ဟင်္နာခက်ရွက်စည်း (A Cluster of Camphire) - ဆရာစောစံအောင်

ငါချစ်ရာသခင်သည် အင်္ဂေဒိဥယျာဉ်မှ ဖြစ်သော ဟင်္နာ ခက်ရွက်စည်းကဲ့သို့ ဖြစ်ပါ၏။ (ရှောလမုန် သီချင်း ၁း၁၄)

ရှောလမုန်သီချင်း၌ ဖေါ်ပြပါရှိသော ဟင်္နာပန်းပင် Henna-flower မှ ရသောအရာသည် အလွန်လှပပြီး အမွှေး ရနံ့နှင့်ပြည့်စုံ၍ သူတပါးကို ဆွဲဆောင်နိုင်စွမ်းရှိသည်။ အရှေ့အလယ်ပိုင်း ပင်လယ်သေ၏ အနောက်မြောက်ပိုင်းရှိ အင်္ဂေဒိဥယျာဉ်၌ ဟင်္နာပန်းပင်ကို တွေ့ရှိနိုင်ပါသည်။ ထို ပန်းပင်မှရသောအရာသည် ဆံပင်များကို အရောင်ဆိုးရာ၌ ၎င်း၊ ကိုယ်ခန္ဓာကို အလှဆင်ခြယ်သရာ၌၎င်း အလွန် အသုံးဝင်လှ၏။ ဟင်္နာပန်းပွင့်သည် အဖြူရောင်ဖြစ်၍ ၎င်းအပင်သည် စပျစ်နွယ်ပင်တ၀ိုက်၌ ချုံတန်းစည်းရိုး သဖွယ် ကြီးပွါးရှင်သန်တတ်သည်။ ၎င်း၌ ပါရှိသော ဆူးပင် ကဲ့သို့သောအရွက်များက စပျစ်ပင်ကဲ့သို့သော  အဖိုးတန် ကောက်ပဲသီးနှံပင်များကို ဆာလောင် နေသောတိရစ္ဆာန်များ ၏ဖျက်ဆီးခြင်းရန်မှ ကာကွယ်ပေးသည်။

ရှောလမုန်သီချင်း၌ မိမိချစ်သူအတွက် ဟင်္နာပင်ကဲ့သို့ အကာအကွယ်ပေးကြောင်း၊ ချစ်နှစ်သက်မြတ်နိုးကြောင်း ဖေါ်ပြခိုင်းနှိုင်းထားပါသည်။ ခရစ်တော်ဘုရားသည်လည်း ကျွန်ုပ်တို့ကို ချစ်သည်။ ကျွန်ုပ်တို့ကို အကာအကွယ်ပေးပါသည်။ မိမိချစ်သောသူ(ချစ်သူရည်စား)အတွက် ဖေါ်ကျူး သောရှောလမုန်သီချင်းကို ထပ်မံတွေ့ရပါသည်။

ကြွလာတော်မူပါ။ ငါချစ်ရာသခင်။ ကြွလာတော်မူပါ၊ (ဟင်္နာ)တောအရပ်သို့ ထွက်သွား၍ ရွာတို့၌ ညဥ့်ကို လွန်စေ ကြကုန်အံ့၊၊ နံနက်စောစောထ၍ စပျစ်ဥယျာဉ်သို့ သွားကြ ကုန်အံ့၊၊ စပျစ်နွယ်ပင်၊ သန်သည် မသန်သည်ကို၎င်း၊ (ဟင်္နာ)အပွင့်များသည် မများသည်ကို၎င်း၊ သလဲပင် ပွင့် သည် မပွင့်သည်ကို၎င်း၊ ကြည့်ရှုကြကုန်အံ့၊၊ ထိုအရပ်၌ ကျွန်မ၏ မေတ္တာကို ကိုယ်တော်၌ ပေးအပ်ပါမည်။  အနု ဆေးပင်တို့သည် မွေးကြိုင်ကြပါ၏၊၊ ငါတို့တံခါးနားမှာ ချိုသောအသီး မျိုးအသစ် အဟောင်းတို့ကို ကိုယ်တော်ဘို့ ကျွန်မသိုထားပါပြီ၊ ငါချစ်ရာ သခင်၊၊ (ရှောလမုန်၊ ၇း၁၁-၁၃)

(ဟင်္နာ)တောအရပ်သို့(နံနက်)ထွက်သွား၍ Lodging among the henna shrubsဟူသောစကားရပ်ကို ကြည့်လျက် ဤသို့ဆင်ခြင်နိုင်ပါသည်(၄း၁၃)။ ဟင်္နာပန်းပင်သည် မမြင့်လှဘဲ ခြုံပင်ကဲ့သို့ထူထပ်လှသဖြင့် သမီးရည်စားနှစ်ဦး ချိန်းတွေ့ကာ ထိုင်စကားပြောရာတွင် သူတပါးမမြင်နိုင် အောင် ကာကွယ်ပေးသည်။ ချစ်သူနှစ်ဦးလွတ်လပ်စွာ ချစ် ရေးစကား ပြောနိုင်သည်။ (ညအချိန်ချိန်းတွေ့မှုမပြုသင့်ပါ)

ယေရှုခရစ်တော်ဘုရားသည် ကျွန်ုပ်တို့ကို ချစ်၍ အသက်စွန့်ခဲ့သူ၊ ကျွန်ုပ်တို့ကို ချစ်သောသူဖြစ်သည်။ ဟင်္နာ ခက်ရွက်စည်းသည် လှပပြီး မွေးကြိုင်၏။ တန်ဖိုးရှိ၏။ ကျွန်ုပ်တို့လောကလူသားများ တွေ့ကြုံရင်ဆိုင်နေရသည့် ဒုက္ခမုန်တိုင်း၊ သောကဝေဒနာများသည် နှစ်သက်စရာ ပန်းရနံ့မဟုတ်ဖြစ်ငြားလည်း ထိုသို့ရင်ဆိုင်ရနေစဉ် ကျွန်ုပ်တို့အား မျှော်လင့်ခြင်း၊ ငြိမ်သက်ခြင်းပေးပိုင်သော အရှင်ထံ ဦးလှည့်ရန် သွန်သင်ပေးကြောင်းမှတ်ယူပါ။ ဟင်္နာ ခက်ရွက်စည်းကဲ့သို့ တန်ဖိုးရှိသော ကယ်တင်ရှင် ခရစ်တော် ကို သင်သိပါသလော။ မသိမှတ်သေးပါက ယခုပင် ယေရှု ခရစ်တော်ကို သင့်၏ကယ်တင်ရှင်၊ အပြစ်လွတ်ပိုင်သော အရှင်အဖြစ် သိမှတ်ပါလေ။ ယေရှုဘုရားကို ရင်ဝယ်ပိုက်သူ အဖို့ စစ်မှန်သော ငြိမ်သက်ခြင်းကို ပိုင်ဆိုင်နိုင်ပြီ။ (ဟာလေလုယာ)