

၁၉၆၅ ခုနှစ်တွင် မြစ်ကြီးနားမြို့၌ မွေးဖွားခဲ့ပြီး ပြည်ပ၌လည်း ပညာသင်ကြားခဲ့သော ဂျာနန်သည် သူ့ဖခင်၏ ခြေရာကို နင်းနိုင်သူလည်း ဖြစ်သည်။ သူ့ဖခင်သည် ကချင်နှစ်ခြင်း ခရစ်ယာန် ဘုန်းတော်ကြီးတပါးဖြစ်ပြီး KBC အသင်းချုပ်၏ ညွှန်ကြားရေးမှူးချုပ်ဟောင်းနှင့် ငြိမ်းဖောင်ဒေးရှင်းကို တည်ထောင်ခဲ့သူ ဖြစ်သည်။

ဂျာနန်၏ ဖခင် ဆဘွဲဂျုံ နှင့် သူ၏ညီသည် ၁၉၉၄ ခုနှစ်တွင် မြန်မာအစိုးရနှင့် ကချင်လွတ်မြောက်ရေး တပ်မတော် (KIA) တို့ အပစ်ခတ်ရပ်စဲရေး သဘောတူ ညီချက်ရရန် အဓိက စေ့စပ်ပေးခဲ့သူများ ဖြစ်သည်။

ငြ်ိမ်းချမ်းရေး ဆွေးနွေးပွဲတွေမှာ ကြားဝင်စေ့စပ်ပေးတဲ့ အလုပ်ဆိုတာ `မိသားစုအမွေလိုပါပဲ’ ဟု ဂျာနန်က ဆိုသည်။

(ငြိမ်းငြိမ်း ရေးသားသည်)

 

 

ဒေါ်နန်းခင်ထွေးမြင့်

၂၀၁၅ ခုနှစ် ရွေးကောက်ပွဲတွင် ကရင်ပြည်နယ်၏ ရွေးကောက်ခံ ကိုယ်စားလှယ်တဦးဖြစ်သော ဒေါ်နန်းခင်ထွေးမြင့်သည် အမျိုးသား ဒီမိုကရေစီအဖွဲ့ချုပ်၏ ဗဟိုအလုပ်အမှုဆောင် ကော်မတီဝင်တဦး ဖြစ်သည်။ မကြာသေးခင်က ကရင်ပြည်နယ် ၀န်ကြီးချုပ် ရာထူးအတွက်လည်း ဒေါ်နန်းခင်ထွေးမြင့်သည် ရှေ့ဆုံးမှ ရေပန်းစားလျက်ရှိခဲ့သည်။

အသက် ၆၂ အရွယ် နိုင်ငံရေးသမားဖြစ်သော ဒေါ်နန်းခင်ထွေးမြင့်က အသက် ၁၉ နှစ်အရွယ်တွင် ပထမဆုံး အကျဉ်းကျခံခဲ့ရပြီး လွန်ခဲ့သောနှစ် ၄၀ တလျှောက်တွင် အင်းစိန်ထောင်နှင့် မော်လမြိုင်ထောင်တို့၌ အကြိမ်ပေါင်းများစွာ အကျဉ်းကျခံခဲ့ရသည်။

ကရင်ပြည်နယ် အကြီးအကဲဟောင်း တဦးဖြစ်သာ ဒေါက်တာ စောလှထွန်း၏ သမီးဖြစ်သူ တယောက်အနေဖြင့် ဒေါ်နန်းခင် ထွေးမြင့်သည် မိသားစု စကားဝိုင်းများကြားတွင် ဖယ်ဒရယ်ဝါဒ၊ နိုင်ငံရေးနှင့် တိုင်းရင်းသား သမိုင်းကြောင်း စသည့် ဗဟု သုတများဖြင့် ကြီးပြင်းခဲ့သည်။

ယနေ့တွင် ဒေါ်နန်းခင်ထွေးမြင့်က ဖခင်ဖြစ်သူ၏ အလုပ်ဖြစ်သော တိုင်းရင်းသား အခွင့်အရေးနှင့် တန်းတူညီမျှရေးတို့ကို အမွေဆက်ခံသူတဦး ဖြစ်လာသည်။

“ဖက်ဒရယ်ဝါဒကို အခြေပြုပြီး ဒီမိုကရေစီနိုင်ငံ တနိုင်အဖြစ် ထူထောင်ဖို့ ဆုံးဖြတ်ထားတဲ့အခါ ကျမ နိုင်ငံရေးလောကမှာပဲ ဆက်ပြီး အလုပ်လုပ်သွားမှာပါ ” ဟု ဒေါ်နန်းခင်ထွေးမြင့်က ဧရာဝတီသို့ပြောသည်။

“အမျိုးသမီးတွေက ပိုပြီး သည်းခံနိုင်တယ်။ ပြီးတော့ စိန်ခေါ်မှုတွေကိုလည်း ကောင်းကောင်းဖြေရှင်းနိုင်တယ်” ဟု ဒေါ်နန်းခင်ထွေးမြင့်က အမျိုးသမီးများ နိုင်ငံရေးတွင် ပိုမိုပါဝင်ဆောင်ရွက်ရန် တိုက်တွန်းခဲ့သည်။

“လိုအပ်လာတဲ့အချိန်မှာ အသုံးချနိုင်ဖို့ ကိုယ့်ရဲ့လုပ်နိုင်စွမ်းရည် အရည်အချင်းတွေကို မြှင့်တင်ပြီး ကိုယ့်ကိုယ်ကိုယ် အဆင်သင့်ဖြစ်အောင်လုပ်ပါ။ အဲဒါက အရေးကြီးပါတယ်” ဟု ဒေါ်နန်းခင်ထွေးမြင့်က ပြောသည်။

(ငြိမ်းငြိမ်း ရေးသားသည်)

 

 

မဖြိုးဖြိုးအောင်

မဖြိုးဖြိုးအောင် (ဓာတ်ပုံ-ဂျေပိုင်/ဧရာဝတီ)

အမျိုးသားပညာရေး ဥပဒေကို ဆန့်ကျင် ဆန္ဒပြရာတွင် ဦးဆောင် ပါဝင်လှုပ်ရှားခဲ့သည့်အတွက် လက်ရှိတွင် တရားရင်ဆိုင်နေရသော မဖြိုးဖြိုးအောင်သည် ပဲခူးတိုင်း လက်ပံတန်းမြို့ ဆန္ဒပြကျောင်းသားများ စခန်းချနေထိုင်သော ဘုန်းကြီးကျောင်းအတွင်း ရဲတပ်ဖွဲ့များ၏ နှိမ်နင်းမှုအတွင်း ယမန်နှစ် မတ်လ ၁၀ ရက်နေ့တွင် အဖမ်းခံခဲ့ရသည်။

ဗမာနိုင်ငံလုံးဆိုင်ရာ ကျောင်းသားသမဂ္ဂအဖွဲ့ချုပ်၏ အတွင်းရေးမှူး တဦးဖြစ်သော အသက် ၂၇ နှစ်အရွယ် မဖြိုးဖြိုးအောင်သည် ကျောင်းသားအရေး လှုပ်ရှားသူ ခင်ပွန်းဖြစ်သူ ကိုလင်းထက်နိုင် နှင့်အတူ လက်ပံတန်း ဆန္ဒပြမှုတွင် ပါဝင်ခဲ့သည့်အတွက် အမှု ၅ ခုဖြင့် တရားစွဲဆိုခံထားရပြီး အများဆုံး ထောင်ဒဏ် ၉ နှစ်ခွဲ ပြစ်ဒဏ်ကျခံရနိုင်ပါသည်။

ထို့ပြင် ၂၀၀၇ ခုနှစ် ရွှေဝါရောင်တော်လှန်ရေးတွင် ဗမာနိုင်ငံလုံးဆိုင်ရာ ကျောင်းသားသမဂ္ဂအဖွဲ့ကို ပြန်လည်စု ဝေးရန် ကြိုးစားခဲ့သည့်အတွက် ၃ နှစ်ကျော် အကျဉ်းကျခံခဲ့ရသည်။

နိုင်ငံရေးအကျဉ်းသားများကို ခြွင်းချက်မရှိ လွှတ်ပေးရန် နိုင်ငံတကာ အဖွဲ့အစည်းများနှင့် ပြည်တွင်းမှ အဖွဲ့များက မကြာခင် အာဏာစွန့်လွှတ်ရတော့မည့် သမ္မတ ဦးသိန်းစိန်ကို ဖိအားပေးခဲ့သော်လည်း အစိုးရသည် ဆန္ဒပြကျောင်းသားများအား တရားစွဲဆိုမှုများ ဆက်လက် ပြုလုပ်လျက်ရှိကြောင်း မဖြိုးဖြိုးအောင်က ပြောသည်။

“လက်ရှိအစိုးရ မဖြေရှင်းနိုင်ခဲ့တဲ့ ပြဿနာတွေ တပုံကြီးကို နောက်တက်လာမည့် အစိုးရလက်ထဲ ထည့်ပြီး သွားတော့မယ်။ သူတို့က ကျမတို့ အမှုကို ပိုပြီး ရှုပ်ထွေးအောင် ရည်ရွယ်ပြီး လုပ်နေတာပါ” ဟု ဖေဖော်ဝါရီလက ဧရာဝတီသို့ ပြောသည်။

အမျိုးသားပညာရေး ဥပဒေကို ဆန္ဒပြခြင်းနှင့် ပတ်သက်သည့် တရားရင်ဆိုင်နေရသော ဆန္ဒပြကျောင်းသား ၇၀ ကျော်မှာ သာယာဝတီထောင်တွင် ကျန်ရှိနေသေးသည်။

(Sally Kantar ရေးသားသည်)