ကန္တာရ၏သီချင်းသံနှင့်၂၀၁၅နှစ်သစ်မင်္ဂလာ


သည်လောက၏ ကန္တာရများအထဲတွင် လှည့်လည်နေကြသော ခရီးဖော်များအတွက် ..ရေးသားထားသော စာအုပ်ငယ်ထဲမှ စကားလုံးများနဲ့ နှုတ်ခွန်းဆက်ပါသည်။
.
တောနှင့်လွင်ပြင်သည်ဝမ်းမြောက်လိမ့်မည်၊ ဆိတ်ညိမ်သော အရပ်သည်လည်း ရွှင်လန်း၍ နှင်းပွင့်ကဲ့သို့ အပွင့်ပွင့်လိမ့်မည်။ အလွန်ပွင့်လန်း၍ ဝမ်းမြောက်ခြင်း၊ သီချင်းဆိုခြင်းနှင့် တကွ မြူးတူးလိမ့်မည်။  ကန္တာရသည် ရွှင်မြူးလိမ့်မည်။ မြေရိုင်းများတွင် လည်း ပန်းများပွင့်လိမ့်မည်။ ကန္တာရသည် ဝမ်းမြောက်ရွှင်လန်းသဖြင့် သီချင်းဆို ကြွေးကြော်လိမ့်မည်။ ၁
.
ရေ
သဲကန္တာရထဲသို့ သွားသောအခါ ရေ၏တန်ဖိုးကို ပို၍သိနိုင်ပါသည်။ လွန်ခဲ့သော နှစ်ပေါင်း(၂၀၀၀) က ယုဒပြည် (ယခု အစ္စရေးနိုင်ငံ) တွင် လူတစ်ဦးသည် ဘာသာရေးပွဲတော်ကြီး နောက်ဆုံးနေ့၌ ကြီးစွာသောအသံဖြင့် ဟစ်အော်ခဲ့ပါသည်။ ရေငတ်သောသူရှိလျှင် ငါ့ထံသို့လာ၍ သောက်လော့၊ ငါ့ကို ယုံကြည်သောသူ၏ စိတ်နှလုံးထဲမှ အသက်ရေသည် စမ်းချောင်းသဖွယ် စီးထွက်နေလိမ့်မည် ..ဟု ကြွေးကြော်ခဲ့သည်။၂
.
အသက်
သက်ရှိလောကကို ပညာရှင်များက ပိုင်းခြားစိတ်ဖြာကြသော်လည်း၊ အသိဥာဏ်ပေါ်မူတည်ပြီး လူနှင့်တိရိစ္ဆာန် ခွဲခြားရန်ဖြစ်သည်။ တကယ်တော့ စစ်မှန်သော ဘာသာတရားအားလုံးက အသက်နှင့်ပတ်သက်ပြီး အဖြေရှာပေးနေပါသည်။ သိပ္ပံပညာရှင် အများစုက ဖန်ဆင်းခြင်းကို လက်မခံသော်လည်း၊ ယခုအခါ လူအပေါင်းတို့ထက် အသိဥာဏ် ကုဋေကဋာ ကြွယ်ဝသူတစ်ဦးက အားလုံးကို စနစ်တကျစီမံနေသကဲ့သို့ ဖြစ်နေပါသည်။ ဤလောကတွင် မိမိအသက်ကို နှမြောသောသူသည် အသက်ရှုံးဆုံးလိမ့်မည်၊ မိမိအသက်ကို မုန်းသူမူကား ထာဝရအသက်ကို ရမည်၃ ဟု ဆိုပါသည်။ ဂျာမန်ဘုန်းတော်ကြီးတစ်ဦး တွေ့ဖူးပါသည်။ သားသမီးမရှိ၊ သို့သော် သူအသက်ရှင်ရခြင်းကို အလွန်ကြေနပ်သည်ဟု ဆိုသည်။ ဘုရားက လူကို ပေးသောလက်ဆောင်များတွင် အသက်သည် တန်ဖိုးအရှိဆုံးဖြစ်သည်၊
.
အာဂန္တုခရီးသည်၊
ဘဝ၏အိုအေစစ်များ၊ အလင်းရောင် အကြောင်းများကို ဆန်းစစ်လေ့လာပါက၊ လမ်းပြပို့ဆောင်ပေးသော သစ္စာတည်သောဘုရားနှင့် သူ၏ဂတိတော်များ၊ ဂတိတော်အထိမ်းအမှတ်ဖြစ်သော ရောင်စုံ၊ သက်တံ့ကို နားလည်နိုင်ပါသည်။ ခရစ်ယာန်များသည် လောက၏ အလင်းဖြစ်ရမည်။ လောက၏ဆား ဖြစ်ရမည်။ ၄ ဤလောကကြီး မှောင်မိုက်မသွားခြင်း၊ ဤလောကကြီး ပုပ်သိုးမသွားခြင်းမှာ ခရစ်တော်နောက်လိုက်ကဲ့သို့သူများ ရှိနေသောကြောင့် ဖြစ်သည်။ ယုံကြည်ခြင်းမုန်ညင်းစေ့မျှ ရှိလျှင်ပင် သမ္မာကျမ်းစာတွင် ဘုရားသခင်ပေးထားသော ဂတိတော်များ ခံစားနိုင်ပါသည်။ လောက၏ အလင်းများလည်း ဖြစ်လာမည်။ လောက၏ ဆားများ ဖြစ်လာပါမည်။

အချိန်နှင့်အသက်တာဖြစ်ရပ်များ
ဘုရားမှလွဲပြီး ကျန်သူများတွင် အချိန် (အစနှင့်အဆုံး) ရှိပါသည်။ လောကတွင် အသက်ရှင်နေခြင်းတွင် မွေးဖွားခြင်းနှင့်သေခြင်း ရှိသလို၊ လူများဖန်တီးသော စားသောက်စရာ၊ တယ်လီဖုန်း၊ တိုက်တာအိမ်၊ အဆောက်ဦးများတွင်လည်း သက်တမ်းရှိပါသည်။ အချိန်ကာလ မတန်လျှင် မသီးမပွင့်သလို၊ လူ့ဘဝ အသက်တာတွင် အဆုံးပိုင်း၊ သေဆုံးခြင်း ရှိပါသည်။ သို့သော် အစ၊အဆုံးမရှိသော ဘုရားသခင်၏ အသက်တာရှိသည်။ ငါသည် အာလဖ ဖြစ်၏၊ သြမေဃလည်း ဖြစ်၏။ ထာဝရအသက်ဆိုသည်မှာ အစအဆုံးမရှိသော ဘုရားသခင်၏နိုင်ငံတော် ဖြစ်သည်။ မျှော်လင့်ချက်မရှိပဲ အသက်ရှင်မရပါ။ အခြေနေတိုင်းကို ဘုရားသခင်အား မျှော်လင့်လျှင် ပူပန်စရာမရှိပါ။ အမိဝမ်းတွင်းမှ သေသည့်တိုင်အောင် ပို့ဆောင်ပေးသည်။၎ လောကအခြေအနေများ၊ မိမိအကြံအစည်များ ဖြစ်ပျက်ပြောင်းလဲမှုများ အားလုံး၊ ခပ်သိမ်းသောအရာတို့သည် ကျနုပ်တို့အကျိုးအတွက် ဖြစ်ပေါ်ရန် ဘုရားသခင်က လုပ်ဆောင်ပေးလျှက်ရှိသည်။
.
ဆင်းရဲဒုက္ခနှင့်လှပသောအသက်တာများ
ငါးသည် ရေ၌ပေါက်ပွားသလို လူသည်လည်း ဆင်းရဲဒုက္ခများနှင့် ငိုကြွေးပြီး၊ မွေးဖွားလာရသည်။ ဆင်းရဲဒုက္ခသည် လူ၏ ဘဝခရီးဖော်ဖြစ်သည်။ မည်သူမှ မနှစ်မြို့ပါ။ ဘာကြောင့် လိုက်လျောညီထွေစွာ မနေနိုင်ပါသနည်း။ သာ၍ မြင့်သော ဘုရားရှင်ထံသို့ သွားနေသော လှေခါးထစ်များအဖြစ် မြင်ပါက များစွာအကျိုးရှိမည်ဖြစ်သည်။ မကြာမီတစ်နေ့တွင် ဘုရားသခင်သည် မျက်ရည်ရှိသမျှကို သုတ်တော်မူမည်၊ နောက်တဖန် သေဘေးမရှိရ၊ စိတ်မသာ ညည်းတွားခြင်း၊ အော်ဟစ်ခြင်း၊ ပင်ပမ်းခြင်း မရှိရဟု ကတိပေးထားပါသည။ ၅ လှပါသောအသက်တာများသည် တင့်တယ်ခြင်း၊ နှစ်လိုဘွယ်ကောင်းခြင်း၊ ချစ်စဖွယ်ဖြစ်ခြင်းကို အဓိပ္ပါယ်ဖေါ်ထားပါသည်။ ဤလောကကြီးတွင် ထိုသို့သော လှပသည့် အသက်တာ ရှိနေပါသည်။ ထိုသို့သော နှစ်လိုဘွယ်ကောင်းသည်၊ ချစ်စရာကောင်းခြင်းများမှာ လူအချင်းချင်းတွင် တွေ့ရသည်။ ရုပ်ရည်ချောမောစရာမလိုပါသည။ စိတ်နေသဘောထား၊ အကျင့်စာရိတ္တ စိုပြေလန်းဆန်းသူများနှင့် တွေ့ဆုံရချိန်သည် လှပါသောအသက်တာဖြစ်ပါသည်။ ထိုသို့သော လူများသည် ခရစ်တော်၏ ဘုန်းတော်ထင်ရှားစေသူများဖြစ်သည်။ မိမိအသက်ကို သူ့တပါးအတွက်ပင် စွန့်လွှတ်နိုင်သော မေတ္တာရှင်များစွာ ရှိနေပါသည်။၆ ထိုအသက်တာသည် ဘုရားသခင်ရှေ့မှောက်တွင် အလွန်လှပနေမည်အမှန်ပါ။
.
အသစ်တဖန်
ပြောင်းလဲခြင်းများစွာတွင် မိမိဘဝအသစ်ပြောင်းလဲခြင်းသည် အံ့သြဘွယ်ဖြစ်သည်။ စိတ်ဝိညာဉ်ပြောင်းလဲမှုရလဒ်  စင်ကာပူနိုင်ငံလေးသည် ဘာမှမရှိပဲ၊ သယံဇာတ၊ အဆပေါင်းများစွာ ကြွယ်ဝချမ်းသာသော ကွန်ဂိုနိုင်ငံထက် များစွာချမ်းသာနေသည်။ စိတ်ဂိညာဉ်ချမ်းသာခြင်းသည် အဓိကဖြစ်သည်။ ဘဝ၏ ပြောင်းလဲခြင်းသည် ဝိညာဉ်ရေးဖြင့်သာ စတင်ပါသည်။ ကျနော်တို့ ဘုရားသခင်သည် နှလုံးသားအသစ်ကို ပေးမည်ဟု ကတိပြုသည်။ လူမည်သည်ကား၊ ခရစ်တော်၌ရှိလျှင် အသစ် ပြုပြင်သောသတ္တဝါဖြစ်၏။ ဟောင်းသောအရာ တို့သည်ပြောင်းလဲ၍ ခပ်သိမ်းသောအရာတို့သည် အသစ်ဖြစ်ကြပြီ။၇  မိုးကုတ်စက်ဝိုင်း၏ အလန် ဘာမှမရှိတော့ ဟုထင်ရသည်။ ချောက်ကြီးထဲကျသွားမလား .. ကိုလံဗတ် စွန့်စားရှာဖွေခြင်းဖြင့် မိုးကုတ်စက်ဝိုင်းအလွန်တွင် အမေရိကားတိုက်ကို တွေ့ရှိခဲ့သည်။ အသစ်သောဘဝ လျှောက်လှမ်းရာတွင် မိမိခွန်အားဖြင့် မဟုတ်တော့ပါ။ မိုးကုတ်စက်ဝိုင်း အဆုံးထိ သွားပါစေ.. မိမိအား လမ်းပြနေသော ခွန်အား၊ ဥာဏ်ပညာကြီးမားလှသည် ဘုရားသခင်နှင့် အတူသွားကြပါမည်။ အဆုံးတွင် ထာဝရနေအိမ်ရှိသည်။
.
ကောင်းကြီးမင်္ဂလာများ
စစ်မှန်သောအသက်တာ၊ အသစ်သော အသက်တာတွင် လောကအရာများကိုသာ မမြင်တော့ပါ။ အမှုဆောင်ခြင်း တူညီသော်လည်း လောကအရာတွင် ကောင်းမွန်စွာနေထိုင်ရခြင်း၊ ဆင်းရဲပင်ပမ်းစွာ နေထိုင်ရခြင်း ကွဲပြားသည်ကို နားမလည်နိုင်သူများစွာ ရှိပါသည်။ လူ့အမြင်ဖြစ်သည်။ ဘုရားက ထိုသို့မမြင်ပါ။ ဘုရားနှင့်အတူ မျက်မှောက်တော်တွင် လျှောက်လှမ်းနေသူအတွက် လောကအရာများသည် အဝတ်စုတ်ကဲ့သို့ ဖြစ်သွားပါသည်။ အနေထိုင်၊ အစားသောက် အားလုံးသည် အရသာရှိ၊ ဝမ်းမြောက်ဖွယ်ဖြစ်နေပါသည်။ အသက်ရှင်နေရခြင်းကိုပင် ကျေးဇူးတော် ချီးမွမ်းမကုန်အောာင် ဖြစ်နေသည်။ နေရာအချိန်ခါလိုက်ပြီး ခံစားရသော ကောင်းကြီးမင်္ဂလာများစွာ အတွက် ကျေးဇူးတော်ချီးမွမ်းရပါသည်။ လုံခြုံသောနေရာကို ဘုရားသခင်က အမြဲပေးထားပါသည်။
.
ဆာလံကျမ်းများ
အမှတ် ၉၁၊ ၁၂၁ ဆာလံကျမ်းများသည် လူသားများအတွက် ဘုရားသခင်၏ အလွန်ကောင်းမြတ်သော လက်ဆောင်များဖြစ်သည်။ ဘဝပျက်ချိန်များတွင် အားယူဖတ်ရှုနိုင်သည်။ အောင်မြင်ချိန်များတွင်လည်း မိမိအစွမ်းဖြင့်မဟုတ် ဘုရားသခင်အားဖြင့် အောင်မြင်ရကြောင်း၊ သိရှိနားလည်ရသည်။ ဘုရားကို ရှာသော ဆာလံများဖြစ်သည်။ ဘုရားကို စေ့စေ့ကြည့်ပြီး ဘုရားကိုရှာဖို့လိုသည်။ လူမျက်နှာများကို ကြည့်ရှုခြင်း၊ လူများပြောစကားကို နားထောင်ခြင်း များလာပါက၊ ဘုရားနှင့်ဝေးသွားနိုင်သည်။ ဘုရားကိုရှာသောအခါ စိတ်နှလုံးအကြွင်းမဲ့၊ ကျိုးပဲ့ကြေမွသော စိတ်နှလုံးဖြင့် ရှာမှ ဘုရားရှင်နားညောင်းပါသည်။ လက်ခံပါသည်။ နှလုံးသားဖြင့် ဘုရားကိုရှာရပါသည်။ ဘုရားသခင်သည် ကျနော်တို့ နှလုံးသားတံခါးဝတွင် အမြဲစောင့်မျှော်နေပါသည်။
.
ကောင်းကင်တမန်နှင့်စာတန်မာနတ်
ဝိညာဉ်ရေးနယ်ပယ်တွင် ဘုရားသခင်ပြီးလျှင် ကောင်းကင်တမန်သည် အခရာကျသည်။ အချိုက နတ်ကောင်းနတ်မြတ် အဖြစ် ခေါ်ဝေါ်ကြသည်။ စာတန်မာနတ်သည် ဆန့်ကျင်ဖက်ဖြစ်သည်။ နတ်ဆိုး၊ ဝိညာဉ်ဆိုး၊ စုန်း၊တစ္ဆေ၊ကဝေ စသည့် မကောင်းဆိုးဝါးများ ဤလောကတွင် ရှိနေပါသည်။ စာတန်နောက်လိုက်ဟု သတ်မှတ်ထားပါသည်။ ကောင်းကန်တမန်များက ဘုရားလူများကို အမြဲတမ်းကွယ်ကာ စောင့်ရှောက်ပါသည်။ နတ်ဆိုးများကို အောင်နိုင်သူမှာ ဘုရားသခင်ဖြစ်သည်။ ဘုရားစေလွှတ်သော ကောင်းကန်တမန်များဖြင့် စာတန်ကိုအနိုင်ယူခြင်းများစွာ သမ္မာကျမ်းတွင် ဖေါ်ပြထားသည်။ ယုံကြည်သူတိုင်း ကောင်းကင်တမန်က လာရောက်ကယ်ဆယ်ခြင်း သက်သေခံချက်များစွာ ရှိပါသည်။ စာတန်ချီနှောင်ခံထားရပါက အော်ဟစ်ဆုတောင်းခြင်း၊ အစာရှောင်ဆုတောင်းခြင်း၊ အပြင်းထန် ဆုတောင်းပါက ကောင်းကင်တမန်များ အံ့သြဘွယ်ကယ်တင်မှုများစွာ ယုံကြည်သူတိုင်း သက်သေရှိပါသည်။ ရပ်ဝေးမှ ဆုတောင်းပေးသူများ၊ ကြားခံဆုတောင်းပေးခြင်း ..ဖြင့် စာတန်မာနတ်ကို အမြဲအောင်နိုင်သည်။ ဘုရားသခင်နှင့်ကောင်းကင်တမန်များ ကျနော်တို့ကို ကူညီရန် အသင့်ရှိနေသည်။
.
နာကြင်ချိန်မှုနှင့်သေခြင်းတရား
ကျနော်သည် ဆရာဝန်ဖြစ်သောကြောင့် ဝေဒနာရှင်များစွာနှင့် အမြဲတွေ့ထိရသည်။ ကိုယ်တိုင်လဲ ဝေဒနာ၊ နာကြင်မှုများစွာ ခံစားခဲ့ရသည်။ ဝေဒနာအကြောင်း ရေးပိုင်ခွင့်၊ အပြည့်စုံ မဖော်ပြနိုင်ပါ။ ရေးသားခွင့်၊ အရည်ချင်းလဲမရှိပါ။ ခရစ်ယာန်စာရေးဆရာ ဖိလစ်ယန်ဆေး ရေးသားသော နာကြင်မှုစာအုပ်၉ ဒုတိယကမ္ဘာစစ် ဂျာမန်နာဇီတို့ ညှင်းပန်းခံရသူများကို လိုက်လံရှာဖွေ မေးမြန်းရေးသားခဲ့သည်။ အဆိုးဝါးဆုံး ခံစားမှုများကို ကိုယ်တိုင်ခံစားပြီး၊ များစွာသော သေဆုံးမှုများဖြစ်သည်။ ကိုးကားရေးသားပါသည်။ နာကြင်မှုသည် ရောဂါမဟုတ်ပါ။ ရောဂါဖြစ်မည့် လက္ခဏာ ဖြစ်သည်။ နာကြင်မှု ရှိမှသာ ဘုရားရှင်ကို အောက်မေ့လေ့ရှိသည်။ အချို့သည် ခန္တာ၊ ငွေ၊ အာဏာ.. ချမ်းသာကြွယ်ဝသော်လည်း ဝိညာဉ်ရေး နာကြင်မှုများစွာ ခံရကြသည်။ စိတ်မသာညည်းတွားသူများ မင်္ဂလာရှိ၏ ..ဟု ခရစ်တော်ပြောခဲ့သည်။ ဝေဒနာအားဖြင့် မေတ္တာကို ဖေါ်ပြသည်။ နောင်တရရှိသည်။ ထိုဝေဒနာရှင်များ ကို သူတို့နှင့်အတူ မျှဝေခံစားခြင်းသာ မေတ္တာကို ပြသနိုင်ပါမည်။ ယောဘ နာကျင်ခံစားချိန် သူငယ်ချင်း၃ဦး မျှဝေခံစားကြသည်။ ညဦးယံတွင် ငိုကြွေးခြင်းရှိသော်လည်း နံနက်တွင် သီချင်းဆိုကြရပါမည်။၁၀ မကြာမီတနေ့တွင် ကျနော်တို့၏ မျက်ရည်များကို ဘုရားသခင်က အပြီးအပိုင် သုတ်တော်မူလိမ့်မည်။၅
သေခြင်းတရားကို ခရစ်ယာန်များက ခရစ်တော်၌ အိပ်ပျော်ခြင်းဟု ခေါ်ဝေါ်ကြသည်။ သေခြင်းသည် နောက်ဆုံးငိုခြင်း ဖြစ်ပါသည်။ လူသည် သေခြင်းနှင့် တွေ့ဆုံရသောအခါ ကောက်ရိုးမြှင်ကို လှမ်းဆွဲတတ်ပါသည်။ ထိုကောက်ရုံးမြှင့် ဘုရားသခင်ဖြစ်ရပါမည်။ သေခြင်းသည် ကောင်းကင်ဘုံသိုက သွားသော တံခါးဝဖြစ်သည်။ ဤပုပ်တတ်သော ရုပ်ခန္တာဖြင့် ကောင်းကင်ဘုံသို့ ဝင်မရပါ။ သေခြင်းသည် အိမ်ပြန်ခြင်းဖြစ်သည်။ ယခုခေတ်တွင် ချီဆောင်ခြင်းကို ယုံကြည်သူများစွာ မျှော်လင့်ကြသည်။ ဤလောကတွင် ပုပ်တတ်သောခန္တာမှ အသစ်သောခန္တာကို အသက်ရှင်စဉ်၊ချီဆောင်ခြင်းခံရဖို့ မျှော်လင့်အသက်ရှင်ကြပါတယ်။ အသက်ရှင်၍ ကြွင်းကျန်သောငါတို့သည်။ အာကာသကောင်းကင်၌ ဘုရားထံသို့ ရောက်စေခြင်းငှာ ထိုသူတို့နှင့်တကွ မိုဃ်းတိမ်ပေါ်သို့ ချီဆောင်ခြင်းကို ခံရသောအားဖြင့် သခင်ဘုရားနှင့်အတူ အစဉ်မပြတ်နေရကြလိမ့်မည်။၁၁
.
ပုလဲရတနာများ
ဝေဒနာသည် လှပခြင်းကို ဖြစ်ပေါ်စေနိုင်သည်။ ရှင်ပေါလု၏ ဆူး အကြောင်း၊ ထိုဆူးလေးသည် ရှင်ပေါလု ထိုဆူးကို သူ့ထံမှ ပျောက်စေရန် ဆုတောင်းခဲ့သည်။ ထိုဆူးသည်ပင် ရှင်ပေါလုအသက်တာကို ပုလဲရတနာ ဖြစ်စေသည်။ မိမိတွင် ရှိသောအရာများဖြင့် ကိုယ်လက်ခြေ၊ မသန်စွမ်း၊ မျက်စိမမြင်၊ သော်လည်း ဘုန်းတော်ထင်ရှားစေသော စံပြနမူနာ လူပုဂ္ဂိုလ်များစွာ ရှိသည်။ ခရစ်တော်၏ ဆူးရစ်သရဖူတွင် ဆူးရစ်များမရှိတော့ပဲ ရတနာပေါင်းစုံဖြင့် စီခြယ်ထားပါလိမ့်မည်။ ထိုအထဲက ပတ္တမြားတလုံး၊ စိတ်တလုံး၊ မြတလုံး သို့မဟုတ် ပုလဲတလုံး ဖြစ်နိုင်ရသော အခွင့်ကို ကျနော်တို့ ရရှိထားကြပါသည်။
.
ကောင်းကင်ဘုံနေအိမ်
သေမင်းနဲ့ပခုံးချင်း တိုက်မိသောအချိန်များ လူတိုင်းမှာ တွေ့ကြုံပါသည်။ ဝေဒနာကို လုံးဝမခံနိုင်တော့ရင်လဲ သေမင်းကို တမ်းတပါသည်။ မရင်ဆိုင်ချင်ကြပေမဲ့ နေရာတကာမှာ သေမင်းနဲ့ ပခုံးချင်း တိုက်နေရပါသည်။ စစ်ပွဲများ၊ အာကာသစွန့်စားမှုများ၊ ပိတ်မိနေသူများ၊ ဒီ သေမင်းဆိုတဲ့ မြစ်ကို ဖြတ်ကူးရမှာ ကြောက်ကြပါသည်။ သည်မြစ်ကြီးကို သေမင်းရဲ့အရိပ်လွမ်းမိုးသော ချိုင့်လို့ ခေါ်ပါတယ်။၁၂ သေပြီးမှပြန်ရှင်လာသူများစွာ တွေ့ဖူး၊ ကြားဖူးကြမှာဖြစ်ပါသည်။ ထမြောက်ခြင်းနဲ့သေခြင်း မတူပါဘူး။ ကျနော်တို့ဟာ ခရစ်တော်ယေရှုလို ထမြောက်ကြမှာဖြစ်ပါသည်။ သေခြင်းမှရှင်ပြန်ထမြောက်ခြင်း.. အကြောင်း ဘုရားသခင်ရဲ့လူများ ယုံကြည်ကြပါသည်။ ကောင်းကင်ဘုံ မှ နေအိမ်ရှိသည်၊ အဘအိမ်တော်မှာ အခန်းများစွာရှိသည်။ သေမင်းရဲ့ မြစ်ကို ကျော်ဖြတ်ချိန် . ငြိမ်သက်ခြင်းကို ဘုရားသခင်ရဲ့ သန့်ရှင်းသောဝိညာဉ်က ပေးပါသည်။ ဘာမှ စိုးရိမ်၊နာကြင်စရာ မလိုတော့ပါ။ ကျနော်တို့ရဲ့ သခင်ယေရှု ကိုယ်တိုင် သေပြီးမှ ပြန်လည်ထမြောက်ခြင်းကို လက်တွေ့ပြသခဲ့ပြီး ဖြစ်ပါသည်။
.
ကောင်းကင်ဘုံဘယ်မှာရှိပါသလဲ .
.မေးခွန်းကို ဖြေရရင်၊ သိထာထက် မသိတာက ပိုများပါသည်။ ကောင်းကင်ဘုံကို နိဗ္ပာန် (ပါရာဒိုက်စ်) လို့လဲ ခေါ်နိုင်ပါသည်။ ဘယ်ဘာသာမဆို နိဗ္ပာန် ရှိပါတယ်။ သံသရာဝဋ်၊ ဆင်းရဲဒုက္ခမှ လွတ်မြောက်ပြီး ကိလေသာ အားလုံးချုပ်ငြိမ်းသွားခြင်းကို နိဗ္ပာန်လို့ ခေါ်ပါသည်။ ဒါတွေမရှိရင် ပျင်းစရာကြီးပဲ ပြောသူများအတွက် နိဗ္ပာန်နဲ့ဆန့်ကျင်ဘက်နေရာကို သွားရမှာဖြစ်ပါသည်။ ဒါမှမဟုတ် သံသရာလည်ပြီး ဒီလောကကြီးထဲမှာ တဝဲဝဲတလည်လည် ဖြစ်နေမှာပါမည်။ ကျနော်တို့ကတော့ ကောင်းကင်ဘုံ လို့ခေါ်တဲ့ နိဗ္ပာန်ကို မျှော်လင့်ပါသည်။ လူတွေက နိဗ္ပာန်ဆိုတာ..လူ့ဥာဏ်နဲ့ အမျိုးမျိုး အဓိပ္ပါယ်ဖွင့်ကြပါသည်။ ဘယ်တော့မှ ပြည့်စုံမှာမဟုတ်ပါ။ ဒီလောကမှာ အပျော်ဆုံးအချိန်အခါကို စဉ်းစားကြည့်ပါ။ ကောင်းကင်ဘုံရောက်ရင် အဆပေါင်းများစွာ နှစ်သိမ့်ပျော်ရွှင်ဝမ်းမြောက်မှာတော့ သေချာပါသည်။ ကောင်းကင်ဘုံနဲ့ငရဲ မယုံသူများအတွက် ကန္တာရ၏သီချင်းသံ စာအုပ်ငယ်လေးက အဓိပ္ပါယ်မရှိပေသော်လည်း ကျနော်အတွက်တော့ အထူး အဓိပ္ပါယ်ရှိလှပါသည်။ ခရစ်တော်ကိုယ်တိုင် ကြွလာပြီး၊ ကျနော်တို့ကို ကျိန်ခြင်းမှ လွတ်ကင်းစေခဲ့ပါပြီ။ လက်ရှိကောင်းကင်နဲ့မြေကြီးသည် ရွေ့သွားမည်၊ ပျောက်ကွယ်သွားမည်၊ ပျက်စီးသွားမည်ဟုလည်း ကျမ်းစတွင်ရေးသားထားပါသည်။ ယေရှုဆလင်မြို့သစ် ဖြစ်သည်။ ကမ္ဘာသစ်ဖြစ်သည်။ ကောင်းကင်ဘုံသည် ကျနော်တို့၏ ထာဝရနေအိမ်ဖြစ်သည်။ ကျနော်တို့နာမည်များကိုလည်း ကောင်းကင်ဘုံစာရင်းတွင် ပြုစုထားပြီးဖြစ်သည်။ အိမ်ပြန်ခြင်း၊ ဖခင်ထံပြန်ခြင်းဖြစ်သည်။ ကောင်းကင်ဘုံတွင် ကောင်းမြတ်သောလုပ်စရာများစွာရှိပြီး၊ ပျင်းရိဖွယ်မဟုတ်ပါ။ လောကတွင် ကြဲခဲ့သောမျိုးစေများ၏ ထာဝရအသီးအပွင်ကို ကောင်းကင်ဘုံတွင် ဆွတ်ခူးကြပါမည်။၁၃  ကောင်းကင်နိုင်ငံတော်သည် ဒီလောကကြီးကို အထင်ကြီးသူများအတွက်မဟုတ်ပါ။ ကောင်းကင်ဘုံသည် ကျနော်တို့၏ ကောင်းမြတ်သော၊ ဘုရားကြိုက်နှစ်သက်သော စိတ်ကူးယဉ်အိမ်မက်အားလုံး ပြည့်စုံခြင်းသို့ ရောက်မည့်နေရာဖြစ်သည်။ ထို့ကြောင့် ကြိုက်သလောက် စိတ်ကူးယဉ်နိုင်ပါသည်။ နှစ်သစ်၊ လူသစ်၊ စိတ်သစ်ဖြင့် ကောင်းကင်နိုင်ငံတော်ကို ကြိုဆိုကြပါမည်။

စာရေးသူ ဒေါက်တာဖေမြတ်ဝင်း၏ ကန္တာရ၏သီချင်းသံ ကိုအကျဉ်းချုပ်ဖြစ်ပါသည်။
၁။ ဟေရှာ ၃၅း၁   ၂။ ယော ၇း၃၇   ၃။ မသဲ ၅း၁၄၊    ၄။ ဟေရှာ ၄၉း၅၊  ဆာ ၄၈း၁၄   ၅။ ဗျာဒိတ် ၂၁း၎   ၆။ ယေ၁၅း၁၃   ၇။ ၂ကော၅း၁၇   ၈။ ယေယမိ ၂၉း၁၃  ၉။ Philip Yaney, Where is God when it hurts   ၁၀။ ဆာ ၃၀း၅   ၁၁။ ၁သက်၎း၁၆၊ ရော ၁၂း၁   ၁၂။ ဆာလံ၂၃   ၁၃။ ဂလာတိ ၆း၇